Ka Nupepa Kuokoa, Volume XXX, Number 28, 11 Iulai 1891 — KE KAA NEI KA ULU I KE KAHUA LOA. [ARTICLE]

KE KAA NEI KA ULU I KE KAHUA LOA.

He ehiku malama piha mai ka Ia 8 mai o lulal nei, a kahea ia ka lahui Hawaii e koho i mau elele no laikoa e hele ai i ka Hale Kaukanawai o ke Aupani, no ke kaana pu ana i na hoolilo o ke Aupuni, ka hooluiawale ana i mau haawina no na hana hou kuloko o ka aina, ka iml ana I kekahi mau pomaikai no ka aina, ke kau ana i na kanawai hou, a pela aku, a pela aku. Oiai ua mumule na aoao kalaiaina oke kau koho balota i hala, aohe eueu mai i kela maa la, e naku ana paha i na hoolala hana, e kali ana paha no ke kalae mai o ke ao hakumakuma e umalu nei maluna o ka poe paeli ko, e hoopue ana paha o ka ike mai i na hoeueu hanaae o na lima hooko iomaloma o ke Aupuni o ka Moiwahine, e kuko ana paha e hookuikahi, a e aha ana la. Aka hookahi mea i maopopo, aole keia o ka hopena o Hawaii, a e hiki io mai no ka la koho balota iahui ma ka la 3 o Feberuari 1892, me ka haule ole.

Oiai na aoao kaiaialna e lohi apa ana, a ke nee awiwi nei hoi ka nome ana a na huila o ka manawa, e ia wale no ka makou oleloao i keia wa, e hoomaopopo kela a me keia Apana koho i kana elele e hoouna mai ai i keia kau ae, e wae a ke kanaka hoepono, naauao, aloha aina a Moi, puni oie i na hoowalewale, i mea kupono e imi ana i ka pono o kona apana a me ko ka aina a pau, aole hoi i kanaka heie wale mai no i ka ahaolelo e palaualelo ai. No ka maika ana e kaa keia ulu i kahua loa, a i mea hoi e ike ia ai ko makou manaoio hana no ka aina a rae ka lahui, keolapae iaaku nei ka " Mahimahi o Puaena," ka Hon. Kikila Balaunu, oia ka moho i maopopo lea loa ia makou, e holo ana no ka apana o Koolauloa a me Waiaiua. Oia ka makou nunu i loaa mua i ka wa e olohu ia aku nei keia manao, a o ke koena aku i koe, na oukou la e hoolawa mai i lawa ka lei.