Ka Nupepa Kuokoa, Volume XXX, Number 21, 23 May 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Kupepa Kuokoa

MK

Ko Hawaii Paeaina i Huiia

No ka Makahiki          $2.00

No Kono Mahina        $1.00

Kuike ke ka Rula.

 

HOOPUKALA E KA

HAWAIIAN GAZETTE CO.

H. M. WHITNEY, Luna Nui,

J. U. KAWAINUI, Luna Hoopono.

pono.

POAONO,mei 23, 1891

 

KULA SABATI.

June 7, 1891 II. 10. Ke Alii noho pono o Hezekia 2 Oihi

29:1-11

HOOMAKA iho ia o Hezekia e alii i kono makahiki he iwakaluakumamalima, a he iwakaluakumamaiwa kona nohoalii ana ma ierusalema; a o ka inoa o kona makuahine, o Abia, ke kaikamahine a Zekaria.

 

2 Hana pololei iho la oia imua o ke alo o Iehova, e like me na mea a pau a Davida kona kupuna i hana ai.

 

3 I ka makahiki mua o kona nohoalii ana, a i ka malama mua no hoi, wehe ae la ia i na puka o ka hale o Iehova a hona hou ia mau mea.

 

4 Kii aku ia i na kahuna a me na Levi, a houluulu ia lakou ma ke aia ma ka hikina;

 

5 Olelo aku la oia ia lakou, e hoolohe mai oukou ia'u e na Levi; ano, e huikala oukou ia oukou iho, a e hoomaemae oukou i ka hale o Iehova ke Akua o ko oukou poe kupuna, a e lawe aku i na mea haumia mai kahi hoano aku.

 

6 No ka mea, ua lawehala ko kakou poe kupuna, ua hana ino lakou imua o ke alo o Iehova, ko kakou Akua, ua haalele lakou iaia, ua huli ko lakou maka mai ka haleiewa o Iehova aku, a ua haawi mai lakou i ke kua.

 

7 A ua pani lakou i na puka o ka lanai, ua kinai i na kukui, aole lakou i kuni i ka mea ala, aole hoi i mohai aku lakou i kekahi mohai ma kahi hoano o ke Akua o ke Iseraela.

 

8 No la mea, ua kauia mai ka huhu o Iehova maluna o ka Iuda, a me ke Ierusalema, a ua haawi oia la lakou i ka hana ino ia mai, a me ka henehene ia mai, a me ka hoowahawaha ia mai, e like me ka mea a ke oukou mau maka i ike iho nei.

 

9 Aia hoi, ua haule ko kakou poe kupuna i ka pahikaua, a o ka kakou poe keikikane a me na kaikamahine a kakou, a me na wahine a kakou, he poe pio lakou no kela hewa.

 

10 Ano, ela no iloko o ko'u naau, e hana i borita me Iehova ke Akua o ka Iseraela, i huli ae kona huhu wela mai o kakou aku.

 

11 Ano, e ka'u poe keiki, mai lalau oukou; no ka mea, ua wae mai o Iehova ia oukou e ku imua ona e hookauwa nana, a e lawelawe i kana mau oihana, a e kuni i ka mea ala.

 

OLELO HOAKAKA.

 

Mawaena o ko Ioara hoohana hou ana i ka luakini a me ka nohoalii ana o Hezekia, he kowa o 130 makahiki. Ua loaa ka moolelo ma @ Oihl. 23-28 a me 2 Nal 16-17, a me Isaia 1-14-36-38. Ua ino loa o Aha @a ka moi o Iuda a o ka makuakane hoi o Hezekia. Ua lilo o Hezekia i moi i ka M. H. 726. Ua nohoalii o Ho@ ma Iseraela, Salamane@a IV ma Ausuria. Ua kukulu ia o Roma i ka M. H. 153. Ua hoonoonoo ia ka mokuaina o Iuda e Peka, ka moi Iseraela i ka wa o Aha@, a me ka poe Pilisetia a me ko Edoma. Ua noi aku o Aha@ la Tiselate-Polerera ka moi o Ausurio e kokua iaia, aka nae ua kalii wale ua moi ia i na waiwai o ka luakini aole nae i hooikaika oia i ka moi o Iuda, 2Na. 16: 8-16. Ua kukulu o Aha@ i kii keleawe o Moloka ma ke awawa o Hinoma, kahi i kapala o Topeta. He kii hakaka keia e like me ka ipu ahi hao. Ua hookoinoia ka wahie, alaila, ua kauila na kamaili ma ka uha o ke kii, a ho-a a make. Ua hoopaa o Aha@ i na puka komo o ka luakini, a hoopau i na mohai, a hooneoneo i ka halepule o Iehova. I ka makamua o Hezekia, ua hoololiia keia ano hana. Ua wehe oia a hoomaemae i ka luakini; ua hooikaika hou i ka berita; ua kukulu hou i na hana hoomana; ua kono oia i ka poe lehulehu, ko ka Is@ela kekahi, e akoakoa nui ae; ua hoonaauao oia i kona luhui; ua wawahi oia i na kii akua, ua lulu dala no na hana haipule; na hoomaemae a hoop@haikai hou i ka lahui. Ua loaa iaia ka mai palahu, aka nae, ua pakele oia mamuli o ko ke Akua lokomaikai 2Nal. 20:1-11. Ua kaua mai o Senakeriba, ka moi Ausuria i ko Iuda, aka nae, ua hoouna mai o Iehova i ka mai ahulau, a make he 183,000 mau koa i ka po hookahi.

 

Zekaria-oia no Isaia makamaka, Isaia 8:2, a me ke kakaolelo o Uzia, ke kupuna o Hezekia, 20ih. 26:6. Davida-he kumu hoohalike kona ano haipule no na moi a pau. Wehe-ua hoopaa o o Ahaza i na puka komo, 20ih. 28:24. Malama mua-o Ni@na oia hoi Maraki paha, Aperila paha. Hana hou-ahi me na pa gula, 2Nal. 18:16. Hikina-ka wahi akea imua o ka luakini. Hoomaemae-Ka lepo paha na kii akua, ka mea e hoohaumia ai. Hoana-ke keena kapu paha, ke kahua paha o ua hale la. Lanai-aole hiki i kekahi mea ke komo. Kukui-aole i aa ia i kela a me keia la mamuli o ko Mo@e kanawai. Ike-ua nui paha ka poe kumakena ma ua aha kanaka la. Ua make e na koa Iudalo he 120,000, a pio he 200,000. Berita-ka olelo aelike me Iehova, Puk. 24:3-8, i hana hou ia e Asa a me Iosia; a me Nehemia i ka wa mahope. Wae-a hoonoho hoi o Iehova; pela no kana hana no na kanaka hoolohe a pau. Lawelawe-oia no ka oihana maoli o ke kahu ekalesia, aole nae ka nohoalii ana.

 

PAUKU GULA. 1 Sam. 2:30.

HE MAU NIELE.

I.-Hamama ka luakini, 1-3.

I ka makahiki hea o ko Hezekia wa ola ua hoomaha oia i kona alii ana? Ehia mau makahiki kona alii ana? Mawaena o na makahiki ehia mamua o Kristo? Heaha kona kulana? I ka makamua o kona alii ana, heaha kana mea i hana ai? Owai ka mea nana i hoopaa na puka komo o ka luakini? Owai ko Hezekia makuahine? He makua hoopono anei ko Alia? Owai ke kumu hoohalike no ka poe manaoio a me ka haipule? Heaha kou manao e pili ana i ko Hezekia kulana? Heaha ke ano hana a ko Hezekia makuakane? 2Nal. 16:3,8 17. 20 ih, 28,18. Isaia 1:7,9.

 

II.-Hoomaemaeia ka luakini, 4-6 Owai na mea a Hezekia i hoakoakoa ai? Ala mahea keia ahahui? Pehea kana olelo ao, kupono anei a lanakila paha? Heaha ke kumu kupono no ko lakou lawelawe ana mamuli o ko Hezekia manao? Heaha na kauoha elua a Hezekia? Ia wai i hana hewa aku ai na kupuna o ka poe Iuda? Heaha ka lakou mau hana hewa? Owai ka mea nona keia kauoha hewa i ka wa i hala? 2 Oih. 28:24.

 

III-Na hana hoomana hou ma ka luakini 7-11. Heaha na poino i pili hope ai i ko lakou mau hana hewa? Mai a wai mai keia poino? Pahea ka manao paa o Hezekia e pili i na hewa o ka wa kahiko? Heaha kana olelo paipai i na kahuna a me ka poe Levi? Heaha ka mea ana i manao ai e loaa ai i ka lahui? Heaha ka olelo hooponiaikai o ka pauku gula? Heaha ka oihana hanohano o ka poe kahuna? Heaha ka oihana hanohano o ka poe Levi? Heaha ka berita i hooikaika hou la? 2 Oih. 15, 12-15. Pehea ko kakou malama ana i mau halawai haipule hoohulihuli i ka poe hewa i ka pono? Ina paha e loaa auanei i keia lahui Hawaii ke ano haipule hou, pehea ka malama ana i na hana hoonana? Pehea ko kakou hooikaika hou ana i ko kakou berika me Iesu? Rom. 12.12. 2 Ker. 6:17, 18. Heaha kekahi mau haua maikai i mea o hooko ai i ko Hezekia manao e hoohuli hou i ka lahui i ka hana haipule kupono? 2 Oih. 29:30-36; 30: 1-27; 31-1. Heaha ko kakou mau akua kii e pono ai ke hoopau la? Heaha ko Hezekia pomaikai i pili ai i kona mau hana haipule kupono? 2 Oih. 32:23, 27-30. Heaha na pomaikai i pili ai i ko kakou pili paa ana ia Iesu? Mat. 6:33. No ke aha la keia ano pili paa ana o ka pono a me ka pomaikai? Ina paha e hoohuli la ana keia lahui Hawaii i ka pono e pau koke ana no na poino o ka o@a, ka moe kolohe, ka hoomanamana, ka uhauha, a pela aku.

 

HE MAU MANAO PILI.

 

1. Heaha ko kakou hana pono mua loa?

2. Pehea ko kakou mau manao ma ka malama ana i na hana haipule?

3. Pehea na ano kupono o na hana haipule?

4. Heaha ka huina pau o na hana hoomana kupono?

5. Pehea ko kakou ano noho, ina makemake kakou e hoohuli i ka poe hewa i ka pono?

 

Heike Hapalua Makahiki o na Kula Sabati o Makawao

 

E hoike Hui ana na Kula Sabati o Makawao o like me ka Olelo Hooholo o na Luna Nui ma ko lakou hale mau, ma Paihiihi la Sabati, la 5 o Iulai, ma ka hora 10 am.

 

O na haawina haole e laweia noloko mai o na haawina o keia Iiapaha. Na ke alakai o kela a me kela kula e alakai ka himeni mamua iho o kana kula, a ma ke kauoha paha a ke Kahu Kula Sabati Nui. E hooikaika ia na kanawai he 10 e paa e pualu ana na kula. E himeni pu ia no hoi na himeni hui me ka eleu a ku i ka eehia. Ua makemake nui ia na kumu a me na haumana e hele mai me ko lakou kulana maikai i na manawa hoike a pau.

 

Ke noi ia nei na Kahu Ekalesia e paiapai ikaika i ko oukou mau kula e hele mai me oukou pu kekahi. E paa pu mai me $2.00 (dala), no ka aie i ka Waihona Mokupuni ma Wailuku, i hooholoia i ka la 2 o Mei, ua ike na elele ia mea.

 

E hoike ae i ko oukou kulana kanaka makua a kunukunu ole i na hana. Na ke Akua e haawi mai i ka ikaika a nui. Imua e ka Uwahikololio.

Me ka haahaa

PETER M. KAHOKUOLUNA.

Paia, Mei 16, 1891.

 

Ka Huakai Makaikai

A KAUKA TALAMAGE I KA AINA

HOANO.

[Hoomauia.]

He anoano maoli no na wahi a pau o keia ana, a hoomaha iki maanei no kekahi mau wahi minute; a i ka lawa ana o na ono a na maka hoomakaukau ae la no ka nee hou aku no mua.

 

Ke maku hou nei no makou i ka nahele, ke halawai pu nei me na i@ea he nui, aka imua a imua a hiki i ka lanakila ana.

 

Hookahi la hou i hala o ko makou naku hele ana i ka nahele, a o ka uhi koke mai la no ia o ke ano o ke ahiahi, a kipa ae la makou ma ke awawa o Lebanona, a eia ka makou mawaena o na kuahiwi o Lebanona, o Mauna Lebanona ma ka Hikina, a o Anti Lebanona ma ke Komohana, a eia makou mawaena o keia awawa kuhoho nui wale.

 

Piha pu i na kedera mai o a o, na tausani o na dia holo nahele, a o na puha laau ua piha loa me na meli hana momona aole no i kanamai, a ma kekahi kahua nui palahalaha, hoomaha iho la makou.

 

Ke haohao nei au no keia kahua nui palahalaha, oiai ua hana maoli la no ma kekahi mau wahi, a me he mau kahua hale la ma kekahi mau wahi.

 

No ka nui loa o ko'u haohao no keia wahi, ninau wale ae la no au: E, heaha la hoi ke hana nui i lawelawe la ai ma keia wahi? He keu aku o ka palahalaha o keia wahi.

 

Pane ae la kekahi o makou, he mea ua kaahele mua maanei: Ka, o kahi keia i hoponopono ia ai ka laau o ka luakini a Solomona i kukulu ai, na kia, kuola, na pani puka, na anuu a me na kuahu, na pono o ka pahu berita a pela aku, a he hoi wale ana aku no ko kai hoopilipili ae, malalo hoi o ka hoponopono ana a Hurama.

 

Hoomanao koke ae la au, pela i lohe ole ia ai ke koele o ka hamare a me ke kani o na mea hao i kona kukulu ia ana. Manomano ka nui o kuu hauoli ana.

 

Pau na wahi opeope o makou i ka wehewehe, hoala na hale lole o makou, a o ka hora 4 ia o ke ahihi. A ae la kahi ahi kuke o makou, a ua pau ka pilikia.

 

Nana aku la oi maluna o na mauna aohe ike pono ia aku, ua paa pu ae la i ka ohu, ua kali malie au no ke oo ae malie o kalae ae.

 

I ka uhi pono ana mai o ua eheu oka po, aole i kanamai ka meha a me ka anoano e halii ana, meha ka leo o na manu a o makou wale no ia e hamumu nei. Kokolo mai ia na kulu kehau o ka po, aole mai la he nana aku ia anu, oiai ua lako pono makou me na kapa moe po pumehana.

 

I ke ao ana ae, auwe, ua kalae mai la na kuahiwi, a ke hamama ku mai la ke awawa o Lebanona, a noho iho la au ilalo e kakau ai, a mahope iho o ka pau ana o ka makou paina kakahiaka, ua inana aku la makou iloko o na lipo o ka uka waokele, e huohialaai ana i na ea oluolu o na lau nahele.

 

He elua la o ko makou noho ana maanei, a i ke kolu o ka la, makaukau ae ia makou no ka huli hoi ana a kaahele aku ma na Aina Hikina.

 

Mamua o ko makou haalele ana aku ia Lebanona Iuia, huli ae la au e nana hope loa maluna o kona nani kilakila, a me na hoomaikai hope loa ana, nee mai la makou no ka Hikina ma ke alahele e kupono ana i Samaria.

 

He eha o makou la hele mae Lebanona aku a hoea ana makou i ke kulanakaahale o Samaria ma ka mahele aina o Samaria, a kuu iki ka luhi malaila, launa iki me na kamaaina, he mau malihini nae ka hapanui i keia wa e noho nei.

 

Loaa hau mai la na wahi lako ai a makou, a ua lawa ia no makou a hehi i ka lepo o ke Kihapai o Edena ma ka aina o Havila.

 

Ma ka kapa mua o Feberuari, ua kau aku la makou ma kela aoao o Ioredane, ma ka aina o ka Amona, ma ka akau o Gieada.

 

Me ka nanea a me ka hauoli nui, eia ka o ke alanui a makou e kai-a-huakai pu nei me ka poe e ae me na huakai kamelo, o ke alanui keia e hele ana i Damaseco, i kapaia o "Pololei," aole no he pololei maoli keia alanui, aka maanei nae o Saulo i kipa ae ai a noho ina ka hale o Iuda, mahope iho o kona hoohuli kupaianaha ia ana, a imi mai ai o Anania iaia mamuli o ka hiki ana mai o ka olelo a Iehova i ona la ma ka hihio.

 

Hala hope ae la ia makou na mile he 3, a ke nana ae la i ka hapa nui o ka aina mai o a o, he panoa wale la no ia imua o ko'u mau maka, a he kakaikahi loa na ululaau i ka ike aku.

 

Ma kekahi wahi oneanea iki, hai ia mai la au o kahi keia i haule ai o Saulo mai ke kua mai o kona lio ma o ka malamalama la i anapu ai mai ka lani mai.

 

NA LETA.

[Aole o makou makemake e lawe i ke koiko o na hala no na manao i hoopukaia malalo keia poo e ko makou mau mea kakau.]

Haina Nanea S. E. W. Kilihune.

Ma ke KUOKOA helu 13 o ka malama o Maraki o keia M. H. 1891, ua maalo ae maluna o ke aniani kilohi i ka luhui kekahi hokuhele kamahao a na olohe kilo hoku, (poe huli nane) e huli nei i ka inoa a me kona ano, kona kaahele ana maluna o kona alapoai Lani.

 

HAINA, "HORA 12."

Wehewehe hapamua o na huapalapala "ho," ua hookauwa ia e ke kanaka mahiai, hapahope o na huapalapala "ra," ua hookauwa mai ia i ke kanaka, ua hana ke kanaka a po ka la, a he alii hoi maluna o ke ao. Ina e huiia e loaa no "hora," oia ka mahelemua o kou inoa oia hoi na huapalapala.

 

O ka hapamua o na huahele, ua hookiekie mai ia ia oe, "1" helu ekahi, mahaloia, oia ka helu i haawiia i na mea a pau i loea ia lakou na hoomaikai ma na anuu a pau o na hana kaulana o ke ao nei, hapahope o na huahelu "2," ua hoohaahaa mai ia ia oe, oia ka helu malalo o "1."

 

Ina e huiia e loaa no "12" oia ka mahelehope o kou inoa, oia hoi na huapalapala. Ina e huiia e loaa no oe "hora 12," oia hoi ma kekahi ano "wati," he koa e kiai ana i ke kanaka, a oia hoi ke alii i olelola e like me ia i olelia, "he mea hiki i ke Akua ke huna i kahi mau mea, he mea hiki hoi i na'lii ke imi uku."

 

Ua heluia ka manawa o ko ka la hele ana, oia hoi he 24 hora hookahi ia la, pela no hoi ko ke kanaka ola ana, ua helu ia ka manawa e like me ke kaahele ana o na hora o ka wati a peia ku a puni ka la, hebedoma, malama, makahiki, a pela aku a pau na la o ka lani a me ka honua.

 

E ke "KUOKOA i huila me PAEAINA," ke waiho aku nei au i ka haina o ka nane a S. E. W. Kilihune, a ke haawi pu aku nei no hoi au i ko'u hoomaikai nui ia S. E. W. Kilihune no keia nane ano pahaohao nui wale i hanaia e ka noeau a me ka ike a ke Akua i haawi mai ai i ke kanaka e hana.

            R. A. KALIKOWAIOLEHUA.

Keaukukuuila, N. Kona, Hawaii.

 

I ka la 9 aku nei o keia malama i kilo la ai ko holoholopinaau maalo ana ae malalo o na kukuna o ka la e na kilo hoku i hoounaia mai nei e Geremania a me America Huipuia i Hawaii nei mai ke kahua aku a laua i wae ai ma Waikiki, a o Mr. C. J. Lyons hoi, mai Kapuaiwa Hale aku.

 

Ua lohe mai makou, e hoowehi wehi ia aku ana ka halealii me na pua aala o ko kakou mau kihapai e ua lede lima palupalu o ke kulanakauhale nei i ka wa a ka Moiwahine e hoi mai ai mai ka huakai aku nei i Hawaii.

 

Ua make emoole loa o H. N. Greenwell o Kainaliu, i ke kakahiaka Poakahi nei, Mei 18, ma Kailua, Kona Akau, Hawaii, iaia e kali ana i ka Malulani, no ka hole mai i Honolulu nei. Ua hoihoi ia aku kona kino make a hoolele ia me Keauhou, no ka manele ia ana aku i kona home i noho ai a kamaaina.

 

I kekahi no o keia mau la iho la, inu iho la kekahi wahine i ka rama ma ka inoa o Hapai o Kunawai ae nei, a ona loa a hiamoe aku la, eia ka auanei ma ia moe ana, "Ua naha ke kaa ma ka luawai, ua pouli na mea nana ma na puka makani, ua naha ke kiaha gula, ua moku ae la ke kaula dala a ua hele ka poe kanikau ma ke ala a ua hoi ka lepo i ka lepo.''

 

Ke makemake nei makou e hoonaauao mai kakou i ko kakou wa e kakau ai no na mea aloha i lawe ia e ka make. Ma ke ano nui a naauao e like penei: Ka inoa o ka mea aloha i make, ka la i pauaho mai ai a me ka aina i make ai, na makahiki o ke ola ana, na makua, ke onehanau, ka mai i make ai, ua lapaauia anei aole paha, kona ano a me na hana maikai i kona wa ola. Ina e hahai kakou i keia alakai ana, alaila ua maalahi na aoao elua.

 

WAILA MA,

NA POE KUAI PAPA O NA ANO A PAU.

E LOAA ME KA MAKEPONO MA KA

Pa Kuai PaPa o WAILA MA,

Alanui Moiwahine, Honolulu.

2331-1y.

 

Ka Waiwai o ka Hilinai

Saseparila Ayer

 

AYER, Laau Saseparila kai kaulana i hilinai nuiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia

 

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui puia ana me kekahi mau @ e ae, a me kekahi mau mea no loko o ka honua a me ka hao.

 

HE koko inoino a nawaliwali a nei kou? Ua awili pu anei me na ano mai ikaika? A ua hui pu anei me na wai awaawa hoopehu. Na keia.

 

LAAU e hoomaemae ia mau mea ino a pau a maikai. O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka noomaemae koko ana mai na mai i awili puia, aka o keia wale no. No ka

 

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae. O ke

 

KOKO ino hakuhaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer. He maalahi a he

 

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mai i keia laau mamua o kahi mau laau e ae

 

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluna o ka

 

Ayer Laau Sasaparila

I HOOMAKAUKAULA E

Kauka J. C. Ayer & Co., Lowell Mass.

HOLLISTER & CO.

Na Agena ma ke Paeaina Hawaii.

@

 

HOOLAKA KUMAU.

PAPA! PAPA!

AIA MA KAHI O

Lewers & Cooke

(LUI MA)

Ma ke kahua hema o Alanui Papa me Moi.

E LOAA NO NA

PAPA NOUAKI

O keia a me keia ane.

Na Pani Puka, na Puka Aniani,

na Olepelepe, na Pou, na O'a

na Papa Hele, na Papu Ku,

me na Papa Moe he nui loa.

 

NA PILI HALE O NA ANO A PAI

A me na

WAI HOOHINUHINU NANI

O na ano a pau ioa.

Na Balaki o na Ano he Nui Wale

Ke hai ia aku nei oukou e na makamaka a pau, ua makaukau keia mau makamaka o oukou o hoolawa aku ma na mea a pau o pili ana ma ka laua oihana no ka

 

Uku Haahaa Loa,

E like me ka mea o holo ana mawaena o Laua a me ka Mea Kuai.

Hele Mai e Wae no Oukou iho.

2831-3m.

 

Hoolaha Kumau.

ANO NO I LOAA MAI @

MRS. B. C. GOO@

 

NA LAKO PAPALE HOU LOA @

Papale, na Hulu Papale a me @

i ike ole ia ma Honolulu.

A ME

Na Palemai Wawae Kane Wahine @

Kamalii, na pokaa Lopi S@

He mau waiwai hou loa w@

a e kuai ia aku ana me ka m@

Alanui Papu mauka iho @ ka@

Wati o Wenner & Co.

2331-3m@

 

BENSON, SMITH & @

Na Mea Laikini ia e Kuai@

a me kuai liilii aku.

 

Na Laau Lapa

O NA ANO A PAU.

HELU 118 ME 115, Alanui @

O LAUA NA AGENA NO @

Laau Lapaau Kuluwai @

Borelock & Schreck

A ME NA

Wai Lukini Onaona Waia@

Waiala Maile

A ME KE

Onaona Lei Aloha

O na lako no ka Lauoho a me k@ na mea hoonani o ua H@ makamaka ke kipa mai ma keia h@

2240-tf

 

NA LOLE ELEELE! MA LOLE ELEELE!

NA LOLE KANIKAU

HALEKUAI LOLE NUI OHOH@

O

N. S. SACHS,

MA KA

HALEKUAI 104 ALANUI PAP@

NA ALAPIA ELEELE! NA ELEELE HULU HIPA@

KUAI HOOPOHO! KUAI HOOPOHO!

 He ahua nui ko makou o na lole eleele i kupono no ke kanika @ ka makou e kuai aku ana ma ko makou mau kumukuai mau. A @ makou hoopii i na kumukuai ma na wa o keia ano, e like me @ kuai e ae, aka, he oia mau no ka haahaa o ka makou mau kumuk@

 

NA ALAPIA LAULA NUI - 50 - KEN. O KA IWIL@

Na Arapia eleele laula nunui 44 iniha, no ke 60 keneta o ka@

No Arapia maikai loa laula hunui no ke 75 keneta wale no o@

 

NA ELEELE KANIKAU MAOLI! NA ELEELE KANIKAU @

28 INIHA LAULA, HOEMIIA 60 KENETA O KA IWILI@

 

NA ELEELE ALAPACA MAOLI! NA ELEELE ALAPACA MAOLI@

Na Eleele Alaapaca maoli nunui, hoemiia 35 keneta o ka iwilei@

Na lole huluhulu maoli, hoemiia no ka 25 a me 35 keneta o k@

 

Na Lole Eleele Silika Maoli! Na Lole Eleele Silika Maoli!

He ahua nui i waeia o na lole Silika maoli, ma na kumukuai @ pono loa. Na lole eleele Silika holookoa no ke 75 a me 90 keneta @ iwilei. Na lole Silika eleele la o na ano a pau, no ke $1.25 a me i@ a me $1.75 o ka iwilei.

 

NA UHIMAKA ELEELE SILIKA A ME NA KIHEI ELEELE@ na lede. Na kakini eleele maikai loa o na wahine i hiki ke @ paa ka waihooluu o na ano a pau, no ke 50 keneta o ka pau.

 

NA MIKINI LIMA ELEELE O NA LEDE.

Na Mikini lima Silika eleele o na Lede no ke kumukuai huah@

Na Lipiue eleele Silika, a me na Lipine eleele Silika kahei o n @

 

Na Papale! Na Papale!

NO KE

KUMUKUAI EMI LOA

 

Na Papale eleele o lede i kinohinohila me na lipine, no ka $@ pakahi. Na papale eleele i kinohinohi ia me na kanikau, no ka $@ wale no. Na papale eleele o na lede i kinohinohiia me ka lipine @ na huiu eleele maikai, no ka $4.00 a pii aku.

 

Ina oe i makemake i na Arabia maikai loa, a mau eleele kanikua@ ae, a i oie, papale eleele, e kipa ae ma ka Halekuai nui o

 

N. S. SACHS,

Oua Waiwai.

HELU 104 ALANUI PAPU  HONOLULU

2811-tf