Ka Nupepa Kuokoa, Volume XXX, Number 37, 12 September 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

ME

Ko Hawaii Paeaina i Huiia

 

No ko Makahiki.   -   -   -   $2 00

No Komo Mahina.    -   -  -  1 00

Kaiko ka Rula

 

AUHAU NO KA HOOLAHA ANA.

 

@A @A

   AW@           1          2          3          4          5          6

@l@h@          @        @        @        @        $2 75   $ 2 00

1 In@h@        @        @        @        @        @0      4 00

2 In@h@        @        @        @        @00    $@0    @00

3 I@h@          @        @        @        @0      5@0    6 00

4 la@ha           @        @        @        @0      @75    7 @0

5 I@                @        @        @        @        @00    9 00

6 @                 4 30     @        @        4 00     9 00     10 00

 

     O@ H@ ah@ a pau e hoo@u o ia ma a@a n@ @ o keia Nupepa. @ p@ @ha @ina aole aohe @ .

 

KOOPUKAIA I KA

HAWAIIAN GAZETTE CO.

H. M. WHITNEY, Luna Nui,

J. U. KAWAINUI, Luna Hooponopono

POAONO. -  -  SEPATEMABA 12, 1891.

 

KULA SABATI.

 

Sepatemaba 27, III.--13 Hoike

Hapaha.

  Heaha na kumuhana 12 mamua iho? Heaha na pauku gula 12 o keia hapaha?

  O ka Hoola Kupaianaha ola no ke kumuhana ano nui o keia mau haawina. E noonoo kakou i keia mau mah@le eono.

  (1) Ko Iesu ano kupaianaha.--Owai o Iesu mamua o kona hiki ana mai i kela honua? Owai ka inoa i oleloia ma ka haawina olua? Ma ka haawina elima? Ma ka haawina eiwa me umikumamalua? Pehea, oia anei ke Keikihipa a ke Akua? Ka Berena e ola'i? Ka malamalama o ko keia ao? Ke Kahuhipa maikai? Ka pukakomo o ka pahipa?

  (2) Ko Iesu hanau kupaianaha.--Mahea ko Iesu one hanau? I ka wa hea? Mamuli o ka wanana hea? Pehea kona lilo ana i mamo nawai? Pehe ka noho ana o kona makuahine? Owai ka poe himeni i kona wa hanau? Owai ka poe hoomaikai? Owai na mea hoomana elua ma ka luakini?

  (3) Ka Iesu ma@ hana mana kupaianaha.--Heaha na hana mana eha i oleloia ma keia mau haawina 12? Heaha ke ano maoli o keia mau hana, @kahaha ia ai, i pili ai i kana oihana? Pehea ka pili ana o ka waina mai ka mai i kana oihana hoola? Pehea ka ikaika hou ana o ke kino pilikia o ke kanaka ma Bete@e@o? Pehea ka hanai ana i na tausani elima? Pehea ka hoomalamalama ana i ka mea makapo? Heaha kekahi hana mana ano nui i keia wa?

  (4) Ko Iesu naauao kupaianaha.--Heaha kekahi mau olelo ao ano nui ma keia mau haawina? Pehea ke ano o ka Iesu hoonaauao ana? Ua lona anei iaia ka naauao ma ka huli ana e like me na kanaka akamai? Ina paha e hoolohe mau ana kakou i ke Akua, e loaa ana anei ia kakou ka na@uao? Heaha ka me@ oi aku o ka waiwai, ka naauao lani paha, ke aka@ai kanaka paha?

  (5) Ko Iesu mana kupaianaha.--Ma keia mau haawina, aia mahea ko Iesu mana i hoikeia? Ma ona lo anei keia mana? Ina poha o Iesu he kanaka wale no, hiki anei iaia ke hoola ia kakou? Ua loaa anei iaia i keia wa ka man@ hookolokolo, hoohewa, hoopai ; aole paha? Owai ka mea mana oa hookahi? Ua loaa anei ia Iesu ka mana @no ike me ko ke Akua?

  (6) Ko Iesu aloha kupaianaha.--Ma keia mau haawina, heaha na mea i hoikela no ko Iesu aloha? Pehea ke ano hana o ke aloha? Owai ka mea a kakou e aloha nui ai? Pehea ke ano o ko kakou aloha i na mea e ae? Hiki anei ia kakou ke aloha ia kakou iho? Pehea ke ano o kekahi makamaka i aloha nui la? Ua like pu anei ko Ie@ aloha i keia la me kona aloha i kona wa e oia ana ma Ierusalema? Heaha kekahi mau kumu kupono no ko kakou aloha nui ana ia Iesu i kela wa?

 

Hoike Hai.

 

  E hoike hui ana na Kula Sabati o Maui waena, mai Kahakuloa a hiki i Waikapu, ma ka halepule Hoole P@pe ma Waikapu, ke hiki aka i ka la Sabati la 27 o Sept. A. D. 1@1, ma ka hora 10 a. m. No@, ke kau l@ ia aku nei na Kula @ti a pau e akoakoa mai ana, e hele mai me ka makaukau i na haawina o ka la hoike, aia no na haawina e hoike ai ma na buke liilii o keia makahiki, oia hoi na haawina ma ka pule mua o Iulai a hiki i ka pule hope o Sept. o keia hapaha ekolu. E lawe oukou i na kumuhana, na Pauku Gula, na manao nui a me na manao pili a pau loa o loko o ia hapaha, a e hana a paanaau a wale waha no hoi, a e hookomo ana i na Himeni Hokuao Nani, Leialii a me na Himeni Euanelio, ke makemake na Kahu Kula Sabati a puni a pau pela, a mai poina i ka hele pu mai me ona wahi kenikeni i mea e kokua ai i na lilo no ka la hoike, ua maopopo no ia oukou la mea, nolaila, e na Kula Sabati o na Waieha, mai hoopoina i ko oukou inoa kaulana, ka mea i kapa pinepine ia "Ke aha o Wailuku," no ka mea, na oukou no i kanu ia inoa kaulana ma na hoike hui me Molokai. A ke kauoha pu la aku uei na Kula Sabati o na Hanuaula, e malama ia ana ka hoike o na Kula Sabati o na Honuaula ma ka Luakini Hoole Pope ma Keawakapu, ma ka la Sabati la 4 o Oct. A. D. 1891, ma ka hora 10 a.m., e like me na mea i hoakaka ia no na hana hoike o Waikapu, pela no na hana ma ka hoike o Honuaula.

               J. HAOLE.

Kahukula Sabati Nui o Maui waena.

  Wailuku, Sept. 5, 1891.

 

Ka Huakai Makaikai

A KAUKA TALAMAGE I KA AINA

HOANO.

 

(Hoomauia.)

  Ua like ae la makou ma na ano a pau me he ohana hookahi la, a na ia mea i hookomo mai i ka hauoli iloko o makou pakahi no keia haawina hoohauoli.

  Kauliilii ae la ia makou me na io dia, a o ko makou nui a pau loa ke hui ia me lakou la, ua aneane i ke 30.

  Ukali aku la makou mahope o lakou la, a aole 1 kanamai ka uluwela o na lama a makou e hoi aku nei a he hapalua hora ka makou hoi ana, hoea io aku la makou ma ke kahua e kuku ana ko lakou mau halelole.

  Lele iho ia makou ilalo, wehewehe na wahi opeope, hoaia ae la i na halelole makou, a ua kokua ia mai la ia mau hana, a emoole ua ku ae la ko makou mau halelole.

  Hoa ia ae la na ahi hoomoa no na io dia a makou, a he nui ko makou waiaau me na leo o ka hauoii i keia po ma keia kula kanaka ole a makou e haluku nei.

  Ma na kapuahi kuke o ka makou mau mea ai makou i pukuikui ae ai me na kamakamailio oluolu ana, ninaninau ana i na mea a pau o ka makou mau haukai, a ma ka hapa hope o ka makou huakai, ua hoopuka aku au penei:

  He ekolu la i hala ae nei, ua hoea mai la makou i ke kahua o Babulona nui, a i ko makou hoea ana mai ma ke kihi hikina hema loa o ka pa o Babulona, ua halawai mai la me ko makou mau nanaina he mau halelole e ku puukiuki ana ma kahi hookahi, aohe nae he kanaka oloko, o maloko o kekahi o ia mau halelole, ua waiho aku au i kekahi palapala i hoike no ko makou aloha ia lakou.

  A mai laila mai makou i hele mai ai me na pilikia he nui, ka maha a me ke kaumaha, a maluna o kekahi ahua, ike mai nei makou ia oukou, a hele mai la.

  Kahuhu! wahi a ka mea aoo o lakou i like me a'u. Na oukou ka ia palapala i kakau? Ae, nani ke ke kupanaha o ka ke Akua mau haua maluna o kakou--O makou no ua poe la--O oe anei o Kauka Talamage?

  Ma o ka lokomaikai o ke Akua o makou no ua poe la nana ka palapala, a owau no o Kauka Talamage, a ua haalele aku makou ia America Akau mai ke kulanakauhale o Piladelefia mai i ka hapa hope o Novemaba, a ua hoe@ mai makou ma Iopa, kulanakauhala o ko Pilisetia ana kapakahakai o ke Kai Waenahonua i ka mahina o Decemaba, a auwana ae la i ka loa o ka Aina Hemolelo, a ma ka palahalaha mai o Suria a hui wale iho la kakou.

  I ka pau ana ae o ka'u mau hoakaka ana me ka leo malie, lele hou mai la oia a puili mai la me kona mau lima a puili pu ae la maua me ke aloha.

  A na la mea i hokomo mai i ka hauoli palena ole iloko o makou i keia mau hora o ka po me ka nanea ana

 

  Ua kau aku o Lunakanawai Dole o ka Aha Kiekie maluna o ka Malulani o ka Poalima i hala, a holo aku la e malama i ke Kau kiure o Kau, Hawaii, e noho ana i ka Poaha elua o Septemaba nei. Ua holo pu aku ma ia moku ka Hope Lolo Kuhina C. Creightoa, na hoa o ka Papa loio Hon. P. Neumann, W. C. Aehi a me E. Johneon no la wahi hookahi no.

 

PALAPALA HOALOHALOHA.

 

I ka Moiwahine,

                       LILIUOKALANI;

  E ka makua--Mamuli o ka lono kaumaha i pahola mai maluna iho o ko makou ahahui, oiai ua oluolu i ka Mea Mana Loa, ka lawe ana aku i ke ola makamae o ke Keikialii John Owen Dominis, oia hoi o ka pilikia i kau iho maluna Ou ua kau pu iho ia kaumaha maluna iho o makou kekahi o kou mau makaainana i loaa i ka mea lepera, a o ka ehaeha i loaa ia oe, ua loaa pu iho ia ehaeha ia makou. Nolaila, ma ka inoa o ka Ahahui Puuwai Lokahi o Kalawao, Molokai.

  E hooholola--Ke komo pu aku nei na luna nui a me na lala a pau o keia ahahui iloko a ke kanikau pu ana me oe; a

  E hooholo hou ia--Oiai oe e noho ana iloko o ke kaumaha me ka walania ehaeha a ke kane, nolaila, ke pule nei makou i ke Akua Mana Loa e hoomama ia mai kou mau kaumaha a paa loa, a e ae pu aku kakou o kona makemake ke hana ia aole o ko ke kanaka.

  O mokou iho no me ke aloha.

J Kekuewa          Wm. Kaaiape

Jos. Kuaia                     J Kalua

P  S Maunahui.

Kalawao, Molokai, Sept. 5, 1891

 

I ke Alii ka Moiwahine,

                                LILIUOKALANI:

  O makou, o na laia o ka Ahahui Hoonaauao Liliuokalani Mahele 2, ka ahahui Au i kukulu poni ai, me ke kaumaha luuluu i ka ako e ia ana aku e ka make ma ke ahiahi o ka la 27 o Augate i hala, o ke kokoolau pili aloha Ou e ke Alii o na makahiki loihi he iwakalua a oi o keia ola ana, Ka Mea Kiekie ke Alii JOHN OWEN DOMINIS, ke Kane Keikialii, ke komo pu aku nei makou e auamo i na ehaeha Ou me ka hooholo ana i ka makou pule i ko kakou Makua Lani e hoomama mai i Kou mau ehaeha.

  Na ka Ahahui Liliuokalani Mahele Elua, ma o ko makou komite la.

         E oia loihi ka Moiwahine!

  Mrs. Kahuila Wilcox     }

     "  Lahilahi Webb         }

     "  Hattie Kawainui       }  Komite.

     "  Maikai Kaleo           }

  Miss Lokalia Auakolio. }

Honolulu, Sept. 5, 1891.

 

E ka Moiwahine,

                                    LILIUOKALANI:

Aloha oe:

  Mamuli o ko ka Mea Mana Loa oluolu ana i ka lawe ana aku i ka hanu hope loa o ka Mea Kiekie ke Kane Keikialii John Owen Domins kou haku alii kane i aloha nuiia.

  Nolaila, o makou o na makaainana o ka apana o Koloa, mokupuni o Kauai ma o ko makou komite la.

  Hooholoia.--Ke komo pu aku nei makou kou mau makaainana e kumakena pu me Oe, iloko o ka haawina o ke kaumaha i ili iho maluna ou a me kou lahui kanaka, ka niua maeele kupouli, ka ehaeha, ka mokumokuahu walania, a me ku kumakena ana i ke Kane Keikialii John Owen Dominis.

  Hooholoia.--Ke noi aku nei ka makou mau leo pule, e hoomama ia mai Kou luuluu me ke kaumaha.

  E ola ke Alii ka Moiwahine Liliuokalani i ke Akua.

  Edward Kaaloa                }

  W. A. Kiha                       }

  Aberaham P. Kalaukoa     } 

  J. S. Aipa                          } Komite.

  M. A. Mikaele                  }

  Jaeob Kala.                       }

 

NA LETA.

 

  [ aole o makou makemake e lawe i ke koiko o na hala no na manao i hoopukaia malalo o keia poo e ko makou mau mea kakau.]

 

Ka Lunakanawai me ka Makai Nui

Hana Kanawai Ole ma Hamakua.

 

Mr. J. U. Kawainui,

                             Aloha oe:

  E oluolu oe e hookuu ae i ke akea i kela poo manao e kau ae la maluna, oia keia:

  Ma ka la 15 o Dekemaba, 1890 i hala, ua hoopai ia ka'u mau keiki he 12 malama ma ke kepa i Halawa, me ka hookolokolo ole ia hoi a ku ka hewa ma ko laua aoao, aka ua hoopai e ia no laua no ka hewa aeahaukee.

  Ua hana aku ka'u mau keiki malalo o I. S. Kau no na malama 7 me ka loaa ole mai o kahi uku maikai ia laua, a no ia kumu ua noi aku laua i ka haku hana, e hooponopono no ko laua aku hana, aka, ua hoole mai ka haku hana, a no ia kumu ua haalele aku ka'u mau keiki i ka hana. A ma ia haalele ana ua hoihoi hou la mai laua e hoopaahao no kela hewa hookahi no o laua i ahewa ia ai.

  Mamuli o ka pohihihi o ko laua hihia ma ka nana ana a ka mea i Mahalo ia, ua hoouna loa ia mai laua i Honolulu nei e hookolokolo ia ai. Ma ka Poakahi, la 24 o Sepatemaba i hala, i noho ai ko onei Lunakanawai e nana i ke ano o ka hihia, a ma ka hookolokolo ia ana, ua hookuuia. Koe ka mana malalo o kela aelike hoopaahao.

  Ia oe e ka Lunakanawai o ka Aha Kiekie, e kii ae oe i ka palapala loio o ko makou wahi loio o Kau nei a lawe aku, oiai o ka $20. kana i lawe a na keiki, aka o ka hana ana i hana ai ma ia hana ana i ka palapala kepa me ka manao e nalo ana ia hana ana, aka ua loaa pono oia ia'u.

      Kau kaawa haahaa,

               K. P. KEANUENUE.

Hilo, Puna, Hawaii, Sept. 2, 1891.

 

Kau Lei Rose ua Hala.

 

  I  ka Nupepa KUOKOA me KO HAWAII PAEAINA i Huiia;

                    Welina pu kakou:

  E oluolu mai oe e hookomo iho ma kahi kaawale o kou mau kolamu i ka'u wahi ukana luuluu, a nau hoi ia e lawe palanehe aku ma na weielau makani a hoepuehu aku mawaena o na kai a hawanawana aku hoi i keia mau leo hanehane ma na pea kapu o ka aina kulaiwi i lohe mai ai na kini makamaka o kuu keiki mai ka la hiki ae ma Kumukahi a ka mole olu o Lehua.

  Ma ka po o ka la 8 o Iulai, ua lawe palamimo ia aku ka hanu makamae o Mose Kemaka e ua kupueu nei o ka po.

  Ua hanaula oia ma Haiku, Hilo Akau, i ka la 22 o Okatoba, 1871, na Kemaka me Ana (w). O ka nui o kona mau la o ke ola ana, he 19 makahiki, 8 mahina, 18 la a me na hora oi.

  Ua haalele iho oia he mau makua a he ohana e kumakena aku nona, a no ko makou aloha iaia, ua haku iho makou i kanikau nona:

Kanikau he aloha no Mose Kemaka

Kuu keiki ua hele i ke ala hoi ole

            mai

Ka hiapo mua mai kuu puhaka ae

He milimili oe na'u i ke kau me

            ka hooilo

He lei haule ole na'u ko aloha e noho nei

A hiki mai ko aloha e uwe no wau

E uwe ae ana wau i kuu luhi mua

Auwe kuu luhi, kuu minamina pau

            ole--a.

Kuu keiki mai ka uka la o Haiku

Aloha ia wahi a kuu keiki e noho ai

E walea ai i ka olu o Kaukea

            Home

Aloha ia home a'u i luhi hookahi ai

Oiai ka nui me ka lehulehu.

Kuu keiki mai ka uka anu o Paina

Aloha ia wahi a kaua e pili ai

E walea ai i ka leo hone o ke kahuli

Ke huli nei au hoonana i ko aloha

He ole ka neeu ka panee aku

Ua oni paa ko aloha i kuu kino.

Kuu keiki mai ke kawa opu la o

            Puko

Aloha ia wai haiana a kuu keiki e auau ai

Ke au nei kuu manao o ka ike lihi

            aku

I ke aka kino wailua o kuu keiki.

Kuu keiki mai ka hele kuilua o

            Ziona Hou

Ia home au e hooikaika ai i ka pono o ka Haku

E pane mai ai ko leo me ka nahenahe

E uleu mai oukou na hoa luhi i ka pono

Ma ka lekahi like ana i ke oia Kahu

A koe koena ole I ka mahina.

Kuu keiki mai ka huikau lua o

            Honohina

Aloha ia wahi a kuu keiki e noho ai

E imi ai i pono no keia noho ana.

Kuu keiki mai ka uwahi pu-a i ka

            wai

Ia wai kaulana o ka aina

Aloha Nanue ia wahi a kakou o noho ai

Elua maua na makua elua olua keiki

Kuu keiki mai ka ua loku i ka lau

            puhala

Ua hala kuu aloha ua mae na pua.

Aloha ka piina o Waikaumalo

Hoomaha aku i ka olu o Moelana

Lana ae ka manao e ike lihi

I ka nani a o pua rose iliahi

Ua ahi ua wela kuu nui kino

Ka ukana luuluu a ka waimaka.

Kuu keiki mai ka ihona la e Pahoa

He hoa pili oe no'u no ka po kane

            ole

He lei haule ole na'u ko aloha e noho nei

E li'a nei i ka po me ke ao

Auwe kuu keiki heleloa---a

Kuu minamina pau ole ia oe---e.

           MRS. A. KAULEKAHI.

Kanikau he aloha no Mose Kemaka

Kuu kaikunane i ka poli o ka

            makua

Kuu hoa holoholo o ua aina nei

Hookahi oe kaikunane elua maua

Aloha Honohina ia wahi a kaua e

            noho ai

Aloha Nanue i ka home o ka makua

Aloha Walehu i ka hone a ka wai

Aloha Waikaumalo kau i ka iu

Iuiu ka hele ana a kuu kaikunane

Ua ahi ua wela kuu kino

Ka ukana luuluu a ke aloha

Aloha ko leo i ka pane ana mai

I ka i ana mai aloha oukou

Eia wau ua kuhaiki

Ua kupouli ma i ka manao

Lawe na lima o he aloha ole

Aloha ka luna i Pauohua

Ia wahi a kakou e noho ai

Hoolono aku o ka owe a ka wai

I ka ne hone i ka pili o ke ao.

Aloha ka helena o Kahinano

Hoomaha i ka olu o Halepulia

Aloha Kaiaake i ka huikau lua

I ka hone a ka pila i ke ahiahi

Ilaila oe pulu i ka noe

I ka wai mahiehie o ka aina

Kuupau iho oe i ka hana ike

Ka huila wai a o hanahana pono

Ua pono no kau hooheao ana

E ai i ka ai o ka aina

Oiai na la o ke ola ana.

He aloha ka luna i Pohakupuka

I ka olu kohai o Maunakoa Home

Ia home piha i ka lealea

Puuwai hamama o kuaana

Aloha ko leo i ka hooheno

Ka nanahe i ko ano ahiahi

I ka hana walea a ko lima

Na kaula eono o Uwehone

Hone ana ko aloha i kuu poli

I ka pili o ke ao hiu a wela.

Kuu kaikunane i ka ihu o ka lio

E alo ai i ke anu me ke koekoe

Ua pua kou ike hou ia ana

Ma na kapakai o ka aina

Pau ka pa-e hou ana o ko leo

Ma na paia anoano o Ziona Hou

Auwe kuu kaikunano---a

Kuu minamina pau ole ia oe---e.

            MISS M. SOLOMONA.

Kanikau he aloha no Mose Kemaka

Kuu keiki i ka hui o Puameria

I ka leo hone o ke vaiolina

Ka nanahe hoi a ka pila hapa

Ka hakui malie a ke gita

Ilaila kakou kuu i ka nahe

I ka hene wai olu lawe malie

E uhene i ka poli o ka ipo ahi

Ua ahi ua wela kuu nui kino

I ka mea maikai ia he aloha

Aloha ko leo i ka pane mai

He aloha ko pua Honesakala

Ko pua i ano ai e kui

Aloha ko maka i ka hooheno iho

Aloha ko kino hana kauwali.

Aloha Laupahoehoe i ka uluwehi

Aloha Papaaloa i ka wai mahiehie

Aloha Weloka he ihona olu

Aloha Maulua he piina loa

Aloha Pohakupuka kau i ka iu

Aloha Kulanakii i ka ai hooulu kino

Aloha Kaiaakea i ka ai kioe laau

Aloha Kahinano malu i ke ao

Kuu lei kuu luhi kuu milimili---e

Hoi mai oe olu iho au i mehana nei

            puuwai.

            D. S. K. KAUALOKULOKU.

  Pohakupuka, N. Hilo, Sepatemaba 3, 1891.

 

  Ua hawanawana ia mai ia makou mamuli o ka ae ole ana o kekahi mau limahana o ka "Hawii Holomua," e komo i ka hoomana a ko laua mau haku, oia hoi ka hoomana o na La Hope, ua hoopau ia mai la laua mai ka noho lawelawe hana ana no ua pepa holohope nei, a o ke koena iho o na paahana ua hookikina ia lakou e hana e like me ka "nika" i ua pepa nei a hiki i ke aumoe o ka po, he mea kupanaha keia i kela pepa e painuu nei i ka holomua eia nae na hana he holohope.

               Types.

 

  Mawaena o ka hora 9 a me 10 o ke kakahiaka Poakahi i hala, ua nauauwa iho kekahi Pukiki nona ka inoa o John Onellis i kena ola, ma ka hele ana a lele iloko o Kapena a make loa. Ua huli awiwi ia aku kona kino a loaa a ua hoihoi ia ae i kona wahi i noho ai ma Pauoa me kona kaikauhine a me na keiki eha ka nui. Ua make e aku kana wahine he hookahi malama aku nei. Ua lohe ia mai, he mea oia i hooulupuni ia e na ehaeha o ka io ulu ma ka auwae. Aloha ino na keiki makua ole i haalele ia iho la mahope nei.

Hale Hana Kopa o

Honolulu.

 

  Ua paa aenei ka Hale Hana Sopa Mahu Hou o ka poe no lakou na inoa malalo iho a na makaukau lakou e hoolawa aku i ka poe piepiele i na

Kopa Maikai Loa Maoli,

I  hookomo ia  iloko o  na Pahu 100 paona,

mai ke 42 a 56 auka Kopa pakahi.

Ke hooia nei makou i ka oi o la MAIKAI o

ka makou KOPA mamua o na Kopa

o waho mai.

 

     Ua kuni ia mawaho o ko makou mau Pahu me ka hoailona "HONOLULU SOAP CO.." a e

Kuai ia e na Halekaui

Liilii a Pau.

HUI HANA KOPA O HONOLULU

M. W. McChesney  & Sons,

                                 Na Egena.

2540 1-yr.

 

ALLEN  &  ROBINSON,

 NA MEA KUAI PAPA O NA AKU A PAU. E loaa no ma ka UWAPO O PAKAKA, Honolulu, ma ke kumukuai makepono loa, no ka pomaikai o ka lehulehu o makemake ana e kukulu hale. E kipa mai a o ike kumaka.

2@1-4f.

 

Hoolaha Humau.

 

PAPA!  PAPA!

AIA MA KAHI O

Lewers & Cooke

(LUI MA),

Ma ke kahua hema o Alanui Papu

me Moi.

 

E LOAA NO NA

PAPA NOUAKI

O kela a me keia ano,

Na Pani Puka, na Puka Aniani,

  na Olepelepe, na Pou, na O'a,

    na Papa Hele, na Papu Ku,

      me na Papa Moe he nui loa.

NA PILI HALE O NA ANO A PAU

A me na

WAI  HOOHINUHINU  NANI

O na ano a pau loa.

 

Na Balaki o na Ano he Nui Wale

  Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

Uku Haahaa Loa,

E like rue ka mea e holo ana mawaena

o Lana a me ka Mea Kuai.

Hele Mai e Wae no Oukou iho.

2331-3m.

 

Ka Waiwai o ka Hilinai

 

Saseparila Ayer

AYER Laau Saseparila, kai kaulana i hilinai nuiia no ka hoomaemae koko ma na wahi a pau o ka honua, ne aneane 40 makahiki i hala ae nei, a ua lawelawe nui ia hoi iwaena o na oihana lapaau.  O keia

  LAAU SASEPARILA, no loko ae ia o ke aa Saseparila Honedura maoli; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao.

  HE KOKO inoino a nawaliwali a nei kou? Ua awili pu anei me na ano mai ikaika? A ua hui pu anei me na wai awaawa hoopehu Na keia

  LAAU e hoomaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Sasaparila, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no.  No ka

  HOOMAEMAE ana i ke koko, a me ka na hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia oie mamua ae o kekahi ano laau e ae   O ke

  KOKO INO hakuhaku, a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer. He maalahi a he

  MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i hoomomona hou ana i ke koko ino, a me ka hooikaika pu ana i ka holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kekahi mau laau e ae.

  A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa. maluna o ka

Ayer Laau Sasaparila.

I  HOOMAKAUKAUIA K

Kauka J. C. Ayer & Co., Lowell Mass.

 

HOLLISTER & CO

Na A ena ma ka Paeaina Hawaii.

2@61-8@

 

Hoolaha Humau.

 

KAKELA ME KUKE

 

KA - HALEKUAI - NUI

----O NA----

 

WAIWAI LIKE OLE.

 

NA LAKO KAMANA!

E laa na Pahioio, Koi Hole, Hamale,

    Koi nui a me liilii, Kila, Wilipuaa,

        Rula, Apapa, Kai o aa ano a pau.

            Kala-kaa, Hao Hoopaa Puka

Pohaku Hoana, Kopa, Lei Ilio, Kaulahao

    Ilio, Pahi, Upa, Pahi-emiumi, Kalapu,

        Kope-hula Palapala, Pepa Kalakala,

            Lina Hao, Ami, Keehi a me

        Kaula Opu.

 

               PALAU!

     O na ano he nui wale,

Oo, Ho, Kopala, Pe, Kipikua, Hao Kope, Au

    Ho, a pela aku, Kua Bipi, Lei Bipi,

        Kaulahao Bipi, Uwea Pa,

    Uwea Keleawe, HAO PILI PIULA

Kaa Palala, Ipu Hao, Ipu Ti, PA-PALAU

              Makau me Aho Lawaia

Iliwai, Papa Holoi, Kopa Ala,

   Kaula Kuaina, Hu'akai, Ehi Wawae,

      Hulu Pena, Kopaholoi, a pela aku ;

         Pena Wali, Kini noi a me liilii o na

            ane a pua, me ka Pepa Kuhikuhi,

               Pena Keokeo, Aila Pena, Aila

                  Hoomaloo, Vaniki Kaa a me

                     Vaniki Moe,

Pena Hoomaloo

A ME ANIANI HALE.

Aila Mahu, Aila Mikini, Aila Hamo Ili,

   Aila Kaa, Iuika Kamaa ; Pauda,

      Kukaepele, Kiano Pauda, Uiki

         Ipukukui o na ano he nui a lehulehu.

 

NA PAKEKE POI

---O K@---

ANO HOU LOA!

 

Na Mea Piula!

 

MIKINI HUMUHUMU,

MIKINI  A  WILCOX  ME  GIBBS,

Na Mikini a Remington.

 

     He nui loa na mea hao me na ukana e ae o na ano a pau, aole hiki ke hai pau ia aku, hewa i ka wai ua maka ke ike.

 

LAAU LAPAAU KAULANA LOA A

DR. JAYNE

Laau Hoomaemae Koko.

     Laau Hoopa@ Naio,

          Laau Kunu, Penikila,

              H@aole, Paakai,

                    Laau Hoopaa Hi ma

Na - Laau - Hamo,

A PELA AKU, A PELA AKU.

 

KAKELA & KUKE.

@1-3@t@