Ka Nupepa Kuokoa, Volume XXX, Number 11, 14 Malaki 1891 — HEAHA KE ANO. [ARTICLE]

HEAHA KE ANO.

Ua haawiia mai kekahi palapala i keia pepa no ka hoolaha aku, a ua hoolaha ia; o ka mea nana ka palapala o Nimeroda Laniawe, o ka inoa pololei nae o Kaulainamoku o Manoa. E hoike ana ua palapala nei i ka hana kapulu ia o ke alanui maluna nei o Manoa e ka luna alanui, oia o E. H. Naoho a pela aku. He mau olelo kuio loa kela me ka hooiaio maoli no o Kaulainamoku i ke kapulu oka hana la ana o ua aianui la. I kela pule aku nei, ua lawe hou mai la o ua o Nimeroda Kaulainamoku nei he palapala hou e hoihoi ana i kana mau oaea 1 kakau ai a i hoolahaia e pili ana no Naoho; he palapala mihi keia a e ike la iho malaio penei: £ HOIHOI MAI I KA'U MAU OLILO lA'U A £ KALA MAI. E ke Kuokoa, Aloha oe:—

E oluolu hou mai kou hanohano, e ae mai i keia noi imua ou. O ka'u nuu olelo i kakau ai ma ka'u mau letter e pili ana ia Elia H. Naoho ko makou luna hana a me ka haole. Ano, ke noi aku nei au i kou oluolu a me kou luna hoopnka e hoihoi mai maluna o'u la mau olelo a pau. A e hala ole ka mea a'u i kakau ai a i olelo ai hoi īloko o kou mau aoao, a 1 hoikeia hoi ma ke akea, a no'u iho, ma keia mau mea a pau, o na huaolelo iku i ka mihi "ua hewa au,'' a ke noi aku nei au i kou oluolu e kuu luna E. H. Naoho, e kala mai, a i kuu luna haole hoi, (a good man, e goo-bay pu kakou) a e kala mai ia'u mai ko oiua aho nui mai, a me na manao maikai a oluolu, a e hoi hou ka la o Manoa i kona konane ana, a e paku āku i malu na pakaua o kuu aina aloha he ua kuahine maluna iho o kou mea kakau. Me ka mahalo. Nimrod Laniawe. Manoa Rain B A. Fref the 26, 1891

Ma keia palapala maluna ae, ua loaa ole la makou ka hilinai maluna ona, a ua hoike maopopo mai oia i ka hakue* pa maoli o ka wahahee. Ke hoike aku nei makou i keia imua o ke akea ma ke ano e lilo ia i haawina ao 110 na poe hakuepa a pau; e loaa lalakou ka hoopai ia ma ke kanawai. Aole oia i alakai ika mea hookahi e punihei i kana, aka, i ka lehulehu o ko keia pepa mau makamaka. E akahele bou oe e Nimeroda Kaulainamoku ma keia mua aku ma ka hoolaha hoopunipuni wale ana i kekahi kino kanaka ma ke akea. (, E hele a mai hana hewa hou."