Ka Nupepa Kuokoa, Volume XXXI, Number 51, 17 Kekemapa 1892 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

                        ME KO HAWAII PAKAINA I HUIIA.

Buke XXXI Helu 51 Honolulu, Poano, Dekemaba 17, 1892.

Na Helu a Pau, 2420.

 

Hoolaha Loio.

 

Antone Rose, (Akoni.) Lioi a he Kokua ma ke Kanawai. Luna Hooiaio Palapala. Keena Ilana ma Alanu Kaahumanu. 2370-

 

            Nellie M. Lowrey, Notari no ka lehulehu a he Luna Hooiaio Palapala a me na palapala hoohiki. Kaena Hana me W.R. Kakela, Loio, ma ka aoao makai o ka Hale Leta, Honolulu. 2370.

 

            E.G. Hitchcock, (Aikue Hikikoki) Loio a kokua ma na mea a pau e pili ana ma ke Kanawai. E ohiia no na bila aie me ka awiwi. Hilo, Hawaii. 2370.

 

            J. S. Smithies (Kamila,) Notali no ka lehulehu a he Agena  Haawi Palapala Mare. Mahukona, Kohala, Hawaii. 2378-1y.

 

            W. R. KAKELA, loio a he kokua ma ke Kanawai. He luna hooiaio palapala. 2370.

           

            WILLIAM C. ACHI, Loio a he Kokua ma ke Kanawai imua o na Aha a pau o keia Aupuni. He Notari no ka Lehulehu a Boroka no na Waiwai Paa. Keena Oihana, Helu 36, Alanui Kalepa, Honolulu, Oahu. 2370.

 

            JAMES M. MONSARRAT, (Maunakea, ) Loio a he Kokua ma ke Kanawai. He luna hooiaio palapala. E hana ia no ua Palapala Kuai, Palapaia hoolimalima, a me na Palapala Pili Kanawai e ae ma ka olelo Hawaii. Dala no ka hoaie ma ka moraki ma na Waiwai Paa.

            Keena Hana: Hale Pohaku hou ma ka aoao ma Waikiki o ka Halewai, alanui Kalepa. 2370.

 

            WILDER & CO., (Waila ma.) Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale. Kihi a Alanui Moiwahine  me Papu. 2396-q.

 

KO BIHOPA MA, BANAKO MALAMA DALA

            Elawe no makou i na dala hoomoe ma ka hoaie ana ma ko makou Banako Malama Dala malalo o keia mau kumu:

            Iua e hoomoe mai ke kanaka hookahi i na dala Elima Haneri, e uku no makou i ka ukupanee ma ka Elima Hapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe i ekolu mahiua, a ua waihoia paha ke dala a hula na malama ekolu i ka wa e hooponopono ia ai na helu. Aole uku pauee e helu ia maluna o na dala hakina no na la olua paha o ka mahina.

            Aole uku  panee e uku ia i na dala e lawe ia ana maloko o ekolu mahina mai ka waaku o ka hoomoe ia ana mai.

            He 30 la mamua ao o ka unuhi ana aku o kekahi kanaka i kana mau dala, e hoike e mai i ka Banako, a e luwe pu ia mai ka buke dala i ka wa e kikoo ai.

            Aole dala e uku ia, aia wale no ma ke kikoo ka mea naua i hoomoe mai i ke dala me ka laew pu mai i ka buko hoahu dala.

            I ka la mua o Sepatemaba o kela a me keia makahiki e hooponopono ia ai ne helu o na mea a pau, a o na uku panee i uku ole oa maluna o na puu dala a pau e waiho ana me ke aikoo ole ia, e helu ia ma ka aoao o ka mea hoomoe dala mai i hala na malama ekolu, a ma ia wa aku e hui ia me ke kumupaa mua,

O na puu dala haomoe mai maluna o elima haneri dala, e lawe ia no mamuli o ka aelike pu ana.

            E hamama ana ka Banako ma na la a pau o ka hebedoma, koo na la Sabati a me na la Kulaia.

            Bihopa Ma. Honolulu, Iau. 2396-q.

 

 

J.T. WATERHOUSE, (Walakahauki.)

Halekuai o na lole nani panio! LHOK O, Na Lako Hana Mahiko, A pele aku he nui wale. Alanui Moiwahine, Honolulu.. 2396-q.

 

 

J.HOPP & CO.,         

Na Poe Hana ma na Lako Hale o na ano a pau! @ana Moe, na uluna pulu, Etc. @oho no la Hoolimalima ana, ua Lako Hale me ke kumukuai emi. Honolulu. 2396-q.

 

 

AHAOLELO O 1892

La Hana 139, Dec. 6, 1892

Hoomaka na hana i ka hora 9:13 kakahiaka. Noi o Wilder, e hapai hou i ka noonoo ana o ka uku o ka Luna Awa. Ae ia.

Noi ka Loio Kuhina, e hapai hou i ka noonoo ana o na haawina o ka Hope Loio Kuhina a me ka Hamuku. Ae ia.

Noi o Kamauoha, e hapai hou i ka noonoo ana o ka haawina o ka Mahele a Unuhiolelo Pukiki. Ae ia.

Noi o R.W. Wilikoki, e hapao hou i ka noonoo ana no ka haawina o ka Luna Paahao o Oahu. Haule.

Noi o Ashford, e hapai hou i ka noonoo ana no ka haawina o ka Malama Halepapaa. Haule.

Hoike mai ke Komite Waiwai, no ka bila 113, e aie ai-ke aupuni i $200,000 no ke kukulu ana i mau uwapo a me na hale hoahu ma Hilo, a e hoomaka ai i ka hoomoe ana o ke alahao mai Hilo a Hamakua, e haawi no kekahi Komisina e huli pono a hoike mai i ka Ahaolelo e noho hou mai ana.

 

NA OLELO HOOHOLO.

Na Smith, he olelo hooholo, e ninau ana i ka manao kanawai o ka Aha Kiekie piha e kakau inoa anei ke Aliiaimoku i lilo ai i mea mana kekahi hoololi Kumukanawai mahope o ka hooholo ia ana e na kau Ahaolelo elua, aole paha. Hooholo ia.

Me ke noi, ua hapai ia.

 

NA HANA O KA LA.

Heluhelu ekolu ia ka bila 176, e hooponopono ai i na hora hana o na paahana o ke aupuni. Mahope o ka hoopaapaa ana, ua hooholo ia ke bila e 21 ae ia 19 kue a he 9 poe i noho.

Heluhelu ekolu ia ka bila 42, e hoololi ai i ke kanawai o na Haku a me na Kauwa a hooholo loa ia.

Heluhelu ekolu ia ka bila 119, e hoololi ai 1 ka pauku 1 mokuna 40 o ke karaima, pili i na oleloino a hooholo loa ia.

Heluhelu ekolu ia ka bila 199, e hoololi ai i na lepera hoohuoi ia a hooholo loa ia e 24 ae ia 15 kue, me ka hoololi  nae a ka loio kuhina.

Heluhelu elua ia ka bila 194 a waiho ia mahope.

Ma ke kapae ia ana o na rula, ua heluhelu mai ke alii Pua he olelo hooholo, e aua ana i na ma’i kepera i hoohuoi ia ma Kalihi aole e lawe ia i Molokai a hiki mai ke kauka Beritania e holo mai nei. Hoole ia.

Ma ke kapae ia ana o na rula, ua waiho mai o White he hoopii na ko Moanalua, e koho ia ona makai no ia wahi. Haawi ia i ka Loio Kuhina.

Hoomaha ka Hale i ke awakea a noho hou i ka hora 1:30 auina la.

 

HALAWAI AUINA LA.

Akoakoa hou ka Hale i ka hora 1:30 me 27 laia i hiki mai a he 26 i hoololohe aku i hope.

Hoike mai ka Loio Kuhina, ua waiho ia aku no ko ka Moiwahine kakau inoa mai, na bila 175, 42, 198, 199, 189, 108.

Noonoo ia ka bila 194, e pili ana i ke kipi a hoopanee loa ia.

Heluhelu elua ia ka bila 209, e hookuu ai i na uku pooleta o na mea i pau ia a ka Hui Hoolaha aku ia Hawaii nei i ko na aina e ke hookomo ia ma na eke leta a hooholo ia e kakau poepoe.

Heluhelu elua ia ka bila 207, e hoololi ai i ke kanawai auhau pooleta. Haawi ia i ke Komite Hookolokolo.

Heluhelu elua i ka bila 208 a waiho ia mahope no ka hiki ole mai o ka Loio Kuhina.

Heluhelu elua i ka bila 203, e hoomana ai i ka hoopuka ana i kekahi mau palapala aila no kekahi mau kanaka i loaa ole na kuleana a hooholo ia e kakau poepoe me na hoololi a heluhelu ekolu i ka Poaono.

Heluhelu elua ia ka bila 206, e hoohuihui a hoololi ai i ka bila kalewa lole a hooholo ia e kakau poepoe a heluhelu ekolu ma ka Poalua.

Heluhelu elua ia ka bila 183, e hookuu ai i kekahi mau aina ululaau mai na auhau aku a hooholoia e kakaupoepoe a heluhelu ekolu i ka Poalua.

Heluhelu elua ia ka bila 208, a haawi ia i ke Komite Hookolokolo .

Heluhelu elua ia ke bila 216, e hoemi ai i ka dute maluna o na kaa hehihehi wawae i 10 hapahaneri a hooholoia e kakaupoepoe a heluhelu ekolu i ka Poalua.

Heluhelu elua ia ka bila 8, e pili ana i ke kau kiure ma Lahaina a hoopanee loa ia.

Ma ke kapae ia ana o na rula, ua hoolaha mai o Smith he bila e hoololi ai i ka mokuna 28 o ke karaima.

Hoopanee ka Hale.

 

LA HANA 140, Dec., 7, 1892.

Hoomaka na hana i ka hora 9:15 kakahiaka.

Ua heluhelu ia mai la e ke Kakauolelo ka manao kanawai a ka Aha Kiekie no ka ninau a ka Ahaolelo i ui aku ai, e kakau inoa anei ka Moiwahine i na hoololi kumukanawai mahope o ka hooholo ana e ka heluna kupono o na hoa i ke kau elua i mea e mana ai aole paha. Ua pane mai ka Aha, aohe kakau inoa ana o ke alii.

Na Kanealii, he olelo hooholo, e haawi ana i kanalima la i ke kakauolelo e hooponopono ai i kona mau moolelo mahope o ka hookuu ana o ka Hale Ahaolelo. Apono ia.

Noi o Kaluna, e haawi ia ka bila 91 i ke Komite Hookolokolo.

Hoike mai ka Kakauolelo, ua haawi mua ia no ia komite.

Hoole mai ka lunahoomalu hou o ke Komite, aole i loaa mai iaia mai kona mua mai.

Ma ke noi, ua hapai ia.

 

NO HANA O KA LA.

Heluhelu ekolu ana i ke koena aku o ka Bila Haawina.

Noi o Wilder, e hooholo ia ka uku o ka Luna Awa i $6,000. Haule. Hooholo ia no e like me ko ka wa i heluhelu elua ia ai.

Hooholo ia ka haawina o ka Hope Loio Kuhina i $6, 332.

Uku o ka manawa i hala o ka Mahele a me Unuhiolelo Pukiki, $600. Holo.

 

BURO HOONAAUAO.

Uku Hope Kakauolelo, $3,200. Holo.

Uku Elele me Kakauolelo Beritania a me Hawaii a me kula maoli, he $164,00. Holo.

Heluhelu mai ke Komite Malama Ola no ka Hoike o ka Hale Hoohanau Keiki, e hooholo aku i ka haawina i $2,400, a e hoihoi ia ma ka pauku 1. Apono ia ka hoike.

Hoike mai ke Kuhina Kalaiaina, ua kakau inoa ka Moiwahine i na kanawai, (1) e haawi ai i kekahi mau mana i ka Papa o ka Oihana Kinari Ahi o Honolulu, (2) e hoololi ai i ke kanawai pili i ka ma’i lepera; (3) e ae ai i ka Hui Alahao o Oahu a me Aina e moraki i waho; (4) e pili ai i ka oleloino.

Hora 11 a.m. hoomaka ka Hale a noho hou i ka hora 1:20 auina la.

 

HALAWAI AUINA LA.

            Kula Hoopololei, $8,000. Hooholo ia i $7,000.

            Kula Hanai o Hilo, $1,500. Holo.

            Kula Hanai Kaikamahine o Kohala, $1,500. Holo.

            Kulanui o Iolani, $1,500. Holo.

            Kula Kaikamahine o Makawao, $1,500. Holo.

            Kula Hanalima o Kauai, $2,000. Holo.

            Kula Kaikamahine o Kawaiaho, $1,500. Holo.

            Kula Ohana o Kona Hema, $500. Holo.

            Uku haumana kula o ke Kulanui o Oahu 9, Iolani 12, Sana Lui 25, Kamehameha 7, Kula Hanai o Hilo 8, no $6,100. Holo.

            Lako kakau me kela a me keia lilo, he $2,133. Holo.

            Na lilo o ke kula kumu, $600. Holo.

            Kumuao Akeakamai, Kulanui o Oahu, $2,133. Holo.

            Kukulu me hana hou ana i na halehula, $15,000. Holo.

            Noi ke alii J.M. Horner, e hookaawale ia i $300 no ke pai ana i na oleloao no ke ino o ka waiona a hoolaha akea aku. Holo.

 

            OIHANA KALAINA.

            Uku o ke Kuhina, $9,600. Holo.

            Kakauolelo nui, $6,334. Holo.

            Na Kokua Kakauolelo, $18,400. Holo.

            Na Elele o ke Keena, $2,400. Holo.

            Kela a me keia lilo, $3,000. Holo.

 

BURO ANAAINA.

            Uku Luna Anaaina nui, $6,334. Holo.

            Uku o na poe anaaina, $19,662 ke hui po me $942 aie.

            Na lilo o ka poe anaaina, $7,111.37. Holo.

            Na lilo o ke keena, na mea hana, na palapala aina a me ke pai ana, $1,500. Holo.

            Aie a hiki i Maraki 31, 1892, $131.26. Holo.

            Elele o ke keena, he $960. Holo.

            Noi ke Kuhina Waiwai, no ka aie i ke aua ia ana o na aina hookuonoonoo, $792.84. Holo.

 

BURO KAKAU KOPE.

            Uku o ka Luna Kakau Kope nui, $5,334. Holo.

            Hope o ka Luna Kakau Kope nui, $4,000. Holo.

            Uku o na Kakauolelo, he $6,680. Holo.

            Kela me keia lilo, $480. Holo.

 

BURO HOOPAE LIMAHANA.

            Uku Luna Kaahele nui, $1,400. Holo.

            Uku Luna Kaahele Iapana me Maheleolelo, $6,000. Holo.

            Keia me keia liko, $1,500. Holo.

 

BURO O KA OIHANA WAI.

            Luna nui me Kakauolelo Makeke, $6,000. Holo.

            Kakauolelo mua me elua, $5,400.

            Na lilo hoohana, $12,561. Holo.

            Hana hou i na luawai, $6,000. Holo.

            Hana ana i na oihana wai a pau, $10,000. Holo.

            Oihana wai Laupahoehoe, $50. Holo.

            Oihana wai o Koloa, $200. Holo.

            Oihana wai o Hilo, uku luna a me aie, $1,750. Holo.

            Oihana wai o Kohala-he koi na H. Vischer no ke ana ana no ka Oihana Wai o Kohala, $600. Holo.

 

            BURO NA HANA HOU.

            Luna nui, $6,334. Holo.

            Na Kokua, $6,400. Holo.

            Kela me keia lilo, $500. Holo.

            Hana ana i na lako hale a me na pakui i na Hale Aupuni, $14,900. Holo.

            Aie, $166.15. Holo.

            Pahu hao waiho dala, $3,594. Holo.

            Kamailio mai ke Kuhina Waiwai, he ukupanee kekahi he $215.64.

            Noi ke alii Cornwell, e hookomo ia haawina.

            Kue o Smith i ka hookomo ana.

            Waiho ia a noho mai ke alii Berger iloko o ka Hale.

            Hoopanee.

 

LA HANA 141, Dec. 8, 1892.

Hoomaka na hana i ka hora 9:14 kakahiaka.

 

Na Hoike Komite.

Na ke alii Walbridge o ke Komite Waiwai no ka hoololi i ke kanawai Luna Hooia, he hoololi ma kahi pili i ka uku, oia hoi na ka Ahaolelo no e kaana kona uku i kela a me keia kau, a pela aku. Waihoia a noonoo pu me ka bila.

Na ke alii Williams, ua pau i ke pai ia na bila 210, 211, 212, 213 a me 214.

Na Waipuilani o ke Komite Wae no ka bila 175, e pili ana i na kauka huki niho, e apono ana i ka hooholo loa. Waihoia a noonoo pu me ka bila.

 

NA OLELO HOOHOLO.

Noi o Smith, e hapai hou i ka noonoo ana o ka uku o ka Luna Wai. Aeia.

Ninau o Edmonds i ke Kuhina Waiwai e hoike mai i na inoa o na haumana kula a me ko lakou mau home, e loaa nei na uku haumana kula.

Noi ke alii Williams e hapai hou i ka noonoo ana o ka uku o ka Luna Nui o na Hana Hou. Aeia.

Ninau o Waipuilani, ina ua noi mai ke alii Waipuilani, ina ua noi mai ke alii Kakina no kona hele.

Hoike mai ka Peresidena, ua noi mai oia.

Noi o Waipuilani, e lawe ia ka bila 74 mai ke Komite ae o na Aina Aupuni a haawi i ke Komite Wae.

Pane ka Peresidena, he oi aku ka pono ia bila e waiho i ua komite la, a e koho ana oia i ka luna o Kona ma kahi o ke alii Kakina.

Mahalo no o Waipuilani i ka hanohano, aka manao oia aole paha i kupono loa.

Pane ka Peresidena, pono oe e lawe.

Ma ke noi, ua hapai ia.

 

NA HANA O KA LA.

Heluhelu elua ia ka bila e hookuu ai i na uku wai a me kukui uwila o ka Ahahui Heluhelu a me Waihona Buke a hooholohia e kakaupoepoe a heluhelu ekolu i ka Poaono.

Heluhelu elua ia ka bila 113, e aie ai ka lahui  i dala e kukulu ai i alanui kaa ahi mai Hilo a Hamakua. Waihoia i ke Komisina na alii J.M. Horner, Kakina, Berger me Hind, a me lunamakaainana Smith, na lakou e hoike mai i keia kau ahaolelo aku.

Ma ke kapaeia ana o na rula, ua waiho mai ka Loio Kuhina i ka hoike no ka bila 201, e hoomahuahua ana i ke dute maluna o na waina, e hooholo loa aku. Waihoia a noonoo pu me ka bila.

Hoike mai o Ashford o ke Komite Opiuma 1, no na bila 81 i lawe ia mai e Kaunamano, bila 122 i lawe ia mai e Kaunamano, bila 122 i lawe ia mai e White a me ka bola 147 i laweia mai e Ashford, o lakou a pau e noi ana, e laikini i ka opiuma, ua manao ke komite e laikini ia ma kela a me keia apana, oia hoi i 1 laikini pakahi, a no Honolulu 4, no Wailuku 2, Waihoia a noonoo pu me ka bila.

Hoopanee ka Hale i ke awakea no ka hoomanao i ka make ana o Jona Austin a halawai hou i ka hora 9 kakahiaka apopo.

 

LA HANA 142, Dec. 9, 1892.

Hoomaka ua hana i ka hora 9:02 kakahiaka.

Ma ke kapaeia ana o na rula, ua waiho mai ke alii Young he hoopii e noi ana, e hookaawale ia i haawina kokua i ka laina mokuahi e hooholo ia aku ana mawaena o Honolulu, Hilo a me Puget Sound i $500 no ka huakai hookahi. Aia ke Komite Kalepa.

Hoolaha mai ka Loio Kuhina he mau bila, (1) e hoololi ai i ka pauku 2, mokuna 51, o ke kanawai no ka lawe ana mai i na hoopii e ke aupuni a kue paha i ke aupuni, (2) e hoololi ai i ka pauku 8 o ke kanawai e hooponopono ai i ka oihana Hookolokolo, i aponoia i Novemaba 25, 1892.

 

NA OLELO HOOHOLO.

            Na Kaumauoha, e hapai hou i ka noonoo ana o ka bila 113, oia ka bila aie. Aeia.

            Ma ke kapae ia ana o na rula, ua waiho mai ke alii Young i ka hoike no ka hoomoe ana i ka uweaolelo moana, e waiho na kekahi komisina e hoike mai i ka Ahaolelo o 1894. Aponoia ka hoike a kohoia na alii Young, Cornwell a me Marsden, ke Kuhina Waiwai Jones a me White.

 

NA HANA O KA LA.

Heluhelu ekolu ana i ke koena o ka Bila Haawina.

Uku o ka Luna Wai, $6,000.

Noi ke Kuhina Waiwai i $5, 333; holo.

Uku Luna Nui o na Hana Hou, $6,000; holo.

Pahu hao pau ole i ka aihue ia no ke Keena Waiwai, $3,594. No ka ukupanee, $215.64; holo.

Hana hou ana i ka Halepaahao o Kohala, $1,200; holo.

 

NA AWAPAE ME NA MOUO.

Hawaii, $1,000; holo. Aie i ka wa i hala, $3; holo.

Uwapo ma Keauhou, Kona Akau, $600; holo.

Awapae ma Hoopuloa, $500; holo.

Awapae ma Hookena, $1,000; holo.

Awapae ma Kula, Puna, $1,000; holo.

Uwapo ma Honoipu, $400; holo. Awapae ma Napoopoo, $500; holo.

Muou ma Honoipu, $500; holo.

Maui, $450; holo.

Uwapo ma Maalaea, $1,600; holo.

Molokai, $800; holo.

Honolulu, $12,000; holo.

Awapae me na muou ma Kauai, $1,500; holo.

Na lilo mau, $6,000; holo.

Palekai no Waimea, Kauai, $1,500; holo.

Ma ke kapaeia ana o na rula, ua hoike mai ke Komite Pa’i, ua pau i ke pai ia na bila 212 me 215.

Noi o White, e hookomo no ka uwapo, palekai a me mouo no Lahaina, $1,200; holo.

Awapae ma Makena, $300; holo.

Hana hou me na lilo mau o na Hale Ipukukui, $13,000; holo.

Aie a hiki i Mei 31, 1892, $65; holo.

Hana hou a me na lilo mau o ka mokuahi kolomoku, $21,200; holo.

Aie o ka mokuahi kolomoku no ka wa i hala, $2,371.47; holo.

Hoihoi ia na haawina mai ka helu 337 a hiki i ka 358, koe ka haawina no ka Luna Alanui o Honolulu, ma ka pauku 2.

Luna Alanui o Honolulu, $4,800; holo.

Hana hou me ka malama ana i na alanui, Hilo Akau, $1,500; holo.

Hoomaka ka Hale a noho hou i ka hora 1:30 auwina la.

 

HALAWAI AUINA LA.

Akoakoa hou ka Hale i ka hora 1:30.

Ma ke kapaeia aua o na rula, ua pane mai ke Kuhina Waiwai i na ninau a Edmonds, e pili ana i na uku haumana kula.

Hoike mai ke Kuhina Wilcox, ua kakauinoa ka Moiwahine i ka bila 42, a o ka bila 195 hoi, ua waiho ia aku no ke kakauinoa mai.

Noi o Kaunamano, e hookomo ia i $1,500 no Hamakua; holo.

Kohala Hema, $500; holo.

Kona Akau, $500; holo.

Kona Hema, $500; holo.

Noi o Kaunamano, e hookomo no ke alanui mai Kawaihae a hiki i Kohala, $600; holo.

Noi o Bush, e hookomo malalo o ka Buro Hoonaauao, kokua i ke Kula Hanai Kaikamahine Bihopa, $1,000; holo.

Noi o Kamauoha, e hookomo i $1,000 no ke Kula Katolika o Kohala. Haule.

Puna, $500; holo.

Aie a hiki i Maraki 31, 1892, $750; holo.

Honolulu, $30,000; holo.

No ke koi a J.R. Robinson, he $286; holo.

Aie i koe no ka hana ana ma ke alanui o Waialua, $72; holo.

Noi ke alii Marsden, e hoihoi ia na haawina mai ka 366 a hiki i ka 372, no ka hana hou ana i kekahi mau alanui iloko o ka pauku 2. Aeia.

No ka hoopaa ana i ke alanui ma Molokai e noho aie nei, $466.50; holo.

Na alanui a me na aiahaka a pau, $12,000; holo.

Na poho alanui, $1,000; holo.

 

PAPA OLA.

Uku o ka Peresidena, $4,800. Hoopanee ia mahope e noonoo ai.

Kakauolelo Papa Ola, $4,000; holo.

Na lilo mau, $13,370; holo.

Noi ke alii Marsden, no ka palahehe o lima i $500; holo.

Kukulu a me hana hou ana i na Halemai, $16,000; holo.

Aie mua, $1,329.42; holo.

Hana hou ana i ke kahua hoomalu, a me ka hoolimalima, $8,500; holo.

Aie e koe nei, $121.35; holo.

Hookaawale, Kokua a me Malama ma’i lepera ana, $225,000; holo.

Noi ke Kuhina Jones, e hookomo no na lilo o ke kukulu ana ike kia hoomanao o Makua Damien, $250; holo.

Kokua no na keiki ma’i ole a na ma’i lepera, $3,130; holo.

Aie i koe a hiki i Maraki 31, 1892, $85.25; holo.

Na lilo malalo o ke kanawai e hoemi ai i na ino i loaa ma ka hookamakama, $2,400; holo.

No na laau lapaau, $8,000; holo.

Noi ke Kuhina Waiwai, e hapai hou i ka noonoo no ka haawina aie o ke kahua hoomalu, a e hooholo i $36 wale no. Aeia.

Hoonee ana i na mea ino, $12,000; holo.

Oihaua Kinaiahi o Honolulu, $41,000.

Na aie i uku ole ia, $2,088.97; holo.

Ilamuku Kinaiahi, $3,400; holo.

Hana hou me na lilo mau Halemai Pupule, $42,000; holo.

Aie a hiki i Mar. 31, $58.96; holo.

Hana hou me na lilo mau,  $27,810; holo.

Hana hou me na lilo mau Makeke, $2,000; holo.

Kokua i ka mokuahi mawaena o Molokai, Lanai me Lahaina, $5,200; holo.

Kokua ia Kapiolani Paka, $5,000; holo.

Kokua i ka nupepa Paredaiso, $2,400, ke apono ke Kuhina; holo.

Mekini ihi o ke kope, $500; holo.

Na pa o la lehulehu, $7,340; holo.

Hoomalamalama ana i na alanui mawaho aku o Honolulu, $1,300l holo.

No ke pai ana, $9,000; holo.

Kope ana i na moolelo, $1,000; holo.

Kokua i ke Telepone mai Waiohinu a Kailua, aole e oi mamua o $2,000; holo.

Kokua i ke Telepone mai Haiku a Hana, aole e oi aku mamua o ka $1,000; holo.

Ma ke kapae ia ana o na rula, ua waiho mai ke alii Marsden i ka hoike a ke Komite no na ululaau a me hooulu laau, e hooholo i $15,000 uo na ululaau a me hooulu laau; holo.

Noi o Smith e hookaawale i $2,500 no ka hooponopono hou ana i ka karaima; holo.

Ma ke kapae ia ana o na rula, ua hoike mai ke Komite Hookolokolo i ka hoike no ka mea pili i ka auhau halemai, e olelo ana je mea ole ka hookomo ia ana o ka huina iloko o ka Bila Haawina; apono ia.

Hoopanee.

 

LA HANA 143, Dek. 10, 1892.

Hoomaka na hana i ka hora 9:06 a. m.

Ma ke noi, ua hapai ia

NA HANA O KA LA.

Heluhelu ekolu ia ka bila 126 A, pili i na alaloa a hooholo loa ia.

Heluhelu ekolu ia ka bila 209, e hookuu ai i na poo leta o na mea pai a ka Hui Hoolaha ia Hawaii nei e hoouna aku ai i waho a haawi ia i ke komite wae Ashford , Smith, Wilder, R.W. Wilcox, Ena.

Heluhelu ekolu ia ka bila 203, e hoopuka ai i na palapala Sila no kekahi mau aina a hooholo ia.

Heluhelu ekolu ia ka bila 217, e hookuu ai i kekahi mau uku aupuni o ka Hui Heluhelu a me Waihona Buke o Honolulu a hooholo loa la.

Hoopanee.

 

LA HANA 144, Dec. 12, 1892.

Hoomaka na hana i ka hora 9:10 a.m.

           

NA PALAPALA HOOPII.

Na ke alii Peterson, (1) mai a von Werthern mai , e noi ana i $7,000 poho, oiai ua haawi ia uku iaia ke kulana o ka Pualii Koa Kiai. Aia i ke Komite Koa. (2) mai ka Hui mai o Macfarlene, e noi ana i $511.75 no ka waiona i hoolako ia i ke Keena Kuhina Hawaii i Samoa i ka 1886. Aia i Komite Hookolokolo. (3) mai ka Hui Hotele Hawaii mai, i $127.30 no ka hiki ole ana i ke aupuni ke hoolako i ka Hotele Hawaii me ke gasoline. Aia i ke Komite Waiwai. (5) mai Honolulu mai, me 192 mau inoa, e hookaawale ia i haawina no ka malama ana i ka hana a ka Hui Malama Moolelo Hawaii. Waiho ia a noonoo pu me ka Bula Haawina.

Na ke Alii Young, mai Hilo mai, i $1,000 no na kiwai kinai ahi, a e hoolako ia o Hilo me ona kaa kiuai ahi. Aia i ke Komite o na hana hou.

 

[ E nana ma ka aoao eha.]