Ka Nupepa Kuokoa, Volume XXX, Number 19, 9 May 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ko Hawaii Paeaina i Huiia

No ka Makahiki          $2 00

No Kono Mahina        1 00

Kuike ka Kala

 

HOOPUKALA E KA

HAWAIIAN GAZETTE CO.

H. M. WHITNEY, Luna Nui

J. G. KAWAINUI, Luna Hooponopono

 

POAONO,      MEI 9, 1891

 

KULA SABATI.

 

HAAWINA III. Mei 24.

 

Ka lawe pio ana i ka Iseraela.  2

Nal. 17:6—18.

 

            6  I ka makahiki eiwa o Hosea, hoopio aku la ke Alii o Asuria ia Samaria, a lawe pio aku la i ka Iseraela i Aururia, a hoonoho iho la ia lakou ma Hala, a ma Habora ma ka muliwai o Gozana, a ma na kulanakauhale o ko Media.

            7  No ka mea, ua hana hewa na mamo a Iseraela la Iehova ko lakou Akua, nana lakou i lawe ae mai ka aina o Aigupita mai, mai lalo mai o ka lima o Palao, ke alii o Aigupita, a ua malama lakou i na akua e.

            8  A ua hele lakou ma na kanwai o na lahuikanaka e; na mea a Iehova i kipaku ae mai ke alo aku o na mamo a ka Iseraela, a me ko na alii o ka Iseraela a lakou i hana ai.

            9  A ua hana malu ua mamo a Iseraela i na mea pono ole ia Iehova ko lakou Akua, a ua hana no lakou i na heiau ma ko lakou kulanakauhale a pau, mai ka puu kaua o ka poe kiai a hiki i ke kulanakau hale paa i ka pa pohaku.

                10  A kukulu lakou i na kii, na kii hoi o Aseterota, ma na puu kiekie a pau a malalo o na lanu uliuli a pau.

            11  A malaila lakou i kuni ai i ka mea ala ma na heiau a pau, e like me na lahuikanaka a Iehavai kipaku aku mai ko lakou alo aku; a hana lakou i na mea ino e hoonaukiuki aku ia Iehova.

            12  A malama lakou i na kii i na mea a Iehova i i mai ai, mai hana oukou i keia mea.

            13  Aka, ua ao mai no o Iehova i ka Iseraela, a i ka Iuda, ma na kaula a pau, ma na mea ike a pau i ka i ana mai, e huli mai oukou mai ko oukou aoao hewa mai, a e malama i ko’u mau kauoha, i ko’u mau kanawai, e like me ke kanawai a pau a’u i kauoha aku ai i ko oukou poe kupuna, a me ka mea a’u i hoouna aku ai ma ka’u poe kauwa ma na kaula.

            14  Aole nae lakou i malama, hooolea lakou i ko lakou a-i, e like me ka a-i o ko lakou poe kupuna, ka poe manaoio ole ia Iehova ko lakou Akua.

            15  A hoowahawaha lakou i kona mau kanawai, a me kana berita ana i hana ai me ko lakou poe kupuna, a mo na kauoha ana i haawi mai ai ia lakou; a hele lakou mamuli o na kii lapuwale, a lilo lakou i poe lapuwale, a helo mamuli o na lahuikanaka e puni ana ia lakou, na mea a Iehova i kauohe mai ai, mai hana like oukou me lakou.

            16  A haalele lakou i na kauoha a pau a Iehova ko lakou Akua, a hana no lakou i kii i hooheehee ia, i elua keiki bipi, a hana lakou i kii no Aseterota, a hoomana lakou i na puali o ka lani, a malama lakou ia Haala.

            17  A kaumaha aku i ka lakou poe keikikane, a me ka lakou poe kaikamanine i ke ahi, a hana lakou i ka anaana hookilokilo, a hoolilo lakou ia lakou iho e hana hewa imua o Iehova e hoonaukiuki iaia.

            18  No ia mea, inaina nui mai la o Iehova i ka Iseraela, a hookuke aku la ia lakou mai kona maka aku; aohe mea i koe, o ka ohana o ka Iuda wale no.

 

OLELO HOAKAKA.

Ma kela haawina Baibala, ua olelo la ka hooko ana i na wanana, o na haawina manua iho.  O Hosea i oleloia ma ka p. 6, oia no ka Moi hope loa no ka Isera ela.  O kona wa aili, oia no he mau makahiki oi 9, M.H. 720-721.  O ka moi Asuria nana o lawe pu aku ia Samara, oia no o Iaragona.  Ua hoomaka o @ i ke kaua, aka, ua make oia, ua puakiki ka Iseraela ma ua haoa lealea, ka hoomana kii.  O Baala, oia no ka ia, he hoailuna ia o ka ikaika o ke kane.  O Aseterota, oia no ka mahina, ka mohaha o ka wahine.  E like me ka alo uahi ma na heiau kahiko o Hawaii, pela no ka hoopau ana i na keiki ma ke ahi i mea e hoolaulea ai i na akua huhu noho haipule o @ ia ma ke @ o Ioda, a nui ka huli ana i ka pono, 2 Oihanalii 30.  Ua lawelawe o Iseia, Ieremia, a me Mika, i ka oihana kaula ma Iuda.  Ua mau aku ke aupuni o Iuda no na makahiki he 134, mahope o ka pau ana o ka Iseraela.

 

PAUKU GULA.

2 Oih. 24:20.

 

HE MAU NIELE.

I--Ka launa pu ana me ka poe hoomana kii, pp. 6 - 11.

            Owai ka mea nana i lawe pio i ke kulanakauhale alii o Ierusalema?  I hea kona lawe ana aku i na makaainana?  No keaha la keia hoohikihiki ana?  Ia wai la na hana hewa ana aku a ka Iseraela?  Owai ka poe a lakou i hoomanui ai?  Pehea ko lakou hana malu ana?  Owai ka poe nana i hoopai i ka Iseraela?  Pehea ko ke Akua hoopai ana ia lakou?  Pehea na poino o ka poe inu rama hana lealea, piliwaiwai?  Heaha kekahi mau lahui kanaka i pau loa ai no ko lakou mau hana hewa?

I--Na hana ano like me ko ka poe hoomakakii, pp. 12 – 17.

            Owai na akua a ka Iseraela i malama ai?  Ua ao aku anei o Iehova i ka poe Iudaio ma kekahi mau elele e pili ana i kela ano hana?  Heaha kona mau kanawai a lakou i uhai ai?  Heaha kona berita?  Kan. 9:9, 11; 29:1, 9, 13.  Heaha na kumu hoohalike e ao aku ai ia lakou?  2 Oih. 29:--5; 31:1.  Heaha ke koikoi i loaa ia lakou?  2 Oih. 30:1-11.  Owai o Baala?  Owai o Aseterota?  Heaha na puali o ka lani a ka Iseraela i hoomana ai?  I keia wa malamalama, ua hoomauia anei ka hoomana kii?  Heaha na kumu no keia hoomanamana ana?  Pehea ko ka Iseraela hooolea ana i ka a-i?  Pehea ko lakou hana ana aku i ka lakou mau kamalii?

III—Malalo o ke alii ana o ka poe hoomana kii, p. 18

            Pehea ko ke Akua mau manao ma ka nana ana i ka lakou mau hana?  Heaha kana hoopai no lakou?  Owai na mea i kee wale no ma ko lakou aina?  Ua kupono anei keia huhu o ke Akua no kekahi mau kumu hiki ia oe ke hoomoakaka?  Pehea ka pili ana o ka pio i ka hewa?  Heaha ka Paulo olelo ao i ka poe manaoio?  Rom. 12:2.  Ua kupono anei ko kakou hana ana ma ke ano kulike me ko ka poe aia, aole paha?  Pehea ka Ioane olelo ao i ka poe Iudaio no ko lakou hoomana kii ana?  I Ioane 5:21.  Ua oluolu anei i ke Akua ke nana pono a hoopai koke i ka poe hoomana kii?  Ua oolea anei na hana a kekahi mau makua i keia la ma ka mohai ana aku i ka lakou mau keiki no ka hewa?

 

HE MAU MANAO PILI.

1.        Pehea ko ke Akua hoopai ana aku i na lahui kanaka ma keia ao paha, ma kela ao paha?

2.        Pehea kona hoopakele ana i na kanaka i enemi ai ia lakou iho?

3.        Pehea ke ano oolea o na manao kue i ka pono, he mea wikiwiki anei keia, aole paha?

4.        Pehea ka launa pu ana o ka poe manaoio a me ka poe aia?

5.        Ua piha kui anei ko ke Akua lokomaikai ia kakou?

 

 

HOIKE HUI O NA KULA SABATI MA HONOLULU.

 

            Ua kono mai o Rev. S. Kapu o Hauula, Kahukula Sabati nui o na Koolau ia makou, e hoolaha aku ma ke akea, e malama ia ana maloko o ka luakini o Kaumakapili, ke hiki aku i ka hora 10 kakahiaka o ka la 6 anei o Iune, ka hoike hui o na Kula Sabati o ka mokupuni o Oahu nei.  Nolaila ke waiho ia aku nei ka papa hoonohoneho hana, na haawina a me na himeni hui a na Kula Sabati a pau penei:

            Na Kula Sabati o Kawaiahao a me Kaumakapili, ko Ianuari haawina; Kalihi me Ewa, ko Feberuari; Waianae me Waialua, ko Maraki; Hauula, ko Aperila; Waikane me Kaneohe, ko Mei nei.

            Na himenei hui eha, ala ma ka Buke Hokuao Nani a ma na aoao 120, 193, 164 a me 210. Nolaila, ke paipai ia nei na Kula Sabati a pau, e hooinakaukau i ka lakou mau haawina a me na himeni, a e akoakoa ae ma kahi a me ka manawa i hoike mau ia ae nei.

 

NA LETA.

 

(Aole o makou makemake e lawe i ke koikoi o na hala no na manao i hoopukaia malalo o keia poo e ko makou mau mea kakau)

 

Na Mea Hou o Laie

 

E ka Nupepe KUOKOA me Ko HAWAII PAE AINA I HUIIA:

Aloha lulu lima pu kakou:--

            He mau wahi mea liilii ka’u e hoouna aku nei imua o ka hanohano o ka oukou Oihana Hoolaha Nupepa, ke oluolu ia e kou Luna Nui a Ona, a papahi puia e ka oluolu o kou mau keiki lawe mikioi hua metara o ka halepa’i, alaila, ua pau ka pilikia, a na oukou ia e hoike ae, i ike mai ai ko kakou poe ake mea hou, mai ka wai nauke-uku o ka ua IIaao a i ka la kapakahi i Kaula; oia iho keia:

            Ma na la o Feberuari a me Maraki i hala aku la, ua ike ia aku he elua mau kanaka e hele mai ana maluna o kekahi kaa, elua waiwai o luna o kahi kaa, he io pipi a he mau buke liilii naka mikanele maremona hou, a i ka loaa ana mai ia’u, ua wehe ae la au a heluhelu mai ka mua ai ka hope o ka’u mau buke elua, a i keia ike ana o’u i keia mau hoike ma keia mau wahi buke liilii, ua ulu mai ka noonoo mai ka la a’u i nana ai a hiki i ka puni ana o ko’u manaoio; a ne mea hou no hoi ia ia’u, a ia kakou pu no paha, oia iho keia:

            Ke olelo nei o J. H. K. Nakalo ma o Josepa Kamika ke kaula, ka Ekalesia e kaapuni nei mai na luna kaahele haole a na luna kaahele kanaka; puni ka makahiki puni ka makahiki.  Hiki mai nei hoi oi nei ia nei, olelo mai nei ma keia wahi buke, o Baragamiana Iana ka keia o kaahele nei, aole o Josepa Kamika.  Ina pela lo, eia ko’u manao, e ku kakou a noonoo pololei, me ka nana pono i na mea i hoike ia ma ka Baibala.  “O ka mea e hele mai ana mahope o’u, ua mua ia no’u.”

            Aperila 4, 1891, ua wehe ia ae la ka hui halawai nui o ka Paeaina o ka Hoomana Maremona ma Laie nei, ma ka noho Peresidena ana mai a E. W. Paka, a ma ia la ua ike ia aku na malihini mai Keaukaha a ka Lae o Leleiwi.

            Ma ia mau la ua lohe ia aku iwaena o kekahi mau luna kaahele e olelo ana, “ma ko’u mau apana a’u i hele aku ai, ala no a moe no hoi.”  Eia ka mea i moe ai, no ka hoi ana mai nei o Napeha ma, a hoike i na kee, na puu, na kupanaha, na olalau, na hauhili; a pau pu me ko Laie nei poe, ke hoolaha nei ua hauhili ka mana.  E ka poe loea imi noonoo, ku-a-ilo-ia-mai.

            Ma ka la Sabati, Aperila 19, ua kukala leo nui mai ekolu leo kanaka, elua leo Hawaii, e hooho ana, e hele mai na poe mea loi kalo e hana i ka auwai, a pela aku, a i pakali pu ia mai e ka leo anoano o ke konohiki nui o ka aina, oia keia:

            Ma keia mua aku, ina oukou e mahiai a oo ka ai, a manao oukou e kuai i ke dala, e mahele ke dala, i ekolu hapaha o ka puu dala ia Hoahanau o Lalau o Kobala, i kuai i ka aina a lilo, a i hookahi hapaha o ka puu dala ia konohiki nui.  E hoomanao mai no hoi i wahi kalo a pela aku.  Ku-a-ilo-ia-mai.

            Ma ka Poakahi la 20 o Aperila, ua lohe pono aku keia pepeiao, e hauwalaau ana o Hoahanau nele i kahi loi kalo a mala uwala ole e uwe ana i ka pilikia no kahi hana ole e loaa ai kahi kala, loaa ka ai a ke keiki o ka aina Pua, oiai ua pae mai ka leo o ke konohiki, aohe hana, hoomaha, ma keia mea i olelo ai ka Iseraela, “e aho no Kanaana, kaukama, ipu pu.” a pela aku.

            Ma ia la hookahi no, ua hele aku kou mea mili mea hou e ike i na mea o ke kulanakauhale hou o Keana ma ka mahiko o Kahuku, he keu a ka maikai, nani na hale o na luna nui, maikai no hoi na hale o na Hawaii e ku lalani la ma kai o ko alanui aupuni; maemae na rumi noho o na paahana, mai ka poe Hawaii a ka poe hapa-haole, Pukiki a i ka Iapana, a o kekahi mau rumi aohe i maemae loa.  A huli au a nana aku i ka ulu ana a ke ko, he keu a ka ulu, maikai ka ulu ana a ke ko, ka uleu nui o na lima lawe hana.

            Eia hou kekahi mea oi kelakela a ko’a maka i ike pono ai iloko o kela kuianakauhale nui o Keana, o ka nui o na pihi, “heaha ia pihi?  He i’a gula,” makena, ku ke ahua hana ka pakeke.  Hoi no Laie-wa, a ma kela hui hou e hana ia nei, nui no na paahana, oluolu no ka hana a na luna, a pela no na haku, maikai no, a ike pu aku ko’u onohi ike, ma ke kuhikuhi ana mai i ko’u kamaaina i ka halemai o ia hui, e ku mai ana me kona hiehie, a he hale ia no ka poe hui, e ku mai ana me kona hiehie, a he hale ia no ka poe i ka nawaliwali o na kino o ka poe paahana oia mahiko, i ka malama i ko lakou mau paahana.

            Ke hooki nei au, na oukou ka loie mai, ka pono a me ka pono ole.

 

J. H. K. NAKALO

Laie, Koolauloa, Aperila 22, 1891

 

“Mai Hahi Malaila”

 

            I kekahi la pule o ka hooilo, oiai ka hau e halii ana maluna o ka aina, oili mai la kekahi kanaka mai ka hale pule mai no ke ala e hiki ai i kona home, hiki mai la oia ma kahi e ku ana kekahi wahi keiki uuku i pane mai iaia me ka leo ha’uha’u:  “E oluolu oe mai hehi malaila.”  “No keaha” “No ka mea ua hehi au malaila a paholo ilalo,” i pane mai ai kahi keiki me ka uwe ana, ka mea hoi nana i ao aku i ka poe e hele ana i ka poino i haule ai oia.

            He nui no na kanaka maikai ma keia ao i loaa na noonoo maikai ia lakou e haawi i kekahi ao ana e like me keia.  O ke kanaka i hele ma ke ala pouliuli paheehee o ka waiona, i kona ike ana i ka poe opipio e hopu ana i ke kiaha rama, waina, beer, ua loaa no iaia na noonoo maikai e ao aku ai ia lakou “mai hehi malaila, no ka mea ua hehi au malaila a poholo ilalo.”

            Pehea ke kanaka i hele ma ka piliwaiwai a hiki i kona wa i hoowahawaha ia ai e ka lehulehu a ahewa oia iaia iho.  Ua loaa no iaia ka noonoo maikai e ao aku ai i ka poe opiopio “mai hehi malaila, no ka mea ua hehi au malaila a ua poholo ilalo.”

            Ehia la ma ka halepaahao i hoopoino ia lakou iho e ao aku i ka poe i hoowalewale ia e hele ma ke ala o ka pono ole a me na hana hewa, “mai hehi malaila, no ka mea ua hehi au malaila a poholo ilalo.”

            He mea maikai no kakou e ao ia i ka hopena ehaeha o hai, i kekahi manawa he mea pono no i ka poe i haule iloko o keia mau pilikia e haawi i kekahi mau ao ana, he nui na ala paheehee e hoopuni ana ia kakou, a he mau tausani e hele noonoo ole nie.  E ao aku kakou ia lkou e akahele i ko lakou hoomanao i ka hopena awaawa o ka nohona hewa e ao kakou i ka poe hoomaka nei ma keia mau hoowalewale, “mai hehi malaila, no ka mea ua hehi au malaila a poholo.”

J. F. ALLEN, Mai ka Panalaau o Kalauwao.

 

Ka Huakai Makaikai

A KAUKA TALAMAGE I KA AINA HOANO.

 

(Hoomania.)

            He akahele loa ka makou e naue ne, me ka hoonele ole ia no o na maka me na mea kupanaha he nui wale.  Ma kekahi mau wahi hoi he mau ana hohonu e pouliuli mai ana ma na kae pali, me na nanaina hoomaka’uka’u, mailoko ae o keia mau ana, e kokolo hele ae ana na holoholona hihiu o na ano he nui wale aku ma na kae pali, me na nanaina ioena, kekahi hapa no hoi o ka lahui Isamaela (Arabia) e auwana hele ana ma na ulu nahele no ka hahai holoholona kekahi a no ka powa no kekahi o lakou, aka no makou iho, aole loa lakou hele i kue mai ia makou.

            Ma ke awakea ana ae, hoea aku la makou ma kekahi hale o na kamaaina i hanaia mailoko mai o ka lepo.  He ano palahalaha o luna iho, he wahi kapuahi kai waenakonu o ka papahele me ke ahi no e a homimi ana, aohe nae he puka uwahi i hana ia.  O keia ano hale iho la kai kupono loa no keia aina.

            Komo aku la wau iloko o ka hale a ke hooponopono mai nei ka nui o makou i na wahi opeope o makou.  Nui kuu pilikia i ka olelo Arabia, a mai kekahi makamaka Arabia ae i hele pu mai ai no me makou i lohe mai ai au i kauwahi mea iki mai na kamaaina mai, aole nae i ka nui aku, aka ua lawa ia mamua o ka nele loa.

            Aia ka poe Arabia ke kuku nui mai la no hoi ka poe hapauea i aoo a i na keiki iluna ke alo.  He ku no i ka akaaka ko lakou mau helehelena ke nana aku, me na kapa loloa no o i ulana okoa ia mailuna a lalo me he mau kihei la, he mau lauoho loloa no hoi ko lakou.

            Me he mea la no nae paha la i ka nana aku ua haohao paha lakou i ko makou hoea malihini ana aku i o lakou la.

Ma keia ano hale a makou e ike nei, aohe i hana puka aniani ia a he pouli pu wale la no ia; a mamuli o ka wehe loa ia ana ae o ka puka, ua loaa iho la he wahi malamalama a noho iho ia wau e kakau, e hoomanao ana hoi i na mea i hala mai ka loko o Galilala a hiki wale i keia wahi a makou e luana malihini nei.  Ua hala paha ia makou na hora he 4 o ko makou noho ana ianei, a hoeu ae la au ka makou huakai no ka mauna o Heremona.

Manua o ka napoo ana o ka la, a ua hala hoi ia makou na mile he 5 iloko hoi o elua hora, aia hoi, uhi ae la ka malumalu o na kedera maluna o makou, kahe palanehe ae la na mana wai liilii o Ieredane, ke huali mai la ka hau nani o Heremona-Auwe, aneane hiki ole ia’u ke nee hou aku i hookahi kapuai hou aku imua, a oia ka’u i mele ae ai i keia himeni:

“Uhi ka malu o na kedera,

Ka malu o na Kerebima.

Iesu kuu Haku i maalo ae,

Ma keia aina luhi nei.

Pa olu mai na ahe hau,

Hau nani o Heremona;

Lebanona walohia nei,

Eia wau ke maalo nei,

Ma keia aina maluhiluhi.

            Eia makou la ke nanea nei i ka olu kohai o na laau kedera.  Ma ke kumu o na mauna o Lebanona a hala loa ae ma kona mau awawa o ka laau nui hookahi wale iho la no keia e ulu ana.

            He elua paha mile ka mamao a hiki i ke kuahiwi o Heremona mai a makou aku.  E ku ana o Heremona ma ke kukulu hikina hema mai Lebonona mai a he 14 paha mile ka mamao mawaena o laua.  Maluna o kekahi wahi ahua i noho iki iho ai makou me ko’u ake ana aku e ike pono aku i ka piko o ka mauna e kahiko mai la i ka hau aiai.

            Pahaohao maoli no ko’u noonoo e nana aku nei, ke pohai mai la ka ohu malalo iki iho o ka piko, a he kakaikahi wale no kono mau oawa ma ka aoao; ma ke kumu he punonohu loa na laau, a ma kona piko he oneanea wale no.

 

WAILA MA,

NA POE KUAIPAPA O NA ANO A PAU.

E LOAA ME KA MAKEPONO MA KA

Pa Kuai PaPa o WAILA MA,

Alanui Moiwahine, Honolulu. 676p-1yr.

 

Ka Waiwai o ka Hilinai

Saseparila Ayer

 

AYER, Laau Saseparila kai kaulana i hilinai nuiia no ka hoomaemae koko ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau.  O keia

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui puia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali a nei kou?  Ua awili pu anei me na ano mai ikaika?  A ua hui pu anei me na wai awaawa hoopehu.  Na keia

LAAU e hoomaemae ia mau mea ino a pau a maikai.  O na kauka lapaau a pau o Amerika i ike i ke ano o ka Ayer Sasaparila ua olelo lakou, aole he mea maikai e ae no ka hoomaemae koko ana mai na mai i awili puia, aka o keia wale no.  No ka

HOOMAEMAE ana i ke koko, a me ka hookahua pono aua i na mea a pau ma kekahi mau ano mai i ikeia, o ka Ayer Sasaparila wale no ka laau nana e hoomaemae me ka hakalia ole mamua ae o kekahi ano laau e ae.  O ke

KOKO ino hakuhaku a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana i keia Laau Sasaparila a Ayer.  He maalahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hooikaika pu i kono holo pono ana ma na aa.  He lehulehu wale na hoola ana mai na wahi a pau o ke ao nei i hoohana mai i keia laau mamua o kahi mau laau e ae

A HILINALIA no ka ikaika kupono o ke ola kino, ma ka maemae ana o ke koko, hoomake pu ia na ma’i, a pela aku.  He nui na laau hoomaemae koko i hoolaha wahahee wale ia malalo o na inoa he lehulehu, aka, o na hilinai a me na hooia wale no a ke ao holookoa, maluua o ka

 

Ayer Laau Sasaparila,

I HOOMAKAUKAULA E

Kauka J. C. Ayer & Co., Lowell Mass.

 

HOLLISTER & CO.

Na @ ma ka Paoaina Hawaii.

 

Hoolaha Humau.

PAPA!  PAPA!

AIA MA KAHI O

Lewers & Cooke (LUI MA),

Ma ke kahua hema o Alanui Papu me Moi.

 

E LOAA NO NA 

PAPA NOUAKI

O kela a me keia ano, 

Na Pani Puka, na Puka Aniani, na Olepelepe, na Pou, na O’a, na Papa Hele, na Papu Ku, me na Papa Moe he nui loa. 

NA PILI HALE O NA ANO A PAU 

A me na 

WAWI HOOHINUHINU NANI 

O na ano a pau loa.

 

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka e oukou e hoolawe aku ma na mea a pau e pili ana ma ka laua oihana no ka

Uku Haahaa Loa, E like me ka mea e holo ana mawaina o Laua a me ka Mea Kuai. 

Hele Mai e Wae no Oukou iho.

 

NA LOLE ELEELE!  NA LOLE ELEELE! 

NA LOLE KANIKAU! 

HALEKUAI LOLE NUI OHOHIA.

 –o-

 N.S. SACHS, 

-MA KA-

HALEKUAI 104 ALANUI PAPU 

NA ALAPIA ELEELE! NA ELEELE HULU HIPA 

KUAI HOOPOHO!  KUAI HOOPOHO!

            He ahua nui ko makou o na lole eleele i kupono no ke kanikae ka makou e kauai aku ana ma ko makou mau kumukuai mau.  @ makou hoopii i na kumukuai ma na wa o keia ano, e like me na@ kuai e ai. aka. he oia mau no ka haahaa o ka makou mau kumukukuai

NA ALAPIA LAULA NUI – 50 – KEN. O KA IWILEI

Na Arapia eleele laula nunui 44 iniha, no ke 60 keneta o ka@

No Arapia maikai loa laula nunui no ke 75 keneta wale no o ka@

Na Eleele Kanikau Maoli !  Na Eleele Kanikau Maoli !

28 INIHA LAULA, HOEMIIA  60 KENETA O KA IWILEI

Na Eleele Alapaca Maoli!  Na Eleele Alpaca Maoli!

Na Eleele Alapaca maoli nunui, hoemiia 35 Keneta o ka iwilei.

Na lole huluhulu maoli, hoemiia no ka 25 a me 35 keneta o ka @

Na Lole Eleele Silika Maoki!  Na Lole Eleele Silika Maoli!

            He ahua nui i waeia o na lole Silika maoli, ma na kumukuai @ pono loa.  Na lole eleele Silika holookoa no ke 75 a me 90 keneta @ iwilei.  Na lole Silika eleele lau o na ano a pau, no ke $1.25 a me @ a me $1.76 o ka iwilei.

            NA UHIMAKA ELEELE SILIKA A ME NA KIHEI ELEELE na lede.  Na kakini eleele maikai loa o na wahine i hiki ke hooi@ paa ka waihooiuu o na ano a pau, no ke 50 keneta o ka paa.

            NA MIKINI LIMA ELEELE O NA LEDE.

Na Mikini lima Silika eleele o na Lede no ke kumukuai haahaa

Na Lipine eleele Silika, a me na Lipine eleele Silika kahei o na @

            Na Papale!  Na Papale!

-No ke-

KUMUKUAI EMI LOA

            Na papale eleele o na lede i kinohinohila me na lipine, no ka @ pakahi.  Na papale eleele i kinohinohi ia me na kanikau, no ka @ wale no.  Na papale eleele on na lede in kinohinohila me ka lipine @ na huiu eleele maikai, no ka $4.00 a pil aku.

            Ina oe i makemake i na Araabia maikai loa, a mau eleele kanik@ ae, a i ole, papale eleele, e kipa ae ma ka Helekuai nui o

            N.S. SACHS,  Ona Waiwai

HELU 104 ALANUI PAPU,  :  :  :  HOLOLULU

2331-@

 

Hoolaha Humau.

 

            ANO NO I LOAA MAI AI

            MRS. B. C. GOOD

NA LAKO PAPALE HOU LOA. @ Papale, na Hulu Papale a me @ i ike ole ia ma Honolulu.

-A ME-

Na Palemai Wawae Kane. Wahine a @ Kamalii, na pokaa Lopi Silika a peia a@

He mau waiwai ho@ loa wale @ a e kuai ia aku ana me ka makepono loa

Alanui Papu, mauka iho o ka ha@ Waiio Wenner & Co.  2331 3m@.

            BENSON, SMITH & @

Na Mea Laikini ia e Kuai @ a me kuai liilii aku.

Na Laau Lapai

O NA ANO A PAU.

HELE 113 ME 115, ALANUI @

O LAUA NA AGENA NO NA

LAAU LAPAAU KULUWAI L@

 

Boreicke & Schrocke

A ME NA

Wai Lukini Onaona Wai@

Waiala Maile

A ME KE

Onaona Lei Aloha

            O na lako no ka Lauoho a me ka @ na mea hoonani o na Home, @ makamaka ke kipa mai ma keia hale.  22@ @.