Ka Nupepa Kuokoa, Volume XXXI, Number 17, 23 ʻApelila 1892 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KOHO BALOTA KINIPOPO

 

No ka Mea Oi o ke Akamai a me ka Eleu.

 

HOOMAKA ANA KE KOHO I KEIA LA NO KA MEA PAANI MAIKAI

 

E Haawi Ana ke “Kuokoa” he makana I ka Mea Nana ke F.o.

 

E Koha o Like me ka Makemake

 

                I mea e hoomau ia ai ke ohohia a me ka ulumahiehie o na poe a pau i keia kau kinipopo, nolaila ua hooholo iho ka Luna Nui o ke Kuokoa e wehe ia ona pahu balota i mea e akaka ai ma ke koho balota ana o ka lehulehu ke keiki akamai o na puali kinipopo eha e paani nei i komo iloko o ka Hui Kinipopo Hawaii.  E pa’I ia ana ka balota iloko o ke Kuokoa i kela a me keia ponono, a o ka hoomaka mua ana mai keia la ahu no ia.  O ke ana waiwai wale no e loaa ai ke kuleana koho balota, e loaa laia ke kope o ke Kuokoa, a mailoko ae o ia napepa e oki ai i ka balota a hookomo iloko o ka pahu me ke kahau i ka inoa hookah wale no o ke keiki au i makemake ai a me ka pua@ o ia keiki i komo ai.  Aohe papainoa o na poe koho e malamaia ana ua hiki i kela a me keia ke koho ina la he kane a wahine paha, me ka hookae ole ina ia he kauwa.  Ua ae makou e koho balota na wahine, malia o hoeueu ia lakou e koho i ka lakou mau punahele a puka.  I ka wa hea auanei i nele ai na wahine I ka lakou mau mea i makemake ai?

                E waiho ia ana he pahu balota ma ko keena o ka Halepai Kuokoa, Helu 46, Alanui Kalepa, a e hamama ana ka pahu balota no ka hookomo ana I na balota mai ka hora 8 kakahiaka mai o na Poakahi a pau, a e hamama pela a hiki i ka hora 4 auina ia Poalima mai, alaila helu ia na balota i hookomo ia, a hoike ia aku ka huina.  I ka wa e pau ai ke kau paani, hoouluulu ia na huina balota a pau, alaila, hoike ia aku ka mea i eo ai.

                E haawi ana ke Kuokoa i makana i ka mea e eo ai, a e haawi ia ana no he mau makana kupono i ka elua a me ka ekolu o na poe kiekie o na balota.

                Ua hiki no ke hoouna ia mai na balota mai na mokupuni mawaho aku o Oahu, ke oki ia ka balota malloko ae o ka Nupepe Kuokoa a hoouna mai.

                Ua hiki ke koho ke kane a wahine paha, ke kaikamahine a keikikane paha hanau i Hawaii nei a ma na aina e paha ma keia e koho balota e like me kona hookomo ana i ka balota e like me kona makemake.

                Ua ae ia na lala a pau o ka Hui Kinipopo Hawaii e koho.  Eia mailoko mai o keia mau inoa o kela a me keia puali a me na paani e wae mai ai oe i kau inoa e kakau ai ma ka balota i paiia:

 

HONOLULU.

J.H. Wodehouse, Opio.

George Lucas.

Chan Wilder.

E. Wodehouse.

C. Conradt.

H.M. Whitney, Opio.

Charles Wilder.

W. Lucas.

J.O. Carter, Opio.

HAWAII.

Jno. Friedenberg.

Palmer Woods.

Kiwini Mahaulu.

M.K. Keomokalole.

M.K. Keomokalole.

J. Perry.

J. Thompson.

D. Kamakauahoa

Keikialii J.K. Kalanianaoloe.

George Rosa.

A Lawelawe.

 

ONE VOTE

For the Best All-Around Player in this Season’s

BASE BALL GAMES

HAWAIIAN BASE BALL ASSOCIATION

 

Name

Club

 

Aole loa e hela ia na balota e ae ala wale no o na balota i oki ia mai ke Kuokoa ae.

 

CRESCENTS.

C. Willis.

George Angus.

J. Soper.

W. Wilder.

P Lishman.

Lionel Hart.

C.J. Holt.

F. Woods.

J. Grube.

D. Carter.

 

KAMEHAMEHA

S. Mahuka.

W. Ahia.

Robert Baker.

Pilipo Davis.

C. Kaanoi.

Robert Pahau.

G. Cummings.

W. Meheula.

J. Harbottle.

 

Na Kaawe a me na Pepehi Kanaka.

                I ka la 14 o Aperila nei, ma Puunene, Kulaokamaomao, Maui, ua pakaha ae kekahi iapana paahaua i kona ola ma ke kaawe ana a make loa mamuli paha o kona ukiuki i ka anee mau o ka mai iaia.  O kona inoa, o Noda.

                Ma Kapauhi, Honolulu nei, i ke kakahiaka nui Poaono i hala, Aperila 16, ua naauauwaiho i kona ola kekahi keiki hapahaole kamana o Kimo K. Harris kona inoa, ma ke kipu ana i kona poo me ka pu panapana a make loa.  Mamua o kona kipu ana laia iho, ua kakau iho ola i kekahi palapala ma ka olelo Hawaii e mahelehele aua ia kona mau wahi waiwai maluna o ka poe a kona noonoo i makemake ai e hooili aku.  Ua hoomaopopo ia o ke kumu o kona lawe ana i kona ola ponoi, mamuli no ia o ka hoolalao ana o kana wahine mai ko laua home aku a nalowale, me kona hele i ka Ilamuku e koi aku e hoopuka i palapala hopu no kana wahine i nalowale mai kona alo aku a hooko ole ia kana noi no ke akaka ole o kahi i noho ai o ka wahine a me ke ano e paha kekahi o kona noonoo i ka wa i hiki ai i kahi o ka lima lawelawe o ka mana hoomalu.

                I ka hora 7 o ke kakahiaka Sabati, Aperila 17, ua loaa aku e lana ana iluna o ka ilikai o ke awa o Honolulu nei ma ka aoao o ka moku e pili ana i ka uapo makuahi Ocianica, he pake ua pepehi mainoino ia a kiola ia iloko o ke kai.  Ua loaa pu aku no ia wa kokoke loa, he puolo e lana ana mailoko mai o ka uapo, a i ka wehe ia ana ae o ua puolo nei, loaa iho la iloko he @ela mauu, uluna a me ka huluhulu ua hele a hilihili i ke koko a me ka puupuu lanahu i manao ia paha oia ka mea nana e hookaumaha i lalo o ka mea nana e hookaumaha i lalo o ka papaku.  O kela pake make, ua pepehi maoli ia ma ke ano lima koko me kekahi mea oioi, malia paha he koi.  Ua manele ia i Kuapapanui, ua nana ia e kekeahi poe pake, aohe i hiki i kekahi mea ke hoomaopopo owai la ia pake.  I ka Poakolu mai, ua pai ia kona kii a kanu ia aku la iloko o ka ilina ma Makiki.  Ua hooholo ke koronelo he make pepehiia.  A ua hoolaha ia ae he $500 makana i ka mea e loaa ai na ike no keia pepehi kanaka.

                Ma keia Sabati hookahai ae la no maluna, ua loaa aku ke kino i paa ole o kekahi bebe kaikamahine pake e lana ana iloko o ke kai ma kahi kokoke i ka uapo a Hiika e pili mau nei a makai aku hoi o ka Makeke hou ma Kuloloia.  Aole loaa o ka mea nana i hoolei iloko o ke kai.

 

                Ua kaikai ia mai nei he nupepa honi kapa ia “Ka Leialii o Hawaii” Mailalo ma o ka luakupapau o ka elele, ka mea i haule make aku no ka weuweu ole e ola ai.  Ke olelo ne kekahi mea kakau o na Leialii la, no ke kupihipihi loa o na uku paahana o na keiki o ka Halepai Kalepa, nolaila e poioli ana.  Aole keia he mea oiaio, no ka mea ke uku nei ka Halepai Kalepa i kona poe hoonohohua Hawaii ma na uku hana kiekie mai ka ewalu a ka iwakalua kumamalima dala o ka pule.  Aole e hiki i ka Leialii ke uku i na uku hana pela ke kiekie.  Nolaila o ka keia mea kakau e kamailio nei he wahahee loa!

 

NU HOU HAWAII.

 

He 8 ka nui o na moho e noi nei no ka oihana Lunakanawai Kaapuni o Maui.  He 2 haole, 2 hapa haole a me 4 Hawaii.

                E ku mai ana ma Honolulu nei i keia mau la aku, ka mokukana Farani Champlain mai Kapaiakiko mai ma kona ala moana e hiki aku ai i Tahiti.

                A ka la 28 aenei o keia malama i manao ia ai e haalele aku ana ka mokuahi China ia Kapalakiko a holo mai no Honolulu nei, Iapana a me Kina.

                E haalele aku ana ka mokuahi Alameda ia Kapalakiko i keia Poalima aku a holo mai no Honolulu nei a me na Panalaau o ka Hema.  E ku mai ana oia ianei i ka la 5 o Mei.

                Ua hoopai ia o Hon. G.S. Hahinu, lunamakaainana o Molokai, e ka lunakanawai apana Kalauokalani no ka hihia komohewa iloko o ke panalaau o Kalaupapa me ka palapala ae ole mai ka Papa Ola mai, he $10.  Ua hoohalahala aku oia i ka olelo hooholo.

                Eia na poe kakele lio, ke hoomaamaa mai nei i na lio heihei no ka la nui o Kamehameha i Iune aenei, a pela no hoi ka poe kaa hehihehi waewae ma ia kahua hookahi e kikakaha mai nei.  Nolaila e lilo ana keia la 11 ae o Iune i la hookelakela loa ia e ka poe puni lealea.

                O na puali e paani kinipopo ana i keia auina la hora 3:30 ma ke kahua o Makiki, oia o Crescent me Kamehameha.  Olai he mau puali kamalii kula wale o keia a elua, nolaila ke upu ia aku nei e makahe hi ia ana ka laua paani ana o keia la e ka poe a pau e hele ae ana e ike kumaka.

                Ua hiki mai i Honolulu nei i ka Poakahi i hala maluna mai o ka moku kelepa Beritania Benmore mai Livapulu mai, he moku heihei no Lunakanawai Dole a me kekahi poe e ae o Honolulu nei, nona ka loa he 35 kapuai, e 7 ½ kapuai laula, a ua 7 mau tona kona nui.

                I ka hora 8:30 kakahiaka Poaiua aku nei i hala o keia hebedoma, ua ku mai ma Honolulu nei mai Kapalakiko mai, ka mokuahi Australia, me 51 ohua kapena, 24 ohua oneki a me 36 mau eke leta.  He hookahi wahi ohua Iona a keia mokuahi i lawe aku ai a hoihoi ia mai nei no, oia he Pukiki pupule mahuka mai Kalaepohaku mai, a eia ka ia e nalowale nei ua holo aku nei i kapalakiko a hoole ia aole e lele iuka o ka aina.

                Ma ka paani kinipopo mawaena o ka puali hou loa Crescent kue ia Hawaii i malama ia ma ke kahua paani o Makiki i ka auina la Poaono i hala, Aperila 16, akelekele loa ka Hawaii e haule i keia puali kamalii haole, no ka mea he 14 puni a Hawaii i ko Crescent he 12 me hookahi komo ana i paani ole ia e ko ka Hawaii puali.  Malia nae paha ma keia mua iho e ike io ia aku ai ke akeukeu mai o ua puali hou loa nei, aka o ka ehu kakahiaka iho la no nae ia e ike ia ai.

                Ua hoao mai o Ah You pake ia Kapena makai W. Kamana o ka wati 2 e kipe me ke $50 i ka po Poaono i hala mawaho iho o ka Hale Inu Rama Heleuma, e haawi aku ke kapena makai i ka puolo opiuma i ka pake paahao nona ka inoa Aheong.  Ua hopu koke ia aku o Ah You a hoopaa ia i kuapapanui, a ma ka Poakahi mai, ua hookolokolo ia ua pake nei a hoopai ia he $50.  Ua nana no keia wahi pake o ka uwai ana mai la i kana hoao e kipe a i ke kapena makai.  A i mea puni wale ina la ua nalowale keia kipe.  Ua maa ka paha na makai i ke kipe ia i aa ai keia pake e hoao e kipe.

                Ua makana ia mai o Kapena W.M. Freeman o ka mokuahi Malulani mamua, e ka Peresidena o Amerika Huipuia Beniamina Harisona, me ka medala gula, he hoike hoomanao no kana hana aloha o ka hoopakele ana i na aliimoku a me na laina o ka moku okohola J.P. West i pau ai ke ahi mawaho aku o Lae Ahi i ke kakahiaka o ka la 5 o Ianuari.  Ua kahakaha ia na huaolelo haole ma ke alo o keia medala penei: “Makana ia e ka Peresidena o Amerika Huipuia ia Kapena William Freeman, kapena o ka mokuahi Hawaii W.G. Hall i hoomanao no kana hana wiwo ole a ku i ke aloha o ka hoopakele ana i na aliimoku a me na luina o ke kiapa Amerika John P. West i Ianuari 5, 1892”  Ma kekahi aoao hoi na huaolelo: “Mai ka Peresidena mai o Amerika Huipuia.”  Ua haawi ia mai keia e ke kuhina o ko na aina e i ke kapena, mahope iho o ka loaa ana i ka Elele Kuhina Amerika ma Honolulu nei a hoouna ia i ke Keena o ko na aina e.

                Ua pau aku i ka puka mai keia awa i ka Poalua nei, a holo heihei aku ia no Kapalakiko me na piha ukana kopaa pakahi, na moku pea Albert, Planter a me W.H.Dimond.

                Ua hoopuka ia aku nei e ka Moiwahine na hookohu e hookiekie ana ia Hon. Richard F. Bickerton i Kokua mua, a ia Hon. Sanford B. Dole i Kokua alua, no ka Aha Hookolokolo Kiekie.

                He puhi ohe hui ko na Puali Puhi Ohe Hawaii a me ko ka moku adimarala Kapalakiko i keia ahiahi Poakahi ae, ma ke kuea o ka Hotele Hawaii.  Ua noa keia anaina mele puhi ohe i na poe a pau e makemake ana e hele e hoolohe.

                Ua lilo aenei i ke kuai ia o kekahi Hui Kalepa nui o Honolulu nei, na lako hana a pau o ka Hale Hana Hao Uniona i paniku ia iho nei, a i ka Poakahi iho nei ka hoomaka hou ana e hana malalo o na ona hou a me ka inoa okoa Hale Hana Hao Pakipika.

                Ua lohe lauahea wale ia ae, e holo mai ana ka mokukaua Amerika Balatimoa i Honolulu ne e pani i ko Kapalakiko makalua maanei, a e hoihoi ia ae ana ko Adimarala Brown hae maluna o ka Balatimoa e welo ai no keia mua aku.

                O “Ka leii Alii o Hawaii,” oia ka inoa o kekahi nupepa Hawaii puk ia i hoea mai ka Papapai Elele ae ma ko makou ike ole i kona kino a me kona kulana kalai aupuni, aohe a makou mea e kamailio ai.

                Mawaena o na ohua kamaaina koikoi a ka Australia i hoihoi mai ai no Honolulu nei i ka Poalua i hala, na Hou.  G.N. Wilcox a me A.S. Wilcox, P. Isenberg, H.F. Glade, C.M Cooke, C. Bolte, F.M. Swanzy, Samuela Louisson, W.H. C. Greig a me kekahi poe e ae.

                I ka Poakahi aku nei i hala mauka aenei o Kalihi, ua haule mailuna iho o ka hale, he elua mau hapa haole kamana, oia o Liwai Drew a me Kelemeneke, o Drew nae o laua ka mea i kukonukona loa ka eha, he ekolu paha mau iwi aoao i haki a i ole maui, a ua eha no o Kelemeneke aole i koikoi loa.

                Ua hookuu ia o Ah Sing a me You Moe kana wahine, na makua i hoohuoi ia na laua kela kaikamahine bebe hanau hou make i loaa aku ai iloko o ke tini aila mahu ma ke kahawai o Piinaio, Waikiki, i ka malama o Ianuari i hala, e ka Lunakawai Hoomalu o Honolulu nei i ka Poakolu i hala, no ka hoike ikemaka ole na laua i pepehi a kiola.

                I ka la 14 o Aperila nei, ua ninaninau ia ae i mua o ka Aha Kiekie ma Honolulu nei he elima mau poe noi laikini loio no na aha haahaa, oia o Antonio G Correa, P. Puhalahua, D.Z. Naiheelua, J.K. Paele a me J.K. Kanae.  Ua loa awale no ia lakou na palapala laikini a pau.  O Mr. Correa, oia paha ka loio Pukiki hookahi i ae ia o lawelawe loio i Hawaii nei.

                O kela haole oluna o ka mokuahi Mikahala i hapalapala ai i kana mau mea ai me ka laau make a waiho hoohemahema ma kona keena moku, komohewa ia ai e kekahi luina Hawaii o ka moku a ai me ka ike mua ole he laau make a make io aku la, ua hoopaiia e ke kiure haole i ka Poalua nei he $200 wale no.  O ka hihia i hoopiiia ai i ka aha hoomalu, he laweola, aka i mua o ke kiure ua hoololi ia a he hoeha wale no ka hewa a nolaila mai keia hoopai palaueka.

                I ka auina la Poakolu i hala o kela pule, ia Adimarala George Brown, i iho mai ai i ke alapii o ka hale noho o Mr. W.W. Hall, mahope o kona kipa ana aku e ike i ka haku hale a e hoi ana, aia hoi ua pakika aku @a kona kapuai a palaha aku la oia kakaa i ke alapii.  Ua hapai koke ia oia a hoihoi ia i kona hale e noho nei mauka nei o ka aina.  I ka nana pono ia ana, ike ia iho ia ua kapeke ke poi o ke kuli hema a ua maui pa me kona kuli akau.  E hala ana he mau hebedoma e hoomalu ia ai oia no keia ulia poina i ili mai.

                Ua papahi ia aku o Kapena William Davis o ka mokuahi Waila, e ke Kuhina Parker i ke ahiahi Poalua aku nei, me ke Kea Hanohano o Kapiolani o ka papa eha, i hoike no ko ke aupuni hoomanao i kana hana ku i ke aloha o ka hoopakele an i na olulo Hawaii he eiwa ka nui, oiai ko lakou moku kiakahi ua kahuli ma ke kowa mawaena o Maui a me Molokai, a e au ana lakou i ka moana lewa iloko o ka poeleele me ka maopopo ole o ka hopena, e pa pukiki ana ka makani a e kipehi ana na ale kuakea o ka moana maluna o lakoa pakahi.

Hoolaha Hou.

KUAI HOOPAKIKA

O NA

Waiwai a Pau

O KA

HALEKUAI LOLE

ALANUI HOTELE, HONOLULU

Na Kamaa haahaa a me na Buti,

O na Kane, Lede a me na Kamalii.

NA KAKINI KANE ME NA WAHINE

NA PAPALE, NA PAA LOLE, ME NA PALULE.

O na Kane me ka Keiki

KO NA KANE A ME NA LEDE

MAU PALEMAI.

NA PUA< NA LIPINE, NA LIHILIHI A ME NA HULU.

NA LOLE HULUHIPA

NA MERINO, NA LOLE NAHENAHE, NA LOLE HULUHULU AEAE, NA LOLE PAHOEHOE, NA VELEVETA, A PELA WALE AKU.

                A me na mea a pau e loaa ana iloko o na halekuai. 2384-2t

KUAI A KE KAHU MALAMA WAIWAI

O KA

WAIWAI PAA

O KE KEIKI HANAI

E WAIHO LA MA KAHI KOKOKE I KE KIHI KOMOHANA O NA ALANUI MOIWAHINE A ME ALAKEA, E PILI LA I KA HALE HANA HAO UNION, HONOLULU

                Mamuli o ka mana o ke kanoha e kuai i hoopuka ia e ka Mea Hanohano A. Francis Judd, Lunakanawai nui o ka Aha Hookolokolo Kiekie, ma ka la 4 o Aperila, 1892, ua hoonaauao ia mai au e Kahalepouli Shaw, ke Kahu Malama o ANNIE BASIL SHAW, he kaikamahine oo ole, e waiho no ke kudala akea ma ka

Poakahi, Aperila 25, 1892.

Hora 12 M., o ia La,

Ma kuu hale kudala ma alanui Moiwahine, Honolulu, he hookahi hapkolu i mahele ole ia o kela apana aine e waiho ia ma kahi kokoke i ke kihi komohama o na alanui Moiwahine a me Alakea, ma Honolulu, mokupuni o Oahu, oia ka hapa o ka apana 3 o ke kuleana a na Loua Hoona Aina helu 191 i haawi ia ai no Kekauonohi, a i kuhikuhi a hoike ia na palena malalo iho, penei: 11. E hoomaka ana ma ke kihi hikina e pili ana me ka apana 1, iloko o ka apana A no Naopeope, a holo aku me ka apana B. He 45 ° kom. 35 kapuai i ka lihi kai, a ma ka lihi kai ae holo ana ak. 48° kom. 43 kapuai.  Akau 47° hik. 35 kapuai, e pili ana me ko V. Kamamalu no na hooilina, a i ko Naopeope, a ma ko Naopeope a i ke kihi i hoomaka ai.  O ka ili, he 752½ kapuai kuea.

                Aia ka lilo a hooiaio mai ka Aha Kiekie.

                Kuike ka dala.  Na uku hana palapala aia i ka mea e lilo ai.

JAS. F. MORGAN

2384-3t Luna Kudala

Hoolaha a ka Lunahooponopono Waiwai.

                UA HOOKOHU IA E KA HON. J. HARDY Lunakanawai o ka Apana Kaapuni Eha o ko Hawaii Pae Aina ka mea nona ka inoa malalo iho i lunahooponopono waiwai no ma waiwai o J.H. HOOPIOPIO ma Waimea, Kauai, i make, nolaila ke hoolaha ia aku nei na mea a pau ina he koi aie ka lakou iloko o na waiwai o J.H. Hoopiopio i make, e waiho mai i ka lakou bila iloko o na malama eono mai keia la aku, ina aole e hoole mau loa ia aku no ko lakou aie.

VALDEMAR KNUDSEN

Lunahooponopono Waiwai o J.H. Hoopiopio o Waimea, Kaui, i make.

Kekaha P.O.

Waiawa, Kauai, Aperila 1, 1892. 2384-@

Hoolaha Hooko o ka Moraki a me ke Kuai.

I kulike ai me na hookoana o kekahi morakai i hanaia ma ka ia 15 o Iulai. A.D. 1891 e HATTIE KAAIAWAPUHI JONES a me W.B. Jones o Honolulu, mokupuni o Oahu, ia Alexander Cartwright o Honolulu no a i hoop@ia ma ke Keena Kakau Kope, Buke 131, a ma na aoao 245 a me 247.  Ke hoolaha ia aku nei ka lohe i na maa a pau, ke makemake nei ua Alexander Cartwright ia e hooko i ua moraki ia no ka uhaki ia o ka apelike, oia ka hookaa ole ia o ka ukupanee i ka wa e hookaa ai.

                Ke hoolaha hou ia aku nei ka lohe, o keia mau aina a pau, na pono hoaaina a me na pilikana iloko o ua moraki @ kuhikuhi ia, e hoolaha ia aku no ma ke kuai kudala akea, ma ka hale kudala o James F. Morgan, Alanui Moiwahaine, Honolulu, ke hiki aku i ka POAKOLU, la 4 o Mei, A.D. 1892 hora 12 awakea o ia la.

                Pepei ke kuhikuhi ana o ka aina i pau maloko o na moraki la:

                O kela apana aina a pau e waiho ia ma Alanui Emma, ma Kahehuna, Honolulu, oia ka apana 2 o ka Palapala Sila Nui Helu 3612, Kuleana Hoona Aina Helu 538, ia Kaiawahakena, a penei na paiena:

                E hoomaka ana ma ka haplua o ka puka ma ke Alanui Emma, alaila Hema 15 ° 30’ Hik. 1.90 kaulahao, Hema 75 ° 45’ Kom. 64 pauku, akau 22° 30’ Kom. 1.50 kaulahao, ma ko Kanibo a me ka apana i kuai ia.  Alaila, Akau  51 ½ ° Hik. 97 pauku ma ke Alanui Ema a i kahi i hoomaka ai he 133-10@0 eka ka ili.  A oia no ka aina i hoolilo ia ai ia Kahananui (w), makuahine o ua Hattie K. Jones ia e Puuhonua (w) ma ka palapala mahele o Iulai 17, 1888, a i hoopaala ma ke Keena Kakau Kope, Buke 82 a ma na aoao 321, 322 a me 323 i ua Kahananui ia, a o Puuhonua ka hoohina wal iho no o ua Kaiawahakena ia ma ke kanawai.

ALEXANDER J CARTWRIGHT.

Mea e paa nei i ka moraki.

                No na mea i koe e ninau ia J.M. Monsarrat, Loio o ka moraki.

                Kakauia ma Honolulu, Apr. 9, 18@2  @

HOOLAHA HOOPAU HUI.

                O ka hui lawelawe hana i ku iho nei mawaena o H.H. Williams a me J.H. Wood malalo o ka inoa hui H.H. WILLIAMS & CO., i keia la ua hoopau ia.

                Ua kuai wai nei o J.H. Wood i ko H.H. Williams kuleana a ua lilo, a e lawe ana oi i na aie o ka hui o ohi ana i ka poe i aie i ka hui.  H.H. WILLIAMS.

                Honolulu, Mar. 1 18@2.  @

Hoolaha Hou.

Mutual 76-NA TELEPHONE-BELL, 179@

H.H. WILLIAMS & CO.,

KA POE HOOKOMO MAI< KUAI AKU A ME

HANA PAKA O NA HOONANI HALE

M AIKAI O NA ANO A PAU ME KA MAKEPONO.

ME NA E LOAA NO

Piano i Hanaia Na He Kupapau

Me ke kupaeo Na pohaku Ma@

Keia ea wai ai a ka

Aole Mu e komo.  Makemake Lawe.

MAANEI E LOAA AI

NA KAKO KANU KUPAPAU< KAA

A me na Pono Ia-loa i ke kino o ka mea aloha.

HELU 105 ALANUI PAPU...HONOLUU

2@

OLELO HOOLAHA!

O ka noho Agena ana no na LAAU LAPAAU OHANA A JAYNE’S, a ko makau Hui Kalepa i paa loihi ai, na lawe ia aku nei a aia ia MESSRS. BENSON, SMITIH & CO., ka hui kahi o na kauoha laau lapaau a pau o ia ano e hoouna aku ai mai keia wa aku.

KAKELA & KUKE.

HONOLULU, FEB 4, 1892.  23@

O NA HUAOLELO AULII

I PUKA AKU I KA WA PONO,

Ua Oi ka Maikai o ia

I KO KA MEA HOOLOHE WALE MAI NO

Ua loaa mai nei ia oukou ko makou wai o ku nei.  MAI POINA OUKOU.  E haawi ia ana ia oukou NA NOOHAAUAO AKAHELE ANA, a ua ike no hoi oukou UA OI AKU KE EMI o na mea a oukou a kuai ai mai a makou mau mea kuai he haahaa loa maoli.  O ka makou mau lako laau lapaau, HE HOU A MAKAMAKA LOA.  E HOOMANAO!  Ina oukou e makemake I NA LAAU KUNU, SOPA, HUAHUAKAI, AILA LAUOHO a me na mea e ae he lehulehu, HELE MAI I O.

HOBRON, NEWMAN & CO.,

NA POE KUAI LAAU LAPAAU

Huina o na Alanui Papu me Moi  23@

Hoolaha Hooko Moraki.

Mamuli o kekahi mana kuai i hoike ia maloko o kekahi palpala moraki i hania mawaena o PAUOLE o ka aoao mua, a me Robert Grieve o ka aoao elua, ma ka la 2 o Augate 1888, i kakau kope ia ma ka buke 112, aoao 63, a mamuli o ka uhaki ia ana o ua kumu aelike o kela moraki, oia hoi ka uku ole ia o ke kumupaa i ka wa e uku ai; nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

Ke hoolaha hou ia aku nei, mahope aku o ka pau ana o na hebedona ekolu mai ka la aku o keia hoolaha ana, alaila e hoolaha ia aku no na aina i paa maloko o ua moraki ia no ke kuai kudalaakea m ka hale kudala o Jas. F. Morgan ma Honolulu i ka hora 12 awakea POAONO, la 28 o MEI. A.D. 1892.

                Hanaia i keia la 21 o Aperila, 1892.

                ROBERT GRIEVE, Mea Moraki mai.

Penei na aina i moraki ia:

O keia apana aina ma Kamoiliili i keia o Maulukikepa, a i hoakakaia ma ka Palapala Sila Nui Helu 8579 a Kuleana Heiu 5364 ma ka inoa o Kalama a me Nakookoo, a ma ia apana he 50-100 eka, i hooiloia ia Pauole ma ka palapala kuai a Kamakauila, i kopeia ma ka buke 52, aoao570.  2886-4t.

HOOLAHA HOOHUI

A KA HUI

Pacific Coast Home Supply Association o Honolulu.

Ke hoolaha ia aku nei ma keia, o T.E. MARSH, W.R. DAVIDSON a me JAMES SHARP, o Kapaiakiko, Kaleponi, nolaila lakou a pau, a me EVELYN M. OLIVER o Honolulu ua hoolilo ae nei ia lakou i keia ia i poe hui no ka lawelawe ana ma oihana kuai waiwai liilii ma ka Hale Helu 111, alanui Moi, malalo o ka inoa hui PACIFIC COAST HOME SUPPLY ASSOCIATION o Honolulu.

                Kakaula ma Honolulu, Apr. 7, 1892.  2385-2t.

HOOLAHA.

Ma keia ke hoolaha ia aku nei, ua hoolilo loa aku o L. AHLO & CO., o Honolulu, i kona kuleana iloko o ka Halekuai ma Waikapu, i kela ma ka inoa L. Ahlo and Company ia S. Ahfat e uku i na aie o ka Hui, a o na aie aku i ka Hui e ukuia aku iaia.

L. AHLO & CO.

Hanaia ma Honolulu. Aperila 11, 1892

2386-4t

Olelo Hoolaha

E nono nou ana ka halawai kuikawa o na Ona Hui o Moloaa a me Kaapuna ke hiki aku i ka la 7 o Mei, A.D. 1872, hora 10 a.m. ma ka luakini o Ponimoi, Koolau, Kauai.  Ke kauoha ia aku nei oukou a pau e hiki kino ae ma kahi a me ka manawa i hui ia ae la maluna.  Aole no e ae ia kahi hope a mau hope paha ke hele mai imua oia Halawai, me ka loaa ole iaia he hookohu kupono mai na ona mai e apono ia ai imua ola Aha.  Mai hoopalaleha i ko oukou mau pono.

JAMES K. APOLO,

2384-3t  Luna Nui.

KUAI A KA

Lunahooponopono

I KA

WAIWAI – PAA

MA EWA, OAHU.

O ka mea nona ka inoa malalo iho, ka lunahooponopono o ka waiwai o T.T. Kaiaeone i make, no Lihue, Kauai, ke hoolaha nei, mamuli o kekahi kauoha i ae ia e ka Hon. Jacob Hardy, Lunakanawai Kaapuni, Apana Hookolokolo Eha, ma ka la 13 o Maraki, 18@2, e kuai aku ana oia ma Ewa, Oahu, ma ke kudala akea ma ka

Poakahi, Aperila 25, 1892,

MA KA HORA 12 AWAKEA.

I na pono a me ka kuleana a pau o ua T.T. Kalaeone ia iloko o kela apana aina e waiho ma Kalauao, Ewa, Oahu, i hoakakala na palena ma ka H.P. 7@, L.C A 9@ ia Kanikela, nona ka ihi he 73-100 aka.

                KUIKe KE DALA.  O na Hilo palapala i ka mea e lilo ai.

                Ma Kalaneo, Ewa, Oahu, e kuai ai.

                No na mea i koe, e ninau ia

J.W. LOTA.

Kawaihau, Mar, 26, 1892  2383-4t.

Olelo Hoolaha

Ua papa ia na kanaka a pau aole e hele maluna o ka aina o HANAKAPIAI ma Hanalei, Kauai, mai kela ia aku, me ke noi ole ia i ka mea nona ka inoa malalo nei, o hoapili ia ma ke kanawai.

I’LILAMA,

2372-3m  W.F.H. @

Kuai a ke Kahu Malama Keiki.

O ka mea nona ka inoa malalo iho lahapa lialsey, ke kahu malama o ke kiuo a me ka waiwai o KAAULI, he kaikamahine ooole, kekahi o na hooilima o HemaKepohoni i make, e lawelawe ana malalo o ke kauoha o kuai aku i hoopuka ia e Hon. Sandford B. Dole, kekahi o na Lunakanawai o ka Aha Kiekie o Ko Hawaii Pae Aina, ma ka la 12 o Aperila, 1892, a me kealuha kepohoni (k) a me Mary Hook, ka wahine i okila a Sam Hook, kekahi mau hooilina a ae o ua H. Kepohoni ia , e lawelawe ana no iaua iho, e kuai aku ana ma ke kudala akea ma ka Hale Kudala o Jas. F. Morgan, Honolulu, ke hiki i ka hora 12 awakea o ka POAONO, Mei 7, 1892.  I na pono, ke kuleana a me na pomaikai o ua poe hooilina ia iloko o kekahi mau aina i hooili ia mai no lakou e ua H. Kepohoni ia, oia keia malalo iho:

1                      O kela aina a pau e waiho ia ma Kapalama Honolulu, mokupuni o Oahu, nona ka ili he hookahi eka.  Oia ka aina i hoolilo ia mai i ua H. Kepohoni ia ma ke kuai e W.L. Wilcox a i hoopaa ia ma ke Keena Kakau Kope Buke 38 aoao 125.

2                      He hapalua i mahele ole ia o kela aina nona ka ili he 38 605-1000 mau eka i lilo mai i ua H. Kepohoni ia a me Limanui (ola o Kalimanui) ma ka palapala kuai a Mahu (k) i hoopaa ia ma ke Keena Kakau Kope Buke 74, aoao 331, o ua aina ia eia ke waiho nei ma Waialua, mokupuni o Oahu, a o ia kekahi hapa o ka aina i kuhikuhi ia iloko o ka Palapala Sila Nui Helu 1799.

Kuike ke dala, a o na uku hana palapala i ka mea e lilo ai.

LAHAPA HALSEY

Kahu Malama O Kaauli

Kealaoha Kepohoni,

Mary Hook.

2385-3t

Hookapu Komohewa.

Ke papa a hookapu loa ia aku nei na mea a pau, aole e komohewa a kipu wale maluna o kekahi o na aina i ona ia a e paa nei malalo o ka waiwai o Parker ma na apena o Hamakua a me Kohala, Hawaii.

Ma ke kauoha a na Kahu a me a Luna Hooko Kauoaha.  PAULO JARRETT.

Luna Nui o na Aina Hanai Holoholona o Parker.

Waimea, Hawaii, Ian 21, 1892.  2373 3m

J. HOPP & CO.,

Na Poe Hana ma na Lako Hale o na ano a pau!

Hana Moe, Na Uluna Pulu, Etc.

Noho no ka Hoolimalima ana, ua Lako Hale me ke kumuhuai.

Honolulu.  2357-q

Hale Hana Kopa O Honolulu

Ua paa aenei ka Hale Hana Sopa Mahu Hou a ka poe no lakou na inoa malalo iho a ua makaukau lakou e hoolawa aku i ka poe piepiele i ua.

Kopa Maikai Loa Maoli

I hookomo ia iloko o na Pahu 100 paona mai ke 42 a 36 auka Kope pakahi.

Ke hooia nei makou i ka oi o la MAIKAI o ka makou KOPA mamua o na Kopa o waho mai.

Ua kuni ia mawaho o ko makoa mau Pahu me ka hoailona “HONOLULU SOAP CO.,” a e

Kuai ia e na Halekaui Liilii a Pau

HUI HANA KOPA O HONOLULU

M.W. McChesney & Sons,

Na Egena

2858-q