Ka Nupepa Kuokoa, Volume XXXI, Number 11, 12 Malaki 1892 — Page 1
| This text was transcribed by: | Ann |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
ME KO HAWAII PAEAINA I HUIIA.
BUKE XXXI. HELU 11. HONOLULU, POAONO, MARAKI 12, 1892.
Hoolaha Loio.
ANTONE ROSA, (AKONI) Loio a he Kokua ma ke Kanawai.
LUNA HOOIAIO PALAPALA.
Keena Hana Alanui Kaahumanu
2331tf
NELLIE M. LOWREY, NOTARI no ka LEHULEHU
A HE
LUNA HOOIAIO PALAPALA A ME NA
PALAPALA HOOHIKI.
Keena Hana me W. R. Kakela, Lolo, ma ka aoao makai o ka Hale Leta, Honolulu. 2331
CECIL BROWN, Loio a he Kokua ma ke Kanawai
HE AGENA HOOIAIO PALAPALA NO KA MOKUPUNI O OAHU.
Keena Hana Ma Alanui Kalepa. 2331
E. G. HITCHCOK, (AIKUE HIKIKOKI.) Loio a Kokua ma na mea a pau e pili ana ma ke Kanawai. E OHI@A NO NA BILA AIE ME KA AWIWI
Hilo, Hawaii. 2331
GEORGE P. KAMAUOHA, Loio a he Kokua ma ke Kanawai.
Notari no ka Lehulehu.
Luna Haawi Palapala A@ Ma@e.
No Kohala Akau, Hawaii.
A HE
MEA ANA AINA.
Eloaa no ma Kohala Akau, Hawaii. 2331
W. R. KAKELA,
Loio a he Kokua ma ke Kanawai.
HE LUNA HOOIAIO PALAPALA. 2331
WILLIAM C. ACHI,
Loio a he Kokua ma ke Kanawai imua o na Aha a pau o keia Aupuni.
He Notari no ka Lehulehu a Boroka no na Waiwai Paa.
Keena Oihana, Helu 36, Alanui Kalepa, Honolulu, Oahu. 2331
JAMES M. MONSARRAT, (MAUNAKEA. Loio a he Kokua ma ke Kanawai.
HE LUNA HOOIAIO PALAPALA.
E hana ia no oa Palapala Kuai, Palapala Hoolimalima, a me na Palapala Pili Kanawai e ao ma ka olelo Hawaii. Dala no ka hoaie ma ka moraki ma na Waiwai Paa.
Keena Hana: Hale Pohaku hou ma ka @ono ma Waikiki o ka Halewai, alanui Kalepa. 2331
WILDER & CO., (WAILA MA.)
Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.
Kihi o Alanui Moiwahine me Papu. 2357-q
KO BIHOPA MA, BANAKO MALAMA DALA
ELAWE NO MA KOU I NA DALA HOOMOE ma ka hoaie ana ma ko makou BANAKO Malama Dala malalo o keia mau kumu:
Ina e hoomoe mai ke kanaka hookah i na dala Elima Haneri, e uku no makou i ka ukupanee ma ka Elima Hapahaneri o ka makahiki, mai ka wa aku o ka lawe ia ana mai o ke dala, @ w@ ia ke dala hoomoe i ekolu mahina, a @ ke dala a hala na malama ekolu @ wa @ hooponopono ia ai na helu. Aole uke panee e helu la maluna o na dala hakina no na la elua paha o ka mahina.
Aole uku panee e uku ia i na dala @ lawe ia ana maloko o ekolu mahina mai ka wa aku o ka hoomoe ia ana mai.
@ la mamua ae o ka unuhi ana aku o kekahi kanaka i kane mau dala, e hoike e mai i ke BANAKO, a e luwe pu ia mai ka buko dala i ka wa @ kikoo ai.
Aele dala @ ia, @ wale no ma ke kikoo a ka mea @ hoomoe mai i ke dala me ka lawe pu mai i ka buko hoahu dala.
I ka la mua o Sepaiemaba o kela a me keia makahiki e hooponopono ia ai na belu o na mea a pau, a o na uku panee i uku ole ia maluna o na puu dala a pau @ waiho ana me ke kikoo ol@ ia, @ helu ia ma ka aoao o ka mea hoomoe dala mai i hala na malama ekolu, a ma ia wa aku e hui ia me ke kumupaa mua.
O aa puu dala h@omoe mai maluna o elima baneri dala, e iawe ia no mamui@ o ka @ pu ana.
E @ ana ka Hanako ma na la a pau o ka @, koe na la Sabati a me na la K@.
BIHOPA MA.
Honolulu, Ian.
J. T. WATERHOUSE, (WALAKAHAUKI.)
Halekoai o na Lole Nani Panio!
@AKOHAO.
Na Lako Hana Mahiko, A PELA AKU ME NUI WALE.
Alanui Moiwahine, Honolulu. 2357-q
ALLEN & ROBINSON,
NA MEA KUAI PAPA O NA ANO A PAU
@ no ma ka UWAPO o PAKAKA, Honolulu, make kumukuai makepono loa, no ka pomaikai o ka leulehu e makemake ana e ka kulu @. E Kipa mai @ e ike @
He Moolelo
NO
NIWELA!
KE
Kanaka Hana Pu O Moseako
KA
Weli o ka Makakila.
Waladimira ka Moneka.
KE APUNI O RUSIA MALALO O PETERO KA NUI.
Ka Weli o ke Keneturia Umikumamahiku
Mokuna IX.
KE KAHUNAPULE KUAPUU.
I KA WA A ZENOBE I KOMO aku ai iloko o ke keena o kona haku, ua pouli pu oloko a ua hiki ole iaia ke hoomaopopo i na mea a pau. Ua hapapa hele aku ia kona mau lima me ke kahea malie ana i ka inoa o kona haku, aole nae he mau hiohiona @ hoike ia mai, a i ole loa no. Aka, iaia nae i hookokoke aku ai ma kekahi kuono o ka rumi, ua lohe koliuliu aku la oia i ka hanu malie ana ae o kekahi mea ma kahi kokoke iaia. Ua hoomau aku la oia i ka hapapa hele ana a hiki i ka pa ana aku o ke kino o kona haku iaia, alaila pane iho la oia me ka leo malie “ E Roselina, heaha la keia ou?”
“Owai keia mea?” wahi a Roselina i pane ae ai me kona ala ana ae iluna; aole loa i hiki iaia ke hoomaopopo i na mea i hanaia mai maluna ona, me he la aia oia iloko o kekahi hiamoe kulipolipo.
“Owau no, o kau Zenobe haahaa. Heaha keia ou e kuu haku?” wahi a Zenobe.
I kela wa i pane mai ai o Roselina me ke pahaohao, “Ea!! Eia au i hea e Zenobe?”
“Eia no oe maloko o kou keena ponoi, a heaha keia ano e ou e kuu haku?”
Aole i wikiwiki o Roselina i ka pane ana mai i ka Zenobe ninau, aka, ua kulou iho la oia ilalo me he la e noonoo ana i kana mea e pane mai ai, alaila nana pono mai la ia Zenobe a pane mai la: “E Zenobe, mai ninau mai oe ia’a i kekahi mea. He ma’i ko’u, aole nae au i maopopo, heaha la.”
I kela wa i apo aku ai o Zenobe ma ka puhaka o koua haku aloha, a haawi aku la i na muki aua ma kona papalina me ka hawanawana pu ana aku i keai olelo moakaka ma kona pepeiao,
“E Rosalina, e manaoio mai oe ia’u. Aole au e koi wale aku ana ia oe, aka, aia no a na kou manao e hoike mai ia’u. Aka owai la mawaena o na kino ola uhane au e hoike mua ai i kou mau manao, ina no ka hauoli a no ke kaumaha pahi@ Aole anei o Zenobe, ke kauwa wahine i noho pu me oe mai kou mau la kamalii mai, a i makaukau hoi e molia i kona ola nou ina he pilikia kekahi e hoea mai ana. E kuu haku, ma o na lani la, ke noi nei au e hoopakele ia oe mai na popilikia a pau.”
“Aole a’u mea e kanalua ai e kuu Zenobe, no ka hoike ana aku i na mea a pau, oiai ua hilinai nui au ia oe, “ wahi a Roselina.
“E ala mai ia’u e kuu haku, a ke noi aku nei au e hoopau loa i ko kaua kamailio ana ma kela mea, a e hoike mai oe heaha la kau mea ai i makemake ai, i hiki ai ia’u ke kauoha aku e hoomakaukau koke ia mai.”
“E kii aku oe i kiaha waina ono loa no’u.”
Alaila ku ae la o Zenobe a hapapa hele aku la ma kahi e ku ana o ke pakaukau a ho-a ae la i ka ipukukui e ku ana, a hele aku ia i waina no kona haku.
Oiai o Roselina a me Zenobe maloko o ke keena, aia no ke Duke o Tula e holoholo ana maloko o kona keena maiu, me na ouli o ka weli ma kona mau maka a e nau iho ana kona mau kui me ka ikaika i kekahi manawa; ma ku nana aku me he mea la e hoike mai ana ia mau ano i ka enaena o ka momoka uhi o o ka lili iloko o kona puuwai. O kela Duke, he kanaka oia i piha me na haawina o ka maalea (he nahesa paha ma kekahi ano), a he puuwai hoi i piha me ka makona; he kakaikahi loa ke komohia o ia mea he aloha iaia. O kona ake nui o ka waiwai a me ka hanohano, a e lilo hoi i mea nui maluna o ka aina holookoa.
Ua piha ola me na haawina o ka ike kuhuhonu, a aole paha he kanaka ma Moseako a puni e hiki ke ukali aku i kona noeau, koe wale no ka Emepera; aka nae o ka Emepera ua paulele nui loa oia i ua kanaka la, nolaila ua papalua ia kana mau hana apuhi a maalea iloko o Moseakao.
[Aole i pau.]
He Moolelo
NO KA
Ui Nohea Berela.
Ke Kamehai hoopono Ke kupaa me ka luli ole
He wahine na ke kane hookai
Ke au popilikia a me ka huli ana o ka pomaikai mahope o ka wahine.
MAKUNA IX.
KO JENE MOOLELO
“Aole oia e ola e lawe ia oe ma kona mau lima, e hoike mai i ka moolelo o kela makahiki auwana ona mai ka home aku, a e nonoi mai hoi i na huikala ia aku, ka hana e maemae ai kona inoa. Aole oia i hoopuka mai i ko’u inoa iaia i ike ai ia’a ma ke alanui. I kekahi la ae, kauoha au i kuu makuakane e hele mai, a ua hoike aku au i ka mea hou luuluu e like me ka hiki ia’u e hoolele ole ai i kona hauli, aka, ua like ia mau huaolelo uhiuhi me ka make nona. Kau maua iaia ma kekahi ilina ma Ladana, a kukulu i kona kiahoomanao me ka inoa o “Jene Star” a me kona mau makahiki he iwakalua-kumamaka-hi. Loaa ia maua he kahu hanai no ke keiki o oe ma na kuaaina aku o Ladana. Loaa ia muau kona mau, pono kino a pau a me kekahi mau hoike nana i hookomo aku ia Jene i ka manaoio ana, ua hoopaa ia oia he waine mare oiaio ma ke kanawai me kana kane aole nae i loaa ia maua ua kane la i haalele ino iho iaia. A ina i maopopo he wahi moali nona a loaa ai, ina ua ukali au iaia a hiki i ka hopena o ka honua e hookau aku i ka hoopai o keia hoowahawaha inoana. Ua pupuhi maua i na aahu a pau i ke ahi a koe na momi, me ka manao e malama ia mau mea i moali e loaa pono ai kou makuakane. O na momi ia oe ma Vevay, no Jene ia i kona mau la kamalii. O ke koana iho, eia no maloko o kuu papakakaku. A lilo aku la oe i ke kahu hanai me ka nalo ana o ke kino make, hooholo maua e hamau loa i keia hopena pohihihi o Jene mai ka hoike wale ana, a huli hoi aku la no ka home me ka naau luuluu. Make ko’u makuakane he malama hookahi mahope mai he puuwai noha a ua hooili iho i kona waiwai a pau no’u.
“Na’u ponoi i kapa kou inoa o Berela, mamuli o ka inoa o kekahi wahine a’u i inaina lo@ ai. Piha ia na makahiki elua, lawe au ia oe a me kou kahu hanai ma Vevay, na ka hopena o kuu kaikuahine i hoopoluluhi mai i ko’u ola ana. Aole au i mare ia. Ua noho meameha au me ke oia maopopo ole-aka, hookahi o’u manaolana, ina e halawai au me keia kauaka e pepehi aku iaia a make.
“Ua haawi aku au ia oe i na pomaikai a pau e ulu ai oe i wahine makua kupaa a oiaio, ano ua ike oe i ke kipi ponoi ana o kou naau ia oe iho, kou mare ana me kela lapuwale nona ka make i lilo i mea maikai i ka’u lohe ana, a nana hoi iloko o ke kanalua ia, he wahine mare e ola nei. aohe ou kulena iki me ka inoa o Conors a o Conroy paha, aole hoi i ka inoa o Star, aole hoi i kou kokua ia. Aole o oe ka;u kaikamahine hanauna, he mea ole kau mau koi mai. Aole o’u mau makamaka, aole mau hoa’loha, aole inoa, aole home, “
“Aole na mea a pau, “ wahi a Berela i hoopau pono loa aku ai me ka naau walania.” Malia nae paha aia ma ka hopena o keia mau hoopale lokoino ana a pau kauwahi mea maikai i hoahu ia no’u.”
“Ole loa maanei-aole ma Starwood. Oiai ua hana aku la oe i wahi moe nou, pela oe e moe ai,” wahi hou a Mr. Star iloko o kona leo ikaika. “Ua hiki no ia oe ke ao kula, ke humuhumu a ke hulahulu heaha hoi oe ia’u aka mai manao mai he wahi kokua ia aku kahi ou mai o’u aku nei.”
“Aohe o’u mau upu no kau mau kokua mai,” wahi a Berela. Aole loa au e lawe i hookahi peni mai a oe mai ke nui kuu mele. Aka, he hookahi a’u koi i koe maluna ou. O na momi i loaa ia oe ma ka pahu o kuu makuahine, e haawi mai oe me ka laelae, no ka mea, no’u ponoi ia ma ke kulena pololei loa.”
Aole no ie kue mai o Mr. Star i keia koi hope a ka opio Berela, a ua kii aku oia a haawi mai la he wahi pahu laau uuku.
He wahi pahu keia o na momi, o ka ametira, ka rube a me ke daimana. He makalii loa nae na opuu daimana, aka nae he kamehai loa ko lakou loaa nui. Makaikai pono iho la o Berela i keia mau mea a hiki i kona unuhi ana ae he lei pupu gula, a e kaiewa ana he puuwai gula i omauia me ke daimana a ua anapanapa e like me ke ahi. He daimana kamehai hou no keia, a o Inia Hikina kona aina i hoea mua mai ai.
“Ke hoike mai ne@ keia mau mea he mea waiwai loa ka haku o keia lei gula i loaa ai, a ina ia he makana na kuu makuahine mai kana kane mai, he mea maopopo e loaa ana oia ia’u, wahi a Berela nona iho.
Me ke kaukaulua ole iho, kau ae la oia i ua lei gula nei ma kona a@i a huna iho la i ka puuwai gula maloko iho e kona kapa.
“E lei au i keia a hiki i ka loaa ana o kuu makuakane ia’u,” wahi a Berela.” Malia o loaa io oia ia’u i kekahi la ke hai e mai n@ ua ouli pela.”
“Mamao anei oe e lawe ana oia ia oe a malama?” wahi a Mr. Star.
Hulili ae la na maka o Berela aole nae i pane aku.
“E loaa iho ana ia oe malalo loa o ka pahu kahi eke dala a kou makuahine he haneri paona. Aole hiki ia’u ke hoolilo ia, aole hoi no kona mau lilo kupapau. Nau ia,” wahi hou a Star.
Hoopaa iho la o Berela i ka pahu a ku ae la iluna.
“O ka hopena keia o ka’u hana maanei,” wahi ana.” Nolaila, aloha oe.”
“Aole anei he mau hoa’loha ma kou mau wahi e hele ai?” wahi a Star.
“Aole. Ua mehameha au ma ka honua. Aloha oe.”
Me keia mau olelo hope a Berela, puka aku ia oia iwaho a kau ma ke kaa e kali hoomau ana.
Aole i pau.
“Hihi kaunoa hihi i Mana, aloha wale ia laau makua ole.” No ka aina hemolele keia o Kauai, wahi a ke keiki aloalo makani o Honolulu. E holo ana paha ua keiki la i ka hoikeke nui o ke ao nei ma Kikako
HOIKEIKE NUI O KE AO NEI MA KIKAKO!
KA HALE O NA MINERALA A ME HANA KALA.
O KE KII MALUNA AE, oia ke kii o ka hale e hoikeike ia ai o na mea Mineminerala a me Hana Kala.
Ua hookaawale ia ka welau hema loa o kahi papau o ke komohana o ka lokowai Mikikana, a mawaena hoi o na hale Mana Uwila a me Hoohikihiki, i wahi no keia hale maluna ae e ku ai. O ka loa o keia hale, he 700 kapuai, 350 kapuai ka laula. O na lilo no ke kukulu ana i keia hale e hiki ana i ka $250,000. O ke kaha kii nana i hoolala, o Mr. S. S. Berman. Ma keia kii he mau nanaina mahie a popololei pu wale no, e apo ana i ke kahua palahalaha i na ipuka lahalaha, na keena paina a me na keena kahi lauoho, a pela aku. Ma keia a me keia aoao o ka hale, he mau puka komo pakahi, o ko na puka aku nae ma ka akau a me ka hema na puka oi aku o ke akea a me ke ao kilakila. A ma ka akau a me ka hema o keia mau ipuka komo, maloko aku, e moe ana na alapii akea e pii ai i na hale oluna. O na hale oluna, he 60 kapuai akea a he 25 kapuai ke kiekie mailalo ae o ke kahua, a ua hoomalamalama ia oloko e na puka aniani nunui ma na aoao a mailuna mai o ka hale e poai ana a puni.
O na alo ano nui o ka hale, ke naua la ka hema ma ke kiko waena a o ka akau ke nana la ma ke komohana a me na @okowai iwaenakonu a me ka mokupuni i paa i ka ululaau. Ke kau kehakeha nei ma keia mau ipuka akea na pio i hoonani ia me na hoailona o na mineminerala a me ko lakou mau hana mikiala hui. Ma kela a me keia kihi o keia mau alo he mau halau kuea i kau ia me na puoa haahaa e akaka ai na kihi eha o ka hale, a ua hoomalamalama ia lakou e na ipuka pio e ku ana a pau na hale oluna.
O ka hapa o na hale elua iluna, ke moe nei a puni ka hale a he 60 kapuai ke akea. Ua kukuluia keia me ka laau a me ka hao i hui ia. O loko o ka hale ke apo ia nei e hookahi hale ke kiekie nona ka loa he 630 kapuai a me 230 kapuai ke akea, me ke kiekie mailalo a luna he 100 kapuai mawaenakonu a he 47 kapuai ma na aoao, a o luna o kaupoku, ua holokeaia ia e na hao kila i kau ia maluna o na pou hao kila he 65 kapuai ke kaawale mai kahi a kahi ma ka loa, me 115 kapuai me 57 kapuai 6 iniha e moe kikepa ana, me ka waiho ia waenakonu i wahi akea okoa he 630 kapuai ka loa a me 115 kapuai ka laula, me elua aoao i mahele ia ma ke 57 kapuai 6 iniha pakahi ke akea a me 630 kapuai loa, me 16 mau pou hao kila nana e kakoo ae malalo.
No Na Keiki.
“No ke kuai ana i laau kunu no na keiki” wahi a H. A. Walker kekahi o na kanaka hoohuihui laau kapaau kaulana loa ma Odgen Utah, “mai hopohopo i ke kuai ana i ka laau lapaau kunu a Chamberlain. Oiai, aole e hoea mai ana kekahi popilikia aka, o ke ola ka mea e hoea io mai ana me ke kanalua ole. O ke kumu o ko’u hooia nui ana aku i ka laau a Chamberlain no ko’u ike he ola a hiki loa ke hilinai ia.” He .25 a 50 a hiki i ka $1 o ka omole, @ loaa no makahi o BENSON, SMITH & Co. Na Agena.
KA MAKAHIKI 1892.
He Hooheno no na Ouli Hikimua.
KA MAHELE ELUA.
E hooheno iho ma ka olelo Beritania a unuhi ae ma ka olelo Hawaii i na opuu pua ! o kuu tuba rose, penei:
Opuu 1, 2, 3, e loaa no au he mea poina ole a he lei aloha imua o Napolina, a imua hoi o na alihikaua kaulana a pau o ke ao nei; a ina e hooheno hou iho oe, e loaa no au he mea i hana noeau ia e na lima o ke kanaka iloko o na aupuni a pau o ka honua nei. Ua hiki ia’u ke auamo a haawe iho i na mea a pau a ke kanaka e manao ai e haawi iho na;u e halihali ma na wahi a pau ana e makemake a@.
Opuu 4, 5, aole wahi hiki ole ia’u ma ke ao nei a puni, a ma ka lewa iloko o ka lani, a ma na ano a pau.
Opuu 6, 7, 8, e loaa no au ia oe he mau huaolelo mua i apo pono ia (6, 7, 8) e like paha me ka hee iloko o ke kaiuli i ka wa e mohala aku ai o kona aweawe, ua hiki no ke puliki a lawe mai i kana mea e makemake ai e ai. A pela no keia mau huaolelo, ua hiki no ke puliki a lawe mai i ka inoa hanohano a me ke kaulana, a e loaa no au he kiekie, hiehie me ka noeau, loea, akamai a me ka oiaio no a pau; e pau loa no hoi auanei ia’u ka nani me ka maikai a puni ke ao holookoa, a e piha auanei na manu o ka lewa a me na anela iloko o ka lani i ka hauoli no ka pono me ka oiaio.
Ina e puana pau loa ia ae na opuu pua 8 o keia mahele elua o kuu lei, alaila e loaa no au he mea i phia loa i ke wiwo ole, he naauao me ka pono a me ka oiaio.
E hai mai owai ka inoa o ka mahele elua o kuu lei, a pehea na hooheno ana e like ai a e lei ai kaua i na lehua ula o Mokaulele? E hai pu mai i ka inoa o ka mahele mua o kuu inoa. He 12 pooleta makana.
KEALOHALAHUI.
HOIKE HAPAHA O NA KULA SABATO O MAUI WAENA.
E malama ia ana ka Hoike Hapaha o na Kula Sabati o Maui Waena mai Waikapu a hiki i Kahakuloa, ma ka luakini hoole Pope o Waihee, ma ka ia Sabati, Mar. 27, hora 10 kukahiaka. Ua makemake ia na mea a pau e hele mai me ka makaukau, oia no na haawina ma na buke liilii o keia makahiki. E heie nui mai e na haumana kula sabati e hana i ko ke Akua makemake.
E hoike ana na Kula Sabati o na Honuaula ma ka luakini o Keawakapu, ma ka la Sapati Aperila 3, hora 10 kakahiaka. Ua makemake ia na kula o Ulupalakua, Keoneoio, Keawakapu, Palauea a me na wahi pili koke mai e akoakoa ae ma ia ia. Aia na haawina ma na buke liilii o keia makahiki. E hele nui mai na makua me na keiki.
Na ke Akua e kokua aloha mai i ka kakou hana. J. HAOLE, Kahukula Sabati o Maui Waena.
HE@HOOMAIKAI
E na keonimana e noho ana mai ka Lae o Puanaia ma Kalalau a hiki i na Koolau, a hala loa mai i na keiki o Kilauea, kiei ae hoi makai o na Kalihi me Wanini, ha-lo ae hoi mauka o Kauahoa kahi a ia kamaeu i noho ai, halalo mai hoi i ke one pua rose o mahamoku a hiki i na keiki o ka wai kui o Omao i ka pohau pahee o Wainiha, a hooipo aku kuu hala o Naaikekai, mana i hoonaue kuu kino a hui me na keiki kaulana o ka poli lauae o Makana, he makana hoi kuu aloha ia oukou no ko oukou lokahi ma ke koho ana owau kekahi hoa o ka Papa Ala nui no ka apana o Hanalei. Nolaila, e hooikaika ana au ma na ano a pau e loaa ia kakoa ka pono kaulike, aole hoi e like me ko na au i hala ka lilo o na hooponopono ana malalo o na poe mahiko.
E. KUAPUHI.
Hanalei, Kauai.
W. H. Daniela no ka Malu Ulu o Lele.
Mr. J. U. KAWAINUI.
Aloha oe”
Eia mai kahi mea hou o ka Lai o Lele a ke Kinau e hoi aku ia. I keia la 1 o Muraki i noho iho la o W. H. Daniela i Luna Makai no ka Apana O Lahaina ma kahi o M. Makalua i hoopauia. I ka hora 10, a. m., komo mai la ka puali makai o ka Apana o Lahaina me ko lakou kapena, S. P. Hose, ma ke Keena Hookolokolo o ka Lunakanawai Hoomalu o Lahaina, a ua hookipa pu ia aku elua kahu ekalesia e ke kapena makai i hai ia maluna iho Oiai e akoakoa ana na mea a pau, komo mai @a L. K. H. o Lahaina e ukali ia ana e ka L. K. A. o Lanai, mahope mai o laua, komo mai la o M. Makalua, me ka Lunamakai hou ma kona wahi, a hoolauna aku @a i ke kahu o ka Aha Hoomalu o Lahaina, me na mapuna leo; mahope olaila hoike mai @a ka L. Makai hou @ kona hookohu a waiho aku @a i ke kahu o ka Aha, nana i kono akua ia Hon. W. White e heluhelu ia ma ka olelo Hawaii, a ua hookoia me ka eleu; mahope o ka pau ana oia, nana no ma ka aoao o na @o@o i pane mai imua o ka hope makai hou.
Na ke kahu o ka Aha Hoomalu i pane mai ma ko laua aoao. Na ke kapena makai i pane aku ma ka aoao o na mai. Noi ia mai e Hon. W. White, ma ka aoao o na kahu ekalesia o Maui Komohana, na Rev. A. Pali, i hooko aku. Hookuu ia a lulu lima aloha me ka Lunamakai hou.
MAUI O KAMA.
Lahaina, Mar. 1, 1892.
Ua Like ka Makemake @a me ke Kope
“Ma keia wahi, ua like ke kuai nui ia o ka laau lapaau kunu a Chamberlain me he kope ‘la. He nui ka pomaikai i loaa mai i koo nei poe mai ka hoea mua ana mai o keia laau i kela wahi” A. M. Nordell Maple Ridge, Minn a e kuai ia no e BENSON, SMITH & Co. Na Agena.