Ka Nupepa Kuokoa, Volume XXXI, Number 50, 10 Kekemapa 1892 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

ME KO HAWAII PAEAINA I HUIIA.

BUKE XXXI.            HELU 50. HONOLULU, POAONO, DEKEMABA 10, 1892. NA HELU A PAU, 2419

 

Hoolaha Loio

 

ANTONE ROSA,

(AKONI.)

Loilo a he Kukua ma ke Kanawai.

LUNA HOOIAIO PALAPALA.

Keena Hana ma Alanu Kaahumanu

2370 - -

 

NELLIE M. LOWREY,

NOTARI no ka LEHULEHU

---A HE---

LUNA HOOIAIO PALAPALA A ME NA

PALAPALA HOOHIKI.

KEENA HANA me W.R. Kakela, LOIO, ma ka aoao makai o ka Hale Leta, Honolulu.                             2370

 

P  PUHALAHUA.

LOIO              LOIO              LOIO

Ua ae ia mai au e lawelawe imua o na Aha Hoomalu a me Apana a pau o keia Aupuni,  He Agena Hoo

lalo Palapala no ka apana o Hana Mokupuni e Maui.

E loaa no au i ka Ua Peepapohaku o Kaupo, a ma Hana i kekahi manawa.               2387 – 1 y@

 

E. G. HITCHCOCK,

(AIKUE HIKIKOKI.)

Loio a Kokua ma na mea a pau e pili ana ma ke Kanawai.

E OHIIA NO NA BILA AIE ME KA AWIWI

Hilo, Hawaii.                                                                                                   2370

 

J. S. SMITHIES (KAMILA,)

NOTALI no ka LEHULEHU

----- A HE -----

Agena Haawi Palapala Mare

Mahukona, Kohala, Hawaii                2378 -1v

 

W. R. KAKELA,

Loio a he Kouku ma ke Kanawai.

HELUNA HOOIAIO PALAPALA.

            2370

 

WILLIAM C. ACHI,

LOIO a he KOKUA ma ke Kanawai imua o na Aha a pau o keia Aupuni.

HeNOTARI no ka Lehulehu a BOROKA no na Waiwai Paa.

Keena Oihana, Helu 86, Alanui Kalepa, Honolulu, Oahu.                             2370

 

JAMES M. MONSARRAT,

        (MAUNAKEA,

Loio a he Kokua ma ka Kanawai.

HE LUNA HOOIAIO PALAPALA.

E hana ia no na Palapala Kuai, Palapala Hoolimalima, a me na Palapala Pili Kanawai e ae ma ka olelo Hawaii.  Dala no ka hoaie ma ka moraki ma na Waiwai Paa.

Keena Hana:  Hale Pohaku hou ma ka aoao ma Waikiki o ka Halewai, alanui Kalepa      2370

 

WILDER & CO., (WAILA MA.)

Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

Kihi o Alanui Moiwahine me Papu.                                                    2396 – q

 

KO BIHOPA MA,

BANAKO MALAMA DALA

E LAWE NO MAKOU I NA DALA HOOMOE  ma ka hoaie ana ma ko makou BANAKO Malama Dala malalo o keia mau kumu:

Ina e hoomoe mai ke kanaka hookahi i na dala Elima Haneri, e uku no makou i ka ukupanee ma ka Elima Hapahaueri o ka makahiki, mai ka wa aku o ka lawe ia ana mai o ke dala, ko waiho la ke dala hoomoe i ekolu mahina, a ua waihoia paha ke dala a hala na malama ekolu i ka wa e hooponopono ia ai na helu. Aole uku panee e helu ia maluna o na dala hakina no na la elua paha o ka mahina.

Aole uku panee e uku ia i na dala e lawe ia ana maloko o ekolu mahina mai ka wa aku o ka hoomoe ia ana mai.

He 30 la mamua ae o ka unuhi ana aku o kekahi kanaka i kana mau dala, e hoike e mai ka BANKO, a e luwe pu ia mai ka buke dala i ka wa e kikoo ai.

Aole dala e uku ia, aia wale no ma ke kikoo ka mea nana i hoomoe mai i ke dala me ka lawe pu mai i ka buke hoahu dala.

I ka la mua o Sepatemaba o kela a me keia makahiki e hooponopono ia ai na helu o na mea a pau, a o na uku panee i uku ole ia maluna o na puu dala a pau e waiho ana me ke kikoo ole ia . e helu ia ma ka aoao o ka mea hoomoe dala mai i hala na malama ekolu, a ma ia wa aku e hui la me ke kumupaa mua.

O ua puu dala haomoe mai maluna o elima haneri dala, e lawe la no mamuli o ka aelike pu ana.

E hamama ana ka Banako ma na la a pau o ka hebedoina, koe ua la Sabati a me na la Kulaia.

BIHOPA MA.

Honolulu, Ian.                                                                                                 2896 – q

 

J. T. WATERHOUSE,

(WALAKAHAUKI.)

Halekuai o na Lole Nani Panio !

L KOH O.

Na Lako Hana Mahiko,

A PELA AKU HE NUI WALE.

Alanui Moiwahine, - - Honolulu.

2396 – q

 

ALLEN & ROBINSON,

NA MEA KUAI PAPA O NA ANO A PAU E loaa no ma ka UWAPO O PAKAKA, Hoolulu, make kumukuai makepono loa, no ka @omaikai o ka lehulehu e makemake ana e ku ul hale.  E kipa mai a e ike kumake.                                                                          2396 – q

 

J. HOPP & COL.,

Na Poe Hana ma na Lako      

Hale o na ano a pau!

Hana Moe, Na Uluna Pulu, Etc.

Noho no ka Hoolimalima ana, ua

 Lako Hale me ke Kumuhuai emi.

Honolulu.    2396 – q

 

AHAOLELO O 1892

 

LA HANA 132, NOV. 26,  1892.

Hoomaka na hana i ka hora 9 am. He 30 poe i hiki mai.

Ma ke noi, ua hapai hou ia ka noonoo o ka haawina i oki ia ai o ka Moiwahine Kanemake Kapiolani a waiho ia ma ka Poakolu ae nei e noonoo ia ai.

NA HOIKE KOMITE.

Na ke alii Williams i hoike mai, ua pau i ke pa`i ia na kumuhana a na Kuhina a me na bila 203, 204, 205, a me 206.

Na ke alii Kakina i hoike mai no ka bila e haawi ana i ka maua kaokoa i ka Hui Uwila.  Kauoha ia e unuhi, pai a wai ho a noonoo pu me ka bila.

Ma ke noi, ua hapai ia

NA HANA O KA LA.

Ma ke noi a Smith, ua hapai ia mai na bila i hoopanee ia no ka noonoo ana.

Heluhelu ia ka bila 202, e hookaawale ai i na uku dala ana i ka halihali leta mawaena o Hawaii a me Amerika a waiho ia i hana no ka Poaha.

Heluhelu ia ka bila 203, pani o na bila 154 a me 165, pili i ka hoopuka ana o na palapala Sila a waiho ia i ke Komite o na Aina Aupuni.

Heluhelu ia ka bila 204, e auhau ai i na waiwai i hooilina ia, a pela aku a haawi ia i ke Komite Hookolokolo.

Heluhelu ia ka bila 250, e lakini ai i kekahi mau oihana ike a haawi ia i ke Komite Hookolokolo.

Heluhelu ia ka bila 206, e hoohuihui ai i na kanawai o na waiwai kalepa a haawi ia i ke Komite hookolokolo.

Ma ke noi, ua waiho ia ka noonoo o na hoololi kumukanawai a ka Poalua e noonoo ai.

Heluhelu ia ka bila 92, ehoohoihoi ai i ka mahi ana i ke kope a me ramie a hooholo ia me ka hoololi. Kauoha ia e kakau poepoe a heluhelu ekolu ma ka Poalua.

Heluhelu ia ka bila 192A, e hoohoihoi ai i ke kanu ana i ka halakahiki a me na huaai e ae a hooholo ia me ka hoololi. Hooholo ia ke po@, kauoha ia e kakau poepoe a heluhelu ekolu ma ka Poalua. Hoopanee ka hale.

 

LA HANA 133, NOV 29, 1892.

Hoomaka na hana i ka hora 9:11 kakahiaka.

NA HOIKE KOMITE.

Na ke alii Williams o ke komite pai, ua pau i ke pai ia ka palapala hoopii a ka Hui Limahana a me Hoolako.

Ma ke kapae la aua o na rula, ua heluhelu mai ke alii Baldwin he eono mau palapala hoopii mai na wahine mai o Honlulu a me na kaikamahine kula o Kawaiahao, e kue ana i ka bila lotari.  Haawi ia i ke Komite o ka bila lotari.

Na Waipuilani, mai Kona Hema mai, e kukulu ia ona halekula ma Honomalino.  Aia i ke Komite Hoonaauao.

NA OLELO HOOHOLOME NA BILA.

Na ka Loil Kuhina i heluhelu mua mai i ka bila e keakea ai i ke kuai apuka ana i na waiu bata.

Waiho ia malalo o na rula.

Ma ke noi, ua hapai ia

NA HANA O KA LA.

Ma ke noi a Kamauoha, ua hapai ia na bila ma ka heluhelu ekolu.

Heluhelu ekolu ia ka bila 92, e hoohoihoi ai i ke kanu kope me ka ramie a hooholo loa ia.

Heluhelu ekolu ia ka bila 102, e pili ana i ke kanu halakahiki a me na huaai e ae a me ka hana ana i na jams, jellies a pela aku, a hooholo loa ia.

Hapai ia ka noonoo o na bila ma ka heluhelu alua.

Heluhelu alua ia ka bila 110, e hoopau loa ana i ka oihana Ilamuku Kinaiahi.  Hooholo ia ka bila mahope o ka hoopaapaa ana, kauoha ia e kakau poepoe a heluhelu ekolu ma ka Poaha.

Ma ke noi a Waipuilani, ua hapai ia no hoololi Kumukanawai.

Noonoo ia ka hoololi i ka Pauku 83 o ke Kumukanawai a hooholo lo ia.

Poe ae: - Na Kuhina Wilcox, Robinson, Brown;  na alii Walker, Berger, Ena, Hopkins, Pua, Cummins, Williams, Maile, Kauhane, J.M. Horner, Hind, Hoapili, Marsden, Young, Baldwin, W.Y. Horner, Walbridge, Anderson, Thurston, Kanoa, a me Dreier:  na lunamakaainana Wilder, Bipikane, Ashford, Aki, S.K. Pua, Kauhi, R.W. Wilcox, A. Horner, Kaunamano, Kamauoha, Waipuilani, Kapahu, Nahinu, Kanealii, Edmonds, Kaluna, Iosepa, Akina a me Smith – 43.

Poe hiki ole mai:  Kuhina Jones, ke alii Peterson; na lunamakaainana Bush, Koahou, A.S. Wilcox.

Noi o Kamauoha, e hapai i ka hoololi i ka Pauku 56 o ke Kumukanawai.

Mahope o ka noonoo ia ana, ua haule ka hoololi.

Ma ke noi a ke alii Williams, ua hapai ia ka hoololi i ka Pauku 48 o ke Kumukanawai.  Oiai e haiolelo ana, ua hoomaha iho la ka Hale a noho hou i ka hora 1:30 auina la.

HALAWAI AUINA LA.

Akoakoa hou ka Hale 1 ka hora 1:38.

No ka piha ole o na hoa o ka Hale, ua kapae ia ke koho ana i ka kumukanawai, a ua hapai ia mai ka bila 127A ma ka heluhelu ekolu.

Hoololi mai ke Alii Marseden e haalele na pake i ka aina.

Noi ke Alii Kakina e hoopanee ka noonoo ana o keia bila hoopaa inoa.  Haule.

Hoololi mai o Smith, e hookomo i ka huaolelo “Kumuao” iloko o ka bila.  Haule.

Noi ke Alii Kakina, e kaupalena ia ka nui o na pake e hookomo mai ai i ka 3,000. Haule.

Noi  hou ke Alii Kakina i 5,000 ka nui e hookomo mai ai. Oiai, e hoopaapaa ana, ua noi ka Alii Kakina e hoopanee ka Hale, a ua hooholo ia.

 

LA HANA 134, NOV.30, 1892.

Hoomaka na hana e like me ka mau.

NA HOIKE KOMITE.

Waiho mai ke Kuhina o ko na aina e Robinson i ka pane no na ninau e pili ana i na opio Hawaii Makalua a me Marchant e hoonaauao ia nei ma na aina e.

NA BILA ME NA OLELO HOOHOLO.

Na ka Loio Kuhina i heluhelu mua mai i ka bila e hookaawale ai i ka hookomo ana mai a me ke kuai ana aku i ka Alakoholo no ka lapaau a me na hana mekanika a me akeakami.  Waiho ia malalo o na rula.

Ma ke noi, ua hapai ia.

NA HANA O KA LA.

Hana i pau ole.  Noonoo ana i ka bila limahana, ma ka hoololi a ke Alii Kakina e kaupalena ana i 5,000 pake.  Hooholo ia mahope o ka hoopaapaa loihi ana. Waiho mai ke Kuhina Robinson he hoololi e kau ai i ka uku no na palapala ae ma ka $1 a me $5.  Holo. Hooholo loa ia ka bila me na hoololi ae la.

Ma ke kapae ia ana o na rula, ua heluhelu mai o Kamauoha he olelo hooholo, e kauoha ana i ke Komite Malama Ola e papa loa i ka hana ia ana o ka paakai ma Kakaako.  Aia i ke Komite Malama Ola.

Ma ke kapae hou ia ana o na rula, ua waiho mai ke Alii Kakina i ka hoike a ke Komite o na Aina Aupuni, e hoololi ana i ka kanawai o na alaloa.  Apono ia.

Hoomaha ka Hale i ke awakea a akoakoa hou i ka hora 1:30 auina la.

HALAWAI AUINA LA.

Akoakoa hou ka Hale i ka hora 1:30.

Noonoo ia ke koena aku o ka Bila Haawina ma ka heluhelu ekolu.

Uku hoomau no ka Moiwahine Kanemake Kapiolani $8,000.  Hooemiia a hooholo ia i $4,000.

Kanikela Generala o Kapalakiko, $8,000. Holo.

Kokua Kakauolelo a me na lilo o ke Keena, Kapalakiko, $5,000. Holo.

Hoihoi me malama i na Hawaii Pilikia, $5,000, mai ka pauku 2 mai. Holo.

Hoonaauao i na opio Hawaii ma na aina e, $4,000.  Holo.

Na lilo Oihana Kanikela, $4,000. Holo.

Na lilo Agena o na Aina e, $4,000. Holo

Na anaina hoolaulea, $4000. Holo.

Kela me keia lilo Keena Aina e $3,000. Holo.

Na Elele, $1,200. Holo.

Puali Koa Kiai Moiwahine, $50,000. Hoemi a hooholo ia i $46,666.

Puali Puhi Ohe, $34,050. Na Hae a me Kipu aloha, $2,000. Hooholo ia i $40.000.

Malama ana i na Mea Kahiko hoomoamoa o Hawaii nei, $6,000. Kiola ia mahope o ka hoopaapaa loihi ana.

Na lilo o ka holo ana o ka Puali Puhi Ohe i Kikako a me ka haawi ana i na buke, $12,000.  Kapae ia a hoi mai ka mea nana ka haawina i hookomo mai, oia ke Alii Kakina.

Noi o Kanealii e hookomo ia i haawina $6,000 no ka Iubile o ko Hawaii nei noho aupuni kuokoa ana i keia makahiki ae. Hoemi a hooholo ia i $3,000.

 

OIHANA WAIWAI.

Uku o ke Kuhina, $9,000.  Hooholo ia i $9,600.

Kapae ia ka haawina o ka Luna Hooia mahope, a pela no me ko ka Hope Luna Hooia, $5,000.

Luna Malama Buke Helu o ke Aupuni, $6,000. Hooholo ia i $6,333.

Kakauolelo Keena Waiwai, $3,000.  Hooholo ia i $3,200.

Luna Helu o Oahu, $5,000.  Hooholo ia i $5,333.

Luna Helu o Hawaii, $5,000. Hooholoia i $5,333.

Luna Helu o Maui, $4,600.  Hooholo ia i $4,746,88.

Luna Helu o Kauai, $4,000.  Hooholo ia i $4,267.

Na Hope Lunahelu a me Lunaauhau, $45,000. Hooholo ia i $43,000.

Uku o ke Kakauolelo a ka Luna helu o Oahu, $1,500.  Hooholo ia i $2,000.

Papa Hoopii Auhau, $1,500. Holo.

Kela me keia lilo Keena Lunahelu, me hoolawa pu i na koena o ka manawa i hala, $5,000. Holo.

Kela me keia lilo Keena Luna Hooia, $600.  Holo.

Na metala ilio, $600.  Holo.

Elele Keena Waiwai, $1,200. Holo.

Pai ana i na Palapala Hooia Hoahu me na Bona. $4,000. Holo.

Ukupanee no ka Aie Lahui, me na uku komiosina no ka huina i hoouna ia i Ladana, $375,000. Noi ke Kuhina Waiwai, e hoomahuahua ia ka haawina i $410,000, no ka mea, ua hoonui ia ka ukupanee o na dala hoahu ma ka Banako Hale a ua hiki i ka 8 pakeneta.  Holo ka hoomahuahua i ka haawina.

Aie Lahui e uku ia ana, $10,200; holo.

Hoihoi hou i na auhau i ohi papalua ia, $4,404.05 a me ka waiwai o Pauahi Bihopa, $120; hooholo ia i $4,736.

No ka olelo hooholo e uku ia Kahahawai, $2,600. Kapae ia mahope.

Hoihoi i na uku balota o Kapahu, Apiki, Horner a me Mattoon, $100; holo.

Kokua i ka Hui Alahao me Aina o Oahu, $4,600; holo.

 

NA UKU O NA MAKAHIKI ELUA I

HALA I HOOKAA OLE IA.

Lunakanawai Apana o Lihue, $250; Kau Hikina, $88; Kona Akau $100; Honuaula, $34; Molokai, $50; Hanalei, $125; Waimea, $125; hooholo loa ia.

Kakauolelo Aha Kaapuni Elua, $100; holo.

Kuhina noho ma Wasinetona, $506.05.  Holo.

Kokua mua Lunakanawai Aha Kiekie, $138.88.

BURO HALE LETA.

Uku Luna Leta, $6,000.  Hooholo ia i $6,334.

Uku o ke Kakauolelo, $4,200. Holo.

Uku o ka Luna nui o ka Banako Hale Leta, $3,600.  Holo.

Uku o ka Luna nui o ka Oihana Kikoo dala Hale Leta, $3,600. Holo.

Uku o na Kakauolelo Hale Leta, $21,720.  Holo,

Uku o na Luna Leta, $81,000. Holo.

Uku o na Hali Leta, $29,000. Holo.

Noi ke Kuhina Waiwai, e hookomoia i haawina he $8,000 no na dala i apukaia.  Haawiia i ke komite.

Hoopanee ka Hale.

 

LA HANA 135. DEC 1, 1892.

Hoomaka na hana i ka hora 9:25 kakahiaka.

NA HOIKE KOMITE.

Na ke alii Baldwin o ke Komite Waiwai, no ka hoopii a na Pukiki e hoonoho ia ona Kakauolelo Pukiki i ke Keena Ilamuku, e hoole ana i ko ka Ahaolelo kupono e komo aku e keakea. Apono ia.

Na Ashford o ke Komite Hookolokolo, no ka olelo hooholo e hookaawale ana i haawina no ke koena aie ia H. Vischer o ke ana ia ana o na mauna o Kohala, ua kupono ke koi a e uku ia. Apono ia.

Na ke alii Baldwin o ke Komite Waiwai, ua hoonalowale ia e ke Komite na bila no ka haawina ai a pela aku iloko o ka Papa Ola.  Apono ia.

Heluhelu mua mai ka Kuhina Jones ma ke poo o ka bila e hoololi ai i ke kanawai Luna Hooia a waiho malalo o na rula.

Ninau ke alii Dreier, ina e manao ana ke Komite Opiuma e lawe mai i hoike.

Ma ke noi a Kamauoha, ua hapai hou ia ka noonoo no ka haawina o na koa.

Ma ke noi, ua hapai ia

NA HANA O KA LA.

O ka bila no ke Kokua Mokuahi ka hana o ka la, ua kapae ia mahope.

Heluhelu ekolu ia ka bila e hooponopono ai i ka lawelawe hana niho kui aua a haawi ia i ka Komite Wae Waipuilani, Marsden, Williams, Smith, Kaunamano.

Heluhelu ekolu ia ka bila 110, e hoopau loa ai i ka oihana o ka Ilamuku Kinaiahi.

Oiai e hoopapaa ana, ua hoomaha ka Hale a noho hou i ka hora 1:30 auina la.

 

HALAWAI AUINA LA.

 

Akoakao hou ka Hale i ka hora 1:40.

Hoomaka hou ka noonoo no ka bila maluna ae a hoole ia ka hooholo i ka bila.

Ma ke kapae ia ana o na rula, ua heluhelu mai ke alii Kakina he hoopii no ka poe lawelawe hana o Honolulu, e noi ana e hoemi ia ke dute o ke kaa hehihehi wawae mai ka 25 hapa haneri a i ka 10 hapa haneri.  Haawi ia i ke Komite Kalepa.

Na ke alii Kakina o ke Komite o na Aina Aupuni, i hoike mai aole e hoopuka i na palapala Sila nui o kekahi mau aina aupuni i kekahi poe, e waiho ia ma ka papa.  Waiho ia a noonoo pu me ka bila.

Heluhelu elua ia ka bila 189, e pili ana i ko ka Hui Alahao moraki aku i ka poe mea dala.  Hooholo ia a kauoha ia e heluhelu ekolu ia i ka Poaono.

Heluhelu elua ia ka bila 108, e haawi ana i ka mana nui o na dala maluna o ka Papa Kinai Ahi.  Hooholo ia, kauoha ia e kakau poepoe a heluhelu ekolu ma ka Poaono.

Heluhelu elua ia ka bila 145, e hoololi ana i kahi o ke Kumukanawai i hiki ai i na hoa o ka Hale ke noho ma na oihana aupuni kuwaho. Waiho ia ma ka papa e like me ka hoike.

Heluhelu elua ia ka bila 146, e hoololi ai i ka Pauku 54 o ke Kumukanawai.  Waiho ia ma ka papa e like me ka hoike.

Heluhelu elua ia ka bila 154, e hoololi ai i ka Pauku 59 o ke Kumukanawai, e hoemi ai i ke ana waiwai o ka poe koho alii ma ka $1,000 waiwai paa, a i ole ia i $300 loaa makahiki.  Waiho ia a hoea mai ka hoike a ka hapanui.

Heluhelu elua ia ka bila 175, e hooponopono ai i na hora hana o ua luna aupuni, aole e emi malalo o ehiku a me hapa mau hora hana o ka la, a aole hoi e uku ia ke kaawale aku lakou mai ko lakou mau hana aku.  Hooholo ia, e kakau poepoe a e heluhelu ekolu ia ma ka Poalua.

Heluhelu elua ia ka bila 42, e hoololi ai i ke kanawai o na Haku a me na Kauwa.  Hooholo ia a kakau poepoe a e heluhelu ekolu ia ma ka Poalua.

Heluhelu elua ia ka bila 149, a waiho ia ma ka papa e like me ka hoike a ke Komite.

Heluhelu elua ia ka bila 198, e hoololi ai i ka Pauku 3 o ka mokuna 34 o ka Karaima, pili i na oleloino.  Hooholo ia e kakau poepoe a e heluhelu ekolu ia ma ka Poalua.

Heluhelu elua ia ka bila 5, e hoopau ai i ke kanawai o 1888, pili i na lepera hoohuoiia. Ua mahae na hoike a ke Komite Malama Ola no keia bila, o ka hapanui ma ka hoomoe ma ka papa, a o ka hapauuku ma ka hooholo loa aku.

Oiai e hoopaapaa ana, ua hoopanee ka Hale me ke koho ole.

 

LA HANA 136, Dek. 2, 1892.

Hoomaka na hana e like me ka mau.

NA HOIKE KOMITE.

Na ke alii Kanhane o ke Komite Hoonaauao i hoike mai no ka ninau e pili ana i ke kukulu ole ia ona halekula ma Naalehu.  Ua hoopili pu ia ka pane a ka Papa Hoonaauao i ka hoike a ke Komite a ua manao ke komite ua lawa ka pane.  Apono ia ka hoike.

Na ke alii Kauhane o ke Komite Hoonaauao i ka hoike no ke kukulu ana i mau halekula ma Koolauloa,e waiho aku i ka Papa Hoonaauao. Aponoia.

Hoakaka mai ka Peresidena ina paha e kakauinoa ana ka Moiwahine malalo o na hoololi kumukanawai i hooholoia. Manao o Smith, e waiho aku i ka ninau no keia mea imua o ka Aha Kiekie a nana e lawe mai ka olelo hooholo.

NA OLELO HOOHOLO.

Na Smith he olelo hooholo, e kauoha ana i ke Kuhina Kalaiaina e pa`i ia ke Kumukanawai a humu pu ia me na kanawai o ka Ahaolelo o 1892.  Hooholoia.

Ninau ke alii Pua i ke Kuhina Kalaiaina ina paha ua kohoia ke pani ma ka hakahaka o Wm. H. Tell ma ke Panalaau.

Na Pua, he olelo hooholo, e hoolako ia mai na hoa o keia Hale me na kope pakahi o na Kauawai i Hoohuihuiia a me na Kanawai o 1890.  Hoololi mai o Smith me na kanawai wale no o 1892.  Hooholo ia ka hoololi.

Pane ke Kuhina Waiwai Jones aohe mau panihakahaka ukupanee i hoihoi ia mai i ke aupuni mai Ladana mai no ka uku ia ana o na ukupanee maluna o na bona.  Ke manao nei oia e kakau leta aku i na Agena ma Ladana o ke aupuni, e kauoha aku e hoihoi mai.

Ma ke kapaeia ana o na rula, ua waiho mai o Smith i ka hoike a ke Komite Hookolokolo i na pane no na ninau a Akepoka e pili ana i ke koi a ke Aupuni no na Aina Leialii, a i ole i ka waiwai o ka Moi make.  Ua manao ke Komite e waiho aku i keia hana i ka Aha Kuhina me ke kauoha e hoopii imua o ka Aha Kanawai kupono. Aponoia.

Ma ke noi, ua hapai ia.

NA HANA O KA LA.

 

Oia ka hana i pau ole, bila 199, e hoololi ai i ke kanawai o na lepera i hoohuoi ia.

Noi la e hoopanee loa i ka bila a hoole ia.  He 19 i ka 20.

Noonoo pakahi ia na pauku a hooholo loa ia me ka hoololi ma ka pauku 2.  Kauoha ia e kakau poepoe a heluhelu ekolu ma ka Poalua.

Hoomaha ka Hale i ke awakea a noho hou i ka hora 1:30 auina la.

HALAWAI AUWINA LA.

Akoakoa hou ka Hale i ka hora 1:35.

Noonoo hou ia ka haawina no na Koa Kiai Ponoi o ka Moiwahine a hooholo ia i $50,000.  He 20 ma ka ae, a he 18 ma ka hoole.

Na lilo no ka hoouna ana i ka Puali Puhi Ohe Hawaii no Kikako me ke kaana ana i na mea i kakau ia no Hawaii ma ka Hoikeike Nui o ke Ao nei, $8,000.  Hooholoia i $12,000 me ka haiolelo ikaika a naauao a ke alii Kakina a me ke kue o na hoa haole a me ka Aha Kuhina holookoa.  Hapai hou ia ka noonoo a haule.

Ma ke kapaeia ana o na rula, ua waiho mai o Smith o ke Komite Hookolokolo i ka hoike e pili ana i na uku o na Kakauolelo o ka Ah Kiekie a me na Aha Kaapuni malalo o ke kanawai hou, me ke noi e hooholo ia e like me ka lakou i hoonohonoho ai.

Na Smith no o ke Komite Hookolokolo, no kekahi mau haawina e ae i waiho la i ke komite i waiho mai i ka hoike no ia mau mea.  Waiho ia a noonoo hou aku.

Na ke alii Kakina o ke Komite o na Hana Hou, no ka bila e kukulu ai i buro oihana mahiai, he bila hoololi ka lakou.  Waiho ia a mahope e noonoo ai.

Na ia Komite hookahi, no ka bila 183 e hookuu ai i na aunau o kekahi mau aina ululaau, he bila hoololi ka lakou.  Waihoia a mahope e noonoo ai.

Na ke alii Baldwin o ke Komite Waiwai, no ka bila e pili ana i na hui panihakahaka pauahi o na aina e, he bila hou ka lakou ma kahi o ka bila mau.  Waiho ia a mahope noonoo.

Hoike mai ke Kuhina Kalaiaina, ua kakauinoa ka Moiwahine i keia mau bila:

Ke Kanawai Papa Alanui.

E hoohoihoi ai i ka hookomo ia ana o na halakahiki iloko o na tini.

E hoohoihoi ai i ke kanu kope a me ramie.

E hoohuihui ai i na kanawai auhau kuloko.

Hoopanee ka Hale.

 

LA HANA 137, DEC. 3, 1892.

Hoomaka na hana i ka hora 9:15 kakahiaka.

NA HOIKE KOMITE.

Na ke alii Kauhane o ke Komite Hoonaauao, no na hoopii a ko Hana e hoopau i ke kumuluna a me ke Kilauea, Kauai, e hoopau i ke kumuluna Muller, e haawi ia i ka Papa Hoonaauao.  Hoololi mai o Smith, e huli koke @@@ @a Papa Hoonaauao i ka hoopii no Muller, a ina he oiaio ka hoopii, alaila, e hoonee koke ia. Hooholo ia.

NA OLELO HOOHOLO.

Na ke Kuhina Wilikoki i pane mai i ka ninau a ke alii Pua in ua hoopiha ia ka hakahaka o W. H. Tell. Eia ke lawelawe nei o Ambros Hutchinson no ka manawa i keia wa a hiki i ka wa e koho ia ai ka Luna nui.

Noi o Waipuilani, e haawi ia ka pane a ke Kuhina i ke Komite Malama Ola.  Haule.

Hoolaha mai ke Kuhina Kalalaina he bila e pili ana i ka Ahahui Heluhelu o Honolulu a me Waihona Buke.

Ma ke noi, ua hapai ia.

NA HANA O KA LA

Heluhelu ekolu ia ka bila e ae aku ai i ka Hui Alahao o Oahu a me Aina e moraki, a pela aku.  Hooholo loa ia e na hoa a pau he 40 o ka hale e akoakoa ana i ka wa i ninau ia ai.

Ma ke noi a Smith, ua hapai hou ia ka noonoo no ka uku o ka Hope Kakauolelo Aha Kiekie.

Ma ke kapae ia ana o na rula, ua waiho mai ke Alii Marsden i ka hoike no ka bila 195 e pili ana i ka o lima, e hooholo aku me na hoololi. Ua ninau ia na hoololi a apono ia ka bila.

Ma ke kapae ia ana o na rula, ua heluhelu mua mai ke Alii Kakina he bila e pili ana i ke kipu a me ke alualu holoholona ana maluna o na aina o kanaka.

Heluhelu ekolu ia ka bila 108, e haawi ana i ka mana nui i ka Papa Kinai Ahi e lawelawe i ko lakou mau dala a hooholo loa ia.

Heluhelu elua ia ka bila 202, pili i na kokua halihali leta mawaena o Hawaii a me Amerika.

Noi ke Alii Baldwin e hoopanee loa i ka bila.

Kue o Ashford ka mea nana ka bila i ke noi hoopanee loa me ka haiolelo.

Hoopanee loa ia ka bila 21 ae a me 14 kue. Noi hou ia e hapai i ka noonoo a haule.

Ma ke kapae ia ana o na rula, ua waiho mai o Smith he hoike e hooholo aku i haawina he $25,000 no na lilo o ka Aha Kiekie.

Hoopanee ka hale.

[E nana ma ka aoao eha.]