Ka Nupepa Kuokoa, Volume XXXII, Number 37, 16 September 1893 — Ua Hoole ka Bana Aole e Holo i Kikako. [ARTICLE]

Ua Hoole ka Bana Aole e Holo i Kikako.

I ke ahiahi Sabati nei, ua hakiwai pu na lala o ka Bana Lahui Hawaii me Mr. George C. Beckley, ma ka hale o Mr. R. W. Aylett ma Koleaka. Ma ia kuka aoa, ua hooholo lakou e hoole i ka poloai ana mai a ka Hui Cyclorama ia lakou e hele e puhi ohe ma Kikako. Ua mahalo makou i kela poe puhi ohe i ko lakou hoole ana, aohe o makou hoapono i na kumu apau i hoopuka ia no ka hoole aaa; aka, ma ko makou kaupaona ana, e aho no lakou e noho malie ma Hawaii nei me na wahme a me na keiki. He mamao loa kela wabi e hele malihini aku ai ; he poe ilihune lakou, aoie hoi i maopopo lea ka loaa ana o na dala e hooiako pono ia ai me mi kapa mehana a me na mea kupono e ae no na la anu loa e kokoke nei malaila. I ko lakou hoi hou ana mai ma ke aiahao ma Mauna Pohaku, e paa paha auanei i ka hau me ka piiikia loa ike anu. Aole pono i kekahi mea e hele ma ka huakai kaahele ma na aina auu 1 ke kau hooilo, ke ole e hoolako ia me na mea apan e pono ai. He maikai no ka manao o Kakina ma i ke kono ana mai i ka poe puhi ohe e hele ma Kikalo e ike i ua mea nani loa 0 keia wahi. He lehulehu kakou ka poe i ake nui e hele ilaila e ike, aole nae e hiki ke haalele i na ohana me ko lakou nele. Aole hoi i maopopo ko lakou lako no kela noho 1 malihini aua. E noho pu kakou ma Hawaii nei ma kahi pumehana, a na ka poe puhi ohe e hoolioli mai me ka lakou mau leo ohe hoonanea maanei—Kuohoa Puka La.