Ka Nupepa Kuokoa, Volume XXXII, Number 24, 17 Iune 1893 — Hui Uwila Hawaii. [ARTICLE]
Hui Uwila Hawaii.
Ma ke kuai kudala ia hi.i;l o na pa aina aupimi elua heiu 70 a me 71 ma Ainahou. Honolulu, ma ka Poakolu akn nei, ua koho ia mai ua mau pa aina la e ka liui maluna ae no ke kumukuai he $2,010 pakahi. 0 ka makemake o keia hui ; o ke kukulu i hale hou maluna iho oua kahua la i wahi no ko lakou mau mea paahana uwila e kauoha ia aku ana a hiki mai ianei i ka wa e makaukau ai ka hale e paa. Eia ke anehe nei ka mea kaha kii e kahakaha i ke kii o ka hale e kukulu īa aku ana. Maka Australia o ka Poakolu aku nei i hiki mai ai ka luna nui hou loa o ka Hui. oia o Mr. W. J. "W arriner, a e kokua ana oia i ka hui me kona ike a maa hana i ka wa e hooko ia ai ka hana.