Ka Nupepa Kuokoa, Volume XXX, Number 44, 31 October 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

ME

Ko Hawaii Paeaina i Huiia

 

No ka Makahiki          $2.00

No Eono Mahina         1.00

Kuike ka Rula

 

KOOPUKAIA E KA

HAWAIIAN GAZETTE CO.

H. M. WHITNEY, Luna Nui,

J. U. KAWAINUI, Luna Hooponopono.

POAONO,                                         OKATOBA 31, 1891.

 

Ho Mau Kamaaina Hawaii.

            H@ i ae ma ka mokuahi e haalele ana ia Kapalakiko i ka la 3 o Novemaba aenei, e kau mai ai na kamaaina Hawaii koikoi na mea hanohano C. R. Bishop a me A. S. Cleghorn a hoi a ku ma Honolulu nei i ka la 1@ o ia malama no, () ka mua o laua, he mau malama loihi kona hele makaikai ana ia Europa a akahi no ka huli hoi i ka home.  () ka hope hoi o laua, aha ae nei no malama ke kaawale mai ka haalele ana iho ia Hawaii nei, no ka hele ana aku nei e ike i kana kaikamahine alii e hoonaauao ia mai la i Enelani, ke Kama Alliwahine Kalulanai a Hooilina kalaunu o Hawaii.

 

Halawai Komite Hooko

            Halawai Kuikawa ke Komite Hooko @ na Kula Sabati o ka Pae Aina ma Kalihi Oct 22, m 1891.

            Hope Peresidena J. Kekahuna ma ka noho E. S. Timoteo Kakauolelo.

            Na hoa i hiki mai:  Revs. J. Kekahuna, J, Waiamau, C. M. Hyde, O. P. Emerson, S. Kapu J. M. Ezera, E. S. Timoteo.

            Hoakaka mai o Rev. J. Waiamau i ka hana a ke Komite Hooko, oia keia:  Mamuli o ka oluolu ana i ka mea Mana Loa i ka lawe ana aku i ke ola o A. L. Smith ka Puuku o na Kula Sabati o ka Pae Aina, nolaila o ka hana a keia Komite, oia no ke koho ana i pani ma kona wahi.

            Noi mai o Rev. S. Kapu e kohoia i Puuku.  Ua kohoia o S. N. Emerson i Puuku.  Ua kohoia ke Kakauolelo i Komite e hai aku i ka Puuku i kohoia.  Kohoia o C. M. Hyde a me ke kakauolelo i Komite hoomakaukau no ka Palapala Hoalohalope, a e hoouna ia i ka o hana o ka mea i make.

            Hoopanee ka Halawai a ke Komite.                           E. S. Timoteo.

 

NUHOU KUWAHO.

            Ma ke ku ana mai o ka mokuahi "Monowai" i ka hora 8 kakahiaka Pomono i hala, mai Kapalakiko mai, ua loaa mai ia makou no mea hou makamaka loa malaio iho nei.  Ka Ninau no ko Hawaii Kulana.

            Wasinetona, (D. C.), Oct. 8, --No ka mea e pili ana i na palapala mai Honolulu mai e pili ana i ko ka Moiwahine Liliuokalani kulana i keia kakahiaka, ua alakai ae ka manao pepa o ka nupepa "Post" penei:  Ina e noonoo pono ana kekahi i ke kulana ano nui o na Pae Aina a Hawaii no ka mea e pili ana i ka pahola ana aku o ke kalepa o ka moana Pakipika, e ike auanei oia, o ka mea nona ka mana e weli ia ana ma Honolulu, oia ka mea oi aku ma ia moana.  Ua hoomaopopo ia mai, ua makemake nui o Peresidena Harrison e hoakea aku i ko America noho kiai ana maluna o na mokupuni o Hawaii, me ka waiho i ka hoomalu ana o ke aupuni i na makaainana no lakou iho.  O keia hoolala hana, he mea ia e hoopuukahua aku ai i ke ake hoohui aupuni.  Aka he mea pono e lilo no America Huipuia ke awa o Puuloa i awa kumoku kaua, a e hoouna ia o Adimarala Brown i na kai o Hawaii, e like me ka hikiwawe e loaa ana a e lawe pu i mau moku kaua e like me ka hiki.  Aole e hiki i keia lahui e ae aku i kekahi mana e ae e noho mana ma Hawaii a oi ae mamua o ko America Huipuia.

            Nu Ioka.  Oct. 13.--Inehinei, ua hiki mai maanei o Ake a eia ke noho nei ma ka Hotele Winsoa, mai Emetani mai, mahope o kona hoio ana aku nei e ike i kana kaikamahine ia Victoria Kaiulani.  Ua hoole loa aku oia i ka poe hooaiele kamailio aku iaia i ka oiaio ole o na olelo pekapeka e pili ana i ko ka Moiwahine Liliuokalani oia kino.  Ua pau pele pau mano aku hoi oia i ke kahua ole o na olelo hoohui aupuni, koe wale no he poe aole i piha ka poho li@@a na lakou e kamailio lealea nei, oiai o ko Hawaii makemake e noho kuokoa mau loa lakou.  Aka in@ he wa kekahi e hiki mai ana e hooleli ia ai ka hae Hawaii, ka mea a @e Akua i papa ai, alaila o ka hae o America ka lakou e ae ai mamua o na hae e ae, no ka mea, o America Huipuia ko makou makamaka maikai a kokoke loa.  Ke hooia aku nei au, aole loa he mau palapala i holo iho nei mawaena o Hawaii a me Enelani ma ke ano launa hou ae.  E noho ana ke kaikamahine alii ma ke ano malu loa ma Enelani a hiki i Mei, 1893.  Ina aole he ulia e hiki mai ana mamua ae o ia manawa, alaila na'u no e kii hou aku ana iaia i Enelani a hoihoi mai iaia me ka hoomakaikai ana i ka Hoikeike Lahui a me na kulanakauhale nui e ae o America Huipuia.

 

                        Koi Poho a America Huipuia ia Sepania

            Ua koko iho ka Papa Misionari o America i ko na Aina e, i kukulu ia ma Bosetona no ka manawaloihi, i komite ekolu lala, e noi aku i ke Keena o ko na aina e no na uku poho piha a Sepania i hana ino ai i na misiona America ma ka Pae Aina o Karolina.  Mai na moolelo mai i hoolaha ia ma na nupepa o Kapalakiko   

a me Honolulu, aohe mea e kanalua ai no na koi poho kupono i ke aupuni o Sepania.  O na ino i hana ia, aole ia na kekahi poe e ae aka na na lima ikaika o na koa a me na koa moku kaua.

 

He Hoohaahaa i ka Emepera o Geremania.

            Ladana, Oct. 16.--Ke lalama mai nei na lono mai Berelina, aia na kaiko ke hanu hele la i ka mea nana i haku a hoolaha i kekahi buke nona na olelo e kikipau ana maluna o ka Emepera o Geremania, e ahewa ana iaia i kona noho kuulala a noho haumia me he la aohe ona noonoo maikai.  Ua hoohenehene pu ia ko ka Emepera hoohalike ae iaia iho nie kona kupuna kahiko Ferederika ka nui, me ke kau leo pu mai i ka Emepera e akahele loa oia i ka hoomaka ana e lapalapa ke ahi nana e hamu aku iaia a me kona hale.  O na olelo o keia ano, he hapa loa ka lohe ia ma Geremania, a ina e loaa ana ka mea nana ka buke, e hoopaahao ia ana oia no ka manawa loihi.  Ua olelo ia aohe o ka Emepera huikala ana i ka poe oleloino i kona ake a me kona iini, a ke ike e nei na kaiko, he alii makana oia i ka poe nana e hopu ana i ke kanaka hoohaahaa iaia.

 

Ka Emepera o Rusia no Berelina.

            Ladana, Oct. 16.--Ua loaa ae i ka nupepa "Standard" he lono telegarapa mai Berelina mai e hoike ana, aia ke hoomakaukau la ke Keena Oihana Amabasadoa o Rukini ma Berelina no ka hookipa nui e haawi ia ana i ka Emepera o Rusia ma ka la 22 o Okatoba nei.  E noho ana oia no kekahi mau la.

 

Hui o na Alii Rukini.

            Bana Peteroboro, Oct. 16.--Ua pahola ae he lono, aia ke hoomakaukau ia la he mare mawaena o ka Hooilina Kalaunu o Rusia a me ke Duke wahine Elasea o Watemabuga. 

            Ladna, Oct. 16.--Eia ke holo nei he lohe, ua hoopalau ia kekahi kaikamahine a ke Duke Nui Valadima, pokii o ka Emepera o Rusia, me ka Moi Alekanedero o Severia.

 

Makaikai a De Giers ia Italia.

            Roma, Oct. 13.--Eia ke hele makaikai nei o De Giers, ko Rusia Kuhina nui, a me kona ohana ia Italia nei, i keiu kakahiaka no nae i hoohiki ae ai ma Milana.  Ua kipa aku ke kuhina nui o Italia a me ke kuhina Mahiai i o De Giers la a kamakamailio pu nui iho la.  E holo pu aku ana o De Giers a me Maquisa di Rudini i Monesa, kahi a ka Moi Humebata e noho la.

            Ua hoomaopopo ia, aole no he mau kumu kuikawa no keia hele makaikai ana mai nei, mawaho ae o ka mea e hookaau olelo ia nei, oia ko ka Emepera o Rusia makemake e hoomau ia ka maluhia ma Europa, ina he mea hiki ke hana ia pela.  Ua hauoli loa na kalaiaina no keia kulana a ka Emepera i lawe aenei ia e hoopuipui ai i ke kumuhana malama maluhia a na aupuni i komo iloko o ke kuikahi kahikolu.

 

Ke kulanalana o ka Pope o Roma.

            Roma, Oct. 7.--Ua hoonaauao, aku nei ka Pope i kona mau kahunapule Kuhina ma na wahi a pau e waiho aku i palapala i na aupuni i hoonoho ia aku ai lakou, no na mea e pili ana i na hana hoohaunaele a na Farani hele malihini ma ka lua kupapau o ka Moi Victoa Emmanuel.  E paa ana keia palapala, o keia mau hoohaunaele, he mau hoike ia o ke kulanalana o ka Pope.

            Rome, Oct.16.--Ma ka palapala a ka Pope i na mana nui ua pane oia, he mea ano nui, iaia na haunaeie i hoea ae ma ka he kupapau o ka Moi make, a ua hookikina aku oia i ka olelo, he mea hiki ole i ke aupuni Italia a me ka Pope ke noho like ma Roma.

            Ua hoahewa ae kekahi Cadinela ano koikoi o ka Pope i ke aupuni o Italia no ka hooulu hakaka ana i na malihini makaikai mai o Farani ma Roma.  Ua kukala akea ae ua Cadineia la, ua ake loa o Italia e powa ia ka Pope a i ole e kipaku ia mai kona kulana aku e noho nei.  O ka olelo hope a ka Pope i hoopuka ae ai mahope mai nei, aole e hooloihi ia aku ana kona noho pio ana, aka he moa la i paa a i hooweliweli ia me ke kipaku a me ka powa aia wale no a haawi pio oia i mua o ka enemi.  Ke olelo ia nei mawaena o na poai ekalesia, o ko Roma noho ia ana mai e Italia i pau ana e like me ko na poe hoohaunaele kipi o Farani, ma o ka luku ia ana o na poe e paa ia ana he waiwai pio.

 

NA LETA.

            [Aole o makou makemake e lawe i ke koikoi o na hala no na manao i hoopukaia malalo o keia poo e ko makou mau mea kakau.]

Pau Loa Lalau

            Ia W. K. Kalua, W. A. Kiha a me A. P. Kalaukoa, pehea ia oukou makemake keia $500.00 ia Kauka Hammond?  Ia oukou aole nui ike, kela Hua Helu, kela Pi-a-pa kela Baibala no, aole loaa kela dala oukou pau loa liilii ike, haule no!

            Penei:--Ua hana aenei o Karisto, a i ole kaaoha paha i kana mau haumana [Lunaolelo], o ke kapipi a me ka ninini i ka wai i na kanaka a me na keiki liilii, he bapetizo ia?--Auhea?  Mahea o ka buke, mokuna a me pauku o ka Baibala?  Ina uuku ike, pau no--Aole hilahila?

            E na pu kolu a Kae@okane, ua manao aenei oukou o Karisto o Isaia ia, a o Paulo o Ezekiela ia.  Ua like aenei o H me O a o K me A?  Pela hoi o 7 me 4 a o 1 me 8?--aole!  aole no!!

            Pela o Mr. Hammond aole i makemake i ka na kaula, aole i ka na alii o ke ao nei, aka i ka leo ponoi no mai ko Karisto waha aku, a i ole mai ko na lunaolelo mai paha, a oukou i ike ai--Kapipi a me ninini, he bapetizo ia, ka buke, mokuna  a me ka pauku o ka Baibala, me ka maopopo lea, alaila loaa no ia oukou pakahi na dala makana $500., he uku no ko oukou luhi.

            Ia oukou a ekolu, ua like wale no na lae ula a me ko oukou loea baibala, aka he kukini holo hewa nae, haule i ka lua.  J. S. K----------o,

Honolulu, Oct, 26, 1891.

 

Kona Akau Lanakila i Huiia me Kona Hema Kaulana-Owai Kau e Koho ai?

E ke KILOHANA POOKELA o ka Lahui Hawaii,

Me ka mahalo nui:

He ninau he ui, he leo ia-

"Kona kai Opua i ka lai,  Opua Hinano ua malie."

            O ka Hae e kau nei maluna, oia ka ninau e waiho laula ia aku ana ia oe e Kona kai maokioki, kai malino a Ehu, ka aina nana e kaohi ke kukuna o ka La, a na puali Kerubima e hosana mau la ma o-- "Ke na-u la kamalii, Ke kaohi la i ke kukuna o ka la."

            E Kona Akau lanakila, a me Kona Hema i huiia, ua loaa ia olua ka berita maemae o ka hoohui ia iloko o ke apo o ka lokahi a o ke kaula gula maemae loa nana e paa ia olua i hookahi iloko o ka lanakila nui a me ke kuokoa no ka wa mau loa.

            He mau makahiki lehulehu i hala ae i hope o ka noho kaawale ana o keia mau mahele aina elua o ka mokuaina o Kona iloko o ka moku o Keawe, ua mau ia noho kaawale ana o keia mau mokuaina elua, a hiki i ka wa a ke kumukanawai a me na kanawai o 1887 a me 1888 i haawi ai i kaula e hoopaa ai i ka Akau me ka Hema, no ka wa mua iloko o ko kakou ola ana, a oia hoohui ia ana, oia ka mea nana i haawi mai ia kakou he keehina hou e kakoo ana i ka noho ana malamalama a me ka holomua o ka naauao io a me ke aloha oiaio i ko kakou aina oiwi.

            He mea oiaio, o ka hoohui ia ana o kekahi mau mokuaina a lilo i hookahi, oia ka mea nana e hooi ae i ka ikaika, a e haawi mai i ka lanakila a me ka hanohano nui.  A e Kona Akau aloha a me Kona Hema ka aina a'u i aloha ai, nau au e makee nei.                 "Kuu aina hanau e, Kuu aina makamae, Aloha au."

            O ka kakou ninau e kau nei, "Owai kau e koho ai no ke kau Ahaolelo o 1892, i mau ai kou lanakila?"   O ka mau o ka lanakila, ka noho kuokoa ana, ka holomua o na pomaikai, oia ka mea 1 ake nui ia ma ko kakou "nanehai," a o ka mea nana e paa ia noho lanakila a kuokoa ana, a e imi ia na mea e hoomau ia ai ka holomua o na pono a me na pomaikai he nui, oia ka mea i koi ia ai oe e Kona Akau a me Kona Hema, oia kau e koho ai me ka oiaio.

            He mau la akahikahi wale no i koe o ka manawa ma ka uwati a kau ae i ka huina e piha ai o 365 mau la, 6 hora, 48 minute a me 48 sekona, alaila hiki aku kakou i ke kiko kahi a ko kakou honua i kaapuni ai maluna o kona iho iho imua o ka la, a o ka hiki ana hoi ia i ka maalo ana ae o 1891 a nalo aku, a hoea mai ka M. H. 1892.

            E Kona Akau, ka aina a'u i aloha ai, ka home a'u i poina ole ai, au holoholo au maluna ou mai ko'u wa kamalii mai, kou mau kualono, kou mau kula uliuli a me kou mau makalae a me kou mau aekai, ua kaapuni au ia lakou a malaila au i paani ai me ka hoohihi a poina ole, a ua paa loa i ko'u puuwai ke aloha nou e Kona Akau a kanu pu iloko o ko'u hale-lua.

            A e Kona Hema, ka aina nona ke kai malino me he moana aniani 'la, ua kaa ia e a'u kou mau nalu, o kou mau kula uliuli ua holoholo la e a'u, o kou mau makalae oia ka'u e lele maopa ai i kou mau la opio, ua hanai ia au e oe i ka waiu a me ka meli o ke ahonui, a nou kuu aloha poina ole a kanu pu ia me a'u ma ko'u he kupapau.

            E na makaainana oiaio o Kona Akau, na hoa'loha pilipaa o Kona Akau a me na makamaka no a pau o na aina la.  E paa i kou lanakila, e koo i kou kuokoa, a e paa a e kaohi i ka pomaikai i loaa ia oe, mai haalele i kou kaohi ana i ke kukuna o ka la o poeleele oe a poina kou home, o komo mai ka aihue e hao i kou mau pono, hoopuehu ia na ohana a nele oe e Kona i ka home ole.  No ka mea, aia ke ku mai la ke kanaka o ka "aahu ulaula" a o ke "kinowailua o ke koa kahiko," e holoholo ana me ka aahu kenela, a ma kona mau poohiwi na lei gula nani loa e alohi ana au e Kona Akau i hookau aku ai maluna ona.  Pehea ua poina auanei oe e Kona Akau iaia?

            E Kona Akau, e hiki mai ana ka la a me ka makahiki nou e hauoli ai, a i ole nou e kaumaha ai, nolaila eia ka hora e ku ai oe me kou aahu koa oiaio, o ka hopo ole, a poai no kou lanakila mau loa.

            O ka M. H. 1892, e koho oe i wahaolelo, i koo, i elele nana e paa i kou hanohano, kou kuokoa a me kou mau pomaikai.  Nolaila e hoomanao oiai oe e koho ana, mai puni i na hoomalimali, mai lawe i na waiwai kipe, mai koho i ka mea kumakaia a me ka makemake i na oihana no kona pono iho, o pilikia ka aina a nele oe i na pono a me na pomaikai.

            E na makaainana o Kona Akau a me Kona Hema, e hiki mai ana na la e koi ia ai kakou e koho i lunamakaainana no ko kakou mau pono e noho kuokoa mau loa ai me ke kaumaha ole.  O ka pono koho balota i loaa ia oe--he hanohano nui ia no kou aina hanau, kou hae nani, kou Moi a me kou mau pono pilipaa iho.  A e na hoa'loha, o na keonimana malalo iho, oia na inoa i maopopo e lawe ana i kela keehina nui a koikoi maluna ona no ka lilo ana i moho, he lunamakaainana no na apana huiia o Kona Akau a me Kona Hema, imua o ka Hale Kaukanawai o ko Hawaii Pae Aina, oia hoi o--Hon. J. H. Waipuilani a me

J. W. Keliikoa.

            E na makamaka a me na hoa'loha o ka aina a'u i aloha ai, he mea pono e wae akahele me ka noonoo kuio, me ka hakilo ana maluna o keia mau keonimana no ka paa ana i ko kakou lanakila, ko kakou kuokoa a me ka holomua o ko kakou mau pono a me na pomaikai.

            O Hon. J. H. Waipuilani, oia kau e Kona Akau a me Kona Hema i hoouna ai i ka ahaolelo o 1890, nana i lawe i ka hanohano a na Kona no ka manawa mua loa o ka lilo ana i hookahi wale no lunamakaainana, a o ka mua loa hoi o na lunamkaainana opiopio i koho ia no ka hanohano o keia mau apana nui elua.  Ua komo aku oia iloko o ka ahaolelo me ka manaoia aole i lawa oia no ia noho nui a hanohano, a ua puka ae no kekahi mau olelo kanalua nona--Aole i lawa!  aole i kupono!!  E na makamaka, ke manao nei au ua hoopau loa ia kela mau manao kanalua no na mea e pili ana no kona lawa ole e pii aku ai iluna o oia noho a kakou i hoonoho aku ai nana e kupaa a pau no la ma ia Hale Eehia.  I kona la i lawe ae ai ia noho, aia ko kakou pono ma ka poho o kona lima, a he mea oiaio e na hoa makaaina, ua komo aku oia me na leo o ka henehene ia no ka auhee a me ka haulehia o ko kakou mau pono, a e hoi mai ana oia me ka hanohano ole.  OJ. H.

Waipuilani, ua hana oia me ka malie iloko oia Hale, ua lawelawe oia no ka pono a me kou pomaikai e Kona Akau a me Kona Hema, ua hooikaika e loaa ka holomua no kona aina hanau a me ko@ @ @ @ui oiwi.

            O kekahi @ @@@@ mau pono i hooikaika nui ai, oia hoi ke kanawai e auhua ana i ke kope o na aina e, ma ia kanawai, ua lilo i mea e lilo ai ke kope i waiwai e hoopomaikai nui ai i na makaainana o Kona Akau a me Kona Hema, a me ka aina mai o a o, a ke ike nei oe ia mea, a o kakou a pau na hoike oiaio loa, oiai ua loaa ia oe e Kona he kanakolu keneta o ka paona kope hookahi, he haawina i loaa ole mai ka hookumu ia ana mai o ke kope maluna o Kona.

            O ke kaulana o G. W. Pilipo a me Simona K. Kaai, he mau loea kilo aupuni no Hawaii, aohe nae he kanawai a laua i kau no ka pono o na makaainana o Kona.

            E Kona, mai Keahualono a Kaulanamauna--E holo balota hou ana o J. H. Waipuilani i keia kau koho e hiki mai ana, nau ia e wae a noonoo a kaupona malie iho, oiai ua lawa a he keonimana maikai oia, malia o loaa hou ia kakou he kanawai maikai e pili ana i ka hoeueu kanu kope a me kanu awa, a e no i i puu dala e hookaawale ia no ia mau hana.

            O J. W. Keliikoa, oia kekahi keonimana maikai a'u i manao ai, ke kupa hoi nou e Kona a he loio hoi kana oihana e lawelawe mau nei.  Aole ia i hele mua i ka ahaolelo, aka he mau kau nae kana i alualu ai no ka noho hanohano o Kona, aole nae he wa i loaa ai o ka lanakila iaia, nolaila aole i maopopo ia oe e Kona kona kahua a me kana hana iloko oia Hale.  E Kona, nau e wae a kaupona iho i kona koikoi a me ka mamama.

            E Kona Akau ka aina nana e paa ana i ke kukuna o ka la, pehea oe.  A o oe hoi e Kona Hema e kipehi ia ana e na huna kai aniani maokioki--Owai kau e koho ai, i ola ai oe, a i hoomau ia ai kou mau pono, kou kuokoa a me kou noho moi ana?  Nau e koho me kou manao ponoi a kuokoa me ka hookikina ole ia, a he mea pono i o'u mau hoa makaainana ke noonoo me ke akahele a koho me ka oiaio,  no ke aloha iaia iho, kona ohana, kona aina a me kona mau pono a pau.

            Ke waiho aku nei au i kela mau manao hoolana me ke kuio imua o na makamaka a me na hoa'loha a pau o na Kona, mai kela pea a keia pea o ka aina, mai uka a kai, mai ke kiekie a ka haahaa, mai ka ilihune a ka waiwai e koho i ka mea a oukou i ike ai oia ka mea nana e hooikaika, e paio a e kakoo i kou mau pomaikai, kou noho hanohano ana a me kou noho alii mau loa.  Imua e Kona Akau, imua i ka lanakila!

            O oe hoi e Kona Hema, e hele imua me ka lokahi a hiki i ka pahu Balota ilaila  e hoomaha ai, aia ilaila kou lanakila, kou kuokoa a me kou hanohano, a me keia manao ke waiho aku nei au me ko'u manao io e koho ana oukou i ka laau i ike ia kona hua he mau hua ohana momona a maikai.

            E o'u hoa makaainana a pau o Kona.  Aloha oukou a pau loa.  No Hawaii au i keia la, no Hawaii au i ka la apopo, no Hawaii au i ka la e hiki mai ana, 'a no Hawaii au no ka wa pau ole.  E mau loa ka welo ana o kona Hae nani, a me kona noho alii oia ka'u pule.    John Willie H. Isaac Kihe. Kailua, Oct, 22 1891.

 

            Ua lawe mai ka Monowai no ka Puali Keaka Lio a na Hoahanau Selis, he elua mau peke, he kane a he wahine, no laua na inoa Mekia Ray  a me ka wahine, he 36 iniha ke kiekie o ke kane a he 37 1/2 iniha ko ka wahine a me hookahi wahine loihi paioa o Mrs. Robinson ka inoa ke 8 kapuai 4 iniha ke kiekie.  Ua lawe ia lakou a pau e hoikeike 1 ke Alii ke Moiwahine i ke ahiahe Poaono i hala, a ua hoohala he hapalua hora ka manawa me ka Moiwahine.

 

Hale Hana Kopa o Honolulu.

            Ua paa aenei ka Hale Hana Sopa Mabu Hou o ka poe no lakou na inoa malalo iho a ua makaukau lakou e hoolawa aku i ka poe piepiele i na.

 

Kopa Maikai Loa Maoli,

I hookomo ia iloko o na Pabu 100 paona, mai ke 42 a 56 auka Kopa pakabi

Ke hooia nei makou i ka oi o Ia MAIKAI o ka makou KOPA mamua o na Kopa o waho mai.

 

            Ua kuni ia mawaho o ko makou mau Pabu me ka hoailona "HONOLULU SOAP CO.," a e

 

Kuai ia e na Hakekaui Liilii a Pau

.HUI HANA KOPA O HONOLULU

M. W. McChesney & Sons,                Na Egena.  2840 1-yr.

 

Hoolaha Kumau

 

PAPA!  PAPA

AIA MA KAHI O!

 

Lewers & Cooke

(LUI MA),

Ma ke kahua hema o Alanui Papu me Moi.

 

E LOAA NO NA

PAPA NOUAKI

O kela a me keia ano.

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa.

 

NA PILI HALE O NA ANO A PAU

A me na

WAI HOOHINUHINU NANI

O na ano a pau loa

 

Na Balaki o na Ano he Nui Wale

            Ke hai ia aku nei oukou e na makamaka o oukou e hoolawa aku ma na mea a pau e pili ana ma ka laua oihana no ka

 

Uku Haahaa Loa,

E like me ka mea e holo ana mawae@a o Laua a me ka Mea Kuai.

 

Hele Mai e Wae no Oukou iho.

@@44

 

Ka Waiwai o ka Hilinai

Saseparila Ayer

AYER, Laau Saseparila kai kaulana i hilinai nuiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau.  O keia

LAAU SASAPARILA, no loko ae ia o ke aa Sasaparila Honoedura maoli; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali a nei kou?  Ua awili pu anei me na ano mai ikaika?  A ua hui pu anei me na wai awaawa hoopehu.  Na keia

LAAU e hoomaemae ia mau mea ino a pau a maikai.  () na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i awili puia, aka o keia wale no.  No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae.  () ke

KOKO ino hakuhaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer.  He maalahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae.

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasaparila,

I @OOMAKAUKAUIA  E

Kauka J. C. Ayer & Co., Lowell Mass.

HOLLISTER & CO.

Na Agena ma ka Paeaina Hawaii.

2331-1yr

 

Hoolaha Kumau

 

KAKELA ME KUK@

KA - HALEKUAI - NUI

O NA

 

WAIWAI LIKE OLE@

 

NA LAKO KAMANA

E laa ua Pahiolo, Koi Hole, Hawa e

Koi nui a me lulu, Kila.  W@@peaa

Rula, Apapa, Kui o na ano a @@@

Kala-kaa, Hao Hoopaa @@@

 

Pohaku Hoana, Kepa, Lei Iho, Ka@@@@

@@@ Palu, Upa, Pab@um@@@@: @@@

Kope huiu, Pulupala  Pepa  K@@

Kala, @@na Hao, @@@ K@@@ @

Kaula Opu

PALAU@

O @@ @@@ @@@ @@@@@@

Oo, Ho, Kopala, Po, Kipikua, Hao Kope

Ho, a pela aku, Kua Bipi, Lei @ipi

Kaulahao Bipi, Uwea Pa.

Uwea Keleawe, HAO PILI PIU @ @

Kaa Palala, Ipu Hao, Ipu @@, PA @@@@

 

Makau me Aho Lawaia

Hiwai, Papa Holoi, Kopa Ala,

Kaola Kualua, Hu'akai, Ehi Wawae,

Hulu Pena, Kopaholoi, a pela aku

Pena Wali, Kini nui a me lulu.

ano a pau, me ka Pepa Ku@@@@@

Pena Keokeo, Aila Pena A@@@

Hoomaloo, Va@@@, Kaa@@@@

Vaniki Moe.

 

Pena Hoomaloo

A ME ANIANI HALE

Aila Mahu, Aila Mikini, Aila Haw@ @@@

Aila Kaa, Inika Kawaa; Pauda.

Kukaepele, Kiano Pauda, Uiki

Ipukukui o na ano he nui a @@@@@@@@

 

NA PAKEKE POI

O KE

ANO HOU LOA!

Na Mea Piula!

MIKINI HUMUHUMU,

MIKINI A WILCOX ME GIBBS,

Na Mikini a Remington.

            He nui loa na mea hao me no uhana e ae o na ano a pau, aole hiki ke hai pau @@ aku, hewa i ka wai na maka ke ike

 

LAAU LAPAAU KAULANA LOA A

DR. JAYNE

Laau Hoomaemae Koko

Laau Hoopau Nalo,

Laau Kunu, Penikila,

 Huaele, Paakai,

Laau Hoopaa H@ me

Na - Laau - Hamo,

A PELA AKU, A PELU AKU

 

KAKELA & KUKE.

@@44-@@