Ka Nupepa Kuokoa, Volume XXXI, Number 8, 20 Pepeluali 1892 — Page 3

This text was transcribed by:	Kate Motoyama
This work is dedicated to:	sister janie revelo

Ka Nupepa Kuokoa

KE KILOHANA POOKELA NO KA LAHUI HAWAII.

NU HOU HAWAII.

Ua upu ia e ku mai ana ka mokukaua Beritania H.B.M.S. Warspite Honolulu nei ma ka la 1 aenei o @@maki.

A keia Poalua ae e ku mai ai ka mokuahi Austria mai Kapalakiko mai me na mea hou hope loa o na @lua mamao mai.

Ua hoopuka ka aha piha i ka olelo no ka hoopii a Caroline J. Robinson no ka waiwai o kana kane i make i @o@mai ka makuakane mai i hala e i ka make, e haawi ana i ka pono no ka mea hoopii.

I ka auina la Poalua nei, ua haalele mai ka mokukaua Beretania "Pleasant" ia Honolulu nei a hole aku la no Kawaihae, i loaa ai he manawa no kona mau aliimoku e hoohala ai ma ke alualu holoholona ma Mana, Hawaii.

@ Ma ka la koho balota, ma Kukuihaele nei, ua hookui na lio o kona mau kanaka no laua na inoa o Kawahaala no Waipio--ua make oia iloko o ewalu la. O Keoki Hale no Kapolena,--ke waiho nei oia me kona eha a me kona lio ua haki ka wawae.--FISH."

Ua hoolana ia iloko o ke kai i ka la 29 o Dekemaba 1891, mai ka pa kapili moku aku o Chas. Connell & Co. ma Scotstown, Sekotia, ka moku pea kiapa hao kila hou loa "R. P. Rithet," a e hooholo ia aku ana mawaena o na kapakai Pakipika, Hawaii a me Austaralia, malalo o kapena Morrison.

ILI KA MOKUKAUA VITORIA--O ka mokukaua Vitoria e lawe ana i ka have o Hope Admirala Sir Anthony H. Hoskins o na aumoku kaua o ke Kai Waenahonua, ua ili a nahaha oia ma na kapakai o Helene me ka poino nui. O ka nui o kona mau poino nui. O ka nui o kona mau tona he 10,470, a he 14,000 lio ka ikaika hoo nee o kona mau enegini.

He ahaaina olioli nui ke haawia ana e ka poe o ka Aoao Hoomaemae o ka apana o Hana i ka Poaono i hala ma Wananalua, no ka puka ana o ka moho a ka Aoao Hoomaemae maluna o ka moho a ka Aoao Hookahuli Aupuni. Pulelo haaheo io aku la no ka hookelakela i ke keiki papa o ka alua i puka mai la.

Ma ka hora 5 o ke ahiahi Poakahi nei, Feberuari 15, ua holo aku ka mokuahi Waila no kona mau awa ma Maui, a holo loa aku la no Hilo me ka lawe pu ana aku ia 25 poe puni makaikai i ka lua pele o Kilauea. E noho ana ka huakai umakaikai i Kilauea no 3 la. A ma ke Kinau o ka la apopo e huli hoi mai ai lakou a pau me ka hauoli nui mamuli o ko lakou ike maka ana i ka Lua Pele kaulana loa o ke ao nei.

Ho 36 o na apana aina aupuni o Makiki, Honolulu nei, i mahelehele ia i mau pahale, no lakou pakahi ka nui o ka ili mai ka eha hapa lima eka aku a i ka hookahi eka a oi, a mai ka $250 a $500 o ka apana e hoomaka aku ai ke koho, i kuai ia aku i ke akea i ka Poakolu nei ma Aliiolani Hale, a ua hiki aku ka huina dala no lakou a pau i ka $26,315. Makepono kela no ka wa moowaa e like me keia.

Ua hoouna mai ke Kanikela nui o Hawaii ma Kapalakiko o David A. McKinley Esq., i ka Lunahooponopono o ke KUOKOA a me ka PAEAINA i huila, a ua hoouna mai la oia a me kana lede i ka hoike no ka mare ana o ka laua kaikamahine, Ida Helen, ia Mr. George Edward Morse, ma ka la 6 Feberuari, ma Kapalakiko; a ua ukali pu mai me ka palapala ike i ka paa mare i awaiaulu ia, no laua ke KUOKOA e kahoahoa aenei no ka laua ola loihi a noho ana oluolu me ka holomua.

Ma ka hora 8:30 kakahiaka o ka Poakahi aku nei i hala Feberuari 15 ma Koula, Honolulu nei, me ke kaa mai ole, ua poi po mai la ka make a kaili aku la ia Mrs. Hoopii me ke aloha nui la. Ua ala mai oia me ke ola maikai a ua paina kakahiaka me ka oluolu, aka iaia i komo aku ai iloko o ka hale auau mahope o ka pau ana o ka paina, he halulu o kona hina ana i lalo ka mea i lohe ia aku, a i holo ia aku ka hana e nana ua lede loa ae la kona aho. Ua lomilomi ia a hoouna ia kekauka, aka ua hala e ka hanu ka waiwai ke kino. Ua waiho iho oia mahope nei, he kaikamahine aloha makua, he mau keiki kane elua, hookahi o laua aia i Iapana, a me elua mau moopuni i hii alo ia e ia. Ma ka auina la POalua mai, ua manele ia aku oia no ka ilina o Maemae, i ukali ia e kekahi kaoo kaa nui o na aloha a me na makamaka, a na Rev. A. Makinikoka i puana mai i ka pule hope mamua o o ka uhi ana iho o ka lepo e hunakele. Aloha ino o Hoopii!

E haawi hou ia ana maloko o ka luakini o Kaumakapili, he aha mele hookani ogana i ka po Poaha senei, a ia po e lohe ia ai he mau leo malihini hou loa mai ke kai mai.

Ua ku mai ka mokuahi Alameda i ke kakahiaka nui Sabati i hala mai Kapalakiko mai, me ka puali haole makaikai ia ka lua pele o Kilauea a me kekahi mau ohua kamaaina o Honolulu nei. Ma ia auina la no, ua holo loa aku ka Alameda no na Panalaau o ka Hema.

Ua make mai nei ma San Diego, Kaleponi, i ka la 18 o Ianuari i hala, o Mr. T. H. Paris, kaikaina o Rev. J. D. Paris o kona Hema, Hawaii, a makuakane o Geo. H. Paris e noho nei ma ka halepai Kuokoa a me Edwin Paris o ka halekuai o F. O. Hall & Son. Ua hanau ia oia ma ka mokuaina o Viriginia i ka la 11 o Augate, 1822. Ua noho malama halekuai oia ma Waihee mamua, a ma Wailuku i kekahi wa. I ka 1881 ko laua hoi ana i Kaleponi me kana wahine, oia ke kaikuahine o R. Lewers a noho malaila a hiki i ke kii ana mai la o ka make.

Eia ka hoopii mandamus a Mr. James Mattoon, kekahi o na moho lunamakaainana o ka apana o Hilo Akau, imua o ka Aha Kiekie e koi ana i na Luna Nana Koho Balota o ka apana e hoopuka i ka palapala hookohu lunamakaainana nona, oiai aole i hoopukaia ka hookohu no kekahi o na moho no laua na balota i like ma na olelo a kekahi poe, a ma kekahi lohe hoi ua oi no o J. Mattoon. OIai, aole i haawi ia ka olelo hooholo i ka wa i ike ia kekahi paoioi, nolaila imi ia mai nei keia alahele. Ke kali ia aku nei ka hopena.

Ua pukaamaka aenei ma kekahi nupepa namu o ke kulanakauhale nei, na olelo hoolaha a na Lunahooponopono o na poe i hanakarupe iloko mai ne o keia makahiki. E ia malalo iho ko lakou heluna penei: No Hawaii--R. S. Agee o Hilo a me Manuel Viera o Honomu; Jacintho de Mello o Honokaa; W. AKui o Kohala. No Maui--Amau a me Api o Waihee; Wong Atim o Wailuku; Kim Fook o Waikapu; Y. Alau o Kahului; a me M. I. Medeiros & Co. o Kuau. E ia no keia i na la mua o ka makahiki, ke hele uluulu mai nei nae ka hapapa ana a keia mai ahulau hoopihoihoi manao.

O na aina o ka moi make Kalakaua i hoolaha ia ai e kona Lunaponopono Waiwai ke Kauka Trousseau no ke kudala akea aku, ua hooko io ia no ma ka Poaono i hala, Feberuari 13. O na aina i keakea ia mai e kekahi poe, aole i kudala ia, aka o na aina i kuai io ia, ua hiki aku ka huina houluulu o na dala loaa no ia mau aina i ke $43.265. Ma ka noho ana o ka Lunakanawai Kiekie i ka Poalua nei no ka hooiaio i keia kuai ia ana, ua apono ia na aina e ae a pau a koe ka aina o Aiea ma Ewa i koho ia e Juo. Bowler no ka $2.500 aohe ae ia no ka uuku loa. Nolaila e kudala hou ia ana, a in a aole e pii aku, lilo no ia J. BOwler no ia kumukuai mua.

HIOLO KA PALI O NUUANU--Ma ke kakahiaka o ka la 9 o keia mahina ua pii kau la ka Luna Nui o ka Oihana Kukui Uwila o ke Aupuni John Cassidy, ka Luna Nui o na Hana Hou a me ke Kuhina Kalaiaina, no ka hoopahu ana i ka pali me ka uwila no na lua eono i eli mua ia ai. Ua hoomoe ia he laina uwea mai kekahi aoao o ka pali a hoea ma kekahi huli me ka hikiwawe loa i ole ai e pulu ka uwiki i ka ua, a ua hookomo ia ae la he eono owili pauda iloko o na lua eono, alaila hookui ia ae la na uwea i kahi o ka pahu mikini ma mela aoao mai o ka pali. Kahea ia ae la na mea a pau e hookaawale, a aole i liuliu ua pahu ae la hookahi lua a koe elima. I ka nana pono ia ana o kahi i hanee, ua ike ia ua opaha pu ka pali maluna ae o ke alahele kahiko, a ua nui ka pohaku e hiolo ana.--T.S.K.

AHAHUI KULA SABATI--E noho ana ka halawai a ka Ahahui Kula Sabati o ka Mokupuni o Hawaii ma Puako, Kohana Hema, Hawaii, i ka Poaha, Maraki 11, hora 2 auina la e like me ka hoopanee ana. A ua makemake ia na Elele a me na Kahukula Sabati Apana a pau e hele mai me na hoike piha o na hana no na mahina eono i hala, a pela pu me na Kahukula Sabati Nui. Ua makemake ia na Kahukula Sabati Nui o haawi aku i na Papa Hoike Helu i na Kahukula Sabati Apana o ko lakou mau apana iho, e like me ka hooholo ana a ka halawai i malamala ma Kohanaiki, Kona Akau. E lawe mai ma na mea ano nui ka hoike a na Elele, a e heluheluia imua o na Kahukula Sabati Apana.--S. KAILI, Kakauolelo.

E haawi ana ka Moiwahine maloko o Halealii Iolani i ka po POakahi aenei, i na kamalii, i anaina lealea Europa lole kinohinohi, a eia ma kono ke puka nei.

Ua loohia ka Biohpa o Oiaha i kona wa e paina kakahiaka ana iluna o ke pakaukau i ka Poaha nei i ka mai lolo ma ka aoao hema o ke kino, a ua ola mai oia me ka maopopo ole o ka pohala a inehinei.

NA ANOAI O HANALEI--Ma ka la 29 i hala aku la oia hoi ka la Konohi, ua pakele ke ola o Malia, i ka waikahe nui o Lumahai ana lilo aku kona lio ka noho a me ke kaulawaha, a me na kamaa buki i ka moana a ua make loa ka lio. EIa hou, nui ka on a o Kaopua i ka rama o keia kekahi o na makai o Hanalei, ua hele oia ma ke alanui me ka waiho wale mai no o kona kino ua oni i ka lepo auwe minamina ka hana o ke aupuni i ka hapala ia e neia makai. Eia hou no, ma ka la 3 nei ua koho ia ka balota o na moho A.S. Wilcox, a me J. H. Kahilina. Ua hele mai kekahi poe me ka on a i ka hoomaka ia ana apau ke koho ana i ka helu ia ana o na balota ua kaha ia mahope o ka inoa o na moho, a o kekahi hoi mawaho ae o ka balota, a o kekahi hoi ua kaha ia na moho a i elua a o kekahi aohe i kaha ia o keia mau hana epa na ka poe on a rama, o ka nui o ka poe on a i kai huakai mai e 7 ko lakou nui ka alihikaua o keia poe o M. Puulei, auhea oukou e na makamaka o keia inoa e kau aela oia no kekahi hoa o ke kiure o Lihue i keia kau, auwe ka hana pono ole a keia Lunakanawai e ike ia ae la.--S. KANIUOHELE.

I ka auina la Poakahi i hala, maloko o kekahi keena moe o ka hale elua iluna o ka Hotele HAwaii, ua lawe ae kekahi haole malihini o Kikako, Ilinoe, America Huipuia, i kona ola ma ke ki ana ia ia iho me ka pu panapana a make loa. O kona inoa, Samuel S. Boone, he 55 ka nui o kona mau makahiki a he kaikaina kona a meke kaikuahine e ola la i Kikako. He mai kona ma ka opu o ka hoomailo ana no eha makahiki ka loihi a i holo mai i Honolulu nei e imi ai i ka oluolu ma kela huakai mua aku nei a ka Australia. O ka leta i loaa aku e kakau ana i ke kaikuahine, ua maopopo ua hoomakaukau o ia no ka make, a e kau leo pu aku ana, mai haohao oia i ka wa e lohe aku ai no kekahi ulia e hiki mai ana maluna on a, aka in a i makemake e kauoha mai e hoihoi aku i kona kino kupapau, ua hiki no. Ua loaa pu aku he bila kikoo dala nona ka huina he $3,500, a mai na pepa e ae oloko o kona pahu lole ua loaa aku he mau mea e hoike mai ana, aia kona kuonoono ma kahi o ke $75,000. Ua lawe pu ae ke Kanikela nui America i na pono pilikino o ka mea make, a ua hooana ia aku ka lohe i kona kaikuahine no kona make ana.

NA LETA

[Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe mea kakau.]

HE HOOMAIKAI.

Ke hoomaikai, a ke pahola aku nei au i ko'u mahalo piha i na keiki o ke one oiaio, a me na ilikea a pau o ka hikina, no lakou na puuwai lokahi mai ka hikina a i ke komohana, mai ka Akau a i ka Hema, mai ka paa iluna a i ka paa olalo, mai ka hookui a i ka halawai. O ka hanohano a oukou i kau iho iluna o'u, mai ko oukou mau umauma maino ia. A i mea e maopopo loa ai, aohe o'u mau luna hooikaika a puni o Hawaii.

O na halawai a'u i kipa aku ai, na pukolu no ia a Kaenaakane, a ua kahea ia au e papa leo iki, a ua hooko aku au. I ka la koho, elua a'u kahua koho, i ike aku ai ma ke ano makaikai, i ke ano o ka hana a ua nani no paha, a me he la pela no a puni. Nolaila, e na haku, "oka pono," o ko'u kahua ia e ku ai, o ke kaulike, a me ka lokahi o ko'u mau alahele ia. No ke aloh ai ko kakou Moiwahine, ko kaoku lahui, a me kakou aina, i mau ka maluhia, i mau ke kuokoa no ka manawa pau ole. A na ke Akua e kokua mai ia kakou, makaainana, a i ole o na alii paha, i mea e hoohalahala ole ia ai ka oukou mau palapala hoopii e ka poe kaukanawai o ke Aupuni. Ka oukou kauwa.

J. G. HOAPILI.

Keauhou, Feb. 16, 1892.

Aole he Oiaio.

E ka NUPEPA KUOKOA a me KO

HAWAII PAE AINA,

Aloha nui: Ua like au ma ka helu 3 o ka la 16 o Ianuari, e hoike ana o W. E. Euae i ka lilo loa o ka Lunakanawai a me ka Hope Makai Nui i ke kanu kope. Aohe pololei o kela mau olelo a Euse, he manao ino a me ka laipila ke ano. Aole i palaualelo ka Hope Makai Nui, eia no oia a me na makai ke hanu nei ma na meheu o na poe kue kanawai.

No ke kaheawai o ka lemu hao--He wahi mahu wale no ia i pua ae a pio koke no i ka eleu o ka hope makai, a na ka lunakanawai ke kapi ana. Mahea hou ae o Hilo Akau e kaheawai nei ka lemu hao.

No ke kakale o ka poi i ke au loihi a na keiki o ka poi i ke au loihi a na keiki o ka Aina Pua, a me ka niniu o ke pakaukau poepoe a na Kepani--Aohe oiaio o kela, a oia no paha ka mea i huna ai i ka inoa oiaio. He makaaia a me ka eleu na hana a ka hope makai nui, maluhia ka apana.

Mamuli o ka hoopono a me ka malama i ka hana, ua loihi kona noho ana ma ka oihana. Aole he palaualelo e like me ka Euae e hoolaha hoopunipuni nei.

W. KAMAKA.

Wailua, Hilo. Feb. 8, 1892.

Na Anoai o ka Moku o Hina.

MR. LUNAHOOPONOPONO: Ma ka la 11 o Feberuari nei, ua noho ka Aha Apana o Molokai nei e hoolohe i ka hihia haalele wahine malalo o ke kanawai hou. W. A. Kukamana ka loio o ka mea hoopiiia. Ua kaa ka pono i ka mea hoopiiia e like me na olelo ike a na hoike. Ua ninau ka aha no ko lau aae e hoi a noho pu, ua ae no laua; a ua kauoha mai la ka aha e hoi ke kaue a noho pu ma kahi a ka wahine e makemake ai. A ua kokua pu ka Hope Makai Nui o Molokai nei ia manao ma ka hoolilo ana i ka wahine i haku no ke kane. Uamahalo nui ia o W. A> Kukamana no ka maikai okana mau hoakaka kanawai, me ka olelo ana o ke kane ka haku maluna o ka wahine, na keiki a me ka ohana. He mea ole nae ia i na luna aupuni o keia apana. Ua nui ke kahaha o kekahi poe haole no keia hana a ka lunakanawai.

Ma ka la 12 iho nei, ua hooholo ka elua hapakolu o ka Papa Alanui o Molokai nei, o SImona Kahalehulu ka Luna Alanui.

KIUMEAHOU.

Waipahu, Molokai, Feb. 15, 1892.

I Huna oe i Kou Inoa no ka Oiaio Ole.

Mr. Lunahooponopono

Aloha oe--

O wai oe e ka mea huna inoa i kalahea ae nei me kou waha nui maloko o ka Hawaiian Gazette o ka la 9 o keia mahina, e hapala ana i ka hana a ka Luna Hoomalu o ka Papa nana koho Balota a o ka Papa nana holookoa o Kona Akau nei? A no ka n-a ole o kou lili, hapala hou ae nei oe i ka Luna Leka no ke kapae, huna a hoouna koke ole paha i ka wa kupono i ka leta noi holo balota a C. D. Miller i ke kuhina kalaiainana? A no ka lawa ole no o kou inaina, hoohui ae nei oe i ka Papa nana koho balota me na moho holo Papa alanui me ka hoike ae--ua hui lakou a kuka a hooikaika no ka holo pono o ko lakou mau inoa e puka i Papa alanui? A no ka hiki ole ke uumi hou iho, hoike ae ne oe o J. K. Nahale wale no ke kanaka kupono o keia Papa alanui? A no ka hiki ole ia oe ke hoomanawanui hou aku, hoike a-maka maoli ae oe i ko na kauka makemake ole a hilinai ole i na lala o ka Papa alanui--a ia J. Kaelemakule ka ikaika loa o kou kaomi ana i na paona o kou huhu, a me kou hoike ae i ka loaa ole he noonoo maikai i na kanaka ma ka la koho balota no ka haule ana o ka inoa o Miller no ka Papa alanui, a oia ka ke kumu i koho ai o na kanaka i keia Papa a puka ae nei me ka noonoo ano pupule o ko lakou koho ana? He mea kupanaha loa keia, a e nana mai oukou e ka poe i koho ia makou ma ka la koho balota, a o oukou ka hoike mawaena o keia mau kukulu manao a elua, a e kaupaona, owai la ka aoao i pololei? Ma ko'u hoomaopopo ana i na manao a pau o kau leta i hoolaha ae nei, he akamai na kukulu manao me ka pahee o ka hoino awahua. Auhea oe e ka mea huna inoa, pehea la oe i ike ai i ka manao o na kanaka o Kona nei, he lokahi e koho ia C. D. Miller oia kekahi lala o ka Papa alanui o keia apana? Ma kou hoomaopopo ana, aohe oe he kamaaina, aka, he malihini oe, a he malihini pu oe iwaena o na kanaka, a oia ka'u i haohao ai pehea la oe i ike ai i ka manao o na kanaka ma ka la koho--a me ko'u hoemi a hoohaahaa loa ma ke ano oiaio ole. E hoike aku au ia oe i ka mea oiaio. Ua hana ka Papa nana koho balota i ka lakou hana me ke kuokoa. Ua lawelawe ka Luna Leta ia kana hana, me ka hoouna i na leta ma na moku, a lawe leta paha e like me ka hikiwawe. Aole i hui pu ka Papa nana koho balota a o koua Luna Hoomalu me na moho Papa alanui e kuka a hooikaika no ka pono e puka lakou. O na moho Papa alanui i puka ae nei, aole no i hele e haiolelo a komo kauhale paha e hooikaika e koho ia mai, koe wale no keia. O Kaalawamaka, ua haiolelo ma Kohanaiki, o J. K. Nahale ma Kahaluu, a me a'u pu no hoi kekahi ma Kahaluu, aole ma na wahi eae, a he apana no o Kahaluu aole i koho balota ma ia la, ua hiki au ma ka Pahu Balota o Holualoa, aole no nae au i haiolelo imua o na kanaka, ua waiho wale aku no au e koho lakou e like me ka hiki i ko lakou manao, a pela ihola ko makou kahua i puka ai o ka hilinai nui ia mai aole hoi e like me kau e hoike hoopunipuni nei. Nolaila, i makemake oe e hoike ae i ka mea oiaio imua o ke akea, e hoike pu ae oe me kou inoa, aka o kou huna ana a pee malalo o ka inoa kapakapa pela i hoike ae ai oe i kou hoopunipuni nui.

J. KAELEMAKULE.

Kailua, Feb. 1@, 1892.

Ka Mea Huna o ke Olakino

Mai hoouluhua wale.

Mai pupuahulu. "O ka pakela paukiki hoea mai no he pakela nee malie."

E pakiko! E akahai! E haahaa@

Mai ai hookina. Mai hoopeloli. Mai makilo. E hoike i kou mahiehie e ike ai na kanaka a pau.

Launa pu me ke ea makamaka hou i ke ao a me ka po. "A, in a paha ua ike wale oe i ko loko o ke ea."

Pakiko i kou ikaika i na la a pau mamua o kou hoihoi hou ana mai.

E hoolana, e hauoli. "O ka puuwai mama ke ola loihi."

Kaupale i ka inaina me ke pihoihoi. O kahi manawa no ka huhu, ke oi kona hoehaeha.

Launa pu me ka poe kino ola. He aka maalo ke olakino e like me ka mai.

"Mai auamo i ka honua hoolokoa ma kou mau poohiwi. E paulele i ola mau loa."

"Mai hoopoho iki i ka manao."

O ka manaolana i poho, ua lilo i ma'i ehaeha loa.

Mai inu nui loa i ka wai, e pololi koke auanei.

"A i maopopo lea ia oukou keia mau mea, e hauoli auanei oukou ke hooko oukou pela."

Hoolaha Hou.

Hoolaha Hooko Moraki.

MAMUKI O KEKAHI MANA kuai i hoike ia maloko o kekahi palapala moraki i hana ia mawaena o J. W. H. ISAAC Kihe o Honokohaunui, Kona Akau, Hawaii, ia W R Kakela, Kahu. o Honolulu, Oahu, ma ka la 29 o Sepatemaba, 1890, i kakau kope ia ma ka buke 126, aoao 365, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee: nolaila, ke hoolaha ia aku nei e ka mea nona e paa nei ua moraki nei, e hooko ana oia ia mana kuai.

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana ma ke keena kudala o Jas. F. Morgan, ma Honolulu, ma ka POAKAHI, la 1@ o Maraki, 1892, hora 12 o ia la.

No na mea i koe e ninau ia W R Kakela, Loio ma ke Kanawai.

Hana ia ma Honolulu, i keia la 10 o Feb. 1892.

W. R. KAKELA, Kahu,

Mea Moraki Mai.

Penei na aina i moraki ia:

1--He 3 1/2 mau eka ma Honokohaunui, i hoike ia ma ka Palapala Sila Nui helu 5236 ia Apuni, i hooilo ia i ua mea moraki aku la Kihe ma ka palapala kuai a Kalua (w) a me Noa i kakau kope ia ma ka buke 127 aoao 66.

2--He 1 75-100 mau eka i Kaloko, Kona Akau, Hawaii, iloko o ka Palapala Sila Nui helu 3316 ia Kahoohanohano i hoolilo ia mai i ka mea moraki aku Kihe ma ka palapala kuai i kakau kope ia ma ka buke 127 aoao 109. 2377-36

Hoolaha Hooko Moraki.

MAMULI O KEKAHI MANA kuai i hoike ia maloko o kekahi palapala moraki i hana ia mawaena o MILEKA (w) a me KAILI kana kane mare o Waikane, Koolaupoko, Oahu, ia S. Roth o Honolulu, Oahu, ma ka la 22 o Novemaba, 1884, i kakau kope ia ma ka buke 90, aoao 321, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee: nolaila, ke hoolaha ia aku nei e ka mea nona e paa nei i ua moraki nei, e hooko ana oia ia mana kuai.

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ma aina i hoike ia ma ia moraki no ke kudala ana ma ke keena kudala o Jas. F. Morgan, ma Honolulu, ma ka POAKAHI, la 14 o Maraki, 1892, hora 12 o ia la.

Aia ma kahi o W. R. Kakela na olelo hoakaka uo keia mea.

Hana ia i kela la 10 o Feb. 1892.

S. ROTH, Mea Moraki Mai.

Penei na aina i moraki ia:

O kela mau aina i kuhikuhi ia iloko o ka Palapala Sila Nui helu 187 kuleana @@@@ ia Kaneloloa he 2 0@-100 mau eka ma Kahaloa, Waikane, Koolaupoko, Oahu, i hoolilo ia ia Kaili ma ka palapala kuai a ua mea kuleana la, a i hoopaa ia ma ka buke 34 aoao 378. O kela mau aina a pau iloko o ka Palapala Sila Nui helu 2938 kuleana 10440 ia Nika, nona ka ili he 2 22-100 mau eka i hoolilo ia i na Mileka la ma ka Palapala Kuai a ua mea kuleana la, a i hoopaa ia ma ke Keena Kakau Kope buke 44 aoao 4@@.

[2377-4t]

Hoolaha Hooko Moraki.

MAMULI O KEKAHI MANA kuai i hoike ia maloko o kekahi palapala moraki i hana ia mawaena o P. KAHUHU o Heeia, Koolaupoko, Oahu, ia W. R. Kakela, Kahu, o Honolulu, Oahu, ma ka la 29 o Iune, 1891, i kakau kope ia ma ka buke 131, aoao 2@0, a mamuli o ka uhai ia ana o na ku@@@ aelike o kela moraki, oia hoi ka uku ole ia o ka ukupanee; nolaila, ke hoolaha ia aku nei e ka mea nona e paa nei ua moraki nei, e hooko ana oia ia mana kuai.

No na mea i koe e ninau ia W. R. Kakela, Loio ma ke Kanawai.

Hana ia ma HOnolulu, i keia la 10 o Feb. 1892.

W. R. Kakela, Kahu,

Mea Moraki Mai.

Penei na aina i moraki ia:

1--O kela kuleana aina a pau e waiho la in a Heeia, Koolaupoko, Oahu, i hoike piha ia ma ka Palapala Sila Nui helu 3929 kuleana helu 3571 ia Kalehuna, nona na eka he 9 1@-100.

2--O kela kuleana aina a pau e waiho la ma ua Heeia la, i hoike piha ia ma ka Palapala Sila Nui helu 1006 kuleana 3@74 ia Kahuhu, nona na eke he 9. 2377-3t

I NA MAKAMAKA.

OIAI KA WAIHO AKU AU I KO'U NOHO

Hana Wali a hoomaemae ana ma

wailuku, Maui.

Nolaila, ke hoike aku nei au i na poe a pau he mau waiwai ko lakou ma ko'u malu, e kii koke mai me ka uku pu maloko mai o

@@ LA MAI FEBERUARI 16, 1892 AKU.

A. A. DOIRON,

23774t (APALE.)

Holaha Hou.

MUTUAL 76--NA TELEPHONE--BELL 179

H. H. WILLIAMS & CO

KA POE HOOKOMO MAI KUAI AKU A ME

HANA PAKA O NA HOONANI HALE

MAIKAI O NA ANO A PAU ME KA MAKEPONO.

ME NA E LOAA NO

Piano i Hanaia Ia He Kupapau

Me ke kupono ! Na Pohaku Mabela @

keia @@ wae a@ a ka

Aole Mu e komo. Makemae Lawe.

--MAANEI E LOAA AI--

NA LAKO KANU KUPAPAU, KAA

A me na Polo Ia-loa i ke kino o ka mea aloha.

HELU 103 ALANUI PAU - - - - HONOLULU

@@@@@

OLELO HOOLAHA

O ka noho Agena ana no na LAAU LAPAAU OHANA A JAYNE'S a ko makou Hui Kalepa i paa loihi ai, ua lawe ia aku nei a aia ia MESSRS. BENSON, SMITH & CO., ka hui kahi o na kauoha laau lapaau a pau o ia ano e hoouna aku ai mai keia wa aku.

KAKELA & KUKE.

HONOLULU, FEB. 4, 1892. 23@@-@

Halekuai - Laau - Lapaau - Hou.

KIHI O NA ALANUI MOI A ME PAPU

Malaila e Loaa ai na Ano a pau.

Na Waiala,

Na Sopa Ala,

Na Aila Niu,

Na Aila Kupukupu,

Na Huahuakai,

Na Pauda Bebe,

Na Paakai Hoo-hu,

Na Huaale, a pela aku, a pela aku.

HOBRON, NEWMAN & CO.,

(Kaupalonaia)

2371-tf

Olelo Hoolaha.

OWAU, O KA MEA NONA KA INOA MAlalo iho, Luna Hooko Kauoha a Luna Hooponopono Waiwai o ka Wai wai o W. M. GIBSON, i make, ke hoolaha aku nei ma keia i na poe apau loa, a oi loa aku hoi, i na kanaka e noho la ma ka Mokupuni o Lanai, ua papa loa ia lakou mai ka lawaia ana mai na kai lawaia hookuu a hoohele ana i na holoholona, a mahiai paha i kekahi aina ma ka Mokupuni o Lanai, oia hoi, maluna o na aina o ka Waiwai o W. M. Gibson, i make, me ka loaa ole o ka mana i kakauia e kuu agena a lunanui e noho ia malaila: a ma keia no hoi, ua papaia na poe a pau loa mai ka hopuhopu a pepehi ana i na hipa, lio, kao, pelehu, puaa a me na bipi maluna o na aina i oleloia, ma ka Mokupuni o Lanai, me ka loaa ole o ka mana i kakauia e kuu agena a lunanui. O ka mea e loaa aku ana e hoomaopopo ole ana i keia hoolaha, e hoopiiia no oia a ka palena pau o ke kanawai.

Ma keia ke hookohu a ke hoomana piha aku nei au ia Fred. H. Hayseldeu (Kikaha) e lawelawe aku ma ke ano he agena a he lunanui no'u ma ka Mokupuni o Lanai, a e hoopii aku ma ko'u inoa i kela a me keia mea e hoomaopopo ole mai ana i keia hoolaha, a i ole. hele a komohewa. a i ole, akeakea paha me ua holoholona o ka Waiwai o W. M. Gibson, i make, ma ka Mokupuni o Lanai.

J. S .WALKER,

Luna Hooko Kauoha a Lunahooponopono o ka Waiwai o W. M. Gibson, i make.

Honolulu, Jan. 30, 1892. 2376-1m

Hoolaha Hooko o ka Moraki a

me ke Kuai.

IKULIKE AI ME NA HOOKO ANA O KEKAhi moraki i hanaia e J.N. KAIAKAWAHA a me HANA KAIAIKAWAHA, kana wahine ia F. Wilhelm, ma ka la 18 o Ianuari, 1891, a i hoopaa ia ma ke Keena Kakau Kope ma Honolulu, Buke 132, aoao 237 a me 238, ke Hoolaha ia aku nei ka lohe ke makemake nei ka mea e paa nei i ka moraki e hooko aku, no ka uhaki ia o ka aelike ola ka uku ole ia o ka ukupanee i ka wa e hookaa ai.

Ke hoolaha hou ia aku nei, mahope aku o ka pau ana o na hebedoma eha mai keia la aku, e hoolaha ia aku no ka waiwai i paa maloko o ua moraki la, no ke kuai ia aku ma ke kudala ma ka Hale Kudala o Jas. F. Morgan, ke hiki aku i ka hora 12 awakea o ka POAKULU, Maraki 1@, 1892.

No na mea i koe, e ninau ia.

J. ALFRED MAGOON,

Loio no F. Wilhelm, ka mea e paa nei i ka moraki.

Hanaia ma Honolulu, Feberuari 13, 1892.

O ka aina i paa me keia moraki, oia ka aina e waiho ia ma Auwaiolimu, Honolulu, Oahu, a i kuhikuhi ia penei:

E hoomaka ana ma ke kihi komohana makai o keia pili i ke kihi akau o ko Haili a holo Hema 26 30 hikina 150 kapuai ma ko lia@@@, alaila Akau 63 30 Hikina 75 kapuai ma kahi waiho wale Akau 36 30 komohana @@@ kapuai ma kahi waiho wale Hema 63 30 Komohana 75 kapuai ma kahi waiho wale (o ka Moi) a hiki i ke kihi i hoomaka ai, malaila he 312 1/3 anana.

2376-4t

Hoolaha Hooko Moraki.

MAMULI O KEKAHI MANA KUAI I HOIKE ia maloko o kekahi palapala moraki i hanaia mawaena o THOMAS K. NAKAELA o ka aoao mua, a me George P. Castle malama waiwai o ka aoao elua, ma ka ia 8 o Okatoba 1888, i kakau kope ia ma ka buke 115, aoao 213 a mamuli o ka uhai ia ana o na kumu aelike o kela moraki, oia hoi ka hookaa ole ia o ka ukupanee, nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

A ke hoolaha hou ia aku nei, aia mahope aku o na pule ekolu mai keia ia aku, alaila e hoolaha ia aku na aina i hoike ia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 11 o Maraki, 1892, hora 12 awakea o ia la.

Aia ma kahi o W. R. Kakela no hoakaka no keia mea.

Hanaia ia i keia la 13 o Feberuari, 1892.

GEORGE P. CASTLE.

Mea Moraki mai

Penei no aina i moraki ia: No Nakanaela kuleana hapalima ma kela apana aina ma Auwaiolimu, Honolulu, me ka hale e ku ana maluna a me na popo e pili ana, oia kela aina i hoolilo ia ia Kuhiakalani ma ka palapala kuai a John O. Dominis i kope ia ma ka buke 19, aoao @@@. Kahi kela i kapala ka pa o Nakanaela ma alanui Kinau. 237@-@@

Hookapu Komohewa.

KE PAPA A HOOKAPU LOA IA AKU NEI na mea a pau, aole e komohewea a kipu wale maluna o kekahi o na aina i on a ia a e paa nei malalo o ka waiwai o Parker ma na apana o Hamakua a me Kohala, Hawaii.

Ma ke kanoha a na Kahu a me na Luna Hooko Kauoha. PAULO JARRETT,

Luna Nui o na Aina Hanai Holoholona o Parker.

Waimea, Hawaii, Ian. 21, 1892. 2372-3m

Hoolaha Kuai o ka Moraki.

I KULIKE AI ME KA HOOLAHA HOOKO A me ke kuai o ka moe@@@ i hoolaha @@@@ ia @@@ hoopanee ma ka la 2@ o Dekemaba, 189@, he @@@ laha ia aku nei ka lohe, o na aina i paa ma na moraki la a ANTONE SILVA a i ole SYL@@ a me HANNAH SILVA kana wahine ia @@ @@@@ ma ka la 23 o Aperila, 188@, a i hoopaa ia ma @e Keena Kakau Kope o Honolulu, Buke @@@ ma na aoao 478, 479 a me @@@, ke hoolaha ia @@@@ @@@ e kuai ia aku ma ka Hale Kudala o Jas. F. Morgan ma Honolulu, he hiki aku i ka hora 12 awakea o ka POAKOLU, la 9 o Maraki, 1892.

No na mea i koe, e niuau ia.

J ALFRED MAGOON

Hanaia ma Honolulu, Feb. 13, 1892

C AFONG,

Ma o S M Damon ia kona hope

O na aina i paa maloko o ua moraki ia, oia na aina i kuhikuhi ia malono o ka Palapala Sila Helu 3444 iu Antone Silva, e waiho la ma P@@ maneoneo, Kaupo, Maui, @@@@ ka ili @@@ @@@@@@ o ka eka. 237@@@

Olelo Hoolaha.

UA PAPA IA NA KANAKA A PAU AOLE e hele maluna o ka ala@@@ HANAKAPIAI ma Hanalei, Kauai, mai keia la aku, me k@ @@ ole ia i ka mea nona ka inoa malalo nei, o hoopii ia ma ke kanawai.

@LILAMA.

2372 3ru W E H DEVERILL

Hoolaha a ka Lunahooponopono

Waiwai i ka Poe i Aie ia aku ai.

UA HOOKOHU IA MAI KA MEA NONA KA inoa malalo iho i Lunahooponopono no ka waiwai o CALEB H BABBI@@, i make kauoha ole, Kalawao, Molokai, ke hoolaha aku @@@ i ka poe a pau he mau koina ka lakou i ka mea i make e waiho koke mai i ka mea @@@ @@ luoa malalo iho maloko mai o eono @@@@ mai ka la aku o keia hoolaha ana, a @@@@a @ hoole mau loa ia aku no.

THOMAS @O@RENSEN,

Lunahooponopono Waiwai

Ianuari, 1@@@ @@@@@ @@

J. HOPP & CO.,

Na POe Hana ma na Lako

Hale o na ano a pau!

Hana Moe, Na Uluna Pulu, Etc.

Noho no ka Hoolimalima ana na

Lako Hale me ke kumuhuai @@@.

Lako Hale me ke kumuhuai mai.

Honolulu. @@@@@ @

Hale Hana Kopa o

Honolulu.

Ua paa aenei ka Hale H@@@ Sopa M@@l@a Hou o ka poe no lakou na inoa malalo iho a ua makaukau lakou o hoolawa aka i ka poe piepiele i na

Kopa Maikai Loa Maoli

I hookomo ia iloko o na Pahu 100 paona

mai ke 42 a 56 auka Kopa pakahi.

Ke hooia nei makou i ka oi o ia MAIKAI o

ka makoo KOPA mamua o na Kopa

o waho mai.

Ua kuni ia mawaho o ko makou mau Pahu me ka hoailona "HONOLULU SOAP CO.," a o

Kuai ia e na Halekuai

Liilii a Pau.

HUI HANA KOPA O HONOLULU

M. W. McChesney & Sons,

Na Egona.

2353-@