Ka Nupepa Kuokoa, Volume XXX, Number 15, 11 ʻApelila 1891 — Lohea ko Kalawao Loo. [ARTICLE]

Lohea ko Kalawao Loo.

Kalaupapa, Maraki 30, 1890. Hon. J. U. Kawainui, Aloha oe : O na mea hou ano nui o ka Panalaau nei ma ka la 22 o keia mahina, he la pule ia, ua huiia na kokua a me na mai ma ka hale oihana o ka Papa Ola. Ua haiolelo ka Peresidena o ka Pupa Ola Mr. D. Dayton imua o kela anaina nui, o na me ano nui ana i hoike mai ai, oia keia: I hookahi lio no ka mai hookahi, ina e oi aku, o kuai aku, ina aoie lilo, e haawi na ka Papa Ola e kuai, a loaa ke dala hoihoi mai na ka mea nona ka lio. Ka lua, e pepehila na ilio a pau. O keia na mea ano nui o kana haiolelo, koe ka manawa e hooko ia ai o kela mau mea. Ua manao au, ina e hooko ia ana, e ulu mai ana he haunuele. Aole no paha i poina ko'u hoa'loha i na hana e pili ana i ka Panalaau nei, oia o W. H. Kahumoku, he hana keia i hoolala ia e na Peresidena mua, aoie nae i ko, a la W. Tell paha auanei e ko ai. Ma ka Poakahi ae, hiki mai o R. W. Meyer, Agena o ka Panalaau nei, na laweia aku imua ona na kokua e oki i ka wahie ma ka pali a kuai aku i ka poe mai e makemake ana i ka wahie, a loaa mai ke daia, ola ka noho ana o keia aina malihini. Ua papa mai o R. W. Meyer, aole e hele wale na kokua e oki i ka wahie me ka loaa ole o ka palapala ae mai kona hope aku oia o W. Tell. E hoomanao oe he hope wale no o W. Tell no R. W. Meyer, ka Luna nui, aole i like ko W. Tell noho ana e like me ko Mr. Evans, he Luna nui o Mr. Evans no ka Panalaau nei, a o W. Tell, he wahi kanaka no ia malalo o R. W. Meyer. A o ka ianei olelo oia ka W. Tell e hoolohe ai, aole e hiki ia W. Tell ke kue i na hana a kona mua, no ka wahie a na kokua e oki ai ke loaa ka palapala ae e oki, mai ku luna aku. Aole ae ia e kuai me kuhi mea e, me ka Papa Ola wale no e kuai ai. O keia kekahi o na mea hou i ike ole ia mai ka noho ana o na mai ahiki i keia la, he mau hana hoopilikia wale no keia. Owau no, S. KAHALEHULU.