Ka Nupepa Kuokoa, Volume XXXI, Number 12, 19 March 1892 — KA AHA MELE O KA POAONO I HALA MA KAWAIAHAO [ARTICLE]

KA AHA MELE O KA POAONO I HALA MA KAWAIAHAO

Ua hoopiha iu ka luakini nui o Kawaiahao i ka po Poaono i hala, e kekahi anaina nui inaluhia o na kino waihooluu like ole i hoohanohano ia e ke Alii ka Moiwahine, no ka hoolohe ana i na leo mele kani o na puukani i paka maikai ia no ia h ina, a i lapulapu ia mai na kileo like ole mai, na vaiolina, na ohe a me pila kuolo a ka Puali Puhi Ohe, maialo o na hooikaika ana a ka Moiwahine, no kela hana maikai ke kokua ana aku i ke Kula Hana Mikiala o Kauai, a makou i hoolaha aku ai i ka papa kuhikuhi hana ma ka pepa oka hebedoma i hala. A no ka maikai o na mea a pau i hoohana ia e na poe i kuleana i na hana oia po, ua hiki ole ia makou ke kamawae, o k i mahalo wale aKu no ia lakou a pau, oia i ke kumu puhi ohe Berger, Miss F. Noite, Miss Holmes, Miss Dale, Miss McGrew, papahiineni o Kawaiahao, ke Kula Mikiala Kaikamahine o Kawaiahao, Kumehameha Glee Club a me ka Puali Puhi Ohe. Mahalo pu no hoi 1 ka maluhia o ka hale, no ka mea, ua auhee aku na po« pio a me na poe hoonakeke kuleana ole a me na uwauwa kohu ole.