Ka Nupepa Kuokoa, Volume XXXII, Number 2, 14 Ianuali 1893 — Ke Kau Kaapuni Mua o Hilo. [ARTICLE]
Ke Kau Kaapuni Mua o Hilo.
Ua wehe ae o Lunakanawai Lyman i ke kau kaapuni mua loa malala o ke kanawai hou i ka Poakolu, lanuari 4, ma ka hale hookolokolo ma Hilo, aka ua hoopanee ia a hiki i ka Poalima, i hiki aku ai ka Hope Loio Kuhina a me na loio mai Honolulu aku nei. Ua hoohala ia ka Poalima a me ka Poaono ma na hihia liilii. Ma ka Poakahi oiai, e upu ia aku ai e hoea aku ai ka hihia pepehi kanaka o Mr. a me Mrs. Costa o Kona Akau. Ua koho wale ia e pau ana ka hebedoma i keia hihia hookahi wale no, ma ka wae ana i na kiure, ka lawe ana i na oleloike, na hoopaapaa kanawai, na olelo hoonoho-
noho a na loio a pela aku. E lilo ana kela manawa a Lunakanawai Lyman e hoau ai i keia hihia pepehi kanaka, i manawa e hoomaamaa ia ai malalo o keia kanawai hou a me na rula ana aku ma na hihia ano nui.