Ka Nupepa Kuokoa, Volume XXXII, Number 2, 14 January 1893 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA Nupepa Kuokoa

 

ME

 

Ko Hawaii Paaeaina i Huiia

 

No ka Makahiki.         $200

No Eono Mahina.        100

            Kuike ka Rula

 

HOOPUKAIA E KA

HAWAIIAN GAZETTE CO.

H. M. WHITNEY, Luna Nui

J. U. KAWAINUI, Luna Hooponopono.

 

POAONO,     -           IANUARI 14, 1893.

 

KULA SABATI.

 

            Ianuari 29.      Ka Uhane e Iehova.

 

Zekaria 4:1-10.

 

  Hoi hou mai la ka anela i kamailio me a’u, a hoala mai la ia’u, e like me ka hoala ana i ke kanaka hiamoe.

  2. Ninau mai la ia ia’u, Heaha kau mea e ike nei? I aku ia au Ua nana aku au, aia hoi, he ipukukui gula okoa, a maiuna o kona welau he piu aila, a maluna iho olaila na kukui ehiku a me na ohe ehiku no ua mau kukui ehiku la e kau ana maluna o kona welau.

  3. He elua mau laau oliva hoi e kokoke ana ilaila, o kekahi ma ka akau, a o kekahi hoi ma ka hema o ua ipu aila ia.

  4. Ninau aku la hoi au i ka anela i kamailio me a’u, i aku la, Heaha ke ano o keia mau mea, e kuu haku?

  5. I mai ia ka anela i kamailio me a’u, Aole anei oe i ike i ke ano o keia mau mea? I aku la au, Aole, e kuu haku.

  6. Alaila olelo mai la kela, i mai la ia’u, penei: O keia ka olelo a Iehova ia Zerubabela, i ka i ana, Aole ma ka mana, aole ma ka ikaika, aka, ma kuu Uhane, wahi a Iehowa o na kaua.

  7. Heaha oe e ka mauna nui? imua o Zerubabeia, he papu: a e lawe mai auanei oia i ka pohaku kumu, me ka hookani olioli ana, He aloha! he aloha iaia!

  8. A hiki hou mai la ka olelo a Iehova i o’u nei, i ka i ana,

  9. Ua hookumu iho la na lima o Zerubabela i keia hale, a na kona mau lima hoi e hoopaa; a e ike auanei oe, na Iehova o na kaua au i hoouna mai io oukou la.

  10. Nawai la i hoowahawaha i ka la o na mea liilii? E olioli auanei lakou, a e ike hoi i ka pohaku kepau ma ka lima o Zerubabela, o lakou a ehiku. O lakou na maka o Iehova e hele ae ana mai o a ianei ma ka honua a pau.

 

            MANAO NUI. E pono ia kakou ke paulele loa i ka Uhane Hemolele

 

            PAUKU GULA. Hebera 4:14. Ua loaa ia kakou ke Kahuna Nui i hala aku i na lani.

 

OLELO HOAKAKA.

 

  Ma keia haawina baibala ua loaa ka lima o ka hihio a ke kauia, a me ka wehewehe ano ana o ka aneia. O ke kumu o keia hihio hou oia no ka manao lokomaikai a ke Akua e hooikaika ai ia Zerubabela ma ke kukulu hou ana i ka luakini ma Ierusalema. Ua hana e ka poe Iudaio me ka luhi no na mahina olima. O keia olelo hoakaka oia no ka hoikeana, aia mamuli o ko ke Akua mana keia hana; aole ia he hana kanaka wale no, a kaawale o Iehova. Aole pela o Iehova he hoalauna, he alii alakai, he lunahooponopono ma na hana a pau loa.

  1. Anela – oia no ka anela i olelo i a ma ka haawina mamua iho. Hoal – hoeueu hou, me he mea la ua unea o Zekaria ma lohe ana i na olelo kupaianaha a ka anela i ka wa mamua iho. 2. Ipukukui -aole no

pela ka huaolelo pololei loa; he “huhui” ke ano o ka mea a Zekaria i ikemaka ai, me na ipukukui ehiku i paa ai ma na wanana o keia lamaku. Ua loaa ka olelo hoike o kela huhui kakui ma Pukaana 25:31-37. Ipu aiia – poepoe, palahalaha me ke poi ole; oia no ke ano o na ipukukui Iudaio i ka wa kahiko. Kaawale keia ipu aila nui maluna o ke kumu o ka huhui manamana, a noloko mai he mau paipu no ka hookahe ana i ka aila iloko o na ipukukui ehiku. Ohe – oia no na paipu. Ehiku – he hoailona keia helu o na ano okoa, lehulehu, a pihakui o na oihana lawelawe pu o na hoahanau ma ka ekalesia hookahi o Iesu Kristo. 2. Oliva – noloko mai o na hua oliva ka aila no ka ho-a aua. Alua – he hoailona o ko ke Akua hana pu ana me na kanaka ma ka hoolako mau ana i ka aila. Ke ole ko ke Akua mana, aole e ala ana n oliva. Ke ole ko ke kanaka hana aole e kaomila aku ana ka aila. O na lula elua, p. 12, oia no ke kiaaina a me ke kahuna nui. 6.   Ikaika – o kona kino ponoi Mana – o ke alii ma ka hoomalu ana a me ke koikoi ana i na makaainana. Uhane - ko ke Akua noho pu ana, launa pu ana, hana pu ana me kanaka. Ua haawi mai ke Akua i na kanaka i kekahi hapa o ka hana ana. Ua kaawale kekahi nona iho, e like me ka Makua ma ka olelonane o ke keiki uhauha, e mahele ana i kona mau waiwai me kana mau keiki. 7. Mauna- ka huina pau o na mea kue i ka holopono ana o ka hana a ka Haku. Ua nui ka ilihune, hawawa, nele. Papu-he hoailona o ke ano maalaahi o ka hooholo ana i ka hana a ka Haku. Aloha -no ke Akua mai ma keia luakini nani. Kumu – pohaku hoopaa, hope loa, pau ka hana. 10. Liilii – ma ka hoomaka ana. Eia ka anoano liilii; i ka wa mahope e lilo ana oia i kumulaau kiekie, manamana loa. Ehiku- oia no na mana lani e hooponopono ana i ko keia ao. Maka – ma na wahi a pau ko ke Akua ike; aole kakahi hana i maopopo ole i ke Akua mai kinohi aku a hiki i ka hopena. Pohaku kepau-ka poka hookupololei; he hoailona ia o ka mea hooponopono hana, nana i kaha i ka pepa kiihana; nana e hooholo i ka poe paahana.

 

HE MAU NIELE.

 

  Ka huhui kukui manamana gula, 1-2. Ma keia hiio elima a Zekaria, heaha ka mea hou ana i ikemaka ai? Owai ka mea ana i kamailio pu ai? Hana kana hana? Heaha ke ano maoli a keia huhui kukui i hoailona aku ai? Heaha ko ka ipu aila? Na ipukukui ehiku? Na ohe? Ka aila? Na kumulaau oliva elua? Ehia mau manamana: Heaha ke ano o ka helu ehiku? Owai ka mea e ae, nana i ikemaka i keia mau ipukukui chiku a me ko lakou kumu gula, Hoikeana 1:12, 13, 20? Pehea ke ano like o ka ekalesia a me keia lamaku?

  Ka mana o ka Uhane Hoohemolele, 4-7. Heaha ka olelo a Zekaria i ka anela? Pehea ka olelo pane nana mai? Heaha ka manao p. 6? Heaha ka mea i hoailona ia o ka mauna, p. 7? Heaha ko ka papu? Heaha ka Zerubabela? Heaha kekahi manao ano like, 1 Kor. 1:27,28? Heaha kekahi olelo hooikaika ano like a Isaia 40:4, 5? Ua kaupalena ia anei ka mana o Iehova ma kona kokua ana i ka poe nawahwali? Heaha ka Iesu olelo hoohalike, Ioane 15:1-8?

  Ka wanana a me ka hoopau ana, 8-10. Heaha kekahi olelo hou mai ia Iehova mai, p. 9? Owai ka mea nana i hookumu i ka luakini? Owai ka mea e hoopau ai i ka hana kukulu? Heaha ke kumu no kona lanakila ana: No keaha i hoowahawahaia ai na mea liilii? Ua pili anei keia mau oleloao i ka Ekalesia o Iesu i keia wa? Ua pono anei ke hoowahawaha i ka makamua o ka hewa? Ua hoomakaukauia anei ka lahui Iudaio e noho oluolu, ina paha ua kailiia aku ka luakini holookoa?

 

HE MAU MANAO PILI.

 

  1  Hiki anei ia kakou ke lanakila ina paha e paulele wale kakou i ko kakou ikaika?

  2  E pono anei ke hoolehelehekil no ka nui o na mea kue?

  3  Ua naaupo anei ka hoowahawaha ana i ka makamua liilii o ka manaoia maloko o ka poe ilihune a mo ka haahaa?

  5  Ua hiki anei ke hoolanakila ke Akua i ka poe manaka?

  5  Ua hooili anei ke Akua i kekahi hanu maluna o kela a me keia manaoio ma ke kukulu ana i kona luakini, oia no ke ano kanaka i hoohemoleleia?

 

He Hoomaikai.

 

  I ka mea Hanohano W. H. Rice Kiaaina o Kauai a me Mrs. W. H. Rice o Lihue Kauai. Aloha olua; O makou o na Luna a me na Hoahanau a pau o ka Ekalesia Hoole Pope o Kalaupapa nei, ma o ko makou mau komite ala.

  Ke haawi aku nei makou a pau i ko makou hoomaikai nui, no ko olua poina ole i ka hoomanao mau ana mai ia makou me ka makana nui lua ole o ke “Aloha Karisimaka” oiaio, ma o na keonimana Williama Clark a me A. K. Hutehinson ala. Nolaila, ua hooholo makou e lilo ko olua aloha i kia hoomanao poina ai iloko o na ia a pau o ko makou ola ana. A mawaho ae o na mea a pau.

  Ke nonoi nui nei ka leo o ka makou pule i ka lokomaikai o na Lani Kiekie Loa e paumi hou i amai na pomaikai he nui no ko olua aloha, a e ukali ia hoi ko olua mau la me ka holomua. O makou iho no me ka haahaa.

J. A. Kamau,

S. H. Kalawaiaopuna, }Komite

Job. K. Kainuwai,

Kalaupapa, Dec. 30, 1892.

 

NA LETA

 

  [Aole o makou makemake e lawe i ke koiko o na hala no na manao i hoopuka ia malalo o keia poo e ko makou poe mea kakau.]

 

No Ka Ma’i Lepera

 

[Hoomauia mai.]

 

  Ma keia olelo ana pela, penei ko ke Akua manao, ua paa kona manao e hoopai i ka poe hana hewa i ka make mau loa. Pehea la ka noonoo o ke kanaka e hoaia ae ai Hoko ona iho? Eia ka manao o ke Akua ia oe e ke kane a me ka wahine kolohe, e imi aku oe i ke alanui e weheia ai kou pilikia mai ka make mau loa mai, a e ola no oe, no ka mea, ua hoakaka pono mai ka Palapala Hemolele i ke alanui e ola ai oe; ina no aole oe e hana e like me ia mau kuhikuhi ana, nou no ia hewa.

  Eia hoi keia: Pela no ka ma’i lepera i oleloia e ke Akua iloko o ka Baibala, ua hoakaka mai no ke Akua ma kana olelo, o na lau o na laau ka mea e ola ai no lahuikanaka a pau, oia hoi o ka lau o na laau he laau lapaau ia no na ina’i o ke kino; aole oia wale, ua paa ko ke Akua manao e hoopai ia o Ninewa ke hala na la he 40, me keia mau huaolelo wale no o Iehova i kauoha ai ia Iona, aole i olelo hou aku ke Akua ina e huli mai lakou wake no, “Hookahi kanaha la e lukuia o Ninewa i ka make.” Pehea, ua ae aku anei lakou e hoomake wale malalo o ia kauoha? aole loa pela. Eia ka mea i ike ia, ua imi ae keia lahuikanaka mai ka mea e hoho ana ma ke kalaunu a i ka lopa pili wale i ke ola no lakou iho, a ua ola lakou. Nolaila, e Hawaii imi loa e noho wale nei, ua silaia anei ko kakou mau ola no ka make mau loa? O ka mea e ikeia nei, ua lilo ke ola o keia lahui ia hai, aole ia oe ponoi; heaha auanei la ka lakou la hana ia oe? Eia wale no, he enemi oe no’u e pono oe e make, a o ia mau hana he mau hana naaupo wale no ia iloko o keia au malamalama a naauao nui wale, a ua lilo ka naauao o keia lahuikanaka i naaupo ma ka lakou hana.

  Nolaila, pehea la oe e noonoo ai e ka lahui Hawaii, e olelo mai paha auanei kekahi poe ua hoao nui ia na lapaau ana a ua ola no, aka, ua puka hou mai la no; heaha la hoi ka hewa o ia, hoomau aku no ka lapaau ana, ina no elua e ekolu puka ana, e lapaau aku no, aole o ka hoea mau ana o ia ma’i iluna ou oia kou mea e haalele loa ai a olelo iho he ma’i ola ole, he naaupo ia olelo; pela no na ma’i e ae e like me ka fiva, nalulu, a pela aku, a me na hooikaika lapaau ana e loaa ai ke ola. He eha o’u loaa ana i ka ma’i i oleloia e na kauka he fiva, aka, ua lapaauia no a ola. Nolaila, me keia mau hoakaka ana, ua pau ke kanalua ana no ka pono ke lapaau hou aku, aole pono ke hoole wale me ka hooikaika ole i na hoao ana i mea e palekana ae ai keia pilikia mai ia oe ae e Hawaii ponoi.

 O kekahi mea kupaianaha loa a’u e ike nei, ua kiola ia ka poe ma’i lahilahi a me ka ma’i i hele a kaumaha loa i kahi hookahi e huikau ai, i mea nui loa ae ai ua ma’i la iluna o ka poe ma’i lahilahi, aole hoi he hookaawaleia e like me ka makemake o keia manao akea, a i ole la hoi, e like ae me ka makemakemake o ke kanawai. Eia no hoi, aole no e hanaia ana keia mau ano hana e ka poe nana e malama nei i keia oihana ke ole e loaa ke aloha iwaena o lakou no keia lahui, a oia ko lakou mea i kapaia ai he Papa Ola, oia hoi e imi aku lakou i na kumu e hiki ai ke loaa ke ola no keia lahui, me ke aloha maoli no iloko o lakou. Nolaila mai ke kumu o ko’u kakau ana i keia manao akea, e koi ana i ka Papa Ola e hana pono mai ka Papa i na mea e pono a e ola ai keia lahui, oia hoi, e hookaawale ae ka papa i ke ano o na ma’i i oleloia he lepera i na papa ekolu. O ka mua, o na ma’i lahilahi loa; o ka elua, o na ma’i ano mahuahua iki; o ka ekolu, o na ma’i i hele a kanmaha loa; o na ma’i helu ekahi me elua, penei e hauaia ai; O ka lielu ekahi, e lapaau ia iloko o elima mahina; o ka helu elua, oia hoi ka ma’i ano kaumaha iki, i ewalu mahina; o ka helu ekolu, i hookahi makahiki e lapaau ai.

  Ina owau kekahi lala o ka Papa Ola, pela au e hana ai i kulike ai me ka’u i hoohiki ai e malama i ke Kumukanawai, a ke hai nei au i ko’u manao mamuli o kuu ike pono i ke ano o na ma’i e noho nei iloki o ka halemai o Kalihi. Ekolu no mahele o na ma’i, a o ia mau mahele nae, ua ulupaia iloko o ka luakupapau hookahi, a he ku maoli no i ka menemene ke nana aku i ke aloha ole o ka Papa Ola, aka he mea akaaka wale no nae ia na lakou nei ma.

  Ma ko’u manao kuokoa, aole au e pono ke noho mumule wale, me ka ekemu ole o ko’u waha o lilo auanei au i mea pepehikanaka, a mamuli hoahewa mai ke Akua ia’u no ia mea; aka, i ko’u puhi ana i ka’u pu imua o ka lehulehu, a i lohe ole lakou, ua hala ole au, a o ka Papa Ola paha, a e puka mai auanei ka ninau e like me keia: Ina e aeia ana keia manao, auea ke kauka nana e lapaau keia mau mahele o na ma’i? Eia ka pane: Elua mahele o na kauka, o ka mua i poe kauka kanaka Hawaii, o ka lua i poe kauka haole, a na keia a me keia mea ma’i e uku aku i na kauka. Ina pela e hanaia ai, ke lana nei ko’u manao e loaa ana no he maha a me ke ola maikai o kekahi poe.

  Eia hoi keia mea kupanaha, ina e lapaau ia ana kekahi ma’i e kekahi kanaka i kupono ke hilinai e ola ana iaia, aua ike ia ka loli ano e ana ae o ka ma’i ma ke ano maikai, o ka hopu koke ia aku la no ia a paa ae la, hoike ae la hoi na kauka aole e ola.  No keaha iho la? Eia, aole i ana ia ka manwa e lapaau ai o ka hopuia e ia no ia a paa ana i Kalihi, aohe ai laau he noho wale iho no. Ua like no me ka pepehikanaka. Nolaila, ke koi nei keia makapeni i ka oluolu o ka Papa Ola e  hooikaika e loaa he mau lapaau kupono ana i keia ma’i. No ka mea, e ola ana no ke hanaia, a oiai ua haawi mai ke Akua i kekahi poe kanaka i poe akamai, a o kekahi poe he naaupo; ua kuhikuhi mai no hoi oia ikela kanaka keia kanaka i ka uhane ike i ka noonoo, a me ka naauao loa. Nolaila, aole o ka hana ana o kekahi kauka i kekahi ma’i a ola ole, pau ae la no, aole pela, e huli aku  mea hoola hou, hoomau aku pela.

  Ia oukou hoi kekahi wahi kanaenao e na hoaloha lunamakaainana a me na ‘lii a me na kuhina pu iloko o ka Hale Ahaolelo, he mea pono ia oukou ke noonoo nui i ke ola o ka lahui, e hooikaika hoi e imi i kahi e palekana ai ka lahui; no ka mea, aole o kakou mea e pakele ana i keia ma’i, e pau pu ana no kakou iloko o keia lua make hookahi. Aka, ina e loaa ia kakou na kanawai kupono e loaa ai ka maha a me ka oluolu, alaila loaa kahi puu maha iki, a o keia no hoi kekahi kumuhana ano nui e hapai ikaika ia ai iloko o ko oukou mau noonoo ana.

  He nui na lohe e wawa ia nei, ina he oiaio, aia he mau haneri poe i oia ke noho pu la no me ka poe ma’i ma Molokai. Ina pela, aole anei he mea pono e huli ia aku ka oiaio o ia mau lono, a ina e loaa ka oiaio e pono e hookuuia mai lakou; malia paha mai ke Akua mai ko lakou ola, a pehea la, e haalele wale ia anei lakou e make malaila me ka nana hou ole ia aku? Aole keia he manawa e nanamaka wale aku ai, o lilo auanei kakou i poe e paio ana i ko kakou mea Nana i hana, aole oia wale, aka aole keia o ka manawa e nana wale ai, oiai ke holokiki loa nei ka lahui e nalowale iloko o ka make e like me ka waikahe ikaika paa ole ke pani aku.

  Nolaila, penei hou kekahi mau hoakaka ana, aia a ahewa ino n kauka i kekahi poe he ma’i lepera, alaila e huli koke aku ka Papa Ola i kekahi mau kauka kupono e lapaau ai i ua poe la, a e haawi hoi lakou i na lapaau ikaika ana; aole i na haole wale no, aka i na kanaka no kekahi ma’i e lapaau ai. No ka mea, he like oke ke ano o ka ma’i e oleloia nei he lepera, o kekahi ma ka papalina a ma na lima ko kekahi poe, a o kekahi poe aohe ma’i o na helehelena aia nae ma ke kino kekahi mau puupuu a me kekahi mau pohaka kakaikahi. Alaila, eia ka ninau, ua kupono anei ia ano ma’i e e kiola ia iloko o ka make: O kekahi poe ua pepee ka lima a ua eha ka wawae, o ke kino he maikai loa, pehea ia ia ua kupono paha e kiola ia iloko o ka make? Aole. He mea pono e lapaauia lakou e na kauka, ina aole e ola i na kauka haole e haawi koke i ke kanaka nana e lapaau, a oia ko’u mea e olelo nei aole pono e hoole wale no aole ola me ka hooikaika ole e lapaauia ua ma’i la.

  Pehea la ko’u hoaloha o H. G. Treadway, ua hele aku oia e imi i kona ola ma kahi loihi, o ia hana ana pela he hana naauao loa ia, aole o ka olelo ana mai a na kauka he ma’i lepera kona he mea ia e haawi pio aku ai e make, aole loa; he mea pono e imi aku i ke ola ma kahi e hiki ai. pela ko ke Akua manao i na kanaka a pau, ina e ma’i ke kanaka e pono i ua kanaka la e imi aku i ke ola, a o ka mea imi ole i kona ola he pepehikanaka ia, a oe ke kanawai e keakea ana i ka lahui i ka imi ana i ke oia, he pepehikanaka no ia kanawai, he kanawai pahikaua no ia, a he kanawai pahikaua no ia, a he kana wai kupapau no ia, e pono e hoopau i keia kanawai ino, a o ka poe e aua ana me ka poe nana i kau he pepehikanaka lakou, a ua uhaki lakou i ke kanawai eono o ke Akua i kakauia ma Pukaana 20:13.

  Owau no me ke aloha nui,

  J.H.

  Halemai o Kalihi, Dek. 28, 1992.

 

AHAOLELO O 1892

 

LA HANA 156, DEC. 27, 1892.

Hoomaka na hana i ka hora 9:08 kakabiaka.

NA PALAPALA HOOPIL.

 

  Na Nawahi, mai Hilo Hema mai, i Kumukanawai hou.

  Na ke Kakauolelo, mai a M. Rose mai o Kaneohe, e huli ia kela hoolimalima o kekahi mau aina Lei Alii a J. E. Bush i hoole ai aole e lawelawe. Aia ia J. E. Bush.

NA OLELO HOOHOLO,

  Na Edmonds, he olelo hooholo, kauoha ia ka Lunahoomalu o ke Komite Hookolokolo, e hoihoi mai i ka bila 91, pili i ka oihana wai o Wailuku, a e lilo i hana no ka Poaha. Hoihoi hou.

  Ma ke noi, ua hapai ia

NA HANA O KA LA.

  Heluhelu elua ana i ke koena aku o ka bila 139, oia ke Kanawai Koho Balota.

  Kiola ia ka pauku 4, hooholo ia ka pauku 5 me ka hoololi a hooholo loa la na pauka 6 a me 7 a me ka poo. Kauoha ia e kakau poepoe a heluhelu ekolu ma ka Poaha.

   Komite ka Hale i ka noonoo ana i ka bila Ahaelele Hana Kumukanawai. Noho o L. M. Kauhi ma ka noho.

  Hoopaapaa loihi ke komite no na hoike elua a ke konite kumukanawai, o ka hapanui o ka hoomoe ma ka papa, a o ka hapauuku e hooholo aku. Hoopau ia ke komite i ke awakea a noi ia e noho hou.

  Ma ke kapae ia ana o na rula, ua waiho mai o Smith o ke komite Hookolokolo i ka hoike no ka bila oihana wai o Wailuku, he bila hoololi ka ke komite. Waiho ia a noonoo pu me ka bila.

  Hoolaha mai ke Kuhina Waiwai he bila e hookaawale hou aku ai i puu dala no na lilo o ka Ahaolelo.

  Hoike mai ke Kuhina Kalaiana, ua waiho ia aku na bila 14 a me 244 i ke Alii ka Moiwahine.

  Hoopanee ka hale.

 

LA HANA 157, DEC. 1892.

  Hoomaka ana hana i ka hora 9:24 kakahiaka.

  Ninau o Smith, ke kokoke aku nei paha e pau i ke kakau poepoe ia ka Bila Haawina.

  Pane ke kakauolelo, e makaukau ana a pau i ka Poakahi a Poalua paha.

  Ma ke kapae ia ana o na rula, ua heluhelu mai ke Alii Pua he mau hoopii noi hoapau kumukanawai. Waiho ia a noonoo me ka bila.

NA OLELO HOOHOLO.

 

  Na waipuilanai, he olelo hooholo, e halawai ka Ahaolelo ma na hora 7:30 o ka po, koe ka po Poaono Holo.

  Noi ke Alii J. M. Horner, e lilo ka bila 67 i hana mahope aku o ka bila 95. Holo.

  Ma ke noi, na hapaiia.

NA HANA I KA LA.

  Oia ka hana pau ole o ka noonoo ana i ka bila hana kumukauawai i ke komite o ka Hale. Noho o L. Mo. Nawahi ma ka noho.

  Hoopaapaa loihi ke komite a hoomaha wale i ke awakea.

HALAWAI AIUNA LA.

  Akoakoa hou ke komite i ka hora 1:35:

  Hoopaapaa hou ke komite o ka Hale a hiki i ka hora 3:15, ua hoopau ia ke komite a ua hooholo ia ka oike a ka hapanui e waiho ana i ka bila ma ka papa.

  Poe ae e waiho ma ka papa: Wileax, Robinson, Jones Brown, Berger, Ena, Peterson, Williams, Kauhane, J. M. Horner, Hind, Marsden, Young, Baldwin, Anderson, McBryde, Kanoa, Dreier, Wilder, Kauhi, Kapahu, Iosepa, Smith, A. S. Wilcox-24.

  Poe hoole: Pua, Cummins, Maile, Hoapili, Cornwell, Bipikane, Aki, Pua, R. W. Wilcox, Bush, Nawahi, Kaunamano, Kamauoba, Waipuilani, Nahinu, White, Kanealii-17.

  Hoike mai ke Kuhina Kalaiaina, ua kakau inoa ka Moiwahine i ka bila 214, pili i ke alualu ana maluna o na aina o hai.

  Ma ke noi, ua hoopanee ia anoho hou i ka hora 9 A.M. o ka la apopo.

 

LA HANA 158, Dec. 29, 1892.

  Hoomaka na hana i ka hora 9:30 kakahiaka.

  Ma ke noi, ua hapai ia

NA HANA O KA LA.

  Heluhelu alua ana i ka bila 228, e kukulu ai i Oihana Kinaiahi no Hilo.

  Ma ke noi, ua noonoo a hooholo pakahi ia na pauku he 20 a me ke poo. Kauoha ia e kakau peepoe a heluhelu ekolu ma ka Poaono.

E nana maloko.

 

Hoolaha Kumau.

 

OLELO HOOLAHA.

  EIKE AUANEI NA MEA A PAU OWAU O ka mea nona ka inoa malalo iho ke papa a ke hookapu loa aku nei au i kua apana aina e waiho la ma ke ahupana o Pahoehoe. Kona Akau, Hawaii, aole hookua wale na mea holoholoa: ina e kua i ku’u luna i hookohu ia e a’u oia o A. P. Nahulu e uku ia e like me ka kanawai.

  H.W. HALULE

  Honolulu, Nov. 10 1892      2413-2m

 

Hoolaha a ka Lunahooponopono Waiwai.

  ONA POE A PAU HE MAU LOINA KA LAkou i ka waiwai o KEKAHA i make o Waiehu, Wailuku, Maui, Ko Hawaii Pae Aina, e hoouna koke mai me na hooia kupono i hoohiki la imua o ka-Notari o ka Lehulehu, i ka mea nona ka inoa malalo iho ka mea i hookohu ia i Lunahooponopono Waiwai no ka waiwai o ka mea i make, maloko mai o na malama eoue, a i ole ia e houle mau loa ia aku no. O ka poe a pau i aie i ka waiwai o ka mea i make, e hoekaa koke mai ma ka manawa a mamua ae o ka pau ana o ka eono malama.

  W. H. DANIELS.

  Lunahooponopono  Waiwai o Kekaha i make.

  Wailuku, Maui, Oct. 25, 1892.        2411-6m

 

Hoolaha Hookapu Aina.

  KE PAPA A HOOKAPU LOA IA AKU NEI ka bolo ana o na holoholona o ka poe e ae maluna o na aina hani holohoiona o’u ma Pahonua a me ka hapa mauka o Humuula, Hilo, Hawaii, a ke kauoha ia aku nei e hoonee aku i na holoholona me ka hookaulua ole, a i ole, e hoopii ia no e like me ke kanawai.

  J. T. BAKER,

  Hilo, Hawaii. Mar 31, 1892.            2388-tf

 

KAUKA LEONG KENG TONG

 

(L. AKINA.)

  EIKE AUANEI NA ANO LAHUI A PAU, E noho ana ma ke Aupuni Hawaii, mai na kane, wahine a me na keiki: i leaa i na ma’i o kela a me kela ano, e naue mai i ko’u keena hana, a na’u e hoopau aku i ua ehaeha a ka ma’i maluna o oikou e na makamaka. We hiki la’u ke lapaau i na ano ma’i a pau:ma’i Hoko o ka opu, hu’i ke kino, aki Hoko o ka iwi, eha o ke poo, ma’i wahine, a pela aku. Mai hoolelehe aku e na hoa, a he hiki ia’u ke lapaau i ka ma @ hookaawale ohana. Hele mai hookahi, hele mai elua, hele mai no a pau loa: he oluolu ka auhau, ke hui me ia ma na kukai olelo ana: ua makuakau au e pulama mai i na kono ana mai mai na Mokupuni mai, me ka eleu me ka hikiwawe loa, he makamaka a he hoaloha maikai no ou e na Hawaii oiaio.

  DR. AKINA,

  Helu 40, Huina o na Alanui Kamika a me Hotele Honolulu           2405-1N

 

Hale Hana Kopa O Honolulu.

 

   Ua paa aenei ka Hale Hana Sopa Mahu Hoa o ka poe no lakou na inoa malalo iho a ua makaukau lakou e hoolawa aku i ka poe piepie i ua

 

KOPA MAIKAI LOA MAOLI

 

I hookomo ia iloko o na Pahy 100 paona mai ke 42 a 56 auka Kopa pakahi.

 

Ke hooia ne makou i ka oi o la MAIKAI o ka makou  KOA mamaa o na Kopa o waho mai.

 

Ua kuni ia mawaho o ko makou mau Pahu me ka hoailona ‘HONOLULU SOAP CO.,” a e

 

Kuai ia e na Halekaui Liilii a Pau.

 

HUI HANA KOPA A HONOLULU

 

M. W. McChesney & Sons,

                                                                        NA Egona.

2396

 

PAPA!  PAPA!

 

AIA MA KAHI O

 

Lewers & Cooke

 

(LUI MA),

 

Ma ke kahua hema o Alanui Papu me Moi.

 

E LOAA NO NA

 

PAPA NOUAIKI

 

O kela a me keia ano,

  Na Pani Puka, na Puka Aniani,

  na Olepelepe, na Pou, n O’a,

  na Papa Hele, na Papu Ku,

  me na Papa Moe he nui loa.

 

NA PILI HALE O NA ANO A PAU

A me na

 

WAI HOOHINUHINU NANI

 

O na ano a pau loa.

 

Na Balaki o na Ano he Nui Wale

 

  Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

 

Uku Haahaa Loa,

 

  E like me ka mea e holo ana mawaena o Lana a me ka Mea Kuai.

 

Hele Mai e Wae no Oukou iho.

2396-q

 

Hoolaha Kumau.

 

KALELA

 

ME

 

KUKE

 

KA – HALEKUAI – NUI

 

O NA

 

WAIWAI LIKE OLE

 

NA LAKO,

 

HANA KAMANAAPAU

 

             Na P@

             Na Upa,

             Na Palapala,

             Na Peaa, a me na

 

KAA – PALALA

 

NA MUKUKUA ME KA AHA

 

PALAU!

 

A me na mea Mahloi.

 

NA PAKEKE POI

 

            Na Ipuhao,

            Na Hiwai,

            Na Malau, a me ua

            Aho Lawaia.

 

Mikini Humuhumu

 

MIKINI A WILCOX ME GIBBS

 

Na Mikina a Remington

 

Kakela me Kuke

 

2396 q

 

KA AYER SASEPARILA

 

  Oia ka LAAU oi loa o ka maika no na mai i hookumu ia mai ke koko ino mai. Ua oi loa ae hoi, no ka mea, o kona kahua i hookumuia ai o ka

 

Honodorusa Saseparila Oiaio.

 

  No ka mea, o ka LAU NAHELEHELE a me na mea a pau i maa i ka hoohuihua ia, oia na laau oi loa o ka maikai, a no ka mea hoi ua ike ia ka waiwai ia ma ka lapaau ana i na MA’I o ke KOKO-ua oi ka

AYER SASEPARILA

 

ma na mea a pau e hooikaika a e kukulu hou ai i ke kino i hoonawaliwali ia e ka ma’i a me ka eha.

  Ua hoonoono ia ka ai, ua hoopaa ia ka ma’i o ka waihona hoowali ai, ua hooikaika ia ke Ake a me ka Puu Hoowali ai, a hoohana maikai ia na laia a pau o ke kino. Ua hookuku ia mai ke kino ae, ka laau make o ka ALAALA, ua hoola ia na EHA, na PUHA, na RUMATIKA, na MAIHEHE, na HUEHUE a me na ma’i ma ke poo kahe waie o ka hupe, a ma na wahi a pau ke hooia mai nei na Kauka alakai i ka maikai o keia laau.

  Ke hoola nei ia hai, a e hoola no hoi ia oe.

  No ke KUNU a me ke ANU o ka

 

AYER CHERRY PECTORAL

  ka laau lapaau alakai o na ohana.

 

  No ka NALULU, ka LEPOPAA ka LENA a me kekahi mau m@@ inoino e me o ka opu, e lawe i ka

 

AYER HUAALE CATHARTIC

 

E makemakenui ia nei e ko ke ao puni.

  Hoomakaukauia e Kauka J. C. AYER & Co., Lowell, Masekuseta.

 

HOLLISTER & CO.

Na Agena ma ka Paeaina Hawaii.

2396-q