Ka Nupepa Kuokoa, Volume XXX, Number 8, 21 Pepeluali 1891 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

 

POOKELANO KA LAHUI

@UKE XXX   HELU 8.  HONOLULU, POAONO, FEBERUARI 21 1891.  NA HELU A PAU, 2325

 

HOOLAHA LOIO

 

@ LLIE M. LOWREY.

Notari no ka Lehulehu.

 

IA HE:

@ Hoolaio Palapala a me na Pela @ Hoohiki.

 

@ Hana me W.R. Kakela Loio

@ aoao makai o ka Hale Leta, Ho.

@ 2241-3y

 

@CIL BROWN,

@  HE KOKUA MA KE KANAWAI?

 

@ Agena Hoolaio Palapaia no ka Me kupuni o Oahu

@NA HANA: Ma alanui Kalepa.

Tf

 

G. HITCHCOCK

(AIKUE HIKIKOKI).

 

@ A KOKUA MA NA MEA A PAU E

PILI ANA MA KE KANAWAI.

 

@ia ne na Bila Aie, me ka awiwi

Hilo, Hawaii

2114. 1 yr.

 

@A. ROSA.

[AKONI]

 

@OIO A HE Kokua ma ke Kanawai.

 

@ ana Hooiaio Palapala.

 

Keena hana,a ma alanui Kaahumanu

 

EORGE P. KAMAUOHA.

 

Loio a he Kokua ma ke Kanawai.

 

Notari no ka Lehulehu,

Luna Haawi Palapala Ae Mare,

No Kohala Akau, Hawaii,

A HE MEA

 

@ANA AINA

 

@loaa no ma Kohala Akau, Hawaii.

2314-1y

 

W.R. KAKELA.

 

@IO A HE KOKUA MA KE KANWAI

 

He Luna Hooiaio Palapaia

 

Enoch johnson,

(Enoka.)

@ Loio a Kokua ma ke Kanawai,

 

@ o na Ahahookolokolo a pau o keia Aupuni.

 

@na Hooiaio Palapala Kope no ka @apana o Kona, mokupuni o Oahu.

 

@Keena hana, helu 15 alanui Kaahu @nu, ma ke keena mua iho nei o W @Aehi.

2263 1y

 

WILLIAM C. ACHI.

 

            Loio a he Kokua ma ke kanawai @mua o na Aha a pau o keia Aupuni.

 

            @e Notari no ka Lehulehu a Boroka no na waiwai paa.

 

            Keena Oihana, Helu 36, Alanui Kalepa, Honolulu, Oaahu.

2262 tf

 

WILDER & CO. (WAILA MA.)

 

            [@this paragraph very blurred]

 

Kihi Alanu Moiwahiu me Papu

 

JAMES M. MONSARRAT.

(MAUNAKEA.)

 

LOIO A HE KOKUA MA KE KANAWAI

He Luna Hooiaio Palapala.

 

            E hana ia no na Palapala Kuai, Palapala @oolimalima, a me na palapala pili kanawai e @ ma ka olelo Hawaii. Dala no ka hoaie ma @ moraki ma na waiwai paa.

 

            KEENA HANA: Hale Pohaku hou @a ka aoao ma Waikiki o ka Halewai, @lanui Kalepa.

 

J.T. Waterhouse,

(WALAKAHAUKI.)

 

Na Lako Hana Mahiko,

 

A PELA AKU HE NUI WALE.

 

Alanui Moiwahine,  Honolulu

@

 

Gaberiela Lenoa

O KA

Puali Kahiko Imeperiel o Farani.

 

Koa Opio Iloko o na Ulia o ka Laki.

 

Kukala Kaua a Perusia no kekahi Wahine.

 

He Moolelo no ke Au-Weliweli Nui o Europa

 

Ke Kahua Kaua o Auseturika.

 

KA HOOMAKAUKAU NO KE KAHUAKAUA.

 

            O kela mau olelo o ke kauoha a Napoliona i haawi aku ai ia Konela Solage e alakai ana i ka mahele mua o ka Puali Kuresia ua makemake nui oia iloko o ia minute e hamau ka leo o na pukuniahi e eki hoomau nei i na pualikoa wawae o Ilamuku Soula iluna o ka hoopuna o ke kiekiena o Perezen, oia ka na mea a pau iloko o ka Puali Kuresia e noonoo ana iloko o ia minnte,--ua hamama mua ko lakou mau luaku papau e kanu ola ia ai me ko lakou mau lio ke hoao ia kela kiekiena e lawe pio mai e like me ka makemake o ke kauoha.

 

            I ka hala ana aku la o ka mahele mua malalo o Konela Solage iloko o ia manawa i pii aku ai ka mahele elua malalo o ke alakai ana a Mekia Gabe riela Lenoa haawi aku la oia i ke aloha lima akau mai ke kihi aku o kona papalekila a oia ka wa a ka Emepera i puka hou mai ai mai waena mai o kona mau Ilamuku, a haawi mai la oia i kekahi nana loihi ana ia Gaberiela me ka panee ole i kekahi huaolelo.

 

            O na hoomanao ana no kela hoohui mare o ka leede Madimosele Ineza de Rila me ke keikialii Posetama o Perusia, oia na mea i maalo ae mamua o ka helehelena o ka Emepera a me Mekia Gaberiela Ua nana pono mai ka Emepera me ka maka o ka ikaika e like me kona ano mau, e hoike maopopo mai ana hoi i na hoomanao o ka poina ole i ke kanaka mua loa nana i aa e wawahi a ulupa i kana papakuhikuhi hoolala kaua o ka hoohui mare no ka pomaikai pili lahui o Farani. I ka wa i lawa ai o kana nana pono ana, ua pane mai la ka Emepera i keia mau olelo mua o ka haawi kauoha.—

 

            “Ua makemake au ia oe e Mekia Gaberiela e alakai nei i ka mahele elua o ka Puali Kuresiaa, e ukali aku mahope o ka mahele mua o Konela Solage e pii la iluna o kela kiekiena, a na ka puali o Ilamuku Soula e hoopuipui aku i kou kulana hope o ka nee mua. Aia iloko o kela punohu uwahi mahope aku o ka batari o ka enemi, he pualikoa wawae paha kekahi e hoopuipui mai ana i ko lakou kuana hope—aole paha. O ke kauoha e haawiia nei ia oe e ka Media no ka hooko aku, ua makemake nui au maluna ae o na mea a pau, e hamau ka lo o kela mau pukuniahi e ki mai nei—a e lawe pio mai i ke kulana kaua o na batari o ka enemi O ke kauoha aku la ia e ka Meekia a ke manao ni anei oe ua loaa ia oe he manawa e uhaki hou ai i ka`u mau hoolala kaua ana no ka pomaikai o Farani a me kona lahui kanaka o kanakolu miliona—e like me kau i hana ai i kela la aku nei ma ka hoohui mare apuka o ka lede ukali o ka Emeperesa Iosepine ka lede Madimosele Ineza de R@ me ke keikialii Posetama o Perusia?”

 

            Na keia mau olelo a Napoliona i hopuiwa nui aku ia Gaberiela no kela wahi kmuhana mua no o ka inaina o ka Emepera ma kela uhaki hoohui mare, eia no ka iloko o kona mau hoomanao ana o ka hiki ole ke poina na manao huhu pilikino o ia mau la pokole i hala, he mau hana hoi o ke kuleana ole a me ka hanohano ole e lilo ai i kumuhana ano nui iloko o keia la hooili kaua. Ua haawi aku o Gaberiela i ka hoolohe peno no kela mau olelo a ka Emepera a hiki i ka pau ana, a i ka hoi pono ana iho o ko laua mau manao o ka uluku a me ke kuee, oia ka Gaberiela i pane aku ai ia Napoliona.—

 

            “E oluolu mai ia`u e ka Emepera no na mea i hana ia i ka wa i haia, oiai he mea hiki ole ia ke hoihoi hou mai i hapa no na hana o keia la  No ke kauoha e hooko ia ana ia e ka puali malalo o ka`u alakai ana, a ee hamau ana ka leo o kela mau pukuniahi e like me kou makemake—ke ae oe e ka Emepera e haawi mai i manawa no`u e hooko ai ia kauoha iloko o na minute pokole. O kelaa uhaki kanawai o ka hoohui mare, ua hiki mai ka manawa e loaa ai ka huikala ia ma kou aoao ma keia huakai o ke koa—ka wiwo ole—a me ka make hanohano o ka Puali Pale Umauma Kila Kuresia iloko o keia la hakoko o ke kaua.”

 

            Ua nana pono mai ka emepera no keia mau olelo o ka piha haaheo o ka wiwo ole a Gaberiela i hai aku la, a oia kana i pane mai ai i keia mau olelo hope,--

 

            “E hoomanao e ka Mekia i ka`u kauoha paa ia oe: E lawe pio mai i ke kulana kaua o ka enemi. E hamau ka leo o kela mau pukuniahi. A e make oe iloko o keia la hooili kaua, a na kou uhane e halihali aku ka lono o ka noho wahinekanemake ana o ka lede Madimosele kau wahine iloko o kekahi hora o keia auwina la O ke kauoha ia a e hooko oe e ka Mekia.”

 

            Ua haawi aku la o Gaberiela i ke aloha kunou o ka hoolohe kauoha hoowahawaha i ka Emepera, me kona hoomanao ana ae iaia iho, aia he mau manao huhu pilikino o ke ano haahaa lo i ka puuwai o Naoliona no keia wahi hoohui mare kahiko o kana papakunikuhi, oia kana i huli ae ai a haawi i ke kauoha no ka nee ana o ka puali, a kani aku la ka o-l hoailona no ka nee ana ilalo o ke kahua aina haahaa.

 

            Ua haalele iho la ka puali o na koa Pale Umauma Kila i ke kulana o ka Emepera malalo o ka holo kiau ana a ko lakou mau lio, a iloko o na minute pokole aia ka puali k holo la ilalo o ke kahua aina haahaa; iloko hou o na minute pokole, aia lakou i ka lihilihi o ka hoopiina o ke kiekiena o Paarezena a mahope aku hoi o ka mahele mua o Konela Solage i hala aku he mau minute wale no ke kaawale. O keia pii ana aku a na koa li he ekolu tausani me ka hoopuipui ia ana aku e na koa wawae o Ilamuku Soula i aneane e like  me ia ka huina, ua wehe hamama hou mai la na batari o ka enemi ma ke ki ana mai ka lakou mau pukuniahi i na koa Farani e pii aku nei mai ke kahua aina haahaa aku, a loaa koke mai la ka mahele mua o ka Puali Kuesia malalo o Konela Solage i kekahi poino nui o ka weliweli, a na ia mea i wawahi liilii ae i ko lakou mau laina iloko o ka nahaha, e hina ana imua—e wala ana i hope—a o Konela Solage ua ku mai la oia i kekahi poka pukuniahi ma kona opu, haule aku la i ka honua a make loa.

 

            O ke kulana o ka mahele mua Kuresia i nahana iho la, ua hiki aku ka mahele elua malalo o Gaberiela ma ia wahi a lawe ae la i ke kulana alihikaua no na mahele elua iloko o ka pouli uwahi pauda, a malalo o kana alakai ana i kamoe hou aku ai ka puali holookoa no ke kihi akau o ka enemi me ka huna ia e ka uwahi pauda e puhi malie ia ana iloko o ia manawa e kekahi makani kolonahe e pa ana maluna o ke kahua kaua i ke kihi akau no keia helu ae.

(Aole i pau.)

 

            Ke hoopuipui mau ia nei ka olelo Hawaii me na huaolelo Beritania i hoopilipili ia ma na puana. E laa ka huaolelo “laki.” Ka huaolelo “pakalaki”, mai ka huaolelo Beritania “luck;” ka huaolelo “pakalaki,” mai ka huaolelo “bad luck.” Aole i nele na Hawaii i kekahi huaolelo no lakou iho no ka mea, aole i nele kela a me keia lahui o ka honua nei me na haawina “pomaikai” a me pomaikai ole,” i kulike ai me ka manao o kela mau huaolelo Beritania luck me bad luck.

 

            He palapala hooweliweli kai hoouna ia i ka lunakanawai nui o ka Aha Kiekie na ka hohe wale huna iaia iho () ka manao o ua palapala nei, e pili ana no ia i ke kulana nee mua a nee hope o ke aupuni ma na alakai a hoonaauao ana i ka Moiwahine o ke aupuni.

 

ROMIANO;

 

Naita Hapakeko

 

O NA PALI EIWA.

 

Haku-alii Korila o na luahuna,

 

A I OLE

 

Ke Keikialii Kamehai loa ma Italia.

 

MOKUNA X.

 

IMUA O EUROPOA—KA HOOKAHULI AUPUNI PAKAHA

 

            E waihoo mai i na hooponopono ana no ke kuokoa o Italia me a`u a na`u no e haawi i na hoolala ana e hiki ai ke hoohoka ia o Romaiano.

 

            O keia pane a ua naita Apala la oia ka ua poe la o ua ahakaukanawai la i nana pono mai ai maluna ona ma ke ano o ko lakou manaolana hope loa ia, a oiai, ua hoike mua aku ua Apala la i kona manao maloko o ka leta hoike kulana kaua me na olelo, e aho ka nele ana o Italia me ke kulanakauhale ole, a na ia mau olelo i hoopihoihoi ae i ko lakou mahao mana paha o hana aku ua alihikaua a alakai nui la o ko lakou mau mana kaua i na mea e hookahuliia ai ka nohoalii e like me na koi a Romiano.

 

            No laila, mahope o ko lakou noonoo pono ana no keia pane hope a ua kana ka la a ko Italia manaolana hope loa, hooholo iho la lakou e ae aku i na olelo a ua koa a naita la, a o na ahewa koikoi ana no kana mau hana ina oia e kumakaia ana i ke kuokoa o Italia iloko o na lima o romiano ka hapakeko, e kau no ia maluna o kona hokua, no kona auamo ana i na ahewa koikoi loa o ke kipi a me ke kumakaia o ka pakaha a me ka hohe wale.

 

            O ka loaa ana aku o na olelo apono a na hoa hanohano o ka ahakaukanawai, e haawi ana i ka manaolana hope loa o ko Italia kuokoa iloko o na lima o ua naita Apala la oia ka ua Apala nei i lawe koke ae ai i ka mana o ka hana ma ka poho o kona lima me ka hakalia ol, oiai na minute o ko Romiano pii mai a kaili ae i ka nohoalii ua kokoke loa mai

 

             E like me na haawina mau i loaa i ua naita la, ke akahele a me ka pupuahulu ole ma kana mau lawelawe kaua ana, pela no oia i haawi ae ai i na hoolala ana a kona noonoo me ke akahele maluna o ka ninau koi aupuni a Romiano, a no ka hope o kana hoolala ana, hooholo iho la oia i kona manao e haa wi aku oia i kekahi o kana mau puupuu hamare ikaika e wawahi ia ai ka mana o kela koi aupuni kipi a pakaha a Romiano, a ke nele oia ma ia hana ana, alaila, o ko Italia manaolana hope loa ana ia no ke kuokoa a o ka hoouka kaua me ke aho hope loa, oia waqle no ke alahele i koe.

 

            Nolaila, i ka wa i holopono ae ai o na hoolala a ka naita hua ohia no kana papa hoolala kaua, hoouna aku la oia he eha o kona mau koa me ke kauoha paa e lawe lakou i ke kulana o ka aa ana imua o Romiano malalo o ka misiona hooko kauoha o ke apuka.

 

            Wahi a ua naita Apala la i kona mau koa, e lawe i ke kulana hololio, mawaho ae o na palen o ke kulanakauhale, a holo mai me ka puahi nui no ke kahua hoolulu o ko omiano mau mana kaua me ke kahea ana—E ala e Italia—no na pali eiwa no ke kii ana aku i na waiwai pio malalo o ke kauoha a ka naita Apala ka maoho lanakila e noho`lu la i keia wa ma kona mau palena.

 

            Ano e kuu makamaka heluhelu, o keia ae la na olelo apuka wahahee a ka naita Apala i hana ai imua o Romiano, a he mea oiaio, e kuu makamaka, ua hooko ia na hoolala ana a ua naita la o ka hua ohia, aka, e kuu makamaka, na keia mau hana a ua naita la i hapala aku iaia me ka inoa hohe wale mamuli o ka hiki ole ana iaia ke lanakila maluna o Romiano me ka ikaika o na mea kaua, aka nae, e hoea mai ana he la naulu a me ka pouli nui e naka haalu lu ai o Italia malalo o ka mana o Romiano ka hapakeko.

 

MOKUANA XI

KA HAPAKIEKO ILOKO O KA INAINA O

 

KE APUKAIA—KE KEIKIALII ROMIANO KUE I KA NOHOALII

ANA O ITALIA.

 

            E aneane aku ana e pau na hora a Romiano ka hookahuli aupuni i waiho mai ai i kana koi i ka nohoalii o Italia, ia wa i ike ia aku ai he eha mau koa Italia e holo mai ana me ka puahi nui no ke kahua hoolulu o Romiano a me kona mau koa me ko lakou mau leo e kahea ana—e ala e Italia no na pali eiwa—no ke kii ana aku i na waiwai pio malalo o ka naita Apala, ka moho lanakila e nohoalii la i keia wa ma kona mau palena.

 

            Ua hoomau aku ua mau hololio la ma ko lakou alahele o ka puahi me ka hoomaha ole, me ka hakoko ikaika ana me na koa o Romiano a hiki i ko lakou nalowale ana aku ma kela aoao o ke kulanakauhale.

 

            O keia lono i loaa aku la ia Romiano aia kona home pali ua lilo pio malalo oka naita Apala, ua like ia me kekahi puupuu ikaika loa nana i hamae aku ua hapakeko la a oia kana i huli ae ai me na helehelena o ka inaina maluna o kona mau koa a lua aku la i keia mau olelo kakana.

 

            E na koa:--Ko`u poe hoaloha hookahima keia ao; ano e kakua i ka oukou mau mea kaua a e haliu ae i ko oukou mau alo no ko kakou home pali no ka haawi ana aku maluna o kela poe kipi a komohewa i na hoopai weliweli loa no ka lakou mau hana, a ke hoopaa ni o Romiano i kana hoohiki o ke koko, aole loa kekahi o kela poe koa Italia a me kela alihikaua komohewa e hoi ola hou mai iloko nei o Italia ano, e na koa e makaukau me ka oukou mau mea kaua a e huli hoi koke aku no ko kakou mau home pali uahiwi aloha.

 

            Me kela mau olelo puhi ae la ua hapakeko la i kana o le me ka ikaika a iloko o na minute pokole aia ua omiano nei a me kona mau koa e moe ana kaoo no na pali eiwa ka pahu ho pu, me na manaolana e loa aku ana ke kolohe, aka, e ka mea heluhelu ua hooi loa ia mai ka inaina o ua hapakeko la iaia i ike ihoai i kona apuka ino loa ia.

 

            O na hora wehe kaiao, oia ka manawa a Romiano a me kona mau koa i hoea aku ai ma ko lakou home pali, a i ka wa a lakou i ike iho ai no ko lakou apuka ia ana, lua ae la lakou i na hoohiki ino ana me ka olelo paa, e lukku hoomainoino lakou i kela kanaka keia kanaka Italia e loaa aku ana ia lakou ma ko lakou alahele.

 

            O ka phia inaina a me ka huhu o ka hapakeko Romiano, na ia me i kono  hou aku i na manao pakaha eleele loa iloko o ua keko la, e  huli hoi hou aku oia no ka noho alii o Italia a koi kue aku i ka nohoalii me ka ikaika o na mea kaua ina h mea ia ae ala like mai ai na aupuni pookalauna o Europa holookoa a kue mai iai hookahi, aka, o ka wiwo ole a me ka hop ole i loaa i ua hapakeko la, na ia mau mea i haawi aku i na manao hopo ole iloko ona, a aa aku la oia  ku imua o lakou ma na ano a pau o ke kulana koa me ka wiwo ole.

 

            Nolaila, ma ke ahiahi o ka lua o na la o k lakou hoomoana ana ma ko lakou home pali, haawi hou ae la ua Romiano la i ke kauoha i kona mau koa no ka hoomakaukau hou ana ia lakou iho a maki aku i kai o ke kulanakau hale alii me ka ikaika o na mea kaua a koi aku i ka nohoalii o Italia e haawi pio mai lalalo o lakou a i ole o ka hoohanini ia paha o ke koko.

(Aole i pau.)

 

            Ua pakika iho kekahi wahine mai luna iho o ke alanuipii a pahu ana ilalo ma Kepohoni. No ke kahiohio i ka waiona ke kumu. Pakele nae na mea paahana o ke kiko waena mai poloke.

 

NANEA KAMAHAO

 

O KE

 

KEIKIALII

 

ROMEALA;

 

KA

 

Ui Kila Mageneti

 

O Parameri.

 

Ka Nani e haule ai ka Honua;

Ka Mahina Meli o Salaredina;

Ka La alohi oi Mulisedera;

Na Kulu Koko kamahao Ekolu.

 

Na Ui Hookelakela o ke Ao holookoa.

 

Na Nani Puuwai Uahoa o ka Honua nei

 

A O KE

 

Kila Mageneti o ke aloha—“o Parameri no ia.”

 

            Ua panai ia mai keia mau olelo a ua kaikamahine alii la e ka mea nona ka leo i hai mai ai iaia no Romeala i ka i ana mai:

 

            Me ke kupaa o kou puuwai a pau e loaa ai ia oe ka lanakila imua o kela keikialii, a ke ole pela, alaila he aliiwahine oe i ha@le pio malalo ona,

 

            Ua uhola hou ae na hiohiona haikea maluna ao ua ui la no kei9a mau olelo a a leo kamahao a oia kana i pane ae ai e kupaa ana au a hiki i ka hiolo ana o Volegana.

 

            Pane hou mai la ua leo la, ae e kupaa e kuu luhi a hiki i ka hana lepo hope loa o Volegana nei a owau pu kekahi me oe.

 

            Alaila, e ka mea heluhelu, me kela mau olelo mawaena o ke kaikamahine alii a me ke kahu hanai ke kupua Volegana, lalau ae la ua kaikamahinealii la i kekahi kaula gula e lewalewa ana ma ka aoao o kona nohoalii a huki mai la me ka jkaika, a ia wa no i olowalu koke mai ai ka leo o na kiai me ka hualelo hookahi, he kumua, he kipi, he pakaha.

 

            No ka manawa pokole, aia na kiai luli ole o ka halealii Volegana ua makaukau me na mea make a o ua hale alii la hoi, lewa ae la oia iloko o kaa lewa he mau kapuai mai lalo ae o ka lepo a niniu ae la ia me ka ikaika nui me he lua mimilo la ka halulu, a o ia halulu, ua holo aku la ia a lohe ke keikialii Romeala ma kona alahele e hoea mai ai i ka halealii a oia ka ua alii opio la i ninau iho ai i kana ohenana makalii no ua mea la.

 

            E Ludiona ke kamahao, heaha keia mea halulu a`u e lohe nei?

 

            Pane ae la ua wahi Ludiona nei, o na mana ia o Volegana nei e hoao mai la e hooweliweli ia oe, i huli hoi hou aku ai oe ihope me ka naau hohe wale a haalele iho i ka aina o Volegana me ka ike ole i kona mau pohihihi, aka, e kupaa ka manao a e ikaika hoi kou mau manao koa o ka wiwo ole a e hele imua, mai makau no kela mau mea, oiai, ua hala ka make a me ka ehaeha, oiai, ua lanakila oe maluna o laua a o ko laua mana, he pio ia no ka wa mau loa, ano e kuu alii, e ikaika na kapuai, e hele imua a o Ludiona pu kekahi me oe ma ia mea.

 

            Mamuli o keia mau olelo a me na hoike a Ludiona, ua uwila hou ae la na kapuai o ke keikialii Romeala a hoomau aku la i kona alahele no ka halealii o Volegana.

 

            No kekahi mau minute loihi keia hele ana, ike aku la lakou i ka halealii o Volegana  niniu mai ana ia me ka ikaika, a o na lapalapa ahi hoi e kolili ana ia me ka ikaika ma kela a ma keia aoao o ua hale la.

 

            Ike pu aku la no hoi lakou i na kiai e hookala ana i ka oi o ka lakou mau mea make ma kela a me keia wahi o ke alahele a lakou e hele aku nei me ka hooho lokahi ana, ke kupua ke kipi ka pakaha.

 

            Ua holo ae ka haalulu a me ka weliweli maluna o na hoa alo ehuehu o ke keikialii Romeala mamuli o keia mau hiohiona weliweli o ka hookala kupua aka,, no ke keikialii hoi o ka hookelakela, aole loa ia i hoike mai i na helehelena o ka hopohopo, aka, o ka ulumahiehie o na minoaka ana oia ke uhola na maluna o kona mau nanaina.

 

            O ka hookokoke loa ana mi o na la o ua keikialii la e hoea aku ai imua o kona makuakanel, e like me ka laua me i aelike ai, nolaila, lalelale ae la oia i kona mau hoa alo ehuehu me na olelo e hoonaueue ia ai ko lakou mau pouuwai, a he mea oiaio e kuu makama ka heluhelu, na ia mau olelo a ke kila makeneti i hahao hou aku i na manao wiwo ole o ke koa iloko o lakou; a lalapa ae la ia me he pauda la e hoowela ana i ko lakou mau aakoko, a oia ka lakou i hooholo iho ai e ukali mahope o na kapuai o ko lakou haku opio aa hiki i ka make like ana.

 

            Nolaila, me ka leo hookahi, halelu like ae la lakou me ka huaoleelo o ka haaheo, o Romeala ka loea o ke ao, ka mea i ponua e Alahe e lilo i kila makeneti e haule ai ka honua, aole me ka oi o na medala kila, aole me ka ikaika o na pualikoa, aka, me ke kamumumu o ke aheahe malie.

 

            Nani ka huilaa o Kilauea

            Lawe malie i ka lai

            Kowali lua a hoolailai

            Kapalili i ka ili o ke kai.

 

            O keia mau leo hooho o na hoa alo ehuehu o ke keikialii Romeala, ua holo aku la ko lakou o wawahi aku la i  na pahu lohe o na kiai luli ole o Volegana a o ka ua poe kiai la i haehae ae ai i na paia lewa me na leo ahiu:

 

            Ha—sa—na—he kupua!

            Sa—he kipi!

 

            O kela mau leo kalahea ahiu o na kiai o Volegana aole loa ia e hiki ke hookuemi mai i na kapuai hele mua o keikialii Romeala a aole hoi i ka weliweli o ka lakou mau mea make ke wawahi i ke kupaa a me ka wiwo ole o ka puuwai o ua keikialii la.

 

            O na hoao lehulehu ana a na kiai o Volegana e hooweliweli mai ia Romeala, ua hiki ole ia ke lanakila, nolaila, ua kahea hou ae la lakou me ka leo nui e

 

            Haehae ka manu

            Oi aleale ku wai.

 

            Aka, e ka mea heluhelu, o ia mau hoao ana, he hooulu la makani wale iho no, oiai, o ke koa a me ke kuemi hope ole o na kapuai o ke keikialii Romeala na ia mea i hoohiolo mua loa aku ka mana o ua poe kiai luli ole la o Volegana, a na ka mana o Ludiona ke kamahao i kipaku aku ia lakou e auhee liilii i o a ianei me ka haalele ana i ka hanohano o ko lakou kahua kiai.

 

            Ano, e kuu makamaka, eia kaua ke ike neei i na kiai luli ole o Volegana ua auhee, o ka haaheo a me ka lanakila oia ka ke keikialii Romeala a me kona mau hoaheeol i lawe ae ai a lilo ma ka iniki ana iho i na mele i haku ia no ua alii opi hookelakela la.

 

            Romeala ka ui

            Ka nani o na pua

            Ka mea i poni ia

            I loea no ke ao

            E haule ai ka honna

            A hiolo mai na lani.

 

            O ke auhee ana aku o na kiai mai luna aku o ko lakou kahua o ka hana, na ia mea i hoike aku i ke aliiwahine Ane, ua nahaha a ua weluwelu ka mana o kona mau kiai a oia kana i hoomanao iho ai he loea io ke keikialii Romeala.

 

            Nolaila haawi ae la ia i na hilinai hope loa ana maluna o ka mana o kona nohoalii a me ke kupaa o kona puuwai, a ke hulihia kela mau mea i ke keikialii hoowalewale, alaila he ui oia i kahakaha ia kona lae he pio i haule malalo o Romeala.

 

            Aka e ka mea heluhelu, mamua ae o ka holopono ana o na hoolala ana e na noonoo o ua aliiwahine la, aia hoi, poha aku la ka leo o ua keikialii la me he ahiuhiu Waikoloa la ka li puanuanu i na pana puuwai o ke kaikamahinealii i ka i ana aku.

 

            E Ane! E Ane! Ka ui hoomahiehie o Volegana—Eia au o ka nani o na pua—Ka ipo hoohie a keia mau ui lehulehu, a i kipa mai nei ma kou hale alii no ka poni ana aku ia oe i pua hope loa e lawa ai ka lei kalaunu o Parameri. Nolaila e hoomanawanui iki ka ono o na makamaka heluhelu o keia moolelo a huai hou ia aku i keia pule ae me kona ikaika piha.