Ka Nupepa Kuokoa, Volume XXXI, Number 10, 5 March 1892 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

ME

Ko Hawaii Paeaina i Huiia

 

No ka Makahiki, - - - $2 00

No Eono Mahina - - -  1 00

Kuik@ ka Rula.

 

HOOPUKAIA E KA

HAWAIIAN GAZETTE CO.

H. M. WHITNEY, Luna Nui, J. U. KAWAINUI, Luna Hooponopono.

 

POAONO, - - MARAKI 5, 1892.

 

KULA SABATI.

 

Maraki 13. Ka olelo paa no ka naau ano hou.  Ezekeila 36:25 – 38

 

            A laila, e pipi aku ai au i ka wai maemae maluna o oukou, a e maemae hoi oukou i ko oukou haumia a pau, a me ko oukou mau akuakii apau, a me ko oukou mau akuakii a pau, e hoomaemae aku ai au ia oukou.

            26 He naau hou no hoi ka’u e hawai aku ai ia oukou, a he uhane hou no hoi ka’u e uhao ai iloko o oukou; a e lawe ae au i ka naau pohaku mai loko ae o ko oukou io, a e haawi aku au i ka naau io ia oukou.

            27 A e hookomo hoi au i kau Uhane i loko o oukou, a e hana aku au ia oukou e hele ma ko’u mau kanawai, a e malama oukou i ka’u mau kauoha, a e hana malaila.

            28 A e noho no oukou ma ka aina a’u i haawi aku ai i ko oukou poe makua; a lilo oukou i poe kanaka no’u, a owau hoi ko oukou akua.

            29 E hoola hoi au ia oukou mai ko oukou mau haumia ana; a e kahea aku au i palaoa, a e hoomahuahua ia mea, aole hoi au e kau i ka wi maluna o oukou.

            30 Alaila e hoonui au i ka hua o ka laau, a me ka mea @lu o ka mahina ai, i ole e loaa hou ia oukou ka hoinoia no ka wi iwn@na o na lahuikanaka.

            31 Alaila e hoomanao oukou i ko oukou mau aoao hewa, a me ka oukou mau hana pono ole, a e hoowahawaha iho oukou ia oukou iho i ko oukou mau maka iho, no ko oukou mau hewa, a me ko oukou mua mea inainaia.

            32 Aole hoi no oukou e hana aku ai au i keia, wahi a Iehova ka Haku, e ikeia ia e oukou; e hilahila, a e pilihua hoi oukou no ko oukou mau aoao iho, e ka ohana a Iseraela.

            33 Ke i mai nei Iehova ka Haku, penei: I ka la i pau ai oukou i ka hoomaemaeia e a’u i ko oukou mau hewa a pau, e hoonoho no hoi au ia oukou iloko o ko oukou mau kulanakauhale; a e kukulu hou ia na wahi noenoe.

            34 A e mahiia ka aina noenoe; na moe neoneo nae i mua o na maka o ka poe a pau i maalo ae.

            35 A e olelo lakou,  O keia aina i neoneo aku, ua like ia me ka mala Edena,  a o na kulanakauhale i haaleleia, a i neoneo aku, a i hokaiia, na paa i ka paia, a ua nohoia no hoi.

            36 Alaila o na lahuikanaka i koe a puni oukou, e ike lakou, owau no o Iehova ka i kukulu hou in a wahi i hokaiia, a i kanu hoi in a wahi neoneo; owau,  o Iehova ka  i olelo aku, a hana aku no hoi au ia.

            37 Ke i mai nei Iehova ka Haku,  penei; ninauia hoi au no keia e ka ohana a Iseraela, e hana aku ia mea no lakou; e hoonui aku n@ ia lakou i kanaka me he ohana hipa la.

            38 Me he ohana hoano la,  e like me ka ohana o Ierusalema, i kona mau ahaaina hoauo, pela e paapu ai in a ohana kanaka na kulanakauhale i neoneo; a e ike no lakou o wau no Iehova.

 

PAUKU KULA.

 

            Ezekiela 36:26.  He naau hou @o hoi ka’u e haawi aku ai ia oukou, a he uhane hou no ka hoi ka’u e uhao ai iloko o oukou.

            MANAO ANO NUI.  E pule no ka naau ano hou.

 

OLELO HOAKAKA.

 

            He kahuna mohai o Ezekiela, i lawe pu ia  mai Ieruselema  aku, i kekahi lala o ka muliwai o Euperate, o Kebara kona inoa, he mau mile 200 mai Babulona aku, ma ka akau.

I ka lua o ka makahiki o kona noho pio ana M. K. 595, ua loaa iaia mai ke Akua mai ka oihana kaula. He mau mahina umikumamawalu mahope o ka pio ana o Ieruselema, ua hoopuka aku o Ezekiela i keia olelo wanana, e hoike ana i ka hoi hou ana mai o ka lahui Eudaio i ka Aina Hemolele, a me na pomaikai uhane e loaa ai ia lakou.

            25. Alaila—mahope o ka hoi hou ana ia Ieruselema.  Pipi—nui keia ano hana ma ke kauoha kahiko, i mea e maemae ai ka mea hoomana. Oia no ko lakou bapetizoana.  Heb. 9;13,14.  Haumia—oia no ke ano o ka hewa.  Ua hoomaemaeia ka mea manaoio.  Akuakii—ua pau lo aka hoomanakii o ka lahui Iudaio. Aole i hapai lakou i keia hana hewa mahope o ko lakou noho pio ana. 26. Naau hou—ola no ke ano hou o ka manao, he kulana hou, he mau iini hou, he kuhi hou.  Pohaku—aole hiki ke hoomahuahua.  Mau kona ano kue i ke Akua.  Aka he hua e ola’i.  oia no ke ola hou o ka mea manaoio.  Zekaria 7:12.  Naauio—oluolu a waipahe. 27.  Kuu Uhane—oia no ka Uhane Hemolele. Halelu 51:11.  Hele—ma kea no hoolohe, e hoomahui ana ia Iesu. Halelu 33:12.  29. Hoola—oia no ke kala ana i ka hala, hookaawale ana i ka hewa. Hooeueu ana i kea no Hemolele.  Ke ole keia hoohanau hou ia ana, aole hiki ia lakou ken oho oluolu.  Aole pili keia huaolelo hoola ma ka Baibala i kea no mai o ke kino,  aka nae i ka ano hewa o na kanaka.  31. Hoowahawaha—no ka mea ke hoopaapaa nei ka hewa i ka mea hana hewa. 32. Aole hoi no oukou—o ke kumu o ko ke Akua oia no kona lokomaikai aole kekahi ano maikai o ka poe lawehala.  Tito. 3:5  33. Kulanakauhale—i kukulu hou ia.  37. Ninauia—he olelo paa keia mai ka waha mai o Iehova, aka hoi he pono nona ke lohe i ke noi o kona poe ponoi ma ko lakou mau hana haipule.  38. Paapu—pau ka neoneo.

HE MAU NIELE.

 

Ke ano hou o ka naau,  pp. 25-28. Heaha ka haawina hou mai ke Akua mai no kona poe ponoi?  Heaha ka mea ana i hoomaemae aku? Heaha na mea i kapaia he naau hou,  he uhane hou?   Heaha ka Davida pule, Halelu 51:10?  Heaha ka hana a ke Akua e alakai ai in a kanaka e hana’i?  Mahea ka noho hou ana o ka lahui Iudaio?  Heaha kekahi mau hana hoomana e maemae ai i olelo ia ma ke kauoha kahiko?  Pehea ko ke Akua hoomaemae ana in a kanaka hewa? Ioane, 2:12.  Pehea e maopopo ai ka like o ka hewa a me ka haumia? Heaha ka hana a ka mea hewa e maemae ai?  Oihana 3:19.  Heaha kekahi mau kumu no ke kappa ana i ka naau hewa he naau pohaku? Pehea e hiki ai i ke Akua ke hoolilo i ka naau pohaku?

Ka haalele ana i ka hewa,  pp. 29-32.  Heaha ko ke Akua hooia? Heaha na pomaikai pili kino e haawi ia?  E hiki ana ia kakou ke uh ii ko makou mau hewa ma ka hoomanao ole ana?  Ina paha e hoomanao an aka mea manaoio i kona hewa, e hoowahawaha anei keia hoomanao i kona  imi Hemolele?  Heaha ka mihi e ola’i?  E pono ana i ka mea mihi ke hoike aku imua o ke anaina i kana mau hana hewa?

Ka hoi hou ana i ka pomaikai, pp. 33-38.  Heaha ka pomaikai i haawi ia i ka poe i hoolaia?  Heaha ke ano hou o ka Aina Hemolele? Heaha ka olelo a ke Akua i hooikaika ai i kana olelo wanana?  Heaha ka hana e upuia mai ka poe manaoio mai?  Heaha ka mana o ka pule? E lanakila ana na pule a pau loa? Heaha ke kumu no ka loaa ole ana o na mea i noiia?  Hiki anei i ka pule ke hoolilo i ka manao paa o ke Akua?  Ua kokua anei ke ano haipule i ke ano hookuonoono?  Heaha kekahi pomaikai ano nui a Iesu i haawi mai ai in a mea manaoio? Ioane 14:16, 17, 26.  Pehea e loaa ai ka Uhane Hemolele?  Hiki anei i ke Akua ke hoomaikai i ka poe paakiki?  Hoike ana 20:27.

HE MAU MANAO PILI.

1.       Owai ka mea hookah hiki ke huikala i ka mea hewa?

2.       Pehea e loaa ai ia’u ke kalahala?

3.       Hiki anei i ka mea hewa ke hele pololei i kea la o ka pono?

4.       Ua hoolaia anei kakou ma keia ao ma kela ao paha?

5.       Hiki anei i ke Akua ke huikala i ka mea hewa ke ole kona pule ana?

 

E Hui Hauoli ana Kakou.

Ke kauohaia aku nein a Kahu Kula Sabati a pau a me ko lakou mau Kula Sabati, e hiki ae ma ka Hoike Kula Sabati e malamaia aku ana e like me ia i hoike ia penei:

            Maraki 27—Mai Honaunau a hiki i Waiea, ma Pukaana e hoike ai.

            Aperila 3—Mai Kepulu a Kona Waena, hoike ma Kepulu.

            Aperila 10—Mai Helani a Kailua, hoike ma Helani.

            Aperila 24—Mai  Makalawena a Kohanaiki, hoike ma Makalawena.

            Mei 1—Mai Milolii a Kaohe, hoike ma Milolii.

            Mei 15—Mai Waiohinu a Punaluu, hoike ma Waiohinu.

            Ua makemake ia na Kula Sabati a pau e hui me ka manao lokahi, a na ke Akua e kokua ia kakou a pau loa.  Mai hoopoina i ko oukou mau hoike hapaha.             D. ALAWA,

Kahukula Sabati Nui.

Holualoa, Kona Akau, Feb. 25, 1892.

 

La Grippe.

O ke kunu i hopohopo loa ia ai o keia ma’i oia no ka piha pu o ke akemama i ka male, a pilikia ka hanu ana, nolaila, ua like no ka lapaau ana i ka ma’i Grippe me kekahi ma’i anu ino loa.  Ua kaulana ka laau lapaau kunu a Chamberlaiu no ka hoola ana i ka ma’i anu ikaika loa.  O keia laau ka mea nana e hookaawale ae in a ma’i i maopopo he ma’i ma ke akemama, ke malama loa hoi mahope iho o ka hoola ana ae aole e loaa hou i kea nu. Ua ninau akahele ia iwaena o na tausani i ai i keia laau iloko o ke kau ma’i nui a na makahiki elua i kaa hope ae nei, aole he hookah oia poe i hoonele ia ke ola, a pela no hoi me ka poe ma’i ma ke akemama. He .25 .50 a $1—o ka omole.  E kuai ia no e BENSON, SMITH & CO., Na Agena.

NANEA KAMAHAO

O KE

KEIKIALII

ROMEALA;

KA

Ui Kila Mageneti

O PARAMERI.

Ka Nani e haule ai ka Honua;

            Ka Mahina Meli o Salaredina;

                        Ka La Alohi o Muli@ed@ra:

                                    Na Kulu Koko Kamahao Ekolu.

 

Na Ui Hookelakela

O KE AO HOLOOKOA.

 

NA NANI

Puuwai Uahoa o ka Honuia nei

A O KE

Kila Mageneti o ke Aloha---“O Parameri no ia.”

 

Noho hoomalu iho nei ka mana huna o kela mau huahelu kamahao malalo ka inoa wahahee, na panihao paakiki o Raianapo. Aka e ko makou haku, ua pee oia me ka manao e nalo ana imua o kou mau maka, aka aole loa ia e nalo, no ka mea he kolohe i ko hai alahele.  Ano e ko makou haku, heaha hou ae ia mea au i ike, a heaha hoi na pohihihi i koe?

            O ka nane huna o kela a me keia huahelu, oia ka mea i koe, wahi a Romeala me ka hoomau ana aku no i ke kamailio ma na aoao a pau o kela mau huahelu, ua like nae wale no a pau, aka o ko lakou mau helehelena, ua kue ia iloko o na mahele like ole eha, a me he la iloko oia mau ouli kamahao o ko lakou mau helehelena, pela no e kue ai na haina loaa oiaio o ko lakou mau huahelu.

Ma ka’u hoouluulu i ka haina loaa o ka mahele hookah e hiki aku ana kona huina loaa pololei i ke 52, a ke paha ia aku ia me na mahele e pehu aku auanei kona heluna i ka 368, a mailoko ae o kela huina e hoolawe in a waihooluu likeole elua, a e loaa auanei ka huina helu oiaio o 366, e like me ka nui o na la i loko o ka makahiki hookah, a i ole hoi pela, alaila e hoouluulu i ka huahelu elua a hiki i ka huahelu umi, a e loaa auanei ka huina oiaio o 54, mailoko aku o keia helu loaa, e lawe in a helu waihooluu like ole elua, e koe iho auanei ka huina pololei o 52, a ua like hoi ia me na hebedoma he 52 iloko o ka makahiki hookah. Alaila e ke kilokilo kamahao o Bagesara, ua hewa anei ka’u mau wehewehe ana.

            Aole e ko makou haku, ua pololei ua pololei oe ma na mea a pau. Aka e ninau aku au ia oe, a e pane mai oe i ka haina.

            Ae, wahi a Romeala, alaila i pane hou mai ai ke kulu koko kamahao ekolu, ua hoike mai nei hoi paha oe he 52 ka huahelu a Ludiana ke kamahao ekolu.  Alaila e kea lii he kanalimakumamalua la hele au i aea ai, alaila hoea aku oe i kahi i olelo ia na panihao paakiki loa o Raianapo, a o kela mau huinahelu hoouluulu maluna o kela a me keia ki huahelu no lakou ka huina he 366 oia no ka nui o na i puka komo au e alo aku ai i ke ehuehu, malalo o ka malama kiai ana a na koa elua i lako me na haawina e lilo ai oe i mea ole.

A—i hooho ae ai o Romeala, ua a-a au e ku imua o laua in a wa a pau, e like me ka’u i a-a ai e ku aku imua o na kupua o Homelana ke hoea aku au ilaila.  Nolaila e ke kulu koko kamahao ekolu, e hai mai, heaha ka i puka mua loa a Romeala e komo aku ai?

E kea lii, e nana aku maluna o na ki huahelu he 52, a e koho iho kou loea a me ka noeau, owai la o lakou kau e lawe ae ai, oia ka ipuka mua loa a kou ihiihi e komo aku ai, wahi a ke kulu koko ekolu.  E ka loea o Bagesara, wahi a Romeala me ka hoomau ana aku no i ke kamailio, au i haawi aku ne ii ko’u noonoo akahele ana maluna o na ki huahelu he 52, kaupaona ae la au no na ki huahelu i hoailona ia me ka lau o na pua, a ike iho la au, aole au i loko o ka inaina a me ka huhu, aole hoi iloko o ka uluaoa a me ka mokuahana.  Nolaila, ke hole aku nei au aole au i kuikahi like me na ki huahelu he 13 o ke “kalaunu.”

            Alaila, o wai kau i koho aku la? Wahi a na huahelu kilokilo i ninau mai ai.

            Pane aku la o Romeala, ua koho aku nei au no na ki huahelu i Alana ia me na hoailona o ka opuu pua, me kuu manao o ko’u hoa la ia e kohu ai, aka ike hou iho la au i kou kuhihewa nui, oiai o na pua, he nani a he ui wale no ko lakou i ka manawa, e kaomi nalie ia ana e na kulu kehau huihui o ke kakahiaka, aka, ke wela mai ka la me he ahi la, e mae iho no auanei lakou me he mea hohe wale la.  Nolaila aole o Romeala iloko o ka hoohe wale, aole hoi i ka hoi hope, aka aia oia a me kona mau kapuai no ka hele i mua a hiki i ka wa e hooko ia ai o ka’u hoohiki e wawahi ana au i na panihao paakiki o Raianapo.

            Ano la e ka loea o Bagesara, aole au me na ki huahelu he 13 o ka peki, a aole hoi oia ko’u hoa e kohu ai ka olelo.

O oe o wau ia hana

Na uilani koi a ka makemake

Makemake no au e ike lihi,

I ke kai kapu o Heeia.

            Aole pu hoi au i na ki huahelu o ke daimana, aka, aia au i na huahelu he 13 o ka Haku, ka mea iaia ka hoailona i olelo ia, he puuwai hao kela ko Reima, aohe makeneti e paloke ai.  Ae, e ke kilokilo kamahao o na huahelu he 52, o ko’u hoa auanei ia e kohu ai.  E hele mai ana ia ma ka aoao o ke aupuni o Raianapo me kona ikaika kupaa e hiki ole ai i ko kea o ke hookahuli, a o Romeala hoi, ke hele aku nei ia me kona loea o ke kila makeneti, a hoolilo aku iaia i mea hohe wale i mua o ko ke ao holookoa, ma ka olelo ia ana ua nahaha a weluwelu liilii o Raianapo i mua o ke kila makeneti hookelakela o Parameri.

            Me keia mau olelo a Romeaia, ia wa i wawalo kupinai ae ai ka leo o na kulu koko kamahao ekolu me ka huaolelo hookahi, pololei pololei e ko makou haku, a ia wa pu no hoi i hakui iho ai ka leo paapaaina o na hekili ekolu me ka ikaika nui, a i ka hala ana aku o ia mau hiohiona hookalakupua, ia wa i poha hou mai ai ka leo o ke kulu koko ekolu me keia mau olelo.

            E ke keikialii Romeala, iwaena o kela mau ki huahelu he 13 e ka Haku, owai o lakou kau e lawe ae ai oia ka ipuka mua loa au e komo aku ai iloko o Rianapo?  Pane akula o Romeala o ke ki huahelu, iaia wale no na hoailona holokoa o ka puuwai o Reima, oia ko’u ipuka mua loa e komo aku ai, a ke haule pio ia’u ka hanohano o kela ipuka, alaila o ka nui aku a me ka lehulehu aohe olelo ana, he hooluu wale no.

            A-ha! o ka Eiki Haka ka ka ipuka mua loa, a ka loea o ke ao i makemake ai e komo e hoohauhee ai maule Ewa me ka Moae, wahi a ke kulu koko ekolu i hooho ae ai. Alaila, o Peinehame ka hua e hemo ai o ua ki huahelu la, oia hoi ma ka hoohalike ana ka puuwai kupaa o Reima.

            Oia! oia! i hooho ae ai e Romeala ua loaa ia oe ka mea au i makemake ai no ka wa mua loa e kulai ilalo a ke haule oia, alaila e lilo pu no auanei kona kino holokoa, no ka mea o ka puuwai ke kumu o na mea a pau, a ke neie oia me ia mea, alaila ua nele pu oia i ka hanu ola, ano e na kauwa hoolohe ekolu o Bagesara e makaukau no ka oukou hana, i mua no ke panihao ekahi o Raianapo no ka wawahi ana aku i kona paa malalo o ka’u mau kauoha.

            No keia mau olelo kauoha a Romeala, na ia mea i oehu koke ae i kana mau kauwa hoolohe ekolu me ka puahiohio nui, a i ke sekona a ka loea o ke ao i moeuhane mua ole ai, aia hoi haukawewe ana ka ihu o kona mau kamaa i ke pani puka ekahi o Rainapo, malalo o ka manao ke kulu koko kamahao ekahi Leko! i hooho like ae ai ua mau kulu koko la.  Puka ekahi, hoa kiai elua, aupuni o Raianapo, Ha, ha, ha, ha, a hehe ae la ka aka a ua mau kulu koko kamahao nei ekolu.

            O kela leo hooho o na kulu koko ekolu o ia ka Romeala i hoomanao koke ae ai, ua hoea mai oia i kahi e hoohana ia ai o kona loea no ka wa mua loa imua o na panihao paakiki o Raianapo, nolaila me ka leo moakaka, kahea ae la oia i keia mau olelo!  E ka puuwai o Peinehame e wehe ae i kou mau ipuka i komo aku ai au iloko o Raianapo, mo ka mea ilaila ka’u huakai o keia la.

            O keia mau olelo a Romeala i kahea aku ai i ke panipuka ekahi o Raianapo, oia ka ua panipuka nei i uina nakolokolo mai ai me ka ikaika a poha mai la he leo me na huaolelo moakaka o ka ninau.  O wai kela, a heaha kau hana me na panihao paakiki o Raianapo nei?

            Pane aku la o Romeala, o ka loea au o ke ao, a e makemake ana e ike i kahi i olelo ia na panihao paakiki o Raianapo.  Alaila, heaha ka hua, a owai hoi ka puana? wahi a ka ninau.  O ka puuwai o Peinehame, oia ka hua, o Eiki Haka ka puana, ua pololei anei? wahi a ka pane.

            Aohe pane no kela hana a Romeala, aka o ka mea i ike ia, oia no ka hemo ana aku o ke pani puka a hamama, a maloko aku o ua panipuka la e ku ana he elua mau koa kiai me ka laua mau mea make ua makaukau e hamare iho maluna o ka loea o ke ao.

            O ka huaolelo mua o ke kauoha, a ua mau koa kiai la i pane mai ai, oia no keia.  E ke komo hewa, ma kena wahi huli hou aku ko alo i hope a hoi aku ma kahi au i hele mai nai, nee hou mai oe imua nei, he make wale no kou.  O keia leo kauoha o na koa kiai, aole loa ia i hoolohe ia aku e Romeala, aka hele aku la no oia imua me ka pane pu ana aku i keia mau olelo; o ka pahi kaua, no ka la hoouka kaua ia, a o ka’u e hele aku nei, oia no ka berita kukahi mawaena o ka honua a me ka lewa.  Aole i pau pono loa aku keia mau olelo a Romeala, aia hoi ua awala koke mai la no na wahi koa kiai i ka laua mau hauna pahi e hoolana ai ka loea o ke ao i ka wai, aka, mamuli o ka mana a me ka makaala o kana mau kauwa hoolohe, aia ua k@la makeneti nei ua puhalahiu aku la no loko, a o na wahi koa kiai hoi, ke hookala wale ala no i ka oi a me ke oolea o ka laua mau pahi i luna o na paiapahao paakiki o Raianapo, me ka hooho ana he kipi! he kipi! a i kela a me keia manawa, o ka laua mau hauna pahi e haule aku ai, o ke koele wale no o na paiahao o Raianapo ka mea lohe ia.  O Romeala hoi, iaia i puhalahiu aku ai mai ka maka pahi aku a na kiai o Raianapo, malalo o ka mana huna o ke kulu koko elua, a me ka mana holo o ke kulu koko ekahi, leha ae la ia maluna o keia aupuni a mahalo iho la ia i ka nani.

            He wahi aupuni uuku keia nona ka loa a me ka laula a Romeala i koho iho ai he elua wale no mile kuea, a ma kona mau palena apuni e popohe ana na opuu pua o kela a me keia ano, a no lakou hoi na ea kupaoa like ole he mau tausani e hooheno ana i ke a-a lole ihu o ka loea hookalakela o ke ao.

            Ma kela a me keia aoao o ke ala hele, e popohe ae ana na pua lilia o na waihooluu eha, a o ia ka ua loea nei o ke ao i mahalo ae ai me keia mau olelo.  He wahi aina uuku nani ka hoi keia, aka nae, aole no i loaa aku ka nani o kuu Parameri ka aina o ka waiu a me ka meli.

            Mahope iho o na kilohi a me na makaikai ana a Romeala i keia aupuni o Raianapo, hoomau hou aku la oia i ka hele ana i mua ma ke ala e hoea aku ai i ka i puka elua.

            He puahiohio ana me he makani la, he maalo ana me he aka kino wailua la, hoea aku la oia malalo o kekahi mau puka pio elua, a malalo o ko laua mau umalu, komo aku la ua loea nei o ke ao, a iaia i hala aku ai ma kekahi aoao, aia hoi i loko o kona pahaohao nui ike aku la oia i kana mea i namunamu ae ai iaia iho.

            Kupanaha, ua hoea mua iho nei no hoi au ma keia wahi aupuni, a eia ka e hoea hou ana no au ia nei, he keu keia o ka mea kupaianaha loa, ke nana ae nei au o na mea no a pau a’u i ike mua iho nei, ea, aole anei keia he mau hana hookalakupua?  Ae he mau hana hookalakupua keia, koe wale iho no he elua i puka komo o keia a’u i komo mai nei, o ka’u i komo mua ai he hookahi, aka he elua nae mau koa kiai, a o keia hoi he eha, he keu keia a ke pahaohao.

            No ka piha pahaohao a poihihihi loa o ke kila makeneti, ua kahea ae la oia i kekahi o kana mau kauwa hoolohe, kulu koko kamahao ekolu, huahelu kilokilo eepa he 52, e hai mai, o wai keia aupuni, a o wai hoi kela mau i puka elua i hala aku la i hope.  O ke aupuni ekahi no keia o Raianapo malalo o na hoomalu ana a ka puuwai o Peinehame, a e like me ka’u i hai mua aku ai ia oe e aea ana oe i loko o na la hele he 52 mamua o kou hoea ana aku no kahi i olelo ia ke panihao paakiki loa o Raianapo.

            Alaila, he keu keia a kahi aina uuku nui wale a ke pahaohao, ma ka’u koho iho nei he elua wale no ona mile kuea, aka nae ma ka nana aku he keu aku nae a ke kamahao, wahi a Romeala.

            Ae e ke alii, he wahi aina uuku keia au e noke iho ai a maluhiluhi, a no keia wahi aina ka olelo.

Kuu kiou aia i muli

Ke aloha nae aia i mua

            Ae e ke alii, he uuku keia wahi aupuni la, eia nea, he oi aku ka panee ka holo ana i mua, a ma ka hoike pokole ana aku, aole loa oe e hiki i ka pale@a o keia wahi aupuni uuku, a pau na la he 13, a o kou hiki ana aku hoi ia i ke 82 o na i puka o Raianapo nei.

            A-he! eia no ka kakou i ke aupuni mua e lohi apa nei, alaila he eha wale no ka aupuni o Raianapo nei? wahi a Romeala.

            Ae e ke alii he eha wale no aupuni o Raianapo nei, a o ko lakou wahi kuleana iki wale iho la no nae ia a pau eha, aka iloko nae oia wahi uuku la, koikoi nae na la hana au e olelo iho ai.

O ka iki waikini ia,

Uhi paa ka noe o Alakai.

Ano e ke alii e makaukau nou iho, i na aku ka i puka ekolu, a maalo mai i mua o kou mau kiionohi ike.

(Aole i pau.)

 

Ke ka hea ia aku nei na lala apau o ka Hui Hookuonoonoo o ka Puukolo e akoakoa ae ma ka hora 7:30 o keia ahiahi Poaono iho, ma ek Kauoha.

 

Hoolaha Kumau.

PAPA! PAPA!

 

AIA MA KAHI O

 

Lewers & Cooke

 

(LUI MA),

 

Ma ke kahua hema o Alanui Papu me Moi.

 

E LOAA NO NA

 

PAPA NOUAKI

 

O kela a me keia ano,

 

Na Pani Puka, na Puka Aniani,

na Olepelepe, na Pou, na O’a,

na Papa Hele, na Papu Ku,

me na Papa Moe he nui loa.

 

NA PILI HALE O NA ANO A PAU

 

A me na

 

WAI HOOHINUHINU NANI

 

O na ano a pau loa.

 

Na Balaki o na Ano he Nui Wale

 

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

 

Uku Haahaa Loa,

 

E like me ka mea e holo ana mawaena o Laua a me ka Mea Kuai.

 

Hele Mai e Wae no Oukou iho.

2357-q

 

Ka Waiwai o ka Hilinai

 

Saseparila Ayer

AYER, Laau Saseparila kai kaulana i hilinai nui ia no ka hoomaemae koko ma na wahi a pau o ka honua, he aueaue 40 makahiki i hala ae nei, a ua lawelawe nui ia hoi iwaena o na oihana lapaau O keia

 

LAAU SASEPARILA, no loko @@ ia o ke aa Saseparila Honed@ra maoli; ua loaa ka mana hoomaemae ma o ka hui pu ia ana me kekahi mau aa laau e ae, a me, kekahi mau mea no loko o ka honua a me ka hao.

 

HE KOKO inoino a nawaliwali anei kou? Ua awili pu anei me na ano ma’i ikaika? A ua huipu anei me na wai awaawa hoopehu? Na keia

 

LAAU e hoomaemae ia mau mea ino a pau a maikai.  O na kauka lapaau a pau o Amerika i ike i ke ano o ka Ayer Saseparila ua olelo lakou, aole he mea maikai e ae no ka hoomaemae koko ana mai na ma’i i awili pu ia, aka o keia wale no.  No ka

 

HOOMAEMAE ana i ke koko, a me ka hookahua pono ana i na mea a pau ma kekahi mau ano ma’i i ike ia, o ka Ayer Saseparila wale no ka laau nana e hoomaemae ae me ka hakalia ole mamua ae o kekahi ano laau @ @@.  O ke ano

 

KOKO INO hakuhaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Saseparila a Ayer.  He maalahi a he

 

MAIKAI loa hoi keia laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hooikaika pu ana i ka holopono ana ma na aa.  He lehulehu wale na hooia ana mai na wahi a pau o ke ao nei i hoohana mai i keia laau mamua o kekahi mau laau e ae

 

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma’i, a pela aku.  He nui na laau hoomaemae koko i hoolaha wahahee wale ia malalo o na inoa he lehulehu, aka o na hilinai a me na hooia wale no a ke ao holookoa, maluna o ka

 

Ayer Laau Sasaparila,

 

I HOOMAKAUKAUIA E

 

Kauka J. C. Ayer & Co., Lowell Mass.

 

HOLLISTER & CO.

 

Na Agena ma ka Paeaina Hawaii.

2357-q

 

Hoolaha Kumau

 

KAKELA ME KUKE

 

KA – HALEKUAI – NU.

 

O NA

WAIWAI LIKE OLE

 

NA MEA HANA

 

KAMANA A PAU

 

Pahi,

            Upa,

                        Pulupulu.

 

NA PENA

 

KAA – PALALA.

 

IPUKUKUI

 

A ME

 

KA AILA.

 

PALAU!

 

A me na mea Mahiai.

 

NA PAKEKE POI

 

Ipuhao, Iliwai.

 

Makau me Aho Lawaia

 

Mikini Humuhumu

 

MIKINI A WILCOX ME GIBBS.

 

Na Mikini a Remington.

 

KAKELA & KUKE.

 

2371-q