Ka Nupepa Kuokoa, Volume XXXII, Number 24, 17 Iune 1893 — Page 4

This text was transcribed by:	Kate Motoyama
This work is dedicated to:	sister leahi kaulia

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA

--@@--

Ko Hawaii Paeaina i Huiia

No ka Makahiki - - - $2 00

No Eono Mahina - - - 1 00

Kuike ka Hala

HOOPUKAIA I KA

HAWAIIAN GAZETTE CO.

H. M. WHITNEY, Luna Nui.

J. U. KAWAINUI, Luna Hooponopono

No Honolulu, Oahu, Lakou a pau.

POAONO, - - - IUNE 17, 1893.

KULA SABATI.

III. 1. Iulai 2. O Paulo i konoia aka ia Europa. Oihana 16:6-15.

6 A hele lakou ma Perugia, a me ka aina o Galatia, papa mai la ka Uhane Hemolele ia lakou, mai hai aku i ka olelo ma Asia;

7 A hiki maila lakou i Musia, hoao iho la e hele ia e hele ia Bitunia, aka, aole i ae mai ka uhane ia lakou.

8 A maaloaa ia Musia, iho aku la lakou a hiki i Teron.

9 A ikea mai la e Paulo i ka po ka hihio, ku mai la kekahi kanak no Makedonia, nonoi mai la iaia, i mai la, e hele mai i Makedonia, nonoi mai la iaia, i mai la, e hele mai i Makedonia, e kokua mai ia makou.

10 I kona ike ana i ka hihio, imi koke aku la makou, e hele ia Makedonia, no ka mea, i ko makou manao, na kahea mai ka Haku ia makou, e hai aku i ka euanelio ia lakou.

11 Nolaila hoi, hookuu ia makou mai Teron, a holo pololei aku la i Samoterake, a la la iho, i Neapoli:

12 A malaila aku i Pilip, oia ke kulanakauhale nui o ia nono o Makedonia, he panalaau ia. Noho iho la makou ma ia kulanakauhale i kekahi mau la.

13 A i ka la Sabati, hele aku la makou iwaho o ke kulanakauhale ma kekahi kahawai, i kahi e pule mau ia ai, noho iho la makou, e olelo aka i na wahine i akokoa ia.

14 A o kekahi wahine, o Ludia kona inoa, no ke kulanakauhale, no Tuateir@, he wahine kuai i ka lole poni, ua hoomana hoi i ke Akua, hoolohe mai la ia, a na ka Haku no i holahola kona naau, i hooloheia i na mea i oleloia ai e Paulo.

15 A bapetizoia iho la ia, a me ko kona hale, a nonoi mai la ia, i mai la, in a manao oukou ua malama pono wau i ka Haku, e hele mai i ko'u hale e noho ai. Koi mai la oia ia makou.

Manao Nui. E pono ke hoolohe i ka leo o ko na aina e.

Mataio 28:19. E hele ae oukou e hoohaumana aku i na lahui kanaka a pau; e bapetizo ana ia lakou iloko o ka inoa o ka Makua a o ke Keiki, a o ka Uhane Hemolele.

Olelo Hoakaka.

Ma ka hap hope o keia makahiki o loaa ana ia kakou na haawina Baibala ma ke Kauoha Hou, no keia hapaha ma ka buke on a Oihana. Ua noonoo ia na hana o Paulo ma kona hoolaha ana i ka Euanelio. Ua kukakuka pu o Barenaba me Paulo e pili an ai ka makaikai ana i na Ekalesia a laua i kukulu ai. Ua hoopaapaa mae laua e pili ana i ke kupono a me ke kupono ole o ko Mareko lawelawe hou ana no laua. Aole i loaa ka lokahi, nolaila, ua kaa wale laua. Ua hele pu SIla me Pau lo maloko o Asia a hiki i ka mokuaina ma ke kukulu komohana akau, malaila, ua loaa ia Paulo ma ka hihio kekahi leo kahea e hele aku i Europa no hoi. Ua hoikeia ma keia haawina ka lanakila mua o ka Euanelio ma Pilipi.

1 Perugia--kekahi mokuaina mawaena o Asia uuku. Galatia--he mokuaina ma ka aoao hikina o Peguia. Asia--oia kekahi mokuaina ma ka aoao komohana hema o Asia uuku, nona o Epeso ke kulanakauhale alii. Papa--i mea e alakai ia laua ia Europa. 7 Musia--he mokuaina ma ke kihi komohana akau o Asia uuku. Bitunia--he mokuaina ma ka aoao akau o Perugia a me Musia. 8 Teroada--he awa pae moku ma ke aekai o Musia. Ua kaulana loa oia ma kekahi mele kahiko loa o Homera, ka haku mele Helene akamai loa oiai he mea makapo ia. 9 hihio--aohe he moeuhane. Makedonia--oia no ka mokuaina mua loa o Europa ma kela aoao o ke kaikuono o Aegeana. Kokua--ma ka hoolaha ana i ka Euanelio, kukulu ana i na ekalesia, a pela aku. Makou--o Luka pu kekahi, ka hoa hele o Paulo ka mea nana i haku i keia palapala. 11 Samoterake--he mokupuni la mawaena o Asia a me Europa. Neopoli--ma ka aekai o Makedonia. 12 Pilip--ke kulanakauhale oi ma ua mokuaina la, he mau mile he umi. Panalaau--he wahi noho no ua koa Roma i ka wa i pau ai ko lakou oihana koa. Ua loaa ia lakou ma keia mau kulanakauhale he mau kuleana me na pono kivila e like me ko na makaainana ma ke kulanaukahale alii o Roma. 13 Kahi e pule mau ia ai--aole paha he hale. 14 Poni--oia no ke ano waihooluu i makemake nui ia. Tuateira--he kulanakauhale pili i na mokuna o Musia, kahi i kukuluia ai ka ekalesia i oleloia ma Hoikeana maloko o na ekalesia ehiku o Asia. Malama--he wahine malihini i hoohuilila i ka hoomana Judaio. Holahola--oia no ka hana a ka Uhane Hemolele ma ka hoomakaukau ana ia Ludia o hoolohe i ka euanelio. 15 hale--kona ohana, he mau keiki liilii paha kekahi, a baptiozoia no hoi lakou.

I--Paa na puka komo, 6-8. Owai na mokuaina a Paulo ma i makaikai ai ma ka lua o kona kaahele misionari ana? Heaha ke kumu no kona haiolelo ole ana ma ka mokuaina o Asia? Ua makaukau anei ko Epeso e hookipa iaia ia wa? Heaha he kumu no kona kaahele ole ana i Bitunia? Ua makemaee anei ka Haku ia Paulo e hele aku i kekahi aina e ae? Owai ka mea nana i hooponopono i na hana misionari a pau loa? Heaha ke kumu no ke komo ole ana o na misionari Enelani i keia pae aina i ka wa mamua loa? Owai ka poe i noho ma ke ano he mau kamaaina no keia moana Pakipika, ka poe Popo paha, ka poe Euanelio paha? Ina paha ua komo o ka poe Farani i keia pae aina e like me Tahiti a me Nuuhiwa, ua like e anei ka holomua?

II--Kaheaia i Makedonia, 9-12. Heaha ka leo kahea ia Paulo i kekahi po? Mahea kona wahi noho ia wa? Heaha ke kumu e ae no ko Paulo hele ana aku i Makedonia? Ua pono anei ke paulele kakou i na moeuhane? Ihea ko Paulo holomoana mai Tevada aku? Owai ke awa pae moku a Paulo i pae mua aku ai ma ka aina puni ole o Europa? Ua kali iki anei o Paulo ma Neopoli? Ua kupono anei ke hoololi pinepine na kahuna pule i ko lakou mau kihapai? Mahea ko Paulo lanakila mua ma Europa? Pehea ke ano nui o PIlipi ia wa? Heaha ke ano panulaau no ke aupuni Roma? Ua pono anei ke malamaia na hana hoohulihuli ma na kulanakauhale wale no, aole ma na kuaaina? O na pilikia a mena mea kekee no ka hooholo ana i kekakhi hana, he mau hoailona anei lakou o ko ke Akua makemake e hapai kakou i kekahi hana e ae? Pehea ka ke Akua kahea ana ia kakou i keia wa e hapai i wahi hana nona?

II--Ka mea i huli ai i ka manaoio, 13-15. Heaha ka hana o Paulo ma i ka Sabati ma Pilipi? Heaha ke kumu no ka hoakoakoa ana ma kekahi kahawai? Ua bapetizo anei na Iudaio i na hoki paha na lako keena paha? Owai kekahi wahine haipule?

NA LETA.

(Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe mea kakau."

Wailuku, Iune 3, 1893,

Hon. J. K. Iosepa,

Aloha oe:--

Ke loha mai nei na eheu o ka poe Aloha Aina, ua loaa pono i kela kuahaua pili oihana a J. K. Kaulia. He nui ka wawa ia o kela mau leta a na Nawieha, ua kau ka lia o na makai, aka, aohe nae he hookanaka ae, oia mau no ka hohono hulu kao. Owai no la hoi ka poe opu ino e leta mau aku nei ia olua? [E huli aku ana makou i na kumu e pau ai na makai on a a me na poo oihana. L.H.]

Mai Kona Hema Mai.

E ia malalo iho he palapala mai Kona Hema mai maluna mai o ka Malulani:

"Eia o D. H. Nahinu ma ke kuouou mai nei na poo ilalo, ua hele a pepe i ka wai o Niulii, ka ua mea o ka hilahila. O ka uku iho la no ia o ke kaena e mamua e hoihoi ia ae ana ke alii a lakou, lalau ka manao kuhihewa. Ke mau nei no ka holomua o ko kakou Hui."

[E ia mai ka palapala kuai ia Hawaii nei a ke alii ke hoolaha ia aku nei i ike iho lakou. L.H.]

He Leta mai na Pae Aina mai o ka

Hema.

Hon. H. Waterhouse,

Aloha nui oukou.

Ma ka la 13 o Iune, ka hiki ana mai o ka manuwa Beritania ma Marakei nei, a ua kau ia ka have a eia oia ke kau nei iluna. Pela no ma na Aina a pau o Gilibati nei.

Me ke mahalo,

D. KANOHO,

Maraki, Sepatemaba 5, 1892.

He mau hana Hilahila ole ma Niolopa.

E Mr. Lunahooponopono:

ALoha oe--Ina paha he makai kekahi ma Niolopa nei in a ua ai manu o Kinipeki; ma na la Sabati a pau a'u e noho nei ma keia wahi, he nui ka on a o na kane me na wahine ma keia wahi me he mau holoholona ala ke ano holo wale i na kane me na wahine aohe kapa i ka ua mea o ka on a palena ole, hoi iho no hoi aohe hele iki o keia wahi i ka pule. Ua papa aku au i kekahi poe aole e kii mai i kekahi o ko'u ohana e hele aku i ka lakou hana lapuwale a hookumakaia i keia noho ana kupilikii. E oluolu oe e hoike ae i keia mau hana lapuwale. Auhea na makai o ke aupuni?

IKEMAKA

Na Liki Pau Paka.

Eiea ke liki nei ka aoao anee alii, na loaa ia lakou na inoa o na wahine he 13,000 i kakauinoa ma ka aoao kue i ka hoohui aina a me na kane 9,000, me ka unuhi ole ia a na keiki aiwaiu, na pokii a me na inoa o ka poe i noke ia iho i ke kakau wale no e ka mea hookahi. Mailoko mai o keia pu-a inoa nui o ka noke wale ia ana no, aole i aa ua aoao kapulunei e waiho i na pepa i kakauinoaia, aka, ua laweia keia heluna inoa makani a hoohikiia imua o kekahi notari me he mea la he oiaio a pau.

Ua aikena a kaea i ka hoopunipuni mau ia, a ma hoi ae ke ahi i ke kalanuu, eia nae, heliku ia mai ana ka halealii ihikapu i ka Poakahi aku nei, Iune 5, ka la hoi i sila ia ai ka nele loa o ka aoao alii i kahi ole e hoi ae ai.

PILIAIKU,

Na Ninau Baibala.

MR. LUNAHOOPONOPONO;

Aloha oe:

E oluolu oe e hookomo iho i keia ninau Baibala ma kahi kaawale o kau nupepa; oia keia.

Ehia mahele nui iloko o ka Mokuna 16 o Makaio?

Ia oukou e na Kula Sabati mai Hawaii a Kauai, a me na makamaka huli Baibala, e oluolu oukou e hai mai i ka haina pololei o keia ninau. I ole ai e nui ka hoopaapaa ma keia Kula Sabati o Laupahoehoe, Hilo, Hawaii.

Haina a ke kumu Kula Sabati i Kinohi 7 Mahele nui. A mahope iho e ka hoi ana mai o ke kahu haawi mai oia i ka haina he 4 Mahele nui me ka hoole ana mai i ka mahele ma ke poo o ka Mokuna.

HAILI MAUNALOA.

Laupahoehoe, Iune 5, 1893.

NA KUMU NO KA HOOHUI AINA.

KE KULANA AUPUNI O

AMERIKA.

Haku ia e D. Z. Naahielua no ka

Pomaikai o na Ahahui Hoohui

Aina ma Hookena, S. Kona,

Hawaii, Mei 27, 1893.

NO NA OIHANA HANALIMA AKA-

MAI (MECHANIC).

(Koena mai kela pule mai.)

NA HALE LETA.

O ka nui o na hale leta i ikeia i kela wa a hiki i ka A. D. 1790, he 75 wale no mawaena no Nu Ioka a me Piladelepia, aia he 5 wale no manawa i ka pule. Mai ka A. D. 1789 a i ka 1816, ua ike ia o ke pooleta e hiki ke laweia ka leta i na mile 40, 8c. Mai ke 40 a 90 mile he 10c., a maluna o 500 mile, he 25c.

I ka M. H. 1884, aia hoi, ua hiki aku ka huina o na hale leta i ke 50,000 nona ka mamao i hoomaopopoia a i hoonui ia mai ka 1875 mile a i ka 360,000 mile. Ma keia e hoomaopopo ia ai ka holomua oi kelakela o ka oihana leta ma kela aupuni mana nui o ke ao nei.

KA OIHANA HOONAAUAO.

O ka Oihana Hoonaauao oia ka oihana pookela loa ma ke ao nei a oi loa aku hoi i kela lahuikanaka, oiai ua hana lakou i kanawai e kauoha ana e huli i ka ike a me ka naauao. No ia mea ka hookumu ana i ke kula kumumua ma Nu Ioka.

Ua hoomaka ia ka hoonaauao ana i ka lakou mau keiki maloko o na home ponoi, a mahope mai ke kukulu io ana on a kula nui malaila, a i keia mau ia, ua ike ia aia he 10,000,000 o na keiki mai na panalaaumai i hoonaouao ia, a ua ike ia ka naauao o kela aupuni mana nui i keia mau la. Ua hookaawaleia kekahi mau aina aupuni no ka oihana hoonaauao.

I ka A. D. 1787, na hookumu ia ma na kanawai o na panalaau komohana akau, Sec. 16, no ka hookahua ana i na kula aupuni, a ma ia ano i hoomahuahua ia ai ka pono hoomana, ka hanohano a me ka lawa hoi o ka naauao mamuli o ke kukulu ia ana o ke aupuni maikai, a ua hoohauoli pu ia hoi ka lahui ma ia ano. A nolaila i loaa ai kela huaolelo kaulana penei, "E lanakila mau auanei ka oihana hoonaauao no ka wa mau loa."

I ka wa i kukala ia ai o Oregona he pana laau no na mokuaina hui, aia hoi ua kakauia ka pauku 36s. o ko kanawai no na kula, a ua mana keia mau pauku elua o keia kanawai maluna o na mokuaina hou. O ka nui o na aina aupuni i hooliloia no na kula kumumua ma Amerika 140,000,000 eka. Iloko o ka Ahaolelo Lahui o Amerika, ua waiho ia mai he bila kanawai e olelo ana, e haawi ia i 30,000 eka aina o na aina aupuni no kela a me keia Senate a me lunamakaainana iloko o ka Ahaolelo Lahui. A no na kula, ua ike ia ma na kula nui ao oihana mahiai.

Mamua o ke kaua huliamahi, ua ike ia 9 wale no kula nui, a i keia wa aia he 450. A ke kani nei na hele mai na kula hele la mai o kela a me keia o na mokuaina 48 a me na panalaau a puni kela aina no lakou ka huina o na keiki i hai mau ia aku nei, a no lakou na lilo no ka hoonaauao ana i hiki aku i ke $96,000,000.

I ka wa o ke kaua huliamahi, ua loaa i na koa na pu hahao maoli i ka pauda me ka poka, alaila ki aku, aku i keia wa, he mau pu ki ma ke sekona i ka manawa. A ua kapili ia no hoi na moku ma Nu Enelani me ka holomua uuku loa, a ua hoopiha ia lakou me na mea kaua o ke ano kahiko, aka i keia wa, ma na pa kapili moku o ka Uniona i keia mau la e ike ia ana na moku holo loa o ke ano hou, a o na aumoku kaua hoi, ua hana ia me na kila manoanoa ma kahi o na moku laau o ka wa mamua, a i hoopiha ia me na pukuniahi nunui kani alapine, a me na pu raifela nunui kohu pu panapana nunui, a me na mea kaua e ae o ke ano hou loa, e like me ko na moku kaua o ka papa ekahi o ka Uniona. O na moku me ua mea hoopahu topido.

O ka mikini hookaawale i na anoano mai ka pulupulu ae i imi ia e Whitney. Me keia ano mikini i hiki ai ke hoohikiwawe ia na anoano ke kumu o ke kanu ia ana o ka pulupulu a nui ma keia aina, na mokuaina Hema. I ka A. D. 1880, ua hoomaopopo ia aia mamua aku o 14,000,000 eka, a e ohi ia ana he heluna nui o 6,000,000 mau bela pulupulu. Ma keia ano ka noho mana ana o na Mokuaina Hui ma ka hoolawa ana i ke ao nei i ka pulupulu, a me ia mea ka hana ia ana o na lole huluhulu a kakou e aahu nei i keia mau la.

I ka wa i kukala ia ai ke kuokoa o Amerika, aole i oi aku mamua o elua enekini mahu iloko o na Mokuaina he 13. Aka aae, iloko o na makahiki elima o ka haalelel ana o ka Mokuaina o Nu Ioka, aia hoi ua hoomaka o Fitch i ka waapa mokuahi ma Delaware i ka 1803--4, a ua hana o Evan i upena kuuolepe mahu ma Piladelepia, i ka 1807. Ua hoomaka o Fulson e hana i na moku mahu, i ka 1819 ka hooholoia ana o ka mokuahi mua loa ma ka moana Atelanika, a i ka 1830, ka hana ana o Peter Cooper i ke kaamahu mua loa ma Amerika, e kauo ana i na kaa ohua maluna o ke alahao o Baltimore a me Ohio. He 23 wale no mile alahao i kukulu ia ma Amerika, i ka 1883, aneane 18,000 mile i paa, a o ka huina nui i hoomaopopoia 110,000 mile, a o na lilo no ka hana ana he $7,000,000,000.

O ke telegarapa mua loa i hana ia i ka malama o May, 1844, mawaena o Wasinetona a me Baltimore me keia mau olelo: "Ka mea a ke Akua i hana'i!" He 40 wale no makahiki mahope mai ua ike ia he 164,000 mile no keia oihana i hoomoe ia, a he nui wale aku on a mea ike e ae i hana ia a i loaa mai. Ua imi ia e na poe limahana akamai o Amerika kela mea a me keia mea hana lima a na aneane e pau loa oia na mea hana no ka wa maluhia a me ka wa kaua, mai na pukuniahi a i na ohe hoonui ike. O ka moolelo no na mea hou i hana ia a i hoikeike ia ma ke keena hoikeike, aia he 22,000 i ka 1883, a o ka mea kamahao loa o ke keneturia 19, oia ka Ipu Olelo. A ua ike kakou i keia mea hou i kela makahiki aku nei. No loko mai o keia mau mea i loaa ai i ko Amerika poe hui lahui ka nui o na pomaikai a me ka mana nui. O ke kahua kahi i loaa ai keia mau mea a pau, oia no ka hoopomaikai ana a ko lakou kumukanawai, a i hoike ia ma ka pauku i mahele 8 no na hana a me ka mana o ka Ahaolelo Lahui. Ina e nana pono ia ana kona mau apana (clauses) e maopopo no auanei ia kakou kona manao a me kona ano.

Nolaila, ia oukou e o'u mau hoaloha, na makua, na kupuna a me o'u mau hoahanau aloha o Hawaii nei, ke nonoi aku nei au ia oukou e hoomanawanui pu mai kakou ma ka hoolohe ana i keia kumuhana, he wahi mea uuku koe a o ka pau no ia.

I ko kakou makaikai ana i ke kulana o na Mokuaina Hui ma ka hana, ka waiwai a me ka hanohano, a hoihoi mai i kumu hoohalike no kakou i keia mau, ke hai aku nei au me ke kanalua ole, aia o Hawaii maluna o ke kulana emi hope ma ka hooholomua ana i ka oihana kalepa kuloko a me kuwaho, ka oihana mahiko, etc., he kulana emi hope, alaila, heaha la ka mea pono e hana ia ai? O ka hoohui wale aku no me Amerika Huipuia ke alahele maalahi loa nou e Hawaii e hana ai, no na kumu nui penei: 1. Ua liko o Amerika Huipuia i keia wa me kekahi kula wai nui i piha i ka wai, a o kona ki e homo ai oia ka "hoohui aina," a i ole ia, e paa loa auanei ka wai o ua punawai la, kona mau pono a me na pomaikai, etc. 2. Aole e haalele mai ana o Amerika ia Hawaii nei ma ke ano e loaa i wahi hoolulu mokukaua nona ma ka Moana Pakipika. Nolaila, e apono mai ana oia i ka hoohui aina ma ke ano panalaau, a i ole, mokuaina paha.

A in a he wahi kaulana ko kuu mau hoa makaainana mamuli o na kanawai, alaila, e oluolu kela a me keia e hai mai a e noi mai ma kahi pili i na kanawai i ka mea e kamailio nei.

Nolaila, ua hiki mai kakou i ka hopena o keia kumuhana, a na kakou e lawe a malama, aole wau e olelo aku ana ia oukou e komo mai, aka, e noonoo pono kela a me keia nona iho. Me ka mahalo.

Opa pu ia na Aloha Aina.

Ua halawai ae o Mr. I. M. Kekoa kekahi mau komite hoohui aina o Kona Hema me Mr. Kanealii maluna o ka mokuahi Malulani, a ma ia halawai ana ua hoopapa iho la ua mau keonimana la i ko laua mau kulana aupuni pakahi o keia mau la e nee nei, a i ka nana aku ua ano kupilikii maoli no o Mr. Kanealii i ka olelo ia ana aku i ke keiki o Kona nana o Kanealii i haawi i ka aina, e laa o Niihau, Kahoolawe, Lanai, Kulaokamaomao, ua hana ia keia mau haawi aina i ke au ia lakou ka hoeuli o ke aupuni. Aka, aia nae a hoea mai nei i keia au, ke hoomaka mai nei e ana i ka aina, nolaila, heaha la ka aina e ana ai oiai ua haawi no ka Akau onou ka Hema i na aina a pau, a i keia manawa ke noonoo ae nei e aua i ka aina. Ua hala ka manawa o ka aua, hookahi no hana i koe o ka haawi aku i ke koena ma ke ano hoohui i mea e pomaikai ai ka aina a me kona mau makaainana, oia auanei ke haawi waiwai a me ke aloha oiaio.

Kahaha! Eo no la i ke keiki o Kona Kaiopua, opua hinano ua malie. A ke ao nei keia maka peni. Mai hoao hou e hoopaa i na keiki o Kona. J. KUMAKA.

Kamehameha Lanakila.

I ka auina la Poaono i hala, Iune 10, imua o ke anaina nui, he hakoko ikaika ana ko na puali kinipopo Kamehameha a me Hawaii ma ke kahua paani o Makiki. E hoikaika ana o Kamehameha lanakila e loaa wahi puni ole o Hawaii a pau ka paani o ia la, oiai hoi o Hawaii e uumi ana ka hanu e loaa wahi puni mamua o na komo ana eiwa. I na komo ana ewalu o na puali elua, aohe puni a Hawaii a he 13 puni a Kamehameha. A i ke komo ana eiwa a Hawaii, loaa ia lakou 5 puni ma ke ano ulia laki, in a ia ua nele loa. Aohe i paani o Kamehameha i kona komo ana i koe. Kamehameha 13 puni, Hawaii 5 puni.

I ka auina la Poakahi iho nei, Iune 12, make kahua o Makiki, imua o ke anaina makolukolu, ua ulele ae na puali Kamehameha a me Crescent, i ka laua paani o ka la 30 o Mei i hoopaneeia mai no ka manawa ole. Ua makaala loa na keiki o Kamehameha aole e haawi i hookahi puni ia Crescent, oiai no nae o Kamehameha e lawe ana no i na puni no kona lanakila mau. O i kupaka mai o Crescent e loaa wahi puni a pau wale no na komo ana eiwa me ka nele wahi puni ole. He ewalu no komo ana a Kamehameha he 10 puni ka loaa, a eiwa hoi komo ana a Crescent aohe puni loaa, nolaila, hului papalua o Kamehameha i na paani ana elua.

Ua loohia i ka eha kukonukonu kekahi limahana Iapana o ka mahiko o Makaweli i ka Poalua o ka pule i hala mamuli o ka haule ana mai ka palau mahu aku a opa pu ia. Ua manao ia, he pomaikai ke ola hou mai.

KA EUEU WIWOOLE O

NU IOKA

A I OLE O KA

Makai Kiu Hale

Niwela.

MOKUNA VI.

OWAU kekahi o na pio a kela kanaka. Oiai, e like me ko ka nakesa ano, ua hele ae la keia kanaka ma ko'u one hanau he wahi kulanakauhale uuku iloko o na makahiki he 15 i hala aenei ma ke ano he kahunapule, a he keu no hoi a ka maikai a ku i ka nani kana mau haiolelo. He lehulehu wale na kanaka o kou wahi i punihei a paulele maluna o keia lapuwale, a mahope mai, ua mihi lakou a pau me ke kaniuhu mamuli o ka ia nei mau hana apuka, a o ko'u luaui makuakane kekahi o na poe i poino loa, a haule aku la oia iloko o kona luakupapau la oia iloko o kona luakupapau me na ohohina o ke kaniuhu mamuli o ka aihue ia ana o kana keiki hookahi mai kona poli mai e keia kanaka, a oia hoi au.

"Ua noho pu anei oe me ia iloko o keia mau makahiki he umikumamalima me kou ike lea ana i kona ano?" wahi a ka makai kiu i ninau aku ai.

"He oiaio, ua noho hoomanawani au iloko o keia mau makahiki loihi me ko'u akenui e hooko ia keia hana kumakaia kupono maluna on a, i uku kupono hoi no kana mau hewa he nui i hana ia maluna o'u a pela hoi maluna o kekahi poe he lehulehu wale, a oiai hoi ua make oia i keia wa, nolaila, ua haule ko'u mau manaolaua, a ua poho wale hoi ko'u hoomanawanui ana.

"No keaha hoi ke kumu i poho ai kou manaolana?"

"Eia ma kona umauma kekahi mea huna, a mamuli hoi o kona make ana ua sila ia kona mau lehelehe, a aole loa e lohe ia kela mea huna."

"E hoomau aku ana no anei oe e noho iloko nei o keia hale oiai ua make aku la hoi oia?"

"Aole loa au e noho hou ana iloko nei o keia hale, a e haalele koke ana au iloko o hookahi hora mai keia manawa aku."

Ua hoopau ae la o Hale i ka ninau hou ana aku i ka wahine, oiai ua kamaaina mau oia i ka lohe mau i na moolelo o keia ano.

O ko Hale akenui e kokua aku oia i ka wahine ma kekahi ano, a ma ia mea hoi e lilo ai keia wahine i mea kakoo iakaiaka no kana hana pohihihi e manao nui nei e ko.

O keia hale ka punana i hoea mai ai na karaima eleele ino an ae hookolo nei, a aole hoi he mea kokua kupono e ae iaia mamua o ka lede e ku nei imua o kona alo in a nae hoi he pololei kana mau mea i hoakaka mai ai iaia.

Hoomaopopo iho la no nae oia he pololei io no na mea a ka wahine i kamailio mai ai iaia, a no ia kumu ua hooholo iho la kona manao e lilo keia lede i hoaloha nona a hiki i ka akoakoa ana o kela poe haihai kanawai iloko o na lima o ke kanawai o ka aina.

Oiai laua e ku malie ana me ka pane leo ole, ua au ae la ko Hale mau maka ma o a maanei o ua keena la, a i ka haule ana aku maluna o ke kii e ku ana ma ka paia, ua huli ae la oia a ninau aku la i ua lede la:

"E ka lede maikai, ua hiki no anei ia oe ke hoike mai ia'u, owai la ka mea nona kela kii?"

"Ae, o ka mea nona kela kii, oia no kekahi wahine ino a lima koko i like a like me kela kanaka e waiho a make mai la."

"Ua hui pu no anei oia me ke kanaka e hele pinepine mau nei i keia hale?"

"Ke manao nei au ua hoike aku nei au ia oe i na mea a pau e pili ana no kela wahine, a ua lawa hoi ia mau hoakaka no keia manawa."

"I ka wa hea auanei au e halawai hou ai me oe?"

"I ka la apopo."

"Ihea, a i ka manawa hea?"

"Nau no e hai mai i kahi a me ka hora, a aole loa au e haule hope."

Hoike aku la o Hale i kahi a me ka hora o laua e halaai ai, a ia wa, ua pane mai la ua wahine la:

"Ina pela, he mea pono ia oe e haalele koke oe i keia hale i keia wa ano."

Mahope iho hoi o kekahi mau kukai olelo pokole hou ana a laua, ua haalele iho la o Hale i ua keena hookipa la o ka hale hoopaahao, a hele pololei aku la oia ma ke alahele ana i komo mai ai.

Ma ka auina la o kekahi la ae, oiai ka makai kiu Hale Niwela e hele holoholo ana ma ke alanui akea kaulana o ua kulanakauhale kupanahu nei o Nu Ioka, ua haule aku la ka ike a kona mau maka maluna o kekahi lede, a nona hoi na aahu a me ke ano o ka oiwi i ane kuluma mua i kona mau onohi maka, oiai aia ua lede la ke hele ala mamua loa o ko ia nei wahi e hele aku nei, nolaila, ua kaalo aku la ua makai kiu la ma kekahi aoao o ke alanui me ka awiwi ana o kona mau kaina wawae a kaa loa oia mamua o ua lede la, a ia wa, ua kaalo hou ae la oia ma ka aoao o ke alanui kahi a ua lede la e hele mai ana, a huli hou mai la oia ihope i hiki ai iaia ke hele mai a halawai he alo a he alo me ka lede ana e akenui ne e maopopo iaia.

I ka i hooko ia ai o kana huakai, he mea e kona kahaha, oiai, i kona kokoke loa ana mai mamua o ke alo o ka lede, ua ike maopopo loa mai la no oia i ka helehelena ui nohea a Mele.

Ku iho la ua makai kiu la a me kona mau noonoo e lauwili ana, ua huli hou ae la oia a nana hou ae la maluna o ka oiwi kino o ua lede la oiai no kela e hoomau ana no ma kona alahele.

Ua hiki ole i ua makai kiu la ke hooiaio iho i ka ike a kona mau maka, oiai ua ike oia a ua maopopo hoi iaia, ua make kela wahine opio, a ke waiho la paha kona kino puanuanu iloko o ka muliwai.

I ka manawa a ua makai kiu la i hoomaka ai e hahai mahope o kela lede, aole loa oia i manaolana mua iki e halawai hou ana kona mau onohi maka me ka lede opio Mele, ka mea a kona manao i hooholo ai, aia oia he luahi na ka make.

Ia wa, hooholo iho la oia e hahai mahope o keia lede, aole no nkona manao e hopu iaia, aka, he makemake oia e hahai a hiki i kona ike pono ana i kona wahi noho, a ma ia hope aku ke loaa na hooiaio kupono ana alaila he mea maalahi wale no ka hopu ana aku i ke kino o ua lede la.

Me ka malie ua makai kiu la i hahai aku ai mahope o ka meheu o ka lede opio, a aole hoi oia i kahaha i kona hoomaopopo ana aku i kahi o ka lede opio e hele ana, oiai ua hele pololei aku la ua lede opio la ma ke alanui e hiki aku ai i ka hale nona na kahoaka hoopahaohao ana i ike maka ai i ka po i hala ae.

Ua ukali aku ia ua maki kiu la mahope o ka lede opio a hoea wale i ke komo ana aku o ua lede opio la iloko o ka hale, kahi hoi a ke alakai pahaohao aia nei i hoike mai ai i ka po i hala ae, oia hoi kahi hoolulu nui o ka poe hana a hoohehee dala apuka o ke aupuni.

MOKUNA VII.

I KA maopopo ana ia Hale Niewla kahi noho o ka lede opio, ua haalele koke iho la oia i ua wahi la me kona awiwi ana no ka hoea aku i kahi ana i hooholo ai e halawai me kela lede ano kupaianaha ana i halawai ai a i kukai olelo ai malalo o na kaupoku o kela hale hana karaima i ka po i hala ae.

O kahi a laua i hooholo ai e halawai, oia no ke Keena Uniona, a e hoomaopopo hoi laua ia laua iho malalo o kekahi mau hoailona malu i maopopo ia laua wale no.

Hiki e aku la ma ua wahi la, a no ia mea, ua noho iho la oia maluna o kekahi o na noho hooluolu o ua wahi hoonanaea la, a kakali iho la oia no ka hoea mai o ua wahine la.

Aole i liuliu kona kakali ana, ua hoomaopopo aku la oia i ka hele ana ae o kekahi lede i hele wale a hihimanu i ka ua mea he nani o kona aahu.

Ua hookahaha ia nae kona naau, oiai, aole i liuliu ko ia nei nana ana aku maluna o ka wahine nona na aahu nani, ua haawi ia mai la he hoailona iaia nei e wa wahine la nona na hiohiona nani, o kekahi hoi o na hoailona a laua i hooholo ai i ka po mamua ae.

Ia wa, ua ku ae la ka makai kiu a hahai aku la mahope o ka lede oiai ke hoomau la no ua lede la i ka hele ana, a mahope iho, ua hele aku la oia a halawai aku la me ka lede, me kona lalau ana aku i ka lima o ka lede, a kamailio aku la keia, me he la he mau hoalauna laua no kahi wa loihi.

"Ua ike no anei oe ia'u?" wahi a ka lede i ninau mai ai.

"Ua hiki koke ole i ka makai kiu ke hoomaopopo lea, oiai mamuli o ke akamai a me ka noeau o kela lede, ua loli ano e loa kona manaina mai ke ano o kona helehelena a ia nei i hoomaopopo mau ai i ka po mua a laua i halawai ai maloko o kela keena hookipa.

Ia wa, ua pane aku la ua makai kiu la:

"Heaha ka kau i manao ai e halawai me ia'u?"

Aole i pau.

Hoolaha Hou.

Hoolaha a ka Lunahooponopono

Waiwai.

O NA POE A PAU HE MAU KOINA KA LAkou i ka waiwai o KEKAHA i make o Waiehu, Wailuku, Maui, Ko Hawaii Pae Aina, e hoouna koke mai me na hooia kupono i hoohiki ia imua o ka Notari o ka Lehulehu, i ka mea nona ka inoa malalo iho ka mea i hookohu ia i Lunahooponopono Waiwai no ka waiwai o ka mea i make, maloko mai o na malama eono, a i ole ia e hoole mau loa ia aku no. O ka poe a pau i aie i ka waiwai o ka mea i make, e hookaa koke mai ma ka manawa a mamua ae o ka pau ana o ka eono malama.

W. H. DANIELS,

Lunahooponopono Waiwai o Kekaha i make.

Wailuku, Maui, Oct. 25, 1892. 2414-6m

Hale Hana Kopa o

Honolulu.

Ua paa aenei ka Hale Hana Sopa Mahu Hou o ka poe no lakou na inoa malalo iho a na makaukau lakou e hoolawa aku i ka poe piepiele i na

Kopa Maikai Loa Maoli

I hookomo ia iloko o na Pahu 100 paona

mai ke 42 a 56 auka Kopa pakahi.

Ke hooia nei makou i ka oi o la Maikai o

ka makou KOPA mamua o na Kopa

o waho mai.

Ua kuni ia mawaho o ko makou mau Pahu me ka hoailona "HONOLULU SOAP CO." a e

Kuai ia e na Halekuai

Liilii a Pau.

HUI HANA KOPA O HONOLULU

M. W. McChesney & Sons,

Na Egena.

2896

Hoolaha Kumau

KAKELA

KUKE

KA - HALEKUAI - NUI

-O NA-

WAIWAI LIKE OLE

NA MEA

HANA KAMANA A PAU

Na lako pili hao kukule hale,

Na kepa,

Na lei ilio,

Na kaulahao ilio,

Na Pahi,

Na Upa,

Na kope @@@@,

Na Paalup@@@.

PAUALU LIO

Na mea ma@@@

Na au k@@

Na kuu b@@i,

Na lei bipi,

Na kaulahao bipi,

Na uwea pu,

Na kuu palala,

Na mea piula,

Na ipuhao.

Makau me Aho Lawa@

Na Iliwai,

Na kaula,

Na pulumi,

Na pena, me ka @@

Na koppa,

Na aila ma@@@@

Na pake@@@

Na pakeke aho,

Na kapu hao,

Na pauda,

Na kukaepele,

Na uwiki, a me

Na ipukukui.

Mikini Humhumu Kaulana

Wilcox & Gibbs, Hookahi Lo@

Ka Remington, Elua Lopi.

A me na ukana he nui loa, o kela a@ me keia ano.

Kakela me Kuke

KA AYER SASEPARILA

Oia ka LAAU oi loa o ka ma@ no na mai i hookumu ia ma@ koko ino mai. Ua oi loa ae hoi @ ka mea, o kona kahua i hookun@ ai o ka

Honodorusa Saseparila Oi@

No ka mea, o ka LAU HELEHELE a me na me@ pau i maa i ka hoohuihui oia na laau oi loa o ka maikau, ka mea hoi ua ike ia ka waiwai ma ka lapaau ana i na MA'I @ KOKO--ua oi ka

Ayer Saseparila

ma na meaa pau e hooikaika kukulu hou ai i ke kino i hoon@liwali ia e ka ma'i a me ka eha.

Ua hoonoono ia ka ai, ua ho@ia ka ma'i o ka waihona hoowah@ ua hooikaika ia ke Ake a m@ Puu Hoowali ai, a hoohana ma@ ia na lala a pau o ke kino. Ua kuke ia mai ke kino ae, ka make o ka ALAALA, ua hoona EHA, na PUHA, na RUTIKA, na MAIHEHE, na H@HUE a me na ma'i ma ke poo @@ wale o ka hupe, a ma na wahi a@ ke hooia mai nei na Kauka aia @ ka maikai o keia laau.

Ke hula nei i hai, a e hool@ hoi ia oe.

No ke KUNU a me ke ANU

Ayer Cherry Pecto@

ka laau lapaau alakai o na ohana

No ka NALULU, ka LEPOP@ ka LENA a me kekahi mau inoino e ae o ka opu, e lawe i k@

AYER HUAALE CATHAR@

E makemakenui ia nei o ko k@ puni.

Hoomakaukauia e Kauka J@ Ayer & Co., Lowell, Masek u@@

HOLLISTER & CO

Na Agena ma ka Paeaina Hawaii