Ka Nupepa Kuokoa, Volume XXXI, Number 27, 2 July 1892 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

 Nupepa Kuokoa

me

Ko Hawaii Paeaina i Huiia

No ka Makahiki - - -$2.00

No Eono Mahina. - - - 1.00

Kuike ka Rula

 

Hoopukaia e ka

Hawaiian Gazette Co.

H.M. Whitney, Luna Nui,

@.U. Kawainui, Luna Hooponopono.

Poaono, - - - Iulai 2, 1892.

KULA SABATI.

 

Iulai 17. Ka Ekalesia Karistiano mua.  Oihana 2:37-47.

A lohe lakou i ke@@, walania iho la ko lakou uaau, i aku ia ia Petero, a i na lunaolelo.  E na kanaka, na hoahanau, heaha ka makou e hana ʻ i?

38.  Alaila i mai la o Petero ia lakou, E mihi, a e bapetizoia oukou a pau iloko o ka inoa o Iesu Kristo, i k@laia mai na hala, a e loaa ia oukou ka haawina o ka Uhane Hemolele.

39.  No ka mea, no oukou ka olelo hoola@a, a no ka oukou poe keiki, a no ka poe i kahi mamao aku, a no na mea a pau a ka Haku, a ko kakou Akua e hea mai ai.

40.  A ma na olelo e ae he nui loa, hoike aku la ola, a nonoi aku hoi, i aku la.  E hoola oukou ia oukou iho maiwaena mai o keia hauauua kolohe.

41.   Alaila, o ka poe ae maoli aku mamuli o kaua olelo me ka olioli, bapetizoia iho la lakou, a ia la no, hui pu ia mai ekolu @anaani kanaka.

42.  A hoomau lakou ma ka olelo a ka poe lunaolelo, a me ka launa pu, a me ka wawahi berena ana. a me ka pule.

43.  Loohia iho la na kanaka a pau e ka makau; ua hanaia hoi na mea kupanaha e ka poe lunaolelo, a me na hoailona he nui loa.

44.  A o ka poe a pau i manaoio, noho pu lakou, a hui pu ia ka lakou mau mea a pau.

45.  A kuai aku la i ko lakou waiwai a me ka ukana, a puunaue aku la no keia mea, e like me kona hemahema.

46.  Hoomau lakou maloko o ka luakini, i kela la i keia la, me ka manao hookahi, a me ka wawahi berenk ana i kela hale i keia hale, a ai iho la lakou i ka ai me ka olioli, a me ke akahai o ka naau.

47.  Me ka hoomaikai aku i ke Akua, a me ke alohaia o na kanaka a pau.  A hookomo hou wai la ka Haku i ka ekaleaia, i kela la i keia la, i poe e hoolaia ana.

PAUKU GULA.  Oihana 2:47.  A hookomo hou mai la ka Haku i ka ekalesia, I kela la i keia la, i poe e hoolala ana.

MANAO NUI.  E hooholo i ke aupuni o ka pono.

OLELO HOAKAKA.

Ua haiolelo o Petero, a hoike aku i na hana mana o ka la Penetekota ola no ka hooko ana i na olelo wanana e pili ana i ka makamua o ke aupuni o ka Mesia. O Iesu, no Galilaia mai, ola no ke Akua Hoola.  O kona make oia no ka mohai huikala no ka poe lawehala.  O kona pii ana iluna i ka lani oia no ka hana mana i hooiaio ai i kona ano Akua.  A pau kona halao, ua paipai oia i ka poe mihi, me ka imi ana i ka hoapono hou ia, e pili paa ia Iesu me ka paulele ana i kana mau olelo hoopomaikai.

37.  Lohe i ko Petero haiolel@, pp.14-36.  Walania, mihi me ke kaumaha.  Hana ʻ i i mea e pakele ai i ko ke Akua inaina, i mea e launa pu ai me ke Akua hemolele.  38.  Mihi, ina ka haalele ana i ka hewa i mea o launa pu ai me Iesu.  Bapetizoia, mamuli o ka manaoio i hoike ia.  He hoailona ia o ka noho haumana ana malalo o Iesu, ka mea hoopono.  Haawina, na Iesu i manawalea mai ai, no ka poe manaoio a pau loa keia haawina.  39.  Olelo Hoolana, Ioela 2:28-32.  Keiki, ia hanauna aku, @a hanauna aku, aole i na lunaolelo wale no.  Manao, ko na aina e aole ko Aberahama poe mamo.  40.  Hoola, ma ka Baibala, ua pili keia i ka hoopakele ana ku i ka inaina o ke Akua ma ka launa pu ana me Iesu, ka Haku e ola ʻ i.  Kolohe, ma ka hoole ana ia Iesu, ka mea hoolaulea.  41.  Bapetizoia,aole i hooluu ia iloko o ka wai, aka nae ua kapipiia he mau kulu wai maluna o lakou he hoailona ia o ko lakou ano maemae hou ma o  Iesu la, aole o ke kanuia ana o Iesu.  Ua kapipi ia ke koko o ka mohai i ka wa kahiko, he hoailona o ka huikalaia ana; o ka bapetizoia, he hoailona o ka haawina o ka Uhane Hemolele i loaa ai ma ka noho hemolele ana, kaawale loa mai ka hewa aku.  42.  Berena, oia no ka ahaaina a ka Haku.  44. Hui, ma ke ano he ohana hookahi, aole ma ke ano he mau hoa hoopukapuka ma ka hana Kalepa.  46.  Olioli, no ko lakou launa pu ana me ke Akua, aloha nui ia.  47.  Hoomaikai, i mahalo ia ko lakou ano maikai, lokomaikai, imi pono.

I.  Ka Hui o ka poe imi, pp. 37-40.  Heaha na hua o ko Petero haiao?  Heaha ka ninau a ka poe anaina? Heaha ka Petero olelo pane?  Heaha ka mihi i kauoha la?  Heaha ka olelo hoolana a me ka manaoio?  Ia wai ka olelo wanana e pili ana i ka haawina o ka Uhane Hemolele?  Heaha ka hoola mai Iesu mai?  Ua loaa anei ia oe keia hoola?  Pehea i pili ai ka mihi i ka hoola?  E loaa ana anei ko Iesu hoola i ka poe imi ola?  Ua noi aku anei oe ia Iesu e hoopau loa i kou ano lawehala?  Heaha ke kumu kupono no ka bapetizo ana?  Pehea i pili ai ka huikala i ka bapetizo?  Ua loaa anei ia oe ka haawi@a o ka Uhane Hemolele?  Ua noho mau anei oia me oe?  Hiki anei kekahi ke hoola ia ke ole ka haawina o ka Uhane Hemolele?  He hanauna kolohe anei keia?  Ua kaawale anei oe mai na hana hewa aku?  Heaha ka haawina hana mua o pono ai ia oe ke hana?  Pehea i pili ai ka manaoio i ka huikalala?

II.  Ka Hui o ka poe hoike manaoio, pp. 41-43.  Owai ka poe i bapetizoia, p. 41?  Ehia poe i bapetizoia?  Ua hiki anel ke hooluuia lakou a pau i kahi wai hookahi?  Heaha na hana eha a keia poe i hana ai?  Heaha na hua o ko lakou noho pono?  Heaha ka hou aku a na lunaolelo, p. 43?  Heaha ka olelo, p. 41?  Heaha ke kumu no ka ae ana aku i ka Iesu olelo?  He olelo huikala anei ko kekahi mea e ae?  Heaha ke kumu kupono no ka hookomo ana i kekahi iloko o ka Ekalesia?  Ua ae aku anei oe i ka Iesu olelo?  Ua kupono anei ka hoike manaoio o ko kakou mau Ekalesia E@ane@@o no na kanaka a pau loa e ae aku?  Ua kauoha ia anei kekahi hoike manaoio?  Mataio 10:32-33.  Roma 10:10.  Heaha ka olelo a ka poe lunaolelo?  Heaha ka launa pu ana o na hoahanau?  Heaha ka wawahi ana i berena?  Heaha ka hu@ manawalea o na poe hoahanau?  E pono anei ke lilo na waiwai a pau loa i waiwai no kekahi hui e puunaue aku ai ma ke ano kaulike?

III.  Ka Hui o ka poe hoahanau me ka Ekalesia mua?  Ke ano kahunapule?  Ka launa heahea?  Heaha ke kumu o ko lakou olioli?  Ua pono anei i ka poe manaoio ke noho mumule?  Heaha ka manao o ka poe lehulehu mawaho o ka Ekalesia i pili i keia mau haumana mua o na lunaolelo?  Heaha ka hana a ka Haku, p. 47?  E pono anei ia oe ke haalele i kou mau waiwai a pau loa i mea e loaa ai ke ano haipule maoli?  Ua loaa anei ia oe iho kamoali waiwai nou wale iho no?  Heaha ke akahai o ka naau, 47?  Ua hoike ia anei keia akahai e na hoahanau a pau loa?  Ua pono anei ka hoole a haalele i ka ekalesia no na k@hihewa a me na hemahema o kekahi poe hoahanau?

MANAO PILI.

1.  E hoolaia ana anei kekahi me ka mihi ole, me ka manaoio ole?

2.  Ua pili anei ka hoola i na kanaka a pau loa, a i ole paha, i ka ae wale aku no?

3.  Ua loaa anei i kekahi ka hoola ina paha aole e imi oia e kokua a hoola i na mea e ae?

4.  Heaha na hana maikai o kou manaoio?

5.  Hiki anei na Ekalesia Euanelio o Hawaii nei ke ulu pono ke ole ka launa pu ana me ka Uhane Hemolele a me ke kokua ana i ka poe @e@e?

NA LETA

[Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe mea kakau.]

Hoouna Hoohilahila ia.

MR. LUNAHOOPONOPONO;

Ma ka Poakahi, la 6 o Iune, ua hoouna pupuahulu ia ʻ ku o Paahao (k), he elemakule kokua mai lepela mai ka Panalaau aku no Wailuku e Wm. H. Tell, i hoike no ka aoao o ke aupuni imua o ke Kau Kiure ma ka hoopii a Hon. G. S. Nahinu.  O keia elemakule o Paahao, aole oia he hoike imua o ka Aha Apana o Molokai nei, aka, o Kaaihue a me Keanu o laua na hoike imua o ka Aha Apana, o laua no hoi kai loaa pono aku i ka Palapala Kii Hoike a ka Makai Nui o na Honoapiilani.  Aka, ma ke ano hoomaimai o Keanu, a hiki ole ke noho pu me kana Ewa, nolaila, ua haalele iho keia elemakule o Paahao i kana wahine ma ʻ i, a me na keiki ekolu no Pukoo.  Ma ka Poalua ae, la 7, ua kau aku la ma ka mokuahi Waimanalo no Kahului, a i ka aneane ana e hiki i ke awa o Kahului, au ohi mai ke kapena i ka uku moku o na ohua a hiki ia Paahao, ua hoole aku o Paahao, aole a ʻ u wahi dala.  Nolaila, ua ninau ke Kapena; "Nawai oe i hoouna mai?"  "Na Uilama Kele," wahi a Paahao.  "Heaha ka mea i haawi ole mai ai o Uilama Kele i dala nau, i ole oe e pilikia?"  Aole i haawi mai, " wahi a Paahao. O keia ka hoohilahila mua loa ia ana o keia kanaka elemakule, o ka oi loa aku o ka hoohilahila ia imua o ka Makai nui o Maui, oiai hoi keia:  Eha hele ana o keia Paahao e noi dala ai imua o ka Makai nui, no kona mau uku moku, ua pane mai ka Makai nui, "aohe o makou kuleana ia oe, no ka mea, aohe oe he hoike no ka aoao aupuni i loaa i ka Palapala Kii."  I ka elima o ka hele ana e noi, ua loaa @ai la $2.00 mamuli o ke aloha.  He kanaka o Uilama Kele i kamaaina i ka oihana makai no Honolulu, aka, pehea la i hooneleia ʻ s keia elemakule?

S. HOLOLANI.  Kalaupapa, Iune 23, 1892.

Ahu Kupanaha i ka Luna Alanui o Molokai

Eia ma keia aoao o ka huli Koolau o ka Mokupuni o Malokai nei, ma ke Alanui pali e iho ai a hiki ilalo o Kalaupapa, e ike ai ka lehulehu i na hana pakolekole a keia Luna Alanui.  Ua hoomaka ka hana ana ma kahi aole he pilikia, malalo aku nei, aole hoi i hana ia ma kahi a J. Kahaulelio i hana mua ai, aka, ua hana ia he Alanui hou, nona ka huina dala he $60, a oi aku, aka, aole i pau pono i ka hana ia, I ka hoomaka ana o ka @a, ua hiolo iho la, a lilo hou no ke dala o ke Aupuni i ka hoonoho ana me ka pohaku, ina he kanaka naauao keia Luna Alanui, in a ua hana ia ma ke alanui Kahiko aole e hiki i ka $25. na hoolilo, aka aole pela keia.  Ua waiho wale ka aoao malalo nei o ke Alanui e hiki aku ai i ke kumu o ka pali, a ua lelel aku nei ka hana ana o ke alanui ma ka welau mai o ka pali, e waiho ana i ke alanui kahiko, a e hana ana he alanui hou, I ka hoomaopopo ana, ua oi aku maluna o $100 na lilo no keia hana ana, aole nae i pau ka elua hapa kolu o ke alanui i ka hana ia, me he mea ʻ la he hookahi hapa kolu wale no, Elua la hana o ka pule i kekahi wa, a he 10 la hana o ka mahina i kahi wa, Ua oi aku ka holomua ame ka maemae i@a ma ke alanui kahiko ka hana ana, ina au emi mai na hoolilo a ina ua pau ka hana ana i keia wa.  Eia kekahi mea hilu i keia Luna Alanui, aole ike i ke kakau, na kekahi kanaka o Pupuke ka inoa nanae kakau na la hana o kanaka, ina paha e hana keia kanaka i ka hana apiki, e ili ana keia kaumaha maluna o keia Luna Alanui naaupo.  O ke koena papa o ka uopo o na kona ma Molokai, he papa lahilahi, a eia ke waiho nei ma Koolau nei, E lawe ia ana i Nihoa i mea kukulu hale no ka Luna Alanui, Penei keia hooheno ana.  "Heaha kau hana e ke Aupuni.  Hoopau kenikeni o ka Lahui,"  He makahiki eepa loa keia o ka Mokupuni o Molokai nei.  He naaupo ka Luna Alanui, a he kii o Kalaipahoa ka Luna Makaainana.  I Koolau nei keia e hiolani ai, a pau ka mahina, ohi ke 140.  Nui kela, makepono ke dala o ke Aupuni.

Mose Kailiwai.

Na Pomaikai o ka Aina.

Eia ma ke awawa o Honokohau nei he poe paeli honua no ka hoomomona hou ana i ka aina.  Oiai aole i ike nui ia ka hu ana o ke gula i ke au i hala, aka, i keia manawa ua nee loa mai nei ka hu ana o ke gula i ka aina nei.  Nolaila, ua hana hou ia na aina i waiho loihi ia a i hana hou ole ia hoi i ke au i hala a i keia manawa ke hana ia nei.  Oiai ma keia mau mahina ke hele mai nei na keiki o ka Aina Pua no ke kuai ana i na loi kalo a ka poe mahiai, mai ka Malu Ulu o Lele mai a mai Honokowai mai, no ke kumukuai makepono $1.50 no ke eke hookahi a eia no hoi he poe kalepa Iloko o ka aina nei no ka hanai ana i ka poe ma Kaanapali.  Ea ke pii mai nei ke dala o ka ai.  Nolaila, ke ike nui ia aku nei ka poe hapauea o ka aina nei e hele ae ana e hana i na kuleana mahakea e mahiai, a pela pu no me na opio kane o ua aina nei. 

He nui no ka poe mahiai-hookahi no oi o Kukahaoa ka mea iaia ka @iki, mea ae no e hana aku ana au i kela aina o ʻ u, o kana hana mau no ia aohe wahi mea a pau iki o na aina o na eia no ke waiho mai nei.

Ua lilo iho nei ka laiki o ka aina hui o Honokohau i ka poe paeli honua o Honokohau ma ka mahele hapalua me Kupa o Honolua, eia ka poe nana e hana nei i keia hui mahiai laiki, David Kawahinekoa, Kaiwi, Liwai Kaili, Haiakalani a me Alai (pake).

JOHN SAMUEL HALELEHUA.

Honokohau, Maui, June 20, 1892.

Na Mea Hou o Honokohau, Maui.

MR. LUNAHOOPONOPONO;

Aloha oe:- He nui ka wela o ka la ma Honokohau nei i keia mau mahina, ke olelo mai nei kekahi poe kahiko aole pela i na makahiki loihi i hala aku nei, ke maloo mai nei ka nahelehele o na pali a me ka mauu o na kula hanai holoholona o ka Hui o Henry Baldwin ma, ke pau mai nei kekahi poe bipi i ka make i ka mauu ole.

No ka ai- He pii ke kumukuai o ka ai o Honokohau nei i keia makahiki, 20 paono a oi o  ke paiai hookahi 50 keneta no ka busela ai moa, $1, ai i kahi wa ke hiki loa i Lahaina, no ke eke ai maka ke lawe a hiki i Honokowai $1.25, ina e e hiki loa i Lahaina he $1.50 a pii aku; ke olelo nei ko o nei poe kahiko, o ke kumukuai kiekie loa keia o ka ai aole mai mua mai.

No ka aina mahi laiki - Ke lohe ia mai nei e lilo ana i ka hoolimalima ka aina kanu laiki o Honokohau nei i ka hui kalo balaoa o o Wailuku, a e kanu ia ana i ke kalo, a oo lawe no i Wailuku e hoomoa ai.

No ke Kahukula Nui - Ma ka hora 6 p.m. o ka la 12, hiki mai la ke Kahukula nui A. Atkinson a me ka Luna kula o ka apana o Lahaina Mr. Henry Dickenson a hoaumoe ma kahi o Jos. L. Kaili, a ma ka hora 4 a.m. la 13 ua mokio aku la no ka hoike ana i ke kula o Kahakuloa.  Hora 12 a.m. oia la no, hiki hou i Honokohau nei, hoomaha iki hora 2:30 hoike keia kula olelo haole i noho kumu ia e D. Taylor.  O ka nui o na haumana o keia kula he 13.  He 4 haumana he 3 no mahina i ao ia ai, a o ke koena aku ua hele mua no i ke kula.  Ua hoomaka mai ka hoike i ka mahele 4, na ke kumu a me ke Kahukula nui i hoike.  Mahele 3, he uuku na haawina i loaa, o ka hapa nui aole i loaa.  Mahele 2, he hookahi no haumana o keia papa.  Na ke Kahukula i ninau mau iaia ma ka helu hoonui, aole no i loaa iaia, na ke Kahukula no i hoomaopopo aku loaa ai.  Mahele 1, hookahi no ninau ma ka Alemakiki. helu puunaue, aole i loaa pono loa, koe ka mahele 5 aole i hoike ia.  I ko ʻ u nana ana aole i lawa.

Lau kanaka ko makou mau kapakai i keia mau la no ke ku mau mai o kahi mokuahi Waimanalo.  Hora 10:30 a. m. ku mai la o Hawaii, i lawe mai i na bipi kea Kere@ania o ka hui hanai holoholona o Baldwin ma, o Honokohau nei, u ua hoihoi ia aku kekahi bipi no na kula o Kaanapali e ka Luna Nui, oia o R. C. Searle.

KIU.

Honokohau, Maui.

He mau Hooheno no ke Kai Hawanawana.

PUOHO KA PAKE.

Ma ka la i nehinei, ka la 22 o keia mahina, ua hopu ia he poe pake no ka hele ana e lawaia ma ke kai.  Aina Leialii o Kawaihae, a hookolokolo ia imua o ko makou Luna Kanawai Apana, S. H.. Mahuka, o ka Loio o na pake, o S. H. Kahukula, a o Z. Paakiki, ma ka aoao o na kanaka.  He wahi pake hou keia o ka noho ana ae ma ke ano hoolimalima i ke kai, owaowala kela, puoho ka pake.  O ka inoa o keia poe i hoopii ia e kela pake, o Ku, Kaono, Kaluahi, Kalili (w), a me Kaaihue.  O ka inoa o keia pake nana e hoole nei aole kuleana o na kanaka Hawaii, a kupa o ka Aina Leialii e lawaia a kuai aku. oia no o Iana pake.  Ua hoopuka mai ka Aha i kana olelo hooholo, e hookuu ana i ka poe i hoopii ia.

HAIOLELO.

He Haiolelo ko Kawaihae nei a ke lawelawe ia nei ka hana a ka Haku ma ke komo ana a haipule pu me na poe ma ʻ i, a pela aku.  O ka inoa, oia no o Joe.  Aiu, he haumana no ke kula kahunapule mai.

TOM S.K. NAKANELUA.

Na A@@@i o Kona Hema.

Ke hana mao ole nei no ka ua ia Kona nei, he kohu loi na alanui mauka ka ukele aku ukele mai.

Ke pii mai nei ka momona o ko makou Makua Lunakanawai S. M. Kekoa, e hoohewahewa ana paha na makamaka ke ike hou iaia, au uhekeheke na paplina.

Ua noho iho nei ka Papa Alanui o Kona Hema nei i ka Poakolu, la 15 o keia mahina akahi no lakou a noho; oiai, akahi no a loaa mai nei ka hookohu o ka lakou Luna Alanui oia o John Kauwe.

O ka hana nui o ka lakou halawai, oia ka noonoo ana i ka uku o ka Luna Alanui, o ka uku i hooholoia $50.00 no ka mahina; Nui kela! Palahu keia!!

O ka mea apiki, o ka nui o na wahi dala Auhau alanui o Kona Hema nei, $700,00 dala wale no no ka Makahiki, o ka uku hoi o ka Luna Alanui $600, no ka Makahiki; alaila, hoohahi no wahi haneri i koe.  Heaha la kahi e hanaia o ke alanui o Kona Hema nei.  Naauao keia Papa Alanui, i ka ai a koe ka pala na ka mea hale.

Hokai no hoi na pai punahele, ko Nahinu mau noia.  He ma-u ia, no kahi wa aku.

S.Z. KUKAHILANI.

Kona Hema, Hawaii, Iuue 18, 1892.

NANEA KAMAHAO

O KE

KEIKIALII

ROMEALA;

KA

Ui Kila Maganeti

O PARAMERI.

Ka Nani e haule ai ka Honua;

Ka Mahina Meli o Salaredina;

Ka La Alohi o Mulisedera:

Na Kulu Koko Kamahao Ekolu.

Na Ui Hookelakela

O KE AO HOLOOKOA.

NA NANI

Puuwai Uahoa o ka Honua nei

A O KE

Kila Maganeti o ke Aloha - "O Parameri no ia."

Ano, e na kiai e haawi aku i ke kauoha o ka hoomakaukau maluna o ko oukou mau koa a e kiai ia me ka makaala i na palena a pau o Homelana nei, i ole ai kela aea haukae nui e komo wale mai a hehiku i kaihiihi o ko kakou aupuni.  A e hoomanao pu ia hoi, aole loa keia keiki e komo lanakila mai i loko o na palena aina o Homelana nei, a e lilo no ia i luahi na kuu inaina.

Me keia may olelo hope o ke kauoha a na lehelehe o ke kupua Lomela i luai aku ai, aia hoi wawalo paiakuli ae la ka lewa me na leo ole o ke kukala kaua no ka hoike ana aku i au kupua Lomela nei, aohe palena i koe o Homelana i nele me ka makaukau ana nona iho.

E kolili enaena ana na kapuahi upa makani a na kupua ia lakou ka mana a me ka ikaika o na ahi pele o Welekana, a o na mana pani hoi a ka ino o ka hekili a me ka uwila, ke holopapa ala ia me ka weliweli nui e hiki ai ke haehae ae i ke aupuni o Homelana me he pepa ala, aia pu hoi ka makani a me na o maka ua o ka hooilo ke hehiku la i luna o ua aina laa a kapu o Homelana, a i loko o na minute pokole, lanakila ae la lakou maluna o Homelana a puni, a ma ka olelo pokole ana ae, aohe ahailono no ke keikialii Romeala i ke sekona mua loa ana e keehi aku ai kona mau kapuai i luna o ua aupuni la.

E ka mea heluhelu, e makaikai mua aku kaua no ua loea nei o ke ao, a na ka hopena o kana huakai e hoike mai i ka puana o ka moe e like me ka hookaau a ia kini i hala mua aku.

"Pa kahea a Koolau wahine,

Ahea oe maliu i ke ala

Eia loko ua haiki

Ua luuluu me Hanalei."

E ka mea heluhelu:  O keia ae la na kahoahoa mua a kaua e makaikai aku ai no ua loea la, oiai oia e hookokoke mai la no na palena aina o Homelana.

"Mapu ala kupukupu,

Hinano oia pua,"

E like me ke kulana mua o au loea nei a kaua i haalele aku ai ma kona alahele e hoea mai ai i ke aupuni o Homelana, pela no oia e haulani mai nei i keia mau minute o ka hoomakaukau kaua nui ma ka aoao o ke kupua Lomeala, a iloko o na minute pokole, aia ua loea nei o ke ao ke haaheo ala i na palena e hookokoke aku ai i na ipuka e ike ia aku ai ua aina kapu ala o Homelana, a oia ka ua loea nei i hanu kaumaha iho ai iaia iho me keia mau olelo.  Ua kokoke mai na minute e kuu ai ko ʻ u luhi o keia huakai hele loihi, a ke lana kuhihewa ole nei ko ʻ u manao, na ʻ u ana no e haaheo na kihi eha o Homelana nei, a hoike aku hoi i ko ke ao holookoa, he pio lakou i haulehia malalo o ka malu o ke aupuni o Parameri.

Me keia mau olelo a ua keikialii Romeala nei iaia iho, haka pono aku la kona mau maka i mua no ka aina o Homelana e waiho koi@@@ mai ana i mua o kona mau kiionohi me he ao makani la ka lele mai, a o ia hoi ka ua keikialii nei i hoomaoe ae ai me keia mau olelo:  Me he manu ala ka hoi ke aupuni o Homelana e lele mai nei i mua o ʻ u mau maka, me he ala e kono okoa mai ana no i a, u e kipa aku e lilo i ka mahele malihini na kona mau kaiaulu.  A-e Homelana, eia o Romeala a hoea aku e luakaha pu me kou mau luhiehu.  I malihini au a i hale kipa oe e hoomaha iho ai i na maopaopa o keia huakai loihi, a na ko kaua mau hipuu auanei o ke aloha e hookuikahi ia kaua iho no ka wa hope loa.

Ia Romeala e ka naenae ana me kela mau olelo, aia ke ala waianuhea o na pua a na ahiuhiu makani i lawe mai ai, ke hooheno ala i ka ihu o ua loea nei o ke ao me he ala - o.

"Hoonaona kamahele

Hoomahie ka lehua

Hana maka hia ia

I ka luna o Waialeale."

Emoole, aia ka nani papu o ka aina o Homelana ke waiho lahalaha mai la i mua o ke alo o ua loea nei, a o ia kana i pane iho ai i ke kulu koko ekahi.  "E ke aka kino-wailua kulu koko kamahao ekahi,"-e haawi i na hoomaha ana no kau huakai, a e makaala no ka wa e loaa aku ai o ke kauoha.

E like me ka moku e holo paukiki ana i luna o na kikiao makani iakiak a lu-la iho i ka wa e pohu a pio ai o ka makani, pela no ke kulu koko kamahao ekahi i ku iho ai i kona mana hono, a aia oia i kela wa ke ku malie la i kahi hookahi me ala e.-

"Kakia kuinao a ke akamai

Ka iki noeau o Lehua,"

Ma keia wahi e ka mea heluhelu, i hoomaha iho ai ke keikialii Romeala no ka wa mua loa o kana huakai heihei ku i ku kapu o Homelana, alaila me ka palanehe o ka eleu nui, wehe ae la ia i kana ohenana makalii a kilohi pono aku la ia maluna o ka aina o Homelana.

[Aole i pau.]

He Hoomanao La Hanau.

Ua malama ae J. Keohokii a me kana lede he wahi paina la hanau no ka laua wahi moopuna, ma ko laua home noho ma keokea, Kona Hema, Hawaii, ma ka la 2 o keia mahina, a o ka piha ana ia o kona makahiki hookahi o kona hanu ana i na ea oluolu o keia ao mauleule.  He maikai na lealea o ka la hanau o ke kama, ua wehe ae ko luna poe i na pale pouli o na ao hoomamalu hakumakuma, a ua pani ia na puka wai o Kulanihakoi, a ua ike mai ko luna i ko lalo.  Malalo o kekahi lan@i nui i hoomakaukau ia, i akoakoa ae ai na ohana pili ponoi o ka mea nona ka la, a me na poe e ae he nui i kono ia.  Oiai ke anaina e hoolulu ana malalo o ka malu o ua lanai la, ua pahola ia mai la he papaaina nui, i hele a luuluu pono i na ono a ka puu ana ole e ana ai ke hoonuu iho, oi noke iho a, eha e ae la no ia puaa uwauwa a me poi awawa. Pehu kela!

Mahope iho o keia hoonuu ana, kawele ae la na ihu, a holoi ae la na nuku, a hoolai iho la ke anaina ua luhe, me ka manao he mau lealea kekahi ia e pili ana no ka la o ke kama, a he rula maa mau ia iwaena o na ahaaina a pau.  Ua uleu ae la no hoi ke Komite hoolealea i kana hana, a ua kono ia aku la no hoi na poe no ia hana.

W.K. KINO.

Keei, Kona Hema, Iune, 1892.

Ua kakau mai o Messrs. Cage & Sherman o Alexander, Tesaka ia makou, no ka mea i pili i ke ola ana o ka ma ʻ i rumatica, penei: "Ua kaa mau ia ka bela moe e ka wahine a Mr. Wm. Pruitt, ko one@ Lunaleta, e ka maʻi rumatica no na makahiki loihi. Aohe mea i loaa iki iaia e hoola iki ae ai.  Ua kuai aku makou iaia i kaomole o ka Chamberlain Laau Hoola Eha (Chamberlainʻs me Pain Balm), a ua hoola loa ia kona eha e kela omole hookahi.   Ke kuhikuhi aku nei makou i na mea a pau e ninau aku iaia no kona hoola@0 mai i keia hoike."  He 50 keneta o ka omole hookahi, a e loaa i na mea kuai laau a pau.  OBenson Smith & Co., Na Agena ma Honolulu.

Hoolaha @umau.

PAPA! PAPA!

AIA MA KAHI O

Lewers & Cooke

(LUI MA),

Ma ke kahua hema o Alanui Papu me Moi.

E LOAA NO NA

PAPA NOUAIKI

O kela a me keia ano,

Na Pani Puka, na Puka Aniani,

na Olepelepe, na Pou, na Oʻa, na Papa Hele, na Papu Ku, me na Papa Moe he nui loa.

NA PILI HALE O NA ANO A PAU

A me na

WAI HOOHINUHINU NANI

@@ na ano a pau loa.

Na Balaki o na Ano he Nui Wale

Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo ana mawaena o Laua a me ka Mea Kuai.

Hele Mai e Wae no Oukou iho.

2357-q

KA AYER SASEPARILA

Oia ka LAAU oi loa o ka maikai no na mai i hookumu ia mai ke koko ino mai.  Ua oi loa ae hoi, no ka mea, o kona kahua i hookumula ai o ka

Honodorusa Saseparila Oiaio,

No ka mea, o ka LAU NAHELEHELE a me na mea a pau i maa i ka hoohuihui ia, oia na laau oi loa o ka maikai, a no ka mea hoi ua ike ia ka waiwai lo ma ka lapaau ana i na MAʻI o ke KOKO- ua oi ka

Ayer Saseparila

ma na mea a pau e hooikaika a e kukulu hou ai i ke kino i hoonawaliwali ia e ka maʻi a me ka eha.

Ua hoonoono ia ka ai, ua hoopau ia ka maʻi o ka waihona hoowali ai, ua hooikaika ia ke Ake a me ka Puu Hoowali ai, a hoohana maikai ia na iaia a pau o ke kino.  Ua hookuke ia mai ke kino ae, ka laau make o ka ALAALA, ua hoola ia na EHA, na PUHA, na RUMATIKA, na MAIHEHE, na HUEHUE a me na maʻi ma ke poo kahe wale o ka hupe, a ma na wahi a pau ke hooia mai nei na Kauka alakai i ka maikai o keia laau.

Ke hoola nei ia hai, a e hoola no hoi ia oe.

No ke KUNU a me ke ANU o ka

Ayer Cherry Pectoral

ka laau lapaau alakai o na ohana.

No ka NALULU, ka LEPOPAA, ka LENA a me kekahi mau mea inoino e ae o ka opu, e lawe i ka

AYER             HUAALE       CATHARTIC

E makemake nui ia nei e ko ke ao a puni.

Hoomakaukauia e Kauka J. C.

AYER & Co., Lowell, Masekuseta.

HOLLISTER & CO.

Na A@@@@ ma ka P@@@@@@ Hawaii.

@@@@-q

KAKELA

ME KUKE

KA HALEKUAI NUI

O NA

WAIWAI LIKE OLE.

NA MEA HANA

KAMANA A PAU

PAHI, UPA, PULUPULU.

NA PENA

KAA:- PALALA.

IPUKUKUI

A ME

KA AILA.

PALAU!

A me na mea Mahiai.

NA PAKEKE POI

Ipuhao, Iliwai.

Makau me Aho Lawaia

Mikini Humuhumu

MIKINI A WILCOX ME BIGGS.

Na Mikini a Remington

Kakela me Kuke

@@@@-q