Ka Nupepa Kuokoa, Volume XXXI, Number 43, 22 ʻOkakopa 1892 — Untitled [ARTICLE]

Aole Aha Kuhina uo Hawaii i keia la. Aohe meii i lohelohe ia ae no ka makaloa hakahaka o ka Malama Buke Helu nui o ke Aupunl. Ua hoouna aku ka Oihana Leta ma ka Mariposa i ka Poaha nei no na aina mamao, ia 3041> inau leta a me 2163 mau nupepa. Ua hoopii kanawai iho nei o Mr. C. A. Brown i ke Kuhina W'aiwai e hoihoi mai iaia i ka Oihana Lunahelu nui. Mamuli o ke ulolohi o ka wae ia ana o ka Aha Kuhina, nolaila, ua hoopanee mai ka Ahaolelo i ka Poaha nei a halawai hou i ka Poakahi, Okatoba 24. I ka hora 7 o ka po Poaha nei, Okatoba 20, maloko o ka luakini o Kaumakapili, Honoluiu, ua hoohui ia ma ka mare e Rev. J. Waiamau o Ailuene Boyd me Miss Hannah Kamaiopili. Ua lilo aenei na kii ku nunui o ka Moi i make a me ka Moiwahine Liliuokalani, a ka haole kaha kii W. Cogswell i pena malau ai me kana hulu pena, i ka Moiwahine Kalaunu, no ke kuiuukuai i kokoke aku i ka $4,000.

Ua hoopii ia iho nei ke aupuni Hawaii e PeterHigh, a ua hookolokolo ia iho nei ka hihia koi poho i ka Poaha nei Imua o ke kiure haole. Ma ka liom 2 a oi oia auina la no, ua puka mai la ka olelo hooholo a ke kiure e haawi ana i ka mea hoopii i na poho he $352.40. Ua ku mai ma Honolulu nei i ka hora o o ke kakahiaka Poaha nei, mai na Panalaau mai o ka Heina, mahope o ka haalele ana aku i Kikane i ka hora f> p.m. o ka la 3 o Okatoba, ia Nukilani i ka hora 8:30 p.m. o ka la 8, ia Apla i ka hora 8:30 p.m. oka la 12. Malie ka moana a olu ka hele ana o ke kai loa. Ma ka hora 4 ahiahi no o ka la 1 ku mai ai, ua haulani loa aku oia no ke kulanakauhale Moiwahine o ka Pakipika e halii ana i ke one o Kapalakiko.