Ka Nupepa Kuokoa, Volume XXXII, Number 9, 4 March 1893 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

ME

Ko Hawaii Paeaina i Huiia

No Ka Makahiki,        $2.00

No Eono Mahina,        1.00.

Kuike ka Rula.

 

HOOPUKAIA E KA

HAWAIIAN GAZETTE CO.

H. M. WHITNEY, Luna Nui,

J. U. KAWAINUI, Luna Hooponopono.

POAONO, -- MARAKI 4, 1893.

 

KULA SABATI.

Maraki 19.       Keano @apuwale o na kii akua.         Isaia 4@:9-20.

O KA POE hana i ke kii kalaiia, na lap@wale lakou a pau.

Aole lakou e pomaikai ma ko lakou mea i manao nui ia.

O lakou no ko lakou mau hoike iho:

Aole lakou i nana, aole hoi i ike, i hilahila lakou.

10  Owai ka mea i hana i akua, a hoohe@ee hoi i k@kala@a,

I ka mea ole hoi?

11  Aia hoi, e hilahila auanei kona poe hoa a pau:

A o ka poe paahana, no kanaka lakou:

E akoakoa mai lakou a pau, @ ku hoi iluna

E makau no lakou, a e haopalaimaka p@

12  Lalau aku no ka amara i ka mea hana.

A hana oia maloko o ka lanahu.

A hooponopono me na hamare.

A hana oia ia mea me ka ikaika o kona lima;

Pau kona ikaika no ka pololi, aole ikaika,

Aole ia i inu i ka wai, a ua malooloe.

13  H@ki @e la ke kamana i ke kaula, a hailona iho la i ka alaea:

A hana no hoi oia ia mea me na koikahi,

A hailona no hoi i ka @pa,

A hana no hoi oia ia mea e like me ke kii kanaka,

Ma ko ke kanaka nani i mea e noho mau ai iloko o ka hale.

14  Kua no oia ilalo i na laaukepera nona,

A lalau no oia i ke tireza a me ka oka,

A lawe iho ia no@a iho no loko mai o na laau o ka ululaa@;

Kanu no oia i ka paina, a na ka @a no e hooulu.

15  A lilo no ia no ke kanaka e puhi ai,

A lawe no oia ia, a hoomahanahana iaia iho;

Oia, hoa no oia i ke ahi a p@lehu i ka palaoa;

Oia, hana no oia i akua a hoomana aku la,

Hana no oia ia mea, i k@kalaiia, a moe iho la imua ona!

16  Puhi no oia i kauwahi ma ke ahi,

A maluna o kauwahi, ai no oia i ka io.

Ohinu no oia i ka mea ohinu, a ua maona hoi;

Oia, hoomahanahana no oia iaia iho a olelo ao la,

Ka! ua mahana au, ua ike au i ke ahi!

17  A i ke koena o ia mea, hana no oia i akua i kona kiikalaiia hoi,

A moe iko no imua ona, a hooma@ aku ia.

A pule aku no ia ia la me ka olelo aku,

E hoopak@l@ mai oe ia'u, no ka mea, o oe no ko'u akua.

18  Aole lakou i ike, aole hoi i hoomaopopo;

Ua hoopili oia i ko lakou mau maka, i ike ole lakou,

A me ko lakou mau naau, i hoomaopopo ole lakou.

19  Aole ia i noonoo ma kona naau,

Aoho hoi ona ike a me ka naau e olelo ai,

Ua puhi au i kauwahi maloko o ke ahi;

Oia no, na pulehu @u i ka palaoa ma na lanahu ona,

Ua ohinu au i ka io a ua ai iho;

A e hoolilo anei au i ko koena o ia mea, i mea hoopailua?

A o kulou anei au i ka pauku laau?

20  Ai no oia i ka lohu;

Alakai hewa ka naau walewale iaia,

Aole hiki iaia ke hoopakele i kona uhane, aole hoi e olelo,

Aole anei he wahahee ma ko'u lima akau?

            Manao Nui.  E pono ke hoopau loa i na hana hoomanamana.

PAUKU GULA.

            Isaia 45:5.  Owai no o Iehova, aole mea @ ae.

Olelo Hoakaka.

            Ma keia mau pauku, @a hoike mai o Isaia i ka naaupo o ka poe hoomanakii, lapuwale, waiwai ole a hoohilahila keia ano hana.

            9  Hana—he naaupo loa ka poe e hana ana i na kii akua, pela ka olelo hoike a ke akua oiaio, e hoike ana iaia iho i ko aku hookahi, p. 7.  Lapuwale—aole noonoo, aole ikaika, aole mana e hoomaikai ai paha, e poino ai paha.  Mea—oia no na kii akua a lakou i kalai ai a mahalo nui ai.  Hoike—ua hoahewa lakou ia lakou iho ma ko lakou hana naaupo, i olelo@a, p. 12-17.  Nana—pela no ka olelo, p. 18.  O kekahi hua ino o ka hewa, oia no ka ike ole i ka oiaio.  10  Akua—oia no ka mea hana, aole nae oia he mea i hanaia.  Mea ole—Pehea e hiki ai i na kanaka ke paulele i na hana hoomanamana?  Ho mau hana palaualelo ka lakou.  11  Hilahila—he houilona ia o ka mea ike i ka hewa, Iremia 6:15.  Hoa—ka poe lawelawe pu ma ka hoomana kii.  Kanaka—a nolaila, he mau mea nawaliwali imua o ke Akua Mana Loa, ina paha ua lehulehu lakou.  12—Amara—e kalai ana i ke kii akua keleawe, dala, gula.  Lanahu—oi aku ka wela o na lanahu mamua o ko ka wahio maa mau.  Hamare—a maloeloe na lima o ka amara ma ke kui ana me keia mea kaumaha loa.  Pololi—ina pela, ala mahea ka mana o keia mea hana?  13  Kamana—o hana ana i ke kii akua laau.  Kaula—no ke alakai ana i ka pahiolo a me ke kila ma ke oki ana i ka papa laau.  He kaula me ka alaea, oia no k@ ano hana Iudaio.  Upa—no ke kaapuni a@a.  Nani—aole nae he mea noonoo, he pauku laau wale no.  14  Kua—he akua anei kekahi mea i kua ia?  Kedera, @reza, oka—he mau kumulaau lakou e like me ke koa, ohia, @alii ma Hawaii nei.  Kanu—pehea o hoomana ai?  15  Hoomahanahana pulehu—oia no na hana kupono o na kumulaau; no ke aha la ka hana ana i keia mau mea pau koke i akua hoomau ola?  17  Koena—kekahi opala, aohe waiwai no ka wahie, a lilo ia i akua e paulele ai!  Aole hiki ke hana nona iho, pehea e hiki ai i keia laau ke kana i wahi pomaikai no ke kanaka?  19  Naanao—o@ai paha ua kapa lakou ia lakou iho, he poe noonoo pono i keia wa malamalama.  Hoopailua—imua o ke alo o ke Akua Mana Loa, Kanawailua, 27:1@.  20  Lehu—he hoailona ia o ka mea hoka, Ioba 13:12.  Lima—ma ke ano he kookoo e hilinai ai, Ieremia 10:14,15.

He Mau Niele.

            I—O ke kahuna kalai kii, 9—14.  Heaha ka olelo a ke kaula Isaia e pili ana i ka mea e kalai ana i na kii akua?  Heaha kana olelo e pili ana i na kii akua?  Pehea e hiki ai i na kiiakua e hoike mai i @ lakou ano pono ole?  Heaha ka poino i o@ loia aku i na h@ paahana a pau loa ma ka hoomana kii?  Heaha ke ano hana o ka mea e kalai ana i na kii akua pohaku?  Heaha ka hana a ke kamana?  Owai ka poe hoomana kii i kiea mau la?  He poe hoomana kii anei ma ke@a paeaina?  Hiki anei i ke kanaka nawaliwali ke hana i kona akua?  Heaha ka olelo kau@ha a ke kanawai mua? Heaha ko ke kanawai elua?  Heaha na hua ino o ka hoomana kii?  Heaha na kumu no ka hooho@o ana i ka hoomana@ ma na aina okoa?  Ua like anei na ki@ akua kahiko Hawaii me ko na aina e?  Ua lapuwale anei ka hoomana kii Pake?  Pehea ko Iapana?  Pehea ko Hawa@i.

            II  O ke kanaka hoomanakii 15-17, Heaha ka hana elua i oleloia o ke kanaka hoomana kii, ina paha ua kua oia i wahi kumulaau?  Heaha na kumu i oleloia no ka malama ana i ke kanawai elua?  Ua mau anei ka hoomana kii o ka lahui Iudaio?  Heaha na kumu no ko lakou hooki ana i ka hoomana kii?  Heaha na kumu kupono no ka hoopau loa ana i na hana hoomanamana o ka lahui Hawaii?  Heaha na kumupale no ka hoomau ana i keia mau hana hoomanamana?  Pehea e pau ai?  Heaha ka olelo hoike a Iehova e pili ana iaia iho, pauku @?  Ua hiki anei i ka lahui Iudaio ke paulele pono i na akua kii?  Ua kupono anei ko lakou makau ana i ua mau akua la?  Ua loaa anei ia lakou he mau wanana e hoolana ana i ko lakou manao, pauku 24-28?  Owaika mea hookahi e hiki ke hooikaika i keia lahui Hawaii e hoopau loa ai i ka lakou mau hana hewa e poino ai, a hapai i na hana haipule a me na hana maikai e pomaikai mau ai?  Ina paha ua hoikeia ka naaupo o ka hoomana kii, no keaha la e mau ai?

            III  O ka naaupo o ka hoomanakii, 18-20.  Pehea i hoikela ai ma keia mau pauku ke ano naaupo o ka hoomanakii?  Heaha ke ano no ko ka poe hoomanakii ike ole ana i ko lakou naaupo?  Heaha ka kakou mau haawina hana kupono e hoopau ai i na hana hoomanamana naaupo?  Heaha ka olelo hoike a Ieremia 10:14 e pili ana i ka naaupo holoholona o ka mea hoomanakii?  Heaha ka Paulo olelo hoike, Oihana 17:24, 25, 29?  Heaha ka Elia, 1 Nalii 18:27-29?  Heaha ka Isaia oleloao, 55:2?  Ua olelo hoopomaikai anei kekahi kii akua?  Heaha na kokua i loaa ai mai na kii akua mai?  Heaha ka Paulo oleloao, Roma 1:21-25?  Ua kupono anei ke hana i ko kakou Akua ma ke ano kanaka pohaku paha, laau paha holoholona paha?  Owai ka mea nana i hana na kumulaau?  E pono anei i na kanaka ke hana i kekahi hapa i wahi, a hoomana kekahi hapa he Akua.

MANAO PILI.

            1.  Ehia mau kanaka hoomanakii i keia wa?

            2.  Heaha ka hapa o ko ka honua o lakou ka poe hoomana oiaio?

            3.  Ina hoomana ole kakou i ke Akua olaio, heaha ko kakou kulana?

            4.  Ua maku anei oe i na kii akua?

            5.  Ua kue anei oe i na hana hoomanamana?

 

HAUNAELE MA AIGUPITA.

            O ka haunaele ma Aigupita i keia wa, ua oi loa aku ke koikoi mamua o ka mea i manao wale ia.  Eia o Europa ke ku hopohopo nei no ke poha ae o ke kaua nui i keia makahiki, he kaua e oi aku ana ka weliweli mamua o na kaua e ae a pau a ka honua i ike mua ole ai.

            O ka Hale Hoahu Pauda, oia kela mea i kapaia ka "Ninau o ka Ilikina," oia hoi ko Tureke hopena, a o keia hoohali haunaele ma Aigupita, oia paha ke ahikoe e koe ai a lapalapa aku.

            Ua piha ka moolelo o Aigupita i na leo ulono no Hawaii hopena e like me ia i ka wa o Kipikona, aka aole nae he hoolohe ia mai.

            O ko Ismail Paso hoomalu ana ia Aigupita mai ka 1863 ahiki i ka 1879, ua hoohalike ia e like me ko  Kalakaua au ma na ano lehulehu, aka ua oi aku nae ka mana hooko a me ka ike o Ismail.

            No na makahiki he umikumamakolu, ua hana oia e like me kona makemake iho a ua aie aku i ka hai dala me ka palena ole.  I kona wa i hoomaka ai e noho alii, he umikumamalima miliona dala ($15,000,000) ka aie o ka lahui ia wa.  I ka wa i koi ia aku ai oia e hoike mai i kana mea i hoohana ai no la puudala nui a lawe ai o Enelani laua me Farani i ka malama ana i na hana o Aigapita malalo o laua i ka 1876, ua ike ia, ua oi aku ka aie mamua o elima haneri miliona dala ($500,000,000).

            Me keia puu dala nui, @a kukulu oia i na halealii nani ma na wahi lehulehu o ka aina, ua hoowaiwai aku oia i kona poe punahele he nui, a ua hoala i pualikaua nui waiwai ole.  Eia nae, ua hooko aku no ia i kekahi mau hana hou e like la me kekahi mau awa kumoku, me na auwai nui no ka hookahe ana e hoopulu i ka aina a me na kulanakauhale o Cairo a me Alexandria.

            O na hookaumaha i na makaainana, he keu a ka ehaeha.  Kokoke e kana@ima mau miliona dala i ohi ia i ka makahiki hookahi mai kela wahi aina uuku mai.  O ke Kadive ma kona ano he poo hoomalu, ua hao pono ole aku oia a kokoke i ka akahi hapaha o ka aina nona ponoi a me kona ohana.  E uku ana na makaainana i ka auhau kino, he auhau aina he $10, a $15 no ka eka, no ka lio a kekake paha, he $4 e uku ai, no ke kumu loulu, he $1, a no kela a me ke@a mekini e pauma ai i ka wai, he huina okoa no, a pela aku, a pela aku.

            E ohi ia ana na auhau ma k@ "Bastinado," oia hoi ina aole e uku kekahi kanaka i kona auhau ma kekahi manawa, e kulai @a ana oia ilalo, hikiikii la a p@, alaila, hahau @a malalo ae o ka poli o na wawae, a pela e hili ia ai a puka ke koko.

            O kekahi o na kaumaha o na makaainana, oia ka hana hookikina ia.  O na auwai nui a pau, pela e eli ia ai.  He mau tausani kanaka i pau i ka make i ka eli ana i ke Alawa@oki o Sueza.  Aka, o ka hookaumaha ehaeha loa nae, oia ka hana hookikina ia ma na mahiko a ma na mahi Pulupulu o ke Kedive.  Ua hookikina ia na makaainana e hana no ka 8 mau keneta o ka la ma na hana mahi@i mawaho o ke kula, a he 15 mau keneta o ka la maloko o na hale wili, aole ma ke dala maoli e uku ia ai, ak@ ma ka ai a me ka malakeke.

            Ma na wahi mahi pulupulu, ke hiki mai ka wa ohi pulupulu, e hookikina ia ana na kanaka e hele ma na wahi loihi no kekahi mau hebedoma lehulehu e ohi pulupulu ai, me ka haawi ole ia ona ai a me kahi e malumalu iho ai.

            O ka pualikana aku kekahi mea hookaumaha.  Ua hukia mai na puulu kanaka mai ko lakou mau ohana mai, hikiikii ia elike me na kauwa kuapaa a hoa pu-a ia e na koa i kahi o ka mokuahi a wahi hookio kaa ahi paha.  A pela i hookikina ia ai he kanalima a kanaono paha mau tausani o ka poe mikiala hana e haalele i ko lakou mau ohana, na kamalii, a e waiho i ko lakou mau iwi i Aferika Waena, a i ole, i Tureke paha.

            Eia nae, hoea mai ka manawa aole hiki i ke Kedive ke hookaa i ka ukupanee o kona aie, a hoo@e ka poe mea dala aole e hoaie hou aku iaia.  Ua hoouna ia he mau Komisina e huli a ninaninau i na helu dala, kona mau aina, na auhau a me kona mau hoolilo, a he ekolu mau makahiki i pau i na komisina i ka huli ana ma ia hana.

            He aie kaa ole oia a hookikina ia aku la e apono oia i ka Aha Kuhina a na mana nui e wae ai a me elua mau luna hooia helu e noho mana maluna o kona waihona waiwai, i hookahi Beritania a i hookahi Farani, na laua e lawelawe i kona waiwai.

            Mahope ohumu aku oia a hoalaala i ka haunaale, kipaku ia kona aha kuhina a koho i aha kuhina hou e like me kona makemake.  O ka hopena, ua kipaku ia oia mai ka nohoalii aku o Aigupita e na mana nui, hookuke ia e kuewa me ka uku hoomau, a o kana keiki o Tewfik, oia kai pani ma kona wahi.  He Keikialii nawaliwali e nohoalii ana malalo o ka hoomalu ana a Enelani a me Farani.

            Nui ke kuee i ulu mai mamuli o ka lili o na kanaka i na haole a me na Karistiano.  Ua hooulu ae kekahi aliikoa uluahewa i i kapaia o Arabi i ka haunaele e hookekena ana i ke Kedive e koho i Aha Kuhina hou i noho poo ia e Arabi, hoopau ia aku na luna hooia helu a lawe maoli ia mai la ka mana a pau mai ke Kedive aku.

            Ia wa, ua hookokono aku oia i na Mahomeda e luku i na Karistiano haole ma ke kulanakauhale o Alexandria a me na wahi e ae, a ua holo aku he mau tausani mai ka aina aku.

            Mahope komo o Enelani e keakea me ka ae pu mai o na mana e ae.  Ua hookaawale aku o Farani iaia, a hoole aole e komo pu me Enelani ma ka hoopio i ko kipi kuloko a Arabi.  Ua kipoka pahu aku ke aumokukaua Beritania ia Alexandria a lawe pio mai la.  Ua hoauhee aku ka pualikaua Beritania i ka pualikoa o Arabi a hopu pio aku la iaia.  Eia no oia ke noho pio nei ma ka mokupuni o Kilona.  Hoihoi hou ia o Tewfik e noho mana me ke kakoo la e na pualikoa Beritania.  Oia ka makahiki 1882.

            Mahope mai o ia wa, ua noho hoomalu o Beritania ia Aigupita.  Ua hooponopono ia me ka maikai.  Ua hoemi ia mai na auhau, hoopau ia na hana hookikina, kapae loa ia ke ano ohi auhau kahiko, hooponopono hou ia na aha hookolokolo a hoonoho ia na kanaka hoopono ma na hale dute.  Eli ia ona mau auwai hou no ka hookahekahe ana maluna o ka aina, hoihoi hou ia mai na aina i kaili ia me ka powa a ua oi aku ka oluolu o na makaainana mamua aku o na wa a pau mai a Iosepa a hiki i keia manawa.

            Aka, o Tureke, Farani a me Rusia, ua lili loa lakou ia Enelani a ua ninau pinepine mai i ka wa hea la e haalele ai o Enelani ia Aigupita.  I ka makahiki i hala, make aku la o Tewfik, a o kana keiki o Abbas ua lilo i Kedive, he kanaka ui ake hanohano.  Ua hookonokono ia oia e Rusia a me Farani e kio@a aku i ko Enelani noho hoomalu ana mai.  O kana haua mua, ka hoopau ana i ka aha kuhina mua a koho i aha kuhina hou elike me ka Tureke.

            Ua hoouna aku ka Aha Kuhina hou o Beritania i k@ kauoha ia Tewfik e hoihoi hou mai i kona aha kuhina mua iloko o iwakaluakumamaha hora, a ua konoia e hoolohe aku.  Ano koke aku nei no kona kaapani ana i ka aina maluna, e paipai ai i na makaainana e kue aku i ko Enelani noho hoomalu ana mai, ma ka inoa "giaour," oia ka lakou e kapa aku nei i ka poe manaoio ole i ko lakou kaula ia Mahomeda.  Ke hoouna hou aku nei o Enelani i mau koa hou nona i Aigupita, a eia o Rusia a me Farani ke imiha@a hou mai nei i ko Beritania noho hoomalu ana.  Malia paha o ke ahikoe ia e pio ai ke kaua nui o Europa.

 

            Ke kokoke loa mai nei ke kau kinipopo o Honolulu nei, a he hookahi wale no puali owaho nei i akaka loa oia ka Hawaii.  Ke lohe lauahea ia nei, ua hoopau loa ia ka puali Honolulu, a o kekahi poe paani o ia puali ke komo nei iloko o ka pua@ Crescent.  Nolaila, he ekolu wale no mau puali i koe aole i nahaha, oia o Hawaii, Crescent a me Kamehameha.  Ma keia mau la aku paha e maopopo loa ai na puali e komo ana iloko o keia kau paani iho.

 

NA LETA

            Ao@e o mak@ makemake e lawe i ke k@ik@ manao i hoop@ka @ malalo ke@a p@ e k@ mak@ mea kakau.

 

MAI NUUHIWA MAI.

Taeohae, Nuuhiwa, Dek. 14, 1892.

            Rev. C. M. Hyde, Aloha nui kaua me kou ohana:--

            Aole au i poina ia oe a pela oe ia'u.  Ke holo pinepine nei kau mau leta i o'u nei o kuu mau hoa kahunap@le Hawaii, Pali ma, Wa@amau ma, Kauhane ma, aole wahi kau palapala iki mai na makou.  He manao ole no paha i ko Nuuhiwa nei mau uhane.

            Ua haalele au ia Puamau, a holo mai no Nuuhiwa, a holo koke no i Uapou ma ka waapa, a launa au me Rev. S. Kauwealoha me kana wahine i keia mau la.  Ke waiho nei ka wahine a S. Kauwealoha kokoke i ka welau o ka make.  Eono mau la ko'u launa pu ana me laua, haipule pu, moe pu, a paina pu me ka pumehana o ka naau i ke aloha.  He wahine oluolu a hoopono a Kulikiano oiaio, ua kupono ia ke kapai@, "Ka Makuahine hoola o na uhane o ko Nuuhiwa mau kamaaina."  Haalele ia Hawaii, ka aina maikai maoli no.  "O Hawaii no ka oi o na aina moana," wahi a ka poe kaahele honua.  O na uhane o ko Nuuhiwa nei poe e make ana i ka hewa, oia no ka S. Kauwealoha me kana wahine i haele mai ai e imi e hoola ma ka hai ana aku i ka olelo maikai a Iesu Kristo.

            He palupalu loa ke kino o @. Kaaia wahia; aka o ka manao ua lana mai i ka Haku e ola'i.  O ka noho mau, o ka pomaikai ia o ko Nuuhiwa nei poe.  He nui no ka hana a ka Haku i koe ma o makou nei.

            Ma ka nana aku i ka Paeaina o Nuuhiwa nei i keia wa, ke hoi hou nei i na hana e like me ka hana ana mamua aku o ka lilo holookoa ana o ka paeaina malalo o ka hoomalu ana a ke aupuni Farani, 1880.  He maikai na kanawai, aka o ka poe hooko i ke kanawai, aole i hoko pono ia.

            Owau no o makou kai komo iloko o ka hookolo nui.  Hookolokolo mua ma Aluona, Hivaoa; pakele no au no ka pono no.  Ekolu manawa o'u i hookolokoloia ai ma Tahiti, a ua pakele ae au ia mau hookolokolo ia ana a pau no ka pono no.  Kokoke akolu ae nei makahiki o ka hana ia ana o keia hana, a i Novemaba aku nei i hala, ua loaa ia'u he palapala mai Tahiti mai e hoike ana ua pau ka hana no'u.  Ma ka aoao kue mai, ia lakou na koina o na ahahookolokolo a pau me ka hoopai pu no hoi.

            O Aiaone, he awawa okoa ia e pili ana ia Puamau.  Ua ike pono o Rev. J. Bicknell i keia awaawa mamua, oiai makou e noho pu ana ma Hivaoa nei.  Ua haawi no kekahi alii ia'u i ua awawa la e hana, i ka M. H. 1858.  Ua hanai mua au i na kao, a hookuu ma na pali o ua aina la.  M. H. 1872, hoomaka iki au e kanu i mau niu a me na wahi pulupulu uuku.  I ka 1875 mai, ua hoonui iki hou ae i ka hana ana no ka pulupulu, e kanu wale ana no au me ka palapala aelike ole, aole no hoi he palapala kuai lilo no ka aina, no ka mea, ua maikai ko maua noho ana me ke alii.  I ka 1880, lilo ka aina i ko Farani poe, a hoomahuahua hou ae la au i ke kanu ana i ka pulupulu a me ka niu.

            A noho alii mai la ke keiki a ua alii lokomaikai la, ua ike no au e hana ino mai ana oia ia'u mahope mai, nolaila ua lawe au ia maua iho imua o na luna Farani, e noho ana i Atuona a me Puamau hoi kekahi, a nolaila, i ka 1882, ua kakauia ka palapala hoolimalima, he 14 makahiki a'u e noho ai maluna o ua aina la, he umi dala ka auhau makahiki.  Kakau inoa na luna aupuni Farani, ia'u me ke alii o ka aina, na hoike, oia na luna maikai.  M. H. 1886, ua hoonoho au eha kuea kanu pulupu; na lakou e uku makahiki ia'u.  Noho hou mai he mau luna Farani hou.  Huipu lakou e lawe ia'u i ka hookolokolo i Tahiti me ke alii o ka aina.  Ekolu manawa no'u i hookolokoloia ai ma Tahiti.  Ua pakele no au ia mau hoohihia ana a pau o na luna Farani.  O na luna Farani i hana i ka palapala mua hoolimalima aina, ua hana no me ka pololei.  Ua haalele ka loio o ka aoao kue ia'u, aole moni, a ua ike no ua loio la, aole e loaa hou mai ka pono no ka poe kue ia'u.  Na ke Akua no i hapai ia'u e lanakila.  Eia ka hoopai no ke alii nona o Aeaone $417 mai Tahiti mai.  He 30 la e imi ai i ua mau dala la; aohe e loaa e kukala ia paha ua aina la.  O ka hoopai no na kuea 4 a'u i hoonoho ai mamua a ua pau ko lakou manawa 4 makahiki, oia no $1528.53 e uku ai ia'u.  Aole no lakou e hiki ke uku mai ia'u i ua mau dala la; aka he manaolana ko'u e lawe aku ia lakou i Tahiti aole e noho hou ma kekahi mau wani o Hivaoa, a o na moku e ae o Nuuhiwa nei.  He poe kue kanawai o Farani, ua hoahewaia e ke kanawai Farani e hele ma na wahi e.  O Iehova no ko'u kokua i na pilikia a pau.

            O A. Sarran, kumu leo Farani, Pelotetane, e noho pu me maua ma ko maua ha@e me Naomi ka'u wahine, oia ke kokua no'u ma ka leo Farani, nana i kakau i Tahiti i ko'u loio, a me Mr. Vierrot.  Oia kekahi kanaka nui ma Tahiti, i paulele nui ia e ke Kiaaina o Tahiti, no ka pono a me ka pololei.  He Pelotetane no ia, he kauaka Fanrani no.  Ua ike pono no au iaia ma Papeete.  Ua hookipa maikai no oia ia'u ma kona hale e moe a e paina pu me ka ohana e like me oukou ma Hawaii.  Ma kona kula hanai i noho aku ai no ka'u kaikamahine muli Kaulu Keke@a no 5 makahiki.  O kuu loio ma Tahiti o Mr. Gonpil, he hoalauna maikai no ia no Mr. Vierrot, a ua makemake nui no o Vierrot e kinai i na hana kekee.

            He moolelo loihi keia no'u iho, aole nae au e kaena ana no'u iho; no ka Haku no ko'u mau kaena a a pau, ko'u hele ana i o a i o, ko'u noho ana, ko'u o@a a ko'u make ana.

            He ola maikai @o ko'@ wahine me na moopuna a maua.  Pela n@ Hapuku me kona ohana.  Ola pono ko lakou mau kino.

            Pili nui na kane ma Puamau i ke kakau i ko lakou mau ili me na keiki hou no 15, 16 a 29 makahiki a onionio.  He mea ole ka lio a me ke dala, ka lole, i lilo i ke kahuna nana e kakau.  Ke hana nei i ka rama ma kekahi wahi o Hivaoa.

            Eia kekahi mea ino loa, o ka ai opiuma.  Ua pau ka paeaina holookoa, a @a paa loa ia i na kamaaina.  Mai na haole Farani mai no ia hana.  Ke holomoku nei na kamaaina ma ia hewa hou.  No na Kina keia hana ino, a no na haole puni dala e like me ka poe loteri o Louisiana.  Aole aloha i na uhane o ka poe naaupo e make ana.

            Ua ake nui no au e loaa kekahi mau mea kahiko no ka Hale Hoikeike o Hon. C. R. Bishop a Pauahi i make.  Ua noi aku au i na hoa e kokua like.  Ua hoopiha au ma Uapou i keia mau la i wahi pahu, a ke hoouna nei au i keia pahu ma kou inoa.  Ua makemake nui kekahi poe ma Puamau e kuai mai i ka papaleea no $100; aole au ae e lilo.  O keia mau mea kahiko, he mau waiwai makamae no ia i ko Nuuhiwa.  He mau mea nae keia i makana wale ia mai ia'u, koe nae ka laau koa.  Oia wale no ka'u i kuai.  Aole nae au e noi aku ana ia C. R. Bishop i dala no'u e hoouna mai no keia mau mea.  Aole, aole loa no.  O C. R. Bishop oia no kekahi kanaka kokua nui i ka'u mau keiki i ka hoonaauao ana ma ke kula, Mrs. Maria Martin ma Kau a kona mau pokii no.  Nui wale kona dala e haawi nei i kou kula Kahunapule, kela kula ma Kapalama, a ma Kalaupapa.  Ke hooleilei nei oia i kona mau dala no ka hana Karistiuno e like me ka ua e haule wale ana maluna o ka ili o ka honua.  Na ke Akua o ka lani e hoomaikai mai i kana mau hana maikai.  E oluolu e hoike aku oe ia Hon. C. R. Bishop i ko'u manao aloha.  "He makana no na misionari Hawaii Hoolepope e noho ana ma ka Paeaina o Nuuhiwa ia Hon. C. R. Bishop."

            E hoike aku i kuu aloha nui ia H. H. Paleka, i ka makuahine aloha me ke ohana o Paleka makua.  Eia au ma Taiohae, ke one hanau o H. H. Paleka.  Ke ulu nei na laau kamalani a lakou i kanu ai, Limaikaika, Alekanedero ma.  Aloha ino na makua oiaio i hala aku la; pau ko lakou luhi; a ke noho pu nei lakou me ka Haku Iesu Kristo.  Ua ae like lakou ia'u e molia i kuu ola e hele i ka paeaina o Nuuhiwa nei, M. H. 1853, oia he 60 makahiki mai ke kau mua ana mai o Paleka ma, M. H. 1832.  He 21 makahiki mawaena o lakou a me makou.  Ke hoomanao nei kekahi poe o Nuuhiwa ia Limaikaika ma.  He aina pope kela paeaina.  O ka pouli, ka naaupo, ka hewa, oia no na kia e paa ai ke aupuni Pope iwaena o na lahui pegana.

            Pomaikai nui makou i ka Nupepa KUOKOA i huiia, i ole ia, @ele loa no i na mea hou o Hawaii.  O na kahunapule Hawaii a pau e noho kahu ekalesia ana ma na kihapai, aohe palapala iki mai ia makou.  E like me ka a@to e hoolahalaha ana maluna o ka punana, pela ka nupepa KUOKOA a Wini.

            Owai la e pani ma na kapuai o Kauwealoha, Hapuku me Kekela, a me ka lakou mau wahine no ka hana misionari ma ko Nuuhiwa paeaina?  Owai la hoi?

            E uwe aloha aku i ke aliiwahine o kuu aupuni Hawaii a me na hoalauna haipule a pau, haole, kamaaina, ke kula kahunapule noeau.  E pule nui i ka Haku no makou, na paahana, a no na kamaaina o ka Paeaina o Nuuhiwa; mai poma.  E ola oukou i ka Haku.

            Owau no kou hoaloha no Kristo,

J. KEKELA.

 

OWAI LA O KUIKAWA.

            E Mr. Lunahooponopono:  Ua ike au i ka manao o ka nupepa Holomua e ninau ana owai la o Kuikawa e pai nei ia L. A. Kakina me ka olelo iho he kipi au i ke aliiaimoku.  Ea, owai la ke kipi, owau paha o ka mea e hoike ana i ka oiaio, a o oe paha e nupepa Holumua e huna nei i ka mea oiaio mai na kanaka Hawaii aku?

            E Mr. Lunahooponopono o ka Holomua, e nana iho oe ma ka aoao haole o kau nupepa i ka helu no au e ninau nei ia Kuikawa, a e ike iho no oe, ke huna nei oe i ka oiaio mai ka lahui Hawaii aku, oiai, ma ka aoao namu, e olelo ana oe, he maikai no e hoihoi ae i ke Alii ma ka nohoalii a e noho hoomalu mai o Amerika ia kakou.

            Ea, aole anei oia ka'u i hoike ai ua makemake kela kuikahi a Kakina e hooia mai o Amerika i ke Kuokoa o kakou, a manao au ma ia olelo ana a'u kau e manao nei he kipi au i ke aliiaimoku.  Pehea hoi oe i makemake ai e noho hoomalu mai o Amerika ia kakou?  Hoike oe i kou manao ma ka olelo haole, aole hoi ou hoike ma ka olelo Hawaii.  Ma keia, e ike mai ana no ka lahui, ua apuhi oe ia lakou me kau mau haanui hoopunipuni nui wa@e, i kumu e kuai nui ia ai kau nupepa aole no ka hoike i ka mea oiaio.

            No'u iho, aole loa au i ao aku i ka Hui Kalaiaina e hoopunipuni i ka manao maikai o ko kakou alii, e hana i kekahi hana hewa, aole loa.  Aka, ua ike au ma na kolamu o ka Holomua oiai ka ahaolelo e noho ana he hana hookikina i ke alii, e hoopau i ka Ahaolelo a hoonoho mai i mau kuhina ku i kona makemake a me ona kumukanawai hou.

            E Mr. Lunahooponopono o ka Holomua, ua hooko ke aliiaimoku i kou makemake, aole i ko'u, a heaha ka mea e ike ia nei mahope iho o kona hooko ana i kou makemake?  Aole anei ke p@inuu nei ka lahui Hawaii i ka hua a ke@a mau hookikina ana a kou mau kolamu?

            E nupepa Holomua, owau, ua lawe au i ka Holomua mai kona hoomaka ia ana e pai a hiki i keia mahina ma ke ano uku mua, aole loa au i aie i ka pepa, a koe keia mahina, aole hoi au i uku mua, oiai ua hooholo ko'u manao e haalele no ka oiaio ole o na manao e hakuepa ia nei e kona mau kapena lehulehu, aka, aole au e haalele ana i ka uku ana mamua o ko'u haalele loa ana i ka pepa.

            O ke@a manao o'u i hoolaha ai no Kakina, o ko'u manaoio maoli no ia o ka malamalama o ka naauao o ua Loea la, aole loa e hiki ia oe a me ka lehulehu wale aku o oukou ke huna iho malalo o ke poi o ka imihala, a o kau pule la Satana no'u, e hoi no @a ia oe me ka manao aloha.

KUIKAWA.

 

Ka Ahaaina Hoohanohano ia Kapena G. C. Wiltze.

            O ka ahaaina hoohanohano i haawiia e na makaainana o keia kulanakauhale i ka po Poalima i hala, Feberuari 24, maloko o ka Hale Mele Hou, ia Kapena G. C. Wiltze o ka mokukana Amerika Bosetona, mamua o k@ hulihoi ana aku no ka home @iwi, oia kekahi o na ahaaina nui loa maikai a holopono i haawiia ma Honolulu nei i kekahi aliimoku o kona kulana.  Me he mea @a, ua oi aku mamua o ehiku haneri ka nui o ka poe i hele ae e hoike i ko lakou mahalo i keia kapena mokukaua, he anaina i loaa ole paha iaia no kona hanohano mamua aku.  Ua hoike mai na komite lehulehu i hookaawaleia no keia hana a me keia anaina, i ke o@ aku i ko lakou mau o@ a mahalo n@na, a pela i holo pono ai na mea a pau i liuliu @ aloha hope.  A ke m@lana nei makou, e lilo ana kela ahaaina i haawiia @ kona @ nohano, i mea nana e p@ina ole ai i keia @ aku no na hana maikai a keia anaina nona.  A e hoi aku ana oia i kona aina hanau me keia lei e papahi mau a@a iaia, oia ka hana aloha a na makuainana o Honolulu ma ke ahiahi mamua o kona haalele ana mai i ka mokukaua i nohoalii @a e ia a me na kaiaulu o Hawaii nei.  Aloha nui Kapena Wiltze!

 

KA AYER SASEPARILA

Oia ka LAAU oi loa o ka maikai no na mai i hookumu ia mai ke koko ino mai.  Ua oi loa ae hoi, no ka mea, o kona kahua i hookumuia ai o ka

Honodorusa Saseparila Oiaio.

            No ka mea, o ka LAU NAHELEHELE a me na mea a pau i maa i ka hoohuihui ia, oia na laau oi loa o ka maikai, a no ka mea hoi ua ike ia ka waiwai io ma ka lapaau ana i na MA'I o ke KOKO—ua oi ka

Ayer Saseparila

ma na mea a pau e hooikaika a e kukulu hou ai i ke kino i hoonawaliwali ia e ka ma'i a me ka eha.

            Ua hoonoono la ka ai, ua hoopau ia ka ma'i o ka waihona hoowali ai, ua hooikaika ia ke Ake a me ka Puu Hoowali ai, a hoohana maikai ia na lala a pau o ke kino.  Ua hookuke ia mai ke kino ae, ka laau make o ka ALAALA, ua hoola @a na EHA, na PUHA, na RUMATIKA, na MAIHEHE, na HUEHUE a me na ma'i ma ke poo kahe wale o ka hupe, a ma na wahi a pau ke hooia mai nei na Kauka alakai i ka maikai o keia laau.

            Ke hoola nei la hai, a e hoola no hoi ia oe.

            No ke KUNU a me keANU o ka

Ayer Cherry Pectoral

ka laau lapaau alakai o na ohana.

            No ka NALULU, ka LEPOPAA ka LENA  a me kekahi mau mea inoino e ae o ka opu, e lawe i ka

AYER HUAALE CATHARTIC

E makemakenui ia nei e ko ke ao puni.

            Hoomakaukauia e Kauka J. C. AYER & Co., Lowell, Masekuseta.

 

HOLLISTER & CO

Na Agena ma ka Paeaina Hawaii.

2396-q

 

J. T. WATERHOUSE, (WALAKAHAUKI.)

Halekuai o na Lole Nani Panio!

LAKOHAO,

Na Lako Hana Mahiko,

A PELA AKU HE NUI WALE.

Alanui Moiwahine,--Honolulu.

2396-q

 

ALLEN & ROBINSON,

NA MEA KUAI PAPA O NA ANO A PAU E loaa no ma ka UWAPO O PAKAKA, Honolulu, make kumukuai makepono loa, no ka @maikai o ka lehulehu e makemake ana e k@ h@.  E kipa mai @ e ike kumaka.

2396-q

 

Hoolaha Humau.

KAKELA ME KUKE

KA-HALEKUAI-NUI

--O NA—

WAIWAI LIKE OLE

NA MEA

HANA KAMANA A PAU

Na lako pili @ kukulu hale,

            Na kepa,

                        Na lei ilio,

                                    Na kaula@ao ilio,

                                                Na Pahi,

                                                            Na Upa,

                                                                        Na kope hulu,

                                                                                    Na Pulupulu.

PALAU LIO

Na mea ma@

Na au h@,

Na au k@,

Na kua bipi,

Na l@i bipi,

Na kaulahao bipi,

Na uwea pa,

Na kaa palala,

Na mea piula,

Na ipuhao.

Makau me Aho Lawaia

Na Iliwai,

            Na kaula,

                        Na hulu pena,

                                    Na pulumi,

                                                Na pena me ka aila,

                                                            Na kopa,

                                                                        Na aila mahu,

                                                                                    Na pakeke p@

Na pakeke hao,

            Na kapu hao,

                        Na pauda,

                                    Na kukaepele,

                                                Na uwiki@ a me

                                                            Na ipukukui

Mikini Humuhumu Kaulana

Wilcox & Gibbs, Hookahi Lopi.

Ka Remington, Elua Lopi.

            A me na @ ana he @ me keia ano.

 

Kakela me Kuke

PAPA! PAPA!

AIA MA KAHI O

Lewers & Cooke

(LUI MA),

Ma ke kahua hema o Alanui Pap@ me Moi.

E LOAANO NA

PAPA NOUAIKI

O kela a me keia ano,

Na Pani Puka, Na Puka Aniani, na Olepelepe, na Pou, na O'a, na Papa Hele, na Papu Ku, me na Papa Moe he nui loa.

NA PILI HALE O NA ANO A PAU

A me na

WAI HOOHINUHINU NANI

o na ano a pau loa.

Na Balaki o na Ano he Nui Wale

Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo ana mawaena o La@a a me ka Mea Kuai.

Hele Mai e Wae no Oukou iho.

2396-q