Ka Nupepa Kuokoa, Volume XXXII, Number 26, 1 July 1893 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA.

Ua apono ke Kuhina Waiwai i ka papa inoa o ka poe malalo iho e lawelawe ma ke ano he mau Hope o Lanahelo a me Luna@hau no ka makahiki 1893.

OAHU.

Honolulu………………...Wailer C. Weedon

Ewa a me Waianae……………….S Hookano

Waialua………………………….Isaac D Iaea

Koolaupoko No 1………………....Ana Kaulia

Koolaupoko No 2…………………E P Aikue

Koolauloa……………….……………………

MAUI.

Lahaina…............……………...David Taylor

Wailuku…..........…………….Wm T Robinson

Makawao……………………….David Morton

Hana………...................………....J. P Sylvia

Molokai a me Lanai…….............……………

HAWAII.

Hilo a me Hilo Akau..................N C Willfong

Hamakua.................................Chas Williams

Kohala Hema ..................Wilmot Vredenburd

Kohala Akau...............................Eben P Low

Kona Akau............................. J Kaelemakule

Kona Hema.............................Thos H Wright

Kau..........................................O T Shipman

Puna............................................J E Elderts

KAUAI.

Waimea a me Niihau................................Th Brand

Koloa.......................................................A K Mika

Lihue...................................................J R Hanaiki

Kawaihau.....................................................S Kaiu

Hanalei.............................................. W E Deverill

S.M. DAMON,

Kuhina Waiwai.

Keena Waiwai, Iune 28, 1893. 2418-3

O ka hookohu o D. H. NAHINU no ka Apana Hookolokolo Kaapuni Ekolu, ua holoi ia ma ka la 22 o Iune, 1893.

Hale Mana Hooko, Honolulu, Iune 22, 1893. 2448-3

Kuai o ka Hoolimalima o ka Aina o Hanapai, Hamakua, Hawaii.

I ka POALUA, Iulai 25, 1893, ma ka hora 12 awakea ma ke alo o ka Hale Mana Hooko, e kuai ia aku ai ma ke kudala akea ka hoolimalima o ka aina aupuni o Hanapai, Hamakua, Hawaii, nona ka ili he 77% mau @ka, oi iki aku a emi mai paha.

Manawa hoolimalima 15 mau makahiki e hoomaka mai Okatoba 13, 1893, uku.

Koho kiekie e hoomaka aku ai e koho, he $300 o ka makahiki, e hookaa mua ia ma ka hapalua makahiki.

J.A. KING,

Kuhina Kalaiaina.

Keena Kalaiaina, Iune 24, 1893.

2448-3

Kuai o ka Hoolimalima o na Aina Aupuni ma Kipahulu, Hana Maui.

Ma ka Poaha, Iulai 20, 1893, ma ka hora 12 awakea, ma ke alo iho o ka Hale o ka Mana Hooko e kuai ia aku ai ma ke kudala akoa ka hoolimalima o ke koena o na aina aupuni ma Kipahulu, Hana, Maui nona ka ili he 155 93-100 mau oka oi aku a emi mai paha.

Manawa: He elima mau makahiki hoolimalima e hoomaka ana mai Novemaba, 1893 aku.

Koho Ki’eki’e: E hoomaka mai ka $168 o ka makahiki, a e hookaa mua ma kela a me keia hapalua makahiki.

J.A KING,

Kuhina Kalaiaina

Keena Kalaiaina, Iune 20, 1893.

2447.3

Ua hookohu ia aku o Mr. ISAAC KAUPAHOE i keia la i Luna Aupuni no ka Pa Aupuni luna ae ma kahi o J. W. Bush i waiho mai.

J. A. KING,

Kuhina Kalaiaina.

Keena Kalaiaina, Iune 18, 1893. 2446-3

Ua hookohuia aku o D. H. Hitchcock, Esq.. i keia la i Notari no ka Lehulehu no ka Apana Hookolokolo Kaapuni Eha o ko Hawaii Paeaiua.

J. A. KING,

Kuhina Kalaiaina.

Keena Kalaiaina, Iune 9, 1893/ 2446 3t

I ka POALUA, Iulai 11, 1893, ma ka hora 12 awakea, ma ke alo iho o ka Halo o ka Mana Hooko e kuni ia aku ai ma ko kudala akea na koena Aina Aupuni malalo iho, ma Hilo, Hawaii:

1.—Aleamai, nona ka ili he 79.7 mau eka, ma ka $150 hoomaka aku e koho.

2.—Aleamai, nona ka ili he 18.8 mau eka, ma ke $94 hoomaka e koho.

3. – Alakahi a me Mokuoniki, nona ka ili he 571 mau eka ma ka $500 hoomaka aku e koho.

J.A. KING,

Kuhina Kalaiaina.

Keena Kalaiaina, Iune 9, 1893. 2446.3t

Ua hookohuia o Mr. William McWayne i keia la i Kokua Luna e hopu ai i na holoholona hele hewa ma na Alanui Aupuni a holono hele hewa ma na Alanui Aupuni a pau mai Moanalua a hiki i ka uapo o Haaliliamanu ma alanui Liliha a hiki i alanui Kauka, a ma na alanui Kuakini a me Kula a hiki i alanui Nuuanu, mai Hanaiakamalama a hiki i alanui Beritania a ma na Aina Aupuni a pau ma Kalihi, Honolulu Oahu.

J. A. KING,

Kuhina Kalaiaina.

Keena Kalaiaina, Iune 10, 1893. 2446-3t

Ua hookohuia o Mr. A. Smith i keia la i Luna Pa Aupuni ma Honokaa, Hamakua, Hawaii, ma @kahi o H. S. Overend i waiho mai.

J. A. KING,

Kuhina Kalaiaina.

Keena Kalaiaina, Iune 13, 1893. 2446-3t

I kulike ai me ka Pauku 1 Mokuna XXXV, o ua Kanawai o 1888, ua hoololi ao nei au i keia la i kahi e ku ai ka Pa Aupuni o ka apana o Kawaihau, Kauai, mai Kapunakai a i Waipouli ma ka aoao makai o ke alanui aupuni.

J. A. KING,

Kuhina Kalaiaina.

Keena Kalaiaina, Iune 13, 1893. 2446-3

HOOLAHA.

O ka poe lawe pepa wale no i hookaa hookahi dala i ka hapa makahiki mua o 1893, koe e hookaa mai ai i hookahi dala no ke KUOKOA puni ka makahiki 1893, a e loaa ana i kela a me keia pakahi na palapala hookaa no ka huina i hoouna ia mai.

E hoomanao a hoouna mai i ke dala ano.

KA NUPEPA KUOKOA

KE Ko Hawaii Paeaina i Huiia

No ka Makahiki $2.00

No Eono Mahina $1.00

Kuike ka Rula

NA RULA ANA 1 Pule 2 Pule 3 Pule 4 Pule 5 Pule 6 Pule

Iniha.. $1.50 $2.00 $3.00 $3.50 $4.00

2 Iniha.. 2.00 2.75 3.50 4.00 4.50 5.00

3 Iniha.. 2.50 3.50 4.50 5.00 5.50 6.00

4 Iniha.. 3.00 4.00 5.00 6.00 6.75 7.50

5 Iniha.. 3.50 4.75 6.00 7.00 8.00 9.00

6 Iniha.. 4.00 5.50 7.00 8.00 9.00 10.00

O na Olelo Hoolaha a pau e hoouna ia mai ana no ka Hoolahe maloko o keia Nupepa e hoouna pu mai ke auhau a ina aole, aohe hookomo ia.

HOOPUKAIA E KA

HAWAIIAN GAZETTE CO.

H. M. WHITNEY, Luna Nui.

J.U KAWAINUI, Luna Hooponopono.

No Honolulu, Oahu, Lakou a pau.

POAONO, -----Iulai 1, 1893

Mahuahua ka hana Kalepa o Honolulu.

Maloko o ka malama o Iune, he 10 na mokuahi lawe Ieta i ku mai ma ke awa o Honolulu nei. A maloko o ka malama o Iulai, he 9 na mokuahi e kia mai ana. Eia na awa kahi i holo ma ai ua poe makuahi la, no Iapana, he 6; no Kikane, he 5; no Kapalakiko, he 6; no Vanekouwa, he 2. Aole i helu pu ia me keia poe mokuahi, na moku lawe limahana mai Iapana mai, o na moku lawe Ieta wale no kai helu ia.

Ma keia mea e akaka ai i ka poe, noonoo a pa, ke ano holomua o ka oihana kalepa ma keia moana Pakipika. Ua maopopo no hoi ka mahuahua loa o keia hana kalepa ma Honolulu nei, ame ka pii ana ae o ko Honolulu kulana hoolulu moku a kiekie loa.

Heaha ke ano o keia ulu ana o ke kalepa mokuahi? Eia no ke kumu, ke ulu nei a mahuahua na lahui haole ma na kapakai o keia moana.

I ka wa o Kauikeaouli, aohe lahui haole olelo Enelani ma na aina nui i pili i ka moana Pakipika. I keia wa, he mau mokuaina nui i piha i na haole olelo Enelani ma Kaleponi Keomolewa a me na Vanekouwa, kela mau aina ma Amerika Akau. Aia no hoi ma ke komohana ua mokuaina nui o Nu Zilani a me Auseturia.

He elima paha miliona ka heluua o na haole a pau i keia wa ma ia mau aina. He poe hoihoi loa lakou a ikaika i ka hana, he eleu hoi i ke kalepa. Aole hoi o lakou wale, no ka mea, aia ma Iapana he kanaha miliona kanaka. Ua ala mai lakou mai ko lakou hiamoe mai. Ua puka mai lakou iwaho o ko lakou ana pouli i pee kahiko ai, a ke lawelawe pu nei ma keia hana kalepa.

No keia mau kumu, ke hoomaka nei na laina mokuahi nunui e holo ikaika i o a ia nei, i ka Akau i ka Hema, i ka Hikina a i ke Komohana. Ua pau ka noho mehameha ana o ka moana Pakipika. Ua hiki mai ke au hou o ke kalepa ikaika ana ame ka lehulehu o na mokuahi.

A pehea o Hawaii nei? Eia no kona kulana hanohano loa iwaenakonu o keia kalepa nui ana o na lahui. O keia awa maikai o Honolulu ke kikowaena o keia moana. Maanei e pono ai na laina mokuahi a pau no ke ku a hoomaha iki.

Aohe wahi e ae e hoomaha ai, aohe poe moku kikowaena e ae e hoomaha ai, o Honolulu wale no. Nolaila, e lilo ana o Honolulu nei i awa hanohano loa no ka oihana hookipa i na laina mokuahi kalepa.

E uana hoi kakou, he hoomaka liilii wale ana no keia. Ke hele nei imua na mokuaina nui o Amerika a me Austeralia, a hala he 20 makahiki, e pakolu ana ko lakou heluna kanaka—pakolu hoi ka waiwai a me ke kalepa ana. Aohe e liuliu, e palua a pakolu ana na mokuahi kalepa e kipa ana maanei a e nuku puu ana ke awa o Kou. Aia ma ke Awalau o Puuloa e komo ai kela aumoku nui a e ulu ana he kulanakauhale nui malaila.

Ma na olelo maluna ae, aole kakou i noonoo no ke oki ana i ke Alawaieli o Nicaragua a me na hopena e ukali ana i kela hana nui. Aia a moku kela Alawai, e lehulehu loa ana na mokuahi holo mai ka moana Atelanika a hiki i Iapana a me Kina. Ma Oahu nei e pono ai kela poe mokuahi a pau e kipa mai a e hoopiha hou i na lanahu.

Ma keia mau mea e maopopo ai aohe e liuliu a e ano hou ana o Hawaii nei ma ka oihana kalepa. He kumu manao keia e pono ai ka poe naauao a pau e noonoo hohonu.

Ua kukulu iho nei makou imua o ko makou poe heluhelu i ka holo ana imua o ka hana kalepa ma keia moana Pakipika, a me ka mahuahua loa o na laina mokuahi e ala mai nei. Ua kuhikuhi aku no hoi makou i ke kulana maikai o Hawaii nei, i kona ana lilo i kikowaena iwaena konu o ua mau laina mokuahi la e holo ana i o a ianei.

Ua makemake makou e alakai i ka noonoo o ko makou poe heluhelu, e nana akahele aku i keia kulana kiekie a hanohano o Hawaii. Ke noho nei ko kakou lahui liilii iwaenakouu o na lahui nui he lehulehu me na miliona o lakou e kalepa nei kekahi me kekahi. Ke hele mau mai nei ko lakou poe mokuahi nui i piha i  na haole kalepa, a me na haole kaahele a ua lilo o Honolulu i hale kipa no lakou. He hana e waiwai nui ai, ka hookipa aku i na malihini. Eia nae, he hana e malama pono ai me ka naauao. Ina e kapulu ko kakou hana, e hoowahawaha ia no, aole hoi e nele ana i ka hoahewaia a me ka hoopauia mai.

He mea maopopo no, ke kau nei maluna o Hawaii ka hana koikoi loa, malama pono i ka lawelawe ana i na hana aupuni e kohu pono ai kona noho ana i keia kulana hanohano e haawina nei iaia, e hookipa pono i ka lehulehu o na haole e kaahele mau ana ma keia moana nui, a me ke kokua pono no hoi i ko lakou mau hana. Aole loa e hiki ana i ke aupuni kapulu a me ka hoohaunaele e hooko i keia hana.

Pio e ka Dainamaita aole Pahu.

I kela Poalima aku nei la 23 o Iune, ua hopu ia e na makai he ekolu mau haole no ka hewa ohumu e hookahuli i ke Aupuni Kuikawa, a e ulupa i ka Hale o ka Mana Hooko. O ko lakou mau inoa o T. B. Walker, hunona a Keoni Kamaki, o E.C. Crick he akeakeamai hoohuihui mea pahu a o Archibald Sinclair, he haole akamai i ka hana puna. Aole i ae ia e bela keia poe. Ua hoopanee ia ka ninauninau ana a hiki i ka Poakolu. Mamua o ka hopu ana ia lakou, ua waiho ia na olelo hoike i ko lakou hewa imua o na loio akamai eha a ua hoapono lakou i ka hopu ana.

Ke hele nei i ka ekolu malama ke kiai ia ana o ke aupuni i keia poe ohumu. Ua hana akahele loa ia. He nui ka poe e ae i komo pu iloko o keia hana, a ke noho nei lakou me ka makau o hopu ia lakou. Ua hooholo lakou e hooko i ka lakou hana kipi a pepehi kanaka i ka la 25 o Iune, eia nae pupuhi e ke kai o ke alalauwa.

Ua Pahu ka Opu Makani.

O kekahi hemahema nui o ka aoao alii, oia no ko lakou piha i ka wahahee. He kakaikahi loa na mea oiaio a lakou e hoopuka ai. Pela no e ike ia nei ma ka hopu ia ana o keia poe ohumu kipi e hookahuli i ke aupuni.

I na la i hala, he nui wale ka akena ma na alanui no ka hana a keia poe, me he mea la, he hui ikaika loa ko lakou a he nui na dala a me na pu, a me na lako a pau e holo ai ka lakou hana nui. I keia mau pule i hala, he nui no hoi ko lakou kaena, e kokua mai ana kekahi ona miliona i ko lakou aoao.

Eia nae, i ka hopu ia ana o ka poe alakai i ka lakou hana, na maopopo o ka lakou mau olelo nui he makani ka hapanui, aohe io. Ua noonoo lakou i mau hana nui kupanaha loa, aka na nele lakou i ka poe kokua pu ma kela mau hana, aole paha he haneri o lakou a pau. Aole no hoi he kumu maopopo e manao ai e kokua ana kekahi poe waiwai nui ia lakou.

Ma keia hopu ia ana o ka poe ohumu kipi, ua hou ia he opu makani nui a na pahu ae nei a mimino. O ka pau ana paha keia o na olelo hoomakaʻukaʻu o ka poe anee alii, e mea ana. “Ano la, e hoihoi ia ana ka Moi, a e komo ka poe kue a pau i ka pilikia.” Ma ia ano like no hoi, ua pahu kela opu makani haku olelo, e hoihoi ana o Komisina Blount i ka Moiwahine, no ka mea ua hookipa aloha o Kalivalana ia Kakina, ka Elele Kuhina o ke Aupuni Kuikawa o Hawaii.

Ke noho nei ka aoao hoihoi Moi me ka makau loa a me ka palupalu. Aole no paha e hiki ana ia aoao ke humuhumu hou i kona opu makani a hoopiha hou.

E Hoi ana o Kuhina J. H. Blount.

Ua pau ka hana a keia elele loea o Amerika i hele mai nei. Ua huli pono iho nei oia i na mea a pau ma Hawaii nei i pili i na hana aupuni. Ua pau i ke kope ia kana mau hoike a pau. Ua hookohu ia kona panihakahaka ma ka oihana Kuhina, a ua makau kau keia makamaka hanohano o kakou e hoi loa aku me na puolo nui o na palapala hoike ana i hoouluulu ai iloko o keia mau malama ekolu.

Aia hiki aku o Mr. Blount ma Wasinetona, e nui ana kona kukakuka pu ana me Kalivalana laua o Gresham a e noonoo pu no ke ano o na hana aupuni ma Hawaii nei. Me ke akahele no e hooholo ai lakou i ka pono o ka hoohui aina, a i ole ia o ka hoomalu ana paha. Eia wale no ko kakou maanei, e noho malie a e hana ponoi, me ka ohumu ole, a me ka hoohaunaele ole, a lohe ia ko Kalivalana ma mea e hooholo ai.

Ua Haule Wale o Hookeleipuna.

Ma ka la 31 o Ianuari, 1893, ma ke kulanakauhale o Honolulu, ua hana iho o Liliuokalani i palapala hoomana hope no Paulo Numana, e kukala aku ana i ke ao holookoa me na huaolelo maopopo penei: “No ka mea, ma ka la 17 o Ianuari, 1893, ma ke kulanakauhale o Honolulu i olelo ia ae la, he oiaio, ua hookuu aku au me ka ae aku i ke Aupuni Kuikawa o ko Awaii Pae Aina i ko’u mana ma ke ano he Aliiaimoku no na Pae Aina Hawaii.”

Eia ka ninau, he mana anei kekahi i koe i ka Moiwahine e kuko aku ai e hoihoi hou ia mai oia aliiaimoku mahope o kona hookuu ana aku i ke aupuni kuikawa i kona mana ma ke ano he aliiaimoku no ko Hawaii Pae Aina? O kela palapala hoomana hope i haawi ia e ke aliiaimoku i pau ia Paulo Numana, ke mana nei no anei ia, a i ole ua hoopauia paha?

Eia kekahi, i ko Numana hoi ana mai ai mai kana misiona kuai ia Hawaii nei no ka pomaikai wale no o ka moi i pau, “aole au (oia) i lawe mai i kekahi manao hoolana uo ka moiwahine i pau.”

Holo hou aku nei o Numana i Kaleponi a hoi koke mai nei, ua loli ae kona kulana kalaiaina ma ke kamakamailio ana me ka mea kakau o ka nupepa Hoku, aia oia ma ke ano aupuni hoomalu ia mai e Amerika Huipia. Nolaila, aia mahea ke kahua o na nupepa anee alu @kukala nei e hoihoi hou ia ae ana ke alii ke kulana?

Hipuuia o na Lani o Enelani.

O ke Kama Aliiwahine May, kela wahine ui e kaukolo ia aku nei e lilo ana i Moiwahine no Beritania i kekahi o keia mau la aku mamua nei, ka ui hoopalau a ka hooilina kalaunu o ke aupuni o Enelani, oia ka hiapo a kaikamahine hookahi wale iho no a ke Duke o Teck a me ke Kama Aliiwahine Mary o Cambridge, na makua i aneane e pau loa na aliiaimoku o Europa i ka pili ia laua: Ua hanauia ka ui hoopalau May ma ka Halealii Kensington i ka la 26 o Mei, 1867. O ke kane hoopalau hoi ke Duke o Ioka, oia wale no hoi keikikana a ke Keikialii o Wale e ola nei, nolaila, ke ku nei oia ma ka paepae o ke kalaunu o Enelani mahope koke o kona makuakane. E hipuu ia ana keia mau lani alii ma ka la 6 o Iulai ae nei.

HOPUIA EKOLU OHUMU KIPI.

Naka na kuli o na Anee Alii.

Aohe Kini e Lanakila ana.

He mau hebedoma aenei i hala, na mahhui ia e ka mana hoomalu, aia ke hui malu hoolala a ke ohumu kipi nei kekahi poe e hookahuli a ulupa i ka mana o ke Aupuni Kuikawa ma ka hoohana ana me na mea kaua, dainamaita a me ke dala me ka manao e hoihoi hou ae i ka Moiwahine i kipaku ia. Nolaila, ua hoomau ia ka hanu aua i na meheu a mena ike e alakai aku ai i ka loaa ana. A o ka hopena, oia ka hopu ia ana me na palapala hopu i ka hora 2 a mahope iho o ka anina la Poalima i hala, Iune 23, o ekolu mau haole me ka palamimo. Na kapena Parker i hopu ia T.B. Walker hunona a Keoni A. Kamaki, na kapena H. Juen i hopu ia A. Sinclair a na Kapena D. A. Kahookano i hopu ia E. C. Crick. Ua hoopaa ia kēia poe ma na keena kaawale pākahi o Kuapapanui ma ka ae ole ia o kekahi poe e ike.

Ua hoʻopuka ia he mau palapala no ka huli ana i kekahi mau hale, a ua hele aku ka Hope Ilamuku Brown a me ekolu kapena makai e huli i na hale kahi o keia poe e noho nei a me ka hale o Keoni A. Kamaki, Peresidena o ka Ahahui Aloha Aina no na lako kaua. Ua loaa aku no he mau pu ua ike e ia no nae e ke aupuni.

Ua lilo keia hopu awiwi ia ana e ka Ilamuku, i mea hikilele no ka lehulehu, a emoole ua haiamu mai la na kanaka ma kahi kokoke i Kuapapanui e hoolohelohe ai.

I ke ahiahi, ua kipa aku ka Hope Kanikela Beritania Walker i ke Keena o ka Ilamuku e ninauninau i na mea e pili ana ia Crick me ka makemake e ike iaia. Aole nae i ae ia.

I ka hora 9:30 kakahiaka Poaono mai, ua kahea ia na poe paahao imua o ka Aha Apana, a ua heluhelu ia mai ka palapala hoopii a me ka hihia i hoohiki ia ai e ka Ilamuku.

Ua noi ka Loio Kuhina e hoopanee ia ka hihia a ka Poalua, oiai aole oia i makaukau.

Ua ku koke mai o Mr. Creighton, ka loio o ka pale e noi ia e hoopanee ia ana, alaila e ae ia ka bela no keia poeme na olelo oolea a pau a ka loio i manao ai no ka pono o kona mau haku, eia nae aohe i ae ia mai ka bela, a ua hoihoi ia na paahao iloko o na keena paa a hiki i Iune 28 e hookolokolo ia ai.

I ka Poakolu, Iune 28, ua hoiko mai ka Aha Kiekie i ka lakou mai ka Aha Kiekie i ka lakou olelo hooholo, aole e loaa ia T. B. Walker ka pono o ka Palapala Kuu Kino, a no ia mea, ua hoihoi ia oia malalo o ka mana o ka Ilamuku. No laila, ua hoomakaia i ka hora 10, ka uinaninau ana i na hoike ma ka Aha Apana, e hoomaopopo ai i ka pono e waiho ia o Walker, Crick a me Sinclair na ohumu kipi no ka hookolokoloia ma ka Aha Kiure Kaapuni. O na mea a pau i hoikeia, oia no he mau olelo kamailio ka Walker ma, e hai ana he nui na dainamaita ia lakou e hoopahu ai i ke Aupuni Kuikawa. Ua hoike mai no hoy kekahi mau haole o ka mokukaua Bosetona, ua ninau o Walker a me Crick ia laua, no ke ano o ke kawili ana i kekahi mau mea hoopahu leo nui hooweliweli.

Na kekahi koa aupuni no hoi i hai mai i kekahi kamailio ana a Walker, e hai ana, he ekolu haneri kanaka ko lakou heluna a me na pu, a he nui na dala a kekahi mau ona miliona e kokua mai ana i ka lakou hana hookahuli aupuni.

He uni no na hoike i koe. Aole hiki ia makou ke hoopuka i kekahi manao hooholo i kei awa, no ka oiaio o na mea i hoike ia mai. Aole nae e nele ana i ka lehulehu ka manao he ohumu kipi nui keia a me ka ikaika i hoopio e ai. Ina aole i makaala na luna aupuni, ina aohe paha mea e kanalua ai, iloko o keia mau la i hui ke kaua, a nui ka hookahe ana i ke koko.

Malia paha ua makemake kekahi poe i kela hoopoino nui, i mea e hoihoi ia ae ai kela aupuni kapulu hemahema loa o ka Moiwahine i pau. O ka poe naauao nae a me ka poe aloha io i ko kakou aina maikai ia Hawaii, he hoowahawaha loa i kela hana i manaoia e kei poe ohumu.

Ka Halawai Hoohuoi ia a na Loio Hawaii.

PUA KA UAHI HE AHI KO LALO.

Ua lohe mai makou, mamuli o ua palapala kono, ua akoakoa ao ma ke Keena Lolo o Mr. J. K. Kaulia mahope iho o ka hora 12 awakea o ka Poaono, Iune 24, keia poe loio Hawaii malalo iho o ke kulanakauhale nei: J. K. Kaulia, J. L. Kaulukou, J. K. Kahookano, Enoka Johnson, J. M. Poepoe, J. K. Paele, M. Mahelona a me S. M. Kaaukai.

Ua hoomaluia ka halawai a koho ia o J. L. Kaulukou i lunahoomalu, a o J. K. Kaulia i Kakauolelo.

Maloko o na palapala kono pakahi i ka poe i akoakoa ae, aole i hoike ia ke kumuhana o ko lakou kahea ia ana. Aka ia wa nae, ua hawanawana ia ae la ke kumuhana i kahea ia aku ai lakou, oia ka ninau no ka pono e hookaa i na auhau i ke Aupuni Kuikawa, ai ole, e hoole.

Oiai, akahi no a haawiia ke kumuhana, ua noi ia na manao kanawai o keia poe e kakau ma ka pepa a hoike mai i ka wa e halawai hou ai maloko o ia keena hookahi i ke awakea o ka Poakahi mai.

Ma ka noho hou ana o ka halawai i ke awakea o ka la 26 o Iune, aole i pau akoakoa loa mai na hoa, aole no hoi i makaukau na manao kanawai. Nolaila, ua hoopanee hou ia ka halawai a ua poe loio nei a noho hou ma ke awakea o ka Poaono, Iulai 1.

Ma keia halwai ohumuhumu malu i kaheaia e keia poe lolo, ua ulu mai he mau kumu hoohuoi penei: 1 Nawai e hookikina nei i kela poe loio e haawi i ko lakou noonoo kanawai no ka hoole i ka hookaa auhau; 2 aole anei keia he hana na ka aoao kalaiaina kue i ka hoohuiaina; 3 heaha ka mea i kono ole ia ai o kekahi mau loio Hawaii a ae a hoopololei wale ia no ma na loio o ka auna hookahi ina aole he mau manao hana malu ka lakou no ka hopohopo ia o lohe wale ia aku; 4 aele anei he mea e hoohuoi loa ia ai e na poe a pau, ke kahea ia ana o keia halawai o na loio Hawaii oiai kekahi poe ahumu kipi ua paa i ka hopu ia a e hookolokolo ia nei no ka ohumu e hookahuli i ke aupuni.

Oiai, o ka poe no lakou na inoa maluna ae, ina hoi o lakou a pau ka poe io i akoakoa ma kela halawai mau e like me ka lohe, he mau hoaloha nae wale no lakou a pau no makou, a no ka mea hoi, aole oukou i komo lea aku i ke anapuni o ka popilikia eia wale no ka makou leo uwalo aku, ua oki keia mau hana hoohalawai malu, e hoopau i na noonoo kekeue i ke aupuni, a oka mea i oi aku i keia, no ka ino mai ia.

He Hoole Makaewaewa.

Ke hoomau mai nei no ka Holomua i ke puhi ana i kana waiwela i kumu e make loa iho ai na manao o ka poe anee ma kona aoao me ka manao no makou ia wale make o ka nahesa ana e palu mai nei imua o ka lahui. Aka nona iho no ia a me ka aoao aloha aina, penei na kumu: 1—O ka hoolaha wahahee a ka Holomua, “Hoka la e hoka, hoka loa o His Ex. L. A. Thurston i ka ike ole ia mai e ka Peresidena o Amerika Huipuia.”

Malalo i keia hoolaha oiaio ole ana, ua hoi hou aku no i ka Holomua, a ale hou iho no oia i ka lwai ana i hoolei aku ai. O ke kanaka naauao loa o ke au i hala, eia kana, “E like me ka ilio i hoi hou e ai i kona luai, pela ke kanaka lapuwale i hoi hou i kona mau aoao.”

Ua pili pono loa ia i ka Holomua i hoole makaewaewa mai nei. Ua ike pili aupuni ia mai o Kakina, nolaila hokala e hoka, hoka loa ka Holomua.

2—Ke hoolaha hou mai nei no ia, “ua make loa ka hoohui aina.”

E like me kou hoka i ka mea mua pela no i ke kumu elua au e alapahi nei. Aole makou i imi a hoolaha i na kumu hoopunipuni ma ka aoao o ka hoohui aina imua o ka lahui. Aka, a ku makou i luna a hoike aku imua o ko kaou lahui i ka mea oiaio me ka makau ole.

A o ka hopena o ka makou mea e hoike aku nei imua o ka lahui, ua hooko ia. hoike aku makou imua o ka lahui no na pono e loaa mai ana i keia lahui ke hoohui me Amerika.

Aole hiki i ka Holomua ke pale mai. Hoike aku makou imua o ka lahui no ka hiki ole ke hoihoi hou ia ka Moi ma ka noho alii. Hoopunipuni mau no nae ka Holomua e hoi ae an, Ahea la. Aole nae he loaa iki o ka punana o k@ kolea i ka Holomua e like me ka makou i kuhikuhi aku ai.

Pela no me ka ike pili Aupuni ia mai o ke Kuhina Hawaii. Pepelu iho la no nae ke alelo a puu ka leo, hoomaka e kuamuamu pili kino no ka nele o ka puniu i ka aila ole, aohe noonoo no ke kokoke aku i ka hopena o ka make. Ke kupaka mai nei i o a ianei e like me ka pipi i pahu ia aku i ka pahi a ka mea lole pipi. O kona ikaika e oni ana i o a ia nei no ka manawa hope loa a lele ae ke aho i o olepau la.

O ka hoolaha a ka Holomua e alapahi nei imua o ka lahui, ua make ka hoohui aina, aohe he oiaio ia hoolaha.

He wahi maunu keia a ka Holomua e kukala leo nui nei i ka lahui o pau loa na kanaka ma ka hoohui aina.

E hoomanao oukou e ka lahui, ua hooko ia anei ua wanana a ka Holomua? Aole! Aole loa!!

O ka nupepa ana e kapa nei he welu, oia ka nupepa e ku nei imua o ka lahui me ka oiaio, a e hele nei imua me ka wiwo ole.

Na oukou e ka lahui e kaupaona i na nupepa oiaio, a oiaio ole. Ua ike ka lahui i ka mea oiaia.

E Hana me ke Oolea.

O ke kumu o ko makou manao ana pela, oia no ko lakou ano hoopalahe wale, a hana hooluolu loa i ka poe uana e kuha hookane nei i ke aupuni.

O ka mea pono i ke aupuni e hana ai, e lawelawe aku me na lima oolea mai keia wa aku. E hoike aku imua o na poe a pau e noho ana maluna o keia mau paemoku, o ke Aupuni Kuikawa wale no ko lakou mana aupuni, a aole hoi he mana e ae, nolaila, o kela a me keia mea e hailiili ae ana, a e kamailio ana me ke ano hoohaahaa i ka inoa maikai o ke aupuni e hopu ia ua mea la a mau mea paha, a i ku ka hewa e hoopaiia ma ke ano he ohumu kipi.

He nui ko makou mahalo no kekahi mau manao a Luna Aha Kuka J. Emmeluth i hoakaka aku ai iloko oia hoi, “e hoomaopopo pono ia ke kulana aoao aupuni o kela a me keia mea e lawelawe hana ana malalo o ke aupuni, a ina e ike ia no ka aoao anee alii, alaila, e kipakuia, a e hoopihaia hoi kona makalua e ke kanaka o ka aoao o ke Aupuni Kuikawa.”

Ua manao makou, ina e hookoia ana keia mea maopopo e pau ana keia mau hoouaikola a me keia mau haikaika a na poe anee paepae uluna la o ke au i hala.

E nana e ke Aupuni Kuikawa i ka hopena oiaio o ka hoopalaleha i pukaamaka maole ae nei i ke ahiahi o ka Poalima o ka pule i hala.

Ka Mahelehele ana i na Paahana Iapana.

I ka Poakahi ino nei, ua pau al@ ka maheleheleia na limahana Iapana i hoomaluia ai ma Kahakaaulana @ na mahiko malalo iho, penei: Ew2 he 100 kane, 25 wahine; Paauhau, 99 kane, 26 wahine; Hamakua, @@ kane, 3 wahine; Ookala, 60 kane, 12 wahine; Laupahoehoe, 29 kane, 7 wahine; Hakalau, 49 kane, 12 wahine; Lahaina, 30 kane, 7 wahine; Makaweli, 150 kane, 38 wahine; hanamaulu, 20 kane, 5 wahine; Lihuei 24 kane, 5 wahine. Huina 627 kane, 152 wahine.

Ma ka Poalua mai hoi, ua hoouna ia aku keia mau limahana Iapana hou loa mai nei maluna o ka Miike Maru, ma na mahiko malalo iho: I puunene, he 193 kane a me 48 wahine; Naalehu, 25 kane a me 6 wahine; Honokaa, 25 kane a me 6 wahine; Kukuihaele, 25 kane a me 6 wahine; kipahulu, 22 kane a me 5 wahine; mokae, 24 kane a me @ wahine; Koloa, 73 kane a me @ wahine; Waimea, 23 kane a me 3 wahine; Kekaha, 10 kane a me @ wahine; H.P Faye & Co., 10 kane a me 2 wahine. huina i hoouna ia ma ka Poalua he 544. Ua pau aku keia mau limahana i ka hooiliia ma na mokuahi malulani, Likelike a me Mikahala o ia la no.

Eia Hou ua Mokuahi Nui.

Ua ku mai ka mokuahi Belgic i ka hora 4;17 a.m. o ke kakahiaka Poakolu nei iloko o na la holo he 11 me 12 hora 57 minute mai Iokohama mai, me 41 mau ohua no ka hoikeike nui ma Kikako. Ua komo loa mai keia mokuahi nui iloko nei o ke awa a pili ma ka uapo mokuahi loihi o Ainahou. Ua holo aku no oia i ka hora 4 oia ahiahi no Kapalakiko me 7 ohua kapena mai keia awa aku.