Ka Nupepa Kuokoa, Volume XXXII, Number 38, 23 Kepakemapa 1893 — Na Mai Lepera o Wainiha. [ARTICLE]

Na Mai Lepera o Wainiha.

Mamua ae o ka hora 6 o keia kakahiaka Poaha nei, ua pili uiai ma ka uwapo o Ainahou ka mokuahi Kimo Maki, mai kana huakai aku nei i Kapaa a me Hanalei, me na mai lepera he 11 ka nui, malalo o ke kaiko Mose o Hanalei. 0 keia na mai lepera i lohe mua ia mai, ua haawi pio lakou ma Wainiha i ka makai aupuni J. Kakina, a ua ae laelae e hele me ka hoohaunaeie ole i ke Panalaau kahi e malama punahele ia nei e ke aupuni i Kalaupapa. Ua haawi mai lakou iloko o na lima o ka maua hoomalu o Kakina ma ka po o ka la 15 o Sepatemaba nei, a ua lawe ia no ka hale hoopaa lawehala. Maloko oia hale, ua haawiia na pono ai e nuu ai lakou a lawa. A ua lohe ia o' ka makamua loa iho la ia o

na paina maona loa a ka opu i ike ai. 0 na kumu oko lakou haawi pio ana i ko makou lohe, no ko lakou louo ana, e lawe ia ana ke kaikamahine a Kakina i Kalaupapa, a o ka nui o lakou, he poe pili makamaka ia Kakina a he mau hoaloha oka noho ana. 0 kekahi lolie hoi, ua lawe palanehe liilii ia na mea eha ana mai īkaika e Kakina. Eia iho na inoa o na mai i hali ia mai nei: Hanalei (w) 16 makahiki; Pakekee (k) 18 mak; Naiwi (w) 12 mak; Kaale (w) 13 mak; Naauao (k) 19 mak; Kipi (w) 12 mak; Lizsie (w) 12 mak; Kamala (w) 29 mak; Milimili (k) 29 mak; Paakiki (k) 46 mak; a me Kalehua (k) 29 makahiki.