Ka Nupepa Kuokoa, Volume XXXI, Number 29, 16 July 1892 — Page 1
| This text was transcribed by: | Kate Motoyama |
| This work is dedicated to: | sister andra young |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXXI. HELU 29. HONOLULU, POAONO, IULAI 16,1892. NA HELU A PAU, 2398
Hoolaha Loio.
ANTONE ROSA,
@AKONI@
@@ @@ @@ Kokua ma ke Kanawai,
LUNA HOOIAIO PALAPALA.
@@@ Hana ma Alanui Kaahumanu.
2331-tf
--
ELLIE M. LOWREY,
@OTARI no ka LEHULEHU
--A HE--
LUNA HOOLAIO PALAPALA A ME NA
PALAPALA HOOHIKI
Keena Hana me W. R. Kakela,
@o, ma ka aoao makai o ka Hale
@@ Honolulu. 2331
--
CECIL BROWN,
@io a he Kokua ma ke Kanawai
HE AGENA HOOIAIO PALAPALA NO
KA MOKUPUNI O OAHU.
@@ena Hana Ma Alanui Kalepa
2331
--
G. HITCHCOCK,
(AIKUE HIKIKOKI.)
@@ a Kokua ma na mea a pau
@ pili ana ma ke Kanawai.
@H@A NO NA BILA AIE MA KA AWIWI
Hilo, Hawaii. 2331.
--
@@ SMITHIES (KAMILA,)
@OTALI no ka LEHULEHU
--A HE--
Agena Haawi Palapala Mare
@@hukona, Kohala, Hawaii. 2378-1y
--
W. R. KAKELA,
@o a he Kokua ma ke Kanawai.
HE LUNA HOOIAIO PALAPALA.
2331
--
WILLIAM C. ACHI,
@o a he Kokua ma ke Kanawai @anua o na Aha a pau o keia Aupuni.
@ Notari no ka Lehulehu a Boroka no na Waiwai Paa.
Keena Oihana, Helu 36, Alanui @@lepa, Honolulu, Oahu. 2331
--
JAMES M. MONSARRAT,
(MAUNAKEA.
@@@ he Kokua ma ke Kanwai-
HE LUNA HOOIAIO PALAPALA.
@@ ana ia no na Palapala Kuai, Palapala @@olimalima, a me na Palapala Pili Kana@@ e no ma ka olelo Hawaii. Dala no ka @@ie ma ka moraki ma na Waiwai Paa. @@eena Hana: Hale Pohaku hou ma ka @@@ o ma Waikiki o ka Halewai, alanui Ka@@@@. 2331
--
WILDER & CO., (WAILA MA.)
@a Kuai Papa a me na Lako ku@@ulu hala o na ano a pau, a me @@ a mea @ ae a pau e pono ai o @@a hale.
Kihi o Alanui Moiwahine me Papu.
238@@
@O BIHOPA MA,
BANAKO MALAMA DALA
LAWE NO MAKOU I NA DALA HOOMOE
@@ ma ka hoaie ana ma ko makou HANAKO @@@ Dala malalo o keia mau kumu:
@@@hoomoe mai ke kanaka hookahi i na @@@@ Haneri, e uku no makou i ka uu@@@ ma ka Elima Hanahaneri o ka makahiki, @@ wa aku o ka lawe ia ana mai o ke dala, a @@ ia ke dala hoomoe i ekolu mahina, a @@@hoia paha ke dala a hala na malama @@ ka wa e hooponopono ia ai na helu. @@@ panee e helu ia maluna o na dala ha@@@@ ma la elua paha o ka mahina.
@@@@ k@ panee e uku ia i na dala e lawe ia @@@ko o ekolu mahina mai ka wa aku o ka @@@ @@ ana mai.
@@@ mamua ae o ka unuhi ana aku o ke@@@ kanaka i kana mau dala, e hoike e mai i @@@ko, a e luwe pu ia mai ka buke dala i @@ e kikoo ai.
@@ @ala o uku ia, aia wale no ma ke kikoo @ mea nana i hoomoe mai i ke dala me ka @@@ mai i ka buke hoahu dala.
@@@@ mua o Sepatemaba o kela a me keia @@@ e hooponopono ia ai na helu o na @ pa@ a o na uku panee i uku ole ia ma@@@@ puu dala a pau e waiho ana me ke @@@ @ia, e helu ia ma ka aoao o ka mea @@@ dala haomoe mai maluna o elima @@@@ dala e lawe ia no mamuli o elima @@ dala, e lawe ia no mamuli o ka aelike ana.
@@ hamama ana ka Banako ma na la a pau o @@@ @@@ kee na la Sabati a me na la @a@a.
BIHOPA MA.
@@@ @@@@@ 2383-@
--
@ T. WATERHOUSE,
(WALAKAUKI.)
Halekuai o na Lole Nani Panio!
LAKOHAO.
Na Lako Hana Mahiko,
A PELA AKU HE NUI WALE.
Alanui Moiwahine, - - Honolulu.
2383-q
--
ALEEN & ROBINSON,
NA MEA KUAI PAPA O NA ANO A PAU
E loaa no ma ka UWAPO O PALAKA, HOnolulu, make kumukuai makepono loa, no ka pomaikai o ka lehulehu e makemake ana e ku @ulu hala. E kipa mai a e ike kumaka.
2983-q
ALEKANEDERO
--
KE AHIKANANA
O HELENE.
--
Ke Kao Huluhulu i Wa-
nanaia e Daniela.
--
HE MOOLELO HOONIUA PUUWAI O KE
KOA A ME KA WIWO OLE O KELA
AU KAHIKO O HELENE.
--
Ua hoaumoe iho la o Alekanedero me kona mau koa malaila ia po, a ma ke kakahiaka o kekahi la ae ua maki hou aku la lakou o Susa ka pahu hopu kahi hoahu o na waiwai a ke alii Dariu, i haaawi pio e ia iho iloko o na lima o Pilokemusa ma o ke alii kiaaina ka mea nana i malama a Dariu hoi i hilinai nui ai.
Oiai ola ma Susa, ua loaa mai la iaia ka lono no ka hoomakaukau kaua o Pesepoli, ana i hauli wale ai no, a o ia lono i loaa mai la iaia, mai Helene loa mai no. Aole oia i hookaulua hou iho no kekahi manawa, aka, me ka puuwai wiwo ole, ua hooneo koko aku ia oia i kona pualikoa no Pesepoli. Iaia i hoohahani aku ai iloko o Peresia, ua halawai mai la me lakou kekahi heluna nui o na kanaka Helene i lilo pio e hookauwa kuapaa ia ana, nolaila ua piha loa iho la o Alekanedero me ka inaina nui no keia hana hoohaahaa i kona lahuikanaka, a kauoha ae la oia e luku aku i ka poe Ukiana. Ua hooko ia kona leo kauoha iloko o ka manawa pokole, a lukuia aku ia ka lahuikanaka Ukiana me ka weliweli nui. He mau tausani e waiho mokaki ana i ka ili honua i nele i ka hanu ola. O kahi hoahu waiwai ua hao wale ia e na poe lanakila. Ua hookonokono mai la hoi kekahi wahine o Atenai ia Alekanedero e kuni i kona hao kuni ma ka halealii kamahao o na Moi o Persia.
Lohe aku la o Dariu eia o Alekanedero ke hele pololei aku la no ke kulanakauhale o Ekabatana, ua holo awiwi aku la oia no ke kulanakauhale o Herekania. Iaia i hiki aku ai ilaila, ua hoopaa pio ia iho la oia a kupee ia me na kaulahao e ke kiaaina Besusa. I ka lohe ana o Alekanedero i ka poino i ili iho maluna o ka moi Dariu, ua hu mai la kona aloha no ia hoa moi on a, a pii mai ia hoi kona inaina no Besusa a aleale i ke pili ma o kana mau hana hoohaahaa ia Dariu.
Hele kue aku la o Alekanedero ia Besusa me ka manao e hoopakele ae ia Dariu, aka ua hala ka wa kupono, no ka mea ua apahu e iho la o Besusa i ke ola o Dariu me ka pahi hou puuwai, a waiho ia iho la kona kino make ma kapa alanui. A i ka wa i hiki aku ai o ua kao huluhulu la me kona mau kona ma kahi o Dariu e waiho ana, ua kauoha ae la oia i kona uaki e huna ma kahi kupono i ke kino o Dariu.
Ua hopu o Besusa e na koa a kauo huluhulu ia aku la me ka pepehi hoomainoino ia ana.
Iloko ia o Besusa e na koa a kauo huluhulu ia aku la me ka pepehi hoomainoino ia ana.
Iloko o na makahiki eha mahope mai, ua hahai loloa aku o Alekanedero ia Sepitamene a me kekahi poe kiaaina e iho, e kokua ia an ae na koa ahiu e paio ana no ke kuokoa. Ua hooikaika lakou me ka manao e loaa ana he lanakila, aole nae. Ua hoemu ia aku lakou e na koa o Alekanedero me he holoholona ahiu la, a lilo pio mai la na aina o Bakateria a me Sogadiana, a me na aina i hoohuila o Tatari Hema, Korasana me Kabula.
Ia manawa no, ua kipi iho la o Lacedaemonia, a kipaku ia o Ateniana iloko o Esehine, ka hoaloha o Masedona; i kona wa i kipaku ia ai ma ke ano haiolelo o Demosehene pu kekahi me ia, ka haiolelo kaulana o ia au. O ka lanakila ana o kela mau hana a Lacedaemonia, mamuli no ia o na kokua ana a Anatipatera, a ua hoouna ia aku kekahi mau luna aupuni iloko o Asia e hoike aku i ke koa lanakila no keia mea. Ua kala mai o Alekanedero ia lakou, a hoike mai la oia i kona makee no kela mau kanaka no ke kipaku ia ana me ke kumu kupono oie loa.
[Aole i pau.]
He Moolelo
--NA KA--
Ui Nohea Berela.
--
Ke Kamehai hoopono--Ke kupaa
me ka luli ole--He wahine na ke
kane hookahi--Ke au poilikia
a me ka huli ana o ka pomai-
kai mahope o ka wahine.
--
MOKUNA XXII.
BERELA MA KAHI O MAKALEKA.
Ua maopopo ia Bereia aia he mala pua ma ke alo ponoi o ka hale, aka, aole he hiki iaia ke ike aku mamuli o ke alai ia ana e kekahi pa uinihapa kiekie. Ua hana ia he ipuka pa ma keia pa uinihapa i pena ia me ka pena omaomao a i hana ia me kekahi bele kahea. Ma kekahi popu ku o ka ipuka pa e kau ana na huaolelo "Brabaron Villa" i kahakaha ia me na huapalapala wai gula.
"O ka hale keia a'u i noho aiawahine ai no hookahi makahiki me Gray wahine," wahi a Makaleka wahine ia laua i lele ai mailuna iho o ke kaa a u haele malie aku la a hala ka hale. "O kela keena au e ike la iluna ma ka aoao akau o ke keena hookipa ia. O kela keena ma ka aoao hema a i hookaawale ia hoi mai ke keena mua ma o kekahi holo, o ke keena hooluolu ia o Gray wahine. E pili pu ana me keia keena kona keena komo lole, a ma ka aoao mahope o na keena o laua, e nana ana i ka mala pua, kona keena moe. He mea maa mau iaia ke ku ana ma na ipukaaniani o ke keena hookipa no ke kiai ana no ka huli hoi mai o ke Konela. A, e Berela, ua nui kona aloha no kana kane, a i kona wa e ike aku ai iaia e hoi mai ana, e holo awiwi mai no oia mailuna mai a holo aku e wehe i ka puka pa, alaila, e noke no laua i ka puili a me ka honi ana me he la ua kaawale laua no kekahi manawa loihi akahi no a hui hou."
La Makaleka wahine e hoakaka nei i na kulana like ole o na keena luna o ka hale, aia o Berela ke haka pono la na maka maluna o na keena luna o ka hale maloko o na paia o keia hale, wahi ana e noonoo ana, i hoohala ai kona makuahine i na la hope o kona ola ana. Ua aneane e hiki ia Berela ke hoomaopopo iho, ua ike aku oia i ke uka o kona makuahine e maaloalo ana ma na ipukaaniani, ke aka hoi o kona makuahine i piha me ke aloha kupouli no kana kane a i kanu ia iloko o ka luakupapau o ka hoohilahila a me ka hookoe ia; aneane hiki iaia ke lohe aku i ka halulu kapuai wawae o kona makuahine e iho ana ma ke alapii no ka hui ana me kana kane, a me he mea la ua lohe aku oia i na lima palanehe o kona makuahine e wili ana i ka poheoheo o ka ipuka pa no ka hookomo ana aku i kana kane iloko, aka, e ka mea heluhelu, ua ike a ua maopopo ia kakou ua hala e aku kona makuahine i ka make i ka wa a ko kakou nohea i puka mai ai mailoko mai o ka opu o kona makuahine, a i keia wa ua lilo ke kino o kona makuahine i lepo elike me mamua.
I keia wa e puapuai nei keia mau noonoo ano e iloko o Berela, aia oia ke ku nei mamua pono o ka ipuka pa a mai loihi loa no paha hana ku ana malaila, e ole ko Makaleka wahine ike ana i ko lau anana ia mai e kekahi poe e aku, nolaila, ua koi aku la oia ia Berela e hoi laua, kau hou ae la laua maluna o ke kaa a hoi malie aku la.
I ko Berela wa i hiki aku ai i kona hale hoolimalima hoi aku ia oia no kona keena e like me ka mea mau. Ua pau ae kona wahi paina ahiahi, a ua ho-a ae oia i ke kukui, ia wa i kikeke aku ai kona haku wahine ma ka puka a komo aku la.
"I hele mai nei au e Berela e noi aku ia oe e hui mai me makou ma kekahi anaina luana hoolaulea i keia ahiahi," wahi a Makaleka. "Aole keia he hale hoolimalima o ke ano i ike mau ia, aka, he hale hoolimalima i noho hoolimalima ia e kekahi poe kulan hanohano. He mea maa mau ia'u ke kono ana ia lakou ma kekahi ahiahi e akoakoa pu me a'u maloko o ke keena hookipa, a ma ia kono a'u ua lawe mai lakou i na nupepa, na buke, na mea humuhumu a me kekahi mau mea e ae, a hookahi ko makou luana hooluana ana. E hoomauao oe he wahine ku hookahi wale iho no au aole kane, a no ia mea ua hoolilo au i kekahi hapa o ko'u manawa ma ka haawi ana aku i na hoohauoli ana i ka naau o kekahi poe."
"Aole he hiki ia'u ke hui a launa pu me ka poe malihini," wahi a Berela.
"Aka, aole he poe malihini ka poe e noho hoolimalima nei maloko o ko'u hale. He poe maikai wale no lakou a pau, a o kekahi o lakou ua noho hoolimalima me a'u no kekahi mau makahiki loihi i hala ae nei," i pane hoomau aku ai o Makaleka." He piano ka'u--he piano maikai aka, ua ano nakaka nae--he papa mu ka kekahi poe a he mau mea paani e ae no kekahi a kekahi o lakou e lawe ae ai. Eia he kahunapule me kana wahine ke noho nei maanei; he kanaka opio kauka, he lede kumukula himeni, ua aoo, he lede aole i mare kane, he mau kaikamahine laua, no loko mai o kekahi pua hanohano, aka nae, aole he nui o ko laua loaa. A he hookahi a'u mea hoolimalima keena hou, he loio, a he ui pu, i nehinei iho la no kona noho ana mai. Ua ake au e hookamaaina a e hoolauna ia oe me lakou, no ka mea, he mehameha pu wale iho no kou noho ana. E pau ae ana lakou i ke keena hookipa i keia ahiahi. E hele mai ana anei oe?"
Aole he hiki ia Berela ke hoole hou aku i ke kono a Makaleka ua ae aku la oia. Alaila, olelo aku la o Makaleka e iho ahiahi okoa aku o Berela a hoi aku la.
Noho iho la o Berela me ka naau mihi no kona haawi pupuahuluana i kona ae, a no ka hooponopono ana hoi i kona wahi aahu. Komo iho la oia i kona holoku silika eleele a omau iho la he lipine bolu ma kona a-i. Ma ka lima o kona holoku e luhe ana he mau lihilihi. Ua oki ia kona lauoho a pokopoko i ka wa on a i lohia ai i ka ma'i, a nolaila, ma kahi o na owili lauoho ula olohelohe mamua, ua pani ia ko lakou mau makalua me na lauoho poni eleele apiipii pokopoko. Ua hoike mai kona helehelena i ke ano mau o ka nohea i awili pu ia me ka haikea, a o kona mau maka uahoike mai no ia i ke ano mau. O kona ano a pau a kakou i kamaaina ai iaia mamua, i keia ahiahi ua hoike piha mai lakou a pau--o ka kakou Berela no keia o ka ui nohea.
"Aole he wahi hoailona o ke kanikau e kau nei maluna o ko'u aahu, a aole no hoi he wahi hoailona o ke kaumaha iloko o ko'u puuwai no ka'u kane i hala aku i ka make," wahi ana e noonoo nei iaia iho." He keu ke ano e o ka malohia holookoa ana aku o ko'u hoomanao ana nona mai ko'u puuwai aku. "Na ka poe make e kanu ia lakou poe make iho!"
[Aole i pau.]
--
Ua lohe mai makou, e hooma lamalama ia aku ana oloko o ka luakini o Kaumakapii me kekahipukui uwila nui iwaenakonu ma keia mua koke iho.
--
ROMEALA--I keia pule ae e hoompuka ia aku ai ke Kila Makeneki o Parameri, no ka mea, ua piha kuineki loa ka lana hauki o ke KUOKOA i na mea hou like ole.
--
E hoike ana na Kulal La Hawaii ekolu wale no i koe o ka Apana o Kona, Oahu, oia na Kula o Kawaiahao, Kaumakapili a me Roma wahine maloko o ka Halekula Aupuni ma Kawaiahao, he hiki aku i ka hora 9 kakahiaka o ka Poakahi aenei, Iulai 18.
AHAOLELO O 1892
--
LA HANA 88, IULAI 7, 1892.
Hoomaka na hana e like me ka mau.
Ma ke noi, ua hapaiia ka
HANA O KA LA.
Noi o L. M. White e hapai hou ia kana bila piliwaiwai.
Hoihoi hou ke Alii Neumann i kana noi e hoopanee loa i ua bila la a ua haawi ia i ke Komite Wae, Kamauoha, Cornwell, White, Cummins, Neuinano, Williams.
Heluhelu akolu ia ka bila 52 e laikini ai i na on a aina kula hanai holoholona a hooholo loa ia.
Ma ke noi a ka Loio Kuhina, ua hapai ia ka bila SS e pili ana i na kiure a haawi ia i ke Komite Hookolokolo.
Heluhelu alua ia ka bila 21 a, e hooholoi ai i ka pauku 1419 o ke Kivita.
Mahope o ka hoopaapaa loihi ana, ua hoomaha ka Hale i ka hota 12 awakea a noho hou i ka hora 2.
HALAWAI AUINA LA
Akoakoa hou ka Hale i ka hora 2:03 a haawi ia ka bila 21 a i ke Komite Hookolokolo.
Ma ke noi a Kmauoha ka mea nana ka bila $2 e pili ana i na Kamano paakai, ua hoihoi hou ia.
Heluhelu alua ia ka bila 57 e mahele ai ia Hilo i ekolu apana hookolokolo a haawi ia i ke Komite Hookolokolo.
Heluhelu alua ia ka bila 58, e laikini ai i ke kuai ana o na bia a me na waina mama a haawi ia i ke Komite Hoole Waiona.
Heluhelu alua ia ka bila 59, e hoohuihui ai i na kanawai karaima a haawi ai i ke Komite Hookolokolo.
Heluhelu alua ia ka bila 60, e hoopau ai i ka Oihana Luna Hooia. Mahope o ka hoopaapaa an no ka hooholo loa a me ka haawi i ke Komite ua haawi ia i ke Komite Waiwai a me 2 laka pakui hou ae, Koho ka noho i ke Alii J. M. Horner a me L. M. Ashford.
Heluhelu alua ia ka bila 61, e hoolilo ai i na awa o Hana a me Makaweli i mau awa kumoku akea a haawi ia i ke Komite Kalepa.
Heluhelu ia ka bila 18, e haawi ai i haawina hoomau no ka Moiwahine Kanemake Kapiolani a waiho ia ma ka papa.
Heluhelu ia ka bila63, e hoohehee hou ai ia $45,000 hapaha i mau dime a me na hapa dime a hooholo ia e kakau poepoe a heluhelu akolu ma ka Poalua ae.
Hoopanee
--
LA HANA 34 IULAI 8, 1892.
Hoomaka na hana e like me ka mau.
NA HOIKE KOMITE.
Na ka hapanui o ke Komite Koa, i heluhelu mai i ka hoike e apono ana i ka haawina a ka Aha Kuhina i hookaawale ia he $50,000 ma ka Bila Haawina, me kekahi mau wehewehe a mau mea hou i hoolala ia. He 3 lala i kakau inoa, a he 2 aole. Waiho ia ma ka papa a hoea mai ka hoike a ka hapa uuku.
Na ke Alii Cornwell o ke Komite no ka bila 51 e hoololi i ka pauku 2 a haawi ia i ke Komite Wae.
Na ke Alii Macfarlane i waiho mai i ka hoike a ke Komisina Kuikawa i koho ia i ke kau i hala, e hooponopono a hoakoakoa i na kanawai auhau, e olelo ana, ua hoomakaukau lakou he kanawai e pili ana i na auhau kuloko, a e haawi ia i ke Komite Pai i ka wa e pau ai i ka unuhi ia. Apono ia.
Na ke Alii J. M. Honer o ke Komite Bila Haawina i hoike i ko ke Komite apono e hoomau ia ke Kuhina Noho ma Wasinetona. Waiho ia a noonoo pu me ka Bila Haawina.
NA OLELO HOOHOLO ME NA BILA.
O ka bila helu 32 i hoihoi ia mai ai iaia inehinei e hooponopono, ua pau i ka hooponopono ia a e kapa ia i bila 32. Haawi ia i ke Kamite Pai.
Heluhelu mua mai ke Aliii Marsden ma ke poo o ka bila 116.
Heluhelu mua mai o L. M. Akina ma ke poo o ka bila e hoololi ai i ka pauku @@@ o ke Kivila, e pili an@ i na hanahana.
Heluhelu mua mai o L. M. Edmonds ma ke poo o ka bila e hooponopono ai i ka halihali ohua ana a me ka ukana ma ka apana o Wailuku.
Heluhelu mea mai o L. M. Akina ma ke poo o ka bila e hoololi ai i ka pauku I Mokuna 90 o ke Karaima, pili i na olelo Enelani a me Hawaii.
Na L. M. Kapahu he mau ninau i ka Loio Kuhina, (1) ehia makai kiu e hoolimalima la nei, (2) ehia hihia i loaa ia lakou, (3) heaha ka pomaikai i loaa mai i ke aupuni no ia hana.
No mai ka Loio Kuhina e haawi hou aku i manawa no na niuau mau i pili i na makai. Ae ia.
Na L. M. Waipuilani, he mau ninau i ka Kuhina Kalaiaina, (1) owai ka mea nana e kuai nei na laau lapaau a me na kalo o ka Halema'i Moiwahine, (2) he haawi ia anei na hoolako ma koho, a i ole na ka Mea Malama no paha o ka Halema'i e haai aku i ka mea ana i makemake ai.
Ninau o L. M. Bush i ke Komite Hookolokolo, ahea la e hoike mai ai lakou i na hooloi Kumukanawai.
Pane ka lunahoomalu o ke Komite ke Alii Neumann; ua pau ka hoike i ke kakau ia, ekolua nae lala o ke Komite aole i kakau mai.
Ma ke noi, ua hapai ia ka
HANA O KA LA
Oia ka noonoo ana aku i ko koena o ka Bila Haawina i ke Komite o ka Hale. Noho o L. M. Kauhi i lunahoomalu.
Uku Kuhina Noho ma Waseinetona, $12,000. Holo. Kokua. Kakauolelo me na lilo o ke keena, $2,000, kiola ia loa ia: Na lilo Agena o na Aina e, $4,000. Holo.
Noi a L. M. Kamaoha, e hapai ia ka noonoo o ka haawina hoomau o ka Moiwahine Kanemake Kapiolani i $8,000.
Oiai e hoopaapaa ana, ua hoomaha ke Komite i ke awakea.
HALAWAI AUWINA LA.
Akoa hou ke Komite o ka Hale i ka hora 3:33.
Hoomaka hou noonoo no ka haawina uku hoomau o ka Moiwahine Kanemake Kapiolana a hoopanee ia mahope.
OIHANA LOIO KUHINA.
Uku o ka Loio Kuhina, $9,000. Holo. Uku o ka Hope Loio Kuhina, hoemi ia i $6,000; Kakauolelo mua a ka Hamuku, hoemi ia i $3,600; kiola loa la ka uku o ke Kakauolelo elua a ka Hamuku; Luna Paahao o Oahu, hoemi ia i $3,000; Makai Nui o Hawaii, hoemi ia i $5,000; Makai Nui o Maui, hoemi ia i $4,500; Makai Nui o Kauai, hoemia ia i $3,600.
Hoopau ia ke Komite a apana ia ka hoike.
Hoopanee ka hale.
--
LA HALA 35 IULAI 9, 1892.
Hoomaka na hana e like me ka mau.
NA HOIKE KOMITE.
Na ke Alii Neumann o ka hapanui o ke Komite Hookolokolo, e holoholo aku i ka bila 88 e pili ana i na Kiure. Na L. M. Ashford o ka hapa uuku o ia komite, i hoike mai i kona kuikahi ole me ka hapanui me kekahi mau mea. Waiho ia na hoike elua i hana no ka la 12 o Iulai.
Na keia Komite hookahi maluna ae, (1) he bila hou ka lakou ma kahi o ka bila 47, a e hooholo ia aku; (2) o ka bila 56 o ka hoopau i ke kanawai Lunahelu nui, e haawi i ke Komite Waiwai; (3) no ka bila 59, e kukulu ai i hale hoahu aila mahu, e hooholo aku me ka hoololi a ke Alii Macfarlane; (4) no ka hoopii a Keoni Samoa e koi ana i $1,000 koi poho no kona hoopaahao wale ia ana, e imi aku i kona pono i mua o ka Aha hookolokolo; (5) no ka hoopii a ka Hui Lealii e uku i ke Komite Waiwai; (6) no ka hoopii e hoonoho ia R. W. Wilikoki ma kona noho, e hoole ia olai eia no oia ke noho nei. Apono ia
Na ka hapanui o la komite hookahi no, ma na mea pili i na hoololi Kumukanawai a kela kau i hala i waiho mai ai na keia kau e apono aku, penei ko lakou manao: (1) no ka hoololi i ka Pauku 33, pili i ka uku o na Lunamakaainana, he hoololi hou ka lakou ma ka la ka uku i $8.00 a no ua la hana he kauaono i na makahiki elua; (2) no ka hoololi i ka Pauku 48, pili i ka vito, aole e hooholo ia; (3) no ka hoololi i ka Pauku 59, no ke ana waiwai o ka poe koho Alii, e kiola loa; (4) no ka hoololi i ka Pauku 32, o na Hawaii wale no ke koho balota alii, e waiho no pela; (5) no ka hooololi i ka Pauku 62, no ke ana waiwai o ka poe koho lunamakaainana, e hoololi ia no ma ka mea pono e nele ole ai ka poe i ka wa i hoololi ia ai ke Kumukanawai; (6) o na hoololi i na Pauku 63 a me 83, e hooholo loa aku. He hoike okoa like ole ka Ashford ma kekahi mau mea i waiho mai ai. He hoike okoa no ka White, eia nae, aole i makaukau. Ma kana noi, ua waiho ia na hoike ma ka papa a hoea mai kana.
Hoike mai ke Alii William ua pau i ke pa'iia na bila 83, 85, 87, 93, 94, 95, 96, 109, 110.
Hoike mai ka Peresidena, ua makaukau ka Hoike a ka Papa Ola a e haawi ia aku ana.
NA OLELO HOOHOLO ME NA BILA.
Na L. M. R. W. Wilcox, he olelo hooholo, e koho ai i Komite elima lala e holo i Wasinetona e kukakuka me Amierica Huipuia, no na pilikia i loaa i keia aupuni ma o ke kanawai la a Makinele, a no ka kana ana i pomaikai kupono e hoolilo aku ai i ke awa o Puuloa. Waiho ia i hana no ka Poaha e hiki mai ana.
Heluhelu mua mai o L. M. White ma ke poo o ka bila, e laikini ai i ka hana a me ke kuai ana o ka opiuma.
Heluhelu mua mai o L. M. Ashford ma ke poo o na bila, (1) e hoololi ai i ke kanawai o ke kipi, (2) e hoakaka ai i ka pono o na kanaka i hopu ia no na hewa karaima e hela ai.
Pane ke Kuhina Kalaiaina no na ninau pili i ka Halema'i Moiwahine: (1) he hui hoohui malu ia ka Halema'i Moiwahine, (2) aohe mana o ke aupuni maluna o kona mau hana ponoi, koe wale no ke koho i kekeahi mau kahu waiwai.
Ma ke noi, ua hapai ia ka.
HANA O KA LA.
Heluhelu alua ia ka bila 64, e hoolilo ai i ke awa o Honoipu i awa i awa kumoku akea, a haawi ia i ke Komite Wae, Kamauoha, Williams, Hind, Smith, Walbridge.
Ma ke noi, ua hapai ia ae ma bila 73, pili i na hoololi Kumukanawai a me 74, pili i na aina Home Liilii.
Heluhelu alua ia ka bila 73, a haawi ia i na Komite Hookolokolo.
Heluhelu alua ia ka bila 74, a haawi ia ke Komite o na Hana hou.
Heluhelu alua ia ka bila 67, a mahope o ka hoopaapaa ana, ua haawi ia i na Komite Hookolokolo me Limahana.
Ma ke kapae ia ana o na rula, ua heluhelu mai ke Komite Waiwai i ka lakou hoike no ka bila6, e auhau ai i na pepa hahau, e hoihoi i i ke Komite Hookolokolo. Apono ia.
Hoopanee ka hale.
--
LA HANA 36, Iulai 11, 1892.
Hoomaka na hana e like me ka mau.
Noi o Kamauoha, e kapae i na rula i hiki ai i ke Komite Hookolokolo ke nana i ka hookohu o A. Horner.
Pane ka oho, he makehewa ke kapae o na rula.
NA PALAPALA HOOPII.
Na L. M. Kamauoha, mai Honolulu mai, e hoopau ia k@@@ Papa Ola, a e koho ia ona Papa Ola hou e ka lahui ma ka balota. Waiho ia a noonoo pu me ka bila.
Na L. M. Kanealii, mai Honolulu mai, [1] e hooloihi ia aku ke Alanui Moiwahine a hiki i Kalia; [2] a e hoomoe ia on a paipu wai ma ia wahi a ke alanui e moe ai. Aia i ke Komite o na Hana Hou.
Na ke Alii Walbridge, mai Waiuku mai, i $5,000 no ka hana ana i alanui hou mai Kahului a hiki i Makawela. Aia i ke Komite o na Hana hou.
[Nana i ke koena ma ka aoao elua.]