Ka Nupepa Kuokoa, Volume XXXI, Number 43, 22 ʻOkakopa 1892 — Page 1
| This text was transcribed by: | Pualani Lopes |
| This work is dedicated to: | Primo |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXXI.
KOOLAHA LOIO.
ANTONE ROSA,
(AKONI.)
L@i@ a he Kokua ma ke Kanawai.
LUNA HOOIAIO PALAPALA.
K@@@ Hana ma Alanu Kaahumanu.
2@70-
NELLIE M. LOWREY,
NOTARI no l@a LEHULEHU
- A HE -
@ENA HOOIAIO PALAPALA A NE NA PALAPALA HOOHIKI.
K@@a @lana me W.R. Kak@la, LOIO, maka @@@@i o ka Hale Leta, Honolulu. 2370
P PUHALAHUA.
LOIO LOIO LOIO
@@@@ la mai au e lawelawe @nua o na Aha @@@aiu a me Apana a pau o keia Aupuni. He @@@ Hoolaio Palapala no ke Apana o Hana, Mokupuni e Maui.
E loaa no au i ka Ua Peepapohaku o Kaupo, a @ a Hana i kekahi manawa.
E. G. HITCHCOCK,
(AIKUE HUKIKOKI.)
Loio a Kokua ma na mea a pau
e pili ana ma ke Kana@an.
@ OH@IA NO NA BILA A@@ ME KA AWIWI HILO, HAWAII. 2370
J. S. SMITHIES (KAMILA,)
@OTALI no ka LEHULEHU
- A @@ -
Agena Haawi Palapala Mare
Mahuko@a, Kohala, Hawaii. 2378-@v
W. R. KAKELA,
Loio a he Kokua ma ke Kanawai.
HE LUNA HOOIAIO PALAPALA.
2370
WILLIAM C. ACHI,
@O@O a he Kokua ma ke Kanawai imua o na Aha a pau o keia Aupuni.
He NOTARI no ka Lehulehu a BOROKA no na Waiwai Paa.
Keena Oihana, Helu 36, A@anui Kalepa, Honolulu, Oahu.
JAMES M. MONSARRAT,
(MAUNAKEA,
Loio a he Kokua ma ke Kanawai
HE LUNA HOO@AIO PALAPALA.
E hana ia no na Palapala Kuai, Palapala Hoolimalima, a me na Palapala Pili Kanawai e ae ma ka olelo Hawaii. Dala no ka @oaie ma ke moraki ma na Waiwai Paa.
Keena Hana : Hale Pohaku hou ma ka aoao ma Waikiki o ka Halewai, alanui Kalepa. 2370
WILDER & CO., (WAILA MA.)
Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.
Kihi o Alanui Moiwahine me Papu.
2396-q
KO BIHOPA 'MA,
BANAKO MALAMA DALA
ELAWE NO MAKOU I NA DALA HOOMOE ma ka hoale ana ma ko makou BANA@O Malama Dala malalo o keia mau kumu:
Ina e hoomoe mai ke kauka hookahi i na dala Elima Haneri, e uku no makou i ka ukup@@ee ma ka Elima Hapahaneri o ka makahiki, mai ka wa aku o ka lawe ia ana mai o ke dala, le waiho ia ke dala hoomoe i ekolu mahina, a ua waihoia paha ke dala a hula ua malama ekolu i ka wa e hooponopono ia ai na helu. Aole uku panee e helu ia maluna o na dala ha@ina uo na la elua paha o ka mahina. Aole uku panee e uku @a i na dala e lawe la ana maloko o ekolu mahina mai ka wa@k@ o ka hoomoe ia ana mai. He 30 la mamua ae o ka unuhi ana aku o kekahi kanaka i kana mau dala, e hoike e ma@ @ Ka HANAKO, a e luwe pu ia mai ka buke dala i ka wa e kikoo ai. Aole dala e uku la ala wale n oma ke kikoo ka mea nana @ hoomoe mai i ke dala me ka @awe pu mai i ka buke hoahu dala. I ka la mua o Sepatemaba o kela a me keia makahiki e hooponopono ia ai na @elu o na mea a pau, a o na uku panee i uku ole ia maluna o na puu dala a pau e waiho ana me ke kikoo ole la, e helu la ma ka aoao o ka mea hoomoe dala mai i hala na malama ekolu, a ma ia wa aku e hui ia me ke kumupaa mua. O na puu dala h@omoe mai maiuna o elima @auer@ dala, e lawe ia no mamuli o ka aelik@ pu ana. E h@m@m@ ana ka Banako ma na la a pau o ka he@edoma, ko@ na ia Sabati a me na la Kulaia.
BISHOP MA.
2396-q
Honolulu, Ian.
J.T. WATERHOUSE,
(WALAKAHAUKI.)
Halekuai o na Lole Nani Panio!
@AKOHAO.
Na Lako Hana Mahiko,
A PELA AKU @E NUIWALE.
Alanui Moiwahine, - - Honolulu.
2396-q
ALLEN & ROBINSON,
NA MEA KUAI PAPA O NA ANO A PAU
E load no ma ka UWAPO O PAKAKA, Hoolu@@, make kumukai makepono loa, no ka @@naikai o ka lehulehu e makemake ana e ku ui hale. E kipa mai a e ike kumaka.
2396-q
J. HOPP & CO.,
Na Poe Hana ma na Lako Hale o na ano a pau!
Hana Moe, Na Uluna P@lu, Etc.
Noho no ka Hoolimalima ana, ua Lako Hale me ke kumu@uai emi.
Honolulu. 2396-q
HELU 43.
He Moolelo
- NO KA -
Ui Nohea Berela.
Ke Kamehai hoopono- Ke kupaa me ka luli ole-- He wahine na ke kane hookahi-- Ke au polikia a me ka huli ana o ka pomai- kai mahope o ka wahine.
MOKUNA XXVIII.
LILO I HOOKAHI-- KE AKAKU O DANE KONIA-- MAULE BERELA.
Me keia mau olelo lalau aku la o Desemona malalo o ka auwae o Berela a hapai ae la iluna a nana pono iho la i kona helehelena nohea. Ua ike iho oia he helehelena hoeena, hauoli, a i hoo@ ia ae o ka nani mamuli o ke kahiko mua o ka nohe, i hoomalamalama ia hoi e na maka i piha i ke aloha a me ka paulele pu; he nanaina nani a maemae. O ka nanaina holookoa a Desemona i ike iho ai, he nanaina ia o ka hoomah@e, aka, @ ka muki honi ana i noi aku ai nana no i kaihi ae mai na papalina nohe o Berela, no ka mea, ua waiho aku o Berela i na hana a pau ma ka lima o Desemona.
Aohe i kani pono aku ka Desemona muki honi hope, ua komo koke aku la o Berela no kona keena a he manawa mahope iho ua hele aku la o Makaleka wahine. Hoi koke aku la o Berela no kona keena a he mauawa mahope iho ua hele aku la o@a no ke keena hookipa kahi hoi i akoakoa mua ai kekahi poe hoolimalima okoa iho o lakou. Ua @ohe mua keia poe i ko laua nei mau kulana, a nolaila, ua poai puni ae la lakou ia Berela iaia i komo aku ai a pahola aku @a i na mahalo a me na hoomaikai he nui. Na keia mau hana i hoauhee pau loa aku ai i na manao hoeena o Berela, a ma kona aoao ua kono aku la oia ia lakou a pau e hele i ke anaina ma@e a ua ae lokahi mai lakou a pau.
I ke kakahiaka o kekahi la ae, he hapaha i hala ae o ka h@ra umikumamakahi, ua hoea mai la i ka hale he ekolu kaa. Iho mai la o Berela mai ke alapii o ka hale mai e kuie@ pu ana me kahunapule nana laua e mare a kau iho la ma ke kaa mua a holo aku la. O Desemona mai me ka wahine a ke kahu@apule a me Makeleke wahine a kau iho la ma ke kaa elua a holo aku la, a ma ka ekolu o ke kaa na hoa hoolimalima hale o Berela ma. Ua holo pololei aku keia mau kaa a i ka luakini kahi mare ia ai.
Ua komo aku lakou a pau; ua mar@ ia iho @a o Berela me Desemona a ua lilo ae la laua he kane a wahine, a no ka manawa hope ua palekana o Berela; ua loaa @aia he inoa kane e hilahila ole ai; au maha no hoi kona manao.
Ua pau na hana pili mare i keia wa a o ka mea wale no i koe oia no ke kakau ana i na i@oa maloko o ka buke hoomanao o ka luakini. Ua hele aku la@a a kakau pakahi iho la i na i@oa. Kakau iho la o Berela i kona- "Berela Star Konaroe." Ua ano ku @ana oia i kona wa i hoomaka ai e kakau i kela inoa hope "Konareo," a ua aneane oia e kakau iho "Konia." Aka nae, mamuli o kona hoomaopopo koke ana iho he inoa kapakapa wale no kela inoa "Ko@la" no kela kane ana i mare ai ma Geneva, nolaila au kakau iho la ola i ka inoa "Konaroe." A aole no hoi no keia kumu wale no, aka, o kona inoa no keia i kakau ai i kona inoa hope ma ka buke hoomanao ma Geneva.
Pau loa ae la na hana e pili ana i ka mare, nolaila, ua akoakoa hou aku la ko laua mau hoa noho hale me ka hoopuni ana a haawi pakahi hou aku la i na mahalo a me na kalokalo ana he nui i na paa mare opio.
Heaha aku ka mea i koe e ka mea heluhelu? Mahea aku kau e loi aku ai? Aole anei kau i lawa ma ka olelo ana ae maanei ua mare na opio a ua NA ka inai@a kuko a loko? Ua hoona ia. Ke hui pu aku nei ka mea kakau ma ia manao hookahi a ke olelo pu nei ua NA io no ka manao hooena a kuko pu a loko. Lilo i hookahi. Ua hooholo mua o Desemona iloko o kona manao me ka hoike mua ole aku ia Berela, e hoomakaukau mua ana oia i wahi papaahaaina no laua a me ko laua mau poe hoolimalima hale; a pela io no. I ka wa i pau ai o na hana a pau e pili ana i ka mare, ua kono aku la oia ia Makaleka wahine a me ka poe i pau o ka hale hoolimalima i hele aku i ke anaina mare, e hui pu a launa pu ma ka hale hoolimailima, no ka launa a noho pu ana iho ma ka papaaina, a oiai ua ike a maopopo mua o Makaleka wahine i na mea a pau, nolaila, ua ae waha aku la oia a he ae wale no ka kekahi poe iho. Aole he hana i koe. O ke kau wale iho no o na paa mare opio maluna o ke kaa a holo aku hoi aku i ka hale ma ka olelo pololei ana. Ke liuliu nei. Ua makaukau na mea a pau. Ae, ua makaukau na mea a pau. Eia o Desemona a me kana wahine ui nohea ke hele aku nei a puka i waho o ka luakini. Ua ike aku la laua i ka malamalama o ke ao nani. He nani i pahola ia mai e ka Makua Lani no kanaka. Ua puka laua iwaho a na ke ao holookoa e kilo a e kaupaona like i ko laua mau aloha pakahi. Na ke ao holookoa e hooholo.
I keia wa, eia ka kaua mau eueu, e ka mea heluhelu, iwaho o ka pa luakini kahi i ku ai. Ke anehe aku nei laua e hele a kau iluna o ke kaa a hoi aku. Ke kuiee nei laua. Ke hoomahie nei pana Ae; hoomahie laua a elua.
Ia @aua e ku nei ma ka ipuka o ka luakini me ka makaukau ana e kau maluna o ke kaa, ia wa i maalo ae ai he kaa me na hihipea a pau o ka nani a me na hoailona a pau o ka poe hanohano e kau ana maluna o ke kaa mamua pono ka luakini a mamua pono o Desemona a me Berela. Hanohano ka holo ana a na lio. Molale ka hehina wawae. He nani a he ui ma na ano a pau. Mahope o ke kaa e ku ana he elua mau haia kane. Nani a lilelile ko laua mau aahu. Nani no hoi ka aahu o ke kahu kaa. E holo malie ana ke kaa i keia wa. Maloko o ke kaa e noho ana he kane me ka wahine. Ma ka nana aku i ko laua aahu au nani ma na ano a pau. O ke kuku o na kaa ekolu mamua pono o ka luakini na ia mea i hoaui ae i ka nana ana a ka wahine a kaulono pono aku la maluna o ke kaa. Ike ke kane i keia nana a ka wahine ua kiei aku la oia. O na kaa a me ka poe kuku ana mawaho o ka lunakini kaua i ke aole nae i @aopopo.
O keia kaa a me na ohua a kaua e ka mea heluhelu e ike nei, o ke kaa ohana no ia o ka Haku Hakuhesa a maluna o ke kaa o Konia a me Octavia kana wahine mare.
"E nana pono aku oe e Rolena Konia," wahi a Octavia i pane aku ai i kana kaue. Aole anei kela he mare ana mawaena o na opio elua? He mare io no, e kuu Konia. Aka, owai kela kaue? aole anei keia o Desemona? Ea, o Desemona no kela. A owai hoi ka wahine? Aohe on a aahu keokeo, a he lauoho ulaula kona. Owai kela wahine ma kau ike aku@"
I keia manawa a pau loa eia na maka o Konia ke nana a hakilo pono nei i ke alaula hou i oku ia mai i mua o kona maka. Ike aku la oia o Berela io no keia e ku a e kuiee nei me Desemona kona hoahanau ma ka hauauna. Ike pu aku la oia o kana wahine mare no keia o na la opiopio. Ua haikea kona nanaina i keia wa. O ka Octavia mau olelo i hoopuka ae ai a i ninau pololei aku ai imua ona, ua nalohia haalele loa aku ia. Aole i pane aku o Konia.
Iloko o keia manawa aole loa i ike a hoomaopopo o Desemona i ke kaa e hele malie ae nei mamua pono ona. No ka mea, ua kamailio aku kekahi kalaiwa iala. Ua huli aku oia. Pau ae la ka laua mau Kamailio. Huli ae la ola a kokoua aku la ia Berela no ke kau ana il@n@ o ke kaa. Kau o Berela a oia aku no mahope. "Alanui Wells," wahi ana i haawi aku ai i ke kauoha, a holo aku la ke kaa.
Iloko o keia mau hana a pau o Berela wale no ka i ke. Ike oia ia Konia kana kane mare. Ike pu oia ia Octavia ka wahine mare hou a Konia a o ka wahine hoi e noho pu ana maluna o ke kaa. Ua ike aku oia ia laua e nana pono mai ana iaia. Ike pu aku oia i ko Konia mau nanaina haikea. Ike pu oia i ko Octavia noho mumule ana iho a emi pu aku kona poo iloko o ke kaa. Ua ike o Berela i keia mau mea a pau mammua o kona kau ana aku iluna o ke kaa- ke kaa nana oia e hoihoi aku i ka maha mau loa me kana kane hou.
E ka mea heluhelu. Ua ike o Berela i ke akaku o DANE KONIA kana kane mare mua o na la opiopio. Ua WAIHO a MAULE aku la oia maluna o ke kaa. O ke ko ana keia o ke poo manao hoakaka maluna ae- "Lilo i hookahi- Ke Akaku o Dane Konia- Maule Berela."
Ke holo nei ke kaa i keia wa. Manao o Desemona ua hooko ia kona mau manao a pau. Elawelawe oia elike me ka makemake. E hana hoi e like me ke kokoia a ka manao. Aka, "ua helu mua o Desemona i na moa mamua o ke kiko ana o ka hua." No ka mea, iaia i hooholo aku ai i kona lima e apo ae ia Berela a me ka manao pu ana e hoopuka iho i kekahi mau olelo kaukau, ike iho la oia aole he puai leo i pa-e ae mai a Berela ae. Me he mea la ma kana hoomaopop iho ua ano mauleule ke kino o Berela. Aia imua ke poo kahi i kulou ai. Hoa la ae la oia iluna- aka, hina hou aku la no imua. Ua maule o Berela a ua haikea pu ka nanaina o kona helehelena elike la me ko Dane Konia- Konia Polena ma ka hoopuka pololei ana.
[Aole i pau.]
Hoohaunaele na Koa
Ladana, Sept. 26.- E hoike ana he lono mai Ladana mai penei: Ma keia la, ua hoike ae la ka nupepa Daily News ua hoala hoohaunaele ae la na koa o ka Puali Kiai Ponoi o ka Moiwahine Helu Ekahi i hoonohoia ma Halealii Winesoa, mamuli o ko lakou paikau mau ia a me ka nana a hakilo mau ia o ko lakou mau lio, na noho, na aahu, a pela aku, e ko lakou alii kapena. Ma ka la Sabati, Sepatemaba 25, ua loaa aku la i kekahi o na aliikoa kulana haahaa o ka Puali C kekahi mau hemahema. No keia mahele koa hookahi i hoike ia maluna, he 80 noho lio i pau na kaula keehi i ka okioki ia a i pau pa i ka hana ino ia. No keia kumu ua kauohaia na koa a pau e hoi aku iloko o ko lakou halekoa, a pau nui aku la i ka hoopaaia. Ua hoomaka koke lakou e walaau a hoohaunaele. Ua mele ae lakou i ka himeni "Aole loa e lilo na Pelekane i poe kauwa," ke Mele Lahui, a me kekahi mau mele e ae, a ua paiakuli maoli na wahi e kokoke mai ana. Ua holo aku keia lono hana hoohaunaele a na koa a puni o Winesoa, a no ia mea ua puni ka halekoa i na kanaka e hoolohe ana i na hana walaau a keia poe. Mawaena o ka hora 9 a me 10 paha o ka po Sabati, ua maki aku ka pualikoa holookoa iloko o ka pa o ka halekoa a malaila lakou i noke ai i ka himeni a me ka walaau ano ole a hiki i ka wa i kani a@ ka o-le kinai i na kukui. Ua loheia ua nui na koa i hopu a hoopaaia ma kahi paa, a o ka puali holookoa ua hoomaluia maloko o ka halekoa. Ua laulaha ae na lono, ua ulu mai keia mau hana hoohaunaele a na koa mamuli o na kauoha uahoe a ko lakou kapena oia o Rawson, a mamuli no hoi o kona hoihoi ole ia, no keia mau hana hoop@ikau wale ana i na koa. Ua kue na koa aole nae he hookoia o ka lakou makemake. No keia ko ole o ka makemake o na koa, noke iho la lakou i ka okioki i na kaula keehi o na noho a hoohaunaele pu. Ma ka la 26, ua malamaia he paikau hookahakaha. Aole mau anuu a kuia i ike ia koe wale no, i ka wa a keia Kapena Rawson i holo aku ai maluna o ke kaa a lele mamua iho o ka halekoa, ua uwa hoohenehene ia aku la oia e na kanaka o kona puali ponoi me ka pehi pu ia mai me na olelo kupono ole.
KE KOLERA.
ELUA LA ME AKAHI PO MA KE KAHUA MA'I
[Mai @o Makoa mea Kakau mai.]
Iloko o na la elua a me hookahi po a'u i @oho ai maluna o ka mokuahi kolo o ka nupepa "Harpers Weekly," iwaena o na poe i hoomaluia ma ke Kaikuono Luna a me Lalo a ma Mokupuni Ahi [Fire Island] no hoi, ua haawi au i ka'u mau noii akahele ana no ke ano o na ohua i hoomaluia o ka mokuahi Normannia ma o keia ma'i korela, a he weliweli maole no. Ma ko'u hoomaopopo iho a me kekahi poe e ae no hoi, ua hooikaika maoli no o Kauka Jenkins o Nu @oka nei a me kona mau kokua e pio keia ma'i luku weliweli mai kona pahola loa ana ma na wahi a puni o Amerika nei. He ku n hoi i ke aloha ke nana aku i na ohua o keia mokuahi e laweia ana no kahi hoomalu, oiai lakou e kuku mai ana ma ka palekai.
Ma ka la 23 o Augate, ua loaa mai la ka lono mai na Kanikela Amerika e no@o ana ma Hamerbuga, Geremania, a me Havre (Havere), aia ke laha la ka ma'i korela ma ia mau wahi a puni, me ka luku ana he mau tausani ola kino.
Nolaila, ma ka la 24 ae, ua hoolaha ae la o Kauka Jenkins, mamuli o kela lono, o na welu lole a me na moku e hoea mai ana mai na awa mai o Europa, e hoomaluia no 5 a 7 paha la mamua o ko lakou komo ana iloko o ke awa hihipea o Nu Ioka, e hoolele ai i na ohua a me na ukana. O na mahalo kiekie ana a kanaka o Nu Ioka a me kekahi mau wahi e ae, aia no maluna o Kauka Jenkins.
Ma ka la 31 o Auga@e, ua ku mai la ka mokuahi mua loa me ka ma'i korela ma kona oneki, oia ka mokuahi Mora@ia o ka laina mokuahi Hamburg-American me 40 limahana, a lawe loa ia aku la oia no ke kahua hoomalu ma ka Mokupuni Hoffman; mai waena mai o na ohua limabana he 400 o keia moku he 22 i make ma ka moana no ka ma'i korela. Ma ka nana aku no i ke kulana o kekahi poe he maikai loa no, koe no ka makua ia o lele mai na hunahuna o kela ma'i luku, a oia ko lakou mea i hookaawaleia ai ma kahi mamao.
Mahope iho o ka hala ana o na la he 13 mahope iho o ke ku ana mai o ka "Moravia," oia hoi ka pau ana o na la hoomalu, ua kauoha aku la o F. Hendricks, Luna Dute Awa o Nu Ioka nei, i na ona o ka mokuahi aole e lawe hou mai i na limahana mai Europa mai. Ua oleloia no hoi he eono mokuahi e ku mai ana iloko o na la like ole mai ke awa hookahi a ka mokuahi "Moravia" i haalele aku ai. Na keia nuhou weliweli i hoopioloke aku i ka noonoo o kela a me keia, a o ka oi loa aku no paha o na loio Fishel me Reid na poe nana i hoouluulu aku na manao inaina iloko o na kanaka, a ike ia aku la kela a me keia e ku ana ma ka uwapo e pili aku ai o ka moku me na laau ma ko lakou mau lima, na pohaku no hoi, a me kekahi mau mea e loaa ana ia iakou, me ka manao e hailuku i na ohua o ka moku ke hoolele ia mai iuka o ka aina no ka hoomalu ana.
I ka wa i ku mai ai o ka mokuahi No@mannia ma ka la 3 o Sepatemaba, aia maluna ona he 600 ohua kapena a he 500 ohua oneki, a o ka Rugia hoi, he 98 ohua kapena me 430 ohua oneki. Ua lawe mai ka Normannia he nui wale o na poe i loaa i ka ma'i Korela unaluna ona, he 5 ka nui o na make i hoike ia. A wahi a Luna Senate J.R. McPherson o Nu Jerese i hoike mai ai ia makou ma Mokupuni Ahi, oiai oia kekahi ohua maluna mai o au mokuahi la, he 36 hora i waiho ai o kekahi mau kino make iluna o ka moku me ka lawe ole ia. Iloko o @a wa ua puka ae la ka ma'i iwaena o na kuene o ka moku ma ka la 5 me 6, a no ia mea ua kauoha aku ke kapena o ka moku e hookaawale ia na ohua kapena mai ka moku ae i ole ai e l@ha ae kela ma'i a nui loa aku.
Ma@@ la 6 o Sepatemaba, ua haawi mai la o Foster he wahi apana aina ma Sanade Huka ia Jeukins no ka hoomalu ana i na ohua. Aka, ua hoomaluia no na ohua a pau maluna o ka moku a hiki i ka wa i puka hou ae ai o ka ma'i a me ka make ana o kekahi poe. He aloha maoli no i na ohua ke nana aku, oiai ua ano kupilikii loa mai la ko lakou kulana iluna o ka moku, a ke nele mai la hoi lakou i ka wai ole e inu aku ai.
Ma ka la @ ae, ua hoea mai @a o J.P. Morgan, a haawi mai la i kona mokuahi Stonington malalo o Kauka Jenkins i wahi e noho ai kekahi poe ohua no ka hoomalu ana. Ua hele no hoi a piha kuineki keia wahi mokuahi me na ohua o ka mokuahi ma'i Nora@@ia.
O ka la 10 o Sepatemaba he la hoomanao poina ole ia, ka la hoi i hoonee ia ai na ohua o ka mokuahi Normannia no luna o ke mokuahi pahaahaa Stonington e noho ai no ke kali ana i ka hopena o kela ma'i. Manaonao maoli no oe ke ike aku ia lakou e noho ana me ka hoomanawanui iluna o keia wahi moku, e ai pakiko ana i na mea ai a pela pu hoi me ka wai.
Sabati, Sepatemaba 11, ua poha hou ae la ke au o keia ma'i iwaena o na ohua, a no ia mea ua hoonee hou ia aku la kekahi o ia poe no ka Mokupuni Ahi, maluna aku o ka mokuahi Cepheus. O ke alahele e hiki aku ai ilaila ma ka moana Atelanika aku no ia, he puikaika maoli no nae ka hoao e hookomo iloko o kela wahi mokupuni, aia wale no a he wa kai pii alaila pono. He elima hora i holo hoomanawanui hou al keia poe ohua mai ke Kaikuono Lalo mai a hiki i kahi e hoomalu ia ai.
O na kapena o keia mau mokuahi aole hiki ia laua ke hookomo iloko o ke awa, no ka mea, he nui ka ino. Aole hoi he hana e aae koe wale no ka hoi hou i hope. O na poe he 600 oluna o keia mau moku ke noho nei lakou me ka nele i ka ai me ka i'a, o na kane, na wahine a me na keiki liilii e uwe ana imua o ko lakou mau makua, aole hoi he wai e hooma-u ia ai ko lakou mau puu, aole pu no hoi he wahi e hooluolu iho ai o ko lakou mau poo. Ma ka la 12 ae, ua komo aku la na moku iloko o ke awa.
I ka wa i hoopili aku ai o ka Cepheus i ka uwapo, ua ku mai la o Reid, he loio, a halolelo mai la me ka ikaika e kue ana i ka lele aku o na ohua iuka. Ua noi ia aku ina he hiki ke ae ia na wahine a me na keiki e hoolele aku, o ka huaolelo i loaa mai "e hoi no Europa." No ia mea aole i pili ka moku i ka uwapo. Ua mo-ku iho la ka moku ma kahi he haneri i-a ka mamao mai ka uwapo mai.
Ma kekahi la ae-Poalua, Sepatemaba 13- ano pau mai la ka manaolana iloko o na ohua no ka lele iuka; aole nae pela ka mea i manao ia. Ma ka Poakahi ua holo mua aku la makou no ke kahua i hoomalu ia ai o na mokuahi a me Sanade Huka, a ma ka Poalua hoi hou no Mokupuni Ahi. Ia makou i hookokoke aku ai ma kahi a ka moku "Cepeheus" e mo ku ana, au huro mai la lakou me ka hauoli. Ua hoike aku makou, eia ke hoouna ia mai nei he pualikoa no ke kipaku ana i ka poe hoohaunaele, a huro palua mai lalakou. He hora mahope iho, ua kolo aku la ko makou moku i ka "Cepheus" a pili i ka uwapo, a hoolele ia aku la na ohana iuka.
Eia na ohua ke hoomaluia nei me ka maikai, e ka@@ ana no ka puka hou ole mai o kela ma'i.
Hooloihi i ke Ola Ana o ke Kanaka.
"O ke ola ana o ke kauka he 70 makahiki i keia wa e hele nei @ hoomahuahua ia aku ana a e papalua ia iho ana k@l@ heluna makahiki," wahi a ka olelo a kauka Charles Hienk@e i kekahi mea kakau nupepa o ka nupepa Sana Lu@ Globe-Democrat.
"Aole wale o ka honua ke em@iho ana ka ikaika a pii ae ka naauao, aka, e p@i ae ana ka ikaika a me ka naauao: no ka mea, ke pil nei i keia wa ka heluna nui o ka poe ola loihi. Iloko o na la nani e noho moi ana ka Moiwahine Bess, o na wahine i hala na makahiki he 30 o ke ola ana au manao ia ua komo aku lako@ iloko o na la o ka hapauea, a o na kane hoi, he kukaikahi loa o lakou I l@lo ae i mau kanaka kalai aupuni naauao i ka wa e hiki aku ai o na makahiki i ke 65. I keia wa e hele nei, o ka wahine e hiki ana i ke 35 o na makahiki ua kapaia aku oia ala oia iloko o na la o ka wahine ui, a o kekahi o lakou, a he nui no hoi ua piha ia lakou na makahiki he 70 o ke ola ana. Ma ka aoao o na kane aia na hoike maopopo-o Pohakuhauoli, Blsimaka a me Blaie, ua loaa ia lakou na makahiki he 70 a oi- h@ poe naauao a kalai aupuni loea. Ua loaa keia haawina kamahao iloko o keia mau la e hele nei, a ke hookuku a hoohalike ia aku me na hapauea no lakou na makahiki i hiki ke 70 o ke a@ ka'aiko I hala, aole loa i like ko lakou naauao.
"Aka, eia no ka naaua iloko o kona mau la opiopio e hele nei. E like me ia e nee nei imua pela no auanei e poke ia ai na mea hanu ola e hoolapuwale ana i ko lakou mau kino ma na hana pono ole. Oiai ke kahua pipii mau o ka opiopio mau loa a kela opulepule nona ka inoa o Ponee de Leon i noke ai i ka huli a kuekaa me ka manao e loaa, a aole nae i loaa; a @@@ no hoi aole loa ana e loaa i ka ike o ke kanaka ke kumu kahi e ulu mai ai o keia mea he opiopio mau loa a o ka nane hu@a hoi a Apollo; a pela no hoi, o ka oi aku o ka pipili o ka manao o ke kane mahope o ka wahine nona na makahiki he 60 mamua o ka wahine nona na makahiki he 16, ke manao paa nei au e hoopii ia ae no ka meridiana ola mau o ka wahine mai ke 35 makahiki a hiki i ke 70, a aia no he la e hiki mai ana, e kapae loa ia auanei na manao a noonoo ia ana no ke kane i piha laia na makahiki he 70, a maluna o ke kanaka i piha iaia na makahiki he hookahi haneri ka nana nui ia."
Ea, hele kakou la i ke au o ke ola loihi!
MEA HOU- Ma ke ahiahi o ka la 8 o Okatoba, hora 7:30 ua wehe ia ae he Aha Mele nui ma Kealia, (ma ke keena maluna o ka hale kuai o Kealia) a na keiki kileo like ole o Keahi o Kalalea. Elua hui hime@i i haawi aku i ko lakou leo honehone na ke anina e hoolohe mai, oia hoi o ka Wewehilani hui a me Mokihana hui, a ua hoi aku ke anaina me ka hauoli. Ka nui o na dala i loaa mai $40 a au hoolilo ia no ka pomaikai o ka luakini o Anahola.- S.H. K. Kahoohaunaele.
Ke pii mahuahua mai nei ka makemake ia o ka Chamberlain Colic Chorela a me Diarrhoea Laau Lapaau Ola, mamuli o ka ike o ka poe a pau i hoao i na hopena maikai i loaa mai, a na lakou aku hoi i hoikeike aku i ko lakou man hoalauna. Ke hilinai nei makou aohe mau hookaulana kiekie e ae a nui. E kuai ia aku no e na mea kuai laau lapaau a pau, BENSON, SMITH & CO na Age@a ma Honolulu.
Henui ka hoonaluea ana a ka ma'i ma ka opu i keia kau, wahi a G. W. Shivell, ka mea kuai laau lapaau, o Wicklif@e, Kenetuke, "a ua nui launa ole mai na noi no ka Chamberlain Colle, Cholera a me Diarrhoea Laau Lapaau Ola. Ua hoolilo aku au ma ke kuai ia eha mau omole o kela laau i keia kakahiaka. Ua ike ia kekahi ola ano kupanaha a keia laau, a ma na ma'i no a pau ua keu a ka holopono." E kuai ia aku no e na poe kuai laau lapaau a pau, BENSON, SMITH & CO. na Agena ma Honolulu 2406-4t