Ka Nupepa Kuokoa, Volume XXX, Number 41, 10 ʻOkakopa 1891 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

ME KO HAWAII PAEAINA I HUIIA.

BUKE XXX. HELU 41. HONOLULU, POAONO, OKATOBA 10, 1891. NA HELU A PAU, 235

 

Hoolaha Loio.

 

@ ROSA.

@ ke Kana@.

@ PALAPALA

@

@ LOWREY.

@ no ia LEHULEHU

@ he

@pala a k@ wa

@H@ni@i

@ me W. R. Kakela,

@ maikai o ka Hale

@        2331

 

H. BROWN,

@ Kokua ma ke Kanawai

@ HOOIAIO @ AP@

@ AUPUNI @

@ Hana  Ma Alanui Kalepa.

2331

 

@ HOOOK@

@ KIKOKI@

 Kokua ma na mea a pau @ Kanawai.

 @ NA BILA AIE ME KA AWIWI

 @ Hawaii. 2@@1

 

@ GE P. KAMAUOHA,

@ he Kokua ma ke Kanawai,

@

@ Haawi @ apaʻa Ae Mare.

@ No K@ a Akau, Hawaii.

a me

M@A ANA AINA.

@ ma Kohala Akau, Hawaii.

2331

 

@ KAKELA,

@ Kokua ma ke Kanawai

@ HOOIAIO PALAPALA.

2@

 

@AM C. ACHI,

@ a ke Kokua ma ko Kanawai @ o na Aha a pau o keia Aupuni @

@ no ka Lehulehu a Boroka

@ Waiwai Paa.

@ Oihana, Helu 86, Alanui

@ Honolulu, Oahu. 2331

 

@ M. MONSARRAT,

@ MAUNAKEA.

@ ke Kokua ma ke Kanawai,

@ HOOIAIO PALAPALA.

@ Palapala Kuai, Palapala @ me na Palapala Pili Kana@ ka @ Hawaii. Daʻa no ka @ ma na Waiwai Paa.

@ Hale Pohaku houn@ ka @ ka Halewai, alanui Ka@         2331

 

@EHUA.

MA KE KANAWAI.

@ka lehulehu, kakau @. Mo@a@i, me @ ka a@ a pau.

@ Kaluaaha,

2@31

 

@ WAILA MA.)

@ lako ku@ na ano a pau, a me na @ po@ ai a ka hale.

@

@

 

BIHOPA MA,

@ MALAMA DALA

@ MAK@ I NA DALA HOOMO@

@ a @a ko makou BANAKO @ o keia mau kumu:

@ ke @ aka hookahi i na @ makou i ka uku@  Hapaha @ o ka makahiki, @ @ mai o ke dala. @ e @e @ a hoo@ ekolu mahina, a @ala na malama @ po: p@ a ai na helu, @ a @ o na dala ha@ paha @ ka mahina.

@ e uku ia @ na dala e lawe ia @ mai ka wa aku o ka @.

@ ae o ka unuhi ana aku o ko @ hana mau dala, e hoike @ mai i @we pu ia mai ka buke dala i @

@ ia, aia wale no ma ke kikoo @ h@om@e mai i k@ dala me ka @ @a@ dala.

@ aha o kela a me keia @ ia ai na helu o na @ i uku ae ia ma @ pau @ waiho ana me ke @ a me ka aoao o ka mea @ malama ekolu a ma @ ke kumu@ mua.

@ mai maluna o elima @ awe ia no mamuli o ka ae ike @

@ ka Banako ma na la a pau o @ na la Sabati a me na la @

            BIHOPA MA.

            @        2344-@f

 

@ WATERHOUSE,

            WALAKAHAUKI,

@ o na Lale Nani Panio!

            LAKOHAO.

Na Lako Hana Mahiko,

            a pela aku me nui wale.

@ Alanui Moiwahine, Honolulu.

2@44

 

NANEA KAMAHAO

o ke

KEIKIALII

ROMEALA;

@

Ui Kila Mageneti

O PARAMERI.

 

Ka Nani e haule ai ka Honua;

Ka Mahina Meli o Salaredina;

Ka La alohi o Muliaedera;

Na Kulu K@ko kamahao Ekolu.

 

Na Ui Hookelakela

o ke ao Holookoa.

 

Na Nani

Puuwai Uahoa o ka Honua nei,

a o @

Kila mageneti o ke Aloha—“O Pa-

rameri no ia.”

            I ka pau ana o keia mau olelo a ke keikialii Romeala, aia hoi hulia hou ae la ka malamalama o ke aniani kamahao o Ludiana, me ka ikaika no ekolu manawa, a ia wa i ike ia aku ai i ke kau mai iloko o ua aniani la ka halealii o Paresina me ke kaa alii e ku ana mawaho o ka lanai, a o ua mau ipo ia aia laua i loko o na puili hooheno ana a ka ipo, ma na helehelena o ka hoohie.

            Emoole mahope iho, ike hou ia aku la ke kii hoolele aka o ke keikialii Romeala e ku ana i mua o ua mau ipo nei, a o ua mau ipo ala hoi, hihihina like aku la laua i hope me he la ua puiwa laua no keia komohewa.

            He hapaha hora ka loihi o ke kau ana o ua kii la, ia wa nalowale ae la na mea a pau, alaila huli ae la ke keikialii Romeala a kamailio aku la i ka moi Papine me na olelo e pili pu ai ka mana o ka noho alii, a oia mau olelo a ua keikialii la, ua hiki ole ia i ka moi Papine ke pane mai, oiai ua pa pono aku la oia i na olelo a ke keikialii Romeala, a ko ninau ala oia me he pua la no koaie.

            No ka pane ole mai o ka moi Papine no na olelo a ke keikialii Romeala, ua palua hou ka ninau a ua keikialii nei, a no ke kolu o ka manawa a Romeala i ninau aku ai, akahi no ua moi nei a pane mai me keia mau olelo. O ka’u mau olelo hoahewa i hookau aku ai maluna ou ko kiloi nei au ia mea ilalo o ka lepo, a ua eo hoi ka makua ia oe.

            O ka’u kaikamahine a me kana kane, ke waiho aku nei au i ko laua ahewa ia ana na kou hanohano e Ro-luli ole o ke kiai makaala, a o ka mea a kou lunaikehala i ike ai he pono, ua pono pu ia i ka noho alii o Papine.

            O keia pane a ka moi Papine, oia ka ke anaina i nana mai ai maluna o ke keikialii Romeala me na helehelena o ka hiaai nui no na mea a ua kiai ia e hoike aku ai.

            He mau minute i hala ae, mahope iho o ka pane ana mai o ka moi, alaila luai aku la o Romeala i keia mau olelo. E ke alii wahi a ua Romeala nei.

            O ka hanohano o ka hana au i waiho mai ai na’u e hooko, he mea hiki ole ia ia’u ke pale ae.

            A oiai au e lawelawe aku ana i ka hana, e ae mua mai @au e olelo pokole ae aole au i hele mai nei no ka hoahewa ana, a aole hoi no ka hoopai.

            O wau! wahi hou a ua kiia makeneti nei, owau no ka mea i kapa ia e ko ke ao o ka nani e haule ai ko ka honua, a o ke kila hoi nana e wawahi ko ke ao holookoa.

            Ano e ke alii a me ke anaina, ma ke kaupalena ana i ko’u noonoo, ua hooholo iho au, e halawai makou maluna o ke kahua o na hana hookelakela naauao, a ke haule au i mua o laua, alaila ua loaa ka hanohano o keia mau olelo—ua huikala ia laua.

            O keia mau olelo a ke keikealii Romeala, ua apono ia mai la ia e ka moi me ka pane pu ana mai.

            O keaha la ka hana hookelakela naauao au i manao ai?

            O na hana no a pau i na mai na mea huna pohihihi o ka lewa, a hiki i na mea paakiki o ka honua, ua a’a au no ia mau mea apau, a o oe a me ke ana i na luna Kanawai na lakou e a pono ka aoao nana ke eo.

            Na keia mau olelo a ke keikialii Romeala na ia mea i hoike aku i ke anaina aole keia kiai me ka inoa Ro he mea okoa, aka o ke keikialii kalaunu no ia o Parameri, ka mea hoi a lakou i lohe ai he kila makeneti oia e hiolo ai ko ke ao holookoa.

            A i mea no lakou e ike pono ai i ke kai halulu o Kauiki, ua hooholo lokahi ae ia lakou ma ka apono ana i na olelo a ke keikialii Romeala. E hauwalaau ana, e halulu ana, e nei ana na leo mao a maanei o ke keena, a i ka wa i malie iho ai, ia wa i lohe ia aku ai ka leo o ka moi Papine i ka pane ana mai me keia mau olelo o ke kauoha.

            E Emalina kuu keiki, mamuli o kou pale ana i ka’u mau olelo a lilo aku oe mahope o na kono ana a kou makamake, nolaila i keia la ua lilo oe he pio na kela kanaka opio, a oiai ua waiho mai nei oia i kana olelo ahewa—O ke kahua o na liana hookelakela oia kahi au e ku aku ai a aa aku ma na ano a pau e loaa ai ia oe he huikala la ana, ano ua lohe mai la anei oe i ka’u mau olelo.

            Ae e kuu makua, wahi a ke kaikamahinealii Emalina i pane aku ai.

            Alaila, e makaukau nou iho no ka halawai ana me ke kila makeneti nana i hohaule i ko ke ao nei mau loea. E ike aku oe iaia ma ke ano o kou hoa paio ia o ke kahua, pela hoi oia ia oe.

            Ua makaukau au nona i na wa a pau, a i hakalia wale no i ke kamailio,wahi a ke kaikamahinealii.

            Me keia pane a ke kaikamahinealii Emalina, huli ae la ka moi Papine maluna o ke keikialii Paresina a pane aku la me keia mau olelo.

            E Paresina—E like me ka mea au i hana mai ai i kuu aupuni, pela na hoopai o ka ehaeha e hookau ia aku ana maluna ou, a ke loaa ka lanakila ia oe maluna o ke kiai makaala o ko’u aloalii oia hoi ke keikialii Romeala, alaila e pakele no auanaei oe mai na kaulahao aku o ka ahewa, a ke ole pela alaila, aole loa oe e huikala ia ana a pau na la o keia ao. Ano e ke kipi, ua lohe mai ia anei oe i ka’u mau olelo.

            Ae e ke alii.

            Alaila e makaukau nou iho no ka wa a ka minute mua loa o kukala e poha ae ai.

            Ua makaukau au i na wa a pau e ke alii a i hakalia wale no i ke kamailio.

            Ina pela ua pono, a e hoolohe.

            Me keia mau olelo hope a ka moi Papine, haawi ae la oia i ka hoailona ma ke ani ana a kona mau lima, a ia wa no ia poha mai ai ka leo o ke keikialii Romeala me keia mau olelo.

            E na alii a me ka poe hanohano, ma ka wehe ana ae i ka hanohano o ka hana a makou i hoopaa iho nei, e ae ia mai au e olelo pokole ae e like me keia—

            O keia hana a makou i hooholo iho nei, oia no ka haawi ana aku i na lawehala nei i mau minute no laua e hoopakelo ai i ko laua mau ola iho mailoko ae o na kaulahao paakiki i ahewa ia ai laua, a ke loaa ia laua ka lanakila ana maluna o’u, alaila e pakele no laua mai na ahewa ana aku a ke aupuni o Papine nei. Ano e na lii a me na poe hanohano, me keia mau olelo, ke kukala aku nei au ua wehe ia na hana o ka la.

            I ka wa a ke keikialii Romeala e kamailio nei he mau minute ia no ke anoano o ka maluhia e hohola ana maluna o ua keena nei, a i ka pau ana o na olelo a ua keikialii nei, huli ae la ia maluna o kona mau hoa hookelakela a luai aku la i ke@a mau olelo.

            E na lii opio ma ka wehe ana i ka hanohano o ka kakou hana, ke waiho aku nei au, ua olua na na kamaaina e kakele ka haaheo o ka kakou hana, a o ke kuekaa aku no hoi ka’u, a ke pau ko olua manawa, alaila, ia wa e loaa ai ia’u ka hanohano o ka lilo ana i moho no ke kahua.

            Ua lilo keia mau olelo a ke keikialii Romeala i mea maikai i ka manao ona lii kamaaina, a o@a ka ke keikialii Paresina i wehe mua loa mai ai i ka minute o ka manawa me kekahi o kana mau ninau paakiki, a ua keikialii la i manao ai aohe loea o ka honua e hiki ke wehe o Solomona wale no.

            Aka e ka mea heluhelu, o ia ninau nae, ua hamale ia aku la e ke keikialii Romeala a weluwelu liilii, a no ka hope loa o na ninau a ua keikialii la o Paresina, waiho mai la oia i keia ninau e kani pono ai ka puniu lae o ke keikialii Romeala.

            “Malihini oe, malihini

            I ka ihu nae kamaaina.”

            Wahi a ua keikialii Paresina nei, owai ke alanui aole i ike ia e ka manu, a owai hoi ke alanui aole i maalo ia e ka liona hihiu.

            I ka wa a ke keikialii Paresina i haawi mai ai i kela ninau, leha ae la na maka o Romeala iluna, a no na sekona pokole wale no, minoaka iho la oia a pane aku la—

            Nani wale kou wahi i noho ai e Paresina, i imi ko ke ao nei e loaa oe, aka he ko ole nae.

            Nolaila e Paresina, o ka haina o ko ninau, o ia no ka ipuka pohihihi o kou aupuni, ka mea hoi i olelo ia, ke pohihihi o ka welau hema nei.

            He oiaio e Paresina, he wahi ia aole i maalo ia e ka manu, aole hoi e ka liona hihiu, aka he hookahi wale no, oia hoi o Romeala. E kaulana ana kona inoa a puni ke ao, a e alako ia mai ana ka honua holookoa no ka huli ana iaia, aka e hai aku au ia oe, aole loa he loea mahope mai o kaua e hiki ke huli i ke kumu o na welau elua a hiki i ka hopean o ke ao nei.

            Aole i pau.

 

HE MOOLELO

NO

WALAKA RARE,

KA

ILIO AHIU O NA KUALONO,

A I OLE

KA HIENA OPIO O NA HILANA.

 

MOKUNA XIX.

KA MOI OPIO WALAKA—KONA MAU

LA MAKAMUA O KA HOOPONO-

PONO AUPUNI.

            O keia mau olelo a ke kauoha a ka moi Walaka aku, oia ka kona ukali ke Duke o Wale i haawi mai ai i ka @e ma ke kunou haahaa ana, alaila huli ae la oia maluna o kona mau kapuai a haaleleiho la i ke alo o kona moi no ka hooko i ke kauoha i haawi ia aku ai.

            Emoole, aia ka leo o ka pukuniahi hoailona e kani wawalo ana ma na paia anoano o ke kakela, a ua ia mau leo kahea o ka pukuniahi i hai aku i ka lohe i ka puali koa o ka “Liona Uulaula,” ua makemake ia lakou e hoea aku iluna o ke kahua o ka hana me ka hakalia ole.

            No na minute pokole, aia ke kahua hoolulu o ke kuea ua paa me na kolamu koa, a e ku ana hoi lakou me ka makaukau nui e hooko aku i ke kauoha i ka wa e haawi ia aku ai.

            Oiai na koa o ka puali Liona Ulaula e ku ana me ka makaukau, ia wa i ike ia aku ai ka moi opio Walaka e holo mai ana maluna o kona lio ulaula ka “Makani Ahiu,” a ma kona mau aoao e hoopuni ana kona mau ukali,

            Ia lakou i kaaio iho ai mamua o ke alo o ke kahua hoolulu, ua haawi mai la lakou i ke aloha ma ka oi o ka lakou mau elau pu, ua panai ia aku no hoi ia e ka moi opio ma ke kunou poo ana, alaila na ke Duke o Wale i hoolauna aku iaia imua o na koa, me ka panai pu ana mai i keia mau huaolelo:

            E ke alii—O na kauoha i waiho ia mai me a’u, ua hooko aku au ia mau kauoha—a o na minute o ka nee ana aku imua, oia wale no ka mea i koe.

            Ua haawi mai ka moi Walaka i na hoomaikai ana, alaila huli ae la ia maluna o kona puali koa a haiolelo pokole mai la me keia mau huaolelo o ke koa a me ka wiwo ole, a e heluhelu ia ua haiolelo la me ke akahele, penei:

            E na koa, wahi a ka moi Walaka—Ano ua loaa hou ia’u he hanohano o ka lilo hou ana he alakai a he makua no oukou imua o ke kahua kaua hohono o ka uwahi pauda a me ka wela enaena o na poku.

            O ka haaheo o na kahua kaua i hala a ko kakou mau hooikaika ana, oia ka’u e hoomanao hou aku nei maluna o oukou.

            Ae e na koa, o oukou ka manaolana—a o oukou ka hilinai ana no ke kuokoa o ko kakou aina nei, a ke nele o Pelekane me ia mau mea o ka puali koa wiwo ole, alaila ua makehewa oia e lilo i aupuni moi e noho kuokoa ana nona iho.

            Ano e na koa—O kela hanohano a kakou i haaheo ai maluna o na kahua kaua weliweli i hala, oia ka’u i makemake ai e lawe hou mai i keia la, a e hoopau iho hoi iloko o ko oukou mau puuwai ma ke ano o ko kakou moto ia e wehe aku ai i ka poka mua loa o ke kukala kaua maluna o na wai uliuli o ke kowa o Dova.

            Ae—e na koa! Oia ka iini nui o ka moi Walaka, e lilo mua na ka ikaika kaua o kona aupuni e wehe i ka poka mua o ke kukala kaua, a ina he hiki i ka paakiki o ka’u mau poka ke hoouna aku i ko’u mau enemi ilalo o ka opu hohonu o ka moana. Alaila e na koa, e lawe i ka moto haaheo o ko oukou mau puali, a e puana ae—

            O ka pono ke hana ia,

            A haule mai na lani.

            Ano e na koa, e makaukau no na minute o ka manawa, a e hoolohe i ka leo kauoha a ke alaki nui o ka manawa.

            Ua haawi ae na koa he mau leo huro no keia haiolelo a ko lakou moi. Alaila hoohuli ae la ua moi nei i ke poo o kona lio a haalele iho la i ke kahua hoolulu o na koa no ka halealii Sana Abbey me kona mau ukali.

            I ka moiWalaka i haalele iho ai i ke kahua hoolulu, ua lawe ae la ke keikialii o Esse a Duke o Wale i na hooponopono ana o ka puali malalo o kona malu, a no kekahi mau minute, aia ua puali Liona Ulaula nei e maki ana no ke awa kumoku o Palimota, malalo o ka hone o na mea kani a me ke kani kapalili a na pahu,

            E welo haaheo ana na hae o na aupuni elua ma ke poo o ka puali, a o na leo kahea haawi kauoha a na alii malalo aku o ke Duke o Wale, ke wawalo hele la ia ma na aoao o ka puali.

            O keia la a na koa aloha aina e maki nei ma ua alanui o ke kulanakauhale o Ladana, he la ia i unu ia mai ai na makaainana, mai ke kiekie a ka haahaa, a ua lahui puuwai liona la e makaikai ana, a e haawi ana hoi i ko lakou mau aloha hope maluna o na kanaka e hele ana e molia i ko lakou mau oia no ka pono a me ke kuokoa o ko lakou aina aloha, mai ka hao a pakawale ia ana mai e na kipi, a @a ka olelo pokole ana ae, o kekahi ia o na ia i holomoku ia ai na palena o Ladana e na kanaka.

            Ua hoea aku ua puali koa nei o ka moi Walaka no ke awa kumoku, a malaila i haawi hou ia mai ai na kauoha no ka hoolulu ana o ka puali a hiki i ka wa e hoea aku ai o ko lakou moi.

            O kela minute a ka puali i lawe ae ai i ko lakou kulana o ka hoolulu, oia no na minute hookahi  a ka lahui i haawi aku ai i ko lakou mau nana ana maluna o ka pahu hae o ka halealii Abbey, kahi a ko lakou moi opio Walaka e hui ana me kona ohana, a e welo ana hoi ka hae moi me ka haaheo maluna o na puoa o ka halealii, a i ka aneane ana e kani ka hora 2 auina la, ua ike aku la ka hae alii i ka haule ana iho ilalo mai kona kulana mua i na minute i hala ae. Ia wa i holo ae ai ka pihoihoi iwaena o na kanaka, a e lohe ia aku ana na leo hamumumu me keia mau olelo:

Ua haalele aku la ka moi i ka halealii no kona alahele e hoea mai ai no ka uapo, kahi a kona mau aumoku kaua e kali nei me ke makaukau nui nona.

            Ma kahi o ka leo uluaoa pihoihoi o na kanaka, he mau leo hoomakaukau ke haawi ia ana maluna o na puali koa e na alii koa.

            Emoole uina nakolokolo ae la na pukuniahi me ka ikaika nui, mai ko ka aina a i na aumoku kaua, a iloko o ia mau leo hoopuoho weliweli o na batari pu, ike ia kau la ka moi Walaka a me kona mau ukali e holo pololei mai ana no ka uapo maluna o ko lakou mau lio me ka haaheo nui, o ko lakou mau kulana hoi, he kilakila o ka hiehie lua ole.

 

NA LETA.

            (Aole o makou makemake e lawe i ke koikoi o ua hala no na manao i hoopuka ia malalo o keia poo o ko makou mau mea kakau.)

Na Mea Hou o Kona Hema.

            He nui ka ua ma Kona Hema nei, uliuli ka aina a me ke kula i na lau nahelehele, piha na lua wai, a hu wale mai no ka wai.

PALA KE KOPE;--E ohi ana na kane, na wahine, na pake a me na kepani mai ka Poakahi a ka Poaono, aohe wa e kui ai ke kope i maloo.

            HEAHA KEIA.—Ua lohe laulaha ia ae ua ae ka lunakanawai S. Molale e uku i na hoopai a me na koina o Pilipo Haae, Moses Kaaipuaa a me Kekualo he $9.00 a oi o ka mea hookahi. Nui kela, uli ka wai o ka niu. Mai ke kau mai nei keia o Kau, mamuli o ke paewaewa o o ka laua hana me ka hope makai S. Lazaro. Olelo o S. Lazaro imua o ka aha, imua o Hon. S. L.Ausitine ka hoopii a Pilipo ma, aka i ka nana ia ana iloko o ka buke o ka aha o Kona Hema imua no o ke kiure ua holoi ia nae ka moolelo mua i kakau ia iloko o ka buke. Manao no hoi au, i kekahi mau ia no mahope mai, e imi i kumu e nui ai ka lilo o kela poe, pela paha ka manao ana. A pehea iho ia la ka manao o ke kalohe. Ua pono no paha ia i ka manao o na poo o ka oihana.

            O ka luna alanui hoi kekahi, oia hoio J. W. Kuaimkou, o ka poe i hana malalo ona ma ke alanui, hana ia kekahi mau la ma kana mau hana ponoi, kahumu, kui ai a pela aku. Aka nae ke kikoo i ke dala e kikoo loa ana i ka waihona, a e hoopiha ia ana kona pepa kiko la me he la ua hana pololei i ka hana a ke aupuni. Aole o J. W. Kuaimoku i uku i kona dala ponoi i kona mau paahana iho, aole, na ke aupuni no e uku. Eha la hana o kekahi i hana ai i ka hana a J. W. Kuaimoku, ekolu o kekahi, a elua o kekahi. Ua lohe ia mai, ua palaina ia mai no ka e ke kuhina ke@a hana ekaeka, nani kela hulali ka hao, aohe ia e pakele, ua ai i ka puaa hea a J. W. Kuiamoku.

            He uwiuwi ka @a ku o keia mau la. He nui na Iapana e noho hana nei me Mr. T. K. R. Amalu, Luna Hoohana o ka Hui Kope o Kalahiki. Kona Hema.

            Me ka mahalo,

            J. M. K. PALAKA

            Hookena, Sept. 30, 1891.

 

Hewa ka I’a o Umiamaka.

            E Mr. Lunahooponopono; Aloha oe:

            Ma keia po i noho ai ka halawai a ka Hui Kalaiaina, i noho hookele ia e kekahi kanaka puni wale, nana na olelo hoolaha e pai ia nei ma na alanui a maloko o na nupepa oia poai, i ka la i o Hokupuehu i ka malama i o Hinaiaeleele ma ka Halepaikau.

            I ka akoakoa ana o na hoa ma ke kuku ana iluna, a mahope hoi o ka noke ana mai a ka mea i koho ia i lunahoomalu i ka papa i na hauwalaau, ua waiho koke ia mai la kekahi mau kumuhana hou, oia hoi ke@a kumuhana ohumu o na haole, na hapa haole, oia hoi o Wilikoki a me Ailuene. He hui okoa keia a Ailuene ma i kukulu ai oia ka hui nona kela inoa haole e kakaha loa ia nei, o ia hoi ka “National Liberal”, he poe hapa haole ka hapanui o na lala o keia hui i noho alakai ia e R. W. Wilikoki me Ailuene Buki.

            I ka lohe ana o kekahi keonimana kahiko o ka Hui Kalaiaina i keia mau kumuhana hou, ua @@ka ae la kona ihu, a olelo iho la i kona hoa.

            He mau kumuhana no ka ka Hui Kalaiaina, a nawai la i hoopau ia mau kumuhana a lawe mai nei i keia mau kumuhana i maopopo mua ole i na lala o ka Hui Kalaiaina mai Hawaii a Kauai, a e lilo ana keia kumuhana i mea @ hoomokuahana ai i ka lokahi o ka Hui Kalaiaina makua, a o ke kumu o keia hoino, o ka puni wale me ka naaupo maoli o kela kanaka Palani e noho Peresidena nei no ka Hui.

            Ano e Mr. Lunahooponopono, ke ike iho la oe i ka hewa o ka i’a a Umiamaka, ma o ka manao kahaha o kekahi hoa kahiko o ka hui kalaiaina malia he nui no ua hoa e ae i komo ke anu iloko o ko lakou mau houpo me ke kahaha nui. A o hauoli auanei oe no ia mea, ke waiho aku  au ia oe i mau inoa o kela me keia apana koho o Honolulu, a nau e hele malu aku e ninau ia lakou no ko lakou mau anao, aole au e waiho aku ia oe i na inoa o na hoa karistiano o huhu o Ailuene ma, aka i poe mawaho ae, i poe ike a naauao, i poe i hoomaopopo i ke ano o keia mea he pono koho, a e ike hou iho no hoi auanei oe i kekahi hewa hou e pili ana no i ua i’a la a ka lawaia a Umiamaka.

            Aole paha i ili loa ka pilikia o ua hui @a i kela kanaka hookahi e noho Peresidena, aka, ua ili pu no @a poino i ka poe nana i hana malu keia (auhuhu) na kumuhana hou, a onou aku la i ka hui kalaiaina me ka manao e apono like ia ana, aole nae.

            Ma ka hoomaopopo aku, he wahi ahahui maikai loa keia a Kahoonei ma i hoohui iho nei @a lakou me Ailuene ma, oia hoi, he wahi ahahui lawaia hee, a o ka hee, o ia no ka hui kalaiaina mai Hawaii a Kauai; a i mea e ono ai ka ai ana iho o ka hee, penei ka hana ana@. O ka lakoa nei ae ka upiupi i na hee @a me na poi wai elua a lakou i hoomakaukau ai, (na kumuhana) a o ka na aweawe (na hoa) he pueeke a makolekole, a o ka hana a ke kuke nui, o ke kuke a moa alaila a@apoho ae.

            E Mr. Lunahooponopono, e hauoli ana kaua, no ka mea, na lakou na lakou e pauaka mai a hiki i ka hiolo wale ana me ko kakou mikiala ole aku e alai. Pela no ka hale i kukulu ia maluna o ke one, he helelei wale.

            Ua loihi paha keia e ka makamaka, me ka mahalo nui i kou lokomaikai. Aloha oe.

            KIU.