Ka Nupepa Kuokoa, Volume XXX, Number 30, 25 Iulai 1891 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.Hoolaha Loio

NONE ROSA

@

@ Kokua ma ke kanawai.

Na Hooiaio Palapala.

@ ma Alai Kaahumanu

@ @

 

ELLIE M. LOWREY,

@ no ka LEHULEHU

 

Na Hoolalo Palapala a me na

Palapala Hoohiki.

@ na Hana me W. R. Kakela, @ma ka aoao makai o ka hale

@ Honolulu.   2331-7m.

@ Brown,

@he Kokua ma ka Kanawai

@ @ Hoolalo palapala no

ka Mokupuni o Oahu.

@ Hana: Ma Alanui Kalepa

2331

E. G. Hitchcock.

@ @ a Kokua ma na mea a pau e pili ana ma ke Kanawai.

@ no na hila aie me ka awiwi

Hilo, Hawaii.   2331

 

George P. Kamauoha,

He Loio a he kokua me ke kanawai

@ no ka Lehulehu

Laua Haawi Palapala ae @.

Mo Kohala akau, Hawaii.

 

MEA ANA AINA.

@ no ma Kohala Akau, hawaii.

2331

W. R. Kakela,

He Loio a he Kokua ma ke Kanawai

He hina Holalo Palapala.

2331

ENOCH JOHNSON,

(ENOKA.)

He Loio a Kokua ma ke Kanawai,

@

@ Holalo Palapala Kope no ka @ o Kona, mokupuni Oahu.

            Keena Hana, helu 15 alanui Kaahumanu ma ke keena mua iho nei.

W.C Aehi.       2331

 

William C. Achi,

@ @ a he Kokua ma ke Kanawai i mua o na Aha a pau o kela Aupuni.

@ Notari no ka Lehulehu a Boroka no na Waiwai Paa.

            keena Oihana Helu 36, Alanui Kalepa, Honolulu, Oahu.       2331

 

J. T. WATERHOUSE,

(Walakahauki,)

Halekuai o na Lole Nani Panio!

Lakohao.

Na Lako Hana Mahiko,

A pola ahu @ @ wale.

Atanui Meiwahine, - - Honolulu.

2331

 

He Moolelo

No

 

WALAKA RARE,

Ka

 

Ilio Ahiu o Na kualono,

A i ole

 

Ka hiena opio o na hilana.

 

Mokuna XII.

Ka makua me ke keiki Na kau mohala pua ekolu.

 

Poha alapine ae ia na leo o-le

            Wawalo kupinai ma na kula

E ke kiai? Heaha ko ka po?

                        Pohapoha mai ia na leo kuhiala

 Mai na kula laulamai o Alani

                        Mai ke kahua kaua mai o ka haaheo

Me na leo hanehane o ke kumukena

                        Ua hala oe e Irelani

Ua hehi ia ilalo o ka honua

            Ua alana ia kou hanu

Me ka maka o ka pahikaua

            A ke koa i pni ai

E lilo i hoopakele no kona lahui

            Ke keikialii Walaka Rare

Ke koa o ka uwahi pau@a

            Ka haku o ka pukuniahi

Ke Ilio Ahiu o na Kualono

            Ka hiena opio o na Hilana.

 

            I ka wa o ke keikialii Hiki i haule walawala aku ai @alo o ka honua he kino make na ka pahikaua a ke koa Walaka, ia wa i holo koke aku ai ua keikialii la o ka pu kuniahi no kahi a ka have kalaunu o Irelani e welo haahea aua a huki iho la ilalo, a iloko o na Hilana o wale e welo haaheo ana ilu na o ua pahu have la iwaena o na leo huro o na @aita o ka aahu ulaula, a na ua have la i hoike ae i ko ke kahua kaua holookoa ua pio ke alii nona ia pahu have.

            Oka lono o ka haule pio ana o ko ke keikialii Hiki aoao, ua holo ae la ia me ka mama nui iwaena o kona mau koa, a i ka wa i loaa hou aku ai o ka lono no ka make ana o ko lakou mau mea kaua ilalo ma ke ano he haawi pio ana ia lakou iho.

            Otai o ka lono e pili ana i ka make ana o ko lakou alii a moi opio, ua like ia me kekahi puupuu ika iak i hamare la aku i ko lakou puuwai koa o ka wiwo ole, a pela kaua e ka makamaka heluhelu i hiki mai ai i ka hopena o kela kaua hope loa o Alani.

            I ka wa a @a koa Irelani i haawi pio mai ai ia lakou iho imua o ka mana a me ka ikaika o na pualikoa Pelekane, ua haalele iho la ke koa o ka uwahi pauda i ke kahua kaua one kona mau naita a kamoe aku la i ko lakou alahele no loko o ka hihipea o na laau o Alani.

            A no kekahi mau minute, ike hou ia aku ia lakou e kamoe pololei mai ana i ko lakou alahele no ke kahua hoomoana o na Pelekane.

            Emoole, aia ua mau naila la e ku ana ma ke alo iho o ke kahuna hoolulu o ka moi Woka rare a me kona mau ukali, a lele iho ia ko la kou alakai mailuna iho o kona ilo a kamoe aku ia no kahi a kekahi koa opio e ku ana me kona aahu piha o ke kulana alakai a alii nui o ka puaiikaua holookoa.

            Ma ka lima akau o ua koa opio la e paa ana oia i kana pahikaua, a ma kona limahema hoi he wahi ohenaua makalua kana e paa ana.

            O keia kanaka opio a kaua e ike nei, e ka Moi Woka Rale no ia ka pukonakona o ke kahua kaua a o ka olaii hiapaiole o na medala kila. Ua haawi aku ua mei ia i na nana pono ana maluna o ke alakai o na koa o ka aahu ulaula lala (Walaka) e hele mai ana imua on a, a ma kahi he mau kapuai k a mamao mai ua moi nei aku, ku iho la ua koa la o ka aahu ulaula, a me ka oi o kana pahikaua, haawi mai la ola i ke aloha i ka Moi.

            Alaila huli ae la la maluna o kona mau naita, a hoolauna aku la i ka Moi Woka Rare no ka wa mua loa ino keia mau olelo.

            E ke alii=ma ka inoa o ka inoa o ke aupuni Hilana o Wale, ke hoolauna aku nei au i kela mau naita imua o kou hanaohano a me ka iliha ma ke ano o lakou kekahi o na kea i haaheo pu me na ehaeha o ke kahua kaua o keia la.

            Me keia mau olelo a ua koa opio la o ka aahu ulaula, alaila hoomaha iho la ia i kana kamailio ana mai a haka pono mai la ia maluna o ka moi no kana mea e pane aku ai.

            E like me na olelo a ua koa la o ka aahu ulaula, pela ka moi Woka Rale i apo aku ai me ka hauoli nui no mela mau olelo makamaka o ke ano hoaloha, alaila pane aku la oia.

            E ke koa opio wiwo ole, o kau leo pololai o ke kulana makamaka, ke lawe mai nei au ia mea a malama me ka hauoli nui, a i keia la ua loaa ia lakou na mahele like o ka haaheo pu ana me ko'u mau koa, aka e Sir Naita o ka aahu ulaula, mai na Hilana mai anei o Wale keia mau naita haaheo?

            Ae e ke alii-mai na Hilana mai lakou o wale, a o ke mea e kamailio pu nei me oe, mailoko ae no ia e Pelekane nei mai ka piko a ke poo, mai waho hoi a loko.

            A-ha! no Pelekane nei no ka oe a o kela mau naita mai na Hilana mai o Wale?

                        Ae e ke alii- e like no me ka'u i hoike mua aku nei.

            Alaila he keu ka mea kupanaha o ke hiki ana e loaa i kekahi kanaka Pelekane he mana e alakai ai i kekahi mahele koa aole no kona aupuni.

            Pane mai la ke keikialii Walka Kale, pela @o no, aka mea ka mana o na kauoha a ko lakou poo ua hiki ole ia lakou ke kapae ae, oiai o ka mana o kana mau olelo he kanawai paa loa ia e hiki ole ai ia lakou ke wawahi.

            A-ha! ua kau kanawai ia ka ea? alaila heaha ke kanawai a heaha hoi ka huaolelo?

            Pane mai ia ke keikialii Walaka o ke kanawai e hooko a hoolohe ua poe koa la i ka leo o keia wahi o-le ma ke ano me he mea la e ko lakou alakai a poo nui ma ka oihana, a o ka huaolelo oia no ke kauoha, ma kahi a ko lakou alakai e haaheo ai malaila pu no me lakou, a o ka mea e pale a kua i ke kauoha e kipoka ia no ia.

            Na keia mau olelo a ke keikialii Walaka Rale, na ia mea i hookaakaa pono ae i na maka o ka moi Woka rale, a oia kana i haawi mai ai i na nana pono ana maluna o ke koa opio me na maka oolea, a liuliu pane mai la oia.

            E ke koa wiwo ole, us aie nui ke aupuni mauahine ia oe a me kou mau naita wiwo ole, aka e ae mai ia'u e ninau aku owai la ka inoa o ke kanaka opio nona ka hanohane a'u e kamailio pu nei?

            Pane aku la ke koa Walaka rale no ka wehe ana aku i ka haina o kau ninau e ka moi, e ae mai ia'u e olelo ae no ka wa mua loa.

            O ke kanaka au nana i haaheo mua loa ke kahua kiu maluna nei o ka lepo o Alani, he aneane e ekolu kau mohala pua (makahiki) i hala a e ke alii ke hoomaopopo mai la no anei oe i ka'u mau olelo?

            Ae e ke koa opio wiwo ole, aka wahi au i olelo mai nei, o oe ka ke kanaka mua loa nana i haaheo ke kulana kiu maluna nei o ka lepo o Alani? wahi a ka moi Woka Rale i pane mai ai.

            Ae e ka moi-i pane aku ai ke keikialii Walaka Rale, ua olelo io au pela, a ke a ke hooia hou aku nei au owau io u@ @a kanakala.

            Alaila e wahahee mai ana oe ia'u ea?

            Aole e ke alii.

            Alaila pehea ka hoi oe i hai mai nei o oe ke kanaka mua loa nana i haaheo ke kulana kiu maluna nei o ka lepo Alani.

            Pane aku @ he keikialii Walaka, he olalo, he oialo ka'u e hai aku nei ia oe, o ka'u mau olelo, he naue @l@ ia e like me na waihooluu uliuli o ka lahi, a i mea nou @ ike ai i ka oiaio o ka'u mau olelo, e nana mai i kea palapala a e ike a hoomaopopo no oe aole ke alakai o na naita o ka aahu ulaula o Wale i wahah@e aku ia oe.    Aole i pau.

 

NANEA KAMAHAO

o ke

KEIKIALII

ROMEALA;

ka

Ui Kila Magneti

O PARAMERI.

 

Ka Nani e haule ai ka honua;

            Ka Mahina Meli o Salaredina;

                        Ka La alohi o Mulisedera;

                                    Na kulu Koko kamahao Ekolu.

 

Na Ui Hookelakel;a

o ke ao Holookoa.

 

NA NANI

Puuwai Uahoa o ka Honua nei,

A o ke

Kila Mageneti o ke Aloha-"O parameri no ia."

 

            Aka aole no i pau mai ka'u noho alii ana, ua noho alii ia e a'u ka mole hohonu o ka naauao ilalo a hiki i ke akea laula o ke pohihihi iluna, a o na lokowai koieie a me na punawai mapunapuna, ua lele wale ia no ia au me he pua kakaka la ka hele a holu pololei i ka maka pipi pulu.

            O keia mau olelo a ke keikialii Romeala, oia ka ua moiwahine Me sina la i nana pono aku ai me na maka oolea, me ka nalu ana iho iloko on a no na olelo a ke kilokilo a me ia mau noonoo na-luea e halakau ana iloko o ua moiwahine la, pane aku la oia.

            Kahaha, oia mau mea aku la no  paha kau i ike aole hoi oe i makaikai i ka nani o ko'u kulanakauhale i makana aku nei, a ke ole au e hewa ma ka'u olelo ana, alaila e ha aheo auanei ka moiwahine Mesina ke olelo ae, na ke kulanakauhale i makana aku nei, a ke ole au e hewa ma ka'u olelo ana, alaila e ha aheo auanei ka moiwahine Mesina ke olelo ae, na ke kulanakauhale momi i hooluhi i na kapuai wawae o ke kilokilo a maopoapo, a na kona mau luhiehu nani hoi i hoomaona aku i kona la maka poniuniu.

            Pane mai la o Romeala: kahaha! malia paha he hookahi o ka like a ma na iuoa i a@oe ai, oiai o oiai o na kulanakauhale a me na mea a pau a'u i noho alii ai e like me ka'u i hoike aku nei he hookahi wale no o lakou alanui e hoea oku ai i ka puka o ka maha.

            Wahi a ka moiwahine i pane aku ai, he oiaio, he hookahi no ipuka o ke ola, aka nae, he hookahi no ipuka o ke ola, aka nae, he elua alahei-ka mua, ke alahele o ke ola a me ka maha-ka lua, oia no ke alahele o ka make a me ka luhi.

            Ua hoomaha iho ua moiwahine la i kana kamilio ana me ka haka pono ana aku maluna o ke keikialii Romeala no kana mea e kamailio mai ai, a aole no hoi i liuliu iho, mahamaha ana na pahu iohe o ua moiwahine la me na oielo a ke keikialii Romeala i ka i ana mai.

            Ua kaapuni ia e au ko ke ao holo okoa mai ke kiekie a ka haahaa he hookahi wale no huaolelo i ka lehelehe o ko ka honua-ka ipo i ka ipo-ke aloha me ke aloha:-a owai o laua ka mea i oi? aole! a oia ka'u e hai hou aku nei ia oe e ka moiwa hine, he hookahi no alahele, a he hookahi no puka e hoea aku ai ilu na o ka aina hoomaha o ka aina luhi o ka ehaeha.

            Alaila e ke kilokilo: wahi a ka moiwahine i pane aku ai, ua ae mai nei anei oe e lawe i ka'u makana?

            Ae e ka moiwahine-ua ae au e lawe i kau makana, a o ka wa nae au e hooko aku ai, oia no ka manawa a na kukuna o ka la e iho iho ana e haule malalo o ka lipolipo o na wai o ka moana Madederiana.

                        O keia mau a ke keikialii, oia ka Mesina i haawi aku aku ai i ke kunou ana, me ka pane hope ana aku i keia mau olelo, ke hoomanao aia au i kau olelo o k@ kilokilo, a e kali mai ana au me ko'u aloalii no ka hookipa ana ae ia oe, e makaukau ana na mea a pau a i hakalia wale no i ka malihini o ka hoea ae.

            Ae-wahi a Romeala i pane mai ai, i hakaila wale no i ke kila me ka paea, hoonaue ke kumu o kauiki huai ka Ulu o Lele.

            Ua ano puiwa ae ka moiwahine no kela mau olelo hope a Romeala a oia ka ua moiwahine la i ninau aku ai me ka hiaai nui.

            Pehea-heaha ia mau olelo au i pane mai la? ke kila me ke paea?

            Wahi a Romeala i pane mai ai, kahaha! i hoomaoe wale ae nei no au ia mau wahi olelo hoomakeaka malia paha hoi o ke kila me ka paea ka mea e naue ai ke kumu o ka hoohana e like me kau i olelo mai nei-a hoea aku au. me ke hakalia ole, ua makaukau mua o o ke ao opua hoohaehae naulu.

            Mamuli o keia pane hoonalonalo a ke keikialii Romeala, ua emi pu wale iho la na manao hapahapai iloko o ka moiwahine Mesina.

            Alaila mahope iho o ka laua mau kukai olelo ana me ke keikialii Romeala, ke ua la oia iluna a haalele iho la i ka rumi a ka manao pu i noho ai, a huli hoi aku la oia no kahi o kona kaa alii e kali ana malalo o na alakai ana a na kanaka opio kiai ekolu.

                        I ua moiwahine la i hoea aku ai no kahi a kona kaa alii e kali ana a iaia i kau aku ai iluna o ke kaa ia wa no i hao koke aku ai ka mana o ke kalaiwa ke hele la a-

Niniu Molokai

Poahi Lanai-

            Ae e ka makamaka heluhelu, ua huli hoi aku ka moiwahine Mesina no kona halealii me na manao lehulehu e nu ana iloko  on a no ke kilokilo a a ui wale me ka manaolana kuhihewa o ua moiwahi ne la oia hookahi ke kia manu akamai e walwala pahu ai ke kilokilo ilalo o ka lepo, a no keia ano wahine paha ka mea i olelo ia ai,

           

            Kaena hewa ke kai o haena Po lua me he ehukai la no lalo-e

Po lua me he ehukai la no lalo-e

O lalo aina kupolua i ka lai

Kuu po hoa ole ke moe-e

Moe ae au kuko ia Haleiwa

Hihihina ana i moeawakea

Ua awakea kaua e ke aloha

Eia ka manao la ke huelani nei

Ke hoolale mai nei ka bele aina

E naue kaua e paina.

 

            Ua hoea aku ua moiwahine la no kona halealii i ka wa a ka la e hi-o aku ana ma kona poai hele e huna ai iaia iho malalo o ka ilikai.

            Mahope iho o na hoolalao hele ana a ua moiwahine nei i na uhu koi a kona mau manao hoohihi no ke keikialii Pomeala, a haawi aku la oia i ke kauoha i ko kona aloalii e hoomakaukau ia na hoohiwahiwa ana no ka malihini a hoea mai, a o na hoohiluhilu ana hoi i ike ole ia kona lua ma Mesina apuni, oia ka lakou e unu mai a hoonu anua ke kilu o Kalamaulu, hoaleaiea i ke kaha o Kaunalewa.

            O keia kauoha a ka moiwahine Mesina i kona aloalii, ua uau ia mai la ia a hewa i ka wai ua mea he nani a kaua maoli no e ka makamaka heluhelu e olelo iho ai, aohe nani e ae ma Mesian apuni e like me ua ahiahi la o na hoohiwahiwa ia ana o ua halealii ia, aka nae o ia mau nani a pau, he mea ole ia i ka manao o ka mea nona keia moolelo a ku no kaena aia keiki- ua kaapuni ia e a'u ke ao holookoa, aohe nani e like aku me Parameri, ka hele a malamalama ka ia e alohi nei.

            O keia mau hoohiwahiwa a hoomakaukau ana o ke aloalii o ka moiwahi@e Mesina, ua lilo ia i mea e kamailio nui ia ai e ko kona aloalii me ka ninau ana owai la nei malihini kiekie a ke aliiwahine, a he ui no paha ia e makepono ai keiamau nani o ke kau ana.

            He mau ninau wale no keia a ko ke aloalii i halahu mawaho o ka rula, oiai aole lakou i ike a moeuha ne mua o ka mea nona keia hoohiwahiwa ana, he pua ia no ka wekiu.

            Aka nae, aia na ka hoea ana mai o ka manawa a ua pua la e kipa aku ai ma ko lakou halealii. ua ia manawa e kuailo aku i ua  poe la.

            O ka heke oe i ka helu ekahi

            Ke ana huahelu kiekie o Ladana

                        Ano e kuu makamaka heluhelu, me keia mau hoomaikeike ana ae la no ke aloalii o ka moiwahine MEsina e hookuu aku kaua ia lakou a me ka lakou mau hana, a e aui ae kaua a nana aku no ke keikialii Romeala, malalo o kona inoa kapakapa, "ke kilokilo i ke alahele pohihihi o ka maka kuikele."

                        I ka hoea ana mai i ka manawa a ua keikialii la i hai mai ai ka moiwahine Mesina, aia hoi liuliu ae la ua keikialii ia ia ia iho no kana huakai i ke aloalii o Meina, a iloko wale no o na minute pokole, aia ua keikialii la ua hele a

                        Kau ka Iwa-he ia makani

                        I ka hele a ke kanaka ui

                        Aohe puu aohe kee

                                    He linohau wale no kela.

            A malalo o ka mana o ka ohe aniani Ludiona, ua hookahuli ae la oia iaia iho i ka aniani e anapa ana me he wailiu'ia, a e huki ia ana hoi e na paa lio he 24.

            Maluna o ua kaa aniani la i kau aku ai o Romeala a holo aku la no ka halealii o Mesina ka pahu hopu.

            E kalaiwa ia ana kona kaa e na "Kulu Koko Kamahao Ekolu," ka poe hoi no lakou na kino eepa a kaua i ike mua ae nei.

            O na kahiko aahu o ua poe kahu kaa la o ke keikialii Romeala, he mau kahiko ko lakou e anapanapa ana ka wai gula imua o na kukuna lilelile o ka la napoo oia ahiahi, a ma ka olelo pokole ana ae no kaua e ka makamaka.

                        Pai ke keikialii Romeala i ke oolea

                        Lawe a lilo i ke kumu hoohana.

            Oiai ke kaa alii o ke keikialii Romeala e holo aku nei, aia na alanui ua hele hookeke me na kanaka e ake ana e ike i ka ui nona ka hale aniani kamahao a lakou i ike ai na minute aku i hala.

            Ua haehae ae ka lewa me ko lakou mau leo hooho e uwa ana no ka nani a me ka ui o ka hiwahiwa nona keia moolelo, a na ia mau leo hooho o na kanaka i hoike aku i ko ka halealii ei ae ka mea nona ka hanohano a lakou i hoonuanua ai, a ua lilo ia mau minute i wa no ko ke aloalii e pioloke ai iloko o ke pihoihoi nui no ke ake e ike maka ia-

                        Maikai Waipio he alo lua na pali.

            A he mea oiaio e ka makamaka heluhelu, iloko o na minute pokole o ko lakou kali ana me na manao pihoihoi, aia hoi haukawewe aku la ke kaa o ke halealii Mabala, a ua ike io mai la lakou (aloalii) aole io oia he maukauka hoehewa, aka he olali a he kaeaea maopopo oia @ kohu ai ka olelo ana,

            Owau mai keia o Aleiki

            Kapena o ka Nautilo

            E ike ia ai o Mokuhano

            A he ihu no ka waa Hawaii.

            Ua hoea aku ke keiki alii Romeala no ka halealii Mabala o ka moiwahine Mesina, a malalo o na hookipa ana a ka puuku nui o ke aloalii ua hookipa ia aku la ke keikialii Romeala iloko o ka halealii me ka hanohano nui.

            Ma ka puka komo kahi a ua keikialii la i komo aku ai, e kau ana keia mau huapalapala,

"E kipa e ka malihini"

a ma na aoao a pau o ua mau huapalapala la ua kipehi wale ia no la me na lipo o na lau nahele a me ke ala moani kupuoa o na pua, a pela i hoomanao ae ai ka mea kakau i na kiliwehi haaheo o ka aina ua lu lehua-

            Po Hilo i ke ala me ke onaona

            O Panaewa mokulehua hao'eae

                        Aole i pau.

 

            Hoop@aia na Kanaka Beritania

 

            ma na nupepa i loaa aku i Wasinetona i ka la 2 o Iulai, mai Kile aku, ua ike ia iho kekahi mau mea hoohihia, i komo pu ai he elua mau kakauolelo a ke Kanikela Beritania ma Valeparaiso. Ma ke moolelo i lohe ia ae mai ka aoao mai o na Beritania, ua kipaa ku ke Kiaaina o ka okana o Valeparaiso i ke Keena Kanikela a noi aku la ia elua kakauolelo e hele pu me ia i kahi o ka Peresidena a e haawi i ka laua ike no kekahi mea i pili ole i ke Keena Kanikala. Ua ae ia ke noi a ke Kiaaina. hele aku la na Kakauolelo a hahae koke ia aku la i ka hale paahao no ko laua hoomahuka ana i ka moku iloko o ka wahi leta i kuniia i ke Sila o ke Keena Kanikela. Mahope mai, ua hookauu ia mai hookahi o laua, aka o kona kokooulua, aia no oia ke paa pio la, me ka hoolohe ole ia mai o na  noi aku a ke Kanikela a me ke Kuhina Beritania.

           

            Ko ke kulanui o @a@o Makahiki oi loa.

 

            ma ke pepa puka makahiki a ka papa Akahi o ke Kulanui i Iale, i ike ia ka inoa "Ko Iale papa Buke," ua ike ia kekahi mau hunahuna ano nui. O ka pii hikiwawae ana o ke kulanui, ua ike ia no ia ma o ka nui launa ole la o ke papa e puka aku nei ma ka 187 ka nui o na haumana, oia hoi he kanakolu kumamahiku ka oi o keia mamua ae o na papa oi loa o ka nui mamau aku. O na aina kahi mai o keia mau haumana lehulehu, mailoko mai no ia o iwakalua mau mokuaina a me elua mau aina mawaho aku. Mawaena o na oihana a kela a me kela i koho ai, ua oi aku ia mamua o ke kanakolu, o ka oihana loia nae a me ka haua akamai nae ka oi. He kanaiwe kumamakolu mau nhaumana i lilo i mau hoahanau Hoolepopo; aka ua aneane no nae o pau loa na ano hoomana iloko o na haumana. he kanalima kumamalua makemake e lilo i loio, kanahakumamalua e komo i na hana ike akamai, umikumakahi ao kahunapule, umi ao kauka lappaau a he umikumawalu e makemake nei e hele ma ka oihana kumuao.

 

Ke Aupuni Lima Hema

 

O na hookohu kiekie mai ka Nohoalii mai, aole ia iluna o na wahine, aka iluna no o na kaue, ka poe i ia, "he akau ikaika." E ia nae, ke ike aku nei kakou ka iahui, o na Kuhina a me ka @@amuku, ke paa nei lakou i ke ola a me na pono o ka lahui ma ka lima hema wale no aole ma ka lima akau.

            A no ke kaa ana o keia mau pono o ka lahui ma ka lima hema, ua hemahema ino loa ka lakou lawelawe oihana aupuni ana. Aole loa e hiki iki i na kuhina o ka moiwahine a me ka @@amuku ke hoopa aku i ka manamana lima iki o lakou no na hana nui o ke aupuni, e like me ka ke kanawai i kuhikuhi ai.

            E nana i ke ala pali o Nuuanu, ke Awa o Kou, o Kakina alanui ma Aalaloloa, ka oihana wai ma Hilo, na alanui, na awapae, naalahaka, na uapo, a me na aihue lehulehu ma ke kulanakaahale nei iloko ponoi o na onohi o ka @@amuku. O keia ko ka lehulehu ola a mau hana nui e paa la nei ma ka lima hema o na Kuhina a me ka @@amuku; a e hana kamalii ia mai nei, aole he mau hana hou loa e luhi ai ke poo i ka noonoo a hiki ole i ka lima akau ke lawelawe.

            he mau hana hou wale no kela maluna ae i pau i ke ana ia, ka hoo kaawale ia o na puu dala a o ka hana wale  iho no ka mea i koe. Ua nui no hoi ko ka lahui poho no kaia mau hana hou ae ia, no ka mea he mau tauaani i pau mua i ka hoohana ia a koe ke koena, oia ka mea i hoolawa ia aku ai e hana a paa, aka aohe nae hana iki ia. O ka ai wale no ka lakou nei a maona, huli ke alo iluna helu i na aaho, waiho mai no ka hana aohe lawelawe ia. Aihue mai no amo aku no na maka, he kou ka hoi ke au o ka Moiwahine a ke au palaualelo haalele o na luna aupuni, hune o ka lahui, maka poniuniu o ka aina, aihue o ka aina, a pela aku a pela aku.

                                                J.N