Ka Nupepa Kuokoa, Volume XXXII, Number 29, 22 July 1893 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO

Na: a Mahope aku o Iune 1, 1893.

 

NA KAA AHI

NO HONOLIULI

B B A D

A.M. P.M. P.M. P.M.

Haalele ia Honolulu    8:45 1:45 4:35 5:10

Haalele ia Manana       9:30 2:30 5:10 5:56

Hiki I Honouliuli        9:57 2:57 5:36 6:22

 

NO HONOLULU

C B B A

A.M. A.M. P.M. P.M.

Haalele is Honouliuli   6:21 10:43 3:43 5:42

Haalele ia Manana       6:55 11:15 4:15 6:10

Hiki I Honolulu           7:30 11:55 4:55 6:45

A no na Poaono wale no.

B No keia âme kela ia

C Koe na ia Sabati

 

NU HOU HAWAII

Ua iliki ia ae iloko o Kuapapanui ika auina la Sabati nei, he elima inaa pake puhi opiuma.

@ 302,000 ka nui o na kanaka i @makaikai ae i ka hoikeike nui o @Kikakoi i ka la 4 o Iulai iho nei.

E pai a humu buke ia aku ana na kanawai a ke Aupuni Kuikawa i holoholo ai a lilo i mau kanawai i keia wa.

Ka iho mai ke Kinau I ka Poalua @ mailuna mai o ke Alahuki Moku @ holo ana no Maui a me Hawaii i ka Poalima ae nei, hora 2 auina la.

Ua hookohu ia o Mr. A. W. Carter i Notari uo ka Lehulehu no ka mokupuni o Oahu nei, ma kahi @@@ Carter kona causini i waiho mai.

I ka la 17 o Iune, ma Niupaipai, Honolulu ua haua mai la he kaikamahine ohaha na ka wahine a Mr. Sylvester P. Kalama o ka hale  @.

O Crescent a me Hawaii na moho mokomoko o ke kahua kinipopo i keia Poaono. He paani maikai e apu ia aku nei e hookelakela mai ana laua.

Ua hoopau loa ia ka luna nana ma'i lepera mamuli o ke kauoha a ka Papa Ola, a e hoohui ia aku ana ia hana a pau maluna o ka luna @ o ka Papa Ola

Ke hoeueu ikaika mai nei kekahi poe @ ali'i e malama ia ma ke kahua heihei o Kapiolani Paka i ka la 2 @ o Sepatemaba, kekahi mau heihei lio a me kau.

Ua ninaninau ia ka hihia hoeha me ka mea make o D. Nawai i kana wahine ia Haili imua o ka aha @ i ka Poaha nei, a ua waiho ia aku la no ke kau kiure kaapuni.

A ka Poalua o keia pule aku, e hoi hou ae ai ka mokuahi Waila ma kona mau uwa kamaaina ma Kahului a me Hana, no ka mea, e hoi aku ana ke Kinau ma kona mau awa.

Ke kali nei ma Kalihi na lepera he umikumamaiwa mai Kalalau mai a me kekahi poe mai e ae, no ka nana pono ia o ko lakou kulana mai, e kekahi papa hoike o na kauka.

A ka Poalima iho nei o keia @ Iulai 21, e halulu mai ai ka mokuahi Warrimoo ma keia awa mai Victoria mai ma kona aia moana e kikihi loa ana no na Paualaau @ ka hema.

Ua hiu aku ka mokuahi Oceanic mai ka Hale Leta nui aku o Honolulu i ka Poalua nei no ka halihali ana no Kapalakiko a me na aina mamao, ia 3842 mau leta a me 2280 mau nupepa.

Ua pekapeka mai o Keawe o Kalihi ia makou i ka Poalua iho nei, ke hele iho la kahi wai o ke kahawai o Kalihi a uuku loa, a i kona @ e hele aku ana i ka puainawele @ e ku ai kauahaka.

Ua hoopaa ia ae i ka po Poakolu nei i Kuapapanui, ka pake nona ka inoa Ah Loy i hoohuoi ia a i makemake ia o ninaninau i kona wahi i hele ai i ka po i komo aihue ia ai ka hale noho o Mr. C. B. Wilson ma alanui Piikoi.

Ma ka auina la o ka Poalua nei, Iulai 18, ua waiho aku o J. A. Magoon imua o ka Aha e hoobanakarapa ia o Samuel Parker, no ka aie ia J. Hopp & Co., no na dala he $600.00 a me kekahi mau tausani dala e ae he lehulehu aohe waiwai i hoopaa ia.

Ma keia Poalua aka, Iulai 25, e @ poo puu mai ai ka mokuahi "Rio de Janeiro" ma keia awa, mai na awa malo na aina kahiko o Kina a me Iapana, a e holo koke aku ana no ia la no ke kulanakauhale nona ke awa i kapa ia ka inoa o ka "Ipuka Gula."

O ka nulo na dala maoli e waiho @ ma ka Waihona o ke Aupuni Kaikawa, ma ka la 19 o Iulai, 1893, penei no @ He $263,000 no ka aku ana i na pepa dala aupuni e @ hele ia nei e ka lehulehu; he $24,046.71 no ka waihona Papa Alanui; he $3,187.15 no ka waihona Papa Hoonaauao; he $72,790.91 dala loaa. Huina, he $49000 i uku ia ma na dala maoli no na pepa dala aupuni, a ke malama ia nei.

O kekahi o na kumuao o ke kula nai o Oahu, no elua mau makahiki aenei i hala ola o Prof. J, Q. Wood e haalele ana i ke ao kula a u hoi aku i ke ao kanawai ma ke kula nui o Havada i keia Sepatemaba ae. Ua kau aku ola ma ka Australia o keia Poakolu a hoi aku.

Ua ku mai i Honolulu ne kekahi mea kakau nupepa o Amerika @ ka inoa Geo. Van Hoaten o Lenox, Iowa. I hele mai nei oia e makaikai i keia paeaina a e kakau ma na mea ana i ike ai he kupono e loaa ai ka anoi ia o na nupepa eha a kona maamaalea i hoolimalima ia ai e hookauwa aku no ia mau nupepa.

I ka Poalua nei i malama ia ai ka hoike o ke Kula Enelani o Manoa, malalo o Misa Davison, imua o ka anaina ulumahiehie o na makua mea keiki a me na hoaloha. A ma ka hoike a kekahi makaikai kula o ia la, ua mahalo oia i ka eleu o na kumu i ka hookomo ana i ka ike, i kukai ia me ka aapo o na haumana.

Ua lilo ia Lee Chu pake o Honolulu nei ka hoolako ana i na paiai o ke panalaau o na ma'i lepera o Molokai no ke 49@ mau keneta o ke paiai hookahi, no ka manawa he elua mau makahiki. He 750 na paiai ka averiga o ka hebedoma hookahi. O ka nui o ka bona e hoopaa ia ai ka mea iaia ka aelike, he $1,000.

Ua loaa aku i kekahi mau kamalii hoehoe waapa uapo i ka Poakahi iho nei, e au ana i ka ilikai mamua iho o ka ihu o ka manuwa Adams, he wahi puaa uuku. Ua lalau ia iho ua puaa nei a hele ia aku e ninaninau ina paha no ka moku ua puaa nei, ua hoole ia mai, nolaila e kalua ia ana keia puaa loaa a e muka ia ana.

Ua hoouna aku ka Oihana Leta nui o Honolulu, ma ka mokuahi Australia o ka Poakolu nei, no na aina mamao, ia 2,910 mau leta a me 709 mau nupepa. O ka halihali leta uuku loa ana keia a ka Australia ma na huakai huli hoi mai keia awa aku. O ke kumu paha, no ka hiu e ana aku o ka mokuahi Oceanic i ka la mamua iho.

Ke haawi nei ka Ilamuku he he $1,000 makana i ka mea a mau mea paha nana e hopu a paa o Koolau, ka mai lepera nana i kipu a make ka hope makai nui o Waimea ma ka la 27 o Iune i hala. Ua puka mai nei na hoolaha o keia haawi makana ana a ka Ilamuku, a me he mea la e loaa io ana ma keia alanui me ka maalahi.

Ua hiki ae kekahi wahine pake imua o ka Hope Ilamuku e hoohalahala ai, i kela la aku nei, no ka hao ia ana mai kona hale aku, o ka $120 a me kekahi mau waiwai hoowehiwehi pilikino, i ka wa a na pake kiu e huli ana. Ma ka ninaninau ia ana e ka Hope Ilamuku, ike iho ia oia he mau olelo pekapeka wale no ka keia wahine e maopopo ole ai ka mea oiaio.

O ka nui o na make o Honolulu nei no ka malama o Iune i hala, oia he 43 Hawaii, 10 pake, 5 Pukiki, 4 Iapana, 3 Beritania, 1 Amerika a me 2 o na lahui e ae. Huina he 68, oia hoi he 48 kane a he 20 wahine. Mailoko mai o kea heluna, he 14 i make me ka lapaau ole ia; he 15 kamalii make malalo o ka makahiki hookahi; he 21 hoi make no keia ma'i "la garipa" e laulaha nei.

I ke kakahiak nui o ka Poalua iho nei, ua komo loa mai ka mokuahi eha kia "Oceanic" iloko nei o ke awa a pili ma ka uwapo loihi ma AInahou, mai Honokaona a me Iokahama mai, he 11@ mau la holo mai ke awa hope mai. Ua hoohikihiki mai oia no keia awa, ia 7 mau ohua kapena, 3 Iapana, 119 pake a me 1785 mau puolo ukana no keia awa. Ua haalele mai oia i ka hora 5 ahiahi a mahope iho o ia la no a holo loa aku no Kapalakiko kona pahu hopu.

Ua kaapuni ia maluna o na kaa hehihehi wawae ma ke alanui pali aku o Nuuanu a huli hoi mai ma Waialua, e na keiki maamaalea ma ka holo kaa hehihehi wawae A. L. C. Atkinson a me T. P. Cummins. Ua haalele laua ia Honolulu nei i ka hora 4 kakahiaka nui Sabati nei, Iulai 16, a ua hoohiki hou i ke kulanakauhale nei, i ka hora 4:58 ahiahi. Ua holo ia e laua a puni keia loa, iloko o na hora he 12 a me 58 mau minute, ke helu pu ia me na hoomaha ana.

He hakaka kuikui puupuu lima kai malama malu loa ia ma kekahi wahi ma Waikiki i ka hora 9:30 o ka po Poalua nei, mawaena o kekahi mau haole o Barrowich a me Cunningham, no ka uku makana he $100. Ua olelo ia ua maewaewa nae paha i eha kukonukonu loa aku, oia ka mea nona ka inoa mua, no ka mea aole i ala hou mai oia i ka wa i kahea ia ai e ku hou mai mahope o kona wa i hina ai i ke ku ana i ka puupuu.

Ua hana aelike iho nei o Mr. T. H. Hobron, ma kona ano agena no ka Hui Hoikeike kii o ka lua o Pele o Kilauea e hoikeike ia la ma Kikako, me kekahi mau keiki Hawaii eha, no lakou na inoa East Kahulu, John Edwards, John M. Bright a me Ben Jones, e holo lakou i poe mele hoolealea no ka Hui maluna ae i Kikako, no ka uku he $50 pakahi o ka malama a no ka manawa he ekolu malama. O na lilo o ka holo ana aku a me ka hoi ana mai, na ka Hui ia mau uku. O na lilo ai a me hale noho, na lakou ia e uku mailoko ae o ko lakou uku malama. Ma ka Australia o ka Poakolu nei, ua pau aku lakou i ka holo no Kikako.

Ma ka mokuahi Australia o keia Poakolu i kau aku ai na keikikane a ka Lunakanawai Kiekie Judd ke aupuni, no ka hele ana e hoo mahuahua hou aku i ko @ @ @ ana ma na kula kiekie o Amerika @. O ko laua mau @ o A. F. Judd Jr. a me James Judd. @ @ o ko laua komo ana i ka hale hoonui ike, e makaikai e ana laua i ka hoikeike @ ma Kikako.

O kela kii iwi kanaka hoohenehene i kau ia ai ma ka puka pa o Mr. C. Spreckles ma kona pa noho makai iho o Punahou i kekahi mau po aku nei i hala, e kekahi kolohe nana nui wale, i haawai ia i ka oihana hoomalu no ka huli ana aku i ka mea nana i hana, ua kii hou ia ae i ka Poalua nei ma ke kauoha a Mr. Spreckles a ua hoihoi ia aku iaia. Aole i loaa iki he moali e hopu ia ai ke kolohe.

Ua hoihoi aku ka Luna Nui o ka Oihana Kinai Ahi o Honolulu nei, Mr. Frank Hustace, i kona hookohu me ka manao e waiho ma ka la hope o Iulai nei. O ke kumu, oia no ka hoopilikia ia o kana oihana ponoi iho e lawelawe nei, a e pono ai iaia ke hoopaupau loa i kona manawa ma ia hana wale no. Ua hooikaika oia i ke kukulu ana i ka oihana ma ke ano hou e ku nei a ua ku hoi ka hana me ka holopono.

He ekolu mau aha puhi ohe a ka Puali o ke Aupuni Kuikawa i haawi manawalea ai no ka pomaikai o ka lehulehu i ka Poalua aku nei, oia hoi, i ke kakahiaka ma ke Kuea o ka Hale Mana Hooko; ma ke ahiahi hora 5 ma ka uwapo mokuahi o Ainahou, mamua o ka niau ana aku o ka mokuahi Oceanic; ma ka hora 7:30 ma ke kuea o ka Hotel Hawaii no ka pomaikai o na ohua e holo ana ma ka mokuahi o ka Poakolu nei.

Mahope iho o ka hora 12 awakea o ka Poakolu aku nei, ua haalele mai ka mokuahi Australia i kona uapo e pili mau ai, a huli hoi aku ia no Kapalakiko, me ka hului pu aku ia 66 mau ohua kapeua, 12 mau ohua oneki, 11,733 mau eke kopaa, 4,630 mau ahui maia, 11,733 mau ili pipi, 670 mau ili kao, 1,933 mau pahu halakahiki a me 850 mau puolo huikau. O ke kumukuai o na waiwai Hawaii i koho ia, he $59,394.

Eia ke hoolala nei o Mr. W. B. Ash a me kekahi poe e ae e haawi i anaina mele maloko o ka Hale Mele Hou, a o na pomaikai e loaa mai ana e haawi ia aku no ia no ka wahine kanemake a ka Hope Makai Nui Lui H. Stolz o Waimea i make ma Kalalau, iloko o ka manawa a kela luna aupuni e hooko ana i ka laahia o ke kanawai a me ka maluhia. O ka po Poaono nei ka manawa e uniki ia ai keia aha mele hana aloha. E hele nui ae.

Ua loaa aku i ke kakahiaka Poakahi nei ma Waialae, e lawelawe ana kekahi pake hana o Mr. Paul Isenberg iloko o kona hale moe, ua hikiikii i kona puana-i me ke kaula a kaawe ai iaia iho. Ua hoouna ia mai ka lohe i Honolulu nei, a ua hoounala aku na makai i ke kahua o ka poino. Ua noho ke koronelo e nienie i ke kumu o kona make, a ua hooholo nana iho no i naauauwa i kona ola. Ua koho wale ia aku, malia paha ua pili waiwai a ua pau na dala i ka lilo.

Ke makemake nei o Mr. Albert Favorite o Arkansas City, Kan., e haawi aku i ka pomaikai i ko makou poe makamaka heluhelu i kona ike i na mea e pili ana i na ma'i anu. Penei kana olelo: "Ma ke kau kupulau i hala iho nei, ua loaa iho la au i ka ma'i ma kuu ake mama; a aohe hoi i ano ola pono ae, ua loaa hou ihola au ia ano ma'i hookahi me ka hoonawaliwali ana ia'u a hala wale ke kau makalii, a i ka haalele ana mai o ke anu, he kunu paakiki ka mea nana e hoomailo ana ia'u a'u hoi i manao iho ai aole loa la au e ola iki ana. He umikumamaha makahiki i hala ae nei, ua hoao no au i ka laau kunu a Chamberlain me ka holopono, nolaila, ua manao iho la au e hoao hou. Aole i pau he hookahi omole, ua haalele koke mai la ke kunu ia'u, a aole loa hoi  au i hoopilikia hou ia mai e ke kunu me ke anu. Ua hooia aku au i kahi poe, a ke mahalo nui nei lakou." He 50 keneta o ka omole e kuai ia ma kahi o BENSON SMITH &Co., Agena ma na Pae Aina Hawaii. 2435--@

 

MAKAI NUI O KAUAI

Mamuli o ka hoi ana mai nei o Mr. Samuel W. Wilcox. Makai nui o Kauai mamua i waiho iho mai kana huakai makaikai aku nei i ka Ripubalika nui o Amerika Huipuia, a ma kona makaukau a eleu ma ka oihana, nolaila ua lohe ia mai, ua hookohu hou ia oia i Makai nui no Kauai. ma kahi o G. N. Wilcox i waiho mai.

 

Hoka Loa.

Mamua ae o ka holo ana o ka mokuahi Australia, ua haiolelo mai o Spreckels i na kanaka ma ka uapo, a na Ailuene Buki i unuhi mai. Pau ka haiolelo, wiliwili ae ia o Buki i kona papale a "hipa, hipa, huro" pakolu. Hooho hoopuukahua mai la na leo o ka poe ma ka uapo. Ia manawai aia o Hosmer, ka Peresidena o ke Kula nui o Punahou ma ka oneki maluna. Kahea mai la o Hosmer, "I ekolu huro no ke Aupuni Kuikawa." O ke kani mai la no ia me ke eleu a me ka hoihoi o ekolu leo huro ikaika. Hilahila loa ka poe anee alii.

 

He Koa Maoli ka Pualikoa Aupuni.

Ua hele imua na koa ma Kalalau. me ka wiwo ole ma na hana i kauohaia aole i hoole, aole hoi i emi hope. Malaila. Ua maopopo lea he koa maoli ke ano o lakou, he poe makau ole i ka make. Ua olelo o Lutanela Kini. i ka wa i ninau ia aku ai owai ka poeae e hele i kekahi hana e poino ai paha ke ola ua pau lakou i ka makemake a peia mau no. He nui ko lakou luhi a me ka inea i kela mau la ma Kalalau aohe nae he ohumu. aohe manaka.

He mea keia e koo nui ai i ka manaolana o ka poe a pau i makemake i ke Aupuni Kuikawa. He mea hoi e pau ai na olelo hoowahawaha a ka poe anee alii e mea ana, he poe kuewa wale na koa, aole hiki ke kaua. Ua hoike lea mai lakou i ko lakou ano kanaka makua ma Kalalau. Ua hele imua no ka make i ka hana. Ekolu no mea i make me ka wiw ole, a ua hoolewa ia ko lakou mau kino kupapau me ka hanohano i ka la Sabati nei.

 

Ua Hoi o Sprekles

Ua hoi aku nei ka ona mili ona Claus Spreckles, mai ke one aku o Hawaii, a i kona home ma Kapalakiko maluna o kona mokuahi Australia i ka la 19 o Iulai nei. Iaia maanei he nui loa kona hooikaika ana e hoololi i na hana aupuni a me ke kue i ka hoohui aina. Aka, ua haule loa kana mau mea a pau i imi ai e kulai. Ua hoi aku oia me ke auhee a ua hoka loa.

Akahi:-Ua hooikaika mua o Spreckles a alakai i na Ona Mahiko e kue i ka hoohuiaina, a e kokua pu e kukulu i Aupuni Ripubalika Kuokoa ma Hawaii nei. Oia no kana mea i hooikaika ai i ka malama holookoa o Mei i hala. Ua ao aku oia i na ona mahiko penei: "Ea, ina e hoohui me Amerika, alaila, e kapu ana ka hoopae limahana, a e nele ana kakou i na paahana ole a hiki ole ke mahiko. Nolaila i Ripubalika Kuokoa ko kakou e pono ai, no ka mea, ke ike nei kakou apau, he mea hiki ole loa ka hoihoi mai i ke aupuni moi. ua hele ia mea a maopopo, a ina he Aupuni Ripubalika Kuokoa, alaila, e piha mai ka aina i na limahana, a e holo loa ko kakou hana mahiko. Na lakou no hoi e hookele i ua Ripubalika la, no ka mea ua ike au i na hana maalea e pau mai ai ka mana ia kakou. he naaupo wale na Hawaii."

Ua lohe maopopo na haole koikoi i keia ano olelo mai ka waha mai o Spreckels ia manawa. Aohe ona aloha iki i na kanaka Hawaii maoli, he hoohenehene ia lakou. Aka, aohe hoolohe mai o ka poe ona mahiko iaia. Ua pane aku lakou ia Spreckels penei: "Ae, he oiaio no ina e hoohui, alaila, aole e akea loa ana ka puka e hookomo nui mai ai i ka poe limahana e like me ko keia wa aka, aole e kapu ana ka hele wale mai o na paahana Iapana ma Hawaii nei ma ko lakou manao iho, a na lakou iho ka uku moku. ua ike lakou i ka uku kiekie o ka hana maanei. aole e nele ana i ka hele nui mai e imi hana.

"Eia no hoi, o ua Ripubalika Kuokoa la, aole e ikaika ana, aohe e onipaa. E noho hopohopo mau ana o hookahuli ia ke aupuni e na mokukakaua kuloko, aole hoi e nele ana i na pilikia kuwaho, ma ka hookae mai o na aupuni e. Aohe maluhia, aole hoi e hilinai ia mai ke aupuni kuokoa o ia ano. e hiki ai ke kuai makepono i na bona aie me ka ukupanee haahaa, aia wale no malalo o ka malu o Amerika e maluhia ai, a e onipaa ai ke aupuni. Malaila wale no makou e nana aku ai, a oia ko makou pahu hopu e kikoo aku ai, o ka hoohui aina me Amerika Huipuia."

Pela na ona mahiko i hoole aku ai i ko Spreckels ao ana mai ia lakou. Aohe lakou i hoolohe iki aku iaia. Ua kakoo lokahi mai lakou i ke aupuni Kuikawa, a malaila lakou e hoomau nei. O kona hokaloa no ia.

Alua!-Aia ike o Spreckels, ua hoka kana hana me ka poe ona mahiko, o kona huli ae la no ia a hui me ka poe anee alii. e kokua ia lakou ma ka hoihoi ana i ka Moiwahine i pau. a olelo aku ia lakou: "Ea, owau no ka mea aloha nui i na Hawaii, no ka mea ua hana ino loa mai na haole ia oukou. Owau no ko oukou makamaka oiaio; na'u no e kokua ia oukou e hookahuli i keia aupuni lapuwale Kuikawa, a e hoihoi mai kakou ia Liliuokalani i ka noho alii a e noho kuokoa ke aupuni Hawaii. aole e hoohui me Amerika. @ no hoi e kokua aku i ke aupuni Moi me kuu mau miliona dala a na ka Moiwahine e kokua mai @ i kekahi mau pono nui."

O ka pii no ia o ka manaolana o ka poe anee alii. no ka mea ua loaa ka lakou mea nana e kokua mai. He nui ko lakou hauoli. Hoomakaukau iho la lakou i ke kiaua pauda e hoopahu ai ke aupuni Kuikawa, a helelei liilii. Aka, ia manawa ua hoihoi ia na keena oihana iloko o Iolani hale, a lilo ia wahi i pukaua. Hopu ia no hoi kekahi o ka poe ohumu, a kau ka weli maluna o ia poe a pau.

O ka hoka hou ae la no ia o Spreckles. Ike aku ia i ke Aupuni Kuikawa ana i kue ai ua lilo i aupuni ikaika loa, a me ke oni paa. Nolaila, o kona haalele no ia ia Hawaii nei. a ke hele nei ia i Wasinetona malaila e pekapeka aku ai ia Kalivalana a me ka pe Senate e hoole i ka hoohui aina.

Aole nae ko Wasinetona poe hanohano e hoolohe aua ia Spreckles no ke kumu ua maopopo loa ia lakou, aia no kona hana a pau mamulu o ka Hui Kopaa @, "Sugar Trust," he hui kela i manao ino loa ia e ka poe Amerika. Nolaila, e hoohoka hou ia ana ua Spreckles nei ma Wasinetona. E aho no iaia e haalele i kona kue mau i na hana e pono ai ka lehulehu, a e hoolilo i kona mau miliona dala e kokua i kekahi mau hana hoopomaikai i ka lehulehu.

 

Hoike Kula ma Honokaa

Ua hoouna mai kekahi makamaka o ke KUOKOA e noho ana ma na paia o Hamakua, i ka papa kuhikuhi hana i pai ia o ka hoike makahiki o ke kula olelo Beritania o Honokaa, malalo o Mr. Armstrong Smith kumuluna a me kona mau koku o Mr. a me Mrs. E. W. Estep a me Miss Bessie Rickard, e malama ia ana ma ka Poalua, Iulai 18, e hoomaka ana mai ka hora 9 kakahiaka aku, a i kakau - pai ia ka olelo hoolaha hoike ma na olelo like ole elima, oia hoi ka Beritania, Hawaii, Pukiki, Faranu a me Geremania. He mau himeni, mau haiolelo paanaau, mau haiolelo kike, mau paikau lole hawele ai, peahi a me pahikaua, taburo, a pela aku. O ka nui o na haumana o keia kula, he 150, a penei ko lakou mau lahui like ole, he 27 Hawaii, 14 keikikane, 13 kaikamahine; he 95 Pukiki, he 50 keikikane a 45 kaikamahine; 16 hapa Hawaii, 5 keikikane a he 11 kaikamahine; 2 keikikane Amerika; 1 kaikamahine Beritania; 2 keikikane Geremania; hookahi kaikamahine Farani; he 4 Iapana, 1 keikikane a me 3 kaikamahine; 2 kaikamahine pake.

 

Hoolaha Hou.

Kuai Kudala a ka Hope Ilamuku e Koolauloa, Oahu.

MA KA Mana o kekahi Palapala Hoomalu Waiwai mai ka Aha Apana o Koolauloa, Oahu, ma ka la 5 o Iulai, 1893, e kue ana ia Keikiole k., o Laiemaloo, ka mea hoopiiia no ka pono o Ges. Polapola k., o @, ka mea hoopii no ka huina dala he ($10). Ua hoomalu au a e waiho aku ana ma ke kuai kudala akea, ma ka hora 12 awakea o ka la 5 o Augate, 1893, Poaono, ma ka puka o ka Hale Hookolokolo ma ka pa ma Hauula, Koolauloa, Oahu. E lilo no i ka mea koho kiekie ma na pono a me na kuleana a pau o Keikiole k., ka mea i hoopiiia, maloko o na waiwai i hoikeia malalo iho nei. Ke ole e uku e ia mai mamua ka huina dala i oleloia, na uku Komisina, ua @ o ka Aha a me ko'u mau lilo a pau no ka ohi ana, hoomalu ana, malama ana.

Eia na waiwai i hoomalu ia a e kuai ia aku ana:

1 Bipi w kumulau ulaula opu kalakoai kuni ia i ka hao 2A, 1 Bipi w opu kalakoa i kuni ia i ka hao2A, 1 Bipi w keiki kua eleele opu kalakoa hao kuni 2A, 2 lio w ulaula hao kuni 2A, 1 lio k hulu iola hao kuni 2A, 1 kekake w me ke keiki k hao kuni2A, 1 kaa lio huila ha me na lako ili, 1 noho paniolo.

HEZ. KAUAIHILO.

Hope Ilamuku o Koolauloa, Oahu.

Kapaka, Iulai 15, 1893.           @

 

Hoolaha Hooko o ka Moraki a me ke Kuai.

O KA Poe no lakou na inoa malalo iho, H. Hackfeld & Co., ka poe e paa nei i kekahi moraki, mai e Ahona o Kohala Akau, Mokupuni o Hawaii, i hanaia i Ianuari 24, 1893, kope ia ma ke Keena Kakau Kope Buke 138 a ma na aoao 468 a me 469, ke hoolahaia aku nei ka lohe ke makemake nei lakou e hooko aku i ua moraki la no ka uhai ia o ka aelike, oia ka hookaa ole ia o ka ukupanee, a e kuai ia aku ana ma ke kudala akea maka hale kudala o James F. Morgan ma Honolulu ke hiku aku i ka Poakahi, Iulai 31, 1893, hora 12 awakea.

O ka waiwai i paa maloko o ua moraki ia, oia ka hoolimalima mai ia Kimo pake mai o Kohala i ua Ahuna la, o ke kahua halekuai ma Kohala Hawaii, he 100 kapuai ma ke Alanui Aupuni, a me 66 kapuai ka hohonu, ma ka uku hoolimalima he $100 o ka makahiki. Ua hana ia ka hoolimalima ma Iulai 22, 1891, no ka 10 mau makahiki, me ka pono e hooloihi hoa aku i 5 makahiki.

Kuike ke dala. Na uku hana palapala aia i ka mea e lilo ai.

Ua hiki no ke lawe i na hale i ka wa e pau ai ka manawa hoolimalima.

H. HACKFELD & CO.

James F. Morgan

Luna Kudala.

Honolulu Iulai 12, 1893.         @

 

HOOLAHA HOOHUI.

UA HOOHUI ae nei o Charles L. Carter a me Alfred W. Carter ia laua ma ka hui no ka lawelawe ana i ka oihana kanawai.

Honolulu, Iulai 3, @.              @

 

Olelo Hoolaha.

MAMULI o ka lilo ana mai iau ma ke kuai o keia apana aina e waiho la ma Kailua, Mokupuni o Hawaii, i hoopuka ia ma ka inoa o Maka (k). Kuleana Helu @ mai a George Kauhane kana moopuna ponoi e ola ana, a me kela apana aina oia wahi hookahi no i hoopuka ia ma ka inoa o Namimi (k). Kuleana Helu 10,404 i lilo mai iau ma ke kuai mai a Keolopapa kana kaikamahine ponoi e oia nei, a me Kahaleluhi, kana kane. Nolaila ke papa a hookapu loa aku nei au ia D Alawa, i luna nana e malama i keia mau aina.

F A KELIINOHOPONO.

Honolulu, Iune @, 1893.        @

 

HOOLAHA

I kaPoe Hele i ke Kiowai o Waiakeakua, Manoa.

O NA POE a pau e makemake ana e hele i ke Kiowai o Waiakeakua, ma Manoa, ke hoolahaia aku nei e pono e loaa mua ia lakou ka ae ia mai ka mea nona ka moe malalo iho nei, a o na mea a pau e komo hewa ana ma ia wahi me ka @ ole ia e hoopiiia no ma ke Kanawai.

JAMES H. BOYD.

Ma ke @ Aina, Hale Aha Hookolokolo.

Honolulu, Iune 17, 1893.        @

 

 

Hoolaha Hou.

EGAN ME GUNN.

ALANUI PAPU.        HONOLULU.

E HOOMAKA ANA KE KUAI NUI HOOPAKIKA MAI KA POAKHI AKU IUNE 26, 1893.

Na KALAKOA maikai ioa no ka @ iwilai @ Na KEOKEO @ he 50 a 70 keneta o ka apa KUKAENALO 14 iwilei no ka $1.00.  KUKAENALO 15 iwilei no ka $1.00 HULUHULU @ ma ka 10 @@ keneta o ka iwilei.

Na LHILIHI Paie Puka @ he $1.25 $1.50 a $2.00 o ka paa hookahi.

Na KAKINI wahine eleele paa ma ka 25 keneta o ka paa hookahi.

Na KAKINI kamalii eleele paa ma ka 25 keneta o ka paa.

Na PALEMAI @ ma ka 25 keneta pakahi.

Na KAMAA paa maikai ma ka $2.50 a $3.00 o ka paa.

Na PALULE KEOKEO maikai ma ke @ a @ keneta pakahi.

 

AHA Hookolokolo Kaapuni Apana Ekahi o ko Hawaii Pae Aina. Ma ka hooponopono waiwai. Ma ka hana o ka waiwai o ANRELIO FORIES EAMOS, o Ewa, Mokupuni o Oahu, i make.

Ma ka heluhelu a me ka waihola ana mai o ka Palapala @ a me ka Papa Hoike a C. L. Brito Lainahooponopono o ka waiwai i olelola e hoi ana e ae la aku ka huina o na hoolilo he @@ a o na mea i loaa mai iaia he @ a e hoi ana e nanan a aponoia kela mau mea, a e kauohana, e @ aku na waiwai a pau e waiho ana ma kona lima i ka poe i kuleana @, a e hookuu loa ana iaia a me kona mau hope mai kona noho lunahooponopono ana ma la ano. A ua ike ka Aha, o ka la i @ ma ke "Sentinella" o noho ai e hoolohe, aole ia i like me ka la a ka Aha i kauoha ai mamua.

Nolaila, ke kauohala nei o ka Poakahi, Augale @@ ma ka hora 10 a.m. ma ke Keena, ma ka Hale Hookolokolo ma @ Hale, Honolulu, oia kahi a me ka manawa i kohola no ka hoolohe ana i ua noi ia a me ka papa hoike i olelola, a malaila no hoi e hele mai ai na poe a pau i pili e hoike mai i ke kumu, ina he kumu io ka lakou e ae ole ia ai ua noi ia, a malaila uo hoi e hoike mai ai ka poe a pau i kuleana i ka waiwai i olelola. A e hoolanala keina kauoha ma na olelo Hawaii a me Pukiki iloko o ke "Kuokoa me ko Hawaii Pae Aina i huiia" a me ke "Sentinella," he mau nupepa i palia a hoolahaia ma Honolulu, no ekole hebedoma, o ka hoopuka hope loa ana aole ia e emi iho malalo o elua hebedoma mamua ae o ka manawa i kohola no ka hoolohe ana.

Hanaia ma Honolulu, i keia la 14 o Iulai, 1893

W. AUSTIN WHITING.

Lanakanawai o ka Aha Hookolokolo Kaapuni Apana Ekahi.

Ikoa:

HENRY SMITH.

Kakauolelo Aha Hookolokolo Kaapuni Apana Ekahi.           @

 

AHA HOOKOLOKOLO Kaapuni Apana Ekahi o ko Hawaii Pae Aina. Ma ka hooponopono Waiwai. Ma ka waiwai o D. Hanley o Ewa, Oahu i make.

O kekahi palapala i oieloia oia ke kauoha hope loa a D. Hanley i make, ua waihoia mai ma ka la 10 o Iulai, 1893, a me ka palapala noi pu e noi ana e hooponoponoia, a e hoopuka ia ka palapala lunahooponopono waiwai ia Charles L. Carter, i waihola mai e ia.

Ke kauohaia nei, o ka Poakahi, la 14 o Augate A D @ ma ka hora 10 a.m. o ia ia ma ke Keena Hookolokolo o ua Aha ia ma Honolulu, iloko o Aliiolani Hale, oia ka manawa a me kahi e hooiaoia ai ua palapala kauoha ia, a ma ia manawa e hele mai ai ka poe i kuleana a e kue i ua palapala kauoha la, a me ka hoopuka ia ana o ka palapala lunahooponopono waiwai.

Hanaia ma Honolulu, K. H. P. A. Iulai 10, 1893.

Na ka Aha:

GEO. LUCAS.

@        Hope Kakauolelo.

 

AHA HOOKOLOKOLO Kaapuni Apana Ekahi. Ma ka hooponopono waiwai. Ma ka hana o ka waiwai o L. N. Kauai o Honolulu, Oahu, i make kauoha ole.

Ma ka heluhelu a me ka waiho ana mai o ka palapala noi a Sam. P. Aholo a me ka poe e ae i aie aku ai o Honolulu e hoike ana o L. N. Kauai o Honolulu, Oahu, ua make kauoha ole ma Honolulu i ka la 20 o Augate, A. D. 1892, a e hooponopono waiwai ia Alfred W. Carter.

Ke kauohaia nei o ka poalima ka la 11 o Augate, A. D. 1893, oia ka manawa i kohoia no ka hoolohe ana i ua noi la ma ke Keena Hookolokolo ma Honolulu, a ma ia manawa a ma ia wahi e hele mai ai na mea a pau i pili e hoike mai i ke kumu, ina he kumu io ko lakou e ae ole ia ai ua noi la.

Kakeuia ma Honolulu, K. H. P. A. Iulai 13, 1893.

Na ka Aha:

GEO. LUCAS.

@        Hope Kakauolelo.

 

Hoolaha a ka Luna Auhau.

KE HOOLAHA aku nei ka mea nona ka inoa malalo iho i ka poe hookaa auhau o ka Apana o Wailuku, Mokupuni o Maui, e hiki ana oia ma

Waihee, Poakahi Iulai 10, ma ka halekuai o Ahona.

Waiehu, Poalua, Iulai 11, ma ka halekuai o ka Pake.

Kahului, Poakolu, Iulai 12, ma ka Hale Dute.

Waikapu, Poaha, Iulai 13, ma ka halekuai o Ah Loy.

Honuala, Makena, Poakahi, Iulai 17, a me Poalua, Iulai 18.

Ma na la e ae ma ke Keena o ka Luna Auhau ma Wailuku, mai ka hora 9 a.m. ahiki i ka 4 p.m.m, no ka ohi ana mai i na pepa helu waiwai a me na Auhau Pilikino.

O na pepa helu waiwai a pau e hana ia imua o ka mea nona ka inoa malalo iho aole mahope aku o ka la 31 o Iulai, 1893, a i ole ia aole hoopii e ae ia.

O na auhau pilikino a pau i hookaa ole ia mahope aku o ka la 30 o Sepatemaba, e kau ia ka 10 pa-keneta pakui.

O na pepa paihakahaka e helu ia ai ka waiwai, e loaa no i kela a me keia la oloko o ka malama o Iulai, ke kii ia ma ke keena o ka mea nona ka inoa malalo iho.

WM. T ROBINSON.

Hope Lunahelu a me Lunaauhau o ka Apana o Wailuku, Maui.

Wailuku, Maui, Iune 24, 1893.           @

 

Hoolaha Hooko o ka Moraki a me ke Kuai.

KE HOOLAHA ia aku nei ka lohe i na mea a pau, i kulike ai me ka mana o ke kuai i hookomoia iloko o kekahi moraki i hanaia ma ka la 20 o Augate, A. D. 1891, e J. W Pii a me D. P. Kauhikoa ia H. Dimond, kopeia ma ke Keena Kakau Kope o ke aupuni ma Honolulu, Buke 132 a ma na aoao 302, 303, a me 304, a no ka uhakiia o ka aelike ma ua moraki ia, oia ka hookaa ole ia o ka ukupane i ka wa e hookaa ai, ke manao nei ka mea a paa nei i ua moraki ia e hooko aku.

Ke hoolaha hou ia aku nei ka lohe, o na aina a me na waiwai i kuhikuhiia iloko o ua moraki ia, e kuai ia aku ana ma ke kudala akea ma ka hale kudala o James F. Morgan ma ka Poaono, Augate 12, A. D. 1893, hora 12 awakea.

O na waiwai e kuai ia aku ana, penei i kuhikuhi ia ai maloko o ua moraki ia:

1. O kela aina a pau e waiho ia ma Kaneohe, Koolaupoko, Oahu, i haawiia no Hookii, Palapala Siia Nui Helu 1402 (Kuleana helu 8082) o ua aina la ua hoolilo ia mai ma ke kuai ia Mrs. Paahao Pii e Keola (w) a me Kahakai (k) kana kane, ua hooilina ma ke kanawai o Hookii, ma ka palapala i kakauia i Mei 28, A. D. 1879, kopeia ma ka Buke 58 aoao 287 a me 288, a nona ka ili he @ mau eka, oi aku a emi mai paha.

2. O keia mau aina a pau i haawiia no Naili Palapala Siia Nui Helu 1403, Kuleana Helu 10483, nona ka ili he 1 52 100 eka, oi aku a emi mai paha, a o ua aina ia ua hoolilo ia mai ma ke kuai ia Mrs. Paahao Pii ma Aperila 24, 1879, e Ainoa (k), kopeia ma ka Buke 59 ma na aoao 353, a me 354, a o ua aina hookahi ia kai lilo mai i ua Ainoa (k) ia mai a @ mai ma ka palapala kuai i kakau ia i Feberuari 3, 1879, a i kopeia ma ka Buke 59 aoao 146.

3. O keia mau aina a pau e waiho la ma Kalapaa, Kaneohe, Koolaupoko, Oahu, Kuleana Helu 8336, nona ka ili he 2 37 100 mau eka oi, aku a emi mai paha a ua kuhikuhi pono ia na palena maloko o laila. Ua hooliloia mai kela aina ia Mrs. Paahao Pii ma ka Palapala i kakau ia i Novemaba 6, 1878, a i kopeia ma ka Buke 56 aoao 393.

4. O kela aina a pau i haawila no Haupu i make, Kuleana Helu 8053 Palapala Siia Nui Helu @ a oia aina hookahi kai hooliloia mai ia Mrs. Paahao Pii ma ka palapala i hanaia e Alana (pake) a me Nakioi elua i Augate 13, 1877, kopeia ma ka Buke 51 ma na aoao 270 a me 271, o ua aina ia ua lilo mai la Alana (pake) e Nakipielua, Naili (w) a me Naili (k) na hooiiina ma ke kanawai o Haupu i make ma ka la 17 o Augate, A. D. 1876, kopeia ma ka Buke 46 ma na aoao 343 a me 344.

A o ua mau aina la ma ka palapala kauoha a Mrs. Paahao Pii, ua mahele ia he hapalua ia W. E. Pii kana kane a he hookahi hapalua ia Kane, a o ua palapala kauoha ia ua kakauia ma ka la - o - A. D. - a ua hooiaio pono ia e ka Aha Hooponopono Waiwai imua o ka Mea Hanohano Edward Preston, kekahi o na Lunakanawai o ka Aha Kiekie, ma ka la 8 o Mei, 1880. A o ua J. W. Pii la, ke ona nei oia he hookahi hapalua o na aina maluna ae mamuli o ka palapala a W. E. Pii i hana ai ma ka la 30 o Mei, 1889, kopeia ma ka Buke 116 ma na aoao 79 a me 80. A o ua D. P. Kauhikoa la, ua lilo iaia ka akahi hapalua o ua mau aina la malalo o ka mana o ka palapala i hanaia e ua Kane ia ma ka la 17 o Aperila, 1889, kopeia ma ka Buke 114 ma na aoao 462 a me 463: o ua Kane la, oia kekahi o na mea i hookaawaleia e ua Mrs. Paahao Pii la.

Ma na Dala Gula Amerika e hookaaia ai.

Ina i makemakeia na kii o ka aina a me na palapala hoolilo, alaila, aia wale no ia mau lilo malalo o ko ka mea nana e kuai.

No na mea i koe, e ninau ia Charles L. Carter, Helu 204 Alanui Kalepa.

Kakania ma Honolulu, Iune 22, 1893.

H. DIMOND.

Ma o kona Lolo ia Charles L. Carter.

@

 

Hoolaha a ka Lunahooponopono Waiwai.

O NA POE A PAU HE MAU KOINA KA LA kou i ka waiwai o KEKAHA i make o Waiehu, Wailuku, Maui. Ko Hawaii Pae Aina, e hoouna koke mai me na hooia kupono i hoohiki ia imua o ka Notari o ka Lehulehu, i ka mea nona ka inoa malalo iho ka mea i hookohu ia i Lunahooponopono Waiwai no ka waiwai o ka mea i make, maloko mai o na malama eono, a i ole ia e hoo e mau loa ia aku no. O ka poo a pau i @ i ka waiwai o ka mea i make, e hookaa koke mai ma ka manawa a mamua ae o ka pau ana o ka eono malama.

W. H. DANIELS.

Lunahooponopono Waiwai o Kekaha i make.

Wailuku, Maui, Oct. 25, 1892.           @

 

OLELO HOOLAHA.

AOLE wau e uku i na aia a a pau i kauohaia o ka'u wahine ke ole ke kauoha ma ia u aku.

S. PAELE.

Kalapana, Puna, Hawaii, Iune 26, 1893.

@

 

OLELO HOOLAHA.

KE HOIKEIA aku nei ka lohe i na mea a pau, ua lilo mai i ka mea nona ka inoa malalo iho ma ke kuai i kela la mai a Hang Same mai, ka alua mahiai ma Kailua, Oahu, i ike ia ma ka inoa mahi laiki a Tong @

Kakauia ma Honolulu, iune 25, 1893.

@        SMU HOY.

 

Hale Hana Kopa o Honolulu.

UA paa aenei ka Hale Hana Sopa Mahu Hou o ka poe no lakou na inoa malalo iho a ua makaukau lakou e hoolawa aku i ka poe piepiela i na

Kopa Maikai Loa Maoli

I hookomo ia iloko o na Pahu 100 paona mai ke 42 a @@ Kopa pakahi.

Ke hooia nei makou i ka oi o la MAIKAI o ka makou KOPA mamua o na Kopa o waho mai.

@ Ua kuni ia mawaho o ko makou mau Pahu me ka @ "HONOLULU SOAP CO.," a e.

 

Kuai ia e na Halekaui Liilii a Pau.

HUI HANA KOPA O HONOLULU

M. W. McChesncy & Sons,

Na @

PAPA! PAPA!

AIA MA KAHIO

Lewers & Cooke

(LUI MA),

Ma ke kahua hema o Alanui Papu me Moi.

E LOAA NO NA

PAPA NOUAIKI

O kela a me keia ano.

Na Pani Puka, na Puka Amani,

na Olepelepe, na Pou, na O'a,

na Papa Hele, na Papa Ku,

me na Papa Moe he nui loa

NV PILI HALE O NA ANO A PAU

A me na

WAI HOOHINUHINU NANI

Ona ano a pau loa.

Na Balaki o na Ano he Nui Wale

Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka lana oihana no ka

Uku Haahaa Loa,

E like me ka mea e holo ana @ o Lana a me ka Mea Kuai.

Hele Mai e Wae no Oukou iho.

2896-q