Ka Nupepa Kuokoa, Volume XXX, Number 7, 14 February 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Poanono February 14, 1891

 

Na Pihe Kumakena

 

HUE'A KE ALOHA

Ka Makee Alii.

 

Ike'a ma ka Waimaka i ka Hoo-

hanini mawaho.

 

Na Olelo Ho'aloha'loha

  Malalo iho ka moolelo o na halawai a na makaaina i malamaia ma ko la kou mau wahi iho, me na manao hoaloha'loha i hooholoia mai ia mau hala wai no ka ohana alii.

 

I ka Mea Kiekie KAPIOLANI,

            Ka Moiwahine Kanemake

  E ka Makua - Mamuli o ka lono kaumaha i pahola maluna o ka lahui, oiai, ua oluolu i ka Mea Mana Loa @eko o Kona ahonui palena ole, a me Kona noonoo kupaianaha, ka lawe ana 'ku i ke ola makamae o ke Alii ka Moi ka Makuakane o ka lanui.

  A no ka mea, o ka pilikia i ili iho maluna Ou, ua kau pu ia kaumaha maluna o na mea a pai, a o ka ehaeha i loaa ia Oe, ua ili pu ia ehaeha maluna o ka lahui. 

  Nolaila, ma ka inoa o ka Ahahui Hooulu a Huola Lahui o Wailuku, Maui, e hooholoia --

  Ke koto pu nei na Luna Nui a me na lala a pai a ka Ahahui i olelo mua ia, iloko o ke kanikau kumakena pu me Oe; a e hooholo hou ia --

  Oiai Oe e noho ana iloko o ke kaumaha me ka paumako a me ka ehaeha walania, ke pule nei makou i ke Kahikolu Mana Loa e hoomama mai i Kou mau kaumaha a pau, a e ae pu aku kakou o Kona makemake ke hanaia, aole o ko ke kanaka.

  Kau mau kauwa haahaa a hoolohe.

            Rose Kepoikai,

            Peresidena;

            Caroline E. Richardson,

            Kakauolelo;

            Kaehuwahanui Kuihelani,

            Puuku;

            Polly Kalua --Lala a hoa.

 

I ka Mea Kiekie

            Liliuokalani

  Ka Hooilina o ka Noho Alii a Moiwahine o ke kalaunu o Hawaii.

  O makou na Lala o ka Ahahui Hooulu a Hoola Lahui o Wailuku, Maui, ma o ko makou komite la.  Oiai, mamuli o ka lono kaumaha i loaa mai nei, ua oluolu i ka Mea Mana Loa iloko o Kona noonoo kupaiamaha, a luli ole, ea lawe aku Oia i ke ola makamae o Kou Kaikunane Haku, ia @Davida Laamea Kalakaua I., ka Moi o ko Hawaii Pae Aina i aloha nui ia.  A oiai, iloko o keia wa kupilikii Ou e ke 'L@ a me ka lahui, ua kau iho maluna Ou ke kaumaha me ka ehaeha o ke aloha nui a me ke kulipolipo haakokohi Kaikunane Haku Alii, a nolaila, ke komo pu aku nei makou me oe iloko o ia haawina hookahi, e uwe a e kumakena pu aku me ka ehaeha mao ole.

  A ke pule nei makou i ka Mea Mana Loa, e hoomama ia mai Oe mai na kaumaha a pau.

  O makou no kau mau kauwa.

  Polly Kalua, Caroline E. Richardson, Kaehuwahanui Kuihelani.

  Wailuku, Maui. Jan. 30, 1891.

 

  I ka Mea Kiekie ka Moiwahine

            Kapiolani, Kanemake.

  E ka Makua aloha -- O makou o na hoahanau o ka Ekalesia Hoolepope o Wailuku, ma o ko makou mau Lunakahiko la, kekahi o Kou mau makaainana aloha e noho ana ma ka apana o Wailuku, Maui.

  A no ka mea hoi, mamuli o ka lono kaumaha i pahola ae iwaena o ka lahui e pili ana i ka make ana o ko makou Moi i aloha nui ia, ka Lani KALAKAUA ka Moi, nolaila.

  Hooholoia -- Ke koto pu aku 'nei makou me Oe i ke kaumaha, ka @, ka luuluu pu ana hoi e ka uhana, no ka hala ana o kau Lani ka Moi Kalakaua, i ke ala o ka make, ka hopena hoi o na mea a pau. 

  Hoololoia -- Ke nonoi nei ka leo o ka makou pule ana i ko ke Akua aloha palena, 'ole, e hoomama ae i Kou naau kaumaha a luuluu hoi, me ka malama pu ana hoi ia Oe e ko makou Moiwahine aloha nui loa.

  O makou iho no kau poe kauwa, meka haahaa.  -- P. Keaupuni, John W. Kalua, Hoopii, W. B. Keanu, P. Mahi, Aia@, S. E. Kaiue, M. P. Waiwaiole.  Wailuku, Maui, Jan. 30, 1891.

 

  I ka Mea Kikei

            LILIUOKALANI.

  Ka Hooilina a ,'Moiwahine hoi o ke kalaunu o ke aupuni Hawaii.

  O makou o na hoahanau o ka Ekalesia Hoolepope @ Wailuku, ma o ko makou mau Lunakahiko la, kekahi o Kou mau makaaina aloha noho ana ma ka apana o Wailuku, Maui.

  A no ka mea hoi, mamuli o ka lono kaumaha i paho'a ae iwaena o ka lahui e pili ana i ka make ana o Kou Kaieanane  Haku i aloha nui ia, ka Lani KALAKAUA Moi nolaila.

  Hoohooia -- Ke koto pu aku nei makou me Oe i ke kumakena, ka u, ka luuluu pu ana hoi o ka uhane, no ka hala ana o ka Lani, Kou Haku hanau mua ma ke kino i ke ala o ka make, kahopena hoi o na mea a pau.

  Hooholoia -- Ke nonoi nei ka leo o ka makou pule ana i ko ke.  Akua aloha palena ole, e hoomama ae i Kou naau kaumaha a luuluu hoi, me ka ma'ama pu ana hoi ia Oe.

  O makou iho no kau poe kauwa, me ka haahaa --P. Keaupuni, John W. Kalua, Hoopii, W. R. Keanu, P. Mahi, Aiai, S. F. Kaiue, M. P. Waiwaiole.  Wailuku, Maui, Jan. 30, 1891

 

I ke Alii, ka Moiwahine Kanemake

            NAPELAKAPU KAPIOLANI.

            Ka Makuahine o ka Lahui.

  O makou na lala o ka Ahahi Hooulu a Hoola Lahui, ka makia paa o ko olua aupuni, e noho ana ma Laie, apana o Koolauloa, mokupuni o Oahu, ma o ko makou mau komite la.

  Me ka mahiehie o ke aloha a makee Alii i kamakama ia maluna iho o na poohiwi o ko ke Alii ka Moi mau makaaianana puuwai, ua po-ha mai la he leo kanikau pihe, lihaliha kumakena, a he paiauma ana o ke kupinai, no ke kanikau a ka Moi lokomaikai o ko Hawaii Pae Aina, ua nalo, ua haia, ua akoia ka liko, ke ola, ka hanu hope loa ma ka aina malihini.  o ke Alii lokomai kai ahonui palena ole, ka Moi Kalakaua I., au kuu ke aho o keia ola ana, a au hala aku ma kela aoao; no@ula,

  Hooholoia -- Omakou o na lala o ka Ahahui Hooulu Hoola Lahui o ke Alii ka Moi o ko Hawaii Pae Aina, e noho ana ma ka aina o Laie, me ke aloha walohia, me ka naau i poniia me ka naauauwa o ke aloha Alii, a me na puuwai i kipona ia e ka ehaeha me ke kaumaha i ko ke Alii ka Moi Kalakaua haalele ana mai ia Oe e noho @ me ka paiauma i ke aloha nui Nona.