Ka Nupepa Kuokoa, Volume XXXI, Number 13, 26 Malaki 1892 — NA ANOAI O KOHALA. [ARTICLE]
NA ANOAI O KOHALA.
MR. Lunahooponopono: Ma ka la Sabati i hala o Feberuari 28, ua hopu ia eha Kepani no ke puhi rama, a ua hoopai ia $30 o ka mea hookahi, a me na koina pu. Ma ia po iho, ua hamu ae la ke ahi i na halelaau o Kaiopihi, a kahi ka neo. Ua hoomaka ka a ana o ke ahi ma ka hale hui o na pake, a mai laila ae ka moe ana pau ka hale waiho ukana o Beni me na ukana pu, ka hale kuai o Manuela Manina a me na hale moe, 2 hale kuai Pake, hale kuai bibi, hale hana kamaa, hale pakaukau mamua, a me na hale moe mahope, 1 hale o ka Hui o Halaula Kohala a me kahi mau hale liilii e ae. He puhi kolohe ia ke kumu i pau ai. O na pake elua nana e kiai ana i ua hale Hui la, ua paa i ka hopu ia, o ko laua hoopai, aole maopopo. No Mr. Manuia kela wahi, a ua hoolimalima ia e Mr. Akina pake. O ke poho i koho ia, aole maopopo. Nui ka wela o ka la ma Kohala nei, ke pikao mai nei na mea kanu. D. W. KAONOHI. Maraki 10, 1892.