Ka Nupepa Kuokoa, Volume XXXII, Number 14, 8 April 1893 — KE KULANA AUPUNI O HAWAII NEI. [ARTICLE]

KE KULANA AUPUNI O HAWAII NEI.

Ua haule ka hae Amerika ilalo a ua hoi aku na koa maluua o ko lakou nioku. A o ka mana hoomalu ke kumu hoi i ai o ka maluhia maikai iloko o na mahina elua i kaa hope aenei, ua kapae ia ae no ka manawa wale no» i loaa ai ia Komisina Blount he manawa e hooponopono ai me kakou ma ke ano he aupuni kuokoa. Mai hoonunihei ia oukou mamuli o ka noonoo kuhihewa ana i ko Mr. B!ount mau manao, a i ole> o ke kukulu ana paha i ke kahua hana a na alakai loea e kau ae ai maluna o ia mea. 0 ka manao ana ae no ka hoihoi hou ia ae o ka mana Moi t he mea hiki ole loa keia. Ua

make ia niea, aua malama ia kona hiohiona hope loa ma ka la 17 o lanuan, a ua puana ae na luua aupuoi a pau o r»a maua aupoui a ua nalohia loa kela mana Moi kahiko, ika wa a lakou i hooia mai ai i ke Aupuoi Kuikawa ma ke ano oia ka mana aupuni oiaio o keia mau mokupuni. oke kuiana e ku nei ano, he hoololi hou wale ana ae no ia i ka helehelena o ka hoohui aina. a i hana wale ia uo me ka manao no ka loaa ana he kahua e kuhiknhi ai i ko kakou aupuni kuloko ma ke ano he alakai i na poo alakai ma Wasinetona. Xa keia mua iho e hoike mai i ko makou poe heluheiu i ka oiaio ona mea i hoakaka ia ae nei; a he hana pono ole hoi ka waiho ana aku i na kanaka Hawaii e noho iloko o ka poeleele ma kekahi kumuhana nui a koikoi e like la me keia no ko lakou mau pono o keia mua aku. Ke hoike hou aku nei makou ma keia mea, i ka wa e pau ai ka ninaninau ana a ke KomLsina mamuli o na ao ana mai a ka Peresidena o Amenka Huipuia, e hoihoi hou ae ana no oia i ka hae ma kahi i loaa ai iaia ma ka la 29 o Maraki, mamua o kona huli hoi ana aku no Wasinetona. E hoopuka mauaku ana makou me ka pololei maloko o keia nupepa i na haua a me oa ninaninau ana ake Komisina i kela a me keia la, oiai oia e noho ana iwaena o kakou, i na Hawaii a pau me ka nana ole i ko lakou mau poai e ike pono i ka oiaio o ke ano o keia kumuhana e noonoo ia nei.