Ka Nupepa Kuokoa, Volume XXXI, Number 20, 14 Mei 1892 — NA LETA. [ARTICLE]
NA LETA.
[Aole o makou makemake e lawe i ke koikoi o na hala no na manao i hoopuka ia mamalo o keia poo e ko makou paoe mea kakaa.] Ko ka Ua Lani Haahaa mau Anoai. Hana, Mei 6, 1892. He elima ae nei pule o ka hoomalihini ana mai o ka ua ia Hana nei, e uwe ana o Kanepuniu i ka wela o ka la, ha-ula mai ke ko, nele mai ka wai e hiki ai i ka mahu ke wili a pani ia na hawai a houluulu ia kahi wai no ka mea kupono wale no i ka inu. A i ka Poalua nei nae a hoea wale no i ka Poakolu nei ka haule ana mai o ke kuaua. A hiki i keia pule, akahi no a loaa mai ka hookohu luna alanui o D. Toomey no ka apana o Hana nei, me ka nui hoi o ka nauki i ka Kale Mahope mau apa. Ke paiauma nei ka apana no ke ino o na alanui. He manawa loihi ae nei ka noho pololi ana o na loio, aole loaa wahi pauku iwi o keia mau la e loaa ai la hoi koalaala. Hune ka aina. Heaha aku nei la ka hana a ka Lunamakaainana o makou i holo e aku nei i Honolulu me ka hele ole mai iwaena o makou e wehe ai i mau halawai makaainana. KAUIKI.