Ka Nupepa Kuokoa, Volume XXXI, Number 28, 9 July 1892 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NU HOU HAWAII

 

        I ka la 14 o Iuue, ma Onomea, Hilo, ua mare ia o Pulua [k] me Puuheana [w] e Samuel Kailimai. 

 

        Ua manao ia o ka la 9 o Iulai nei, ka la a ka mokukaua America Bala@moa e haalele aku ai ia Kapalakiko a holo mai i Honolulu nei. 

 

        Oia ka nui o na make o Honolulu nei no ka malama o Iune i hala, penei no ia: he 28 Hawaii, 8 Pake Pukiki, 3 Iapana, 1 Beritania, 1 America a n@e 1 o na lahui e ae Haiaa 45.  He 15 o keia heluna i make me ka lapaau ole ia.

 

        Ua hoouluwehiwehi ia ka moku@aua Kapalakiko, i ka po Poakahi @ka nei me na ipu kuikui waihooluu like ole mai mua a hope o ka moku, i like me ke kahiko ia an@ o ka moku, i ka la iho me na hae.

 

        O ka aha mele a ke Glee Club o Kamehameha i h@awi ai maloko o ka luakini o Kawaiahao i ka po Po@o i hala, aole i piha i ka poe hele @ e hoolohe, aka o na mele nae i @na okoa ia no ia po, ua ku maoli @ k@ maikai.

 

        I ka Poaono i hala, ua holo loa aku ka mokuahi Gaelic no Iapana a me Kina, me ka lawe pu aku ia 72 mau pake a me 7 Iapana mai Honolulu aku nei.

 

        AWAIAULU IA. - Ma ka la 25 o ka malama i hala, ua hoohui ia ma ka berita o ka mare, o William Hookano me Maraea Opunui o Lihue Kamai.  Mahope iho, ua paina na mea a pau ma kahi o ka makua o ka wahine.  Ua malama pu ia he @ lealea Europa ahiki i ka wa i hookuu ia ai na hana me ka maluhia. 

 

        NO BETARITARI. - Ua lohe ia, e hoi loa mai ana o Rev. R. Maka maluna o ka moku Hokuao.  O ke kumu, no ka paa o kona leo ahiki ole ke hai aku i ka ke Akua olelo.  Ke upu ia aku nei, e haalele ana ke kahi moku kuna Haawii ia Honolulu nei i ka la 15 aenei paha a holo aku no Kilipaki.  Nolaila, o ka poe e manao ana e kau leta i na makamaka malaila, e pono ke hoouna mai i ke Keena Buke o ka Papa Hawaii mamua ae o ia manawa.

 

        Ua noi mai o W. A. Mio i ko makou oluolu e hoolaha aku, e hoiko ana na Kula Sabati o Kohala Akau, mai Pololu a Kahei, maloko o ka luakini o Kalahikiola, ma ke Sabati, lulai 31, hora 9 kakahiaka.  O na Kula Sabati hoi o Kohala Komohahana, ma ia la hookahi no maloko o ka luakini o Kaipuhaa, ma ka hora 3 a me hapa auina la.  Nolaila, ua kauoha ia ka poe a pau i kuleana i keia hana maikai o keia mau wahi, e uleu ae.

 

        MOKU OPIUMA PAHA. - Ua ike ia kekahi moku kuna mawaho loa aku o Hakalau, Hilo, e lelepaudi ana iluna a i lalo no hookahi paha hebedomo ka manawa ka loihi.  Ua koho ia aku, o ua moku hoopae opiuma paha, no ka mea ua ikeia kekahi mau hookokoke loa mai ua moku la i ka aina, no ka loaa ole paha o ka hailona mai ka aina aku e kauo ha ana e hoolele mai, a no keaha la.  He mea koho wale no keia manao hope.

 

        Ma ka po o ka la 4 o Iulai nei ma kekahi pa makai iho o ka pa ilina o, Kawaiahao, o ka hana a kekahi poe wahine he mele i na mele hakukole ku i ka lapuwale, me ka hoopuka pu i na olelo pelapela i kupono ole i ka pepeiao o ka poe maikai ke hoolohe aku.  E na wahine, u'oki keia mau hana ekaeka, aole anei he hilahila i ka hoopuka i na olelo pelapela.

 

        PUKA INO O A. Horner. - Ma ke koho balota kuikawa i malama ia mai nei i lune 30 ma Hilo Akau, Hawaii, no ka ekolu o ka manawa, ua puka mai o Albert Horner i Lunamakaainana no ia apana mahope o ka hakoko ikaika ana me kona mau hoa paonioni elua, apenei ka heluna balota o na pahu elua: A. Horner, 88 balota; W. H. Rickard, 65; Jas. Mattoon, 64.  Ua Kiola ia aku, he 15 mau balota i hookomo ia ma na pahu elua.  He 232 i hookoia, aka he 217 wale no nae baltia waiwai.  He paani kinipopo hahana ko keia auina la Poaono ma ke kahua o Makiki, oiai o na batari hakoko ana, oia no na kaeaea Kamehameha a me Crescent o ke kau kinipopo o 1892.

 

        No ka nui loa o ka ikaika o ka makani ma Kohala i ka la 2 o Iulai, ua uhaki ia ka huila makani o Mahukoha, a ua okioki ia na kumu laau kiawe a waiho lala kukui iho la.

 

        Ua lilo mai ia Wm Kinney ka hoolimallma o na aina aupuni mai Kalalau ahiki i Hanakapiai, Napeli, Kauai, no ke $55 wale no dala ka hoolimallma o ka makahiki, a no ka manawa he 25 makahikl.  O keia mau aina aupuni, ua koho wale ia aia ma ka 12,000mau eka ka nui.

 

        NANA KE KOLOHE. - Ua loaa aku i ke ahiahi Poaono i hala, Iune 25, ma ke keena iluna o ka luakini o Halawa, Molokai, he pahu lole i huna ia malaila e ka mea kolohe.  I ka wehe ia ana o ka pahu e nana, ua loaa aku la na kii o ka Moi make Kalakaua, ka Moiwahine Kauemake Kapiolani, Maraea King, he kapa apana, he mau kihei, a pela aku.  Aole e kala i hoohuoi ia ai.  Aole mea huna e nalo i ka hoike ia.

 

        EO HONOLULU IA KAMEHAMEHA. - O ka paani kinipoo mawaena o Kamehameha kue ia Honolulu i ulele ia i ka Poaono i hala, Iulai 2, oia ka makamua loa o no paani ana a Kamehameha i keia kau i hakoko hoonaikola loa a@ ia Honolulu, no ka mea, aole i haawi iki aku o Kamehameha ia Honolulu e loaa i hookahi wahi puui a pau wale no na komo ana 9 a na pua@ oiai hoi o Kamehameha e lelele ana i ka loaa ana ia lakou o na puni 8.  O ke kulana wikani o na puali ma Iulai 2, o Kamehameha ka helu 1.

 

        Ma ekahi hoolaha e puka aku nei ma ka pepa o keia la, e ike ia iho ai, e hele kaapuni aku ana na keiki puukani o ko Kamehameha Glee Club ma ka huakai haawi mele leo lea ma na wahi a pau o Maui a me Hawaii a lakou e kipa aku ai.  Oiai he mau keiki i maamaalea ma keia hana, nolaila e poma@kai ana no ka poe e komo ae ana e hoolohe i ka lakou mau aha mele e haawi aku ana.  A oiai he poe kamalii lakou akahi no a hoomahui i ke kipa malihini ana aku, nolaila, ke lana nei no ko makou manao, e heahea mai ana no oukou ia lakou.

 

Ka Haiolelo Hooemi Lilo a J.H. Waipuilani i ke Komite o Ka Hale, Iune 29, 1892.

 

        MR. LUNAHOOMALU:  O ka mea i mua o ka Hale, oia no ka itam@ $7,000 e uku ana i ka luna Leta Nui.  Ua olelo kekahi mau hoa hanohano e hooholo e like me ka Bila $7,000.  No ka mea, ua holomua na lawelawe ana a ka luna Leta Nui a he Keonimana Hoopono i mahalo nui ia.

        E. Mr. Lunahoomalu, ua kokua no au i ka hooholo ana e like me ka Bila ina o ka wa o ke alo o ka aina iluna, nolaila, eia ka ninau mua:  O ka luna aupuni hoopono a holomua o ka hana e like me ka luna Leta Nui, he kumu anei ia e hoonui ai i kona uku, oiai ua emi mai na loaa aupuni a he kulana pilikia ko ke Aupuni.

        O ka Buro o ka oihana leta, he hana nui koikoi ia o keia aupuni malalo o na kuhikuhi ana a ke kanawai, he $6,000 ka uku e koi ia nei ma ka $250 o ka mahina, he $6,500 ka uku i hooholo mua ia e ka hale ma ka $270.88. o ka malama, he uku kiekie loa keia i loaa ia keia luna aupuni, iloko o ka wa pilikia o ka aina.

        O ka loaa aupuni ma ka hoike a ke Kuhina Waiwai no ka M. H. 1890-91 i komo aku iloko o ka waihona Aupuni, no na waiwai Paa waiwai lewa, na kaa, kino, Ilio, Pani hakahaka a me ka auhau alanui $963,495.56. nolaila, o keia puuhua helu; aole ia e loaa ana no na makahiki elua e pau ana i Maraki 1894.  O na loaa i koho ia no elua makahiki e pau ana i Maraki 1895, he $245,814,100, ina e hui pu me $312,141.38,  waihona ma ka la 31 o Maraki 1892, alaila $2,770,282.38, huina pau o na illo o ka bila haawina $3,669,955.98, oia hoi $899,672.60, ka oi o na hoolilo maopopo mamua o na loaa koho wale.

        He elua miliona a oi, ua pau loa i na uku o na luna aupuni a pau a me na lilo mau i hiki ole ke hoopanee aku no kekahi manawa, ina pela iho la ke kulana hookele e oi na hoolilo i mua o na loaa, alaila, mahea ke dala no na hana hou o ka aina, pehea na alanui, na uapo, na hale hookolokolo, ua hale kula, na uwaeaolelo, a pela aku, ke olowalu mai nei na leo o na makaainana mana Palapala hoopil, e hea mai ana i mau alanui, uapo, a pela aku, eai hoi na olelo hooholo lehulehu e noi ana i mau alanui, me he la ina e hoomau aku kakou e hoonui i ka uku o ua luna aupuni, alaila, ua makehewa wale keia mau hoopii e noi ana i mau alanui, a pela aku.

        Pehea ke ola o na ma'i lepera ma Kalawao, he $225,500 e hanai ia nei e ke aupuni, aole no i lawa; o ka pii mau o ka heluna o na ma'i lepera e lawe mau ia nei i Kalawao a me ka pau o na loaa aupuni maopopo i ka uku wale no ina luna aupuni maopopo i ka uku wale no ina luna aupuni i hui ia me ka pahola maopopo o ka hune maluna o ka aina, he hoailona maopopo ia e make ana na ma'i lepera i ka poloi i.

        Eia hou; Auhea ke dala no ka uku ana i ka aie lahui, oiai he $3,217,161.13, ko kakou aie no lakou na uku panee; Penei, he $2,224,800, ma ka 6 pa-keneta; $46,100 ma ka 12 pa-keneta; $29,100, ma ka 5 pa-keneta; $12,500 ma ka 9 pa-keneta; $1,500-ma ka 7 pa-keneta; Huina $2,314,000.  Waihona dala halo Leta ma ka 6 pa-keneta $903,161,13.  Huina pau loa $3,217,161,13.

        E. Mr. Lunahoomalu, o keia ka'u mea hopohopo loa, no ka mea, i na aole hiki ike aupuni ke uku i kona mau aie, alaila, he alahele mua ia e pau ai ka noho kuokoa ana, e nana i ke Aupuni o Aigupita, ua hoomalu ia kela aupuni malalo o Pelekane no ka hiki ole iaia ke uku i kona mau aie.

        O ko'u manao ponoi, aole kakou e nana no ka holopono o na hana a kekahi luna aupuni, he poe kauwa hoopono lakou i hiki ke haawi ia na mahalo ana, a me he la, aole lakou e ehaeha ana i keia hooemi paklko ana, oiai ua maopopo no ia lakou ke ano o ke kulana aupuni i keia manawa.  Nolaila, i mea e loaa ai ke koena dala ma ka waihona no na pilikia e ae o ke aupuni, he mea pono e hooemi pakiko ia mai ka uku o na luna aupuni.  Nolaila, ke koho nei au ma ka $6,000. 

 

Ka La 11 o Iune ma Keanae a me Wailua Maui.

 

        Ma ka la o 11 Iune, ua hooala ae ka hui mahi kalo o na pali hauliuli o ka aina elua lani he ahaaina, mai ka wai kau i ka laau a hiki aku i ka wai koiawe o Waikani i Wailua, he wahi maka luhi no ka lakou mau hana, no na eke kalo i h@ouna ia ma Honolulu, a ua hoolako pu ia na wehi o ka wao i hoomakaukau ia no ka hanohano o ka papaaina.  Ma ka hora eono o ke kakahiaka o ka la i manao ia, ua kaa mua ka hanohano o ka la i kahi papaaina a ke kahi hui, he wahine wale uo keia, ua kahiko ia lakou me na kapa like, ma ko'u makaikai ana i na mea ai ma ia papaaina, ua lawa i n ono a ka puu e momoni ai.

        Ma ka hora 9 ae, ua akoakoa mai na hoa luhi no ka paina ana ma Keanae, a i naoa ana aku, nui na kanaka, mamu@ ae o ka makaukau ana no ka ai ana, he mau olelo pokole na D.W. Napihaa e pili ana no ka la i manao ia a me na mea i hoolako ia, mahope o keia, pule o J.P. Kahahei, a oiai e pule ana, ua ike ia aku la kekahi kanaka e ai ana maluna o ka papaaina me ka rula ole, oiai e pule ana no, pale ia ka rula maikai no ka aina ana, he eepa paha@ ai ole ua manao paha he mea mahalo ia kana hana i waena o ke anaina maikai.

        I ka pau ana o ka pule, ua haule iho ia kela a me keia e hoopiha i ka houpo lewalewa a piha ka lua o inaina.  Ua hoomaha iho la no hookahi hora, ai ka wa i kani ai o ka pu no ekolu manawa, ua kau ae ia kela a me keia maluna o ko lakou mau lio, a welo ae la na hae i ke ahe lau makani, hoomaka ke kai ana o ka huakai no ka lanai elua ma Waialua, malalo o ka hookele ana a ke alakai nui o ka la D.W. Napihaa, he nani a maikai na kahiko o na kane a me na wahine, a e holo ana kekahi poe no ka pulu i ka ua maule o luna, a o kekahi poe ua malama i ka hanohano o ka la, a o wau kekahi iloko o keia huakai, a i ko'u hookapae ana ae mawaho o ka laina, a kilohi pono aku la i ka nani o ka huakai, ua ike ia e hele ana na wahine ma ka aoao o n kane ma ka laina, me na kapa onionio, a he nani okoa no hoi keia, a o ke alakai o ka la e kau ana no oia maluna o ka lio, a e kaiewa ana ma kona aoao kana ole hoailona no ka hele ana o ka huakai.

        I ka hiki ana ma kahi o ka lanai ahaaina, ua lele iho la na mea a pau, a komo aku la iloko o kahi i hoomakaukau ia, mahope o ka pau ana o ka pule, ua noho iho la kela a me keia e ai i na mea i hoolako ia, ua ai a ua inu i na mea i hoolako ia a ua lawa.  O keia ka panina o na hanao ka la.  A ke haawi aku nei au i ko'u mahalo i ka puali mahiai a me ko lakou alakai D. W. Napihaa, e hoomau aku i kahana maikai, a na ke Akua e kokua ia kakou.

        S.K. MAKAENA, Keanai, Iune 15, 1892.

 

KOHO BALOTA KINIPOPO

 

NO KA MEA OI O KE AKAMAI A ME KA ELEU.

 

Lawe a Lilo o P. Lishman

 

Na@ Makana e Loaa Ana.

 

Ka Helu Umi Ana.

 

NA BALOTO.

E pau ana

        Iulai 1.  Hoioa

 

HONOLULU.

 

.H. WODEHOUSE……………………....     0      14

GEORGE LUCAS…………………….…     0      3

CHAN WILDER…………………….…..     4      36

E. WODEHOUSE…………….…………     0      17

C. CONRADT…………………..……….     0      12

H.M. WHITNEY, JR…………..………..      1      21

CHARLES WILDER……………..……..      1      11

W. LUCAS…………………..…………..     7      95

J.O. CARTER, JR………………..……...     45    368

JAMES LEMON…………………….….      6      19

 

HAWAII.

 

SIMMONS……………………..………..      0      1

M.K. K@O@O@AI@LE…….………....      0      5

J. THOMPSON………………….………      0      11

K@IK@AL@ J.K. KALA@IAOLE……      0      7

GEORGE RO@………………………….     0      2

J@O FRIED@G………………..……..…     0      1

PALMER WOODS……………..……….      0      3

STEPHEN MAMALU…………………..      0      1

J. PE@T……………………………...…..     0      1

D. @AMAKAUA@OA……………..….       0      5

A. LAWELAWE……………………..….     0      1

T. PRICE……………………….…….….     0      49

 

CRESENTS.

 

C. WILL@………………………………..    @    @0

GEORGE A@…………………………….   1@  @0

W. WILDER………………………………   0      @

P. L@……………………………………..    @    @

LEONEL HAS@………………………….   0      1@

J. SO@……………………………………    6      91

C. J. HOLT………………………………..   @    1

F. WOODS……………………………….    0      1

J. G@……………………………………..    0      @

D. CA@…………………………………..    0      1

 

KAMEHAMEHA.

 

S. MA@…………………………………..    @8  @

ROBERT B@……………………………..   0      4

PHILIP DAVIS…………………………..     @    @

W. AHIA…………………………………    0      1

C. KAAN@………………………………    0      1

ROBERT PAHAU……………………….     0      @

G. CUMMINGS…………………………      0      14

W. M@…………………………………..     0      21

J. HAR@TTLE…………………………..     0      3

                                                                        __    __

                                        H@……………      @    @

 

NA MAKANA E HAAWI IA ANA.

 

        Makana Akahi. - He palapala holo makaikai manawalea i ka Lua o Pele a hoi mai, ma ke ala aku o Hilo, maluna o ka mokuahi Kinaa, me ka lilo ole no ke kaa hoolimalima a me ka lio mawaena o Hilo a me ka Lua o Pele, a me na lilo ole o ka noho ana i ka Hale Hookipa.  E pau ka mana o ka palapala ae holo ke hiki i Dec. 31, 1892.

        Makana Alua. - He Iwakalua Kumamalima Dala Gula Amerika.

        Makana Akoulu. - He hookahi makahiki lawe wale me ka uku ole i ka nupepa puka la P.C. Advertise@, a i ole i ka nupepa Hawaiian Gazette.

 

HOOLAHA HOU.

 

NA PUUKANI

 

Kamehameha.

 

        E hele kaapuni ana na Puukani o ke KAMEHAMEAH GLEE CLUB i na Mokupuni o Hawaii nei me ka huai pau aku i na kani o ko lakou mau kileo like ole, e haalele ana ia Honolulu nei ma ke ahiahi o ka la 15 o Iulai.

        O ka lakou ahamele mua a haawi ana, ma

Lahaina, Maui,

I ke ahiahi o ka la 16 o Iulai, 1892. 

Mahope aku olaila, e kipa ana ma

Wailuku me Makawao.

Mailaila aku, e holo ana no

KAU me HILO, HAWAII

2397-2t

 

Hoolaha a na Luna Hooponopono Waiwai.

        OIAI UA HOOKOHU PONO IA MAI NA MEA nona na inoa malalo iho i mau Lunahooponopono no ka waiwai o PETER FERNANDEZ, o Honolulu, Oahu i make, nol@ila ke hoolaha ia aku ne ka poe a pau he mau koina ka lakou i ka waiwai o ka mea i make, e waiho mai i na mea nona na inoa malalo iho ma ko laua mau wahi e lawelawe haua nei, i hooiaio pono ia a me na bila oiaio, ina ke pea ia nei, ma ka moraki paha a ano e ae, maloko mai o na malama eono mai keia la aku a i ole ia e hoole mau ia aku no.  O ka poe a pau i aie i ka mea i make, ke kauoha ia aku nei lakou e hookaa koke mai.

 

ABR. FERNANDEZ.

N. FERNANDEZ.

        NA LUNAHOOPONOPONO WAIWAI O PETER FERNANDEZ I MAKE.

        IUNE 28, 2893.       2396-4t

 

Olelo Hoolaha.

 

        MA KA LA HOIHOI EA POAONO, IULAI 30, 1892, e wahio aku ana makou no ke kuai maloko o ko makou pa pipi e kokoke la i ka Halekuai o Apo ma Koloa, i na lio maikai a me na lio keiki a me kekahi mau hoki.

        Eia he mau lio maikai kau noho, he mau lio kaa, opio, i ao ia a i ole ia, na llo wahine hoohapai keiki me ke keiki a keiki ole ma na kumukuai makepono loa.

KOLOA SUGER COMPANY.

2396-4ts.

 

Kuai Kudala o ka Hoolimalima o Kahului Maui Hikina.

 

        MA A POAONO, IULANI 1@, @, E WAIHO ia aku ana na hoolimalima malalo iho no ke kudala, ma ka hora ll Kakahiaka ma ka ilaie Dnte o Kahului.

        O ka loihi o na hoolimalima, he 1@ makahiki mai IULAI 16, 1892 aku.

        O ka hoolimalima o ka pono lawaia e paa ia nei e E.H. Bailey, me keia pono e hele pu ana me na Apana 1, 2 a me 17.  Koho e hoomaka aku ai he $400.

Hoolimalima o a   Apanna      3, 1113-1000 Eka        60.

        "              "      "                4, he 19-000 Kp.K.40.

        "              "      "                5, "         8 000    "      25.

        "              "      "                6, "         8,000    "      25.

        "              "      "                7, "       11,000     "      40.

        "              "      "                8, "       19,000     "      20.

        "              "      "              9, "       20,800     "      23

        "              "      "              10, " 21,200     "      20.

        "              "      "              11, " 21,500     "      20.

        "              "      "              12, " 22,000     "      30.

        "              "      "              13, " 24,373     "      30.

        "              "      "              14, " 22,500     "      30.

        "              "      "              15, " 16,700     "      20.

        O na ona mea hale e ku nei maluna o keia mau Apana Aina, e haawi ia ana @ la no lakou e hoonee ai.

        O ka hoolimalima o ke kula o Owa a me Kalua, no lakou na eka he 1100, a me na hapa i hoolimalima ole ia o keia mau aina, e hoolimalima ia aku ana, e hookoe ana nae i ka pono o ke Alanui @ao o Kahului e komo maluna o keia mau aina a me na pa kanu kupapau ma ka aina o Owa.

        E hoolimalima ia aku ana na Apana ma o ke ana ia a Mr. W.D. Alexander.  Na ka poe hoolimalima e uku i ka auhau. Koho Kiekie @0.

        No na mea i koe e ninau ia

THOS. W. EVERETT.

Luna Kudala.

        Wailuku. Maui.       2396-2t

 

Hoolaha Hooponopono Waiwai.

               

        MA KA WAIWAI O JW OPUNUI O EWA, Makupuni o Oahu, i make kauohe ole, ua hookohuia ka mea nona ka inoa malalo i lunahooponopono no ia waiwai, nolaila o ka poe a pau i aie i ka mea i make ma keia ke kauoha ia aku nei lakou e hookaa koke mai ia 'u ma ko'u keena ma Alliolani Hale, Honolulu, @ o ka poe a ka mea i make i aie aku ai, e waiho mai lakou i ka lakou noi ma ko'u keena iloko o na mahina @ono.       HENRY SMITH.

Lunahooponopono o ka Waiwai o JW Opunui.

        Honolulu, Iune 1@, 1892       2396-5t

 

 

@oolaha @ou.

 

MUTUAL 76---NA TELEPONE---BELL 179

H.H. WILLIAMS & CO.,

HANA PAKA O NA HOONANI HALE

MAIKAI O NA ANO A PAU ME KA MAKEPONO.

 

                ME NA                                                                                                   E LOAA NO

                Piano i @anaia                                                                                       Na He Kupapa

                Me Ke Kup@                                                                                  Na Pohaku M@ e

                Ke@a @                                                                                                         @ @

                Aole @u e komo.                                                                                    Makemake lawe.

 

--- MAANEI E LOAA AI ---

NA LAKO KANU KUPAPAU, KAA

A me na Pono Ia-loa i ke kino o ka mea aloha.

HEL@ 103 ALANUIPAPU - - - - HONOLULUU

 

 

OLELO HOOLAHA !

 

        O ka noho Agena ana no na LAAU LAPAAU OHANA A JAYE'S a ko makou Hui Kalepa i paa loihi ai, ua lawe ia aku nei a aia ia MESSRS. BENSON, SMITH & CO., ka hui kahi o na kauohalaau lapaau a pau o ia ano e hoouna aku ai mai keia wa aku.

KAKELA & KUKE.

HONOLULU, FEB. 4 1892            23@3-@

 

 

Ka Halekuai Laau Lapaau Hou

HUINA O NA ALANUI PAPU ME MOI

 

        Ke hoolako mau ia nei me na laau lapaau oi loa o ka maikai ma Honolulu nei a ke kuai ia nei me ka emi loa.

        Ka Laau Kunu maikai, Ka Laau Hoomaemae Koko Saseparila, Na Hua-ale maikai, Na Hua-ale ma'i @va maikai, Na Paakai pipii maikai, Na Paakai hoonaha maikai, Na Sopa a me na Waiala maikai, Na Aila Nui Hamo lauoho maikai.

        E hoomanao i ka inoa a me kahi o

HOBRON a me NEWMAN

Huina o na Alanui Papu me Moi.   2383-tf.

 

 

Kuai a ka Luna Hooko Kauoha i ka Waiwai Paa.

 

        MALALO O KA MANA O KEKAHI KAUoha i hoopukaia e ka Aha Hookolokolo Kiekie ma ka hooponopono waiwai i ka la 13 o Mei, 1892, ma ke noi a ALEXANDER J. CARTWRIGHT.  Lunahooko Kauoha o Eliza Wood Holt i make, e noi ana e haawi ia mai ona kauoha e kuai aku i kekahi aina o ka mea i make, ua homane ia mai au e ua A.J. Cartwirght Lunahooko Kauoha ia, e waiho aku no ke kuai kudala akea ma kuu Hale Kudala ma Honolulu, i ka POAONO, la 18 o Iune, 1892, ma ka hora 12 awakea o ia la, i na aina a pau i kuhikuhi ia malalo iho:

        1  O kela apana aina a pau e waiho la ma Kapuukolo, Honolulu, nona ka ili he 3-10 o ka eku, a i kuhikuhi la maloko o ka Palapala Sila Nui Helu 1@86 a Kuleana Hoona Aina Helu 1@39 i hoolimalima ia ia J.F. Colburn no ka $120 o ka makahiki.

        2  O kela apana aina a pau e wahiho ia ma kalawahine ma Honolulu no, a i ike ia ka aina o Apale, a o ia ka aina i kuhikuhi ia ma ka Palapala Sila Nui Helu 1107 a Kuleana Hoona Aina Helu 1037.

        3  O kela apana aina a pau e waiho la ma alanui Papu, Honolulu, a e noho ia nei e J.J. Carden ma ke ano hale ohana, e pau ana ka hoolimalima i Mei, 1894, ma ka uku hoolimalima he $480 a ka makahiki.

        4  O kela apana aina a pau e waiho la ma alanui Papu, Honolulu, a e noho ia nei e A.W. Clark me ke ano hale ohana ma ka uku hoolimalima he $480 o ka makahiki.

        5  O kela mau apana aina a pau e waiho la ma Palama, Honolulu, a oia na apana i a me 2 iloko o ka Palapala Sila Nui Helu 2504 a Kuleana Hoona Aina Helu 837 e paa nei malalo o ka hoolimalima ia Ahiu no ke @80 o ka makahiki.

        O keia kuai ana maluna ae, aia ka lilo a apono mai ka Aha nana i hoopuka i ko kauoha e kuai.

        Kuike ke dala ma ke gula o Amerika Huipuia.

        O na uku hana palpala i ka mea e lilo ai.

        No na mea i koe, e ninau ia A.J. Cartwirght.

JAS. F. MORGAN.

Luna Kudala.

 

        Ua Hoopanee hou ia ke kuai maluna ae mamuli o ke kauoha a ka Aha a ma ka la @ o IULAI, 1892, hora 12 awakea.

239@-@t@.

 

Hoolaha Hookapu Aina.

 

        E IKE AUANEI NA KANAKA A PAU O maua o na mea nona na inoa malalo iho nei, ke papa a ke hookapu loa ia aku nei na ano kanaka a pau loa aoie e hele wale maluna o ko maua kuleana aina iloko o ka Aina Hui O Honokua oia hoi kahi i koe aole i lilo i ka hoolimalima ia, a ke papa pu ia aku nei ka hookuu wale ana i na ano holoholona a pau, oia hoi ka puaa, moa, pipi, lio, a pela aku a ua kapu pu no hoi ko kii wale ana i na mea ulu o luna o ka aina.  O ka poe e kue ana i keia e hoopil ia no make kanawai.  Ke hookohu pu aku nei maua ia J.W. L Kapuwila i Luna nui, a e loaa no ka maua ma ke kanawai iaia.  Ala ma Kona @e@a Hawaii

MRS. MAGGIE @. APIO.

JOHN K. APIO.

239@-2@.

 

 

Hale Hana Kopa o Honolulu.

 

        Ua paa a@nei ka Hale Hana Kopa M@ho Hou o ka poe @o lakoa na inoa malalo i@o @ @ makaukea lakoa e hoolawa aku i ka poe piepiele i na

 

Kopa Maikai Loa Maoli

I hookomo ia iloko o na Paha 100 Paona mai ke 42 a 56 a@ke Kopa Pakahi.

Ke hooia nei makou i ka oi o la MAIKAI o ka makou KOPA mamua o na Kopa o waho mai.

 

        Ua Kuni ia mawaho o ko makou mau Paha me ka hoailona "HONOLULU SOAP CO.,' a e

Kuai ia e na Halekau Liilii a Pau.

HUI HANA KOPA O HONOLULU

M. W. McChesney & Sons, Na Egena.

2@83-q

 

 

P      PUHALAHUA.

LOIO       LOIO       LOIO

 

        Ua ae ia mai au e lawelawe imua o @ A@ Hoomalu a me Apana a pau o kela Aup@ H@ Agena Hoolalo Palapala no ka Apana o Ha@a Mokupuni e Maui.

        E loaa no au i ka Ua P@   @ ma Hana i kekahi manawa.   @

 

Olelo Hoolaha.

 

UA KAPU KA HELE ANA O NA PUAA MA Kuu aina ma Honuaula.  Maui i kapa @ ROSE RANCH". Ku loaa e hele ana maiaila e pepehi ia ana.  Ua kapu no hoi ka hele ana o na kanaka ma keia wahi, aia no a loaa @ai ka ae ia e Chas Buchanan @Kaie@ ka @  @ i kela aina, ua pili keia i ka poe e @ malu @ na holoholona a lakou ka p@e wawahi @, a @ hewehe i na puka.  E hoolohe i keia @ ili auanei he pilikia, mamuli o na k@

KIMO PELEKANIE       @   @ @.

Honolulu, June 2@, 1892       @

 

 

J. HOPP & CO.,

Na Poe Hana ma na Lako Hale O na ano a pau!

Hana Moe, Na Uluua Pulu, Et@

Noho no ku Hoolimalima @, @

Lako Hale M@ K@ @

Honolulu.                2@@7@

 

 

Olelo Hoolaha.

       

        UA HOOKOHU AKU AUIA DANIEL LOGAN e lawelawe ma ke ano hope no u, oiai a e kaawale aku ana mai keia aupuni aku.

NORMAN LOGAN

Honolulu, Iune 22, 1892 2395-3t

 

 

Hoolaha Hookapu @omohewa.

 

        KE HOIKE IA AKU NEI KA LOHE I NA Ona a pau o na holoholona e helehewa la maluna o ko makou mau A pa ma HUMUULA  ame ka hapa maua o P@honua, Hilo, Hawaii, e lawe koke aku ia lakou me ka hoo kaulua ole, a i ole ia e hoop@  @ no e like m@ ka piha o ke kanawai.

        HUMUULA SHEEP STATION COMPANY

Na A@ H@

Kalaieha, Ap@ 8, 1@2  @

 

 

Hoolaha Hookapu Aina.

 

        KE PAPA A HOOKAPU LOA IA AKU NEI ka holo ana o na holoholona o ka p@ e @ maluna o na aina hanai holoholona o'u ma P@honua a me ka hapa mauka o Humuula, Hilo, Hawaii, a ke kauoha ia aku nei a hoo@ee aku @ na holoholona me ka hookaulua ole, a i @ hoopii ia no e like me ke kanawai.

J.T. BAKER.

Hilo, Hawaii, Mar. 31, 1892.          @

 

 

Hoolaha Papa Aina.

 

        KE HOOLAHAIA AKU NEI ka lohe i na mea a pau, o na aina a pau maloko o ka Palapala Sila Nui Helu 1123 @ Makahi, Poli a me kekahi poe e ae, ma Moku leia, Waialua, Oahu, ke onaia nei lakou e Ka akau (w) no kona wa e ola ana, a mahope aku @ kona make ana lilo i ka mea nona ka @a malalo iho, koe kekahi ma@ eka he @ no Kaa@moku ia: a nolaila ke papala nei na poe e ae aole e kukakuka kuai me hai no kela aina.

2394-4t            KALEI MAKAHI

 

 

Olelo Hoolaha Hookapu.

 

        E IKE NA MEA A PAU MAI KEIA LA AK@, ke papa a hookapu loa ia aku nei na mea a pau aole e komohewa a law wale paha i na mea ulu mailuna aku o ka ili aina o Kukuihaa e waiho la iloko o ke ahupuaa o Kaluko ma Kona Akau, Hawaii, oia hoi ka ili aina i lilo mai ia 'u ma ke hoolimalima mai na Kahu Wai wai mai o ka Moi Kalakaua, e like me na pale na oiaio mai ka wa kahiko mai, a i hooholo a hooiaio hou ia holi e a'u a me Keoki Mao, no ka hoomaopopo pono an a i na palena o ko waua mau ili aina pakahi e like me ia i hoolimalima la ai e maua.  Nolalia, o na poe e kue aua i keia a loa@ aku ia 'u maluna o kahi i hoikeia, alaila, e hoopii ia no ma ke kanawai.

KEL@HELEPO

Kaloko, Kona Akau, Hawaii, Mei 24, 1892

2@-4t