Ka Nupepa Kuokoa, Volume XXXI, Number 20, 14 Mei 1892 — Page 3
| This text was transcribed by: | Lani Fukunaga |
| This work is dedicated to: | Dwayne Steele |
Ka Nupepa Kuokoa
KE KILOHANA POOKELA NO KA LAHUI HAWAII.
@@ HOU HAWAII.
@@laikuni ia anei ka opiuma ma hawaii nei ?
@@ hoomau ia anei na luna aupuni @@auoi ia ma na oihana aupuni ?
@@a laulaha ae la ka lono, ua holo @@ a kekahi mokuahi huli limahana @@ a Pae Aina o Kilipaki, me ka @@ ao e hoopiha iho me 700 Kili@@a hiu aku no Mekiko.
@@ e kukulu ia nei he hui o ka poe @@pa, o ka manao nui, e hoihoi ke @@po ana o na aie a i kela a me ke@@ pau o ka malama, aole ka wai@@ ekolu malama aliaila kikoo.
Ua haalele na lunakanawai kini@@Wall a me Grabbe o keia kau i ka laua noho lunakawai ana, ma@@ o ke kuaki a me ka namunamu @@@ pualii uhalu i ka rula ana, a ua @@ la ma ko laua wahi o J.W. @@ter a me Noa Kauhane.
@@ keia Poalua ae, oia ka wa e @@a aku nei e ku mai ana ka @@ kuahi holo kuwaena Auseteralia @@ kema awa mai Kapalakiko mai, @@elu hou aku ana no ola no ke @@ ana i holo mai ai, ma ke awa@o ka Poalua, Mei 24.
@@kele mai lawelawe ia kekahi @@hi kanaka manaonao ma Hoae@, Ewa, i kekahi la aku nei i hala @@la hebedoma, mawaena o ka @@ ekalesia a me ka lunakanawai. @@ wai ka hala? aole na ka aukuuu.
MOAE.
@@a pau na hookohu Lunakanawai @@ana o Hilo Akau, Hawaii, a me Kailua, Oahu, aka ua wae hou a no ka Aha Kuhina a waiho aku no ko ka Aha Keikei apono mai, i @@inoa o E.W. Barnard a me S. Kalamakee, na kahu nua no o a wa i pau.
Ua noi mai o M.K. Beniamina, @@kai himeni o na Kula Sabati o Makawao, Maui, o na himeni hui o @@le i ka la 3 aenei o Iulai, penei @@ ia: Hokuao Nani, na himeni @@ na aoao 165, 270, 248, 175, 282, @@ a me 196; Lei Alii, ma na aoao 46, 60, 78, 104, 111 a me 144.
Ua kukulu hou iho kamokuahi @utonic o ka Hui Laina Mokuahi @oku Keokeo o ka Moana Atelanika @ ia hoomanao no kona wa holo loa a kana huakai hope mai nei i holo a mawaena o Nui Ioka a me Queenstown ma Enelani, he mamao 2900 milo iloko o 5 la, 23 mau ra me 29 minute.
Mamuli o ke ku ole ana mai o ka @okuahi City of Peking i ka la 4 @ku nei o keia malama, mai Kina a @e lapana mai, o like me ka mea i @ookaha mua ia mai ai, ua kohokoho ale ia iho malia ua puka ae ka @ a'i smaola poki mawaena o na @ua pake a nolaila ua hookolo ke apena e hali loa i na ohua o Honolulu nei i Kapalakiko.
O na moho hookuku kinipooo o oal auina la, mawaena no ia o na @ali kanaka makua Honolulu a me@unalii Crescent no ka manawa ua loa i keia kau. Ke upu ia aku nei, o hoakeukeu ae ana ka puali amalii ia lakou iho i keia paani @na me ka manao o loaa wahi make a lakou. Ina pela, e mokolukolu ana na poe makaikai o keia auina a ma ke kahua o Makiki.
Ua ku mai ka mokuahi Alameda @a Honolulu nei i ka hora 9:30 ka ahiaka Poaono i hala, mai Kapalahiko mai, me 82 ohua kapena no Honolulu nei a me 24 ohua kapena o na Paualaau. Mawaena o na @aua kamaaina i hoi mai, o Hon. a me Mrs J.B. Atherton, mr a me Mrs. C. L. Carter, Mr. W.O. @ater a me kana wahine hou a @kekahi poe e ae. make aumoe ma po iho, ua holo loa aku ka @ameda no na Panalaau.
@@ ka la 8 aku nei i hala, ua loaa @@ ke kino make o kekahi paa@@na Iapana ma Olowalu, Maui, i @manao ia ua pepehi ia a kanu ia ila@@ o ka lepo, aka no ka papau paha o @@a lua, ua honi ia a eli ia e ka ilio, @@ hamama. Ua hue ia ke kino ma@ke a ua loaa aku he puka poka ma@hope o ke kua. O keia Iapana, ua @@halowale ola mai ka hana aku i ka @@ 4 Mei. Ua manao ia na kekahi 2poe no o kona lahui ihoi pepehi iaia a make. ma ke Kinau mai o keia ia, e lohe ia mai ai na mea a pau.
Ua Holapu ae ke ahi i ka hale o Mose Palau ma Waikahalulu, Honolulu nei, i ke aumoe Sabati a ao ae Poakahi aku la i hala, a nome iho la a pau. Ua hiki aku na kaa kinai ahi helu 2 a me 1 ma ke kahua o ka poino me ka awiwi pupuahulu a hoomoe na iliwai no ke kiani, a o ka wai a ka helu 2 kai lele koke i ukali ia me ka hikiwawe e ko ka helu 1. Ua hoolimalima ia ka hale i kekahi kanaka okoa aku, aka o ka kahi o ke ahi i pau ai, aole mea i ike. Ua palekana mai no kekahi mau pono oloko o ka hale. ua paa no ka hale i ka panihakahaka ia.
Mawaena o na ohua a ka Alameda i lawe mai ai i ka Poaono i hala, o ka Hope Kanikela Amerika hou lou kekahi no Honolulu nei, oia o Mr. W. P. Boyd. Ua lawe koke ae oia i ka lawelawe hana ana o kana oihana.
Ela no ka aoao Libaraia o Honolulu nei ke hoomau nei i ka lakou mau halawai paipai a hoeueu hookahuli aupuni i kela a me keia po Poaha. Kokoke e kaawe kekahi o na alakai no ke ko ole o kona makemake.
Ma ke hookuku kinipopo o ka auina la Poaono i hala ma ke kahua o Makiki mawaena o Kamehameha a me Hawaii, na pualii Hawaii maoli wale no o ka poe paani, ua lawe ae o Kamehameha me kona nou popo hou loa S. Mahuka i ka hanohano o ka paani ana, lloko o hoekahi hora me 15 minute wale no me hookahi paani i koe, a i ka 4 puni a Kamehameha ia 1 a Hawaii. Oiai, ua nui na hapakue ma o na hoa oaani mau la o ka Hawaii, aka ua paa no nae i na pani i ano akeukeu iki mai mai ka paani ana ae i ko no wa mua.
I ka auina ia Poaono I hala, ua loaa aku ma ka poli o ka haole hao lanahu James Godfrey o Alameda iaia e anehe ana e puka mai iwaho nei o ka puka pa o ka uwapo mokuahi Oceanica, he elua mau tni opiuma maloko o kona papale. Ua hopu koke ia oia a hoopaa ia. A i ka huki ia ana aku o kona keena moe oluna o ka mokuahi, loaa hou aku la he 18 mau tini opiuma. A i ka hookolokolo ia ana imua o ka Aha Hoomalu i ka Poakahi aku nei ua ae maoli oia i kona hewa. nolaila ua hoopai aku ka aha iaia he $250 a me na koina, aohe hoopai hoopaahao.
Ma ke Alameda o ka la 7 aku nei i hala, ua ku mai la ma Honolulu nei o Kapena Beach, kela haole kaulana i ke aholoa i ka luu a me ka noho ka ia. Ua apo ia aenei oia e ka Luna nui o ka Hui Alahao a me Aina o Oahu, a e hooikeike ia aku ana kana hana kupaianaha iloko o ka halau nui o ka Hui, malalo o ka olu kohai o ka ululaau o Manana, Ewa, i ka hora 1 o keia anuina la Poaono. E lawe ana oia i kana pahu aniani nui i hoopiha ia i ka wai, a e luu iho ana ia iloko o kela pahu wai. A laia malalo o ka hohonu, ua hiki iaia ke ai, ke uni, ko puhi paka hana pahoalao, ua puhili na rula maa mau o ko ke kanaka hoohana ia ana. Uku holo kaa ahi a me ka makaikai ana i keia hana akamai, he 50 keneta wale no.
I ka hora 2 auina la Sabati i hala, ua malamaia ka hoolewa o P. Fernandez i make ma ka lawe ia ana mai ka hale noho mai ma Kapalama a i ka luakini Katolika Roma. A mahope o ka pau ana o na hana haipule kupapau maloko o ka luakini i ka lawelawe ia e Rev. Makua Leonora a me kekahi kahunapule iho, ua hali loa ia aku ke kino pupapau no ka ilina ma Koula, i alakai ia e kekahi mahele o ka Puali Puhi Ohe Hawaii a me ka Ahahui Pukiki Sana Anatonio he 80 a oi ka nui, a i ukali ia aku o hope o ke kaa kupapau e ka ohana nui nana ke kupapau, na makamaka a me na hoaloha maluna o na kaa lio he 13 paha ka nui. A ua noi mai makou e ka ohana i kookaumaha ia, e pahola aku i ko lakou mau hoomaikai i na ulehu a me na poe e ae i kokua mai ia lakou ma na mea a pau, oiai ko lakou wa e noho ana iloko o ke aloha paumako no ka makua i hala e aku.
Mea Hou O Kalaiakamanu
E Ka Nupepa Kuokoa;
E oluolu moi oo ia'u ma kahi ka awale o kou mau kolamu e hoike ae i kela mau huaolelo e kau ae la maluna, i ike mai ai na hoa haihai olelo mai ka la puka ma Kumukahi a hiki i ke ahi o ma Makuaiki i keia mau mea hou penei;
Ma ka wanaao o ka la 4 o Mei, i ka wa a ka pohaku heikili e hoonaueue ana i na paia lani, e anapu ana hoi ka uwaila me ka weliweli, haule mai la ka ua, oia ka manwa i halulu mai ai ka wai o na kahawai me he nalu kaikoo la a kahe mai ia me ka ikaika, me ka hoopoino ana i na mea kanu a me na hale pu no hoi. He poino nui keia o makou ma o na hana pono oie a ka wai.
Eia ke hoomaamaa nei ko makou mau keiki kinipopo iloko o keia mau la, no ka hookuku aku me kekahi poe ma ka la 11 aenei o Iune, ma Pukoo.
He ikiki welawela ka ia i keia manawa, he hana hookalakupua paha na ka wahine hoopahaohao e ike ia nei ma Kau, Hawaii.
Jos. Koa. Kaunakakai, Molokai.
KOHO BALOTA KINIPOPO
NO KA MEA OI O KE AKAMAI A ME KA ELEU.
P. Lishman ka mea Oi o na Balota.
Na Makana e Loaa Ana.
Ke Kolu o ka Helu Ana.
Ua malamaia i ke ahiahi Poalima i hala, ka helu ekolu ana o na balota i hookomoia e ka lehulehu i ka hebedoma e pau ana i ka hora 4 ahiahi o ka la 6 o Mei maloko o ka Halepai KUOKOA, no ka wae ana i ke keiki oi o ke akamai a me ka eleu kinipopo o na poe i komo Hoko o na puali e paani nei.
O ka nui o na balota i hookomoia iloko o ia pule, he 284, a o ka hopena, ua haule o Mahuka, mai ka paa ana i ka helu ekahi i na hebedoma elua mamua iho a i ka helu ekolu, a o Percy Lishman o ka puali aohe wahi make hookahi, ua kau ae la ia i ka helu ekahi, a o J.O. Carter opio a me Geo, Angus, ua pai laua no ka helu elua.
Ke hoomaopopo ia ko ka lehulehu ohohia no keia koho balota e wai i ka lakou keiki paani kinipopo i anoi ponoi ai, ua hiki ke ike ia, eia ke pii nei ke ohohia a me ka maamaalea o ka lehulehu. No ka mea, he 79 wale no mau balota i hookomoia ma ka helu mua ana, he 193 mai i ka helu elua ana, a he 284 ma ka helu ana o ka pule 1 hala.
Aole no he mea i maopopo i keia wa ka mea e lilo ai o na makana, no ka mea, malia paha ma ka helu hou ia ana aku o na balota ma ke ahiahi o ka la 13 o Mei, e pau mai ana i ka helelei keia poe oi ae la maluna, a he poe okoa aku ana na mea oi.
NA BALOTA.
E pau ana Mei 6. Huina,
HONOLULU.
J.H. WODEHOUSE 5 14
GEORGE LUCAS 2 3
CHAN WILDER 6 25
E. WODEHOUSE 3 13
C. CONRADT 7 9
H.M. WHITNEY, JR. 2 16
CHARLES WILDER 3 9
W. LUCAS 11 14
J.O. CARTER, JR. 39 70
JAMES LEMON 2 3
HAWAII.
M.K. KEOHOKALOLE 4 5
J. THOMPSON 0 2
KEIKIALII J.K. KALANIANAOLE 2 5
GEORGE ROSA 0 2
JNO. FRIEDENBERG 1 1
PALMER WOODS 1 2
STEPHEN MAHAULU 1 1
J. PERRY 1 1
D. KAMAKAUAHOA 1 3
A. LAWELAWE 4 4
CRESCENTS.
C. WILLIS 11 12
GEORGE ANGUS 46 70
W. WILDER 6 18
P. LISMAN 50 86
LIONEL HART 0 1
J. SOPER 14 29
C.J. HOLT 0 1
F. WOODS 1 1
J. GRUBE 1 2
D. CARTER 0 1
KAMEHAMEHA.
S. MAHUKA 19 66
ROBERT BAKER 2 4
PHILIP DAVIS 6 29
W. AHIA 1 1
C. KAANOI 1 1
ROBERT PAHAO 13 14
G. CUMMINGS 1 1
W. MEHEULA 15 16
J. HARBOTTLE 1 1
HUINA 284 556
NA MAKANA E HAAWI IA ANA
Makana Akahi - He palapala holo makaikai manawalea i ka Lua o Pele a hoi mai, ma ke ala aku o Hilo, maluna o ka mokuahi Kinau, me ka lilo ole no ke kaa hoolimalima a me ka lio mawaena o hilo a me ka Lua o Pele, a me na lilo ole o ka noho ana i ka Hale Hookipa. E pau ka mana o ka palapala ae hoio ke hiki i Dec. 31, 1892.
Makana Alua - He Iwakalua Kumamalima Dela gula Amerika.
Makana Akolu - He hookahi makahiki lawe wale me ka uku ole i ka nupepa puka la P.C. Advertiser, a i ole i ka nupepa Hawaiian Gazette.
NA LETA
[Aoie o makou makemake e lawe i ke koikoi o pa hala no ma manao i hoopaka ia mahalo o keia poo e ko makou poe mea kakau]
Ko ka Ua lani Haahea mau Anoai
Hana, Mei 6, 1892. He elima ae nei pule o ka hoomalihini ana mai o ka ua ia Hana nei, e uwe ana o Kanepuniu i ka wela o ka la, ha-ula mai ke ko, nele mai ka wai e hiki ai i ka mahu ke wili a pani ia na hawai a houluulu ia kahi wai no ka mea kupono wale no i ka inu. A i ka Poalua nei nae a hoea wale no i ka Poakolu nei ka haule ana mai o ke kuaua.
A hiki i keia pule, akahi no a loaa mai ka hookohu luna alanui o D. Toomey no ka apana o Hana nei, me ka nui hoi o ka nauki i ka Kale Mahope mau apa. Ke paiauma nei ka apana no ke ino o na alanui.
He manawa loihi ae nei ka noho pololi ana o na loio, aole loaa wahi pauku iwi o keia mau la e loaa ai la hoi koalaala. Hune ka aina.
Heaha aku nei la ka hana a ka Lunamakaainana o makou i holo e aku nei i Honolulu me ka hele ole mai iwaena o makou e wehe ai i mau halawai makaainana.
KAUIKI
Poho o Molokai i ka Lunamakaainana Haihai Kanawai
Aloha oe: - E oluolu kou ahonui e hookomo iho i keia manao pane i ko - G. S. Nahinu manao e olelo nei i kona hoopiiia no ke komohewa i ka aina o ka Papa Ola ma Kalaupapa.
Ma kona hoike manao e olelo ana, e hookomo ia kona manao hana kue kanawai i ike mai ka lehulehu, ma keia, ke pane nei au, he kanaka kue kanawai o G. S. Nahinu ka Lunamakaainana o Molokai a eia hou, he kanaka lauwili. No kona kue kanawai, nolaila, ua hoopiiia oia ma ia hana ana, oiai, ua ike no aole i loaa mai kona palapala ae e hele ilaila a hele no nae, he kupanaha keia G.S. Nahinu o ka loaa ole o ka palapala ae e hele, alaila hele no nae, aole peia na Lunamakaainana mua o Molokai, oiai, aole lakou i hoopiiia no ke komo ana ina ia wahi i hoomalu ia e like me ke kanawai, a i keia G. S. Nahinu hoi, eia ka e hoopiiia oia mahope iho o kono lilo ana i kaukanawai, auwe, ke poho o ka apana o Molokai. Eia hou keia, he lauwili keia wahi kanaka G.S. Nahinu kona inoa oialo, eia kona inoa oiaio o T.S. Nahinu, ma e nana ia ma ka balota, e ike ia no o T.S. Nahinu, a pehea la i hoololi ae nei a o G.S. Nahinu, nolaila e like me kona lauwili i kona inoa, pela no kona lauwili a kue kanawai, a ua haule ino ko Molokai mau makaainana i keia Lunamakaainna kue kanawai, a e hoomanao e ka poe nana i koho iaia ke ike e ia nei keia mau hana a ka Lunamakaainana a oukou, a o ka hana e hoea mai ana, he lauwili no, e aho iki na poe mamua paha auanei mamua o keia.
J.K. KAIA
Kalawao, Molokai, Mei 6, 1892
KA MISIONA I KAUAI
MR. LUNAHOOPONOPONO;
Aperila 5, haalele ia Honolulu no Kauai, mal@na o ka mokuahi Mikahala. Ku ma Nawiliwili mawaena o na hora 2 me 3 a.m. Na J.K. Smith i hoolauna ia'u me Mr Kahele. Ua noho pu iho la au me ia ia koena po. Ma ke kakahiaka ana ae ua lawe loa aku o Sam'l Kaeo ia'u no Lihue a hui pu me ke Kiaaina W.H. Rice. Mahope o ko maua launa kamailio ana, hookoloia iho ia e hoopanee ka'u lawelawe hana ana malaila. E hoomaka mua mai ma Waimea, Koloa, a o Lihue ka hope.
Mahope o ka paina ana, kau ma ka lio no Koloa a moe ma kahi o L.M. Mitchell. Haalele ia laila ma ka Poaha ie no Waimea. Ma Hanapepe, ua hui pu iho la me Mr. Kahaleole a me kona ohana, a na lakou i hoike mai ia'u o Kuaana a me Aihoi na kanaka kaulana i ka anaana o ia wahi. Ua ao aku no o Mr. Kahaleole e hoopau ia mau hana naaupo, aole nae i hoolohe ia mai.
Ua hele aku au me Kahaleole no kahi o ua mau kahuna nei, owau o mana kai hele loa aku a halawai me kekahi kanaka mai ka hale ahaaina mai, a nana i hoike mai aia no laua iloko. ua hele pololei aku au a hiki imua ona a kamailio aku i ka pono ole kana mau hana, kona ao hewa a me ke alakai i ka uhane o kela poe kanaka e make iloko o kana mau hana hoomanamana. Ua kipahu mai oia ia'u e hele, a pela pu hoi me na poe e nonoho ana o na kane me na wahine Olelo mai lakou i ko'u mahaoi a me ka pupule. Aka, aole ia he mea no'u e kuemi hope ai, ua kamailio aku aku au iala e hoopau i kana mau hana hoomanamana. I ka hiki ana mai o Kahaleole, ua hoomaka koke au e haiolelo ma ka lanai o ka hale, me ke kuhikuhi ana ia lakou i ke aia o ke ola. Ua hoike pu aku i ka hopena i loaa i keia kahuna hoomanamana o Lanai, a i ka pau ana o ka'u olelo, ua lele mai kela mau kahuna me ka olelo ana e make ana au i ke alanui a e hoi uhane ana i Honolulu.
Haalele ia Hanapepe no Waimea ia ahiahi no a hui pu me Lilikalani. Malamaia he halawai ma ia po ma ka luakini o Loweia, a ua nui na kanaka i hiki mai. Moe ma kahi o J.K. Akina. Aole i malama la he halawai ma ka la 8 ae, mamuli o ka ua ana.
Ma ka Poaono, haalele ia Waimea no Koloa. Ma ke Sabati ae, malama i ka hana o ke anaina haipule o ka auina la. Ua hele pu au me Mr. Mitchell a me kekahi mau opio ma ka halewili a malama i anaina haipule iwaena o na paahana. he kakaikahi na kanaka Hawaii malaila. Hiki makou ma ka hale o kekahi kanaka Moremona, a mahope o kona hoole ana ua ae mai la ia makou e haiolelo ma kona hale.
Poakahi, hele au i ke komo hale me Mitchell ma Koloa, aole nae i halawai ma ia po mamuli o ka ua ana. ma ka Poalua, ua hele hou maua no Lawai a me Koloa iho no i ke komo hale. A ma ka Poakolu ae, mamua o ka noho ana o ka Ahahui o Kauai, ua noi ia mai au e heluhelu i ka moolelo o ko makou ahahui, a ua noi pu ia mai no hoi e Rev. J.B. Hanaike e noho a pau ka Ahahui E@anelio, alaila hoi no Lihue.
Ua halawai ka ahahui ma ke ahahi, a mahope o ka pau ana o na hana o ia la, ua hooholoia e malama i halawai haipule ma ka po Poaha, a ua lilo ia'u ka malama ana i ka hana ia po.
Poalima, halawai ka Ahahui Kula Sabati. Aole au i noho pu ma ia halawai, a ma ka halawai ana o ka Ahahui Opiopio i ka auina la, ua noho au a kukakuka pu me na lala o ia aha no ke kumuhana "Kinai hoomanamana a me na mea ino." Ua nui no na keakea ana mai a na lala, aka ua noi ikaika aku o Miss J. Smith e ae ia au e kamamilio, a ua wehewehe pono au i ke ano o ke kumuhana imua o na hoa a pau, aka ua kue mai la no kekahi poe. Ua ku mai la nae he wahine a olelo:
He oiaio loa na mea i oleloia, ke hoomanamana nei na opio me na kanaka makua, nole e hiki ia oukou ke hoole ia mea, no ka mea ua ike au, a ua ike oukou ke hoomanamana nei na kanaka e like me na mea a Keliipio e olelo nei.
Oia ka manwa i pau ai ka hoohalahala a me ko lakou hoole, a ku mai la o Miss Julett Smmith e mahalo i kela wahine no kona hoike ana mai ke hoomanamana nei na kanaka Hawaii, mamua o kona lohe i ka poe e hunahuna ana me ka hoole, aole he hoomanamana o na kanaka.
No keia mea, e hoomaikai aku kakou 1 ke Akua, no ka mea aole ia i hoonele mai i ka kakou hana e manaolana nei no ka pono o kona aupuni ma ka honua.
Mahope o ka ninau ia ana, ua hooholoia e waiho ma ka lima o ke Komite. E pule i ke Akua no lakou a me ka lakou hana, i kinaiia hoi ka hewa.
Poalima, no Waimea i ka la 16, holo maua o Lilikalani no Kekaha, no ke kii ana i na mea hoomanamana a kekahi kahuna. Sabati 17, halawai haipule ma ka halepule o Lowela. I ka pau ana, ua hele mai o Lowela opio e hoike i kona manao kuhihewa, o ka poe mawaho kana i manao ai i ka hoomanakii, o ka poe no ka kekahi iloko o ka ekalesia. No ka mea ua hoopili no au i ka'u haiolelo no'u a me oukou ko'u mau hoalawehana. E kaua ikaika no Iehova i ka manawa imi no na aumakua. ua paipai aku au e hoopau i ka hoomana palua, e imi i ka haawina o ka uhane o ke Akua.
Haalele ia Waimea no Hanapepe, halawai haipule maiaila. la 18, no Koloa; la 19, komo hale ma Koloa. la 20, no Lihue, a ma ia ahiahi ma ke alo o ka haleluai i malama ai au i ka halawai akea.
Moe ma ka hale hookipa o W. Rice, halawai hou maiaila, a ua nui mai no hoi na kauaka ia ahiahi, a pela no hoi i ka la 22. La 23 ma Nawiliwili, mamus o ka holo ana mai o ka moku ma ia ahiahi, halawai ma ka hale o ka Ahahui Poiopio.
Sabati la 24, ma ka luakini o Lihue; auina la, ma ka halepaahao; I ke ahiashi, ma ka hale o ka Ahahui Opiopio; mamua o ka hookuu ia ana o hana o ia po, ua hooholoia, e hoomau ia ka halawai ma ia hebedoma ae.
La 25 ahiahi, haiolelo alanui, i ka hora 7:30, ma ka hale hui Opiopio, a ma ka la 26, ma ke alanui, ma ka po, i ka hale hui.
La 247, halolelo ma ke alanui, ua hoopaneeia ka halawai o ia po. La 28, aole i halawai no ka ua o ia po, aka ua haiolelo ma Kapaia, he anui no kanaka o la wahi. Aole i haiolelo ma ke alanui ma ka la 29 no a ua. Halawai ma ka hale Hui Poiopio ma Nawiliwili ma ka la 30 mamua o ke kau ana ma ka moku.
He nui ka mahalo i na poe i kokua aloha mai a me na hoahanau iloko o ka Haku a me na hoaloha a pau.
D. KELIIPIO.
@EALAHA HOU
MUTUAL 76 – NA TELEPONE – BELL 179
H.H. WILLIAMS & CO.,
KA POE HOOKONO MAL@KUAI AKU A ME
HANA PAKA O NA HOONANI HALE
MAIKAI O NA ANO A PAU ME KA MAKEPONO
ME NA E LOAA NO
Piano I Hanaia Na He Kupapau
Me ke kupeno I kela ea Na @@baku Mebela o wae ai a ka
Aole Mu e komo Makemake Lawe
MAANEI E LOAA AI
NA LAKO KANU KUPAPAU, KAA
A me na Pono Ia-loa I ke kino o ka mea aloha
OLELO HOOLAHA !
O ka noho Agena ana no na LAAU LAPAAU OHANA A JAYNE’S a ko makou Hui Kalepa I paa loihi ai, ua lawe ia aku nei a aia ia MESSRS. BENSON, SMITH & CO., ka hui kahi o na kauoha laau lapaau a pau o ia ano hoouna aku ai mai keia wa aku.
KAKELA & KUKE
HONOLULU, FEB. 4, 1892
O NA HUAOLELO AULII
I PUKA AKU I KA WA PONO
Au Oi ka Maikai o ia
I KO MA MEA HOOLOHE WALE MAI NO
Au loaa mai nei ia oukou ko makou wahi e ku nei. MAI POINA OUKOU. E haawi ia ana ia oukou NA HOONAAUAO AKAHELE ANA, a ua ike no hoi oukou AU OI AKU KE EMI o na mea a oukou e kuai ai mai a makou aku mamua o na wahi e ae o ke kulanakauhale nei, a o kekahi o ka makou mau mea kuai he haahaa loa maoli. O ka makou mau lako laau lapaau, HE HOU A MAKAMAKA LOA. E HOOMANAO! Ina oukou e makemake I NA LAAU KUNU, SOPA, HUAHUAKAI, AILA LAUOHO, a me na mea a ae he lehulehu, HELE MAI @@
HOBRON, NEWMAN & COM.,
NA POE KUAI LAAU LAPAAU
Huina o na Alanui Papa me Moi 237@@@
Hoolaha Hooko Moraki.
MAMULI O KEKAHI MANA kuai I hoike ia maloko o kekahi palapala moraki I hanaia mawaena o PAUOLE o ka aoao mua, a me Robert Grieve o ka aoao elua, ma ka la 2 o Augate, 1888, I kakau kope ia ma ka buke 112, aoao 63, a mamuli o ka ukahi ia ana o na kumu aelike o kela moraki, ola hoi ka uku ole ia o ke kumupaa I ka wa e uku ai; nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
Ke hoolaha hou ia aku nei, mahope aku o ka pau ana o na hebedona ekolu mai ka la aku o keia hoolaha ana, aialla e hoolaha ia aku no na aina I paa maloko o ua moraki ia no ke kuai kudala akea ma ka hale kudala o Jas. F. Morgan ma Honolulu, I ka hora 12 awakea POAONO, ia 28 o MEI, A.D. 1892.
Hauaia I keia ia 21 o Aperia, 1892.
ROBERT GRIEVE, Mea Moraki mai.
Penei na aina I moraki ia;
O-kela apana aina ma Kamoiliili I ikeia o Maulukikepa, a I hoakakaia ma ka Palapala Sila Nui Helu 8579 a Kuleaoa Helu 5364 ma ka inoa o Kalama a me Nakookoo, a ma ia apapa he 50-190 eka, I hooliloia ia Pauole ma ka palapala kuai a Kamakauila, I kopeia ma ka buke 52, aoao 570. 2386-4t
HOOLAHA HOOKO O KA MORAKI.
I KULIKE AI ME NA HOOKO ana o kekahi moraki I hanaia ma ka in 20 o Iune, 1859, e HENRY MACFARLANE o Honolulu, mokupuni o Oahu, ia Charlotte Coady o ia wahi hookahi no, I hoopaaia ma ko Keena Kakau Kope Buke 11, a ma na aoao 558 a me 559, e paa ia nei e ka mea nona ka inoa malalo iho ma na hoolilo lehualehu ia ana mai; ke hoolaha ia aku nei ka lohe I na mea a pau, ke makemake nei ka mea nona ka inoa malalo I ho e hooko I ka moraki no ka uhaki ia o ka aelike, ola ka kokaa ole ia o ke kumupaa a me ka ukupanee.
A ke hoolaha hon ia aku nei ka lohe, mahope aku o ka pau ana o na kebedoma ekolu mai ka ia aku o kela hoolaha aua, e kuai ia aku no ma ke kudala akea na waiwai I paa maloko o ua moaki ia ma ke kulanankauhale o Honolulu, mokupuni o Oahu, ke hiki aku I ka la 10 o IUNE, 1892, hora 12 awakes o la la, ma Hale Kudala o Jas. F. Morgan.
No na mea I koe e ninau is
GODFREY BROWN,
Kahu Waiwai a mea I lilo mai ai o ka moraki.
O ka waiwai I paa maloko o ka moraki, oia kela aina e waiho nei ma ke kihi Hikina-Akau o na huina alanui Nuuanu a me Beritania, Honolulu, I ikeia ma ka inoa Hotele Kaopuaua.
2388-7t
Hoolaha a ka Luna Hooponopono Waiwai.
AU HOOKOHU PONO IA MAI KA MEA nona ka inoa malalo iho I Luna Hooponopono Waiwai no ka waiwai o MANASE KEHALE (k), no Waimea, Kauai, I make, e ka Hon. Jacob Hardy, Lunakanawai Kaapuni Apana Eha o Ko Hawaii Pae Aina. Nolaile, ke hoolaha ia aku nei na mea a pau ina he mau koina ka lakou I ka waiwai o ka mea I make, e waiho mai I ka lakou bila iloko o na malama eono mai keia la aku me na hoolaio kupono, a I ole pela e hoole mau ioa ia aku no. A ina he mau waiwai ko ka mea I make e paa ia nei e kekahi poe, e hoihoi koke mai ia’u, a o na poe I ale I ka mea I make e hookaa koke ia mai ia’u.
JOHN A. AKINA.
Luna Hooponopono Waiwai o Man@ae Kahale I make.
Waimea, Kauai, Apr. 29, 1892 2397-4t
Hoolaha Hooko o ka Moraki a me ke Kuai
I KULIKE AI ME NA HOOKO ANA O Kekahi moraki I hanaia ma Dekemaba 12, A.D. 1887, e HALIIMAILE (w) a me NOA (k) kana kane o Honolulu, mokupuni o Oahu, ia JM Monsarrat o ua Honolulu ia no, a I hoopaa ia ma ke Keena Kakau Kope, Buke 105 a ma na aoao 411 a me 412; ke hoolaha ia aku nei, ke makemake nei ua J M Monsarrat ia e hooko aku I ua moraki ia no ka ukahi ia o ka aelike, oia ka hookaa ole ia o ke kumupaa a me ka ukupanee I ka wa e hookaa ai.
Ke hoolaha hou ia aku nei, o kela mau aina a pau, na pono hoaaina a me pilikana I paa iloko o ua moraki ia, e kuai ia aku no ma ke kudaia akea ma ka Hale Kudala o Jas F Morgan, ma alanui Moiwahine, Honolulu, I ka Poakahi, ia 23 o Mei, A.D. 1892, ma ka hora 12 awakea o ia ia.
Penei na aina I paa maloko o ua moraki ia;
O kela mau apana aina e waiho la ma Kalihi, Kona, mokupuni o Oahu manaua ae, nona ka @@@ he 3 4-100 mau eka, a o ia na aina iloko o ka Palapala Sila Nui Helu 1256, Kuleana Hoona Aina Helu 1251, I hoopuka ia no Kinopu a mai a Kinopu aku lilo I ua Haliimaile (w) la ma ka palapala kuai I hanaia I ka ia 25 o Okatoba, A.D. 1851, a I hoopaa ia ma ka buke 72 a ma ka aoao 27. J.M. MONSARRAT.
Mea e paa nei I ka moraki.
Hanaia ma Honolulu, Apr. 26, 1892 @@@@-4t
J.S. SMITHIES (KAMILA,)
NOTALI no ka LEHULEHU
A NE
Agena Haawi, Palapala Mare.
Mahukona, Kohala, Hawaii 2373-1t
P PUHALAHUA
LOIO LOIO LOIO
Ua ae ia mai au e lawelawe imua o na @@@ Hoomalu a me Apana a pau o k@@ Aupuni He Agena Hooiaio Palapala @@ ka @@@@@@@@@ Mokupuni e Maui.
E loaa no au I ka Ua Poepap@@ @@@@@@@@@ ma Hana I kekahi mauawa. @@@@@.
HOOMALU
Kuai Kudala
MA ka mana o elua palapala ahi @@@@ @@@ waiwai a ka Ahahookoiokolo Mana o Waialua, mokupuni o Oahi, o ka la @@ @@ Aperia, @@@@ malaua o na waiwai e H@ @@ @@ @@@@@@ Ho, Leong Chin, a me Au Yat, na @@@ hoop@@@ maloko o ka Hui Sing Tai Yuen, no ka @@@@@ na poe hoopii @@@@ @@@ Chang @@@@ @@ @@ Cho maloko o ka Hui o @@@@ Wo, @@ @@ huina o @320 ka aie, @kupanee, na koiua @ @@ ka uku komishina. A me ka paiapaia hoomalu maluna o na waiwai o ka poe I hoopii ia a @@@@ ia ma luna, no ka huina @@@@@@ @@ @@e, koloa a me ka uku komisina.
Au ehi a ua hoomalu na I na wiwai o pa poe I hoopii ia no ka p@@@ o na @@ hoopii, a e kuai kudala aku ana ma ka.
HORA 12 AWAKEA O MEI 24, ‘92
E hiki mai ana, maluna o ka aina ho@@malina o na poe hoopii ia mai ia Chan Mahoe ma Waikaalulu, Waialua, Oahu, oia ka aina mauka ponoi o na uwapo elua e hui ai na kahawai o Halemano me Opaeula. E lilo no I ka mea koho kiekei, ke uku ole ia mai mamua na @aia a pau I oleloia a me ko’u mau @@io, na waiwai penei:
I Apana aina hoolimalima me ka malawaina oluna ua oo ka hua, I hale l@@@, a me I loi, $30 o ka makahiki malalao o Chan, Mahoe, e pau ana I Mei 29, 1909. Na lako mea hana mahiai. Na lako kuke mea ai, a me na mea e ne e pili ana.
JESSE AMARA
Hope Makai Nui.
Waialua, Apr 23, 1802. @@@-4t
J. HOPP & CO.,
Na Poe Hana ma na Lako Hale o na ano a pau!
Hana Moe, Na uluna Pulu, Etc.
Noho no ka Hoolimalima ana, na Lako Hale me ke kuuauluiai emi.
Honolulu. @@@@@
Hoolaha hookapu Komohewa
KE HOIKE IA AKU NEI KA LOHE I NA Ona a pau na holoholona e helehiwa ia maluna o ko makou mau Aina ma HUMUULA e me ka hapa mauka o @lihoua, Hilo, Hawaii, e lawe koke aku ia lakou me ka hookauiua ole, a I ole ia e hoopii ia no e like me ka piha o ke kanawai.
HUMUULA SHEEP STATION COMPANY
NA ARMIN HANE@@EO.
Kaleihea, Apr. 8, 1892 2386-4t
Hoolaha Hookapu Aina
KE PAPA A HOOKAPU LOA IA AKU NEI ka holo ana o na holoholona o ka poe e ae maluna o na aina hanai holoholona o’u ma Pilihooua a me ka hapa mauka o homuula, Hilo, Hawaii a ke kauoha ia aku nei o hoonee aku na holoholona me ka hookauiua ole, a I ole, hoopii ia no e like me ke kanawai.
J.T. BAKER
Hilo, Hawaii, Mar. 31, 1892 2384-4t
HOOLAHA HUI
MA KA HALAWAI MAKAHIKI I HOOPA nee ia o ka Hui KONA COFFEE and FRUIT COMPANY I Kaupaienaia, I malamala me ka ia 21 o Aperila, 1892, ma ke Keena Lolo o W.C. Aehi, ma Honolulu, Oahu, ua kohola ua poe malalo iho I mau Luna Nui:
Col. J. H. Boyd Peresidena
Hon. D. H. Nahina Hope “”
Hon. Abr. Fernandez Puuku
W.C. Aehi Kakauolelo
Enoka Johnson @@@ Luna Hooia
Papa Alakai
Hon. Abr. Fernanadez, S.M. Kaaukai Esq., J.K. Khookano Esq. Hon, A. Kauhi, M. Waterhouse Esq, Hon. A. Kono a me Sam C. Dwight Esq.
T.K.R. Amalu Luna Nui
W.C. ACHI.
@akanolelo Kona Coffee and Fruit Company
Apr. 21, 1892 2387-4t