Ka Nupepa Kuokoa, Volume XXX, Number 18, 2 Mei 1891 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

ME KO HAWAII PAEAINA I HUIIA.

@E XXX.       HELU 18.       HONOLULU, POAONO, MEI 2, 1891.      NA HELU A PAU, 2335.

 

@oolaha Loio.

@ M. LOWREY,

@no ka LEHULEHU

@

@PALAPALA A ME HA

@PALAPALA HOOMIKI

@Hana me W. R. Kakela, @a mao makai o ka Hale @olulu.            2331-7m.

 

@BROWN,

@Kokua ma ke Kanauai

@A HOOPAIO PALAPALA NO @ MOKUPUNI O OAHU.

@ana:  Ma Alanui Kalepa.

2331

 

@HITCHCOCK,

@ E HIKIKOKI.)

@Kokua ma na mea a pau @li ana ma ke Kanauai.

@NO NA BILA AIK ME KA AWIWI

@Hawaii.        2331

 

@A. ROSA,

(AKONI.)

@io a he Kokua

MA KE

@Kanawai.

@HOOIAIO PALAPALA.

@ana ma Alanui Kaahumanu. 2331

 

@RCE P. KAMAUOHA,

@a he Kokua ma ke Kanawai

@no ka Lehuloha.

@ui a Haawi Palapala Ao Mare.

No @ Akao, Hawaii.

A HE

@EA ANA AINA.

@no ma Kohala Akau, Hawaii.

2331

 

@R. KAKELA,

@a he Kokua ma ke Kanawai

@LUNA HOOIAIO PALAPALA.

2331

 

ENOCH JOHNSON,

(ENOKA.)

@ Loio a Kokua ma ke Kanawai,

@ Ahahookoiokoio a pau o kela Aup@i.

@ Hoolalo Palapala Kope no ka @ma o Kona, mokupuni Oahu.

@ena Hana, helu 15 alanui Kaa@anu, ma ke keena mu@ iho nei @ C. Achi.          2331

 

@ILLIAM C. ACHI,

@ a he Kokua ma ke Kanawai @ua o na Aha a p@u o keia Au@ni.

Notari no ka Lehulehu a Boroka @ na Waiwai Pua.

@eena Oihana, Helu 86, Alanui @pa, Honolulu, Oahu.        2331

 

WILDER & CO., (WAILA MA.)

@a Ku@i Papa me na Lako ku@kulu hale o na ano a pau, a me na @mea e ae a pau @ pono ai o ka hale.

Kihi o Alanui Moiwahine me Papa.

2331

 

JAMES M. MONSARRAT,

(MAUNAKKA.)

@o a ho Kokua ma ke Kanawai,

@HE LUNA HOOIAIO PALAPALA.

@ia no na Palapala Kuai, Palapala @liwa, a me na Palapala Pili Kana@ e no wa ka ololo Hawaii. D@ no ka @ wa ka mo@ ma na Waiwai Pua.

@eena Hana:   Hilo Pohaku hoe ma ka @o ma Waikiki o ka Halewai, alanui Ku@  2331

 

@E. LILILEHUA,

LOIO MA KE KANAWAI.

@ar! Hooiaio Palapala no ka lehulehu, kakau

Falapala Kuai, Hoolimalima Moraki, me na ano palapala pili Kanawai a pau

Keena Oihana: Kawahionamanu Kaluaaha, Molokai.            2331

 

J. T. WATERHOUSE,

(WALAKAHAUKI,)

Halekuai o na Lole Nani Panio!

LAKOHAO.

Na Lako Hana Nahiko,

A PELA AKU @ HUI WALE.

A@anui Moiwahine,   Honolulu.

2331.

 

HE MOOLELO

NO

WALAKA RARE,

KA

ILIO AHIU O NA KUALONO,

A I OLE

KA HIENA OPIO O NA HILANA.

MOKUNA X.

            E na naita, ua pau ka kakou mau hana me ka ikaika o ka pauda a me ka poka pukuuiahi, a ano e lawe aku ana au la oukou imua o ka waha weliweli o na pokuniahi a ka enemi, a hoike aku ia lakou, o na Hilana o Wale ka mea i aa e kipoka ia kona hanohano iloko o ka lewa me ka poka mua a me ka poka hope loa o ke kukala kaua, a e na naita e hoomanao hope aku au maluna o oukou me ka'u mau olelo hope loa mamua aw o ko kakou lawe ana mai i ke alahele o ke kipoka ia.

            Me keia mau olelo a ua alakai la o na koa aahu ulaula, hoomaha iki iho la oia i kana kamailio aoa me ka haawi ana aku i na nana pono aua maluna o lakou iloko o ka pouli o ka uwahi pauda a me na poka pukuniahi a ke enemi e hihio hele ana iloko o ka lewa.

            Ua hoike mai na helehelena o ua alakai la aole oia i ike la mea he makau a me ka hohe wale, aka, o ka ulumahiehie o ke koa a me ka wiwo ole o ia ke olino ana maluna o kona mau helehelena.

            A liuliu ka nana ana a ua alakai la maluna o kona mau koa, hoomau hou aku la ola i ke kamailio ana:

            E na naita, o keia wahi ke ka hua i olelo mau ia e na kanaka koa o ka luhilehu ko lakou mau haaheo, a o ka hanohano hoi ko lakou mau la ui.

            Ae--e na naita, o kela ke kahua pookela loa o na hana a pau o keia ola ana, a o ka ipuka weliweli hoi e weluwelu a nohaha liilii al ka puuwai kupau o na kanaka koa la.

            E halawai ana oia me na popilikia he nui, e hui ana oia me na poino he lehulehu, aka e na naita, e hoomanao hope aku au ia oukou me kela mau olelo--

            O ke kahua kaua

            Ko'u hanohano,

            O kona mau luhiehu

            Ko'u home,

            E mohai uku i ko'u panu,

            E alana ia me na kahiko

            Weliweli o ka make.

            Me na nuaolelo o ke koa a me ka wiwo ole,

            Maluna o kona mau papalina kila

            O ke aloha aina me ka oiaio

            A kuahaua aku i ko Europa

            He ilio ahui au no na kualono.

            Ae, e nu naita, o ka'u makia hope keia e ku aku ai imua o kela poe Irelani kipi a aa aku e lawe i ke alahele o ka lilo ana he pio na lakou ma ka ikaika o ka iakou mau pukuniahi, ano, e na naita, e makaukau no oukou iho a @ makaala no Waiaka Raie nei ko oukou alakai hoi.

            Ua haawi mai ua mau koa la o ka aaku ulaula i na hoolohe pono ana i na olelo a ko lakou alakai opio.

            A i ka wa i poka ae ai o ka ole hoailona, uwila like ae la lakou maluna o ko lakou mau lio, a iloko o ka manawa pokole wale no, holo aku la lakou imua me ka puahi nui iloko o ka uwahi pauda a me na poka pukuniahi e ki ia mai ana mamua pono o lakou.

            Ano, e kuu makamaka heluhelu, ma keia wahi, e hoomanao iho ai kaua o ke keikialii Walaka Rale no keia alakai a me kona mau naita o ka aahu ululua ke koa opio heina hol o ke kahua kaua, i aa aku la me ka puuwai koa wiwo ole e lawe i ke ala hele o ke ki poka ia mai e na poka pukuniahi a ka enemi, ke alahele hoi a ua keikialii la i kaihi ae ai i ka hanohano nui ma ka olelo ia ana o ke keikialii Walaka Rale ka ilio ahiu o na kualono, nana i aa e papani i ka waha o na pukuniahi a ke keikialii Hiki me ka oi o na medala kila a e hoohamau hoi i ko akou mau leo weliweli me ka wiwo ole o ko lakou mau puuwai.

            Nolaila, i ka wa a ua keikialii la a me kona mau naita i haalele iho ai i ko lakou kahua, holo pololei aku la lakou imua o na laina kaua o ka enemi me ka puahi nui, a iloko o na minute pokole, ua hamau ka leo o na pukuniahi a ka enemi, a o ka leo hooho o ke kukala kaua, oia ke lohe ia aku ana ia mau minute weliweli.

            E koele ana na medala kila me ka ikaika, e halulu ana ka honua i na tausani kapuai lio, a o na leo hooho e ke kaua, e wawalo ana ia maluna o na kahua kaua ia o Alani, iwaena o na tausani a me na tausani kino make i hoeha ia e na koa Irelani, e mauliawa ana iloko o ko lakou mau aho hope loa.

            O ka eleu o na haawi kauoha wiwo ola ana a ke keikiali o ka uwahi pauda, a me ka aa ana o ua keikialii la e ku aku imua o na tausani koa o ka enemi me kona mau wahi uaita kakaikahi wale no oia ka puupuu mua loa nana i hamare mua aku i ke keikialii Hiki o Irelani maluna o ua kahua kaua ia o Alani, a oia kana i hoomaopopo iho ai aole ke alakai o kona mau enemi he hoiona kuhoe a oia hou kana i huli ae ai maluna o kona mau koa, a wehe aku la i keia alelo pokole iloko o ka hahana.

            E na koa, no ka haaheo o ka hae silika o ko kakou aupuni, ke hoomanao hope aku nei au maluna o oukou, na ka wiwo ole a me ke koa o ko oukou mau puuwai e kukulu iho iaia me ka ikaika a welo haaheo aku imua o na enemi.

            E haule make ana kakou imua o ka pahikaua no ka hanohano, e auhee ana hoi kakou imua o na poka pukuniahi no kona haaheo, a e na koa, ua loaa ia oukou he hoomanao poina ole ana ma ka puuwai o ke aupuni Irelani a me kona lahui kanaka.

            Ano, e na koa, e lawe i ko oukou kulana o ka hooko kauoha wiwo ole a e hopu pio aku i kela poe koa aahu ulaula ina he mea hiki e lilo lakaou i mau pio na Irelani, a ina aole e make pu lakou e like me ka make ana o ko Irelani mau mana kaua e waiho mokaki mai nei.

            Me keia mau olelo a ua alii puuwai uahoa ia o Irelani, huli ae la ia maluna o kona lio a holo aku la ma ke alo o kona mau koa me kana pahikaua e kuhi ana imua.

            He haahea me ka hiehie ke kulana kau lio o ua keikialii la iaia e holo ae ana ma ke alo iho o kona mau koa, a na kela mau huaolelo wiwo ole a ua keikiali la i luai aku ai imua o ko kaua mau koa e hoike mai ia kaua e ka mea heluhelu, o ke kekialii Hiki o Irelani ke alii opio manao paa loa o na welau akau i aa me kona puuwai holokoa e ku imua o na mana kaua o Pelekane a hiki i kona hu@hia ana.

            Ae, e ka makamaka, o keia keiki alii hookahi wale iho no ka mea i aa me ka ikaika o na mea kaua e hui he alo a he alo me ka liona Pelekane iloko o na makahiki loihi he aneane e iwakalua, a i keia ia hoi, o kela kahua kaua kaulana loa o Alani, ua aa hou aku oia e ku imua o kona mau enemi ma ka waha o na pukuniahi a me ka oi o na medala k@a.

            Aka, e ka mea heluhelu, he mau minute pokole i koe, a e hooa mai no ke @kona a ua aili Irelani ia e ika a hoomaopopo iho ai ua helu ia kona mau la e hehi haaheo ai me ke kipi maluna o ka lepo o Pelekane a puni.

            O ka hamau ana o ka leo o na pukuniahi a ua keikialii la, a me kana mau haawi kauoha maluna o kona mau koa, oia ka minute mua loa a ke alakai o na koa aahu ulaula i hawai koke ae ai i ke kauoha maluna o koua mau naita no ka holo ana aku imua o na laina kaua o ka enemi me ka ikaika nui.

            Ma ia manawa e wawahi aku ai i ka niana a me ka ikaika o ko lakou mau laina kaua me ka haaheo o ko lakou moto na naita ulaula o Wale.

            E like me ke kauoha alii, pela ua mau naita la i holo koke aku ai me ka puahi nui a wawahi aku la i ka mana o na laina kaua o ke keiki alii Hiki.

            Ua hoea pu aku maluna o ua kahua kaua la o ka wawahi ana i na laina koa pale o mua o ke keikialii Hiki ke alakai a hiena o na koa aahu ulaula, a haawi aku la i kana puupuu hamare ikaika loa maluna o na koa Irelani.

            E koele ana ka lakou mau medala kila me ka ikuika, e poha ana na leo auwe me ka weliweli, a iloko o na minute loihi o ka paio ana me ka hahana, ua nahaha a weluwelu liilii ae la na laina pale mua o ke keikialii Hiki, a na ko lakou mau leo o ke aahee i hoike aku i ko lakou alii opio;

            Ua paloke na mea hana,

            A ka wiliki me ke paoahi,

            Imua a i hope e haloke nei,

            I ka hana a ka hookele akamai

            O ka nahaha a weluwelu liilii ana o na laina kaua o ua keikialii la, oia kana i haawi koke ae ai i ke kauoha i na puali pale hope no ka pil ko ke ana mai me ka hakalia ole, a lawe ae i ko lakou kulana pale kaua ma kahi o na puali i nohaha a weluwelu liilii.

            Aka, mamua ae o ko lakou hiki ana aku maluna o ua kahua kaua la aia hoi, ua hoea e mai la ka enemi me ka hikiwawe nui, a haawi mai la i ka lakou mau puupuu ikaika loa e hiki ole ai i ua mau koa la o ka puali pale hope ke alo ae.

            E eloio ana na kiina pahi a ua mau koa aahu ulaula la, a o na oniu laau ihe ana a ka maluakele aohe pahuna hala i ke alo o na pali, a na ia mau mea la i hookuemi hope aku i ua mau pualikoa la me ka hohe wale, ma ka hoao ana e pale a kue i na kauoha a ko lakou alii opio, aka, e ka mea heluhelu, o ke emi hope ana aku a na puali pale hope mai ko lakou pii ana mai e hooko i ke kauoha oia ka ko lakou alii opio Hiki i holo koke mai ai me ka haawi ana mai i na olelo okalakala o ka mana kauoha no ka pii koke ana aku o kona mau puali pale hope a lawe ae i ke kulana @haha a nawaliwali o na puali pale mua, a ke pale a hooko ole ua mau koa la, alaila, e hoomaha iho lakou me ko lakou mau aho hope loa maluna o ka lepo o Alani.

            O keia haawi kauoha hope a ke keikialii Hiki maluna o kona mau koa, no hiki ole ia ke hooko ia e ua puaii pale hope la, oiai aia ke keiki alii Walaka a me kona mau naita e hoouna aku ana i kela a me keia koa Irelani no luna o ka ili honua he mau kino i hala ka hanu.

            O ka hiki ole ana i na puali pale hope ke pii mai a lawe ae i ke kulana o ka hooko kauoha, oia hou ka ke keikialii Hiki i kahea mai ai me ka leo nui no ka pii koke ana aku o kona mau puali pale hope a hoouka aku i ke kaua maluna o ka enemi, aka, e ka mea heluhelu, no ka lua o na manawa o kela leo kauoha, aole loa i hiki i na koa ke pii mai, a lawe i ka hanohano o ko lakou kahua nohaba, oiai na naita ulaula e hookuemi hope mau mai ana la lakou, nolaila, me kahi manaolana hope loa, lawe koke ae la lakou ia minute me ka hanohano o ka hookokauoha a kue mai ia i na naita ulaula me ka ol o ka lakou mau medala kila, a maluna no hoi o ko lakou kahua i lawe ae ai lakou i ka hanohano o ko lakou kulana pale hope a hiki i ko lakou weluwelu liilii ana.

            Aka e ka makamaka, o keia kulana pale a ua pualikoa la i lawe ae ai, oia ka mea i olelo nui ia iwaena o ka lahui Irelani mahope mai ua kipi a kue na koa Irelani i ke kauoha a ko lakou alii opio, a ma kekahi hoi, na kela mau hana a ua pualikoa la i kumakaia aku i ko lakou alii opio iloko o ka lima o ka enemi a ma ka ke ke keikialii Walaka hoike hoi imua o kona makuakane mahope iho o ko laua ike ana, na ka hoohe a me ka makau wale o ke kanaka kipi, na ia mea i hopu pio i na mana kaua o Irelani maluna o kela kahua kaua kaulana o Alani.

            O ka like ole o na manao iwaen o ka lahui Pelekane a me Irelani no kela kahua kaua o Alani, ua keha ae ua lahui ia no ke koa a me ka wiwo ole o ko lakou alii opio, a i ka wa a ke keikialii Walaka i hoomaikeike ae ai i ka moolelo o na kahua kaua a pau ana i haaheo ai a hiki i ka make ana o ke keikialii Hiki, ua hoomalamalama ia ae na noonoo o ua lahui Irelani nei, a oia hoi ka lakou i olelo ae ai, he keikialii hohe wale ko lakou me na manao eleele o ka lili a me kini pakaha.

            Nolaila, e ka mea heluhelu, me keia mau hoomaikeike ana e hoomaopopo iho ai kaua, o na olelo koa a wiwo ole a ua alii Irelani la i hoomanao aku ai maluna o kona mau koa, ua kulai ia aku la ia a haule pahu ilalo o ka honua e ke keikialii Walaka Rare.

            Ae, e ka makamaka, ua haawi ae ua keikialii la o ka pukuniahi i kana mau puupuu hamare me ka ikaika loa maluna o na koa pale o ka puali hope, a o na wahi koa kakaikahi i koe o ka puali pale mua, ua auhee liilii aku la lakou me ka weliweli nui mai ko lakou kahua aku o ka hana, a poha wa, walo ae la ko lakoy mau leo auhee, --he Ilio Ahiu ke alakai o na koa aahu ulaula no na puu a me n oawa o Alani; oiai, ua hoike mai na hana a ua alakai la i ke ahiu a kau o ka weli maluna o lakou.

            O keia kulana ae la i loaa i na enemi, oia ka ua poe koa Irelani la i ike a hoomaopopo hou iho ai, he may minute pokole koe, a e lilo no lakou a me ko lakou alii opio i poe koa ma ka olelo ia ana, he puali kaua nui hewahewa i nohaha a weluwelu liilii me ka hohe wale imua o na koa aahu ulaula he elua haneri wale no.

            O keia manawa a na Irelani i auhee a weluwelu liilii aku la imua o na naita aahu ulaula, oia na minute a na Pelekane i hoea mai ai ma na palena o ke kahua kaua o Alani malalo o na alakai ana a ko lakou moi puuwai hao kila (Walaka Rare) a hoouna mai la i ka lakou mau poka weia me ka ikaika nui maluna o ka enemi.

            Haehae ka manu,

            Aleale i ka wai.

            Mamuli o keia hoea ana mai o ka Moi Woka Rare a me kona puali kaua, he puupuu ikaika loa ia nana i kiola aku ka papa hoolala kaua a ke keikialii Hiki iloko o ka lewa, a hooholo iho ia ia i kona manao e lawe oia a me kona mau puali kakaikahi iho i koe i ke alahele auhee ihope no ka hoopakele ana i ko lakou ola iho.

            Aole i pau.

 

Na Ninau me na Haina a S. Hookano no ke Noi e ae ia ma na Aha Haahaa.

            Ua kakau ia na ninau e kela a me keia mea noi mai ka Aha aku ma ka unuhi ana a ka Unuhiolelo o ka Aha, a ua pane ia na haina e lakou ma ke kakau me ka nana ole i na buke. Ua pane o S. Hookano i ka haina o na ninau he iwakaluakumamahiku mailoko ae o kanaha me ka pololei, a nolaila, i ae ia ai oia e lawelawe ma na Aha haahaa.

            Eia iho na ninau me na haina a S. Hookano i pane ai?

            1. Ina ua hoopii ia kekani kanaka no ka aihue, hiki anei oia ke hookolokolo ia ma kona wahi i ka wa e ninaninau ia ana na hoike:

            Aole.

            2. Ehia makahiki e kupono ai ke kanaka e hoopii ia ai ma ke kanawai no kekahi hewa ofeni?

            Mawaena o 7 makahiki a me 14, ua hiki no ke hoomaopopo ia ma o na hoike la, a maluna o 14 makahiki e maopopo ai ke kupono maoli.

            3. Heaha ka aihue?

            Oia ka lawe ana i ko hai waiwai me ka manao kolohe.

            4. Hiki anei i kekahi mea ke aihue i ka aina?

            Aole.

            5. Heaha ka like ole mawaena o ka aihue a me ka aihue i ka waiwai i haawi ia e malama?

            Mai ko hai malu mai ka waiwai aihue ia. Mai ka malu ae ona ka waiwai i haawiia e malama.

            6. Hiki anei i kekahi mea ke hopu ia me ka palapala hopu ole? Ina he hiki i ka wa hea?

            Hiki no. I ka wa e hana ia ana ka hewa.

            7. Ina e hooholo ana ka Ahaolelo i ke kanawai e kauoha ana i hookahi hoike no na palapala kuai waiwai paa, e hoano e ia ana anei ke ano o na palapala kuai aina mamua aku ia hanaia me ka hoike ole?

            Aole.

            8. Heaha ke kuleana o na Konohiki iloko o na Kai Lawaia?

            Ma na mea a pau.

            9. Heahe ke ano o na hoohalahala i ae ia mai na olelo hooholo mai a na Lunakanawai Hoomalu a Apana paha.

            E hookolokolo maoli i ka Aha Kaapuni, (2) ma ke ano o ke kanawai.

            10. E hoakaka mai i ke ano o ka hoohalahala ma ia mau olelo hooholo mai na Aha Hoomalu a Apana paha?

            E hoike aku i ka manao hoohalahala iloko o na la elima mahope o ka hoholo ana, a e uku i na koina iloko o na la he umi mahope o ka hooholo ana.

            11. Heaha la ke ano o ka Palapala Hoolamu ma ka hihia Kivila?

            Ina he hihia waiwai, e hanaia ona palapala hoopaa no ka huina he hookahi hanaeri i mea e uku ia ai ke koi mahope o ka haule ana. I mea e hoopaa ia ai ka waiwai.

            12. Heaha ke kumu o ka hoomalu ana?

            I mea e loaa mai ai ke koi a ka aoao hoopii, ina aole e hoakaka ia mai mamua o ka hala ana o na la i olelo ia, alaila, e kuaiia aky ma ke akea i mea e loaa mai ai ke koi a ka aoao hoopii.

            13. Pehea oe e hana aku ai i mea e puka mai (ai) ka Palapala Hoomalu?

            E waiho a@u i noi imua o ka Lunakanawai kahi i hoopuka ia ai ka olelo hooholo a e waiho pu hoi i bona i ka Ilamuku.

            14. Pehea e loaa mai ai na uku hoolimalima me ka hoopii ole?

            Ma ka hoopaa ana i na waiwai.

            15. Heaha ka Palapala Ganasi?

            He palapala ia e koi ana i ka mea aie a i kona hope a puuku paha e paa i ka waiwai o ka mea i hoopiila i mea e loaa ai ke koi a ka mea hoopii.

            16. Heaha ka mana o na Komisina Ala Lii a me na Pono Wai?

            He mana ko lakou ma na ala liilii i loaa ole, a pela no hoi na pono wai.

            17. Ihea e hoohalahala ai i ka olelo hooholo a ia poe Komiaina?

            I ka Aha Kiekie (ma ke Keena.)

            18. Ina ioaa i kekahi mea hoopii ka pono ma kekahi hoopii a hoole ka mea hoopiii aole e uku, pehea e hana ai?

            E noi imua o ka Lunakanawai nana i hoopuka ka olelo hooholo i palpala hoomalu waiwai, a e waiho aku i bona i ka Ilamuku,

            19. Mahope o ka ioaa ana o kekahi aie, pehea ka loihi e kali ai mamua o ka hoopii ana?

            Eono makahiki. (Maloko o eono makahiki.)

            20. Heaha ke Komisina e lawe ai i na ika o kekahi hoike a mau hoike paha?

            O na Notari a me na Lunakanawai i loaa ka mana e lawe i na olelo ike hookiki.

            21. Pehea i hoonoho ia ai ia Komisina ninau hoike?

            I mea kokua.

            22. Heaha ka like o ka Hooko Kauoha me ka Lunahooponopono Waiwai?

            Ua hoonoho maoli ia ka Hooko Kauoha i ka mea nana i hana ke kauoha. Ua hoonoho ia mai hoi ka Lunahooponopono Waiwai e ka Aha.

            23. Ina e hoonoho ia kekahi Lunahooponopono Waiwai, heaha kana hana mua?

            E hoolaha ma ka nupepa i ka poe a pau i aie mai i ka mea i make e uku mai, a e kahea ana hoi i na poe a pau he koi i ka waiwai o ka mea i make.

            24. Pehea e hana ai kekahi mea i mea e loaa mai ai kona dala?

            E waiho i keia koi imua o ka Lunahooponopono maloko o na mahina eono mahope iho o kela hooia ha.

            25. Heaha ke kuni i kauoha ia ma ke kanawai ma na Palapaia Hoolilo?

            E like ka nui o ke kuni me ka niu i kaku inoa a me ka nui o ke kumukuai.

            26. No na moraki?

            Me ka nui o na inoa a me na dala moraki.

            27. No na holimalima?

            Me ka nui o na inoa.

            28. No na aelike hana?

            He hapalua dala no ka inoa hookahi.

            29. Pehea e hiki ai ke kope in kekahi, ka mea nana i hana, aole no hoi i hooiaio ia?

            E noi imua o ke Kaulike.

            30. Ehia makahiki o ke kane ma ke kanawai i kupono ke mare?

            He umikumamawalu.

            31. Ehia hoi o ka wahine?

            He umikumamaha.

            32. Ehia makahiki o ke kane ma ke kanawai alaila piha?

            He iwakalua makahiki.

            33. Ehia hoi o ka wahine?

            He umikumamawalu.

            34, E hoakaka piha mai i ke kanawai o ka ili ana o ka waiwai.

            (1) Pili lalani Oia, ina make ka mea nona ka waiwai, i kana keiki a mau keiki paha, a i neie ia ili i kana moopuna a mau moopuna paha. (2) Pili aoao. Ina aole ana keiki, a e ola ana koa mau makua a me kana wahine, he hapalua i na makua, "he hapalua i ka wahine mare. Ina aole wahine a ua make kona mau makua, a he mau hoahanau kona (brothers or sisters), ili like ia lakou.

            35. Pehea ia ka loihi waiho ai ka Palapala Kauoha mahope o ka make ana me ka hooiaio ole ia?

            E hooiaio ia iloko o na makahiki elima mahope o ka make ana.

            36. Ehia makahiki o na keiki e hiki ke hana i Palapala Kauoha?

            He umikumamawalu makahiki, (Kanawai o 1890.)

            37. Hiki anei i ka wahine i mare ia ke hana i Palapala Kauoha?

            Aole hiki.

            38. Ina hana ka wahine i ke kauoha a mahope mare, alila, ua hoano e ia anei ke kauoha? Ina ua hoano e ia pehea i hoana e ia ai?

            Ae. Ma kona mare ana ua lilo kela i mea ole.

            39. Heaha ka ukupanee i ae ia ma ke Kanawai?

            Eiwa keneta o ke dala hookahi iloko o ka makahiki hookahi.

            40. Heaha ka ukupanee kiekie loa i ae ia ma ke kanawai?

            Elua keneta me ka hapalua o ke dala hookahi iloko ka malama hookahi, ua like ia me kanakolu keneta o ke dala hookahi no ka makahiki hookahi.

            Samuel Hookano.

            Honolulu, Aperila 28, 1891.

 

            No ka aleale o ke awa o Punaluu ma Kau i kela huakai aku nei a ka mokuahi Malulani, molaila aoie i hoolele ia kela nau wiliko umikumamakahi tona o Pahala.