Ka Nupepa Kuokoa, Volume XXX, Number 49, 5 December 1891 — Na moa hou o ka awahi kokolo ka hau. [ARTICLE]

Na mea hou o ka awahi kokolo he hau.

MR. LUNA HOOPONOPONO: Aloha oe—Ma ka la 21 a me 22 o ka mahina o Novemaba, ua akoakoa

ae na Kula Sabati a me Hui Opiopio o Wailuku, Waikapu, Pulehu a me Kamaolo, e like me ka leo kahea mai a W. Kaluau makua e noho nei ma Kamaole. He nui a lehulehu na poe haumana i hiki mai, a ua hoike ia na hana me ka maluhia. O na komite o koia hoike, oia o J. Kamakele, W. Kaluau a me G. Peter. Ua hui pu ma keia hoike he elua mau keiki haole, hookahi nae o laua ua kaawale aku mai Hawaii nei no aneane ehiku makahiki a ua poino ka olelo Hawaii iaia. Ua hoomakaukau pu ia he mau makana no na hoike o keia la, a ua mahelehele ia penei: Helu Ekahi i ke kula o Kamaole, he Baibala a me ka Buke Himeni ka makana. Helu Elua i na kula o Wailuku a me Waikapu, he mau Buke Himeni a he mau Buke Wehewehe Huaolelo Baibala. O ka hoike o na Hui Opiopio, ua lilo ka makana ekahi i ka ahahui opiopio o Wailoku; makana elua i ka ahahui o Kamaole; makana ekolu ia Waikapu. Ua hoohauoli ia na mea a pau. He wa anu keia o na aina nei, a he mea ole nae ia i na keiki kamaaina o ua aina nei. W.E.K.Maikai.