Ka Nupepa Kuokoa, Volume XXXII, Number 3, 21 Ianuali 1893 — Hoike Kula Sabati ma Kalawao. [ARTICLE]

Hoike Kula Sabati ma Kalawao.

MR. LUNAHOOPONOPONO: Ma ka la Karisimaka nei i hoike hou ai ke kula kakekimo o na haumana kula a J. K. Kalohi ma ka halepule pohaku o Damiano, mahope iho o ka pau ana o ka oihana pule mesa o ke awakea, ua piha pono ka hale pule i na hoahanau a me na makamaka a ina paha aole ke kula Sabati ma Kalaupapa ina ua lei Kalawao i ka nuku na kanaka, iloko o keia la i ake ia e koʻu mau hoa. Ua hoomaka ia na hana kula, he eha papa kula nona ka nui o na keiki he 22 a o J. K. Kalohi ke kumu o keia mau papa a pau. Ua kula ia ka papa ma ka buke Manuale kahiko, aoao 122 me138; ua puana like na haumana me ka leo like i hele a wale waha i na haina o na ninau i ninau ia aku e ke alakai. I ka pau ana o ka pualu, ua ui ia mai ke anaina, ina he mau ninau ka lakou e haawi aku ai i keia papa kula ma kahi i kula ia. Ua haawi ia mai he mau ninau e kekahi mau lae ula, a ua pane ia na haina me ka pili pono i ka ninau e na haumana, o ka ninau hope, oia ka ninau nana i hooniniu i ka noonoo o na haumana o keia papa, aka, ua ae ia mai na ke kumu e wehewehe pau pono loa aku na alu a pau, a penei ka ninau : I ka wa owai i hoomaka ia ai ke okipoepoe, a ua hoopau ia i ka wa hea ? 1 ka wa o Aberahama, a ua hoopauia i ka make ana o Iesu Karisto ma ke kea. O keia ka haina! paiiai ia aku no keia mau ninau. Pau keia papa, ua kula ia ka papa elua, mai ka aoao 138 a 165 o ka buke Manuale kahiko. Ua eleu no keia papa i ka pane ana i na haina a hiki i ka pau ana, ua haawi ia aku na ninau e ke anaina i na keiki, a ua hai ia aku no e like me ka haina. Pau keia papa, ua ninau ia ka papa ekolu mai ka aoao 170 a 178 o keia buke no, e pili ana i ke Gatarema o ka Eukaretia, ua like no ka paa ana o na haawina me na papa mua. Ua haawi mai ke anaina i keia mau ninau malalo iho: Owai ka mohai o ke kea, a owai ke kahuna nana i kaumaha la mohai? Haina, o lesu no ka mohai, a o lesu no ke kahuna nana i kaumaha. Heaha ka like ole o ka mohai kea me ka mohai kuahu? A heaha ka mea like? Ma ka mohai kea ua eha o lesu a make, ma ka mohal kuahu, aole eha a aole kahe o kona koko. O ka mea like, o lesu no ka mohai kea, a oia no ma ka mesa (kuahu); o keia ka haina ana keiki i pane aku ai. Ninau ka eha o ka papa mai ka aoao 32 me 42 o ka manuale kahiko e piii ana i ka hanau ana o ka Haku, a ua paa no na haawina kula a keia papa, ua ui hou ia ke anaina no ka manawa hope, a ua oili io mai no he mau ninau mai ke anaina mai i manao ia oia na pokapahu (Ninau) e ku lomaloma ai keia papa kula; aka, aole pela, ua hai ia aku no na haina a lilo ka paa i mea hemo wale no, a penei kekahi o ia mau ninau : Owai ke kanaka i hai ia mai e ka Uhane Hemolele, aole ia e make a

ike i ka Hoola? Owai ke kaula mua i ike i ka hanau ana o ka Haku? Owai ka mua i wanana mai e hiki mai ana ka Hoola? Eia na haina: 1. O simeona. 2. O Ana ke kaula i ike mua i ka Haku. 3. O ke Akua ka i wanana mua mai. Ua haawi mai la ka mea nana ka ninau i ka mahalo, a o ke anaina pu kekahi i mahalo. O ka pau ana keia o na hoike kula, a ua ku mai la ka makua L. L. Lui a paipai mai la i na hoahanau a me na hoaloha e hoomahu i like i na hana maikai, o ko ke Akua makemake ia o ka hana i na hana pono, aole na hana ino. O keia ka panina hope i ike ia e kou mea kakau a hookuu ia na hana, a owau no hoi kekahi e haawi pu nei i koʻu hoomaikai. E hoomau e na keiki i ke kauoha a ka Haku, eia Kana:--"O ka mea hana i ka makemake o koʻu makua iloko o ka lani, oia koʻu makuahine a me koʻu poe hoahanau." Nolaila, imua e na pokii, aia ka uku ma ka lani. Ke hooki nei au i kaʻu wahi hoi ke mea hou me ke aloha makahiki hou i na makamaka, a i ka Lunahooponopono koʻu welina me na keiki lima huila-makani o kona keena. Me ke aloha, J. KAHALEIWAIWA Kalawao, Dec. 28, 1892