Ka Nupepa Kuokoa, Volume XXXI, Number 12, 19 March 1892 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Anokoa

M E

Ko Hawaii pacaina i Huiia

No ka Makahiki          $2.00

No Eono Mahina         1.00

Kuiko ka Rula.

@

HAWAIIAN GAZETTE CO.

H.M. WHITNEY, Luna Nui,

J.@. KAWAINUI, Luna Hooponopono

Poao@o,         Maraki 19, 1892

 

Ko Enelani Hooilina Alii.

            He mea maa mau no i ka make ana o kekahi kanaka i manao nui ia ua kakauia na olelo hooholo hoalohaloha e hoomaka ana penei, "Oial ke Akua, Hokoo kona noeau a me ke aloha pane leo ole, ua ike ia he kupono e hookaaw@le aku," a pela aku.  Me la ano like ae la o ka hoike ehaeha i hoomaopopo ia aku ai, ua komo pu na nupepa Beritania a me ka lehulehu pu e hoike i ko lakou kaumaha ma ka make ana o ke Duke o Clarence me Avondale.  Ua malama ia na hana ike maa mau i kona hanohano, me na hoike o ka minamina nui i kona make emoole.  aka nae, aia kekahi nune manao ana malalo o ka nuhahuna, a i olelo ia maluna o ka mea oiaio lon. he manao hoolana ia, oiai ua make aku la ke Duke, aole hoi e lilo i Moi no keia mua aku.  O kona kulana nae imua o ka lehulehu mamua koke iho o kona make ana, ua loli ano hou loa ae no ke ohohia la aku, a i alakai ia e ka ulumahiehie in o kona hoopalau.

            He uuku kahi nanaina o ke kulana alii iloko ona ina ka mea oiaio.  Na kona mau inoa pahenehene, "Na Aikala" me "Na Pulima" i hai pololei i kona ano.  aohe no paha ona hana ino, aka nae, ua nawaliwali ola a ua nele ka ikaika kanaka nona e ku ai imua o ka lehulehu Beritania a kono aku e huikala i na hewa o kona makuakane i kela me keia manawa.

            O Keoki kona kaikaina a hooilina alii aku.  He kulana kaawale loa kona mai ka makuakane, ke Keikialii o Wale,  a me kona kaikuaana, make ke Duke o clarence.  Ua ikea aku oia ne kupaa, he akahele a me ka hookanaka.  Iaia i komo ai i ka oihana holomoku, he luina oiaio ola, e hoopoina ana i kona kulana alii ma ka lawelawe ana i kana mau hana.  E like me ka loihi o ka manawa a ka lehulehu i hakilo ai non, ua mamo in he alii kupono loa  oia, i aho'na ae i kona makuakane, a no ia nei na ouli hai mua, e hamau auanei na nune hookahuli aupuni o keia manawa mai ke aupuni alii a i ka ripubalika.  I ke kikoo ana aku imua loaa ka hooia ana mai ua alii io keia wahi moopuna a Victoria e like me ko Victoria noho an a he Moiwahine, he mokuna ano hou aku ia a ka lahui e hoonui'a ai i na hoohanohano nona, ma kekahi aoao hoi ua hoano hou ia lakou no ka nohoalii.

Na Hoao ia no Fedinana.

            Ke hookamaaina mau la ke keikialii Fedinana o Bulegaria i ke ano  o na hauoli o ka paphi ana i kekahi kalaunu, ma o ka hoohuoi ia ana mai nei o kana kuke ponoi i hoao ai e hanai iaia i ka laau make.  Ma ia manawa like, ua hoopaahao ia ho kanalima mau aliikoa o ka pualikaua malolo o ka hoohuoi o ke kuka malu e pepehi a make ke kuhina nui Stamboloff.  E kupu ia ana ke kuke a me kekahi mau allikoa, ma ka noonoo wale ia aku, aka, ua ulu he ninau e i ana, heaha la ka pomaikai e loaa ma ia hana ana?  E like nae me ka loihi o ke ola hoomau ana aku o keia mau kanaka Bulegaria nawaliwali a kue nui ia, e nee mai ana ka manawa o keia mua aku me ka piha i na ohumu kipi.

            I kumu hoohalike no keia alii o Blegaria, e nana aku i ke Czar of Rusia iloko o ka hoomalu paa loa ia.  He maluhia o ke ano aupuni Romo ko Rsia mamuli o ka hoopaahao ana i na Nihiliki i hoohuoi ia ma Siberia.  ua kiai ia ko ke Czar palekana e kekahi puali makai kiu nui hewahewa.  Aole hookahi iloko o kona aupuni malalo o ka hoohuoi ia e pakele mai ka ahewa ia.  O na hoopaa waiwai a kekahi hui malama dala, ke makaala aku uei ia iloko o kona mau halealii.

            No elima makahiki loihi i hala ka hoao ana o Rusia e hookau ae i kona kananka ponoi maluna o ka nohalii o Bulegaria, a ua hoomau ia pela no ka hopena o ka hooka ia.  Ua nui no hoi na hoao malu ana e paopao i ke haua o ka nohoalii, a mamuli o ko Rusia mana ikaika, ua kono ia ke keikialii Fedinana e nobo hoopalaimaka me na maka pihoihoi ole e hoike ana, aole oia i ike a hoomaopopo i keia mau hana malu.

            Malalo o ia mau kumu, oa manao wale ia o ke kauwahi kulana uoku iloko o Geremania ke kupono no kona noho'na alii.

 

NU HOU KUWAHO

ELUA TAUSANI DALA O KA'INIHA.

            Visalia, Mar. 3 - He halawai ko ka poe mahiai o keia wahi ka Frank Baker i kahea ai, e malama ia i ka la 19 o keia Maraki nei, no ka lulu ana i elua tausani dala e uku ia ai kona mau lilo o ka hoohana ana a haule mai ka ua mai ka lana mai i hookahi iniha ilok i ka lepo, no ka malam o aperila ae nei.  O ka haole keia nana ka mekini hana ua i manao ia e makana aku me $20,000, ke holopono io kana hana. 

NA KENETA HOOHOIHOI KOPAA.

            Wasinetona, Mar. 3 - Ma kekahi papa hoike i hoomakakaukau ia'e ke Komisina o na Loaa Aupuni Kuloko iloko o ka ahaolelo, e pili ana no na keneta makan wale a ke aupuni Amerika Huiia no ka hoohoihoi kopaa, ua ikea keia mau huahelu mahuahua:  He 2,323 mau koi e hoolawa ia ana me $6,914,654, a he 925 mau koi i ukuia aku me $2,952,020.  He $215,406 ka uku makan no ke ko-uala, e lawe ana o Kaleponi i ka helu kiekie he $139,534, Nebarasaka, $53,974, Uta $21,898. Ohi no na lima paeli lepo i ka pomaikai.

KA MOI KEOKI O HELENE.

            Viena, Mar. 3 - He mau hoaiai ka kekahi nupepa Auseturia no ka Moi Keoki o ke aupuni Helene e i ana he manawa ae nei i hala, manao iho la oia e haalele i ka nohoalii me ka hunahuna ole iho, no ia mea, ke lawelawe maoli nei oia i kekahi hana jue i ka makemake o ka lahui i kumu hooauhulihia koke i kona nohoalii ana.

KA POPE ME KA AHAOLELO.

            Roma, Mar. 3 - Ua hoouna aku ka Pope iloko o Parisa he mau hoonaauao ana e hoala ia ona poai repubalika me kuokoa iloko o ka Ahaolelo e lawelawe ma ke ano wahaolelo no ka Vaticana.  I ka lohe ana aku o na elele o ka Vaticana e noho ana ma Auseturia, Geremania, Potugala me Sepania i keia hana, ua ninau ae lakou i ka Pope no na hoakaka piha aku, ma kahi o ka pane, ua hai aku ka Pope no Farani wale no kana hana, aole hoi no ka hoonioni pu aku i na nohoalii e ae.

A KELEKELE HOU KA EMEPERA.

            Sana Peteroboro, Mar. 1 - Lehulehu ka poe i hopuia no ka hoao ana e lawe i ke ola o ka Emepera o Rusia.  Ua hoolala ia ka make no ka la 29 o Ianuari, oia hoi ka manawa e hoonee ia ai ke kiuo lepo o ke Duke constantine mai ke kulanakauhale aku no papu Sana Petero me Sana Paulo i kukulu ia ma ke kauwahi mokupuni iloko o ka muli wai Neva, oiai ua maopopo mua e ukali ana ka Eemepera me ka ohana alii ma ia huakai.  Ua ike e ia nae na mea make i hoahuia a ua hopuia he lehulehu o na alii mokukaua, elua oia auna i lawe ponoi mai nei i ko laua ola, he mauluna aupuni kulana haahaa a me kekahi poe mawaho.  Ua hamau loa ia na lono pili i keia loaa ana o na mea make mai ka lohe ana o ka Emeperses, oiai he wahi o nawaliwali kona, malia o lilo ia lhoe ana i kumu hoopilikia loa iaia, a i ole o kona make paha.

HOOLOLI KUMUKANAWAI.

            Wasinetona, Mar. 4 - I keia la i hoomana aku ai ke Komite o ka Hale ma ka hana "Ke koho balota Peresidena me hope Peresiden," ia lunamakaainana Crain e hoomakaukau no ka waiho ana aku imua o ka Hale i kekahi olelo hooholo bila kanawai, me keia mau hoololi o ke kumukanawai.  e kapae ia "Maraki 4" a e pani malaila "Dekemaba 31," oia ka hoomaka ana a me ka hopena o ka manawa e mana ai na lunamakaainana me na Senate ma ko lakou oihana.  E malama ia ka halawai makahiki o ka Ahaolelo i ka Poakahi elua o Ianuari.  e kapae ia o "Maraki 4" a e pani malaila ia "Aperila 30," ka la o ka hoomaka ana a me ka hopena o ka manawa o ka Peresidena a me ka Hope Peresidena.

 

            HE LEHULEHU wale o na poe i ola ae mai ka ma'i la grippe ae a eia nae ke hoopilikia nui ia nei lakou e kekahi ma'i kunu paakiki.  O ka laau lapaau kuna a Chamberlain ka mea nana e hoopau koke ae i ke kunu, a hooluolu ae i ke ake mama, a e loaa no ke ola maikai loa iloko o ka manawa polole.  He 50 a $1 - o ka omole, a e kuai ia no e BENSON, SMISH & Co., Na Agena.

 

NANEA KAMA@AO

 O KE

KEIKIALII

ROMEALA;

KA

Ui Kila Mageneti

O PARAMERI

 

Ka Nani e haule ai ka Honua;

Ka Mahina Meli o Salaredina;

Ka La Alohi o Mulisedera;

Na Kulu Koko Kamahao Ekolu.

 

Na Ui Hookelakela

O KE AO HOLOOKOA.

 

NA NANI

Puuwai Uahoa o ka Honua nei

A O KE

Kila Mageneti o ke Aloha - "O Parameri no ia"

            O na haawina a pau i loaa i ua loea nei oiai o ia ma ke aupuni ekahi o ia no keia e halawai nei me ia ma kona alahele imua i luna o ke aupuni elua o Raianapo, a no na la hele he 13 hoea aku la o ia i ka pahu hopu o ka elua o na aupuni o Raianapo a o ka hiki ana mai hoi o ua loea nei i ka hookahi haneri a me kanawalu kumamakolu ipuka komo iloko o na la hele he 26.

            Ua hoaumoe iho ua loea nei o ke ao no ia po, a i ka wehe ana mai o ka malamalama o ka 27 o na la, hoomau hou aku la oia i kana huakai hele imua no ka hopena o na aupuni elua i koe o Raianapo.  Ua komo laelae aku la ia ma kela aoao oka ipuka ekahi o ke aupuni ekolu o Raianapo, a iluna o ke palahalaha a me ka laula o ua aupuni ia i makaikai aku ai ua loea nei i ka nani o ia aupuni, me na huaolelo o ka mahalo ma kona mau lehelehe.

            He wahi aupuni uuku no keia e like me na aupuni mua elua i hala me kona mau aoao i piha i na nani manuuunu wale e luhe ana ma kela a me keia aoao, a o ka me ahookahi i oi loa aku nana i hookela ae iaia mai kona mau mua (aupuni) ae, oia no ke aiai keokeo ano halelolelo o ka pua Magenolia, a no ua pua la ka Romeala i haawi ae ai i na huaolelo o ka mahalo ina pa@a ua like ke aiai halelolelo o ka ili o kona haku me kona mau paplina lahilahi.  O keia mau olelo mahal a ka loea o ke ao imua o ka pua Magenolia he mau olelo ia na kaua e ka mea heluhelu e minoaka iho ai no ke kupanaha o ua loea nei o kona akena e ana me kona ike mua ole, aka e ka makamak e hoea io mai ana no kaua no kahi e houko ia ai o kela mau olelo koho mua a ua loea la, a o ua manawa nei, o ia no ko kaua wa e hoea aku ai i ka palena hope o ka eha o na aupuni o o Raianapo.

            Nolaila, ia kaua e makaikai aku ai no ia wa, e hoomau aku ko kaua kamailio ana no na mea i koe o ke aupuni ekolu o Raianapo kahi hoi a ka pua Magenolia e haaheo ana malolo o na noho hoomalu ana a na ki huahelu he 13 o ke kalapu.

            Oiai o Romeala e olali a e haulani ana me ka hoomaha ole i luna o ke kolu o na aupuni o Raianapo a I ka hope lo@ o na la hele he 13, aia oia ua hoea aku ia i ka palena o ua aupuni la a o ia ka ua loea nei i pane ae ai.

            O ka 39 keia o ko'u mau la hele o ka aea ana a o ka 284 hoi o na ipuka a'u i olali ai, A - he 82 wale no a'u mau ipuka i koe a hoea aku au i kahi e uhene ai ke kila me ke paea no ka hopena o Raianapo.  Nolaila e hoomaha au no ke koena i koe o keia la, a wehe mai ke alaula o ka la apopo alaila hoomau aku au i kau huakai no ka hopeua.

            Alaila e ka makamaka heluhelu, me kela mau olelo ae la a ke keikialii Romeala hoomaha iho la ia i na maluhiluhi o keia la hana nui, a i ka hoea ana mai o ka malamalama o kekahi la ae oia hoi ke kanaha o na la, aia ua loea nei e kamoe ana i kona alahele malaio o na ahai a me na pulama pauoaho ole ana a kana mau kauwa hoolohe ekolu, no ka hope loa o na aupuni o Raianapo.

            [Aole i pau.]

 

            NO WAILUKU MAI - Eia me makou o Rev. E. S. Timoteo, kahu o Waialua.  Ke lawelawe nei oia me ka holopono i kana misiona, ua hele oia ma o a maanei e huli i na makamaka i poina ia Iehova.  Ua lokomaikai mai kana mau keiki hookama iaia a i kamaaina hoi ma ka hanau ana, oia no Mrs. Keanu, Mrs. Kaiue, Mrs. Clark, a me Miss P. Kahale.  Ua hoolaukanaka ia o Kaahumanu iloko o keia mau Sabati. - J.M.            TIMOTEO.

 

He Moolelo

NO

NIWELA!

KE

Kanaka Hana Pu o Mosekao

KA

Weli o ka Makakila.

 

Waladimira ka Moneka.

 

KE AUPUNI O RUSIA MALALO O PETERO KA NUI.

Ka weli o ke Keneturia Umikumamahiku

 

MOKUNA IX.

KE KAHUNAPULE KUAPUU.

           

            I ke Duke e hoomau ana i ka holoholo maloko o kona keena malu, ua lohe aku la oia i kekahi kikeke mawaho o kona keeua, a ia wa i kahea aku ai oia e komo mai.  Ua hemo ae la ka puka a komo mai la he wahi kanaka kuapuu pahaahaa, e komo ana oia i ka aahu o ka oihana kahunapule.  O keia wahi kuapuu he pupuka kona mau wahi helehelena, a he ku i ka hoowahawaha ke nana aku; o kona mau makahiki aia mawaena o ke kananlima a me e kanaono.  O savotano kona inoa.  He kanaka naauao oia ma na ano a pau, a ma kekahi olelo ana he agena no Satana.

            Mamuli o ka mana a me ke kiekie o ke Duke o Tula, ua hoolilo ia iho la keia Savotano i kahunapule no kekahi o na hale pule maloko o ke kulanakauhale o Mosekao.  He paahana keia Savotano malalo o na hana ekaeka a pau a ke Duke e makemake ai.

            He mau makahiki i kaa hoope aku ua paumaele iho la na lima o keia savotano me ke koko o kekahi kanaka ana i pepehi malu ai, a mamuli o ko ke Duke mana, ua komi pu wale ia iho la no kela karaima a lilo i mea ole.  Mamuli o ia hana, ua lilo ua savotano la i mea punahele loa imua o ke Duke.  E haawi mau ana no hoi ke Duke iaia i kekahi puu dala nui no ka hoolawa ana i kona makemake.

            "O oe mai la ka ia," wahi a ke Duke i pane aku ai.

            "ae, owau no keia," wahi a Savotano me ke ano pihoihoi.

            "Pehea ke kulana o ke Kauna i keia wa?" i ninau aku ai ke Duke.

            "Ua maikai oia, a ke pii hikiwawe ae la kona ikaika," wahi a savotano.

            "Pehea ka hoike a ke kauka?"

            "Ua hoike ae ke kauka, iloko o hookahi pule mai keia la aku e hiki ana i ke kauna ke ala ae mai kona wahi moe ae, a iloko o na la polole mahope aku e hoi hou mai ai kona kulana ola maopopo."

            "Aole loa e pono i kela kauna ke ola, e pono oia e make," wahi a ke Duke i pane aku ai me ka haikea ana ae o kona mau papalina.

            "E oluolu e kuu haku e hoike mai i kau kauwa nei i ke kumu o kou manao ana e make ke kauna," wahi a Savotano.

            I kela wa i nana pono aku ai ua Duke la ia Savotano, alailai pane aku la: "He mea kupono loa e ike oe ike kumu o ko'u makemake ana e make ke kauna.  O ka makuakane o keia kauka, he punalua oia no'u, ua mare oia ke kaikuaana o ka'u wahine.  A oiai he keiki waiwai loa keia a aole hoi ona hooilina e ae koe wale iho no au, no ia mea ua makemake au e make oia i lilo ai au i hooilina no kela waiwai nui hewahewa.  ua ike no hoi oe ke pauaho mai nei ko'u waihona dala, nolaila he mea pono e loaa koke ia'u kela waiwai, a mahope aku o ia wa e mare no au me Roselina.  Alaila hoohui ae kona waiwai me ko'u, a o ko'u lilo no ia i Emepera no Rusia nei, a o ke ko no ia o ka'u mea e lia mau nei i na po a pau, a e hoolilo, no au ia waiwai i mea e hoohei ai i ka naau o na kanaka a o ko'u lilo no ia i alii.  Ke maopopo mai la ane ia oe ko'u makemake?"

            "He ae mau ia no hoi paha oe e komo iloko o ke keena o ka mea ma'i?" i ninau aku ai ke Duke o Tula ia Savotano.

            "ae," wahi a Savotano i pane mai ai me ke ano hookohukohu.

            "Ina pela ua hiki loa ia oe ke hooko i kau hana."

            AAe no hoi.  Oiai o ke kulana a'u e ku nei he kahunapule, aole loa hoi he mea nana e hoohuoi mai no ko'u hele pinepine ilaila; ua ike hoi oe e kuu haku he haumana hoohuihui laau lapaau au na kekahi o na kanaka akamai o Parisa i ka hana laau lapaau.  Nolaila, e noho malie oe e kuu haku a na'u ia e hana mai a pua."

            "Eia hou keia iini o'u," wahi a ke Duke, "e mare koke au me Roselina Valadi."

            "O! he mea liilii loa kela," wahi a kahi kuapuu i pane mai ai.

            "Mai kuhihewa oe pela, no ka mea ke manao nei au aia no he moali iki o ka makaheni iloko o ka Emepera no Roselina, a ina he oiaio keia koho wale ana a'u, alaila, he mea paakiki loa ka hiki ia maua ke mare.  Ua ike no au aohe makemake o keia kaikamahine e mare me a'u, a ina paha e lohe ana ka Emepera i keia mea, aole e nele kona hele mai e nianu ia Roselina ina he makemake kone e mare me a'u, e ike koke no auanei oe i ka wikiwiki o kela kaikamakine i ka hoole a o ka lilo no ia o ko'u kulana i mea ole."

            "E waiho mai i na mea a pau na'u e hooko aku, a mai hoike iki oe imau o kekahi poe," wahi a ke kahunapule Savotano.

            "He hookahi mea i koe a oia no hoi ka mea nui i ko'u manao, oia hoe e make kela kanaka hana pu o Rleka Niwela, oia ke kanaka ino loa a he hoa paio paakiki loa oia no kaua.  E haawi no au i umi tausani dala ina e make kela kanaka ia oe.  E hoomanao iho oe aia a make laua (Damonofa me Ruleka Niwela), a mare hoi au me keia kaikamahine, alaila e lilo no o oe kekahi o na kanaka kiekie iloko o keia aupuni ikaiki o Rusia."

            " E hilinai mai ia'u e kuu haku a na'u no eo-u ae i kela mau maka wauke opiopio," wahi a Savotano me ke ano hooio.

            "Eia nae ka'u kauohe ia oe, e hana oe i mea e nalo ai kau mau hana.  E hoomaopopo oe i wahi e hiki ai ke huna a nalo ke kino make o kela kanaka hana pu."

            Ua hiki hoi paha, na'u ia e hana aku," wahi a savotano.

            "Ina pela, alaila ua pono.  Pehea ua ike anei oe, a i ole, ua lohe paha no kekahi mau mea e pili ana no kela kahuna moneka aahu eleele e hokai hele nei maloko nei o Mosekao?" i ninau aku ai ke Duke.

            "aole i maopopo ia'u, aka ua komo nae ka hoohuoi iloko o'u.  Ma ko'u hoomaopopo iho, me he la he kanaka koikoi loa oia maloko nei o Mosekao; ua hele aku au e ninau no ua moneka la i Bihopa nui, aole nae oia i hoakaka iki mai ia'u.  Nolaila, ua komo ke pahoohao iloko o'u no kela kahuna moneka, aka he malihini nae oia, a ma ia kumu aole a kaua hopohopo ana nona," wahi a Savotano.

            "O ko'u manao he kiu keia moneka mai ka Pope mai no ka hakilo ana i na hana a ka Emepera," wahi a ka Duke i pane aku ai.

            "Aole nae he malama i pua i ka iole," wahi a kahi kahunapule.

            "Pela io no paha, aka he mea ole nae ia ke hooko mua ia ae na mea a'u i hoike mua aku nei ia oe"

            "Ae, he oiaio ia e kuu haku," i pane mai ai kahi savotano me ke kunokunou ana o kona wahi poo.

            Me keia mau kukai olelo ana mawaeno o ke kahunapule me ka Duke, ua oili aku la ua wahi kuapuu la no ka hooko ana i kana apana hana.

            I kona hala ana aku, ua noho mehameha iho la ke Duke o Tula, me ke kalele ana o kekahi lima ona ma kona lae, me he la he hana nui kana e noonoo ana.  Ua kupouli ia kona mau noonoo maikai, a i ka nana aku me he la e i iho ana oia ua oi aku ka pono e oki ia kona poo e kela wahi kahuna limakoko, a i ole, ua oi aku paha ina aia oia maluna o kona moe o ka make, a i ole, aia paha aoi ma kahi o Ruleka ka opio hana pu mamua o keia mau manao ino e hoohana nei iloko o kona noonoo.

[Aole i pau.]

 

            PAU OLE KA EEPA - Ma Papohaku, Wailuku, ua hana iho la o Kipakuhia a me Kalaluhi i kekahi hana ano pouliuli e like me kela a Puulolo o Lanai i hana ai.  O Kipakuhia, e paa ana oia he hae ula palani, e hele ana elua kaikamahine opiopio mamua a elua laua mau kane hookahuna mahope.  He keu ka hilahila ole o keia mau kanaka kino ikaika.  O ke kumu i hana ai pela e kala ana i ke aloha o kekahi kaikamahine, pela ka olelo ia.  He hoopunipuni wale no. - WAILUKU. Mar. 5, 1892.

 

            MAKE I KA WAI - Ma ka la Sabati aku nei i hala, Maraki 6, ma Makaalae, ua hele aku o Kahelekukona opio me kana wahine a me kona mau kaikuahne e auau i ke kahawai o Kapia, oia ke kahawai i lilo ai ke kauka Perusia mamua.  Ma ka Poalima aku he waikahe ko ua kahawai ia, a ma ka la Sabati ae ua hele aku keia poe e auau.  Ua emi iho ka wai o ke kawa i keia wa a labou i hele aku ai, aole hoi o ka piha mau; ua hoomaka aku nei oia e lele a haule iloko o ka wai me ka maikai, pii mai la oia me ka manao e lele hou, ia wa ua huhu aku ka wahine aoie nae ona hoolohe mai.  Ua hoomaka aku la oia e lele a hookui aku la kona poo i ka papaku olalo a make loa.  Ua huli ia kona kino a loaa i ka hora 11 a.m.  Ua hiki au ma kona hale a ua lohe i ka moolelo pololei, a ua maopopo aole ia he make e hoohuoi ai kona ohana, no ka mea i make oia no ka hele ana i ka lele kawa, nolaila aole ia i kahea ia ke koronelo.  Kou oiaio, -      Hana, Mar. 10, '92

 

@oolaha @umau.

PAPA! PAPA!

AIA MA KAHI O

Lewers & Cooke

(LUI MA),

Ma ke kahua hema o alanui Papu me Moi.

 

E LOAA NO NA

PAPA NOUAKI

O kela a me keia ano,

 

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa.

 

NA PILI HALE O NA ANO A PAU

 

A me na

WAI HOOHINUHINU NANI

O na ano a pan loa.

 

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili aua ma ka laua oihana no ka

 

Uku Haahaa Loa,

E like me ka mea e holo ana mawaena

o Laua a me ka Mea Kuai.

Hele Mai e Wae no Oukou iho.

2357-q

 

Ka Waiwai o ka Hilinai

Saseparila Ayer

AYER, Laau Saseparila kai kaulaua i hilinai nui ia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau O keia

LAAU SASEPARILA, no loko ae ia o ke aa Saseparila Honedura maoli; ua loaa ka mana hoomaemae ma o ka hui po ia ana me kekahi mau aa laau e ne, @@e kekahi mau mea no loko o ka hoaua @ me ka hao.

HE KOKO inoino a nawaliwali anei kou? Ua awili pu anei me na ano ma'i ikaika?  A ua huipu anei me na wai awaawa hoopehu?  Na keia

LAAU e hoomaemae ia mau mea iuo a pau a maikai.  O na kauka lapaau a pau o Amerika i ike i ke ano o ka Aye Saseparila ua olelo lakou, aole he mea maikai e ae no ka hoomaemae koko ana mai na ma'i i awili p@ ia, aka o keia wale no.  No ka

HOOMAEMAE ana i ke koko, a me ka hookahua pono ana i na mea a pau ma kekahi mao ano ma'i i ike ia, o ka Ayer Saseparila wale no ka laau nana e hoomaemae ae me ka hakalia ole @@moa ae o kekahi ano laau e me.  O ke ano

KOKO INO hakukako a nawaliwali hoi kona holopono ana ma ke kino,e hoomaemae ia ana a e hooikaika pu ia no hoi ma o ka ai ana i keia Laau Saseparila a Ayer.  He maalahi a he

MAIKAI loa hoi keia laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu ana i ka holopono ana ma na aa.  He lehulehu wale na hooia ana mai na wahi a pau o ke ao nei i hoohana mai i keia laau mamua o kekahi mau laau e ae

A HILINAIIA no ka ikaika kupono o ke ola kino, ma ka maemae ana o ke koko, hoomake pa ia na ma'i, a pela aku.  He nui na laau hoomaemae koko i hoolaha wahahee wale ia malalo o na inoa he lehaleha, aka o na hilinai a me na hooia wale no a ke ao holookoa, maluna o ka

Ayer Laau Sasaparila

@ HOOMAKAUKAUIA @

Kauka J.C. Ayer  Co., Lowell Mass.

HOLLISTER & CO.

Na Agena ma ka Paeaina Hawaii.

2@@7-q

 

@oolaha @umau

 

KAKELA ME KUKE

 

KA - HALEKUAI - NUI

O NA

WAIWAI LIKE OL@

 

NA MEA HANA

KAMANAAPAU

 

Pahi,

Upa,

Pulupulu

NA PENA

KAA - PALALA.

 

IPUKUKUI

A ME

KA AILA.

 

PALAU!

A me na mea Mahia@.

 

NA PAKEKE POI

Ipuhao, Iliwai.

Makau me Aho Lawaia

 

Mikini Humuhumu

MIKINI A WILCOX ME GIBBS.

            Na Mikini a Remington.

 

KAKELA & KUKE.

2371-q