Ka Nupepa Kuokoa, Volume XXXII, Number 25, 24 June 1893 — Ina e Make ka Hoohuiaina, Heaha Aku? [ARTICLE]

Ina e Make ka Hoohuiaina, Heaha Aku?

Me he la ika nana aku, e hakalia ana paha ka hoohoio ia ana o ke knikahi hoohui aina. Me ke akahele e hooholo ai o Anierika i kona manao no ia hana nui. Oiai e kali ana, e pale ana o Amerika i ole ai e hokai mai kekahi aupuni e ae ma Hawaii nei. Nolaila. ua hoala ia keia ninau, oiai, e kali ana no ka Amerika olelo hooholo hope i ke kumuhana. pehea ana ka hooponopono aupuni ina Hawaii nei? Eia no ka haina maopopo. E hoomau ia ana ka mana aupuni e ku nei. me na hooponopono e kakoo ai i kona ikaika, a e onipaa ai. Ua kukuluia keia aupuni kuikawa e ka lehulehu oka poe hooulu waiwai ma Hawaii nei, oia no ka poe nana e hookaa i ka hapauui loa o na auhau. Na ia poe no e kokua nei a e kakoo nei i keia aupuni e ku np.i. E malama ana lākou i mau ai kona houmaiu ana e maluhia ai ka aina. a e pono ai ka lehulehu. 0 keia poe noua ka hapanui o ka waiwai ma Ilawaii nei, aole hiki ia lakou ke haaleie i ko lakou aupuni kuikawa a lakou i kuk'ulu ai, o poino ka maluhia oka aina. Ina e hiki mai ka mea maopopo e hoole ana o Amei'ika i ke Kuikahi Hoohui Aina, alaila, e hoolilo ana keia poe i ke aupuni kuikawa i awpuni kumau me na hooponopono e mau ai ka ikaika, Na ke au oka manawa e hoike mai.

Ua manao lapuwale nei kekalii poe, ina haule ka hoohui aina, alaila, e hoihoi ia mai ke aupuni moi. Ke hai aku nei makou me ke kanalua ole. he manao kamalii loa keia. Ua hala loa i hope ka wa o ke aupuni moi ma Hawaii. He kohu ole loa kela ano aupuni ke hookuku ae ike kiekie oka naauao ame ka waiwai ma keia paemoku. Uamahuahua na liulu o ka manu. aole e hoi hou ana iloko oka iwi oka huamoa. Aole loa e ae ana keialehulehu o ka poenaauao, akamai, eleu i ka hooulu waiwai a me ka hooponopono hana, e noho liou malalo oka mana naaupo o na aliiaimoku. Ua kiko ka manu, ua helelei na iwi o ka huamoa.