Ka Nupepa Kuokoa, Volume XXXII, Number 3, 21 January 1893 — AHAOLELO O 1892. [ARTICLE]

AHAOLELO O 1892.

LA HANA 160 Dec. 31, 1892. Hoomaka na hana i ka hora 9:15 kakahiaka. Ma ke noi, ua hapaiia NA HANA O KA LA Heluhelu ekolu ana i ka bila 91, e hoomana ai i ke Kuhina Kalaiaina e kuai i kekahi mau aina ma Wailuku no ka hoomoe ana i na paipi wai a hooholo loa ia. Ma ke kapaeia ana o na rula, ua pane mai ke Kuhina o ko na Aina E i na ninau a ka Luna o ka Apana 3 o Honolulu. Kapae hou ia na rula, a hoolaha mai o Akepoka he bila e hookaawale ai i kokua laina mokuahi mawaena o Honolulu a mee na awa ma Oregona, Wasinetona a me Beritania Kolumebia. Heluhelu mua ia mai a waiho ia malalo o na rula. Hoike mai ke alii Williams o ke Komite Paʻi, ua pau i ke paiia kekahi mau bila. Heluhelu ekolu ia ka bila 147 e laikini ai i ke kuai ana i ka opiuma a hooholo loa ia. Poe ae e hooholo loa i ka bila opiuma:--G.N. Wilcox, Robikana, Berger, Hopkins, Pua, Williams, Maila, Hind, Hoapili, Marsden, Cornwell, Walbridge, Anderson, McBryde, Kanoa, Dreier, Wilder, Bipikane, Ashford, Aki, Pua, Kauhi, R. W. Wilcox, Nawahi, Kaunamano, Kamauoha, Kapahu, Nahinu, White, Kanealii, Edmonds me Akina--32. Poe kue i ka bila:--Jones, Ena, Peterson, Kauhane, Young, Waipuilani,/ Iosepa, Smith me A. S. Wilcox--9. Poe hiki ole mai:--Brown, Cummins, J. M. Horner, Baldwin, W. Y. Horner, Thurston, Bush, Koahou, A. Horner me Kaluna. Hoike mai ke Kuhina Wilcox, ua waihoia aku imua o ka Moiwahine i ka Poalima na bila e pili ana i na dute a me hoololi kanawai koho balota, a ma ke kakahiaka Poaono nei ka Bila Haawina. Hoopanee ka Hale a noho hou i ka hora 9 a.m. Poalua. LA HANA 161, IAN. 3, 1893 Hoomaka na hana ma ka hora 9:15 kakahiaka. NA PALAPALA HOOPII Na Nahinu, mai Molokai mai, e kukulu ia i Kula Beritania ma Waialua, Molokai. Aia i ke Komite Hoonaauao. Na Iosepa, mai a George Kekipi mai, Kahukula Sabati nui o Molokai, e ae ia oia e komo i ke Panalaau ma kekahi mau la hana pili i kana hana. Aia i ke Komite Malama Ola. Na ke Kakauolelo i heluhelu mai i ka palapala a ka Papa Hoonaauao e hoohalahala ana i ke kanawai e hoohaiki ana i ko ka Papa mana hookohu kumukula. aiho ia a noonoo pu me ka bila. HOIKE KOMITE. Na ke alii J. M. Horner o ke Komite wae, no na bila 131 a me 118, e laikini ai i na kaa hoolimalima lawe ohua o Wailuku, he bila hou ka lakou e komo pu ai o Hilo. Waiho ia a noonoo pu me ka bila. NA OLELO HOOHOLO Na Smith i heluhelu mua mau i ka bili pili i na lunahooponopono waiwai a me na kahu malama waiwai a waiho ia malalo o na rula. Ma ke noi, ua hapai ia. NA HANA O KA LA Heluhelu ekolu ia ka bila 222, pili i ka hoohaiki ana i ka mana hookohu kumukula o ka Papa Hoonaauao. Noi o Smith e hoopanee loa i ka bila. Noi ke alii Thurston, e koho ia ona komisina elima lala na lakou e huli pono aku i na hana o ka Papa, a hoike mai i ka Ahaolelo o 1894. Lilo ka Hale i ka hoopaapaa. Ninau ia ka hoopanee loa a haule. Ninau ia ke koho i Komisina a hooholo ia. Koho ka noho ia thurston, Baldwin, Kauhane, Kamauoha, Smith i Komisina. Heluhelu mai ke Kakauolelo i ka

hooholo a Ashford no ka bila hoopaa inoa, ma ka wa e heluhelu ia ana. Hoopaapaa ka Hale a hoomaha wale i ka hora 12 awakea, me ke noi e noho hou i ka hora 1:30 auina la. HALAWAI AUINA LA. Akoakoa hou ka Hale i ka hora 1:45. Mahope o ka hoopaapaa ana no kekahi manawa, ua ninau ua ka hoololi a Ashford a haule. Ninau ia ka hoopanee loa a haule. Hooholo ia ma ka heluhelu alua a kauoha ia e kakau poepoe a heluhelu ekolu i ka Poalima. Ma ke k.Mpae :a ana o na rMa ke kapae ia ana o na rula, uaula, ua hoolaha mai ke alii Thurston he bila e hoopakele ai i na ululaau. Kapae hou ia na rula, heluhelu mua a elua ia ma ke poo a haawi ia i ke Komite Hookolokolo. Ma ke kapae ia ana o na rula, ua heluhelu mua mai ke alii Cornwell ma ke poo o ka bila e hookaawale ai i ka uku o na Lunamakaainana i $500. Ma ke kapae hou ia ana o na rula, ua heluhelu alua ia ka bila a hooholo ia. Kauoha ia e kakau poepoe a heluhelu ekolu ma ka PoalimaHeluhelu ekolu ia ka bila 228, e hookaawale ai i oihana wai no Hilo a hooholo loa ia. Heluhelu ekolu ia ka bila 230, e hoohuihui ai i na kanawai hookuleana a hooholo loa ia. Hoike mai o Smith ke Komite Hookolokolo, ua apono lakou i ka bila e hoopakele ai i na ululaau. Apono ia ka hoike a kauoha ia e heluhelu ekolu ma ka Poaha. Ma ke kapae ia ana o na rula, ua hookaawale ia ma ka olelo hooholo o ka Poakolu ka la e noonoo ai no ka bila uila. Hooholo ia. heluhelu elua ia ka bila 213, e hookulanalana ole ai i ka Banako Hale Leta. Noonoo pakahi ia na pauku a hooholo ia. Kauoha ia e kakau poepoe a heluhelu ekolu i ka Poaha. Heluhelu alua ia ka bila 221, pili i ka banakarupe a haawi ia i ke Komite Hookolokolo. Heluhelu alua ia ka bila 225, e hoomana ai e aie, a no ka lawa ole o na hoa iloko o ka Hale, ua hoopanee ka Hale. LA HANA 162, IAN. 4, 1893. Hoomaka na hana i ka hora 9:25 kakahiaka. Ma ke noi, ua hapai ia NA HANA O KA LA Heluhelu elua ana i ka bila 235, e aia ai ke aupuni i $750,000. Ma ke kapae ia ana o na rula, ua hoike mai ke Kuhina Kalaiaina, ua kakau inoa ka Moiwahine i ka bile haawina a me ka bila e hoololi ai i na kanawai koho balota. Ninau mai o S. K. Pua, ina he mau pono lawaia ko ke aupuni i ka loko iʻa o Keehi. Heluhelu ia ka pauku 1 o ke kanawai aie lahui a hooholo ia. Aka, ma ka hapai hou ia ana o ka noonoo o ka pauku 1, ua waiho mai o Nawahi, he hoololi i ka huina e aie ai i $5,000,000. Hoopaapaa ka hale a hoomaha i ka hora 11 awakea me ke noi e noho hou i ka hora 1:30 auina la. HALAWAI AUINA LA Akoakoa hou ka hale i ka hora 1:35. Hoike mai o Smith o ke Komite Hookolokolo no ka bila 224, e pili ana i ka banakarube. Waiho ia a noonoo pu me ka bila. Na ia komite hookahi no, e pili ana i ka waiwai hooilina bila 204, he bila hou ka lakou. Waiho ia a noonoo. Na Smith o ke Komite Wae, no ka bila 299, pili i na pooleta maluna o na mea pai a ka Hui Hoolaha ia Hawaii nei e hookuu wale ia, e apono ana. Hooholo ia ka hoike. Ma ke kapae ia ana o na rula, ua waiho mai o Bush he olelo hooholo hilinai ole i na Kuhina. Hoopaapaa ka hale a kamukamuku wale no kekahi manawai no ka lawa ole o na noa e akoakoa ana. I ka lawa ana o na hoa, ua hoopaapaa hou a hiki i ka wa i ninau ano ia ai. Ninau ia ke noi e hooholo i ka olelo hooholo a haule. Poe ae e hooholo: Berger, Hopkins, Peterson, Cummins, Maile, J.

M. Horner. Cornwell, Kanoa. Bipikane. Aki. Pua, R. W. Wilikoki. Bush, Nawahi, Koahou. Kaunamano. Kamauoha. Nahinu. White Poe kue i ka olelo hooholo; Ena, Pua, Kauhane, Marsden. Young, Baldwin, Walbride, Anderson, Thurton, McBryde, Dreier, Wilder Kauhi, Waipuilani. Kapahu. Kanealii, Edmonds, Kaluna, Iosepa. Akina, Smith, A. S. Wilikoki—-22. Poe hiki ole mai: Williams, Hind W. Y. Horner. Ashford. A. Horner Hookuu ia aole e koho: Hoapili. Hoopanee ka hale.