Ka Nupepa Kuokoa, Volume XXXI, Number 18, 30 ʻApelila 1892 — Ua Piha na Makahiki me ka Hanohano. [ARTICLE]

Ua Piha na Makahiki me ka Hanohano.

" Aole loa iloko o ka moololo o Geromania hou, i ike ia ai kekahi mnkaainana e hoohanohano ia ana, e like me Bisimaka ma ka Poalima i hala, Aperila 1, oia hoi ke kanahiku kumamahiku o kona mau la hanau. Ua komo pu mai iloko o ka hoohanohano ana o na hana o keia la, me he mea la aohe i ike ia kekahi anaina e like me keia mamua, kona mau hoaloha kahiko a me na hoaloha hou he nui wale, i mawehe mai ka Kniepera mai ma o kona mau noonoo kupono ole i puka maloko o kana haiolelo ma Bradenburg a me kona hoopaakiki i ka onou mai i ka bila hoonaauao* Pela no me na kahunapule i hoomaau iaia mamua, ua pau lakou i ka hoopoiua no ka hoonauKiuki i ka Emepera, a ua hele aku e hoohanohano pu i ka mea nona. ka la hanau c hookelakela ia ana ma Friedrichusruhi. A me he mea la, ma na hoohanohano i hookahakaha ia malaila, ua hoike aku ia i ka inaina no ke au hou. Ua hoomau mai ka haiuku o na olelowaea hoomaikal "ma Friedrichsruhe ahiki wale i ke ahiahi o ka la 3 mai. Ke hui ia na hoomaikai a pau i loaa mai, aoie no ia e emi iho uialalo o ka 3.500, he mau haneri o lakou mai na poe haahaa mai o na okana ama a pau iloko o ke aupuni, Mawaena o ka poe kiekie i hoouna hoomaikai mai, ka Emeperese Ferederika, ka Moi Sakone, ke Dnke Wahine nui o Crispi a me ka Moi Humebata o Italla, aua oi aku mamua o kanahiku man kulanakauhale ihoouna mai e haawi i na hoomaikai ia Bisimaka ma ka inoa o ko lakou mau kulanakauhale pakalii iho.