Ka Nupepa Kuokoa, Volume XXXI, Number 36, 3 September 1892 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NU HOU HAWAII.

 

Ua kipaku ia ka Aha Kuhina e 31

kinai make, 10 hanai ahuhu a me 5

pelukua.

 

Ua huikala aku ka Ahakuka

Malu he ekolu mau paahao, a ua

hookuu ia ma ka la hanau iho nei o

ka Moiwahine.

 

Mai poina ko makou poe heluhelu

i ke kilohi ae i ko makou mau ko-

lamu olelo hoolaha e puka aku nei

ma kela pepa.

 

Aohe mau moho e lohelohe ia

aku nei no ka nono alii hakahaka o

Oahu nei e koho ia aku ana i ka la

28 aenei o keia malama.

 

A keia Poakolu iho e halulu mai

ai ka mokuahi Australia ma kela

awa mai Kapalakiko mai, me na

mea hou makamaka loa o no aina

mamao.

 

"I ka hoohanau ho ia ana o ke

kanaka, ua pau loa anei kona

hewa?"  O ke kumupaio keia ma

Kaleleonalani Hale i keia po Poalua

iho, Sepatemaba 6, hora 7:30.

 

I ke ahiahi o ka la 27 of Augate,

ma ka hale noho o Mr. C. L. Crabbe

ma Honolulu nei, ua hoohui ia ma

ka mare e Rev. A. Mackintosh o

George Allen me Miss Lidia Crabbe.

 

Ua hoouna aku ka Oihana Leta

no Kaleponi, maluna o ka mokuka-

ua Amerika Kapala kiko, i ke ahiahi

Poano o kela pule aku nei, he

1,724 mau hupepa a me 144 mau

leta.

 

I ke awakea Poakani iho nei, ua

haawi ia aku he anama ike alii ma-

loko o Halealii Iolani, no Kapena

Wiltse o ka mokuahi Amerika Bo-

@etona a me kona mau aliimoku, e

ike mai ai i ka Moiwahine.

 

He nui na hoololiloli kumukula a

ka Papa Hoonaauao i hooholo iho

nei mamua o ka hoomake ana o na

kula a puni ka paiaina, a me he

mea la e lohe ana na kumukula i

hooneo ia ma ka wa pono.

 

  Ua lohe mai makou, i ka la 29 aku

nei o ka malama i pau i piha ai ke

kanalima makahiki o Uilama Olo o

ka Halemai Pupule, a ua haawi ae

oia i ahaaina nui ma ia la no ka

hoomanao ana i kona iubile maka-

hiki.

 

Ua hookiekie ia mai nei o Mekia

J. H. Wodehouse i Kuhina noho no

Beretania ma ke alo alii o Hawaii, a

ma ke kakahiaka Poakolu iho nei,

ua pahola aku ka Moiwahine i ana-

in a nono e ike akua ai iaia ma kona

kulana hou.

 

E malama ia ana he koho balota

e hoopiha ai i ka makalua o ke Alii

Ahaolelo Neumann o Oahu nei i

hookiekie ia ai i Loio Kuhina i ka

Poakahi iho nei, a kapaku pu ia aku

i ka hora 10 o ka po Poalua mai, ke

hiki aku i ka Poakolu, Sepatemaba

23 aenei.

 

Ua hoopai ia e ka aha hoomalu i

i ka Poalua aku nei, he eha mau

pake, no ka hewa aeahaukae, ma ka

eono malama kakahi.  He mau pake

kiu opiama anei keia i iliki ia ae la

a kanono pono i ole ai lakou e hanu

aku e loaa ka opiuna e kuai laula ia mai nei.

 

I kekahi ia oka pule i hala, ua

haawi ae ka Alii Ahaolelo John Ena

he ahaaina hoomanao no kekahi o

kana mau kama lehulehu i hoolue

ai a nui, ma kona home ma Wai-

kiki.  Nui no kona mau hoaaloha i

haiamu pu aku ma kana papaaina.

O ke ola loihi no o ke kama ka ma-

kou e kahoahoa aenei.

 

Ua lohe mai makou, ua hele loa

aku kekahi mau pake kiu opiuma i

mus oka Aha Kiekie e hoohiki

palapala hopu ai no ka poe malama

opiuma, no ka hilinai ole i ka Ila-

muku, mamuli lohe e ka poe mala-

ma opiuma mamua o ka puka ana o

ka palapala hopu, loaa ole ka opiu-

ma ke huli ia aku, alaila hoopii ia

mai.  He oiaio anei keia?

 

E ia ae ma ka halekuai pake e

ku nei ma na huina  Alanui Hema

a me Moiwahine, kekahi pake e

hawelawe mai nei i ka hana piliwai-

wi sija.  Maka huahelu ka kana

mau hua e kiko ai, aole hoi ma na

huaolelo.  He keu no ka wiwo ole

o eia põe e hana mai nei i keia ano

piliwaiwai akea launa ole.  Ke uku

nei paha eia poe piliwaiwai i na

kaiko e pau ole nei i ka popuhopu

ia a hoopai oolea ia.

 

I ke kakahiaka Poaono o ka pule

i hala, ua hului mai ka mokuahi

Kinau, mai kona mau awa e hoo-

holo mau neima na mokupunima-

kani, ia 53 ohua kapena, 108 mau

ohua oneki a me na ukana mama.

Ma ka auina la Poalua iho nei, ua

pelukua hou aku oia no kona mau

awa kamaaina, me 6 mau ohua ma-

kaikai lua o Pele a me 18 mau ohua

kapena o na awa e ae, me no ohua

@neki lehulehu.  A keia Poakolu

iho e halulu mai ai oia no Honolulu

nei.

 

Mahope iho o ka hora 3.00 auina

la Poaono i hala, Augate 27, ua hiu

ae ka mokukaua Amerika "Kapa-

lakiko," Admirala George Brown,

i kona pohaku e hekau ana maloko

ke awa lai o Kou, aui ae la kona ihu

i ka makani a kololio aku la no ka

puka ana i waho o ka nuku o Ma-

mala.  Ua ukali aku o "Hiiaka"

me ka puali puhiohe Hawaii e kau-

kaulele ana i na mele kohaihai a

hala loa aku i waiho o ke awa, hoi

mai ana.  He anaina nui o ka poe

makaikai kai laina ae ma na uwapo

o Ainahou, e ike kumaka i ka haa-

lele ana iho o keia Adimarala i le-

hulehu na manawa i kipa mai ai a

hookamaaina ia Honolulu nei.  I ka

moku e hoopuka ana i waho, ua

kuu ae ola i kona oeoe kani ano e

ma ke ano aloha hope.

 

NUHOU KUWAHO.

Hoohoka ia na Beritania.

Simla, Aug. 13.  Ua kakau pala-

pala aku ka Amia o Afeganitana i

na luna aupuni a Enelani i hoouna

aku ai e halawai kukakuka pu me

ia penei: Ua oluolu loa oia i ka

wai ia ana o Generala Haku Fere-

derika Robata i elele no ka misiona

e hele mai ai e halawai me ia, aka

mamuli o ke ala ana mai o ke kaua

kuloko mawaena o na lahui Haza-

rasa, nolaila ua paa kona mau lima

a ua hiki ole iaia ke koho i kahi a

me ka manawa e halawai ai me ka

Elele o Beritania.  No ua mea e

pili ana i na Hazarasa, ua kakau

aku oia, e hoopololi aku ana oia ia

lakou i keia makalii.  O keia olelo

hooholo a ka Amia, ua manaoia he

hoopauha ana ia e hoohoka i ka mi-

siona.  O keia hoololi ana  o ka

Amia i kona manao, me he mea la,

no ka hoi hou ana aenei ia o Poha-

kuhauoli e noho poo ma ke

aupuni.

 

He Paahao Pomaikai.

 

Berelima, Aug. 10.  - Mamuli o

ke akamai hookelakela imi hana o

ke aliikoa puali kukaa Geremania

Thomas, i hoopai ia no ka hihia

kipi i ka 1884 he umikumakahi

ma ka hale paahao, i keia la, ua

hookuu ia aku oia mamuli o ka ho-

emi ia ana mai o ka hoopai.  Eia

ke kumu, oiai oia e noho paahao

ana, ua imi oia i kekahi hana e

hooholo mua ai i ka hana pukuni-

ahí ana.  Ua hoike ia mai ke

aupuni no keia hana akamai i loaa

i ka paahao, ua koho ia he Komite

o na aliikoa e hele e nana.  Mahope

o ko ke Komite makaikaiana i ka

hale paahao a me ka nana ana i keia

hana ike akamai, ua hoike aku

lakou he hana waiwai nui keia loaa

ana.  Nolaila, ua hookuu ia o

Thomas a e liho ana i kamaaina wai-

wai ma keia hana akamai i loaa i

kona noonoo.

 

Holopono ke Telepona Malalo o

ke Kai.

 

Parisa, Aug. 13. - Ua hoike ae ka

nupepa Figaro i kakahi mea hou

ano nui, ua pau ka pilikia o ke ka-

mailio ana ma ka telepona ma na

wahi mamao malalo o ke kai, a e

like auanei ke kamailio ana mawa-

ena o Parisa a me Nu Ioka e like la

me ke kamailio ana mawaena o Pa-

risa a me ka kulanakauhale o Va-seile. 

O ka loaa ana o keia mea

hou loa, mamuli no ia o ka imi pa-

uaho ole ana Mons.  Oillot, ka

Luna nui o na telegarapa ma Parisa

nei.  Ua maopopo loa i ka mea

nana i imi ka hololea o na mea a

pau, a aole on a kanalua e hoohana

ia ana kana telepona kamailio ano

hou loa mamua o ka pau ana o Sepa-

temaba e hiki mai ana.

 

Aole ae e Haalele ia Faraui

Parisa, Aug. 11 - Ua no aku ke

aupuni o Farani ia Edward Parker

Deacon, he haole America e hoopaa

ia nei ma Farani no ka hookolokolo

aku no a pepehi ana i ka haole

Farani Abeille no ka launa hewa me

kana wahine, e hookuu ia aku no

oia e ke aupuni e haalele ia Farani

aole e hoi hou aku.  Ua kakau aku

ua Deacon nei i na luna aupuni e

hoole ana ia kumu.  Ua ano huhu

loa na luna aupuni Farani i keia

hoole ana mai o ka paahao, oiai o

ka makemake o ke aupuni, o ka

hiki ole o ka hihia i mua o ka aha

a Deacon e hoopii oki nei i ka wa-

hine e moku, aole hoi ka huai pau

ia ae o na launa hewa ana o kana

wahine me Abeille.

 

Hele pakaha Mokupuni pu o Farani.

 

Ua hooholo mai nei ke aupuui o

Farani, e hoohui mai i na mokupu-

ni o Sana Paulo a me Amsterdam

Hou ma ka moana Iniana, oia na

mokupuni ma ka hapalua like ma-

waena o Aferica a me Ausetaralia.

O keia mau mokupuni, hemau

wahi kipuka liilii wale no iwaena

moana, aka o lakou a pau, he ia nae

wale no e pau mai nei i ke komo

iloko o ka upena o kekahi o na au-

puni mana o Europa.  Hokai ua

paihi keikikane, he aoa wale no ka

pa ilio liilii a pau iho.

 

Kana ma ka Paeaina o Caroline.

 

Kikane, Augate 8: - Ke hoike

mai ne na lono mai ka Paeaina mai

o Caroline, ua halawai mai me ke

auhee nui na puali koa Sepania ilo-

ko o na lima o na kamaaina.  Ua

hoao ia e hoopae ae i kekahi mau

puali koa Sepania mailuna mai o na

mokukaua Sepania eha ma Ponape,

aka aole nae i holopono, oiai ua ha-

lawai mai keia hoao ana me ka

make nui o na kanaka.  Ua oleloia,

ua ahewa nui loa ia na misionari no

ka hookomo ana i na manao hoo-

kuee iloko o no kamaaina.

 

E Malama Pono i na Kamalii.

 

Ina he mau kamalii kau, alaila e

hauoli loa ana oe ke lohe i no olelo a

 Mr. John Cook o Pilot, okana aina o

Vermiliona, mokuaina o Ilinoe.  Eia

kana:  "He elua makahiki i hala

aku, loaa iho la he elua o ko'u ohana,

he kanaka ui a he kaikamahine, i

ka ma'i koikoi mai o ke kino me

ke kupilikii maoli.  Aole i hiki i ke

kauka maanei ke hoopaa i kela a me

keia o na mea i loaa i ka ma'i, ma-

hope o hookah hebedoma o ka la-

paau ana. Ua hoopau aku au i ke

kauka, a hoomaka i ka hooinu ana

i ka Chamberlian Colie, Cholera a

me Diarrhoea Laau.  Ua hoomaka

koke mai ka maha a ua ala mai kuu

mau kamalii iloko o na la pokole mai

ka ma'i a'u i hopohopo ai o ko laua

mow make ia.  Helaau lapaau ola a

makai.  E kuai ia ma na helekuai

laau lapaau a pau, o BENSON, SMITH

& Co. , na Agena.         4t.

 

I ka la 23 o Augate, ma Iwilei,

Honolulu nei, ua hoohui ia ma ka

berita o ka mare e Rev. J. Waiamau,

o G. K. Olehulehua me Makaeha

Naauao.  E hoopiha ia e ka pomaikai

na la o keia mau puuwai i mawhe

kanawai mamua a hoihoi hou ia e

pili.

 

I KE HOU IA KAUAI

 

Ma ka hora 3:30 o ka wanaao

Poakolu, ia 17 o Augate, 1892, ua

ehi hou aku ia ko'u keehina wa-

way make one o Nawiliwili, moku-

puni o Kauai.  He mea e ka hauoli

o ko'u puuwai i ka hehi hou ana

ma na kapa o kuu aina hanau, kahi

hoi a'u i haale aku ai no maka-

hiki he iwakalua a oi i hala.  No

ka molehulehu loa, aole e hiki ke

hoomaopopo pono i ke kulana o ka

aina.  I ka pae ana aku ia ka aina,

e kali mai ana ko'u mau pokii ia'u

me na lio, a o ka huli hoi iho la no

ia no ka home o ko'u mau makua,

o Mr.  a me Mrs. Chas. Kahee o

Kilauea, he 23 1/2 mile mai Nawili-

wili mai.  Pula aku ia ka ua ke

alanui, aka, he mea ole ia ua, he ua

no ka aina kulaiwi i alhaia.  Oili

mai na kukana o ka la i Kapaa

makou, a hora 10 kakahiaka, hoea

i kauhale i kai Kahili.  Ua noho

au i Kauai he umi la wale no, aka,

iloko o ia mau wahi ia helo ua nui

na wahi i kaahele ia.

 

HUI HIMENI O WAIANAE

Ma ka auina la Poakolu a'u i hiki

ai i Kahili, ua ku ae ilaila maluna o

o ka mokumahu Kimo Maki ka

Hui Himeni o ka Makani Kaiaulu

o Waianae.  Ma ka lokomaikai o

Mr. Chas. Kahee, ua lele mai he 19

o lakou, oiai o Rev. J. Kakahuana a

me eha põe e ae, ua lele ae lakou

ma Kapaa, no ka hiki ole ke hoo-

manawanui i ke poluea moku. O

"Ka Ua Loku o Hanalei" ka pahu

hopu o keia poe "Manu Kahuli"

inu wai niu haohao o Poka-i.  O

Mr. Isaia a me 18 poe e ae i lele ae

ai ma Kahili, ua hookipaia lakou e

na haku hale.  Ua moe malaila ia

po a ao ae lawe hou ka moku ia

lake no ke "one pua rose o Maha-

moku."  Ma aka po a ua poe himeni

nei i moe ai ma Kahili, ua ulele

iho no lakou i ko lakou mau leo

kani i awili pu ia me na leo o na

pila.  Ua hoea loa aku keia mau

hana hoonanea a hiki i na hora o ke

aumoe, a na ka maka hiamoe i

 hooki i ke kani honehone o ko

lakou kileo.  ma ke awawa lai o

Kahili i lohe mua ai o Manokalanipo

i ke kani o na manu o ka ule niu o

Poka-i.  Ma ka Poaha ae, ua hoea

lakou i Hanalei, a ua noho i kahi o

Rev. J. Kanoho, ko laila kahu eka-

lesia.  Ua pulama mai na kamaaina

o ia kalana i kaulana i ke mele i na

malihini me ka lakou mau hookipa

maikai.  Ma ka po Poano ae,ua

wehe ka Hui Himeni o Waianae i

ka lakou Ahamele mua loa ma ka

luakini o Waioli.  Ua lehulehu na

keiki kupa o ia wahi i hele kino ae,

a ua piha ko lakou puuwai me ka

mahalo a me ka hauoli pu i ka la-

kou mau mele nani i hoolohe ai.

Ma ka po Poakahi he hooleleaka

(tableau) ka mea i hanaia.  Ua loaa

he $80 ia lakou ma Hanalei.  Ma

na po Poalua a me Poakolu, ua

wehe lakou i mau aha himeni ma

ka luakini o Kilauea.  he $30 ka

loaa no na po elua.  Ma ka po Poa-

ono mai, Augate 27, lakou e wehe

ahamele ai ma Anahola.  Ma kahi

o Mr. G.B. Meheula lakou i noho

ai, ke keiki papa o ia wahi.  Ma na

wahi a pau a ka Hui Himeni i hele

ai, ua hoike mai na kamaaina o

Kauai ia lakou he poe puuwai

hamama, he piha aloha hoakanaka,

a he iini nuui hoi e hooholo mua ia

ko ka Haku Aupuni ma keia ao.

He huakai imi pomaikai ka keia

põe humana a Kristo no ka hoo-

maemae hou ana i ka halepule o

Waianae.  Ua lana ka manao o ka

mea kakau, e hele lakou a puni o

Kauai ma ka hookipa aloha an i

na malihini.

       E huli hou ae au no ka'u huakai

i kuu aina.

 

HUAKAI I UKA O KA LOKO

 

Ma ka Poaono, Augate la 20, 7a

pii e makaikai ma ke kuahiwi e

kokoke aku ana i ka ulu nahele

kaulana o Kahilikolo, ka home a na

mokihana e hehipea ana.  I ka hoea

ana ilaila, awiwi aku la no ka mali-

hiai e ohi mokihana, aka, ua ohi

hewa i na hua akoako, no ka like

loa me ka mokihana, a na kamaaina

i hoomalamalama mai ka pouli o

kamahele no ia mea.  Ua nui na

lau nahele aala o keia waoi malia i

hoohihi wale ai no na manu, he

nani maoli no ka kualono.  Ahiahi

hiki hou i kauhale, ua hele na

kamahele a luluu i na lau nahele-

hele.

 

HUAKAI I HAENA

 

Ma ka Poakahi, Augate la 22, ua

haalele iho kekahi kaoo he kanakolu

ka nui ia Kalauea a me Hanalei no

haena, he aina i piha i na wahi

pana mai na kupuna mai.  He 12 o

na malihini o Waianae i ukali pu

mai ma keia huakai, a ua piha hau-

oli ka hele ana.  Kani ka hora 12

awkea, halulu ana kapuai o na lio

malalo o ka "Pali o ahi o Makana."

Ua kilohi aku na maka ia wahi puu

uuku wale n, malun iki ae no

paha o Leahi, aka o kona piko

winiwini e oni mau ana i ka lewa e

kuilima pu me na ao naule.  Ua

ike mua no au i keia puu kaulana i

kuu wa kamalii, aka, akahi no a

kilohi aku i kona kino a hoomao-

popo pono aku, a ua piha eehia no

ka manao.  He wahi puu iki wale

no o Makana, aka, ua hele kona

kaulana a puni na moku.  Ake aku

au e ike i ka lauae, oiai ua holo i

ka mele ka "poli lauae o Makana,"

aka, he hinahina, wale no ka'u i ike

aku e hihi mai ana i ka pali.  Ua

lawe kamaaina e hoikeike ia makou

i ka heiau kapu o Lohiau.  Aia no

keia heiau o n kupuna o ke au

pouliuli ke ku la ma ke kuinu o ka

pali o Ke e.  He puu pohaku wale

no ia e waiho la.  Ina aole au i olelo

ia mai he heiau ia, me nei ua koho

ko'u manao, he puu pohaku hoa-

imu kela, aole wahi ano e ae.  Ua

pii au iluna, akakau na lima i ke-

kahi wahi pohaku a komo i ka poli.

Eia me a'u i keia wa.  Ua lalama

aku na põe opiopio iluna o ka pali a

hoi mai me ka hele a luluu me na

pua hinahina.  I ka pau ana o ke

kilohi ana i keia pali kuhoho, ua

nee aku  ka makou huakai no ka

Wai-a-Kanaloa a me ka wai aa-moo

o Kapalae.  me he mea la he ha-

pea mile wale no ka mamao o keia

mau ana kamahao mai ka lae kaha-

kai mai, eia nae, ua oleloia o ko

laua hohonu aole e emi malalo o 50

a 60 paha kapuai.  Ma ko'u hoo-

maopopo he wai mapuna ke kumu

o keia mau lokowai hookalapupua.

He aneane 100 kapuai ke akea o ka

waha o ka Wai-a-Kanaloa, a he 30

paha kapuai ke kiekie o waenakonu.

Hele na lio a ku ma ke kae o ka

wai.  He ewalu ka nui o na opio i

lele e auau i keia wai kaulana.  he

huihui maikai ka wai.  Nana ae la

au ma na aoao a puni ke ana, hoo-

maopopo iho la au he pii a he emi

no ka wai o keia ana i kahi wai,

aka, o kahi e puka ai a e komo

mai ai paha o ka wai, aole ike ia.

Ua au aku makou ewalu a kahi e

hoomaha ai ma kae o ka pali.  Ilaila

hoonahoa aku makou eha e au iloko

loa me e mea la he 40 kapuai ho

aku.  he pouli paa keia wahi, aole

i pa iki ka melamalama o ka ia mai

kona wa i hookumuia ai.  He waa

oloko mamua a me ke kukui e hoo-

malamalamala ai.  Aka, ia makou

hoi, ua au malihinila ia poopoo a ka

pouli i noho alii ai.  Ia makou i au

maile ai, aole ike aku o kahi i kahi,

a ma ka pili pali ka au hoopapa ana

a hiki i ka palena iloko loa.  He

anoano eehia oloko o keia wahi

aka, mea ole ia pouli nui i ke kono

ae a loko.  Ua oleloia kehiki i ka

palena oloko, he luu hou iho a hoea

aku i ka aina maloo maloko, aka ua

awiwi loa ko'u mau hoa i ka au

iwaho o ka malmalama.  O kahi e

pukamai ai ka wai a me kahi e

emi aku ai, aole i ikeia.  O kekahi

mea kupaianaha loa ia o keia mau

wai.

 

I ka puka hou ana iwaho, ua pii

aku maluna iki aku e luu i ka wai

aa-moo o Kapalae.  O ka puka e

komo aku ai i keia ana kamahao,

ua like no ka nui me ke ana mua,

aka, he loihi kahi e iho ai a

loaa ka wai ilalo.  Me he mea la he

100 paha a oi kapuai a loaa aku ka

wai.  O ka mea kamehai o keia

wa, he mea lahilahi kohu paakai

keokeo e lana ana maluna o ka ili-

wai.  Ina e luu aku, alaila, mahae

ae keia kahiko nani o keia wai, a'u

ho i ohe olelo ai, akahi no a hui

he alo a he alo.  No ke ake nui e

ike maka i keia wai, ua lele aku la

makou iloko o ka wai.  O ka nui,

noho mai la no i uka a nana i ka

makou au ana.  He aiai keia wai, a

in a oe e luu iho i eha a elima kapuai

malalo o ka iliwai aole oe e nalo, ua

like kou aiai me ka hau huihui.

Ia'u i lele mai ai i kapa, ua ku ae la

au a kilohi pono i ke kulana o keia

lua hohonu.  Ua nune nui au no

keia hana kupaianaha a ke Akua.

O kona kumu aole e ike ia. O ke

kolu o na ana, aia maluna ike aku

oia o Maniniholo, ua maloo nai i

keia wa aohe wai.  He pa hoohuli

pipi ia i keia wa no na keiki o ia

wahi.

 

Mahope o ka pau ana oi ka makai-

kai ana a kamahele i na wahi pana

o Haena, ua hoi aku na milihini a

kahi o Kumaloe. (w), a na keia

makuahine i hookipa makai mai.

Ua ai na poe makaikai a lawa, a ua

koe no ka lokomaikai o kamaaina.

Eia i keia awawa ka Lae Hala o

Naue e oni ana i ke kai.  Ho mai

makou mauka o ia wahi , a o ke ala

 o na pua hinano ka makou i honi

aku i ka lawe maile ia mai e na

aheahe lau makani.  Hiki makou i

kauhale ua molehulehu.  Aka, o ka

pau ole o ka hoohie o ka puuwai no

na ana kaulana a Haena, e koni

mau ana no iloko.  Ua nalo ae ka

ikena a na maka ia lakou, aka, o ko

lakou mau Kino aka, eia no ke hoo-

pio mau nei i ka houpo o kamahele.

O ka mea a ka manao e hoohihi ai,

aole e nalohia ka hoomanao ana.

He wahi makaikai nui ia keria e na

malihini, a pela no hoe ma kela huli

o Kekaha.  Aia ma ia huli kekahi

mau mea kupanaha i laha ole i na

moku e ae a Kamehameha i na'i ai.

Kaulana o Maui ia Haleakala, o

Hawaii ia Kilauea, o Molokai ia

Moaula; aka, o Kauai, ua nui a

kinikini kona mea i kaulana ai.  He

nani okoa no hoe ke kuahiwi o

Waialeale ke nana aku, kona piko

e kahiko mau ia ana e ka ohu.

Oluolu ka maka ke kilohi aku, aole

hoi e eha e like me ka nana ana i

na kula panoa.

 

KE KULANA O KA AINA.

 

Ma na wahi a'u i hele ai mai

Haena a Koloa, he 50 a @oi mile, ua

hoomaopopo pono au i ke kulana o

ka aina a me ka nohona o na kama-

aina.  O kela awawa kaulana o

Hanalei, kahi a ka "ua loku" e

pehi mau ana i na la mamua, i keia

wa ua neoneo i kanaka.  O ke ku

wale mai no a kauhale aohe

kanaka.  Uuku ka mala ko, a

me na loi kalo, aku, ua nui na

loi laiki.  Maikai ka ulu ana o ke

ko ma na mahiko o Kilauea, Kea-

lia, Hanamaulu, Lihue a me Koloa. 

He oi aku ka o Makaweli, aka, no

ka uuku o ka manawa, ua hoi mai

me ka ike ole ia kulanakauhale

nui i keia wa.  Ua minamina nui

no nae no ka ike ole ana ia wahi i

kukuluia mai ne a nani e ka noo

noo o ke kanaka.  Ma keia poe

kula loa a'u i hele ai, ua hoomao-

popo iho au i ka uuku o na kanaka.

Ua pau na loi kalo i ke kanuia i ka

laiki, ahe ai kuai aku ka ka hapa-

nui o na kanaka.  He hoailona keia

no ka holomua ole o na kupa o ka

aina.  Aka, o ko lakou nohona, he

oluolu a lawa maikai, ua oi ae no

mamua o na keiki o ke kaona nei.

Nui na kula waiho wale aole mahi

ia.  Ua lilo ka hapanui o na kama-

hemahema ia ka hana i kuluma i

na kupuna, o ka mahi kalo.  Aole

keia he mea e hoolana mai ana i ka

manao o kamahele.

Aole wale no paha ma Kauai keia,

aka, o ke kulana like ia ma na moku

e ae.  Maikai na alanui a'u i hele

ai.  Ua maikai kupono no ka hele

ana o na kaa lio.  Nui na kahawai

a me na kula.  Ma na kahawai nu-

nui, e laa o Wailua, Kalihiwai,

Hanalei, Lumahai, a pela aku, ma

na kao e laweia ai na kaa a me na

lio.  Aole hoomakaukau o ka hele

huakai ana, oiai, he maikai na ala-

nui.

 

J.N.K. KEOLA

Honolulu, Aug. 31, 1892.

 

O kau palapala e Mr. B. K. Ma-

ewaewa a me kau e Mr. A. Puaaloa

ua hoopanee iki ia a keia pule ae.

Haiki loa makou.

 

Hoolaha Hou.

 

$500 Makana!

 

E HAAWI IA NO KA MAKANA MALUNA

ae i ka mea a loaa ai ke kuau paa kikalika

puhi i haule ma alanui Waikiki i ka Poalua

Augate 23.

2406-1t                           J.W. McGUIRE.

 

OLELO HOOLAHA.

 

MA KA HALAWAI MAU O KA AHAHUI

Lin Yee Chinese Cemetery, i ma

lama ia i ka la 25, ua koho pono ia na poe ma

lalo iho i mau luna o ka hui no ka makahikik

e hele aku nei:

       Peresidena                                          Chang See.

       Hope Peresidena                       Lang Chong.

       Kakauolelo                                    Ching On.

       Puuku                                            Chung Min.

       CHING ON, Kakauolelo.

Honolulu, Aug. 29. 1892          2406 1t

 

KAUKA LEONG KENG TONG

(L. AKINA.)

 

E IKE AUANE N ANO LAHU A PAU E

noho ana ma ke Aupuni Hawaii, mai na

kane, wahine a me na keiki: i loaa i ua ma'i o

kela a me keia auo, e naue mai i ko'u keena

hana, a na'u e hoopau aku i na ehaeha a ka ma'i

maluna o oukou e na makamaka, he hiki ia'u

ke lapaau i na ano ma'i a pau: ma'i iloko o ka

opu, hui ke kino, aki iloko o ka iwi, eha o ke

poo, ma'i wahine, a pela aku.  Mai hoolohe

aku e na hoa, a he kiki ia'u ke lapaau i ka ma'i

hookaawale ohana.  Hele mai hookahi, hele

mai elua, hele mai no a pau loa: he oluolu ka

ahau, ke hui me ia ma na kukai olelo ana: ua

makuakau au e pulama mai i na kono ana mai

mai na Mokupuni mai, me ka eleu me ka hiki-

waw loa, he makamaka a he hoaloha maikai

no oukou e na Hawaii oiaio.

DR. L. AKINA,

Helu 40, Huina o na Alanui Kamika a me

Hotele, Honolulu          2405-ly*

 

KUAI HOOPAU!

A.G. SILVA & CO.

MAWAENA O KA ALANUI HOTELE ME NUUANU

 

Mamuli o ka manao e nee aku ana iloko o ka

malama, nolaila e kuai aku ana makou i

ko makou ahua waiwai nui a pau

 

MALALO IHO O KE KUMUKUAI

oia hoi

NA KAMAA,

Na Kakini Kane a me Wahine,

NA KALAKOA, NA LIHILIHI,

Na Lipine, na Huluhulu, na Marina,

NA WAIHOOLUU I WAEIA:

NA LAKO PALEMAI, a pela aku.

 

2405-4t                    A.G. SILVA & CO.

 

HOOLAHA MORAKI.

E IKE AUANEI NA MEA A PAU KE NANA

mai i keia olelo hoolaha.  Owau o ka mea

nona ka inoa malalo iho, ka wahine mare a

Haalou (k) o Honolulu, Oahu, i make kauoha

ole, ke hai ia aku nei ka lohe i na mea a pau, o

kela a me keia moraki a kuu kane i moraki

mala ai i na waiwai paa o maua, aole loa he

mana oia moraki ana me kuu ae ole.

KAIPUONIO HAALOU.

Kalaupapa, Molokai, Aug. 12, 1892.        2404-4t

 

Hoolaha Hoopau Hui

KE HOOLAHALA AKU NEI KA LOHE, O

ka hui i ku iho nei mawaena o ELEAZER

LAZARUS a me SING KEE of Honolulu nei ma-

lalo e ka inoa o Honolulu Pork Company, ua

hoopau ia i keia  la mamuli o ka aelike ane.

ELEAZSER LAZARUS,

SING KEE.

Honolulu, Aug. 25, 1892.                2404-2t

 

OLELO HOOLAHA

E HOOMKA ANA KE KULA O KE KULA

Kumumua Kamehameha ma ka POA-

KAHI, Sepatemaba 5 aenei, a ua makemakeia

na haumana e hoi mai i ka wa e hoomaka ai. O

na haumana hou e makemake ana e komo mai,

e hoike mua mai i ke Kumuluna.

N. J. MALONE, Kumuluna.

Honolulu, Aug. 2, 1892.            2402-4t

 

Olelo Hoolaha

O KA MEA E LOAA AKU ANA E HELE

hewa ana malun o na aina o ka HUI HA-

NAI HOLOHOLONA o KAHUA me ka palapala

ae ole mai ia J Maguire aku. e hoopii ia no e

like me ka phi o ke kanawai o ka aina.

J. MAGUIRE.

Kahua, Hawaii, Augate 4, 1892.           2402-3t

 

Hoolaha Hooko o ka Moraki a

me ke Kuai

I KULIKE AI ME NA HOOKO ANA O KE-

kahi moraki i kakauia ma ka la 20 o Oka-

tobe, 1891, a i hanaia e LYDIA KAMAKAIEA a

SAMUEL KAMAKAIA kana kane o Hono-

lulu, mokupuni o Oahu, ia Alexander J. Cart-

wright o ia wahi hookahi no, i kopeia ma ke

Keena Kakau Kope buke 132 a ma na aoao 375 a

hiki i ka 378, ke hoolahaia aku nei ka lohe i na

mea a pau ke makemake nei ka mea nona ka

inoa malalo iho e hooko i na moraki la no ka

uhaki ia o ka aelike, oia ka hookaa ole ia o ka

ukupanee.

Ke hoolaha hou ia aku nei mahope o ka pau

ana o na hebedoma ekolu mai ka la aku o keia

hoolaha ana, e kuai ia aku no ma ke ku@ala

ka waiwai i paa maloko o ua moraki la ma ke

Kulanakauhale o Honolulu, mokupuni of Oahu,

ke hiki aku i ka POALUA, ia 13 of SEPATE-

MABA, 1892, ma ka hora 12 awakea o ia la ma

ka Hale Kudaia o Jas F Morgan.

No na mea i koe, e ninau ia CECIL BROWN,

Loio, a i ole ia

BRUCE CARTWRIGHT

A J CARTWRIGHT

Na Luna Hooko Kauoha a me na Kahu o ka

Waiwai A J Cartwright i make.

 

O ka waiwai i paa maloko o ua morake la, oia

kela apana aina e waiho la ma alaui Papu,

Honolulu, oia hoi ka Apana i iloko o ka Pala-

pala Sila Nui Helo 1741, Kuleana Hooua Aina

734 a me kahi a noho ia nei Mrs McGowan a

nona ke alo ma alanui Papa he 53 kapuai a me

ka hohono iloko he 138 kapuai.

2403-4t

 

Hoolaha Hooko o ka Moraki a

me ka Kuai

 

I KULIKE AI ME NA HOOKO ANA O KE-

kahi moraki i hanaia e NAKUAUNA a me

KEOUA kana wahine, o Waiahole, Koolaupoko

Oahu, ia J Alfred Magoon, i kakania ma ka la

15 o Iune, 1891, a kopeia ma ke Keena Kakau

Kope, Oahu, Buke 131 a ma na aoao 184, 185 me

186, a mai iaia aku i hoolilola ai ia Sylvester

Cullen ma ka la 30 o Iune, 1891, i kopeia ma ka

Buke 131, aoao 183, ke hoolahaia aku nei ka

lohe i na mea a pau, ke makemake nei ua Syl-

vester Cullen ia e hooko i ua morake la no ka

uhaki ia o ka aelike, oia ka hookaa ole ia o ke-

kahi hapa o ke kumupaa a me ka ukupanee i

ka wa e hookaa ai.

 

Ke hoolaha hou ia aku nei, mahope aku o ka

pau ana o na hebedoma eha mai keia la aku

oia hoi, ma ka POAKOLU, Sepatemaba 14, hora

12 awakea, ma ka Hale Kudala o L J Levey ma

Honolulu, e kuai ia aku ana kekahi hapa o ka

aina i paa ma ua moraki la ma ke kudala akea.

No na mea i koe e ninau ia

J ALFRED MAGOON

Loio no S Cullen.

Kakauia ma Honolulu, Augate 16, 1892.

O ka waiwai i paa maloko o ua moraki ia e

kuai ia aku ana oia kela mau apana aina e

waiho la ma Waiahole mamua ae, i kuhikuhiia

maloko oka Palapala Sila Hui Helu 1585, Kule-

ana Helu 76@@ ia Kaiwi Akahi, a maloko o ka

Palapala Sila Nui Helu 1583, Kuleana Helu 7650

ia Kaiwi Elua.                               2403-4t

 

MUTUAL 76 - NA TELEPONE - BELL 179

C. E. WILLIAMS,

KA POE HOOKOMO MAI, KUAI AKU A ME

HANA PAKA O NA HOONANI HALE

MAIKAI O NA ANO A PAU ME KA MAKEPONO.

ME NA

Piano i Hanaia

'Me ke kupena!

keia ea.

Aole Mu e komo.

 

E LOAA NO

Na He Kupapau

Na Pohaku Mabela, e

wae ai a ka

Makemake Lawe.

 

MAANEI E LOAA AI

NA LAKO KANU KUPAPAU, KAA

A me na Pono Ia-loa i ke kino o ka mea aloha.

HELU 103 ALANUI PAPU - HONOLULU

 

Ka Halekuai Laau Lapaau Hou

HUINA O NA ALANUI PAPU ME MOI

Ke hoolako mau ia nei me na laau lapaau oi loa o ka maikai ma Ho-

nolulu nei a ke kuai ia nei me ka emi loa.

 

Ka Laau Kunu maikai,

Ka Laau Hoomaemae Koko Saseparila,

Na Hua-ale maikai

Na Hua-ale ma'i fiva maikai,

Na Paakai pipii maikai,

Na Paakai hoonaha maikai,

Na Sopa a me na Waiala maikai,

Na Aila Niu hamo lauoho maikai.

E hoomanao i ka inoa a me kahi o

HOBRON a me NEWMAN,

Huina o na Alanui Papu me Moi.

2383-tf.

 

Hoolaha Hooko o ka Moraki a

me ke Kuai.

I KULIKE AI ME NA HOOKO ANA O KE-

kahi moraki i hauaia e KUAWELA ia

Jonathan Austin, Kahu Malama, maka la 27 o

Okatoba, 1886, i kopeia ma ke Keena Kakau

Kope, Buke 101, ma na aoao 294 me 295 a i hoo-

lilo i au ia J A Magoon e Jonathan Austin

ma ka la 14 o Dekemaba, 1887, ko hoolahaia aku

nei ka ohe, ke maremmane nei ka mea e paa nei

i ka moraki e hooko aku, no ke kumu ka uhaki

ia o ka aelike, oiea ka hookaa ole ia o ke kumu-

paa a me ka ukupanee i ka wa e hookaa ai.

 

Ke hoolaha hou ia aku nei, mahope aku o ka

hala ana o na hebedoma ekolu mai keia la aku,

ma ka POAKOLU la 21 o SEPATEMABA e kuai

kukala ia aku no ka waiwai i paa ma ua moraki

la ma ka Hale Kudala, o Jas F Morgan, Hono-

lulu, hora 22 awakea o ia la.

No na mea i koe e ninau ia

J A MAGOON.

 

Kakauia, Augate 6, 1892.

O ka aina i paa maloko o ua morake la, oia

kela apana aina e waiho la ma Waimea, Kona,

Kauai, i kuhikuhi ia ma ka Palapala Sila Nui

Helu 7746 a Kuleana Helu 3608 ia Kaniahe.

2404-4t

 

Hoolaha Hooko o ka Moraki a

me ke Kuai.

 

I KULIKE AI ME NA HOOKO ANA O KE

kahi moraki i hamaoa e MAULE a me kana

kane J W PII, ia Charles l Carter, Kahu, ma ka

la 2 o Sepatemaba @@ @@@, i hope ia ma ke

Keena Kakau Kope ma Oahu, Buke 126 a ma na

aoao 221-223, nolaila ke hoolaha ia aku ne ka

lohe i na mea a pau, ke makemake nei ka mea

e paa nei i ka moraki e hooko aku i ua moraki

la no ka uhai ia o ka aelike, oia ka hookaa ole

ia o ka ukupanee i ka wa e hookaa ai.

 

Ke hoolaha hou ia aku nei, mahope aku o ka

pau ana o na hebedoma ekolu mai ka la aku o

keia hoolaha ana, e holaha ia aku no ka aina i

paa maloko ua moraki la, no ke kuai kudala

aku ma ka Hale Kudala o Jas F Morgan, ma

alanui Moiwahine, Honolulu, i ka POAKOLU,

24 O Sepatemaba, A D 1892, ma ka hora 12 awa-

kea o ia la.

No na mea i koe, e ninau ia

CHAS L CARTER, Kahu,

Mea e paa nei i ka moraki

O ka waiwai i paa maloko o ka moraki, oia

kela pa aina ma alanui Kinau, ma kahi kokoke

makai pono o ke Kahua Kinipopo, oia ka Helu

293 ma ke ana a ke Auypuni no Kulaokahua,

Honolulu, oia ka hapalua o ka pa i kuhikuhila

ma ka Palapala Sila Nui (haawi, 3327, me ka ili

nona ka umikumalima tausani (15,000) ka-

puai kuea.

Honolulu, Augate 17, 1892.  2403-4t

 

Hoolaha a ka Lunahoopono-

pono Waiwai.

 

MAMULI O KA MANA I LOAA IA'U MA KE

Kauawai, nolaila, ke holaha aku nei au

i ka lohe i na kanaka a pau, in a he mau koi ka

lakou i ka waiwai o Barenaba Beniamina k, i

make, no Waiakea, Hilo, e waiho mai i ka bila i

hooiaio kupono ia.  A in a he mau waiwai ko ka

mea i make e paa ia nei e kekahi poe, e hoihoi

mai ia'u; a o ka poe i aie i ka mea i make e

hookaa koke mai iloko o na malama eono.

J KELUKAHI,

Lunahooponopono Waiwai o Barenaba Beniamina.

Kukuau, Hilo, Aug. 15, 1892.  2403-4t

 

Hoolaha Hooko o ka Moraki a

me ke Kuai.

 

I KULIKE AI ME NA HOOKO ANA O KE-

kahi moraki i hana ia e TIN WO ia S.C.

Allen, ma ka la 30 o Aparila, 1892, i kope ia

iloko o ke keena Kakau Kope ma Honolulu.

Buke 138 a ma na aoao 52 a me 53, ke hoolaha ia

aku nei ka lohe i na mea a pau, ke makemake

nei ka mea e paa nei i ka moraki e hooko, no

kau uhaki ia o ka aelike, oia ka hookaa ole ia o

elua mau manawa o ke kumupaa i ka wa e hoo-

kaa ai.

 

Ke hoolaha hou ia aku nei, mahope aku o ka

pau ana e ekolu hebedoma mai kia ia aku, a

i ka POAKOLU, la 21 o SEPATEMABA, 1892, e

kuaiia aku @o ka waiwai i paa ma ua moraki

la ma ke kudala akea ma ka Hale Kudala o J.F.

Morgan, Honolulu, hora 12 awakea.

No na mea i koe, e ninau ia J. Magoon, Loia

no

 

S.C. ALLEN

 

Kakau ia ma Honolulu, Augate 6, 1892.

O ka waiwai ia paa maloko o ua moraki ia, oia

ka hoolimalima o keia aina e waiho la ma

Alanui Moi kokoke i kahi hookio o ke Alahao o

Oahu,mai a Sam Wo mai a ia ua Tin Wo nei, i

hana ia i ka la 2 o Iulai, 1892, no ka manawa ho

umikumaha makahiki a me ewalu a  me

hapa malama mai ka la @ mai o Augate, 1891, ma

kauku hoolimalima e ekoulu haneri dala o ka

makahiki, i kope ia iloko o ke Keena Kakau

Kope, Buke 134 aoao 81-83.

2404-4t.

 

Hoolaha Hooko o ka Moraki a

me ke Kuai

KE HOOLAHA HOU IA AKU NEI KA LOHA I NA

mea a pau koi ike ai me mana kuai i

hookomo ia iloko o kakahi moraki i hana ia i

ka la 21 o Mei, A.D. 1887 e N. B. KALEHUA o

Waimea, Kauai, ia J. M. Monsarrat o Honolulu,

Oahu, i kope ia ma ke Keena Kakau Kope,

Buke 107 a ma na aoao 118, 119 a me 120, nolaila

ke makemake nei o J. M. Monsarrat, ka mea e

paa nei i ka moraki, e hookoaku i ua moraki

ia no ka uhaki ia o ka aelike, oia ka hookaa ole

ia o ke mumpaa a me ka ukupanee i ka wa ie

hookaa ai.

Ke hoolaha hou ia aku nei, o kela aina a pau,

na pono hoa aina a me pilikana iloko o ua

moraki la, e kuai kudala ia aku ana ma ka Hale

Kudala o James F. Morgan ma alanui Moi-

wahine, Honolulu,ma ka POAKAHI, la 12 o

SEPATEMAPA, A.D. 1892, hora 12 awakea oia la.

O ka waiwai i moraki ia, penei i kuhikuhi

ia ai:

1.  O kela apana aina a pau e waiho la ma

Hanalei, Halelea ma ka mokupuni o Kauai,

nona ka ili he 1 ruda, 13 peka-a o ia ka aina

i kuhikuhi ia iloko o ka Palapala Sila Nui Helo

3770, Kuleana Hona Aina Helo 10964-1 hoopuka

ia ia Waiehu ka makuakana o N.B. Kalehua.

2.  O kela mau apana aina elua e waiho i ma

Wainiha, Halelea ma ka mlkupuni o Kauai, he

mau lik kalo ekolu a me ke kahua hale nona ka

ili he 2 eha, 1 ruda, a ola ka aina i kuhikuhi ia

iloko o ka Palapala Sila Nui Helu 7840, Kuleana

Hoona Aina Helu 9271 i hoopukala no Kapuu-

maka, a i hooliloia mai e Namakakolohe ke ka

ikamahine a ua Kapuumaka a me Kaahanui

kane kane ia N B Kalehua ma ka palapala i

hanaia i ka la 1 o Iune, 1877, a i kopeia iloko o

ke Keena Kekau Kope Buke 51, aoao 35.

Kuike ke Dala, Na uku o na palapaia i ka

me i lilo ai.

No na mea i koe, e ninau ia J M MOnsarrat

J M MONSARRAT.

Mea a paa nei i ka moraki.

Kakauia ma Honolulu, Augate 1@, 1892.

2402-4t.

 

P PUHALAHUA.

LOIO    LOIO    LOIO

Ua ai ia mai au e lawelawi imu o na Aha

Hoomalu a me Apana a pau o keia Aupuni. He

Agena Hooiaio Palapala no ka Apana o Hana.

Mokupuni e Maui.

E loaa no au i ka Ua Peepapohaku o Kaupo, a

ma Haua i kekahi manawa.

2387-1y@

 

J HOPP & CO.,

Na Poe Hana ma na Lako

Hale o na ano a pau!

 

Hana Moe, Na Ulana Pulu, Etc.

Noho no ka Hoolimalima ana, ua

Lako Hale me ke kumuhuai emi.

Honolulu

2357 a

 

Hoolaha   Hookapu   Komohewa.

KE HOIKE AKU NEI KA LOHE I NA

On a a pau o na holoholoaa e hele hewa

la maluna o ko makou mau Aina ma HUME-

ULA a me ka hapa mauka Piihonua, Hilo,

Hawaii, e lawe koke aku ia lakou me ka hoo-

kaulua ole, a i ole ia e hoopii ia no e like me

ka piha o ke kanawai.

HUMUULA SHEEP STATION COMPANY

N@ ARMIN HANEBERG

Kalaieha, Apr. 8, 1892      2385-4t.

 

Hoolaha Hookapu Aina.

KE PAPA A HOOKAPU LOA IA AKU NEI

ka holo ana o na holoholona o ka poe e ae

maluna o na aina hauai holoholona o'u ma Pii-

honua a me ka hapa mauka o Humuula, Hilo,

Hawaii, a ke kauoha ia aku nei e hoonee aku i

na holoholona me ka hookaulua ole, ai ole, e

hoop ia no e like me ke kanawai.

J. T. BAKER

Hilo, Hawaii, Mar. 31, 1892   2@@4-tf.

 

E IKE IA KAKOU HAWAII

 

E O ʻ u mau hoaloha a me na makamaka-

Aloha nui oukou.

Ua hoi mai nei o KUKIMA mai Kina mai, a

nolaila e kuai aku ana oia me ka makepono loa

i na lole o ka Halekuai Hui o Kukima Ma e ku

nei ma alanui Nuuanu, ma ka Hale pohaku o

Pico.  E hoomaka ana ke kuai emi i keia

 

Poaono, Iulai 30.

A a hoomauia aku ana no

 

ELUA PULE WALE NO.

Ua hoemila na Lole e like me keia: He @@

iwilei kalakoa maikai no $1.00; kukaeualo, $1.00 no @@

iwilei.

 

Na Lole kaue Kasimea huluhulu paa maikai

loa o na ano like ole, e kuai pio ia aku ana me

ke emi loa.  Na Lipine o na waihooluu like ole

e kuai hoemi loa ia aku ana

 

No ke Dala Kuike

 

Na Paa Lole kane o keia a me keia ano, pa-

lule, palemai, kakini, papale opiopi ano hou

loa o na ano a pau.  Emi loa ma ke kala kuike.

Na huluhulu moe o na ano a pau.

 

Na Loie Alapia wahine, he oluolu loa ke

kumukuai.  No loie wahine nahenahe, he ma

kepono loa ke kuai pio.  Na palekoki, muu-

muu, kakini, pua papale, a he nui loa aku na

mea i koe aole e hiki ke helu papa aku.  Na

khi wahine liilii a nun, he makepono loa.

 

Na Lole o Kela a me Keia Ano, a

me Kela mea Keia mea he

Nui wale aku.

 

E hele nui mai e kuai, a e ike no oukou iho.

GOO KIM.

Honnolulu, Iulai 30, 1892.  2400-8t

 

Olelo Hoolaha.

KE PAPA LOA IA AKU NEI NA MEA A

pau, aole e lawaia, kipu, ho a pipi a lio, a

komohewa e ae paha maluna o na aina o ka

Mahiko o Kaneohe, e waiho la ma Kaneohe a

me Kailua, Koolaupoko, me ka loaa ole o ka ae

ia e ka Luna Nui.  O ka poe e loaa aku ana ua

kue i na mea maluna ae i papaia, e hoopii ia no

e like me ke kanawai. 

W H LOWELL.

Luna Nui o Kaneohe.

Aug. 2, 1892                        2401-4t

 

Hale Hana Kopa o

Honolulu.

 

Ua paa aenei ka Hale Hana Sopa Mahu

Hou o ka poe no lakou na inoa malalo iho

a ua makaukau lakou e hoola @@ aku i ka

põe piepieie i na

 

Kopa Maikai Loa Maoli

 

I hookomo ia iloko o na Pahu 100 paona

mai ko 42 a 56 auka Kopa pakahi.

 

Ke hooia nei makou i ka oi o la MAKAI o

ka makou KOPA mam@a@na Kopa

o waho mai.

 

Ua kuni ia mawaho o ko makou

mau Pahu me ka hoailona "HONOLULU

SOAP CO.," a e

 

Kuai ia e na Halekaui

Liilii a Pau

 

HUI HANA KOPA O HONOLULU

M.W. McChesney & Sons,

Na Egena.

2383-q