Ka Nupepa Kuokoa, Volume XXXI, Number 38, 17 September 1892 — Hooweliweliia ka Moiwa hine e ka Pupule. [ARTICLE]

Hooweliweliia ka Moiwa hine e ka Pupule.

Ua hoolalia ae ka nupepa Poepoe Honua o Ladana o ka auina la 20 o Augate i kekahi ulia i halawai mai me ka Moiwahine Yictoria ia ia, oiai oia e holoholo kaa lio ana i kahi kokoke i Oahome Hale. Iko kaa iio alii e holo nei ma ke alanui, ike ia aku la kekahi kanaka e kuhi ana na lima me na huaoielo kakana e hele mai ana i kahi o ke kaa lio e hele'aku nei. Ua ku iho la ke kaa lio a ua hookokokoke mai la ke kanaka ika Moiwahine. Ua olelo; aku keia kanaka i ka Moiwahine, he Kauna oia mai ka aina e mai, a ua hoohikl oia a me kekahi poe e q£u, ina aole ka Moiwahine e haaiele ana I ka noho aiii, e pepehi ana lakou iaia. Ua hoolohe aku ka Moiwahine me ka hamau i ka wa a na huaoleio hehena e wawalo ahiu ana, me ka hoike ole i kekahi ano pihoihoi. Ua ike aku no nae oia a me na ukali, ua olalau kela kanaka a nulaila aohe i hookuikui olelo ia ; aku. Ua ieie iho kekahi o ko ka Moiwahine mau kahu kaa mailuna iho, kauo aku la i kela kanaka mai ke ālo aku o ka Moiwahine, alaila haawi ia aku ia i ke kaiko e hoopaa iioko o ka hale hoopaa lawehala. I Aohe mea e kanaiua ai ua pupule ia oia.