Ka Nupepa Kuokoa, Volume XXXI, Number 32, 6 August 1892 — Page 3
| This text was transcribed by: | Jasmine |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Nu Hou Hawaii.
Ua hoi mai @ alii ahaolelo Baldwin, Thurston, Young a me Cornwell ma ka Waila o ka la Sabati nei, mai Maui mai, kahi a lakou i holo aku ai.
He elua mau alii ahaolelo a me @ lunamakaainana i hala aku @ i Kauai. No laila i lawe ole ia @ ai ka olelo hooholo kipaku @ i keia pule.
O Makua Kulekana o ka hoomana Katolika Roma ma Hawaii nei, ua @mai nei na palapala hookohu no kona hookiekie ia ana i Bihopa, a e @ aku ana oia i Kaleponi e poni ia ai.
Ma ka la 17 aenei o keia malama e upu ia aku nei, e hekau mai ana ka mokuahi Gaelic mai Kina mai, mawaho o ka nuku o Mamala. A @ he mea la e niau koke aku ana @ no Kapalakiko ia la.
Ua haalele iho o Generala Samuela @ Li@naikaika ia Hampton, Vireginia, i ka la 15 Iune, ma ka huakai @, a ua holo aku a hiki i @bridge, Masekuseta, a e manao @ holo loa aku a i Veremoneta @hala ai i ka hapanui o ka manawa hoomaha.
I keia pule ae ke koho me ka helu @ hope loa no ke alualu i na makana elima a ka Halepai KUOKOA i haawi ai no ka poe oi o na balota a ka lehulehu i hookomo ai no ka mea oi o ke akamai i ke kinipopo oloko o na puali i ulele iho nei i keia kau.
O ka nui o na make o Honolulu nei i ka malama o Iulai i hala, he 23 Hawaii, 11 Oake, 6 Pukiki, 3 Iapana, 2 Amerika, 1 Beritania me I o na lahui e ae. Huina, he 47. He 12 make lapaau ole ia, a he 2 mau malihini.
O ka Poakolu iho nei o keia pule, Aukake 3, oia ka la i hoolaha ia ai e haalele aku ana ka mokuahi Australia ia Kapalakiko a holo mai a ku i keia Poakolu ae i Honolulu nei. E lawe mai ana oia ma keia huakai, aole wale o na mea hou o na aina mainao, aka o na poe makaikai pu kekahi.
I ka hora 2 auina la paha o ka Poakoiu nei, ua hanee mai la ka pali one eleele o Puowaina a ua paa pu ma ia ulia o John Silvierra he Pukiki hana a ua make loa. Ua eli ia aku ke one i haneo mai ai a loaa aku oia ua make mua. He ohana kona, he wahine a me clua mau keiki i waiho hune iho la mahope nei.
I ka Poakahi aku nei, oiai o Mr. J. II. Wood e kapilipili hou ana i kekahi mau wahi mea iluna o kaupoku o kona hale iluna a ilalo, aia hoi ua pakika mai la oia a haule ilalo o ka honua, hai elua iwi aoao a poino kekahi mau mea oloko o ke kino. He 76 kona mau makahiki i keia wa, a he mea pilikia loa keia no na elemakule.
Ua holo aku o Lunakanawai Bickerton, e malama i ke kau kiure kaapuni o Kauai ma ka Mikahala o ka Poalua iho nei, a ua holo pu aku o Hope Loio Kuhina Creighton e malama i na hihia hewa ma ka aoao o ke aupuni. Ua kau pu aku ma ia huakai, na loio Neumann, Smith, Rosa me Kaulakou, Kakau-pokole J. W. Jones o ka aha Kiekie. E pau mai ana no kekahi poe i ka hoi ma ka la Sabati aenei.
Ua mahalo ia na hana mele a me ke tabalo a ka Ahahui Mele Hawaii Noeau i haawi ai maloko o ka Hale Mele hou i ka po Poaono i hala no ka pomaikai o ka ekalesia o Kawaiahao. No ka makemake loa ia, a i mea e ike ai na mea a pau i ka noeau io o na Hawaii ponoi o ka laweana mai i kela mele paakiki Karuade, nolaila, e haawi hou ana lakou i keia po maloko o ka luakini o Kawaiahao, a no ka uku komo emi mai e pau ai na mea apau.
I ka wa a ka Hope Loio Kuhina Creighton a me kana wahine i kaawale aku ai mai ko laua hale noho aku ma Makiki i ka la Sabati aku nei i hala, aia hoi, ua komo ia ae la ko laua hale e ka aihue ma ka puka aniani mahope mai. Ua huli wale ke kolohe la loko o ka hale a pau, ua huki ia na pahu ume iwaho, ua lele ia na mea oloko a muu iho ilalo a puiwa paha haalele a holo, no ka mea elua wale no keena i naku ia. Eia nae, ua haalele iho oia me ka loaa ole he mea e waiwai ai oia.
O ka hookuku kinipopo i malama ia ai mawaena o honolulu a me Hawaii i ka auina la Poaono i hala, ma ke kahua o Makiki, ua ahai aw o Hawaii i ka lanakila, ma ka loaa ana o na puni he 11 ia lakou, a i ko lakou hoa paonioni hoi, he 6 wale no puni. Ua hoololiloli hou ia ke kulana paani o ko ka Honolulu mamuli o ke pani ia ana me kekahi poe hou ma kahi o ka poe i kaawale aku a i hiki ole ae i ka wa paani, aka oia mau no nae na nou popo elua.
Ua haawi ae ka Hon. A. Fernandez i abaaina hoomanao la hoihoi ea ma kona hale noho mauka o Kalihi i ka la @ iho nei o Augare, a ua kono aku oia i kona mau hoa'loha e luakaha pu me ia ma ia papaaina luluu i na mea ai. Mawaena o na maka hanohano i hiki ae, ke Alii John Ena, na Lunamakaainana J. H. Waipuilani, Kinney Mckinley Koahou, G.P. Kamauoha, J. Kaluna, L. W.P. Kanealii, J.A. Akina, a me J.W. Pipikane, ka Lunakanawai o Ewa, W.H. Cumming, S.M. Kaaukai a me kekahi poe e ae. Maikai na mea a pau i hoomakaukau ia, a ua ai iho lakou me ka hoomanao i ka hoihoi ia ana mai o ke ea o ka aina, a i ke 49 hoi o na makahiki a Hwaii e kupono ai e hoomanao.
KOHO BALOTA
UA KOKOKE LOA MAI KA HOPENA O NA MOHO HOOKELAKELA.
HOOKAHI HELU BALOTA ANA I KOE.
Lil@ ia S @ahuka ka Holuna Kiehie o na @alota no @o ka Lua o Pele.
KA HELE UMIKUMALIMA ANA.
NA BALOTA.
E pau ana lulai 23. Hoina
HONOLULU.
J.H. @ …………..0 14
George Lucas …….0 3
Chas Wilder………….0 38
E. Woderhouse………….0 17
C. Conradt……………….0 12
H.M. Whitney. @ ………0 23
Charles Wild@r …………0 11
W. Lucas………………. 0 95
J.O. Carter, Jr…………. 0 423
James Lemon………….. 0 19
HAWAII.
Simmons ……………… 0 2
M.K. Keohokalole …….. 0 5
J. Thompson …………… 2 13
Keikialii J.K. Kalanianaole.. 1 8
George Rosa……………… 1 3
Jno. Friedenberg………….. 0 1
Palmer Woods……………. 0 3
Stephen Mahaulu ………… 0 1
J. Perry ………………….. 0 1
D. Kamakauahoa………… 0 5
A. Lawelawe …………… 0 1
T. P@yce………………… 0 64
CRESCENTS
C. Willis………………… 0 30
George Angus …………… 118 1436
W. Wilder …………………. 0 35
P. Lishman………………… 140 1488
Lionel Hart ………………… 0 22
J. Soper ………………………. 0 91
C.J. Holt ……………………… 1 2
F. Woods ………………………. 0 1
J. Grube ………………………… 0 2
D. Cabter ………………………… 0 1
KAMEHAMEHA
S. Ma@uka ………………………. 432 1562
Robert Baker ………………………. 0 6
Philip Davis ……………………… 0 66
W. Ahia ………………………….. 0 2
C. Kaanoi ……………………….. 0 1
Robert Pahau …………………… 0 26
G. Cummings …………………… 0 14
W. Meheula ……………………… 0 21
J. Harbottle ……………………… 0 5
Huina……………… 693 5582
NA MAKANA E HAAWI IA ANA.
Makana Akahi. -- He palapala holo makaikai manawalea i ka Lua o Pele a hoi mai, ma ke ala aku o Hilo, maluna o ka mokuahi Kinau, me ka Lua o Pele, a me na lilo ole o ka noho ana i ka Hale Hookipa. E pau ka manu o ka palapala ae holo ke hiki i Dec. 31, 1892.
Makana Alua. -- He Iwakalua Kumamalima Dala Gula Amerika.
Makana Akolu. -- He hookahi makahiki lawe wale me ka uku ole i ka nupepa puka la P.C. Advertiser, a me $10 gula pakui.
Makana Eha, -- He hookahi makahiki lawe wale me ka uku ole i ka nupepa puka la P.C. Advertiser a me $5 gula pakui.
Makana Elima,-- Hookahi makahiki lawe wale me ka uku ole i ka nupepa puka la P.C. Advertiser.
Ua Hala ka Makua Rer. S. Waiwaiole.
Ma ka Paha Iulai 21, 1892, ma ka hora 11 kakahiaka o ia la, ua oluolu i ka mea Ma@a Loa ka lawe ana aku i ka hanu ola o ka Rev. s. Waiwaiole mai kona wahi noho ma Kalaupapa, Molokai, a waiho iho la i ke kino lepo na ka ohana a me na makamaka e paiauma aku ma keia ao. Ua waiho iho oia mahope nei, he wahine, elua kekikane me elua kaikamahine, a me na moopuna he lehulehu, ua makamaka a me na hoaloha. Ma ka hora 3 auwina la o ka Poalima, ua manele ia aku kona kino wailua no ka ilina ma Papaloa, i ukaliia e ka ohana, na makamaka a me na hoaloha, a waiho aku la i ka opu ana ole o ka honua, a "hoi aku la ka lepo i ka lepo a o ka uhane i kona mea nana i hana." Na na Rev. S. Waiwaiole ma Laie, Koolauloa, Oahu, na Kamano (k) me Keala (w) ma ka la 21 o Mei, 1832, a ua piha laia ke 60 makahiki me 2 malama o ke ola ana ma keia ao. He kaikaina kona e ola nei oia o W.B. Kapu e noho mai la i Tapiteuea, Paeaina o Kilipati. Iloko o Sepatemaba, 1849, ua kohoia o S. Waiwaiole i makai, a ua noho lawelawe oia ma ia oihana no eono mahina. Ma ka la 27 o Augate, 1850, mareia oia me Miss Haliaka Kaehu e Rev. J.S. Emekona a ua kokoke e piha ia laua na makahiki he 42 iloko o ka berita o ka mare; a na laua mai na keiki he 14 a me na moopuna he lehulehe. I Sepatemaba o ia makahiki no, ua noho hope luna auhau no G.B. Ukeke no elua makahiki. Iauuari, 1851, kohoia oia e P. Naue i kumukula no Laie, oiai o P. Naue e noho Luna Kula ana ia wa. Ua piha ka umi makahiki ma ia hana, a ua waiho i ka hana no ke onawaliwali. I ka 1862, komo oia i ke Kula Kah@napule a Rev. A. Bishop@ ma Nuuanu, a he eono malama pau i@ kula. I ka 1864, ua hoala o Rev. B. W. Pareka i kula Kahunapele ma Kaneohe, a ua komo hou oia ma ia kula. Feberuari 13, 1865, loaa iaia ka palapala baiolelo no Waimanalo; Okatoba 16 o ia makahiki no, poniia oia i kahu no ia ekalesia. I ka 1872, kohoia i Hope Peresidena no na kula Sabati o ka Pae Aina.
Mai ka hoomaka ana o ka luakini hou o Kaumakapili e kukulu i ka 1881 a hiki i kona paa ana, ua hooikaika oia ma na ano a pau e holomua ka hana. Ma ka ia 30 o Iune, 1882, ua hoounaia oia e ka Ahahui Euanelio o Oahu i ka mokupuni o Kauai i Komite noi dala no ka luakani o Kaumakapili. Novemaba 5, holo no Kohala, Hawaii, ma ia misiona hookahi ia makahiki no.
@oko o Iune, 1884, koho kou ia i Hope Peresidena no na Kula Sabati o ka Pae Aina, a he Kahukula Sabati Nui no ka Mokupunio o Oahu. Waiho i ka hana i Iune, 1889, mamuli o ke onawaliwali. Aperila, 1887, waiho i ka ekalesia ana i noho kahu ai no 22 makahiki, oia o Waimanalo.
@oko o Dekemaba, 1888, ua hoouna ia aku oia e ka Papa Hawaii i komite e hele e nana i ke kulana o na maʻi lepera ma ka Panalaau. I ka la 21 o Aperila, 1889, ua hoouna hou ia aku la oia e ka Papa Hawaii e hoi a noho kahu no na hipa ma ke Panalaau, a waiho i kana mau keiki me na moopuna mahope nei no ka pono o na uhane o na poe @oko o ka ehaeha a ka lepera. Malaila oia i noho lawelawe ai i ka hana a hiki i kona moe ana aku la no ke ala hou ana ma kela ao.
Ua noho malama oia ma ke ano he komite i na ekalesia o Kaneohe, Waikane, Hauula, Kahuku a me Ewa no kekahi mau makahiki.
Ka Make ana o Rev. J.D Parisa Makua.
J.U. Jawainui;
Alohe oe:--- Me ke kaumaha au e hai aku nei ia oe. Ma ka hora 9:30 o ka po o ka la 28 o Iulaiʻ 1892, ua kii mai la ka make, a lawe aku la i ka hanu hope loa o REv. Parisa makua, i ke 82 makahiki me 10 malama o kona ola ana, ma kona wahi noho ma Kaawaloa-uka, Kona Hema, Hawaii, a ma ka hora 4 o ka la 29 ae i manele ia aku ai kona kino lepo no kona home lua @oko o kona pa. Na Rev. W. M. Kalaiwaa me G. W. Waiau i malama kona pule kupapau hope loa, nui na makamaka a me na hoaʻloha i akoakoa ae e ike hope loa aku i ka makua. O ka mea kakau ka mea kamaaina loa i ka makua Parisa, a he oluolu loa oia i na poe a pau e kuka pu aku ana me ia, a he aloha io oia i na Hawaii oiaio, a oi loa aku hoi, he ano haipule maoli oia ma na ano a pau, a he kokua nui oia no na poe a pay i pilikia ma na ano no a pau. O na kanaka o Kona na hoike no ia mea, aku, ua kuu ka luhi, a e lilo kana mau hana maikai i kia hoomanao pau ole, a pela i ko ai ka olelo a ka Baibala. O ke kanaka i hanau ia, e ka wahine, no na la pokole ia, a ua puni i na popilikia. Me ka wahine, a me na keiki ko kakou @ pu ana. Aloha no!
Jos. K. NAHALE
Kahaluu, Kona Akau, Aug. 1 ʻ92.
NA LETA
( Aoie o makou makemake e lawe i ke koikoi o ua hala no na manoa i hoopuka ia malalo o keia @ e ko makou poe mea kakau.)
Huakai Kaapuni ia Kauai.
Ma ka hora 5 o ka auina la o ka la 5 o Iulai o keia makahiki, haalele iho la au i ka lai o ke kulanakauhale alii o Honolulu nei mala@na o ka mokuahi "Mikahala" no kaʻu huakai kaapuni i ka aina kaulana i ka hemolele wahi a ke mele, ke kihapai pua nani hoi o na pae moku iloko o ka poai o na moku o Hawaii nei. Ku ka moku i ka hora 3 o ka wanaao Poakolu i ke awa o Nawiliwili, a i ka pae ana aku i ke one maloo he mau helehelena malihini wale no kai halawai mai me koʻu mau lena ike, a hoi @ aku @a au me koʻu kokoolua iluna aku o Lihue ma ka home o Opunui, a malaila au i hoohala ai ia la a po, oluolu maikai na kamaaina o ka hale, kilohi ae la au ma na aoao a pau o Lihue, a ike pono aku la au ia Kalanipuu e au ana i ke kai, "Aloha kukui poahaaha o Huleia."
Ma kekahi la ae, ua hoomaka koke no kaʻu huakai ma ka aoao hikina a ike aku la i ka punahou o Mluaka e nawe malie ana i ka wai halau o Wailua, hehi aku la i ka loa a me ka laula o Kapaa, nona nei hooheno, "Aia la o ka laula o Kapaa kaʻu minamina, o ka nuʻa o ke kalukalu i ka puukolu," a ike ae la au i ka puu kaua a Kawelo i paha ai oia o Nounou, ilaila oe e noke ai i ka holo a luhi ko kino. Mailaila aku a i Kealia nani ka waiho ana o ka aina, hora 5 hiki maua i Anahola a hoaumoe malaila ma ka hale o ka luna alanui nui oia apana, W.H. William, oluolu a lokomaikai na kamaaina. Nana ae la au ia Kalalea, hoomanao ae la au i ke mele a ka poe kahiko, "Huki ae ia Kalalea ka palulu makani o Koolau."
Kakahiaka Poalima hele hou no imua a a hiki ma Koolau i ka hora 11. i laila ike au i na wahine he nui e hoomaamaa ana i ka lakou mau haawina kula Sabati no ka uniki aku ma Hanalei i ka Lapule, pau pu na keiki me na makua, lawe pu ka ai me ka i-a i ka hale pule, i laila lako@ e noho ai a ahiahi hoi i ka hale, nui ka mahalo o koʻu uhane no ko lakou hooikaika ii na hana pono, i nui ke aho ma na hana pono a hiki i ka hopena e na kini o Koolau.
Haalele ilaila a hele hou imua komo aku la i ka ulu kukui o Ka hoiwai, a @ ka aina awakea i Kilauea, hora 3 P.M. kau pono iluna o Pooku huli nana ia Hanalei i ka waiho lai mai mamua pono, ka waiho lapuu mai a ke one pua rose o Mahamoku, ke oni ae hoi a na hala o Naue i ke kai, aohe i kana mai ka ua mea o ka nani, malaila au i hoohala ai he mau minute loihi e kilohi ana i ka nani oia mau wahi e waiho lahalaha mai ana imua o koʻu mau ki@ onohi. He lohe olelo ia Hanalei, "Kapekupeku iluna ka ua o Hanalei, awala lua na hala o Haena i ka makani, " ike aku la au i ka hoohuelo mai o ka wai o na Molokama, aohe mae hoi oʻu lohe aku i ka uina mai. Kuhikuhi ia mai la au ia Hihimanu, eia ka nolaila ia hooheno aʻu i lohe ai i koʻu mau la heu ole, "Wehe iho la luna o Hihimanu." Eia mamua pono o kuu alo ke one o Mahamoku, me he ipukai laau la ka waiho kahe@a mai. Mahalo au a nui i ka mea nana i hana i kona hana ana mai a oi aku ka nani mamua o kekahi aina.
Haalele au i kaʻu kilohi ana hoomau hou au imua, hehi aku la i ka one o Mahamoku a me ka limu ka kanaka o Mauakepa, ike i ke one o Nohili, a me ka wai kaulana o Lumahai a moe maua ma Wainiha ma ka hale o Mr. Kaehu Kanehe ia po, a ao ae hele hou no Haena a ike pono iho la i na lehua o Luluupali a me na Hala kaulana o Naue i ke kai, e kuhi ana au he nui aku, e aho na hala o Akiala i ka Ualanihaahaa. Kapalae, ua au ia e aʻu a puni, aohe oʻu wahi mea a ike aku i ka moo. Malaila pau ka hiki i ka @ ke hele hou aku imua, ku iho @a malaila kilohi i ka pali o ahi o Makana a me ke ahi papala welo i Makua. Moe hou malaila ia po ma ka home o Mahi Puulei, oluolu loa keia makamaka oʻu e poina ole ai i kona lokomaikai.
Ma ke kakahiaka Sabati hoi hou i hope i ka Ualoku e makaikai ai i na hana o ka hoike Kula Sabati mai Anahola a hiki i Haena. Hoomaka na hana i ka hora 11 a.m. o ke awakea pau i ka hora 4:30 p.m. Ua koho ia ke Komite o ekolu lala na lakou e haawi i ke kula e lilo ai ka hanohano o ka la, a oia iho keia mau inoa, J. Kalama o Lihue, Rev. D.K. Meheula, o ke kai malino a Ehu a me aʻu no hoi ka mea kaapuni. Ma ka noonoo akahele ana o ke Komite ua kaa ke koikoi o na hana o ka la i ke kula o Anahola, e like no me ke mele, "Huki ae la Kalalea ka palulu makani o Koolau." Eia iho na kumu nui ekolu i lilo ai ka hanohano ia Anahola. [1] Ka hele pololei maluna o ka haawina o ka hapaha e hoomaka ana mai Aperila a pau i Iune. [2] Pokole o ka manawa 25 wale no minute. [3] Pokole na himeni.
Ma ke kakahiaka o ka la 16 oia mahina hookahi no, hoomaka hou aku la au i kaʻu huakai mai Lihue aku no ke ake e ike lihi aku i ka wai ula ili ahi o Waimea. Ma ke awakea oia la hookahi, kau pono aku la iluna o ke kiekiena e nana ana i ka waiho mai o Ko@oa ilalo, nani ka waiho ana o ka aina aohe mea e loi ai a ka maka ke ike aku.
Hora 2 p.m. haalele ia Koloa, a no kekahi mau minute liu wale ike aku ia au i na awawa uliuli o Kalaheo, Lawae a me Wahiawa, ke hele wale ia no i ka maemae i kaʻu ike. Hiki hou aku la au iluna pono o Eleele alawa iho la i ka waiho @ ae a ke awawa o Hanapepe, nani ke ku@ana o keia awawa, lele loa aku ia ka ike a koʻu mau maka mao aku o Hanapepe a ike aku ia au i ke kula o Makaweli he u@a wale no mai uka a ke kai, haupu koke ae ia au i keia wahi hooheno, "Ua kaAae loa i ka lep a ka makani." Oiai o Lehua e aneane aku ana e kaili akau i ka malamalama o ka ia; ike powehiwehi aku @a au ia Niihau e au ae ana iloko o na ale hanupanupa me kona mau paia e ku kilakila ana i ka lai, hoomanao ae ia au i ka puu kaulana o kuu aina kaulana i ka ua kea, nona neia hooheno aʻu e poina ole ai.
"Oni e lele Kauiki i ka malie, Papu me he umauma ia no ka manu Me he @ae ia no ka Noio aukai, I ke kunihi mai i ka malie." Kau aku ia au iluna o ke kiekiena e alawa iho ai i ka nani o ka wai ula ili ahi, aohe i kae mai o ka ilihia i ka uhi paa iho a ka @au o ka niu i ke awawa o Waimea, hoo@ale hou aku ia no i mua, a i ke kau pono ana iluna o ka uwapo, alawa ae ia au ma kuʻu aoao hema, aia hoi lahalaha mai ana ke one o Luhi, a kanaenae ae ia au i koʻu hoa, "Mea o@e ia luhi nui, i ke kono ae a loko."
Hiki ma ka hale kamaaina, he keiki kupa no ia no ka Uakea o kuʻu aina aloha, Rev. G. L. Kopa a malaila i hooha@a ai no kekahi mau ia, a i ka Poalua ae hoomau hou no imua a ike i ka wailiuia o Mana, ke one kani o Nohili a me ka pahapaha o Polihale. Ma ka wanaao Poalima liuliu hou no kaʻu huakai me koʻu mau kamaaina Rev. G.L. Kopa a me kekahi mau lede maka palupalu o ka waiula ili ahi no ka pii e ike pono i ke kauila holu o Puukapele a kiei a halo ana i na pali nihoniho o Ka@aiau.
Huli hoi hou no ka waiula ili ahi ia ahiahi, he nui ka oluolu a me ka lokomaikai o na kamaaina iaʻu, a he mea nui ka malihini ia lakou, a no oukou koʻu hoomanao i na wa a pau a me na makamaka e ae a puni o Kauai o Mano aʻu i kipa ai.
John U. Joseph
Hoolaha Hou.
Hoolaha Hooko o ka Moraki a me ke Kuai.
ʻI @
Ke @ hou ia @ nei ka lohe. e kuai ia aku ana ma ke @
O ka waiwai i @ oia no na aina. @ hoolimalima, na waiwai lew na holo@ a me hana hou o keia hui i ike ia @ Sheep and Stock Ranch ma Waimea, Hawaii i kuhikuhi pono ia malalo iho.
1. Ke ahupuaa o Ouli. @ @ @ he @ oia ka Palapala @ Nui Hela @. @ Hoona Aina @ ia Young Kanehea.
2. Ka aina ma @ @ @ @
3. Ka aina ma Lihue. Kohala. Hawaii. @ na eka he @ @ @ i ka mea @ mai ma ke kuai i hanale i Dekemaba @ @ a i kopeia ma ka @ @, aoao @.
4. Ka hoolimalima @ ka @ @ mai na Komisica Aina Lei Alii mai he @ man eka aina ma Waimea, Hawaii, no manawa he @ mau makahiki mai Iune 1, @ ma ka @ ka uku hoolimalima o ka @ buke 14, aoao @.
5. Ka hoolimalima o ka @ o Hokuula a i ole, Beedles Hill, Kohala, Hawaii. he 1000 mau eka oi aku a emi mai paha. no @ makakahiki mai Ianuari 1, @ mai ma ka $169 @ ka uku hoolimalima no ka makahiki.
6. Ka hoolimalima o na aina o Kapahu he 100 mau eka, no 13 mau makahiki mai Ianuari 18, @ mai, ma ke $80 ka uku hoolimalima o ka makahiki ia i hoolimalima hou ia aku ma ka @ o ka makahiki bbuke @ aoao 12.
7. Ka hoolimalima o Holuokawai, he 110 eka oi aku a emi mai paha, no @ makahiki mai Ianuari 10, @ mai, ma ke @ o ka @ hiki.
8. He 300 mau poo pipi oi aku a emi mai paha 7,500 mau poo hipa oi aku a emimai paha.
9. Na kahua hipa. na hale ako hulu, na hale laau, na mea paahana, na lako mea hana a @ na mea e ae kupono no ka hanaihipa. a me ha waiwai lewa me na mea a pau i pili i ka Puuloa Sheep and Stock Company.
G.W. MACFARLANE,
Na mea e paa nei i ka moraki.
Thurston me Frear. na Loio o na mea e pea nei i ka moraki.
Honolulu. Iulai 2@, @.
Olelo Hoolaha.
KE PAPA LOA IA AKU NEI NA MEA A pau, aole e lawaia, kipu, ho a pipi a lio, a ano ko@ohewa e ae paha, maluna o na aina @ ka Mahiko o Waimanalo, me ka loaa ole o ka ae mai ka Luna Nui aku. O ka mea e @ aku ana e hele hewa ana, e hoopii ia no e like me ke kanawai.
K.S GJERDR@@I,
Luna Nui o ka Mahiko o Waimanalu.
2101@@
Iulai 26, @.
Olelo Hoo@aha.
E IKE AUANEI NA MEA A PAU, OWAU O ka mea nona ka inoa malalo iho, ke papa a hookapu loa ia aku nei na kanaka a me na mea holoholona aole e hele hewa maluna o kuu kuleana aaina e waiho ia ma Pahoehoe @. Kona Akua, Hawaii, a o na poe e kue ana i keia, e hoopii ia no ma ke kanawai. Ua hookohu aku au ia D KAMAUU i Luna nana e malama a e hopu i na poe komohewa ma ua aina @a. me ka mana e hoopii imua o na Aha Hookolokolo.
HALULU
Honolulu, Augate 1, @. @
HOOLAHA HOOHUI.
UA HUI NA MEA NONA NA INOA MALALO iho nei. ma ka malama a lawelawe ana i Hale Hotele a me inu Kope ma ke taona o Hilo, Hawaii. ma keia la, malalo o ka inoa NAKAMULA @ TAKE.
MOTOSUKE NAKANURA
KOSUKE TAKF.
Hilo, @ 6, 1892. @
Hoolah@ a ka Lunahoonopono Waiwai.
O NA KOI A PAU I KA WAIWAI O @ @@ i make o Hana, Maui, Ko Hawaii Pae Aina, me ka hoohiki pu ia imua o kokahi Notari Lehuiehu, e hoo@na mai i ka mea nona ka inoa malalo iho, ka mea i hookohu pono ia i Lunahoopouopono no ua waiwai @a, ma ka la 26 o Ianuari, 1893, a mamua ne, a i ole ia, e hoole mau loa ia aku no. O ka poe i aie ka mea i make, e hookaa koke mai.
D. CENTER.
Luna hooponopono Waiwai o J.F. Mackenzie i make.
Hana, Maui. Iulai 22, @. 2100-@@
E IKE IA KAKOU HAWAII.
E O'u mau hoaloha a me na makamaka- Aloha nui oukou.
Ua hoi mai nei o KUKIMA mai Kina mai, a nolaila e kuai aku ana oia me ka makepono loa i na lole o ka Halekuai Hui o Kukima Ma. e ku nei ma alenui Nuuanu, ma ka Hale pohaku o Pi@o. E hoomaka ana ke kuai emi i keia
Poaono, Iulai 30.
A a hoomauia aku ana @
ELUA PULE WALE NO.
Ua hoemiia na Lole e like me keia: He 18 iwilei kalakoa maikai no $1.00; he 11 iwilei keokeo paina no $1.00; kukae@alo, $1.00 no 14 iwilei.
Na Lole kane Kasimea huluhulu paa maikai loa o na ano like ole, e kuai pio ia aku ana me ke emi loa. Na Lipine o na waihooluu like ole e kuai hoemi loa ia aku ana
No ke Dala Kuike
Na Paa Lole kane keia a me keia ana, palulu, palemai, kakini, papaple opiopi ano hou loa o na ano a pau. emi loa ma ke dala kuike. Na huluhulu moe o na ano a pau.
Na Lole Alapia wahine, he oluolu loa ke kumukuai. Na lole wahine nahenahe, he makepono loa ke kuai pio. Na palekoki, muumuu, kakini, pua papale. a he nui loa aku na mea i koe aole e hiki ke helu papa aku. Na kihei wahine liilii a nunui, he makepeno loa.
Na Lole o Kela a me Keia Ano, a me Kela mea Keia mea he Nui wale aku.
E hele nui mai e kuai, a e ike no oukou iho.
GOO KIM.
Honolulu, Iuiai 30, @. @
I KA POE MAKEE I KA
IKE A KO LAKOU MAKA
O Mn. A. @, ka mea hana makaanianai,
Mamuli o ka hooia a ka Mea Mahalo ia, ka Maquisa o Dufferin, ke Aliikui o I@ia i pau, a pela aku. a pela aku.
UA HIKI MAI OIA MAANEI
A (mamua o kona kukulu ana i Agena Kuloko) ua hiki no oia ke ninaninau ia no na me a pili i na Maka Anaiani ma ka
HALE AETO
No na @a hela wale no.
O ke ano ka IKE HOAHO (Palapala Sila $351, @ imi ia e ia) ke lawe p@ni ia nei, a o
Mr. Dance
Ke kono nei oia i @a poe Kauka Lap@a@ a me ka poe a pau i ake i ke
AKEAKAMAI MAKANIANI
E hele mai e ike i keia Hoao Nani, a me na Hana Hou hope @loa ma na
Aniani a me na Laau Apo,
E like me ke kuhikuhi a na Kanka Maka Aniani.
2400-21 .
Hoolaha Hou
Mutual 75 -- Na Telepone -- Bell 179
C.E.Williams,
Ka põe hookomo mai kuai aku a me
ana paka o na hoonani hale
maikai o na ano a pua me ka makepono
Me na @oaa no
Piano i Hanaia Na He Kupapau
Me ke @ Ne @ @ keia ea. @
Aole Mu e komo. Makemake Lawe.
-- Maanei E loaa ai--
Na Lako Kanu Kupapau, Kaa
A me na Pono @a-loa i ke kino o ka mea aloha.
Helu 103 Alanui Papu….. Honolulu
Ka Halekuai Laau Lapaau Hou
Huina o Na Alanui Papu me moi
Ke hoolako mau ia nei me na laau lapaau oi loa o ka maikai ma Honolulu nei a ke kuai ia nei me ka emi loa.
Ka Laau Kunu maikai, Ka Laau Hoomaemae Koko Saseparila. Na Hua-ale ma'i @va maikai, Na Paakai pipii maikai, Na paakai hoonaha maikai, Na Sopa a me na Waiala maikai, Na Aila Nia hamo lauoho maikai.
E hoomanao i ka inoa a me kahi o
Hobron a me Newman.
Huina o na Alanui Papu me Moi. @
Ua Hoonee ia
Ke keena Oihana o ka lunaheli a me Luna Auhau o oka Apana Ehia, @ Wailuku mai a i ka Hale @ ma Kahului.
C. H Dickey.
Lunahelu a me Luna Aauhau Apana @ Hamakuapoh@, Maui Iulai 9, 1992
@
Hoolaha.
E noho ana ka aha lunakanawai kaapuni o ka Apana Ekolu, ko Hawaii Pae Aina, ma ke keena penei:
Ma ka Hale Hookookolo o Honokaa. Hamakua, la 3 a me 4 o Augate, 1892, hora 9 kahahiaka.
Ma ka Hale Hookolokolo o Waimea, Kohala Hema ia @ o Augate, 1892, hora 10 kakahiaka.
Ma ka Hale Hookolokolo o Kapaau, Kohala Akau, @a 9, 10 me 11 o Augate, 1892, hora 10 ka kakahiaka. S.L Austin
Lunaka@anai Kaapuni
Hilo, Iulai 11, @ @
Hoolaha a ka Luna Hooko Kauoha.
Ma ka waiwai o Richard Meek o Honolulu, Oahu i make ke kauoha ia aku nei ka poe i aie i ka mea i make o hookaa koke mai lakou ma ao a keena ma A@@@olani Hale, Honolulu, a o ka poe he mau koi ka lakou a i aio aku ka mea make ia lakou, ko kauoha ia aku nei e waiho koke mai i ka lakou koi mamua ae o ka hala aoa o na malama eono mai keia la aku. Henry Smith
Lunahooko Palapala Kauoha o Richard Meek.
Honolulu, Iulai 23, 1892 2400-@
Hoolaha Hooko o ka Moraki a me ke Kuai.
I k@like ai me na hooko ana o kekahi moraki i hanaia e Joseph Nawahi a me Emma A. Nawahi, kana wahine, no Hilo, Hawaii, laua a elua ia James K Kekaula o Waiohinu, Kau, Hawaii, ma ka ia 12 o Novemaba, 1890, i kopeia iloko o ke Keena Kakau Kope o ke Aupuni, Buke 126, a ma na aoao 436--440, ke hooiaha ia aku nei ka lohe ke makemake nei ka mea e paa nei i ka moraki e hooko aku no ka uhaki ia o ka aelike, oia ka hookaa o@e ia o ke kumupaa a me ukupane@ i ka wa e hookaa ai.
Ka hooiaha hou ia aku nei ka lohe, o na waiwai a pau i paa ma ua moraki ia, e kuai ia aku no ma ke ku@ala akea ma ka Hale Kudaia o Jas F Morgan, ma Honolulu, Oahu, ke hiki aku i ka Puakahi, ia 8 o Augate, 1892, ma ka hora 12 awakea o ia la.
O ua mau waiwai ia i paa i ka moraki. peuei ke kuhikuhi ana:
1. O keia mau aina a pau i kuhikuhi ia, oia no na aina i paa mua i ka moraki ia e na mea aina ia John A scott ma ka ia 11 o Novemaba, 1890, a i kopela ma ka Buke 126, a ma ka aoao 444, oia keia (1) mau aina a pau i kuhikuhi ia ma ka Palapala Sila Nui Helu 1370 i haawila ia Nahala, e waiho ia ma Palima a me Panau, Kau Hawaii, nona ka ili ke 171.5 mau eka (2) he 30.25 mau eka i loko o ka apana 2 o ka Palapala Sila Nui 1374 i haawiia ia M Keawe (3) he 1.20 mau eka, oia ka apana 1 i loko o ka Palapala Sila Nui 6844, Kuleana Hoona Aina 7312 ia M. Keawe. O kela mau aina a pau maluna ao, ua lilo mai ia Emma A Nawahi ma ka palapala kuai a Hookoho a me kekahi poe e ae ma ka la 13 Sepatemaba, 1833, i kope ia iloko o ka Buke 83 aoao 91: (4) he 311 mau eka i ike ia o ka apana 2 o ka Palapala Sila Nui 4670 a Kuleana Hoona Aina 4738 ia Makaliilii, i lilo mai ia Emma A Nawahi ma ke kuai mai ia Ainaiki, (5) he 2 1-3 mau oka iloko o ka Palapala Sila Nio 960 ia Keala, i lilo mai ia Joseph Nawahi ma ke kuai mai ia Lupenui me Paahao na hooilina o Keola ma ka palapala hoolilo i kakauia ma ka ia 11 o Aperila, 1884, i hoopaa ia ma ka buke 90, aoao 403.
2. O kela mau aina a pau i kuhikuhi ia a i paa mua i ka moraki ia e na mea nana i moraki aku i ka Hilo Sugar Co. ma ka ia 11 o Novemaba 1890. i hoopaaia ma ka buke 126, aoao 440 a oia: (@) ke@a mau aina i lilo mai ia J Nawahi ma ke kuai mai ia B P@man mai a me kekahi poe e ae ma ka @a 6 o Iune, 1871, i paa ma ka buke 33, aoao 67, nona ka i@i he elua mau eka ; o keia apana aina, ua paa mua no i ka moraki ia, (2) he 1.53 mau eka i kuhikuhi ia i loko o ka Palapala Sila Nui 1238, Kuleana Hoona Aina 1107 ia Lahaina, a @ lilo mai ia J Nawahi ma ke kuai mai ia Keaka mai ma ka @a 24 o Okatoba, 1882, i hoopaaia ma ka buke 79, aoao 46, a ma ka palapala kuai a Joseph Keawe o ka la 10 o Novemaba 1883, i hoopaa ia ma ka buke 85. aoao 140 a ma ka palapala kuai a Kuike me Kapa, o ka la 14 o Novemaba, 1883, i kopeia ma ka buke 87, aoao 79.
3. O keia mau aina a pau i kuhikuhi ia a i paa mua i ka moraki ia i ka Hakalau Plantation Company ma ka @a 11 o Novemaba, 18@0, i kope ia ma ka buke 126, aoao 442, a oia (1) ke@a mau aina i kuhikuhi ia iloko a ka Palapala Sila Nui 2999 ia Niau, nona ka i@i he 100 mau eka ma Opea, Hilo, i lilo mai ia Emma A Nawahi ma ke kuai mai ia Niau mai a me kana wahine, ma ka @a 30 o Novemaba, 1882, a i kopela ma ka buke 79, aoao 45. (2) O ke@a mau aina a pau i kuhikuhi ia iloko o ka Palapala Sila Nui 7700, Kuleana Hoona Aina 3993 ia Hoomoo nona ka i@i he 24@@.@ mau anana ma Kukuau, Hilo, i lilo mai i ua Joseph Nawahi ia ma ke kuai mai ia Kahi ana a me kekahi poe e ae ma ka la 17 o Okatoba @, i kope ia ma ka buke 86, aoao 6.
4. Na apana aina elua e waiho ia ma Kaunaloa, Puna, Hawaii, (1) oia ka aina i kuhikuhi ia i loko o ka Palapala Sila Nui (haaw@@a) 2807 ia Hoonuu, nona ka ili he 300 mau eka; (2) oia ka aina i kuhikuhi ia iloko o ka Palapala Sila Nui (haawiia) 2165 ia anakaino, nona ka i@i he 9@ mau eka.
5. Na hoolimalima ekolu o na aina ma Kupahua a me Kalapana, Puna, Hawaii, (1) oia ka hoolimalima o ka aina i kuhikuhi ia iloko o ka Palapala Sila Nui (haawi@a) 1011 ia Lainaholo a me Keahi, nona na eka he 432 no 10 mau makahiki mai Iulai 1, 1888 mai; (2) ka hoolimalima o ka aina i kuhikuhi ia iloko o ka Palapala Sila Nui (haawila) 2372 ia @, nona ka i@i he 356 mau eka, no 10 makahiki mai Feberuari 24, 188@, a me ke kuleana o Malihini Kaluna a me kana kane i ua aina la no 13 mau makahiki mai Aperila 13, 1867 mai; (3) ka hoolimalima o ka aina i kuhikuhi ia iloko o ka Palapala Sila Nui (haawiia) 2723 ia Kanak@ole, nona ka ili he 70.@ mau eka, no 13 mau makahiki mai Aperila 19, 1@87 mai.
6. O na holoho@@@ a pau i on a ia e na Joseph Nawahi ia.
7. O na lako hale a pau iloko o na hale o ka mea moraki aku ma Homelani Home, Hilo, Hawaii.
8. O keia hoolimalima o Piopio mai ia Mrs B P Bishop mai a me C H. Bishop is J Nawahi, @ kakauia ma Dekemaba 10, 1883, i kop@ia ma ka buke 97; aoao 23, no 10 makahiki mai Okatoba 1, 1883 mai ma ka 1400 uku hoolomalima o ka makahiki.
James K. Keakula.
Mea e paa nei i ka moraki.
Thurston me @. na Loto no ka mea e paa nei i ka moraki. @
P puhalahua.
Loio Loio Loio
Ua ao ia mai au e lawe ia @ Hoo@aiu a me Apana a @@@ Mokupuni e Maui
E loaa no au i ka @ @ o Kaupo @ ma Hana i kekahi manawa @
J. Hopp & Co., Na Poe Hana ma @a Lako Hale o na ano a pau!
Hana Moe, Na Uluna P@lu, Etc. Noho no @ Hoolimalima @, @ Lako Hale m@ k@ @ @ Honolulu. @
Hoolaha Hookapu Komohewa.
Ke hoika ia aku nei ka lohe i na ona a pau o na holoholo@a e helehewa ia malama o ko makou mau @ ma @ Ula a me ka hapa mauka o Puhonua, Hilo Hawaii, e lawe koke aku ia lakou me ka hou @auiua ole, a i ole ia e @ ia @ e like @ ka piha o ke kanawai.
Humula sheep stations company
Na @ @
Kala@eha, Apr. 8, @ @
Hoolaha Hookapu Aina.
Ke papa a hookapu Loa ia aku nei ka holo ana o na holoholona ka @ @ @ maluna o na aina hanai holoholona o u ma i@ honua a me ka hapa mauka o H@, Hilo, Hawaii, a ke kauoha ia aku nei e @ aku i na holoholona me ka hookau@ @@
hoop ia no e like me ke ka@
J. T. Baker
Hilo, Hawaii, Mar. 31, 1892 @
Hoolaha Hooko o ka Moraki a me ke Kuai.
I Kulike ai me na hooko ana o KF kahi moraki i hanala ma ka la @ o Mei. A D. 1891, e SM KAAUKAI a me kana wahine Jane @ kaaukai o Honolulu Oahu, @ Mrs. Annie S Parke o Honolulu @ @ i k@pela ma ka Huke 132, a ma na @ 219, @ a me 212. Nolaila, ke hooolaha ia aku nei ka lohe, k@ makemake nei ua Annie S Parke la. @ mea e paa nei i ka moraki, e hooko aku no ka uhaki la o ka aelike ola ka hookaa ole ia o ka @ i ka wa e hookaa ai.
Ke hoolaha hou ia aku nei o ua aina a me na waiwai a pau i paa maloko o ua moraki la, e kuai ia aku no ma ke kulala akoa, ma ka Hale Kudala o James F Morgan, ke hiki aku i ka PUAONO, la 13 o AUGATE, A D 1892 ma ka hora 12 awakea.
Eia ka waiwai i paa maloko o ua moraki ia. O kela mau apana nina me na hale maluna iho e waiho ia ma Kamakea, Honolulu oia no na aina i kuhikuhi ia ma ka Palapala Sila Nui Helu @ a Kuleana Hoona Aina @ a me Palapala Sila Nui Helu 4@ Kuleana Hoona Aina 2833 nona ka ili he @ kapuai kuea oi aku a emi mai paha, a i kuhikuhi pololei ia ma ka palapala hoolilo a DJ @ i ua mau mea @a nana i moraki aku ma ka @a 2@ o Mei 1891, a i kopeia ma ka Buke 130 a ma na aoao 331 me 332
Annie S Parke, ma o kona hope ia
W C Parke
Honolulu, @ulai 18, 1892. @
Hoolaha a ka Lunahooko Kauoha,
Oiai, ua hookohu pono ia mai ka mea nona ka inoa malalo iho, i Lunahooko Kauoha no ka palapala kauoha a @EO @ Richardson, o Wailuku Maui i mako no laila ke hoolaha ia aku nei ka poe a pau @ mau koina ka lakou- i ka waiwai o George F. Richardson, e waiho koke mai i ka mea nona ka inoa malalo iho @ loko o eono malama mai ka @a aku o keia hoolaha ana a i ole ia e @ mau loa ia aku no.
W. O. Smith
Lunahooko Kauoha.
Honolulu Iulai 5, 18@ @
Hale Hana Kopa o Honolulu.
Ua paa @ ka Hale Hana @Mahu Hou o ka poo no lakou @ inoa malalo iho @ na makaukau lakou e hoolawa aku i ka poe piepiele i na Kopa Maikai Loa Maoli
I hookomo ia iloko o na Pahu 100 paona mai ke 42 a @6 @ Kopa pakahi.
Ke hooia nei makou i ka oi la Maikai o ka makou Kopa mamua o na Kopa o waho mai.
Ua kuni ia mawaho o ko mako@ mau Paha me ka hoailona "Honolulu Soap Co.," a e
Kuai ia e na Halekaui Liilii a Pau.
Hui Hana Kopa o Honolulu
M.W. McChesney & Sons,
Na E@gena,
2383-q