Ka Nupepa Kuokoa, Volume XXXI, Number 37, 10 September 1892 — Halawai a na Wahine ma Kaumakapili [ARTICLE]

Halawai a na Wahine ma Kaumakapili

Ma ka halawai i malamaia e na wahine Hawaii, raa ka luakini o Kaumakapili, i ka hora 10 kakahiaka o ka la 4 o keia mahina, no ka hoike ana i ko lakou mau manao makee i ke kulana maikai o ka inoa o ke Aupuni, a e hoike ana i ko lakou manao kue ikaika 110 ka Blla Kanawai Piliwaiwni Loteri, ua hoo-, holoia keia oleio hooholo:

Oial, ua manao kekahi poe e kukulu i kauawai hou no ka laikinl ana i kekahi Hui Lulu Piliwaiwai maloko 0 keia Aupuni, no kekahi mau haawina kipe mai ua hui Lulu Piliwaiwai la i hoikeia aenei; nolaila e Hooholoia—O makou o na wahine Hawaii i akoakoa mai ma keia halawai, ke hoiko aku nei imua 0 ke akea i ko makou manao kue ikaika i keia kanawai hewa, a ke manaoio nei makou 0 keia oihana piliwaiwai he hana ino ioa ia ma ka hoemi ana i ka mana 0 ka pono a me ka hookauwa ana i ka lehulehu malalo o na hewa e hookaumaha nui ai i ka lahui. A ke manao paa nei makou ua hoeueu keia kanawai piliwaiwai ina manaoino a me na hana pono oie o na ano a pau 0 poino ai na ohana a pilikia na makua a me na keiki, a e hoopau ia ka nohona maluhia a me ka pomaikai o ka home. Hooholoia—-Ke noi aku nei makou i ka Ahaolelo a me ka Moiwahine, e kapae loa ia aku keia kupu ino e hoolaha mai ana i ka ilihune a me ka hakaka a me ka palaualelo e hokae ana i ka lapuwale i ka inoa maikai o ko makou aopani i alohaia. Hooholoia —Ke noi haahaa aku nei makou i na poe i hooholo i ko lakou manao no keia hana ino, e hoopau ae i ko iakou mau manao kuhihewa a e hoopau loa aku i keia hana hoohiiahila e poino mau ai ko kakou mau hoa lahui a pan.