Ka Nupepa Kuokoa, Volume XXXI, Number 49, 3 Kekemapa 1892 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

ME KO HAWAII PAEAINA I HUILA

BUKE XXXI HELU 49 HONOLULU, POAONO,            DEKEMABA 3, 1892 

 

ANTONE ROSA,

(AKONI)

Loio a he kokua ma ke kanawai.

LUNA HOOIAIO PALAPALA.

Keena Hana me alanu Kaahumanu.

2370-

 

NELLIE M. LOWREY,

NOTARI no ka LEHULEHU

A HE

LUNA HOOIAIO PALAPALA A ME NA PALAPALA HOOHIKI.

Keena Hana me W. R. Kakela, LOIO, ma ka aoao makai o ka Hale Leta, Honolulu.           2370

 

P PUHALAHUA.

LOIO  LOIO  LOIO

Ua ae ia malau e lawelawe imua o na A he Hoomalu a me Apana a pau o keia Aupuni. Heagena Hooiaio Palapala no ka Apana o Hana Mokupuni e Maui.

            E loaa no au i ka Ua PeePapohalu o Kaupo, a ma Hana i kekahi manawa.    2387 - 1yr

 

E. G. HITCHCOCK,

(AIKUE HIKIKOKI.)

Loio a Kokua ma na mea a pau e pili ana ma ke kanawa.

E OHIA NO NA BILA AIE ME KA AWIWI

Hilo, Hawaii.   2370

 

J. S. Smithies (KAMILA,)

NOTALI no ka LEHULEHU

A HE

Agena Haawi Palapala Mare

Mahukona, Kohala, Hawaii.   2378 - 1yr

 

W. R. KAKELA,

Loio a he Kokua ma ke Kanawai.

HE LUNA HOOIAIO PALAPALA.

2370

 

WILLIAM C. ACHI,

 LOIO a he Kokua me ke Kanawai imua o na Aha a pau o keia aupuni.

            He NOTARI no ka Lehulehu a BOROKA no na Waiwai Paa.

            Keena Oiuaua, Helu 36, Alanui Kalepa, Honolulu, Oahu.    2370

 

JAMES M. MONSARRAT,

(MAUNAKEA,)

Loio a he Kokua ma ke Kanawai

HE LUNA HOOIAIO PALAPALA.

            E hana ia uo na Palapala Kuai, Palapala koolimalima, a me na Palapala Pili Kanawai e ae nua ke olelo Hawaii. Dala no ka hoaie nui ka moraki ma na Waiwai Paa.

            Keona Hana: Hale Pohaku hou ma ka aoao ma Waikiki o ka Halewai, alanu kalepa.            2370

 

WILDER & CO., (WAILA MA.)

Mea Kuai Papa a me na Lakou kukulu hale o na ano a pau, a me na mea e ae a pau e pono ai o ka hale.

            Lihi o Alanui Moiwahine me Papa.

2396-q

 

KO BIHOPA MA,

BANAKO MALAMA DALA

            E LaWE NO MAKOU I NA DALA HOOMOE ma ka hoai ana ma ko makou BANAKO Malana Dala malalo o keia mau kumu :

            Ina e hoomoe mai ke kauaka hookahi i na dala Elima Haneri, o uku no makou i ka ukupan@e ma ka Elima Hapahaneri o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe i ekolu mahina, a ua waihola paha ko dala a hala na malama ekolu i ka wa e hooponopono ia ai na helu. Aole uku panee e helu ia maluna o na dala hakna no na la elua paha o ka mahina.

            Aole uku panee e uku ia i na dala e lawe ia ana maloko o ekolu mahina ma ka waaku o ka hoomoe ia ana mai.

            He 30 ia mamua ae o ka unuhi ana aku o kekahi kauaka i kana mau dala, o hoike e mai i ka BANAKO, a e luwe pu ia mai ka buke dala i ka wa e kikoo ai.

            aole dala e uku ia, aia wale no ma ke kikoo ka mea nana i hoomoe mai i ke dala me ka lawe pu mai i ka buko hoahu dala.

            i ka ia mua o sepatemaba o kela a me keia makahiki e hooponopono ia ai na helu o na mea a pau, a o na uku panee i uku ole ia maluna o ua puu  dala a pau o waiho ana me ke kikoo ole ia, o helu ia ma ka aoao o ka mea hoomoe dala mai i hala na malama ekolu, a ma ia wa aku e hui ia me ke kumupaa mua,

            o na puu dala haomoe mai maluna o elima haueri dala, e lawe ia no mamuii o ka aelike pu ana.

            e hamana ana ka Banako ma na la a pau o ka hebedoma, koe ma ia Sabati a me na la Kulaia.

BIHOPA MA.

Honolulu. inn.             2396-q

 

J. T. WATERHOUSE, (WALAKAHAUKI.)

Halekuai o na Lole Nani Panio!

LKOH O.

Na Lako Hana Mahiko,

A PELA AKU HE NUI WALE.

Alanui Moiwahine, - - Honolulu.

2396 - q

 

ALLEN & ROBINSON,

            NA MEA KUAI PAPA O NA ANO A PAU E loaa no ma ka UWAPO O PAKAKA, Honolulu make kumukuai makepono loa, no ka ʻomaikai o ka lehulehu e makemake ana e kona hale. E kipa mai a e ike kumaka.

2496 - q

 

J. HOPP & CO.,

Na Poe Hana ma na Lako Hale o na ano a pau!

Hana Moe, Na Uluna Pula, Etc. Noho no ka Hoolimalima ana, ua Lako Hale me ke kumuhuai emi.

Honolulu. 2396 - q

 

He Moolelo

-NO KA-

Ui Nohea Berela.

Ke Kamehai hoopono - ke kupaa me ka luli ole - he wahine na ke kane hookahi - ke au popilikia a me ka huli ana o ka pomaikai mahope o ka wahine.

MOKUNA XXX.

KA OCTAVIA PAPA KUHUKUHU - HOAPONO KA HAKU HAKUHESA.

            Ua hooki iho o Octavia i kana mau kamailio me ka boao pu ana e minioaka a e hoaahu iho i knoa nanaina holookoa me na helehele na o ka nohea a kuio o ke aloha keiki oiaio i ka makua. Ua kuhihewa nae keia manao on a. Ua manao oia ua ku i ka oiaio keia mau hana ana. Manao pu oia ua punihia maopopo ka Haku Hakuhesa. Aka, ua kuhihewa o Octavia. Noa ka mea, aole i kulike kana mau kamailio a me na kuhi a lawelawe ana o na lima e like me ka nanaina oiaio maoli o kona helehelena. Me he @ ea la no hoi ua oi aku mawaho o ka palena kupono kana mmau hoao ana e hookomo i kona haku makuahonowai i loko o kana upena pahele. Ua ike koke ka Haku Hakuhesa i ke ano o keia mau hana. Komo koke iho la ka manao hoihoi ole iloko on a. Okala koke ae la oiu a uni ue la ma o a maanei o ka noho. Ua hala kona mau la o na hana hooipoipo. Ua hoao a ua lawelawe oia ma ia mau hana iloko o kna mau la opio a ua loaa hoika uku hoopai. No ia mau hana, ua hoowahawaha oia i keia manawa. He hoala ana mai ia i na hana hoeha manao o na la i hala.

            Ua ike koke aku o Octavia i keia ano okalakala o kona makuahonowai, nolailam awiwi hou aku la oia i ke kamailio ana:

            "Ua ano palaka ia au e kuu haku, a mai poina hoi au i ka hai ana aku i kaʻu wahi mea hou. Ua kipa kauhale aku nei maua i keia kakahiaka a hoohiki loa aku i ke alanui Oxford. La maua i maalo ae ai mawaho o ka luakini, ua ike aku maua he huakai mare e puka mai ana mailoko mai o ka luakini, a ike aku nei au o Nobala Desemona ka mea i mare i ka wahine. aole anei he mea apiki a ano e aole kakou i kono ia e hele aku i ke anaina mare. Aole au i lohe mua e mare ana oia i ka wahine."

            "He keu io no a ke ano e a i oi loa aku hoi mamuli o ko olua ike ana aku la ma ke ana ulia. Aole no au i lohe e mare wahine ana, a o koʻu iohe koke ana iho nei no ia he hora ae nei ke kowa. Aole no oia i hao e hoike mai iaʻu no keia mare ana on a a me kana mau mea no hoi a pau e hana aua. Pehea, ua hele aku anei olua e ike iaia? Pehea ke ano nanaina o ka wahine? ua lohe au he wahine kanemake oia."

            "He wahine kanemake oia? Nawai oe i olelo aku pela? he wahi kaikamahine wale no oia i koʻu ike ana aku nei. Aole paha i piha na makahiki ma o aku o umikumaono. He lauoho ulaula kona a ua oki ia no hoi a pokole. Ua like ka ula o kona lauoho me kena kii pena ulaula mahope au ou."

            "Makemake loa au e ike maka i ua wahine lauoho ulaula nei a Desemona. Manao au e kono aku kakou ia laua e hele mai i kauhale nei a e paina like kakou. Malia he wahine kana i mare aku ia a ke kanaka lopa haalele, a he wahine kanamake hoi na kekahi kanaka kalaiwa kaa hoopulu alanui. He ano e no hoi ko Desemona manao a me kana mau hana. Paakiki oia mahope o kana mea e manao ai. Ku ole aku na oleleo imua ona. Aka nae, ua mare aku ia oia i ka wahine a he kaikamahine oia naʻu, a ke manao nei au e kono a e hookipa aku kakou iaia ma ke ano oia kekahi o ka ohana oiaio. Ina no hoi paha aole o kakou hoihoi iaia makehewa no ko kakou hoonau ana aku i ka ike ana."

            "O kaʻu no ia hoi i manao ae nei e kamailio aku ia oe e kuu haku," what a Octavia me ka hoihoi nui, "a o ke kumu wale no nana i kaohi iho iaʻu mai ka hoopuka ana aku, o i mai auanei oe i kuu mahaoi i ke kamailio i ka mea i pill ole iaʻu. E kono aku uo kakou ia desemona a me kana wahine e hele mai i kauhale nei. makemako loa au e ike a e hookamaaina me ia kaikuahine oʻu. Ma kela ike lihi wale ana aku nei no ua pipili paa koʻu manao nona. E kakau koke iho i ka palapala kono i keia wa."

            "Ua lohe pu iho nei au e haalele ana laua i ke kulanakauhale nei no ke taona o Brighton i keia la no ka noho ana ilaila no hookahi pule. Mahipe iho o ko laua huli hoi ana mai ua hiki no ia oe ke kono aku ia laua i ka la a me ka manawa au i makemake ai. Ke waiho aku nei au i keia wahi apana hana ma kou lima he oiaio, aole no i makamaka a maikaʻi koʻu noho ana me Desemona, aka, manao au aole oia he kanaka e hoomau ana i ka hulu. E kakau ae au i palapala a hoouna aku i kona keena oihana a na ko laila poe no hoi e hoouna loa aku iaia. A loaa mai ka pane, alaila, e hooko aku oe i kau apana hana ma ka inoa o ka ohana. E hoomanao oe i  keia a mai polna."

            Ae koke aku ia o Octavia me ka hauoli nui.

            "E Lawe Mai no au i kela wahi kaikamahine lauoho ulaula i kauhale nei a e hookuu aku no au iaia imua o Rulena Konia he alo a he alo. E hui laua he alo a he alo imua o koʻu mau maka ponoi, alaila, e ike no anumei au no;u iho i keia mea hana manawena o laua."

            E ka mea heluhelu, o ka hookoia ana keia o ka Octavia monao. Ua ae ka haku Hakuhesa, a pela i ko ai kela poo e kau ae ia maluna Ka Octavia Papa Kuhikuhi- Hoapono ka Haku Hakuhesa.

[Aole i pau. ]

 

NANEA KAMAHAO

o ke

KEIKIALII

ROMEALA;

-ka-

Ui Kila Mageneti

O PARAMERI.

 

Ka Nani e haule ai ka Honua;

Ka Mahina Meli o Salaredina;

Ka La Alohi o Muliscderu;

Na Kulu Koho Kamahao Ekolu.

 

Na Ui Hookelakela

O KE AO HOLOOKOA.

 

NA NANI

Puuwai Uahoa o ka Honua nei

-A O KE-

Kila Mageneti o ke aloha- "O Pa Rameri no ia."

 

            I ka mea heluhelu: Mahope iho o ka hoomaha ana o ka mea kakau moolelo o ke Keikialoo Romeala no kekahi mau pule i hala aenei mamuli o kona ano omaimau, ano i keia la eia oia ke haulani hou aku nei imua o ko oukou mau kiionohi me na kuhinia o kana mau hana hoonauo puuwai o ka hookalalupua no ka hopena o kela aupuni o ka La Alohi a me ka Mahina Meli. O na olelo mua o ka hoolauna, oia ka ua Mahina Meli nei i kamailio mai ai. E kuu kaikuana aloha, ua ike anei oe i na kihi eha o ka honua a me na luhiehu nani o ke ao holookoa.

            Ae-e kuu pokii, ua ike au a lawa, ua makaikai a hala mawaho o na palena, a o kaʻu ia e hoike aku nei. O ke kula o Mokuleia kaʻu aloha, I ke kahela ae me he moena pawehe ala.

            Me keia mau olelo ae la o ka hoolauna mawaeua o ka hanau mua a me ka muli, halawai hou ae ia lakou iloko o na puili paa ana o ka ipo i ka ipo, alaila puana ae la ua mau ui ala. E ka loe o ke ao, o oe ka maua ipo a pau na la o ka honua, o ka make wale no ka paleua. I kela wa a ua mau ui @aaheo ala o Homelana i hoopuka hope ae ai i kela mau olelo, ia wa koke no i paapaaina iho ai ka leo weliweli o ka hekili e hoopili pu ana i ka hanu o na mea ola a pau o ka honua a hiki loa aku i na welelau a me na kihi eha o ke ao, me he la e hoike aku ana ia lakou ua hiki mai ka hopena o ke ao.

            Mahope iho o ka hohola hou ana mai o na eheu meha o ka makuhia, ia wa ke Keikialli Romeala i huli ae ai maluna o kana mau ipo o na sekona aku i hala, a luai aku la i keia mau olelo, E na ui kaulana o Homelana, mamua ae o koʻu lawe ana mai ia olua ma ke ano i mau ipo naʻu no ka hopena o ke ao, e ae mua mai iaʻu e hooluhi aku ia olua no ka wa mua loa no kaʻu huakai huli hoi i Parameri. E hai mai! E hai mai e ka mau ipo aloha! Wahi a ua mau @ i ala i pane like mai ai. No ka mea o Homelana a me kona a pau, aia ia malalo o kou mau kapuai. O kuu hoa aloha o mamiona, ka mea i hopupio ia e na kiai o Homelana nei, oia ka;u i makemake ai e hookuu ia mai oia mailoko mai o kona hale hooluhi i hoopaahao ia ai.

            A-ha! o Mamiona! wahi a na ui i hooho ae ai. E ka maua ipo aloha, he mea paakiki ia ua maua ke olelo ae e hooko ia ana kou makemake, oiai, aole loa me maua ia mea, a oki loa aku hoi i kona wahi i hoopaahao ia ai. Ala, e ka ipo o na ipo, e makaala nou iho, in a aku ko maua makua a hoea mai me ka inaina nui e pau ai kakou i ka make. Aole i pau pono loa aku na olelo a ua mau nohea ala, aia hoi heluhelu mau ia ke kikiao makani me ka ikaika nui, aia hoi poha mai ia ka leo o ke kupua Lomela me ka inaina nui.

            E ka La Alohi o Mulisedera a me ka Mahina Meli a Salaredina, heaha ka olua mea i hana oho nei? O ke kaulana a me ka haaheo o ke aupuni o Ho@elana, oia ka maua mea i hana ai, wahi a na ui nohea. A-ha! i hooho ae ai ke kupua Lomela me ka wiliwili ana ae i kona kokoo. Ua hana ka olua i ka mea e hoino a hoowahawaha ia ai o kuu aupuni, ka hana hoi aʻu i hoopailua loa ao. Ea! E aʻu mau luhi, ua kipi mai olua ia;u, ua hehi mai hoi iaʻu ilalo i ka lepo, ua hookiekie aku au ia olua malana ae oʻu a me ko Homelana nei a pau, aka, oia mau hanohano nae a pau aʻu i hoomoamoa aku ai maluna o olua ua kiola ia aku la ia ilalo o ka lepo, a o keia kanaka ka mamo o ka honua ka mea i komo mai me he aihue la, ke kipi ua haliu aku olua a hoomaikai iaia. Ua oi aku anei knoa kiekie a me ka hanohano, ua oi aku anei kona waiwai a me ka mana. Ea! E na kaikamahine lapuwale, e hoopoina ana o Lomela ke kupua ka weli o Homelana nei i ka mea a kona mau lima ponoi i luhi, a i keia la e huna aku no au i kuu aupuni no ka hopena o ke ao a aole loa auanei he kupua nana e hoike mai iaia.

            O keia mau olelo inainaʻa ke kupua Lomela i luai mai ai maluna o kana mau hanai, ola ka Romeala i hamare koke aku ai me na olelo koikoi o ke oolea e kuhau ai ua kupua la.

            Wahi a ua loea ala o ka honua. Aole loa oe a me keia aupuni e mahuka mai kuu alo aku oiai no wau e oia ana, ko ole oe e hoike mua mai aia la ihea kahi i hoopaa pio ia ai o kuu hoaloha Mamiona ka mea hoi a na kiai o kou aupuni nei i hopu ai me ke kuhihewa aole loa he hoopakele nona e hiki mai ana. Ano, eia au o kona hoaloha ua hiki mai a oiai au e ku ana imua o kou alo ke koi aku nei au ma ka hapa o ua hoa aloha Mamiona ala e hookuu ia mai oia me ka lanakila a ke ole pela, alaila, e hookauliilii no an ia Homelana nei iloko o na apana he tausani. Ano e Lomela, ke hoomaopopo mai ia no anei oe i kaʻu mau olelo.

            "Ae," wahi a na kupua la me ka leo nui, aka heaha oe aʻu e hoolohe ak@ ai. F. ke kipi a me ka pakaha i ka mal@i@ia o kuu aupua aole @@ ke aupuni o Homelana e hookou aku ana i kekahi pia i ahewa ia malalo o ka malu o kona mau kanawai aole hui ma na ano a pau. me keia mau olelo ae la a ua kupu@ l@ mella nei, huli hoa ae la ia m@@@@ o kana mau hanai a k@i hope aku la i na olelo ahewa ikaika @@@@ ka hoino. Wahi a ua kupua !! E @@ kaikamahine houkuli, e like me ke ino o ka olua mau hana, peka wau e kau aku nei maluna o ola@. Aia a hiki mai ka la o ka hoowahawaha a me ka hoino ia o ka honua, alaila, i ua la ala, e lilo no oe e ka La Alohi o me koa nani i malamalauna oi kelakela maluna o na welelau o ka honua, aole hoi oe e komo hou aku iloko o ka n@@ai a me ka naaheo o ka Paredaisa o ka maha a hiki mai ka hopena o ke ao. O na aouli kaalelewa o ka lani kou puu hoomaha, a o ka ilihualala o ka honua kou keehina wawae no ka hopena o ke ao holookoa. Ano o kaʻu hoopai keia maluna oi e ka makahiapo o kuu luhi- a aole loa he mea nana e holoi kona kohu o kuu mau leheehe wale no -

            "La e alohi nei

            Ma na welelau o ka honua."

O ow hoi e ka Mahina Meli o Salaredina ka muli o na lahi aʻu i luhi ai: e like me ka hoino ana aʻu i honio aku ai maluna o kou hanau mua, pela no hoi au e kae aku nei maluna ou. E like me ke aiai ana o ka waiu imua o ka wei, pela no auanei oe iloko o na paia konouli iuiu o ka lani. E lilo ana oe i malamalama aiai e hauoli ai na launahele o ka honua, a i nani konane hoi e lealea ai no ko ke ao holookoa, a o kaʻu mau olelo auanei e kanawai paa ia a hiki mai ka hopena o ke ao.

            A no e a'u mau luhi, no ka manawa hope loa, e ku ae maluna o ko olua mau kapuai a e nana i kela mau ipuka o ka maha e ku mai la i kahi mamao, a e hoomana iho, ma ia mau ipuka malaila olua e hemo aku ai no ka ukali ana aku mahope o na kapua o ke kanaka a olua i aloha ai. Ia olua e hemo aku ai mawaho o kela mau ipuka, e hoohewahewa auanei lakou no olua a pela hoi olua no lakou, no ka mea, o ka la o ka inaina o ko olua makua nei, he la naulu ia o ka popolokoa nui, he la pouli hoi me ke kanikau, a aole loa hoi e ike hou ia i ka makahiki o na hanauna he nui mahope aku o'u.

            E like me ka hohala ana ae o ke kakahiaka maluna o na mauna.

            Aole loa mea hiki ke hoomanawa nui.

[Aole i pau.]

Ko Italia Poe Koho Balota

 

            Ua haawi ia i na makaainana a pau o Italia ka mana koho balota, in a ua hiki aku kona mau makahiki i ka iwakalua kumamakahi, ua hiki ke heluhelu a me ke kakau, a ua hookaa hoi i na auhau i hiki aku ka huina i ka $3.75. I ka 1890, o ka nui o na poe koho i hoopaa ia, he 2,826,055 mailoko ae o ka lahui i koho ia he 30,158,403 ka nui, aka o ka nui o na poe i koho io maoli ma ia makahiki, he 1,477,173.

            Ke pii mahuahua mai nei ka makemake ia o ka Chamberlain Colic Chorela a me Diarrhoea Laau Lapaau Ola, mamuli o ka ike o ka poe a pau i hoao i na hopena maikai i loaa mai, a na lakou aku hoi i hoikeike aku i ko lakou man hoalauna. ke hilinai nei makou aohe mau hookaulana kiekie e ae a nui. E kuai ia aku no e na mea kuai laau laapaau a pau, BENSON, SMITH & Co. na Agena ina Honolulu.

 

            He nui ka hoonaluea ana a k a ma'ma ka opu i keia kau, wahi a G. W. Shivell, ka mea kuai laau lapaau, o Wickliffe, Kenetuke,  "a ua nui launa ole mai na noi no ka Chamberlain Colie, CHolera a me Diarrhoea laau Lapaau Ola. Ua hoolilo aku au ma ke kuai la eha mau omole o kela laau i keia kakahiaka. Ua ike ia kekahi ola ano kupanaha a keia laau, a ma na ma'i no a pau ua keu a ka holopono." E kuai ia aku no e na poe kuai laau lapaau a pau, BENSON, SMIRTH & Co. na agena ma Honolulu.

2406-4t

AHAOLELO O 1892

LA HANA 128, Nov. 21, 1802.

Hoomaka na hana e like me ka mau

NA HOIKE ROMITE.

            Na Ke Alii Kauhane o ke Komite Hoonaanao no ka hoopii e noi ana e hoopau i ke kumukula Muller, ua waiho e mai ke kumu. Aponoia

            Na Kuhiaa Waiwai Jones i hoike mai i ka pauku I o ka Bila Haawina me na hoololi.

            Na Ke Alii Young o ke Komite Wae no ke kukulu i kahua kinaiahi kuwaeaa, ua manao ke Komite e haokaawale i $25,000 na ia hana. Waiho ia a anoano me ka Bila Haawina.

            Na ke Alii Marsden o ke Komite no na lako Halealii, e apono ana i haawina $5,ooo, i hookaa ia ai na bila aie a ke Kuhina Kalaiaina i hoaie ai.

            Na ke Alii Ena o ke Komite Wae no ka bila e pili ana i na poe i hoohuoi ia no ka lepera, e hoopanee loa. Waiho ia a noonoo pu me ka hoike a ka hapa uku.

            Ma ke kapae ia ana o na rula, ua heluhelu ia mai e R.W. Wihkoki he hoopii no Keloa, e keakea ia ko Mr. Cropp hoouku ana i na ukana e hoolele ia ana ma ka uwapo o koloa. Haawi ia i ke Kuhina Kalalain.

            Na Kaunamano, Mai Hanakua mai, e wehe ia i alanui manwaena o na kileana hookuonoono o Hamakua Aia i ke Komite o na Hana Hoa.

            NA OLELO HOOHOLO

            Na ke Alii Baldwin, e malama ia i mau halawai o ka hale ma na ahiahi Poakahi, Poakolu a me Poalima. Mahope o ka hoopaapaa loihi ana, ua hoopanee loa ia ka olelo hooholo.

            Na Bush, e koho ia on a mau luna nana koho balota hou no ka mahele ekolu o H@lo Hema, a e koho no ma ka la i hoolaha mua ia ai. Hoopaapaa loihi ka hale a hoomaha wale i ka hora 12 awakea, me ke noi e halawai hou i ka hora 1:30 auina la.

HALAWAI AUNA LA.

            Hora 1:45 akoakoa hou ka hale.

            Hoopaapaa hou ia ka olelo hooholo a hooholo ia me ka hoololi a ke Alii Peterson e huli aku i ke kumu o ko na lana nana haalele ana.

            Heluhelu mua mai ka Loio Kuhina i ka bila e hoololi ai i ka pauku 3 ke kanawai o 1890, pili i ke kuikahi me Iapana.

            Heluhelu mai ke Kakauolelo he kono na ka wahine haiolelo hoole waiona Mrs. Leavitt e hele e hoole i kana haiolelo.

            Noi ke Ahi Marsden e hapai ia mai e noonoo na hoololi i na pauku 55 a me 83 o ke kumukanawai.

            Hapai mua ia ka hoololi i ka pauku 83.

            Hoopaapaa loihi ka hale a oki pu me ke koho ole.

            Hoike mai ke Kuhina Kalaiaina, ua haawi ia aku i ke Alii ka Moiwahine na bila 97, pili i ka hookolokolo ana a na kiure a me 115, e hoohuihui ai i na kanawai auhau kuloko.

            Hoopanee ka hale.

 

            LA HANA 120. Nov. 22, 1892.

            Hoomaka na hana e like me ka mau.

            Ma ke kapae ia ana o na rula, ua heluhelu mai ke Kuhina Kalaiaina he hoopii na ka Papa Nana Koho Balota Mahele i Apana 8 e koi ana, e hoihoi ia aku ko lakou mau lilo i hoopii ia ai lakou, mamuli o ka hoopau wale ana o ka Aha Kiekie ia hoopii.  Aia i ke Komite Waiwai.

            Nana no he olelo hooholo e kauoha ana i ke Komite Waiwai e hele aku e halawai me ka Papa Ola a e hoole i kekahi mau bila i kauoha ia ma na aoao 15 a me 17 o ka Hoike a ka Papa. Apono ia.

            Ma ke noi, ua hapai ia

NA HANA O KA LA.

            Heluhelu alua ia ka bila 192, pili i ke kipi. Kapae ia mahope.

            Heluhelu alua ia ka bila 127, e pili ana i ka Papa Ola, oia hoi o ke Kuhina Kalaiaina no ka Peresidena o ka Papa. Haawi ia i ke Komite Wae Kamauoha, Bush, Young, Berger a me ke Kuhina Wilcox.

            Heluhelu ekolu ia ka bila 191, e pili ana i na luna alanui a hooholo loa ia.

            Heluhelu ekolu ua ka bila 65A, pili i ka laikini ana i ka waiona mauna a me ka bia. Hoopaapaa ka Hale ahiki i ka hora 11:55 awakea hoomaha a halawai hou i ka hora 1:30 auina la.

HALAWAI AUINA LA.

Akoakoa hou ka Hale i ka hora 1:40.

            Hoopaapaa loihi hou ka Hale @ hoopanee loa ia ka bila.

            Poe ae hoopanee@ea: Jones, Pua, Kauhane, J. M. Horaer, Hind, Hoapili, Young, Baldwin, W. Y. Horner, Anderson, Thursdon, Wilder, Bipikane, J. E. Bush, A. Herner, Nahinu, White, Kanealii, Edmonds, Kaluna, Iosepa, Akina, Smith, A. S. Wilcox, Kauhi-25.

            Poe Hoole i ka hoopanee loa: Robinson, Brown, Bergerm Ena, Hopkins, Cummins, Williams, Maile, Marsden, Walbridgem Dreier, Ashford, Aki, S. K. Pua, R. W. Wilcox, Kaunamano, Kamanoha, Waipuilani, Kapahu-19.

            Poe hiki ole mai: Kuhina Wilcox, Peterson, Kanoa, Koahou.

 

LA HANA 130, NOV. 23, 1892.

            Halawai ka hale e like me ka mau.

NA OLELO HOOHOLO.

            Na ka Loio Kuhina, he pane i ua ninau pili i na Aina Lei Alii ma Kaneohe. Aia i ke Komite Wae Bush, Ashford, Thurston Walbridge a me ka Loio Kuhina.

            Na ke al@i J. M. Horner, e halawai ka Hale ma na hora 9 kakahiaka, e kahea ia na inoa o na hoa a o ka poe hiki ole mai, e uku. Hooholo ia.

            Ma ke kapae ia ana o na rula, ua heluhelu mai ke alii Kakina he hoopii na ka Hui Hoolaha akea aku ia Hawaii nei i na Aina mamao, e hookuu wale ia na uku pooleta o na mea i pai ia o ka Hui ke hoouna i ko na aina e. Haawi ia i ke Komite Kalepa.

            Na ke alii Willams o ke Komite Wae o ka Bila Da@a Pepa a Horner, E hoopanee loa ana i ka bila Kali ia a hoea mai ka hoike a ka hapa uuku.

            Noi ke Alii Kakina, e koho ia i Komisina elima lala no ka huli ana i ka ninau waiona a hoike mai i ka ahaolelo o 1894. Hooholo ia nae ka hoololi. Koho ia o Mer@lon, Bush, Ena, Smith a me ka @@@@@uhina.

            Ma ke uoi, ua hapai ia.

NA HANA O KA LA.

 

            Noonoo ana i kahoololi i ka pauku 83 o ke kumukanawai.

            Hoopaapaa a hoomalua i ke awakea a halawai hou i ka hora 1:30 auina la.

HALAWAI AUNA LA.

           

            Akoakoa hou ka Hale i ka hora 1:30. Eia ka poe i hiki ae:

            Na Kuhina Jones; Na Alii Walker, Hopkins, D. W. Pua, Williams, Maile, Kauhane, J. M. Horner, Hoapili. Marsden, Young, Baldwin, W. Y. Horner, Walbaridge, Anderson, a me Dreier; Na lunamakaainana Bipikane, Ashford, Aki S. K. Pua, Kauhi, R. W. Wilcox, A. Horner, Kaunamano, Kamauoha, Waipuilani, Kapahu, Nahinu, White, Kanealii, Edmonds, Kuluna, Iosepa, Akina a me Smith - 35.

            Noi ke Alii Baldwin, e hoopanee i ka noonoo ana o na hoololi kumukanawai a ka Poaono. Holo.

BILA HAAWINA.

            Oiai aole i pau loa i ka holo ma pauku 1 a me 2, aka ua hooholo ia nae ma ke ano nui, a nolaila mahope o ke kapae ana i na rula, ua hapai ia ka bila ma ka heluhelu ekolu.

NA LILO MOI.

 

            No ka Moiwahine. . . . . . . . . . . . . $30,000

            Noi ke Kuhina Waiwai, e hookaawale ia na haawina e like penei: Mai Novemaba 30, 1892 a hiki i Maraki 31, 1894 - $20,000, a mai Maraki 31, 1892 a hiki i Novemaba 30, 13,332. Hoopaapaa loihi ka hale a hooholo ia e like me ke noi a ke Kuhina Waiwai.

            Poe ae e hooholo: Wilikoki, Robinson, Jones a me Brown; Berger, Ena, Hopkins. D. W. Pua, Cummins, Williams, Maile, Kauhane, Hoapili, Young, Baldwin, Walbridge, Anderson me Dreier; Wilder, Bipikane, Aki, S. K. Pua, Kaulil, R. W. Wilikoki, Kaaanamano, Kamauoha, Walpuilani, Kapahu, Nahinu, White, Kanealii, Koluna, Iosepa, Akina, Smith - 35.

            Poe Hoole i ka hoololi: J. M. Horner, Hind, Marsden, W. Y. Horner, Ashford, Bush, A. Horner, Edmonds-8.

            Poe Hiki ole mai: Peterson, Thurston, Kanoa; Koahou, A. S. Wilikoki.

            No Ka hooilina Moi, $8,000

            Noi ke Kuhina Waiwai, Penei e heluhelu ia ai ka haawiaa: Mai Novemaba 30, 1892 ahiki i Maraki 31, 1894 he $4,607.72, a mai Maraki 31, 1892 ahiki i Novemaba 30, $3,332.28.

            Hoololi mai o Ashford i $10,000. Hooholo ia.

            Hoopanee a ka hora 9 kakahiaka Poamlima.