Ka Nupepa Kuokoa, Volume XXX, Number 14, 4 ʻApelila 1891 — Na Hoailona e pili ana i ua wa Ino a mo na wa Malie. [ARTICLE]

Na Hoailona e pili ana i na wa Ino a mo na wa Malie.

Ke hoike aku nei makou i keia mau hoike malalo iho i hoomaopopo pono ia e kekahi kanaka naauao o na au i hala: 1. Ina he makani ma ka akau, komohana akau, hikina a huli koke ma ka akau hikina, e hoomau ana no elua a ekolu la, me ka ua ole; a huli hou mai ma ka hema me ka ua ole; a ina mailaila koke ae e loli ana a he wahi ua liilii paha, a i ka hikina akau a hoomau pela, alaila, he wa maikai a malie e hoomau ana no elua mahina. 2. Ina he malie a papaala iloko o ka pule holookoa me ka makani hema no 6 a 7 paha la, me ka pa ikaika mau ana o ka makani ma ia ino, e hala ana he wa loihi no ka malie a me ka papaala a pau ia hapaha. 3. Ina e hoomaka mai ana na Nanana e ulana i na punawelewele, alaila, he mea maopopo he malie a me ka papaala no 10 a 12 paha la. 4. Ina aole e ike ia na hoku lele e maalo ana ma ka poai lani i ka makalii ma ke ahiahi, e ike koke no oe he wa malie loa ia. 5. Ina e loli ae ka pa ana o ka no a lilo i kalae a papaala i ka wa o ka piha mahina ana, a i ole he wa pokole mamua a mahope iki paha a mau ia pela a hiki i ka elua o ka la o ka mahina piha ana, e malie ana a pau ia hapaha. 6. Ina e kokoke aku ana i ka wa mahina piha, a he noe me ka ua liilii mamua o ka puka ana ae o ka a, a i ole, e lele ana na ao keokeo i ka Hikina Akau, he malie a hala kekahi mau la loihi. 7. I ka wa e hoea mai ai o ka la i e ike nui ia aku ana na ao ma ke kukulu hema a nalo koke aku, alaila, he wahi wa malie pokole. 8. Mamua o ka puka ana ae o ka la, a he noe me ka ua liilii ma o a maanei ke ikeia aku ana, alaila he malie no ka wa pokole. 9. Ina o na ao i ka puka ana ae o ka la, e lele ana i ke komohana, he malie pokole.