Ka Nupepa Kuokoa, Volume XXXI, Number 38, 17 Kepakemapa 1892 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

ME KO HAWAII PAEAINA I HUIIA.

BUKE XXX1. HELU 38. HONOLULU, POAONO, SEPATEMABA 17, 1892.

NA HELU A PAU, 2407.

 

@oolaha @oio.

 

ANTONE ROSA,

(AKONI.)

Loio a he Kokua ma ke Kanawai.

LUNA HOOIAIO PALAPALA.

@ Hana ma Alanui Kaahumanu.

2331—tf

 

NELLIE M. LOWREY,

NOTARI no ka LEHULEHU

- A HE –

LUNA HOOIAIO PALAPALA A @E NA PALAPALA HOOHIKI.

Keena Hana me W. R. Kakela, Loio, ma ka aoao makai o ka Hale Leta, Honolulu. 2331

 

CECIL BROWN,

Loio a he Kokua ma ke Kanawai

HE AGENA HOOIAIO PALAPALA NO KA NOKUPUNI O OAHU.

Keena Hana – Ma Alanui Kalepa. 2331

 

E. G. HITCHCOCK,

(AIKUE HIKIKOKI.),

Loio a Kokua ma na mea a pau e pili ana ma ke Kananwai.

@OHIIA NO NA BILA AIE ME KA AWIWI Hilo, Hawaii. 2331

 

J. A. SMITHIES

(KAMILA,) NOTALI no ka LEHULEHU – A HE – Agena Haawi Palapala Mare Mahukona, Kohala, Hawaii 2378-1v

 

W.R.KAKELA,

Loio a he Kokua ma ke Kanawai.

HE LUNA HOOIAIO PALAPALA. 2331

 

WILLIAM C. ACHI,

Loio a he Kokua ma ke Kanawai imua o na Aha a pau o keia Aupuni.

He Notari no ka Lehulehu a Boroka no na Waiwai Paa.

Keena Oihana, Helu 36, Alanui Kalepa, Honolulu, Ohahu. 2331

 

 

 

JAMES M. MONSARRAT,

(MAUNAKEA,

Loio a he Kokua ma ke Kanawai ∙

HE LUNA HOOIAIA PALAPALA.

E hana ia no na Palapala Kuai Palapala Hoolimalima, a me na Palapala Pili Kapawai e ae ma ka olelo Hawaii.

Dal@ no ka hoaie ma ka moraki ma na Waiwai Paa. Keena Hana: Hale Pohaku hou ma ka aoao ma Waikiki o ka Halewai, alanui Kalepa. 2331

 

WILDER & CO., (WAILA MA.)

Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

Kihi o Alanni Moiwahine me Papu. 2383-q

 

KO BIHOPA MA,

BANAKO MALAMA DALA

ELAWE NO MAKOU I NA DALA HOOMOE ma ka hoaie ana ma ko makou BANAKO Malama Dala malalo o keia mau kumu:

Ina e hoomoe mai ke kanaka hookahi in a dala Elima Haneri, e uku no makou i ka ukupanee ma ka Elima Hapaherni o ka makahiki, mai ka wa aku o ka lawe ia ana mai o ke dala, ke waiho ia ke dala hoomoe i ekolu mahina, a i ua waihola paha ke dala a hala na malama ekolu i ka wa e hooponopono ia ain a helu. Aole uku panee e helu ia maluna o na kdala hakina no na la elua paha o ka mahina.

Aole uku pane e uku ia in a dala e lawe ia ana maloko o ekolu mahina mai ka wa ak@ o ka hoomoe ia ana mai.

He 90 la mamua ae o ka unuki ana aku o ke@ahi kanaka i kana mau dala, e hoike e ma ii @a BANAKO, a e luwe pu ia mai ka buke dala i ka wa e kikoo ai.

Aole dala e uku ia, aia wale no ma ke kikoo ka mea nana i hoomoe ma ii ked ala me ka @awe pu ma ii ka buke hoahu dala.

I ka ia mu@ o Sepatemaba o kela a mo keia makahiki e hooponopono ia ain a helu o na mea a pau, a o na uku panee i uku ole ia maluna o na puu dala a pau @ waiho ana me ke kikoo ole ia, e helu ia ma ka aoao o ka mea hoomoe dala ma i hala na malama ekolu, a ma ia wa aku e hui ia me ke kumupaa mua.

O na puu dala haomoe mai maluna o elima haneri dala, e lawe ia no mamuli o ka aelike pu aua.

E hama@a ana ka Banako ma na ia a pau o ka hebedoma, koe na la Sabati a me na la Kulaia. BIHOPA MA. Honolulu, Ian. 2383-q

 

J. T. WATERHOUSE,

(WALAKAHAUKI.)

Halekuai o na Lole Nani Panio!

(LAKOHAO,

Na Lako Hana Mahiko,

A PELA AKU HE NUI WAL@.

Alanui Moiwahine - @ Honolulu. 2383-q

 

 

ALLEN & ROBINSON,

NA MEA KUAI PAPA O NA ANO A PAU

E lo@a no ma ka @WAPO O PAKAKA, Honolulu, make kumukuai makepono loa, no ka omaikai o ka lehulehu e makemake ana e k@ ul hale. E kipa mai a e ike kumaka. 2383-q

 

{Aole i pau.} (Aole i pau)

He Moolelo

– NO KA –

Ui Nohea Berela.

 

Ke Kamehai hoopono – Ke kupaa me ka luli ole – He wahine na ke kane hookahi – Ke au popilikia a me ka huli ana o ka pomai - kai mahope o ka wahine.

 

I ka wa a Octavia i ike mai ai ia Konia, ua uwe leo kapalili koke ae la oia. Ua hikilele ino hoi kona makuakane a lele ae la mai luna ae aw o kona noho; puai pu mai la ka ula mai kona mau papalina mai, ua hoopihoihoi nui ia oia, aka, ua hikiwawe nae oia i ka hoike ana ma ii kona nanaina owaho, a me he mea la aole ana mau hana maikai ole i hana. A me ka hikiwawe pu no hoi, ua pane koke mai la oia:

“Hoi ahiahi okoa mai nei hoi oe i keia ahiahi,” wahi ana i pane aku ai. “A ma ko’u manao ana me he mea la he rula o kuaaina haalele kau e malama nei.”

“Mai hooluhi wale oe ia oe iho ma ka noonoo ana no’u nei a me ka’u mau hana e hana ai,” wahi a Konia i pane kakana aku aku ai.

“Manao au no’u ponoi na keena a pau o loko nei o ka hale a u anoa pu ia’u, a e lohe oe ua hiki ia’u ke hele a hoi ma ii na manawa a pau a’u i makemake ai. E lohe hou oe, ua huli hoi mai nei au i ka hale nei he manawa loihi i hala ae nei – i ka manawa kupono nae, no ka mea, ua lohe au in a olelo a pau i kukai ia mawaena on a me kuu wahine.”

“Ua lohe oe in a kukai olelo a pau? Alaila, ua pono, oiai aole a maua hoakaka hou ana aku i koe no ua wahi nane huna la a maua a nona hoi na kukai olelo au i lohe ai, e kuu Konia maikai,” wahi a Calender i pane aku ai me ka waipahe oka olelo. “E ai mai ia’u e hoike aku ia oe, aole loa e hiki ana ia oe e hoike aku i ke akea in a mea a pau au i lohe ai, a o ka oi loa aku, aole loa oe e aa e hoike aku i keia mau kukai olelo au i lohe a ii ka Haku Hakuhesa! E like me keia e ku nei a mai kou kulana hoi o ka ike a me kalohe ana in a mea a pau e pili ana no keia nane huna, ke ike nei au aole au mea e hana ai koe wale no o ka upoi i kou waha a paa!”

“Eia hou kekahi a e nana mai no hoi oe,” wahi a Octavia. “O ka pono, kuleana a pomaikai i loaa ia oe maluna o ka waiwai holookoa o ka Haku Hakuhesa, oia pono kuleana a pomaikai ka i loaa ia’u kau wahine mare, e lohe oe. Ina e hoike ana oe i ka Haku Hakuhesa i ka’u mau mea a pau i hana iho nei au i olelo mai nei ua lohe oe, alaila, e hai hou aku no au e ili iho no maluna o kou poo ponoi na hoahewa ana a pau a ka Haku Hakuhesa, no ka mea, aia maluna o ke kane na hoahewa a me na kamailio ia no na hana pono ole i hana ia e kana wahine. Ke hai oe iaia he wahine lapuwale au a he lapuwale pu ka’u mau hana a aole hoi au he hooilina no ka waiwai o Kalakahope, a ma ia awaha ana au, e poho ana kona manaolana o ka hoohui ia o ka waiwai o Hawk’s Cliff me Kalakahope, a e hai pu aku ana paha oe aole au he wahine maikai e like me ia ana e manao nei i keia wa, alaila, ke hai hou aku nei au ia oe, ua eli aku la oe he luakupapau nou a no’u pu, a o na manaolana au a me a’u pu e upu nei e lilo i mau hooilina waiwai nui nona, e lilo ana ia i mea ole. Ano, aia oe ma ka aoao hea e ku nei? E lawe aku e kuu kane i keia wahi olelo a’o: O ka olelo hooholo a ka aoao hapanui ua lilo ia he mea mana.”

“Nui ko olua akamai i pale mai nei i ko olua aoao,” wahi a Konia i pane aku ai me ke ano hoohenehene.” No’u ihe, ke olelo nei au imua o olua, ua alakai makapo ia au iloko o keia mare ana, a me ka hoike maoli ana ai i ko’u manao, ua puui au a ua pahele ia e olua kena mau aeabaukae. Owau, i hiki loa ma ke ano he hooilina waiwai nui no ka Haku Hakuhesa, ke lilo i kane na kekahi wahine opio hanohano a waiwai o Ladana nei. E ai aku au imua ou e Callender, ua akamai kau mau hana a ua paa au malalo o kau mau pahele; ua mare au i ko kaikamahine. Ua akamai kau hana ana a pela pu me ko kaikamahine mai kiuohi loa mai. Aka, o Octavia ka’u wahine mare, a aole a’u hana e ae i koe o ka hoopili aku ia’u iho me ia. Ua hanau pono ia oia a me he mea la o kona wahi mea maikai wale no ia. Ua kauoha no hoi ka Haku Hakuhesa e hooikaika au e lilo o Octavia i wahine mare na’u; au hana au e like me kana kauoha, a ke manaolana nei au e hauoli nui ana oia ke lohe aku i na hana ekaeka a kana hunona wahine. Ua hooko au i kana kauoha – ua mare au i ka wahine ana i makemake ai, a nolaila, aole o’u manao e huhu ana oia ia’u.”

“Pela io, aole io no paha oia e huhu ana ia oe,” wahi a Callender. E hai aku au, he kanaka huhu hikiwawe oia, a ke pii kona huhu aole ana mea e na ai, aka, he kana ka lokomaikai oia ma na ano a pau. He manao nui kona i na wahnie, manao oia he poe maikai wale no lakou a pau, a me he mea la aole oia e hookaumaha nui ana no ke kaikamahine a @ @ Winesoa. He hana maikai kana e hana ana; e hooili ana oia he puu dala nui maluna o olua a elua a e mau no ko olua noho ana me ia ma keia mua aku. Aka, he mea pono e hoike koke ole ia aku iaia ka oiaio ala a hiki kino mai o Winesoa. A iloko o ka manawa kowa a kakou e kali ana no kona hoi mai, e hana a e hooikaika oe ma na ano a pau i kumu nou e punahele ai i ka Haku Hakuhesa.”

Ua iki o Konia aole he hiki iaia ke ku paio aku imua o kana wahine a me kona makuahonowai kane, aka nae, aole oia i hoike aku imua o laua i kona haule pio ana. Ua hooi ai nae oia i ka hoonana ana i kona a-i ma ke ano ua nui kona ehaeha ma ka naau, a ma ia manawa pu ke noonoo nei oia i kana mea e hana ai. He hookahi wale no nae ulanui pono ana e hana ai i kumu nona e pono ai, a oia no ka hoao ana e hoopoina i na kukai olelo ana i lohe ai, a e lawelawe ia na hana e like me ka mau. Aka nae, e hooikaika oia me ka pauaho nui e lilo mai malalo o kona inoa ka waiwai nui o ka Haku Hakuhesa.

“A ina e lohe ana ka Ela i keia mau mea a pau a kupu ai ka manao iloko ona e uhaehae i ka palapala hooilina ana i kakau inoa ai e hooili ana i ka waiwai a pau nou e Rolena Konia, alalia, o ka ninau, heaha ana la ke ano o ka Ela Konia a me Kauna wahine Octavia ma kanana ana mai a ka lehulehu?” wahi a Octavia. “E lohe oe e Konia ua paa ka palapala hooilina o ka Ela a ua kupono loa ma na ano a pau no kaua. He ake ko’u e make e oia mamua o ka huli hoi ana mai o Winesoa mai Kanada mai.”

Aole i hopohopo o Octavia no Konia i kona wa i hoopuka ai i keia mau hopunaolelo maluna ae, aka, me ka maka hulili ua nana pono aku la oia ia Konia a me kona makuakane. Ua hui ae lana ike o ko lakou mau maka i ka wa hookahi, a maopopo koke iho la i kela a me keia pakahi o lakou ka manao huwa o kekahi.

“E kuu aloha, e Octavia,” wahi a kona makuakane, “o iho ilalo i ka Haku Hakuhesa a hoakaka aku iaia i na mea a pau e pili ana no ko hui ana me Kewela i keia ahiahi. Ia oe hoi e hoakaka ana i ka Haku Hakuhesa no na mea e pili ana nou, e hoakaka no hoi au ia Konia i ke ano o ka manao ia ana au make o Winesoa ko makuakane, a me ke ano pu o kona ala hou ana.”

 

MOKUNA XXVII

KA PALAPA A BERELA – KA DESEMONA PANE.

Ua haalele aku kakou ia Nobaia Desemona, ua komo aku oia iloko o ke keena hookipa o ko lakou hale hoolimalima, a iaia i loaa aku ai ia kakou i keia manawa, aia no oia iloko o ua keena hookipa nei. Ua kani ka hora umi o ka po i kela manawa, a eia no oia ke kali nei no ko Berela hoea aku. Iloko o keia manawa ana e kali nei, ua komo aku kekahi poe hoolimalima okoa iho o lakou iloko o ke keena hookipa e like me ka mea mau o na ahiahi, a pela pu me ko lakou haku hale wahine, aka, aole nae o Desemona i ano hoomakili wahi olelo iki iaia no kekahi mea e pili ana nona a me Berela. Ano kona uluhua no ka hoea ole aku o Berela, a manao pu iho la oia ua nui loa paha kona onawaliwali a maluhiluhi paha, eu ai la oiak lalau aku la i kona kukui, a hoi aku la no kona keena.

“Malia ua loohia ia oia i ke anu,” wahi ana e noonoo nei. “Oia wale no ko kela keena a ina ua loohia ia oia i ka ma’i, aole hemea nana oia e malama. Aka, he manawa pokole a e lilo no ke ano o kona noho ana. Aole loa au e ae o kona kino nohea ka luaahi a na inea a me na popilikia e luakaha ai. O ka manawa keia ona e malama pono ia ai.”

Ua hiki aku oia i keia manawa ma ka ipuka ponoi o kona keena, nolaila, wehe aku la oia i ka ipuka a komo aku la iloko o kona keena hookipa.

Iaia nae i komo aku ai, ua hookui aku la kona wawae me ka palapala a Berela. Lalau iho la oia, huli ae la a pani a ki aku la i ka puka, a noho iho la ilalo maluna o kekahi noho paipai me ka mino aka hauoli ana. Ua maopopo koke iaia kahi i hoea aku @i o ka palapala a me ka mea nana i kakau, nolaila, aole oia i wehe koke, aka, haawi iho ola oia he mau muki hoomaumau mamua o kona wehe ana ae.

“Ua haawi mai oia i ka pane o ka’u noi e like me ia ana i a ai,” wahi a Desemona e namunamu lillii new. “Ke ike nei au ua ma-u ka wa-hi me he mea la ua ma-u i na kulu waimaka.”

Iaia i uhae ae ai i ka wa-hi haule aku la kahi apana pepa hoolaha. O keia kana i heluhelu mua ai, a ua waiho oia i ka heluhelu ana i ka palapala a mahope i hiki iaia ke heluhelu a noonoo akahle i na manao a pau. Aka, iaia i hoomaka ai e heluhelu i kahi apana pepa i pa’i ia, ike koke iho la oia aole he pili o na olelo ia Berela, nolaila, waiho ae la oia me ka hookahaha nui ia o kona manao.

Alaila, hoomaka iho la oia e heluhelu i ka palapala – aole no ka manawa hookahi, aka, no ekolu a eha manawa. Heluhelu hou iho la oia i kahi apana pepa pa’i e like me na hoakaka a na olelo oloko o ka palapala. He mea makehewa ke hoole ae aole i hoehaeha nui ia ko Desemona manao. O na hoakaka a Berela he mea ia nana e hookaakaa pono ae i kona mau maka a ua hookahaha nui pu ia kona manao. Ua hiki loa iaia ke hooiaio nona iho, o na nanaina le@e o Berela ma na ano a p au, kona akahi, ka iike, ke ano kulana haaheo o kona nanaina, ke kulana kilakia o kona ui a me ka nohea, kona noonoo a hana ole i kekahi hana e hoehaeha inoino loa ai i ko hai manao mai ka poe kulana haahaa – ua hanau ia mai oia ma ke ano kulana haahaa a akahai a he pulapula mailoko mai o kekahi hanauna kulana hanohano a naauao. Ua hoike maopopo na olelo a Berela i kahakaha ai maluna o ke kanana keokeo imua o Desemona – ina i kona wa i kakau ai, ua hoholo ae ka ula wena o ke ano hilahila ma kona mau papalina, alaila o ko Desemona mau papalina no kekahi e loaa pu me ia haawina hookahi, aole nae ma ke ano oia pu kekahi i hilahila, aka, ma ke ano he mahalo nui a me ka haaheo pu o ka manao no kona hoike pololei ana i na mea a pau ma ke ano akahai a oialo. ua hiki loa ia Berela ke huna i keia mau mea a pau mai ka hoike ana aku iaia ina i manao oia e hana pela! O na olelo nae o ka hapa hope o ka palapala ua hoehaeha nui loa aku lakou ia Desemona. He umikumamahiku wale no makahiki a he wahine kanemake nae – he wahine kanemake ia ia e manao ana aole i mare kane – he wahine kanemake na kekahi kanaka nona ka inoa oiaio aole i maopopo iaia!

No hookahi hora ko Desmona komohia ana iloko o na noonoo ana i maopopo ole i ka mea kakau, a aole no hoi i hoakaka ia. Ua lawa nae paha ke olelo ae maanei, au hoehaeha nui loa ia kona manao no na olelo o ka palapala a Berela, a i keia wa no hoi ua hooi hou ia ae ka nui o kona laoha no Berela. No Berela wale no kona noonoo i keia manawa. He kanaka hou oia i keia manawa. Ua hookiekie hou ia ae o Berela imua o kona mau maka. E haalele anei iaia? Aole loa! Heaha ka nana i ke ano o kona hanau ana? Heaha ka nana ina he wahine mare oia na kekahi kanaka lapuwale haalele loa i hala aku i ka make? Aohe sanana. Ua paa kona manao i keia wa e haalele a hoopoina i na mea i hala mahope.

O waenakonu po keia wa. Iaia nae e nalu a e hooholo ana i keia mau noonoo, ua lohe aku la oia i kekahi mea e holoholo ana maloko o kekahi keena. Hoomauou koke ae la no oia o Berela no ia kana aloha.

“E kuu aloha!" wahi ana i hawanawana iho ai laia iho. “Hiki anei ia’u ke hoouna aku i pane no kana palapala i keia wa? Aole hiki ia’u ke hookuu iaia e manao iho ua hoopoina au iaia e like me kana i kauoha mai nei – aohe he pono e manao oia pela a hiki i kakahiaka.”

@ iho la oia i ka palapala @ phi aku @ @ ke ahi. Alaila, hele aku la oia a ma kona pakaukau kakau a kakau ihe la i keia mau lalani malalo ihoo me ka moakaka pono:

“E KUU BERELA ALOHA: - Ua heluhelu ihoo nei au i na manao o kau palapala a ua puhi ia e a’u i ke ahi. Nolaila, e hoopoina a e kanu loa i na noonoo ana no kou kulana o na la i hala. Aole loa kaua e kamailio hou no ia mea; e hoomaka hou oe i noho’na ano hou me a’u e kuu aloha, a na’u no oe e hoohauoli, ina e ae mai ana ke Akua; a ina e akeakea ia ko kaua noho’na hauoli ana, alaila, o kaua like no ke alo ia mau pilikia a pau. E kuu aloha, aole hiki ia’u ke hookuu aku ia oe mai ia’u aku! Manao anei oe e hapa mai ana ko’u aloha ia oe mamuli o na popilikia i kau aku maluna o kou kino palupalu? E ku’u Berela, aole i maopopo pono ia oe ko’u ano. E kii aku ana au i palapala mare no kaua i ka la apopo, a i kela la aku e hoohui ia ai kaua i hookahi a pela e lilo ai ka malama ana o kou kino malalo o’u. 

 

“NOBALA DESEMONA.”

[Aole i pau.]

 

Hooweliweliia ka Moiwa hine e ka Pupule.

Ua hoolaha ae ka nupepa Poepoe Honua o Ladana o ka auina la 20 o Augate i kekahi ulia i halawai mai me ka Moiwahine Victoria ia la, oiai oia e holoholo kaa lio ana i kahi kokoe i OsborneHale. I ke kaa lio alii e holo nei ma ke alanui, ike ia aku la kekahi kanaka e kuhi ana na lima me na huaolelo kakana e hele mai ana i kahi o ke kaa lio e hele aku nei. Ua ku iho la ke kaa lio a ua hookokokoke mai la ke kanaka i ka Moiwahine. Ua olelo aku keia kanaka i ka Moiwahine, he Kauna oia mai ka aina e mai, a ua hoohiki oia a me kekahi poe e aku, ina aole ka Moiwahine e haalele ana i ka noho alii, e pepehi ana lakou iaia. Ua hoolohe aku ka Moiwahine me ka hamau i ka wa a na huaolelo hehena e wawalo ahiu ana, me ka hoike ole i kekahi ano pihoihoi. Ua ike aku no nae oia a me na ukali, ua olalau kela kanaka a nolaila aohe i hookuikui olelo ia aku. Ua lele iho kekahi o ko ka Moiwahine mau kahu kaa mailuna iho, kauo aku la i kela kanaka mai ke alo aku o ka Moiwahine, alaila haawi ia aku ia i ke kaiko e hoopaa iloko o ka hale hoopaa lawehala. Aohe mea e kanalua ai ua pupule ia oia.

 

 

 

NANAEA KAMAHAO

O KE

KEIKIALII

ROMEALIA;

- @ -

Ui Kila Mageneti

O PARAMERI.

 

Ka Nani e haule ai ka Honua;

Ka Mahina Meli o Salaredina;

Ka La Alohi o Mulisedera:

Na Kulu Koko Kamahao Ekolu.

 

Na Ui Hookilakela

O KE AO HOLOOKOA

 

NA NANI

Puuwai Uahoa o ka Honna nei

– A O KE -

KilaMageneti o ke Aloha – “O Pa rameri no ia.”

 

Me kela mau olelo ae ia a ua loea la o ke ao iaia iho, kahea ae la ia me na huaolelo moakaka e hoonaueueia ai ka puuwai o ua mau ui la o Homelana:

E ke kulu koko kamahao elua, ka mea nona ka noeau e hiki ole ai i ka malamalama o ka La a me ka Mahina ke hoopuhili. Ano imua no ka hopena o ke aupuni o Homelana iloko o ka weluwelu liilii.

A i ka imo ana a ka maka, aia hoi, aole ua loea nei o ke ao, ua lilo keai nalowale hikewawe ana o ua loea la i mea e pahaohao ai no ka noonoo o na ui hoomahie o Homelana, a no ka hope loa o ka laua ninau ana ia laua iho, hooho like ae la laua me ka leo akaaka henehene. Ha, ha, ha, ua hoohe ka loea o ke ao: Ha, ha, ha, ua hoohe ka loea o ke ao.

I ua mau ui la e lihilou ana i ka hene o na aka, aia hoi me he la i oleha ia ae na maka o laua, aia o

 

Romeala e ku ana me he

Lihilihi lehua ia no Aipo,

Kanu na pua o Kukaniloko

Ua pehia e ka ua eha kanahele

Pupue auwe e hene i ke anu.

 

He nani ko ua kila makeneti nei o ke ao e loaa ole ai kona lua i ua mau us la ke hoohalike ae, aole hoi i ke onaona maka, a oki loa aku hoi i ka maioheohe molale a ka oiwi kino. Me ka leo malie pane aku la ua kila makeneti la. E ka La Aloha ua kuhi paha oe ua hoohe o Romeala mai ke kahua aku o kana hana i hiki mai ai, a e ka Mahina Meli, ua manaolana kuhihewa paha oe ua haawi pio aku o Romeala iaia iho a lilo i luahi na ka hoohe a me ka makau. Aole loa, aole loa o Romeala e hoi hope ana a hiki i ka hoea ana mai o ka hopena o kana huakai, ano e ka La Alohi, heaha kau. A e ka Mahina Meli owai oe?

Aole i pane mai ua mau ui la no keia mau ninau a ka loea o ke ao, aka haka pono mai la ko iaua mau maka me he la e hoike mai ana ua

 

Hoohihi o loko

Malule ka manao

Ua lihi lou aku la ilaila

Sila paa i ka puuwai.

 

No ka lua o ka manawa o na ninau a ka loea o ke ao, pane mai la ua mau ui la me he la ua poina loa ia laua i ka laua hoohiki i hoopaa ai he mau minute pokole aku i hala, wahi a ua mau ui la i pane mai ai. E ka loea – ka mea nana i hoolilo i ko mau puuwai iloko o ke aloha wela, e ae mai ana anei oe e lilo i ipo na maua no ka hopena o ke ao, a o ka make no ka mea e pau ia.

Ha, i hooho ae ai o Romeala, aole anei olua i lohe i ka’u mau olelo – aole au me ka La, aole hoi me ka Mahina? Alaila, heaha ke ano oka olua mea e kamailio mai nei ha, ha, ha, i ipo ka o romeala no ka hopena; ha, ha, ha, aole loa.

Me keia mau olelo a ua loea ia, ia wa i uhi hou iho ai ka mana huna o ka papale ooma kupaianaha a nalo aku la ua loea nei mai na make aku o na ui hoohie o Homelana, a ua kohu

 

Manu kuu hoa,

Noho mai i ka nahele.

Iiwi o uka

Polena i ka ua.

 

O keia hamabaga elua ana a ka loea o ke ao i na ui o Homelana, o la kekahi o na puupuu ikaika loa nana i ha@are aku ka puuwai o ua mau ui la iloko o ka hilahila, a laua i kaniuhu hou iho ai me ka ehaeha nui o keia mau olelo:

 

Punihei ka manao hoohihi,

Ia wai halukuluku i ka pali,

Ho iho e ka ua eloelo,

Huihui na pua i ke kehau.

 

Aloha no keia mau ui i kka luaiele ia e keia eu a ka hamabaga nui wale, a ina paha o kaua kekahi malaila e ka mea heluhelu, ina la ua hoomalielie aku kaua me na kihele olelo ana:

 

Ka Wai ua lana malie,

Uliuli lipolipo.

 

Iloko o ia mau minute o ka ehaeha a me ke kaumaha nui o na ui hoomahie o Homelana, aia hoi, me he uwila la i maalo ae imua o ko laua mau maka, aia ke keikiulii Romeala e ku ana me kona nani nui e olelo ia ai me keia wahi hooheno:

 

Hanohano Mana i ka ua noe,

Kahiko i ka liko o ka mamane

O ka noe a ka ua kikoni ili,

Me he ia o kuu aloha kekahi.

 

Me na nanaina ulumahiehie o ka haahoo, huli ae la ua loea nei o ke ao a pane aku la i ka ui ka Mahina Meli o Salaredina me keia mau olelo e wawahi ia ai ka puuwai o ua ui la e ka hoohihi a me ka makemake o ka naau:

E ka Mahina Meli o Salaredina, ka ui hoi nona ka nani i hoohalike ia me ke aiai o ka mahina waiu o Haredina, ano ua hiki mai ka manawa e hooko ia ai o ka kakou berita o ka aelike no ka wa mua loa mawaena ou a me a’u. O na minute o ka uahoa a me ke kupaa naue ole o ko kakou mau puuwai ua hala ae nei ia; a no keia wa, o ka naue ole o ka kaua e ka Mahina Meli o Salaredina e uhene ai maloko o kekahi o na keena ku kaawale o ko olua nei halealii, no ka mea, o kahi ia a Romeala e haawi aku ai i kana puupuu hope loa o ke kukala kaua wawahi i ka ihiihi a me ka maluhia o Homelana, ua maopopo aku la anei ia oe ka’u mau olelo.

Ae i pane mai ai ka Mahina Meli me na minoaka haaheo o ka ulumahiehie.

Alaila, wahi hou a Romeala, aohe a kaua hana e ae i koe o ke kahua kaua wale iho no o ka lanakila, a i ole, a i ole o ka haule pio o Homelana nei o ia wale no ka kaua wahi e hele aku ai.

Me keia mau olelo hope a ke keikialii Romeala, huli ae la ua ui nei a kunou mai la i ke keikialii Romeala no ka ukali ana aku iaia.

E like me kekona a ua ui nei, pela no hoi ke keikialii Romeala i haawi aku ai i na kunou ana o ka haaheo, a hala aku la laua no ke kahua kaua o koo Homelana manaolana hope loa, malalo o na pailaka ana a ka ui Mahina Meli.

Ua alakai aku ua ui la i ka loea o ke ao ma kela a me keia keena, no lakou na nani luhiehu i hele a hihiu i na maka o ua loea nei, ka hele a

 

Kohu wai no Hiilawe

Ka owe malie i ke alo pali.

 

A i ka hope loa, hoea aku la laua ilokoo kekahi rumi bolu i like pu ka uliuli bolu o kona nanaina me ka waihooluu o na lani.

Makeia keena i huli hope mai ai ua ui nei a hookipa aku i kana malihini me keia mau olelo mua o ka hoolauna:

E ka loea o ke ao, o keia wale iho no ke keena a’u i manao ai o kahi kupono keia no kaua e hooili ai i ka kaua kaua hope loa no ka lanakila a me ka haule pio o ko’u aupuni nei ia oe.

 

Ua kukala pili aupuni ia mai nei e malama ia ana kke koho balota kuikawa o ka mokupuni o Oahu nei, no ka hoopiha ana i na noho hakahaka o na Alii Ahaolelo elua, ma ka Poolua, Okatoba 4 aenei, oia no ka manawa he eono makahiki ma kahi o Hon. P. Neumann a me ka manawa i koe ma kahi o Hon. E. Macfarlane.